| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
бхигкунигканд̇хагагат̇ааван̣н̣анаа
Bhikkhunikkhandhakakathāvaṇṇanā
2952. виварид̇ваана жийварам̣ абанзд̇ваа.
2952.Vivaritvāna cīvaraṃ apanetvā.
2953. яам̣ гин̃жи самбаяож̇знд̇ияаад̇и яам̣ гин̃жи анаажаарам̣ гаронд̇ияаа. д̇ад̇од̇и д̇зна анаажаарасан̇каад̇зна асад̣̇д̇хаммзна. бхаасанд̇ияаад̇и ваажааяа бхаасанд̇ияаа.
2953.Yaṃ kiñci sampayojentiyāti yaṃ kiñci anācāraṃ karontiyā. Tatoti tena anācārasaṅkhātena asaddhammena. Bhāsantiyāti vācāya bhāsantiyā.
2954-6. д̣̇ийгханд̇и згабаригкзбад̇о д̣̇ийгхам̣. вилийвзна жа баддзнаад̇и сан̣хзхиби вилийвзхи гад̇абаддзна. жаммабаддзнаад̇и жаммамаяабаддзна. д̣̇уссабаддзнаад̇и сзд̇авад̇т̇зна. д̣̇уссавзн̣ияаад̇и д̣̇уссзна г̇ан̣тид̇авзн̣ияаа. д̣̇уссаваддияаад̇и д̣̇уссзна гад̇аваддияаа . на паасугаа намзд̇аб̣б̣аад̇и маж̇жхимасса д̇анубхаавад̇т̇ааяа г̇аамад̣̇ааригаа вияа паасулигаа на наамзд̇аб̣б̣аа. ж̇агхананд̇и муд̇д̇агаран̣аббад̣̇зсам̣. адтигаад̣̇инаад̇и г̇ож̇аан̣удтигаад̣̇инаа. на гхам̣саабзяяаад̇и на гхаддаабзяяа. ‘‘адтигаад̣̇инаа’’д̇и ид̣̇ам̣ ‘‘на гхам̣саабзяяаа’’д̇и иминаа жа ‘‘годдаабзд̇ий’’д̇и иминаа гирияаабад̣̇зна жа самб̣анд̇хид̇аб̣б̣ам̣.
2954-6.Dīghanti ekaparikkhepato dīghaṃ. Vilīvena ca paṭṭenāti saṇhehipi vilīvehi katapaṭṭena. Cammapaṭṭenāti cammamayapaṭṭena. Dussapaṭṭenāti setavatthena. Dussaveṇiyāti dussena gaṇṭhitaveṇiyā. Dussavaṭṭiyāti dussena katavaṭṭiyā . Na phāsukā nametabbāti majjhimassa tanubhāvatthāya gāmadārikā viya phāsulikā na nāmetabbā. Jaghananti muttakaraṇappadesaṃ. Aṭṭhikādināti gojāṇuṭṭhikādinā. Na ghaṃsāpeyyāti na ghaṭṭāpeyya. ‘‘Aṭṭhikādinā’’ti idaṃ ‘‘na ghaṃsāpeyyā’’ti iminā ca ‘‘koṭṭāpetī’’ti iminā kiriyāpadena ca sambandhitabbaṃ.
2957. ‘‘годдаабзд̇ий’’д̇и ид̣̇ам̣ ‘‘хад̇т̇ам̣ ваа’’д̇иаад̣̇ийхи убаяог̇анд̇абад̣̇зхи бажжзгам̣ яож̇зд̇аб̣б̣ам̣. хад̇т̇анд̇и аг̇г̇аб̣аахам̣. хад̇т̇агожчанд̇и бидтихад̇т̇ам̣. баад̣̇анд̇и ж̇ан̇гхам̣.
2957.‘‘Koṭṭāpetī’’ti idaṃ ‘‘hatthaṃ vā’’tiādīhi upayogantapadehi paccekaṃ yojetabbaṃ. Hatthanti aggabāhaṃ. Hatthakocchanti piṭṭhihatthaṃ. Pādanti jaṅghaṃ.
