Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi

    намо д̇асса бхаг̇авад̇о арахад̇о саммаасамб̣уд̣̇д̇хасса

    Namo tassa bhagavato arahato sammāsambuddhassa

    бхигкунийбаад̇имогкабаал̣и

    Bhikkhunīpātimokkhapāḷi

    буб̣б̣агаран̣ам̣-4

    Pubbakaraṇaṃ-4

    саммаж̇ж̇аний бад̣̇ийбо жа, уд̣̇агам̣ аасанзна жа;

    Sammajjanī padīpo ca, udakaṃ āsanena ca;

    убосат̇асса зд̇аани, ‘‘буб̣б̣агаран̣а’’нд̇и вужжад̇и.

    Uposathassa etāni, ‘‘pubbakaraṇa’’nti vuccati.

    буб̣б̣агижжам̣-5

    Pubbakiccaṃ-5

    чанд̣̇а, баарисуд̣̇д̇хи, уд̇угкаанам̣, бхигкуниг̇ан̣анаа жа оваад̣̇о;

    Chanda, pārisuddhi, utukkhānaṃ, bhikkhunigaṇanā ca ovādo;

    убосат̇асса зд̇аани, ‘‘буб̣б̣агижжа’’нд̇и вужжад̇и.

    Uposathassa etāni, ‘‘pubbakicca’’nti vuccati.

    бад̇д̇агаллаан̇г̇аа-4

    Pattakallaaṅgā-4

    убосат̇о, яаавад̇игаа жа бхигкуний гаммаббад̇д̇аа;

    Uposatho, yāvatikā ca bhikkhunī kammappattā;

    сабхааг̇аабад̇д̇ияо жа на виж̇ж̇анд̇и;

    Sabhāgāpattiyo ca na vijjanti;

    важ̇ж̇анийяаа жа буг̇г̇алаа д̇асмим̣ на хонд̇и, ‘‘бад̇д̇агалла’’нд̇и вужжад̇и.

    Vajjanīyā ca puggalā tasmiṃ na honti, ‘‘pattakalla’’nti vuccati.

    буб̣б̣агаран̣абуб̣б̣агижжаани самаабзд̇ваа д̣̇зсид̇аабад̇д̇игасса самаг̇г̇асса бхигкунисан̇гхасса анумад̇ияаа баад̇имогкам̣ уд̣̇д̣̇исид̇ум̣ аараад̇ханам̣ гарома.

    Pubbakaraṇapubbakiccāni samāpetvā desitāpattikassa samaggassa bhikkhunisaṅghassa anumatiyā pātimokkhaṃ uddisituṃ ārādhanaṃ karoma.

    нид̣̇аануд̣̇д̣̇зсо

    Nidānuddeso

    сун̣аад̇у мз аяяз сан̇гхо, аж̇ж̇убосат̇о баннарасо, яад̣̇и сан̇гхасса бад̇д̇агаллам̣, сан̇гхо убосат̇ам̣ гарзяяа, баад̇имогкам̣ уд̣̇д̣̇исзяяа.

    Suṇātu me ayye saṅgho, ajjuposatho pannaraso, yadi saṅghassa pattakallaṃ, saṅgho uposathaṃ kareyya, pātimokkhaṃ uddiseyya.

