| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੫੩. ਭਿਕ੍ਖੁਨੀਦੂਸਕવਤ੍ਥੁ
53. Bhikkhunīdūsakavatthu
੧੧੫. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੁਨਿਯੋ ਸਾਕੇਤਾ ਸਾવਤ੍ਥਿਂ ਅਦ੍ਧਾਨਮਗ੍ਗਪ੍ਪਟਿਪਨ੍ਨਾ ਹੋਨ੍ਤਿ। ਅਨ੍ਤਰਾਮਗ੍ਗੇ ਚੋਰਾ ਨਿਕ੍ਖਮਿਤ੍વਾ ਏਕਚ੍ਚਾ ਭਿਕ੍ਖੁਨਿਯੋ ਅਚ੍ਛਿਨ੍ਦਿਂਸੁ, ਏਕਚ੍ਚਾ ਭਿਕ੍ਖੁਨਿਯੋ ਦੂਸੇਸੁਂ। ਸਾવਤ੍ਥਿਯਾ ਰਾਜਭਟਾ ਨਿਕ੍ਖਮਿਤ੍વਾ ਏਕਚ੍ਚੇ ਚੋਰੇ ਅਗ੍ਗਹੇਸੁਂ, ਏਕਚ੍ਚੇ ਚੋਰਾ ਪਲਾਯਿਂਸੁ। ਯੇ ਤੇ ਪਲਾਯਿਂਸੁ, ਤੇ ਭਿਕ੍ਖੂਸੁ ਪਬ੍ਬਜਿਂਸੁ। ਯੇ ਤੇ ਗਹਿਤਾ, ਤੇ વਧਾਯ ਓਨਿਯ੍ਯਨ੍ਤਿ। ਅਦ੍ਦਸਂਸੁ ਖੋ ਤੇ ਪਲਾਯਿਤ੍વਾ ਪਬ੍ਬਜਿਤਾ ਤੇ ਚੋਰੇ વਧਾਯ ਓਨਿਯ੍ਯਮਾਨੇ, ਦਿਸ੍વਾਨ ਏવਮਾਹਂਸੁ ‘‘ਸਾਧੁ ਖੋ ਮਯਂ ਪਲਾਯਿਮ੍ਹਾ, ਸਚਾ ਚ ਮਯਂ ਗਯ੍ਹੇਯ੍ਯਾਮ, ਮਯਮ੍ਪਿ ਏવਮੇવ ਹਞ੍ਞੇਯ੍ਯਾਮਾ’’ਤਿ। ਭਿਕ੍ਖੂ ਏવਮਾਹਂਸੁ ‘‘ਕਿਂ ਪਨ ਤੁਮ੍ਹੇ, ਆવੁਸੋ, ਅਕਤ੍ਥਾ’’ਤਿ। ਅਥ ਖੋ ਤੇ ਪਬ੍ਬਜਿਤਾ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ। ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਭਿਕ੍ਖੁਨਿਦੂਸਕੋ, ਭਿਕ੍ਖવੇ , ਅਨੁਪਸਮ੍ਪਨ੍ਨੋ ਨ ਉਪਸਮ੍ਪਾਦੇਤਬ੍ਬੋ, ਉਪਸਮ੍ਪਨ੍ਨੋ ਨਾਸੇਤਬ੍ਬੋਤਿ। ਸਙ੍ਘਭੇਦਕੋ, ਭਿਕ੍ਖવੇ, ਅਨੁਪਸਮ੍ਪਨ੍ਨੋ ਨ ਉਪਸਮ੍ਪਾਦੇਤਬ੍ਬੋ, ਉਪਸਮ੍ਪਨ੍ਨੋ ਨਾਸੇਤਬ੍ਬੋਤਿ। ਲੋਹਿਤੁਪ੍ਪਾਦਕੋ, ਭਿਕ੍ਖવੇ, ਅਨੁਪਸਮ੍ਪਨ੍ਨੋ ਨ ਉਪਸਮ੍ਪਾਦੇਤਬ੍ਬੋ, ਉਪਸਮ੍ਪਨ੍ਨੋ ਨਾਸੇਤਬ੍ਬੋਤਿ।
115. Tena kho pana samayena sambahulā bhikkhuniyo sāketā sāvatthiṃ addhānamaggappaṭipannā honti. Antarāmagge corā nikkhamitvā ekaccā bhikkhuniyo acchindiṃsu, ekaccā bhikkhuniyo dūsesuṃ. Sāvatthiyā rājabhaṭā nikkhamitvā ekacce core aggahesuṃ, ekacce corā palāyiṃsu. Ye te palāyiṃsu, te bhikkhūsu pabbajiṃsu. Ye te gahitā, te vadhāya oniyyanti. Addasaṃsu kho te palāyitvā pabbajitā te core vadhāya oniyyamāne, disvāna evamāhaṃsu ‘‘sādhu kho mayaṃ palāyimhā, sacā ca mayaṃ gayheyyāma, mayampi evameva haññeyyāmā’’ti. Bhikkhū evamāhaṃsu ‘‘kiṃ pana tumhe, āvuso, akatthā’’ti. Atha kho te pabbajitā bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. Bhikkhunidūsako, bhikkhave , anupasampanno na upasampādetabbo, upasampanno nāsetabboti. Saṅghabhedako, bhikkhave, anupasampanno na upasampādetabbo, upasampanno nāsetabboti. Lohituppādako, bhikkhave, anupasampanno na upasampādetabbo, upasampanno nāsetabboti.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਮਾਤੁਘਾਤਕਾਦਿવਤ੍ਥੁਕਥਾ • Mātughātakādivatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਮਾਤੁਘਾਤਕਾਦਿવਤ੍ਥੁਕਥਾવਣ੍ਣਨਾ • Mātughātakādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਮਾਤੁਘਾਤਕਾਦਿવਤ੍ਥੁਕਥਾવਣ੍ਣਨਾ • Mātughātakādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਮਾਤੁਘਾਤਕਾਦਿਕਥਾવਣ੍ਣਨਾ • Mātughātakādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫੦. ਮਾਤੁਘਾਤਕਾਦਿવਤ੍ਥੁਕਥਾ • 50. Mātughātakādivatthukathā