2958. на мукам̣ лимбид̇аб̣б̣анд̇и чавибасаад̣̇агарзна д̇иласаасабагаггаад̣̇инаа анзгавид̇хзна лимбанзна на лимбид̇аб̣б̣ам̣. на жун̣н̣зд̇аб̣б̣анд̇и мукажун̣н̣алзбанам̣ на гаад̇аб̣б̣ам̣. маносилааяа мукам̣ лан̃ж̇анд̇ияаа аабад̇д̇и сияаад̇и яож̇анаа.
2958.Na mukhaṃ limpitabbanti chavipasādakarena tilasāsapakakkādinā anekavidhena limpanena na limpitabbaṃ. Na cuṇṇetabbanti mukhacuṇṇalepanaṃ na kātabbaṃ. Manosilāya mukhaṃ lañjantiyā āpatti siyāti yojanā.
2959. ан̇г̇арааг̇о на гаад̇аб̣б̣од̇и халид̣̇д̣̇игун̇гумаад̣̇ийхи сарийражчавирааг̇о на гаад̇аб̣б̣о. аван̇г̇ам̣ на жа гаад̇аб̣б̣анд̇и ан̃ж̇анам̣ б̣ахи агкигодияаа лзкам̣ табзд̇ваа на ан̃ж̇ид̇аб̣б̣ам̣. на гаад̇аб̣б̣ам̣ висзсаганд̇и г̇ан̣д̣абад̣̇зсз вижид̇расан̣таанам̣ висзсагам̣ вад̇д̇абхан̇г̇ам̣ на гаад̇аб̣б̣ам̣.
2959.Aṅgarāgo na kātabboti haliddikuṅkumādīhi sarīracchavirāgo na kātabbo. Avaṅgaṃ na ca kātabbanti añjanaṃ bahi akkhikoṭiyā lekhaṃ ṭhapetvā na añjitabbaṃ. Na kātabbaṃ visesakanti gaṇḍapadese vicitrasaṇṭhānaṃ visesakaṃ vattabhaṅgaṃ na kātabbaṃ.
2960. ологанагад̇од̇и ваад̇абаанад̇о. рааг̇аад̇и гаамарааг̇зна. ологзд̇унд̇и анд̇аравийт̇им̣ вилогзд̇ум̣, саалогз на жа таад̇аб̣б̣анд̇и яож̇анаа. саалогз д̣̇ваарам̣ виварид̇ваа убад̣дхагааяам̣ д̣̇ассзнд̇ийхи на таад̇аб̣б̣ам̣. санажжанд̇и надасамаж̇ж̇ам̣.
2960.Olokanakatoti vātapānato. Rāgāti kāmarāgena. Oloketunti antaravīthiṃ viloketuṃ, sāloke na ca ṭhātabbanti yojanā. Sāloke dvāraṃ vivaritvā upaḍḍhakāyaṃ dassentīhi na ṭhātabbaṃ. Sanaccanti naṭasamajjaṃ.
2961. г̇ан̣игам̣ вудтаабзнд̇ияаа взсим̣ вудтаабзнд̇ияаа. ‘‘виггин̣анд̇ияаа’’д̇и ид̣̇ам̣ ‘‘сура’’нд̇иаад̣̇ийхи убаяог̇анд̇абад̣̇зхи бажжзгам̣ яож̇зд̇аб̣б̣ам̣.
2961.Gaṇikaṃ vuṭṭhāpentiyā vesiṃ vuṭṭhāpentiyā. ‘‘Vikkiṇantiyā’’ti idaṃ ‘‘sura’’ntiādīhi upayogantapadehi paccekaṃ yojetabbaṃ.
2963. на жзвубадтаабзд̇аб̣б̣од̇и ад̇д̇ано взяяааважжам̣ нзва гаараабзд̇аб̣б̣о. д̇иражчаанаг̇ад̇оби д̣̇аасо ваа д̣̇аасий ваа д̇иражчаанаг̇ад̇оби гаммагаро ваа на жзва убадтаабзд̇аб̣б̣о нзва ад̇д̇ано взяяааважжам̣ гаараабзд̇аб̣б̣о. аби-сад̣̇д̣̇зна баг̇зва мануссабхууд̇од̇и д̣̇ийбзд̇и.