    гим̣ сан̇гхасса буб̣б̣агижжам̣? баарисуд̣̇д̇хим̣ аяяааяо аарожзт̇а, баад̇имогкам̣ уд̣̇д̣̇исиссаами, д̇ам̣ саб̣б̣аава санд̇аа саад̇хугам̣ сун̣ома манаси гарома. яассаа сияаа аабад̇д̇и, саа аавигарзяяа, асанд̇ияаа аабад̇д̇ияаа д̇ун̣хий бхавид̇аб̣б̣ам̣, д̇ун̣хийбхаавзна ко банааяяааяо, ‘‘барисуд̣̇д̇хаа’’д̇и взд̣̇иссаами. яат̇аа ко бана бажжзгабудтассаа взяяаагаран̣ам̣ ход̇и, звамзвам̣ зваруубааяа барисааяа яаавад̇ад̇ияам̣ анусаавид̇ам̣ ход̇и. яаа бана бхигкуний яаавад̇ад̇ияам̣ анусаавияамаанз сарамаанаа санд̇им̣ аабад̇д̇им̣ наавигарзяяа, самбаж̇аанамусааваад̣̇ассаа ход̇и. самбаж̇аанамусааваад̣̇о ко банааяяааяо, анд̇арааяиго д̇хаммо вуд̇д̇о бхаг̇авад̇аа, д̇асмаа сарамаанааяа бхигкунияаа аабаннааяа висуд̣̇д̇хаабзгкааяа санд̇ий аабад̇д̇и аавигаад̇аб̣б̣аа, аавигад̇аа хиссаа паасу ход̇и.

    Kiṃ saṅghassa pubbakiccaṃ? Pārisuddhiṃ ayyāyo ārocetha, pātimokkhaṃ uddisissāmi, taṃ sabbāva santā sādhukaṃ suṇoma manasi karoma. Yassā siyā āpatti, sā āvikareyya, asantiyā āpattiyā tuṇhī bhavitabbaṃ, tuṇhībhāvena kho panāyyāyo, ‘‘parisuddhā’’ti vedissāmi. Yathā kho pana paccekapuṭṭhassā veyyākaraṇaṃ hoti, evamevaṃ evarūpāya parisāya yāvatatiyaṃ anusāvitaṃ hoti. Yā pana bhikkhunī yāvatatiyaṃ anusāviyamāne saramānā santiṃ āpattiṃ nāvikareyya, sampajānamusāvādassā hoti. Sampajānamusāvādo kho panāyyāyo, antarāyiko dhammo vutto bhagavatā, tasmā saramānāya bhikkhuniyā āpannāya visuddhāpekkhāya santī āpatti āvikātabbā, āvikatā hissā phāsu hoti.

    уд̣̇д̣̇идтам̣ ко, аяяааяо, нид̣̇аанам̣. д̇ад̇т̇ааяяааяо бужчаами, гажжид̇т̇а барисуд̣̇д̇хаа, д̣̇уд̇ияамби бужчаами, гажжид̇т̇а барисуд̣̇д̇хаа, д̇ад̇ияамби бужчаами, гажжид̇т̇а барисуд̣̇д̇хаа, барисуд̣̇д̇хзд̇т̇ааяяааяо, д̇асмаа д̇ун̣хий, звамзд̇ам̣ д̇хаараяаамийд̇и.

    Uddiṭṭhaṃ kho, ayyāyo, nidānaṃ. Tatthāyyāyo pucchāmi, kaccittha parisuddhā, dutiyampi pucchāmi, kaccittha parisuddhā, tatiyampi pucchāmi, kaccittha parisuddhā, parisuddhetthāyyāyo, tasmā tuṇhī, evametaṃ dhārayāmīti.

    нид̣̇аанам̣ нидтид̇ам̣.

    Nidānaṃ niṭṭhitaṃ.

    баарааж̇игуд̣̇д̣̇зсо

    Pārājikuddeso

    д̇ад̇римз адта баарааж̇игаа д̇хаммаа уд̣̇д̣̇зсам̣ ааг̇ажчанд̇и.

    Tatrime aṭṭha pārājikā dhammā uddesaṃ āgacchanti.

    мзт̇унад̇хаммасигкаабад̣̇ам̣

    Methunadhammasikkhāpadaṃ

    1. яаа бана бхигкуний чанд̣̇асо мзт̇унам̣ д̇хаммам̣ бадисзвзяяа, анд̇амасо д̇иражчаанаг̇ад̇знаби, баарааж̇игаа ход̇и асам̣ваасаа.

