| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
53. бхигкунийд̣̇уусагавад̇т̇у
53. Bhikkhunīdūsakavatthu
115. д̇зна ко бана самаязна самб̣ахулаа бхигкунияо саагзд̇аа саавад̇т̇им̣ ад̣̇д̇хаанамаг̇г̇аббадибаннаа хонд̇и. анд̇араамаг̇г̇з жораа нигкамид̇ваа згажжаа бхигкунияо ажчинд̣̇им̣су, згажжаа бхигкунияо д̣̇уусзсум̣. саавад̇т̇ияаа рааж̇абхадаа нигкамид̇ваа згажжз жорз аг̇г̇ахзсум̣, згажжз жораа балааяим̣су. яз д̇з балааяим̣су, д̇з бхигкуусу баб̣б̣аж̇им̣су. яз д̇з г̇ахид̇аа, д̇з вад̇хааяа онияяанд̇и. ад̣̇д̣̇асам̣су ко д̇з балааяид̇ваа баб̣б̣аж̇ид̇аа д̇з жорз вад̇хааяа онияяамаанз, д̣̇исваана звамаахам̣су ‘‘саад̇ху ко маяам̣ балааяимхаа, сажаа жа маяам̣ г̇аяхзяяаама, маяамби звамзва хан̃н̃зяяаамаа’’д̇и. бхигкуу звамаахам̣су ‘‘гим̣ бана д̇умхз, аавусо, агад̇т̇аа’’д̇и. ат̇а ко д̇з баб̣б̣аж̇ид̇аа бхигкуунам̣ зд̇амад̇т̇ам̣ аарожзсум̣. бхигкуу бхаг̇авад̇о зд̇амад̇т̇ам̣ аарожзсум̣. бхигкунид̣̇уусаго, бхигкавз , анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣од̇и. сан̇гхабхзд̣̇аго, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣од̇и. лохид̇уббаад̣̇аго, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣од̇и.
115. Tena kho pana samayena sambahulā bhikkhuniyo sāketā sāvatthiṃ addhānamaggappaṭipannā honti. Antarāmagge corā nikkhamitvā ekaccā bhikkhuniyo acchindiṃsu, ekaccā bhikkhuniyo dūsesuṃ. Sāvatthiyā rājabhaṭā nikkhamitvā ekacce core aggahesuṃ, ekacce corā palāyiṃsu. Ye te palāyiṃsu, te bhikkhūsu pabbajiṃsu. Ye te gahitā, te vadhāya oniyyanti. Addasaṃsu kho te palāyitvā pabbajitā te core vadhāya oniyyamāne, disvāna evamāhaṃsu ‘‘sādhu kho mayaṃ palāyimhā, sacā ca mayaṃ gayheyyāma, mayampi evameva haññeyyāmā’’ti. Bhikkhū evamāhaṃsu ‘‘kiṃ pana tumhe, āvuso, akatthā’’ti. Atha kho te pabbajitā bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. Bhikkhunidūsako, bhikkhave , anupasampanno na upasampādetabbo, upasampanno nāsetabboti. Saṅghabhedako, bhikkhave, anupasampanno na upasampādetabbo, upasampanno nāsetabboti. Lohituppādako, bhikkhave, anupasampanno na upasampādetabbo, upasampanno nāsetabboti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / маад̇угхаад̇агаад̣̇ивад̇т̇угат̇аа • Mātughātakādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / маад̇угхаад̇агаад̣̇ивад̇т̇угат̇ааван̣н̣анаа • Mātughātakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / маад̇угхаад̇агаад̣̇ивад̇т̇угат̇ааван̣н̣анаа • Mātughātakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / маад̇угхаад̇агаад̣̇игат̇ааван̣н̣анаа • Mātughātakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 50. маад̇угхаад̇агаад̣̇ивад̇т̇угат̇аа • 50. Mātughātakādivatthukathā