2963.Nacevupaṭṭhāpetabboti attano veyyāvaccaṃ neva kārāpetabbo. Tiracchānagatopi dāso vā dāsī vā tiracchānagatopi kammakaro vā na ceva upaṭṭhāpetabbo neva attano veyyāvaccaṃ kārāpetabbo. Api-saddena pageva manussabhūtoti dīpeti.
2964. ‘‘саб̣б̣анийлаад̣̇и’’нд̇и иминаа –
2964.‘‘Sabbanīlādi’’nti iminā –
‘‘саб̣б̣анийлагаман̃ж̇здта-ган̣халохид̇абийд̇агз;
‘‘Sabbanīlakamañjeṭṭha-kaṇhalohitapītake;
махаанаамамахааран̇г̇а-рад̇д̇зсуу’’д̇и. (ви. ви. 598) –
Mahānāmamahāraṅga-rattesū’’ti. (vi. vi. 598) –
вуд̇д̇аани агаббияажийвараани сан̇г̇ахид̇аани. ‘‘намад̇агам̣ наама зл̣агаломзхи гад̇ам̣ авааяимам̣ жаммакан̣д̣абарибхог̇зна барибхун̃ж̇ид̇аб̣б̣а’’нд̇и (жуул̣ава. адта. 264) адтагат̇ааяа вуд̇д̇ад̇д̇аа, г̇ан̣тибад̣̇з жа ‘‘сант̇аран̣асад̣̇исо билод̇игаахи гад̇о баригкаарависзсо’’д̇и вуд̇д̇ад̇д̇аа жа нибаж̇ж̇ааяа барибхун̃ж̇ид̇аб̣б̣о баригкаарависзсо намад̇агам̣ наама.
Vuttāni akappiyacīvarāni saṅgahitāni. ‘‘Namatakaṃ nāma eḷakalomehi kataṃ avāyimaṃ cammakhaṇḍaparibhogena paribhuñjitabba’’nti (cūḷava. aṭṭha. 264) aṭṭhakathāya vuttattā, gaṇṭhipade ca ‘‘santharaṇasadiso pilotikāhi kato parikkhāraviseso’’ti vuttattā ca nipajjāya paribhuñjitabbo parikkhāraviseso namatakaṃ nāma.
2965. чаннамби бурисаб̣яан̃ж̇анам̣ ‘‘зд̇т̇аа’’д̇и жинд̇зд̇ваа рааг̇ажид̇д̇зна ологзнд̇ияаа д̣̇уггадам̣ ход̇и. саб̣б̣анд̇и вуд̇д̇аббагаарам̣ саб̣б̣ам̣.
2965. Channampi purisabyañjanaṃ ‘‘etthā’’ti cintetvā rāgacittena olokentiyā dukkaṭaṃ hoti. Sabbanti vuttappakāraṃ sabbaṃ.
2966. бхигкум̣ д̣̇уурад̇ова бассид̇ваа д̇асса бхигкуно д̣̇уурад̇о оггамид̇ваана маг̇г̇о д̣̇аад̇аб̣б̣од̇и яож̇анаа.
2966. Bhikkhuṃ dūratova passitvā tassa bhikkhuno dūrato okkamitvāna maggo dātabboti yojanā.
2967. бхигкам̣ жаранд̇ияаа бхигкунияаа бхигкум̣ бассид̇ваа бана язна бхигкааяа жарад̇и, д̇ам̣ бад̇д̇ам̣ нийхарид̇ваа убари чаад̣̇зд̇ваа тид̇ам̣ сан̇гхаадижийварам̣ абанзд̇ваа уггуж̇ж̇ам̣ уд̣̇д̇хам̣мукам̣ гад̇ваа бхигкуно д̣̇ассзд̇аб̣б̣анд̇и яож̇анаа.
2967. Bhikkhaṃ carantiyā bhikkhuniyā bhikkhuṃ passitvā pana yena bhikkhāya carati, taṃ pattaṃ nīharitvā upari chādetvā ṭhitaṃ saṅghāṭicīvaraṃ apanetvā ukkujjaṃ uddhaṃmukhaṃ katvā bhikkhuno dassetabbanti yojanā.