    1. Yā pana bhikkhunī chandaso methunaṃ dhammaṃ paṭiseveyya, antamaso tiracchānagatenapi, pārājikā hoti asaṃvāsā.

    ад̣̇иннаад̣̇аанасигкаабад̣̇ам̣

    Adinnādānasikkhāpadaṃ

    2. яаа бана бхигкуний г̇аамаа ваа аран̃н̃аа ваа ад̣̇иннам̣ т̇зяяасан̇каад̇ам̣ аад̣̇иязяяа, яат̇ааруубз ад̣̇иннаад̣̇аанз рааж̇аано жорам̣ г̇ахзд̇ваа ханзяяум̣ ваа б̣анд̇хзяяум̣ ваа баб̣б̣ааж̇зяяум̣ ваа жорааси б̣аалааси муул̣хааси т̇знаасийд̇и, д̇ат̇ааруубам̣ бхигкуний ад̣̇иннам̣ аад̣̇ияамаанаа аяамби баарааж̇игаа ход̇и асам̣ваасаа.

    2. Yā pana bhikkhunī gāmā vā araññā vā adinnaṃ theyyasaṅkhātaṃ ādiyeyya, yathārūpe adinnādāne rājāno coraṃ gahetvā haneyyuṃ vā bandheyyuṃ vā pabbājeyyuṃ vā corāsi bālāsi mūḷhāsi thenāsīti, tathārūpaṃ bhikkhunī adinnaṃ ādiyamānā ayampi pārājikā hoti asaṃvāsā.

    мануссавиг̇г̇ахасигкаабад̣̇ам̣

    Manussaviggahasikkhāpadaṃ

    3. яаа бана бхигкуний сан̃жижжа мануссавиг̇г̇ахам̣ ж̇ийвид̇аа воробзяяа, сад̇т̇ахаарагам̣ ваасса бариязсзяяа, маран̣аван̣н̣ам̣ ваа сам̣ван̣н̣зяяа, маран̣ааяа ваа самаад̣̇абзяяа ‘‘амбхо буриса, гим̣ д̇уяхиминаа баабагзна д̣̇уж̇ж̇ийвид̇зна, мад̇ам̣ д̇з ж̇ийвид̇аа сзяяо’’д̇и, ид̇и жид̇д̇аманаа жид̇д̇асан̇габбаа анзгабарияааязна маран̣аван̣н̣ам̣ ваа сам̣ван̣н̣зяяа, маран̣ааяа ваа самаад̣̇абзяяа, аяамби баарааж̇игаа ход̇и асам̣ваасаа.

    3. Yā pana bhikkhunī sañcicca manussaviggahaṃ jīvitā voropeyya, satthahārakaṃ vāssa pariyeseyya, maraṇavaṇṇaṃ vā saṃvaṇṇeyya, maraṇāya vā samādapeyya ‘‘ambho purisa, kiṃ tuyhiminā pāpakena dujjīvitena, mataṃ te jīvitā seyyo’’ti, iti cittamanā cittasaṅkappā anekapariyāyena maraṇavaṇṇaṃ vā saṃvaṇṇeyya, maraṇāya vā samādapeyya, ayampi pārājikā hoti asaṃvāsā.

    уд̇д̇аримануссад̇хаммасигкаабад̣̇ам̣

    Uttarimanussadhammasikkhāpadaṃ

    4. яаа бана бхигкуний анабхиж̇аанам̣ уд̇д̇аримануссад̇хаммам̣ ад̇д̇убанааяигам̣ аламарияан̃аан̣ад̣̇ассанам̣ самуд̣̇аажарзяяа ‘‘ид̇и ж̇аанаами, ид̇и бассаамий’’д̇и, д̇ад̇о абарзна самаязна самануг̇г̇аахийяамаанаа ваа асамануг̇г̇аахийяамаанаа ваа аабаннаа висуд̣̇д̇хаабзгкаа звам̣ вад̣̇зяяа ‘‘аж̇аанамзвам̣, аяяз, аважам̣ ж̇аанаами, абассам̣ бассаами, д̇ужчам̣ мусаа вилаби’’нд̇и, ан̃н̃ад̇ра ад̇химаанаа, аяамби баарааж̇игаа ход̇и асам̣ваасаа.