2968. уд̇унийнам̣ бхигкунийнам̣ уд̇угаалз сан̃ж̇аад̇абубпз гаалз сам̣взллигам̣ гаад̇ум̣ гажчам̣ б̣анд̇хид̇ум̣ махзсинаа гадисуд̇д̇агам̣ анун̃н̃аад̇анд̇и яож̇анаа, иминаа ан̃н̃асмим̣ гаалз гадисуд̇д̇агам̣ б̣анд̇хид̇ум̣ на ваддад̇ийд̇и д̣̇ийбзд̇и. яат̇ааха – ‘‘на, бхигкавз, бхигкунияаа саб̣б̣агаалам̣ гадисуд̇д̇агам̣ д̇хаарзд̇аб̣б̣ам̣, яаа д̇хаарзяяа, аабад̇д̇и д̣̇уггадасса. ануж̇аанаами, бхигкавз, уд̇унияаа гадисуд̇д̇ага’’нд̇и (жуул̣ава. 422).
2968.Utunīnaṃ bhikkhunīnaṃ utukāle sañjātapupphe kāle saṃvellikaṃ kātuṃ kacchaṃ bandhituṃ mahesinā kaṭisuttakaṃ anuññātanti yojanā, iminā aññasmiṃ kāle kaṭisuttakaṃ bandhituṃ na vaṭṭatīti dīpeti. Yathāha – ‘‘na, bhikkhave, bhikkhuniyā sabbakālaṃ kaṭisuttakaṃ dhāretabbaṃ, yā dhāreyya, āpatti dukkaṭassa. Anujānāmi, bhikkhave, utuniyā kaṭisuttaka’’nti (cūḷava. 422).
2969. ид̇т̇ибосаяуд̇анд̇и ид̇т̇ийхи ваа бурисзхи ваа ид̇т̇ибурисзхи ваа яуд̇д̇ам̣. ид̇т̇ибосаяуд̇д̇ам̣ хад̇т̇аваддагамзва ваа. баадан̇гийд̇и бадабоддалигам̣.
2969.Itthiposayutanti itthīhi vā purisehi vā itthipurisehi vā yuttaṃ. Itthiposayuttaṃ hatthavaṭṭakameva vā. Pāṭaṅkīti paṭapoṭṭalikaṃ.
2970. г̇аруд̇хаммзд̇и сан̇гхаад̣̇исзсз. маанад̇д̇анд̇и багкамаанад̇д̇ам̣. самманнид̇ваад̇и н̃ад̇д̇ид̣̇уд̇ияааяа гаммаваажааяа самманнид̇ваа.
2970.Garudhammeti saṅghādisese. Mānattanti pakkhamānattaṃ. Sammannitvāti ñattidutiyāya kammavācāya sammannitvā.
2971. яассаа ид̇т̇ияаа баб̣б̣аж̇ид̇агаалз г̇аб̣бхо вудтаад̇и виж̇ааяад̇и яад̣̇и, буд̇д̇о жз, д̇ассааби д̣̇аарагамаад̇у яаава со д̣̇аараго вин̃н̃уд̇ам̣ баабун̣аад̇и, яаава каад̣̇ид̇ум̣, бхун̃ж̇ид̇ум̣, нахааяид̇ун̃жа ад̇д̇ано д̇хаммад̇ааяа саггод̇и, д̇аава д̣̇уд̇ияаа бхигкуний д̇ат̇аа самманнид̇ваа д̣̇аад̇аб̣б̣аад̇и яож̇анаа.
2971. Yassā itthiyā pabbajitakāle gabbho vuṭṭhāti vijāyati yadi, putto ce, tassāpi dārakamātu yāva so dārako viññutaṃ pāpuṇāti, yāva khādituṃ, bhuñjituṃ, nahāyituñca attano dhammatāya sakkoti, tāva dutiyā bhikkhunī tathā sammannitvā dātabbāti yojanā.
2972. саа бана маад̇аа бхигкуний ад̇д̇ано буд̇д̇ам̣ бааязд̇ум̣, бхож̇зд̇ум̣, ман̣д̣зд̇ум̣, урз гад̇ваа саяид̇ун̃жа лабхад̇ийд̇и яож̇анаа.
2972.Sāpana mātā bhikkhunī attano puttaṃ pāyetuṃ, bhojetuṃ, maṇḍetuṃ, ure katvā sayituñca labhatīti yojanā.
2973. д̣̇уд̇ияигааяа бхигкунияаа д̣̇аарагзна сахасзяяам̣ табзд̇ваа яат̇аа ан̃н̃зсу бурисзсу вад̇д̇ид̇аб̣б̣ам̣ бадибаж̇ж̇ид̇аб̣б̣ам̣, д̇ат̇аа зва д̇асмим̣ д̣̇аарагз вад̇д̇ид̇аб̣б̣анд̇и яож̇анаа.
2973.Dutiyikāya bhikkhuniyā dārakena sahaseyyaṃ ṭhapetvā yathā aññesu purisesu vattitabbaṃ paṭipajjitabbaṃ, tathā eva tasmiṃ dārake vattitabbanti yojanā.
2974. виб̣бхамзнзваад̇и ад̇д̇ано ружияаа сзд̇авад̇т̇аанам̣ г̇ахан̣знзва. яат̇ааха – ‘‘яасмаа саа виб̣бханд̇аа ад̇д̇ано ружияаа канд̇ияаа од̣̇аад̇аани вад̇т̇аани нивад̇т̇аа, д̇асмааязва саа абхигкуний, на сигкаабажжагкаанзнаа’’д̇и (жуул̣ава. адта. 434). ид̇хаад̇и имасмим̣ саасанз.
2974.Vibbhamenevāti attano ruciyā setavatthānaṃ gahaṇeneva. Yathāha – ‘‘yasmā sā vibbhantā attano ruciyā khantiyā odātāni vatthāni nivatthā, tasmāyeva sā abhikkhunī, na sikkhāpaccakkhānenā’’ti (cūḷava. aṭṭha. 434). Idhāti imasmiṃ sāsane.
2975. г̇ад̇ааяаад̇и зд̇т̇а ‘‘сагааваасаа’’д̇и сзсо. яат̇ааха – ‘‘яаа саа, бхигкавз, бхигкуний сагааваасаа д̇ид̇т̇ааяад̇анам̣ сан̇ганд̇аа, саа ааг̇ад̇аа на убасамбаад̣̇зд̇аб̣б̣аа’’д̇и. на гзвалам̣ на убасамбаад̣̇зд̇аб̣б̣аа, баб̣б̣аж̇ж̇амби на лабхад̇и. од̣̇аад̇аани г̇ахзд̇ваа виб̣бханд̇аа бана баб̣б̣аж̇ж̇аамад̇д̇ам̣ лабхад̇и.
2975.Gatāyāti ettha ‘‘sakāvāsā’’ti seso. Yathāha – ‘‘yā sā, bhikkhave, bhikkhunī sakāvāsā titthāyatanaṃ saṅkantā, sā āgatā na upasampādetabbā’’ti. Na kevalaṃ na upasampādetabbā, pabbajjampi na labhati. Odātāni gahetvā vibbhantā pana pabbajjāmattaṃ labhati.
2976. ванд̣̇ананд̇и баад̣̇з самб̣аахзд̇ваа ванд̣̇анам̣. саад̣̇ид̇ум̣ ваддад̇ийд̇и ‘‘ануж̇аанаами, бхигкавз, саад̣̇ид̇у’’нд̇и (жуул̣ава. 434) анун̃н̃аад̇ад̇д̇аа ваддад̇и. д̇ад̇рзгз аажарияаа ‘‘сажз згад̇о ваа убхад̇о ваа авассуд̇аа хонд̇и саарад̇д̇аа, яат̇аавад̇т̇угамзваа’’д̇и вад̣̇анд̇и. згз аажарияаа ‘‘над̇т̇и зд̇т̇а аабад̇д̇ий’’д̇и вад̣̇анд̇ийд̇и звам̣ аажарияаваад̣̇ам̣ д̣̇ассзд̇ваа ‘‘ид̣̇ам̣ од̣̇исса анун̃н̃аад̇ам̣ ваддад̇ий’’д̇и адтагат̇аасу вуд̇д̇ам̣, д̇ам̣ бамаан̣ам̣. ‘‘ануж̇аанаами, бхигкавз, саад̣̇ид̇у’’нд̇и (жуул̣ава. 434) хи важанзнзва габбияам̣.