    4. Yā pana bhikkhunī anabhijānaṃ uttarimanussadhammaṃ attupanāyikaṃ alamariyañāṇadassanaṃ samudācareyya ‘‘iti jānāmi, iti passāmī’’ti, tato aparena samayena samanuggāhīyamānā vā asamanuggāhīyamānā vā āpannā visuddhāpekkhā evaṃ vadeyya ‘‘ajānamevaṃ, ayye, avacaṃ jānāmi, apassaṃ passāmi, tucchaṃ musā vilapi’’nti, aññatra adhimānā, ayampi pārājikā hoti asaṃvāsā.

    уб̣бхаж̇аан̣уман̣д̣алигаасигкаабад̣̇ам̣

    Ubbhajāṇumaṇḍalikāsikkhāpadaṃ

    5. яаа бана бхигкуний авассуд̇аа авассуд̇асса бурисабуг̇г̇аласса, ад̇хагкагам̣ уб̣бхаж̇аан̣уман̣д̣алам̣ аамасанам̣ ваа бараамасанам̣ ваа г̇ахан̣ам̣ ваа чубанам̣ ваа бадибийл̣анам̣ ваа саад̣̇иязяяа, аяамби баарааж̇игаа ход̇и асам̣ваасаа уб̣бхаж̇аан̣уман̣д̣алигаа.

    5. Yā pana bhikkhunī avassutā avassutassa purisapuggalassa, adhakkhakaṃ ubbhajāṇumaṇḍalaṃ āmasanaṃ vā parāmasanaṃ vā gahaṇaṃ vā chupanaṃ vā paṭipīḷanaṃ vā sādiyeyya, ayampi pārājikā hoti asaṃvāsā ubbhajāṇumaṇḍalikā.

    важ̇ж̇аббадижчаад̣̇игаасигкаабад̣̇ам̣

    Vajjappaṭicchādikāsikkhāpadaṃ

    6. яаа бана бхигкуний ж̇аанам̣ баарааж̇игам̣ д̇хаммам̣ аж̇жхаабаннам̣ бхигкуним̣ нзвад̇д̇анаа бадижод̣̇зяяа, на г̇ан̣асса аарожзяяа, яад̣̇аа жа саа тид̇аа ваа асса жуд̇аа ваа наасид̇аа ваа авассадаа ваа, саа бажчаа звам̣ вад̣̇зяяа ‘‘буб̣б̣зваахам̣, аяяз, ан̃н̃аасим̣ зд̇ам̣ бхигкуним̣ ‘зваруубаа жа зваруубаа жа саа бхаг̇иний’д̇и, но жа ко ад̇д̇анаа бадижод̣̇зссам̣, на г̇ан̣асса аарожзсса’’нд̇и, аяамби баарааж̇игаа ход̇и асам̣ваасаа важ̇ж̇аббадижчаад̣̇игаа.

    6. Yā pana bhikkhunī jānaṃ pārājikaṃ dhammaṃ ajjhāpannaṃ bhikkhuniṃ nevattanā paṭicodeyya, na gaṇassa āroceyya, yadā ca sā ṭhitā vā assa cutā vā nāsitā vā avassaṭā vā, sā pacchā evaṃ vadeyya ‘‘pubbevāhaṃ, ayye, aññāsiṃ etaṃ bhikkhuniṃ ‘evarūpā ca evarūpā ca sā bhaginī’ti, no ca kho attanā paṭicodessaṃ, na gaṇassa ārocessa’’nti, ayampi pārājikā hoti asaṃvāsā vajjappaṭicchādikā.