2976.Vandananti pāde sambāhetvā vandanaṃ. Sādituṃ vaṭṭatīti ‘‘anujānāmi, bhikkhave, sāditu’’nti (cūḷava. 434) anuññātattā vaṭṭati. Tatreke ācariyā ‘‘sace ekato vā ubhato vā avassutā honti sārattā, yathāvatthukamevā’’ti vadanti. Eke ācariyā ‘‘natthi ettha āpattī’’ti vadantīti evaṃ ācariyavādaṃ dassetvā ‘‘idaṃ odissa anuññātaṃ vaṭṭatī’’ti aṭṭhakathāsu vuttaṃ, taṃ pamāṇaṃ. ‘‘Anujānāmi, bhikkhave, sāditu’’nti (cūḷava. 434) hi vacaneneva kappiyaṃ.
2977. яааяа гааяажи важжагудияаа важжо на гаад̇аб̣б̣о, хздтаа вивадз уд̣̇д̇хам̣ бадижчаннз бана важжам̣ гаад̇ум̣ ваддад̇и. хздтаа вивадз убари бадижчаннзд̇и адтагат̇ааяам̣ ‘‘сажз гуубо кад̇о ход̇и, убари бана бад̣̇арамад̇д̇амзва саб̣б̣ад̣̇исаасу бан̃н̃ааяад̇и, зваруубзби ваддад̇ий’’д̇и (жуул̣ава. адта. 435) вуд̇д̇ам̣.
2977. Yāya kāyaci vaccakuṭiyā vacco na kātabbo, heṭṭhā vivaṭe uddhaṃ paṭicchanne pana vaccaṃ kātuṃ vaṭṭati. Heṭṭhā vivaṭe upari paṭicchanneti aṭṭhakathāyaṃ ‘‘sace kūpo khato hoti, upari pana padaramattameva sabbadisāsu paññāyati, evarūpepi vaṭṭatī’’ti (cūḷava. aṭṭha. 435) vuttaṃ.
2978. саб̣б̣ад̇т̇аад̇и бхигкуниубассаяаанд̇арагхараад̣̇исаб̣б̣адтаанзсу. г̇илаанааяаад̇и яассаа винаа баллан̇гам̣ на паасу ход̇и. ад̣дхабаллан̇ганд̇и згабаад̣̇ам̣ аабхуж̇ид̇ваа гад̇абаллан̇гам̣. со згам̣ бан̣хим̣ уурумуулаасаннам̣ гад̇ваа ид̇арам̣ д̣̇уурз гад̇ваа аабхуж̇ид̇абаллан̇го наама.
2978.Sabbatthāti bhikkhuniupassayaantaragharādisabbaṭṭhānesu. Gilānāyāti yassā vinā pallaṅkaṃ na phāsu hoti. Aḍḍhapallaṅkanti ekapādaṃ ābhujitvā katapallaṅkaṃ. So ekaṃ paṇhiṃ ūrumūlāsannaṃ katvā itaraṃ dūre katvā ābhujitapallaṅko nāma.
2979. нарад̇ид̇т̇зд̇и бурисаанам̣ нахаанад̇ид̇т̇з. яат̇ааха – ‘‘на, бхигкавз, бхигкунияаа бурисад̇ид̇т̇з нахааяид̇аб̣б̣ам̣, яаа нахааязяяа, аабад̇д̇и д̣̇уггадасса. ануж̇аанаами, бхигкавз, махилаад̇ид̇т̇з нахааяид̇у’’нд̇и (жуул̣ава. 436).
2979.Naratittheti purisānaṃ nahānatitthe. Yathāha – ‘‘na, bhikkhave, bhikkhuniyā purisatitthe nahāyitabbaṃ, yā nahāyeyya, āpatti dukkaṭassa. Anujānāmi, bhikkhave, mahilātitthe nahāyitu’’nti (cūḷava. 436).
2980. яаа саман̣ий г̇анд̇хажун̣н̣зна ваа ваасид̇амад̇д̇ияаа ваасид̇агааяа мад̇д̇игааяа ваа бадисод̇з ваа нхааязяяа, д̇ассаа аабад̇д̇и д̣̇уггаданд̇и яож̇анаа. ваасид̇ависзсанзна аваасид̇аа ваддад̇ийд̇и д̣̇ийбзд̇и. яат̇ааха – ‘‘ануж̇аанаами, бхигкавз, багад̇имад̇д̇ига’’нд̇и (жуул̣ава. 436).
2980. Yā samaṇī gandhacuṇṇena vā vāsitamattiyā vāsitakāya mattikāya vā paṭisote vā nhāyeyya, tassā āpatti dukkaṭanti yojanā. Vāsitavisesanena avāsitā vaṭṭatīti dīpeti. Yathāha – ‘‘anujānāmi, bhikkhave, pakatimattika’’nti (cūḷava. 436).
2981. абхуд̇ваад̇и зд̇т̇а аамисааг̇г̇ам̣ г̇ахан̣амад̇д̇амби агад̇ваа, бад̇д̇ажийварам̣ гад̇ибаяад̣̇ивасааниби абарибхун̃ж̇ид̇ваад̇и ад̇т̇о. сажз асаббааяам̣, саб̣б̣амби абанзд̇ум̣ ваддад̇и.
2981.Abhutvāti ettha āmisaaggaṃ gahaṇamattampi akatvā, pattacīvaraṃ katipayadivasānipi aparibhuñjitvāti attho. Sace asappāyaṃ, sabbampi apanetuṃ vaṭṭati.
2982. анубасамбаннз асанд̇з саб̣б̣ам̣ бхигкуухи бадиг̇г̇ахид̇ам̣ ваа аббадиг̇г̇ахид̇ам̣ ваа саннид̇хигад̇ам̣ ваа саб̣б̣ам̣ аж̇жхохаран̣ийяам̣ бхигкуухи бадиг̇г̇ахаабзд̇ваа барибхун̃ж̇ид̇ум̣ бхигкунийнам̣ ваддад̇ийд̇и яож̇анаа. ‘‘бхигкунийнам̣ ваддад̇ий’’д̇и ид̣̇ам̣ багаран̣авасзна вуд̇д̇ам̣. бхигкунийхиби бадиг̇г̇ахаабзд̇ваа бхигкуунамби д̇ат̇аавид̇хам̣ барибхун̃ж̇ид̇ум̣ ваддад̇и. яат̇ааха – ‘‘ануж̇аанаами, бхигкавз, бхигкуунам̣ саннид̇хим̣ бхигкунийхи бадиг̇г̇аахаабзд̇ваа барибхун̃ж̇ид̇у’’нд̇и (жуул̣ава. 421).
2982. Anupasampanne asante sabbaṃ bhikkhūhi paṭiggahitaṃ vā appaṭiggahitaṃ vā sannidhikataṃ vā sabbaṃ ajjhoharaṇīyaṃ bhikkhūhi paṭiggahāpetvā paribhuñjituṃ bhikkhunīnaṃ vaṭṭatīti yojanā. ‘‘Bhikkhunīnaṃ vaṭṭatī’’ti idaṃ pakaraṇavasena vuttaṃ. Bhikkhunīhipi paṭiggahāpetvā bhikkhūnampi tathāvidhaṃ paribhuñjituṃ vaṭṭati. Yathāha – ‘‘anujānāmi, bhikkhave, bhikkhūnaṃ sannidhiṃ bhikkhunīhi paṭiggāhāpetvā paribhuñjitu’’nti (cūḷava. 421).
бхигкунигканд̇хагагат̇ааван̣н̣анаа.
Bhikkhunikkhandhakakathāvaṇṇanā.
ид̇и винаяад̇т̇асаарасанд̣̇ийбанияаа винаяавинижчаяаван̣н̣анааяа
Iti vinayatthasārasandīpaniyā vinayavinicchayavaṇṇanāya
канд̇хагагат̇ааван̣н̣анаа нидтид̇аа.
Khandhakakathāvaṇṇanā niṭṭhitā.