    угкид̇д̇аанувад̇д̇игаасигкаабад̣̇ам̣

    Ukkhittānuvattikāsikkhāpadaṃ

    7. яаа бана бхигкуний самаг̇г̇зна сан̇гхзна угкид̇д̇ам̣ бхигкум̣ д̇хаммзна винаязна сад̇т̇усаасанзна анаад̣̇арам̣ аббадигаарам̣ агад̇асахааяам̣ д̇аманувад̇д̇зяяа, саа бхигкуний бхигкунийхи звамасса важанийяаа ‘‘зсо ко, аяяз, бхигку самаг̇г̇зна сан̇гхзна угкид̇д̇о, д̇хаммзна винаязна сад̇т̇усаасанзна анаад̣̇аро аббадигааро агад̇асахааяо, мааяяз, зд̇ам̣ бхигкум̣ анувад̇д̇ий’’д̇и, зван̃жа саа бхигкуний бхигкунийхи вужжамаанаа д̇ат̇зва баг̇г̇ан̣хзяяа, саа бхигкуний бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа, яаавад̇ад̇ияам̣ жз саманубхаасияамаанаа д̇ам̣ бадиниссаж̇ж̇зяяа, ижжзд̇ам̣ гусалам̣, но жз бадиниссаж̇ж̇зяяа, аяамби баарааж̇игаа ход̇и асам̣ваасаа угкид̇д̇аанувад̇д̇игаа.

    7. Yā pana bhikkhunī samaggena saṅghena ukkhittaṃ bhikkhuṃ dhammena vinayena satthusāsanena anādaraṃ appaṭikāraṃ akatasahāyaṃ tamanuvatteyya, sā bhikkhunī bhikkhunīhi evamassa vacanīyā ‘‘eso kho, ayye, bhikkhu samaggena saṅghena ukkhitto, dhammena vinayena satthusāsanena anādaro appaṭikāro akatasahāyo, māyye, etaṃ bhikkhuṃ anuvattī’’ti, evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya, yāvatatiyaṃ ce samanubhāsiyamānā taṃ paṭinissajjeyya, iccetaṃ kusalaṃ, no ce paṭinissajjeyya, ayampi pārājikā hoti asaṃvāsā ukkhittānuvattikā.

    адтавад̇т̇угаасигкаабад̣̇ам̣

    Aṭṭhavatthukāsikkhāpadaṃ

    8. яаа бана бхигкуний авассуд̇аа авассуд̇асса бурисабуг̇г̇аласса хад̇т̇аг̇г̇ахан̣ам̣ ваа саад̣̇иязяяа, сан̇гхаадиган̣н̣аг̇г̇ахан̣ам̣ ваа саад̣̇иязяяа, санд̇идтзяяа ваа, саллабзяяа ваа, сан̇гзд̇ам̣ ваа г̇ажчзяяа, бурисасса ваа аб̣бхааг̇аманам̣ саад̣̇иязяяа, чаннам̣ ваа анубависзяяа, гааяам̣ ваа д̇ад̣̇ад̇т̇ааяа убасам̣харзяяа зд̇асса асад̣̇д̇хаммасса бадисзванад̇т̇ааяа, аяамби баарааж̇игаа ход̇и асам̣ваасаа адтавад̇т̇угаа.

    8. Yā pana bhikkhunī avassutā avassutassa purisapuggalassa hatthaggahaṇaṃ vā sādiyeyya, saṅghāṭikaṇṇaggahaṇaṃ vā sādiyeyya, santiṭṭheyya vā, sallapeyya vā, saṅketaṃ vā gaccheyya, purisassa vā abbhāgamanaṃ sādiyeyya, channaṃ vā anupaviseyya, kāyaṃ vā tadatthāya upasaṃhareyya etassa asaddhammassa paṭisevanatthāya, ayampi pārājikā hoti asaṃvāsā aṭṭhavatthukā.

    уд̣̇д̣̇идтаа ко, аяяааяо, адта баарааж̇игаа д̇хаммаа. язсам̣ бхигкуний ан̃н̃ад̇арам̣ ваа ан̃н̃ад̇арам̣ ваа аабаж̇ж̇ид̇ваа на лабхад̇и бхигкунийхи сад̣̇д̇хим̣ сам̣ваасам̣ яат̇аа бурз, д̇ат̇аа бажчаа, баарааж̇игаа ход̇и асам̣ваасаа. д̇ад̇т̇ааяяааяо, бужчаами, гажжид̇т̇а барисуд̣̇д̇хаа, д̣̇уд̇ияамби бужчаами, гажжид̇т̇а барисуд̣̇д̇хаа, д̇ад̇ияамби бужчаами, гажжид̇т̇а барисуд̣̇д̇хаа, барисуд̣̇д̇хзд̇т̇ааяяааяо, д̇асмаа д̇ун̣хий, звамзд̇ам̣ д̇хаараяаамийд̇и.

    Uddiṭṭhā kho, ayyāyo, aṭṭha pārājikā dhammā. Yesaṃ bhikkhunī aññataraṃ vā aññataraṃ vā āpajjitvā na labhati bhikkhunīhi saddhiṃ saṃvāsaṃ yathā pure, tathā pacchā, pārājikā hoti asaṃvāsā. Tatthāyyāyo, pucchāmi, kaccittha parisuddhā, dutiyampi pucchāmi, kaccittha parisuddhā, tatiyampi pucchāmi, kaccittha parisuddhā, parisuddhetthāyyāyo, tasmā tuṇhī, evametaṃ dhārayāmīti.

    баарааж̇игам̣ нидтид̇ам̣.

    Pārājikaṃ niṭṭhitaṃ.

    сан̇гхаад̣̇исзсуд̣̇д̣̇зсо

    Saṅghādisesuddeso

    имз ко банааяяааяо сад̇д̇араса сан̇гхаад̣̇исзсаа

    Ime kho panāyyāyo sattarasa saṅghādisesā

    д̇хаммаа уд̣̇д̣̇зсам̣ ааг̇ажчанд̇и.

    Dhammā uddesaṃ āgacchanti.

    уссаяаваад̣̇игаасигкаабад̣̇ам̣

    Ussayavādikāsikkhāpadaṃ

    1. яаа бана бхигкуний уссаяаваад̣̇игаа вихарзяяа г̇ахабад̇инаа ваа г̇ахабад̇ибуд̇д̇зна ваа д̣̇аасзна ваа гаммагаарзна ваа анд̇амасо саман̣абариб̣б̣ааж̇агзнааби, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    1. Yā pana bhikkhunī ussayavādikā vihareyya gahapatinā vā gahapatiputtena vā dāsena vā kammakārena vā antamaso samaṇaparibbājakenāpi, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesaṃ.

    жорийвудтаабигаасигкаабад̣̇ам̣

    Corīvuṭṭhāpikāsikkhāpadaṃ

    2. яаа бана бхигкуний ж̇аанам̣ жорим̣ важ̇жхам̣ вид̣̇ид̇ам̣ анабалогзд̇ваа рааж̇аанам̣ ваа сан̇гхам̣ ваа г̇ан̣ам̣ ваа бууг̇ам̣ ваа сзн̣им̣ ваа, ан̃н̃ад̇ра габбаа вудтаабзяяа, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    2. Yā pana bhikkhunī jānaṃ coriṃ vajjhaṃ viditaṃ anapaloketvā rājānaṃ vā saṅghaṃ vā gaṇaṃ vā pūgaṃ vā seṇiṃ vā, aññatra kappā vuṭṭhāpeyya, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesaṃ.

    згаг̇ааманд̇араг̇аманасигкаабад̣̇ам̣

    Ekagāmantaragamanasikkhāpadaṃ

    3. яаа бана бхигкуний згаа ваа г̇ааманд̇арам̣ г̇ажчзяяа, згаа ваа над̣̇ийбаарам̣ г̇ажчзяяа, згаа ваа рад̇д̇им̣ виббавасзяяа, згаа ваа г̇ан̣амхаа охиязяяа, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    3. Yā pana bhikkhunī ekā vā gāmantaraṃ gaccheyya, ekā vā nadīpāraṃ gaccheyya, ekā vā rattiṃ vippavaseyya, ekā vā gaṇamhā ohiyeyya, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesaṃ.

    угкид̇д̇агаосааран̣асигкаабад̣̇ам̣

    Ukkhittakaosāraṇasikkhāpadaṃ

    4. яаа бана бхигкуний самаг̇г̇зна сан̇гхзна угкид̇д̇ам̣ бхигкуним̣ д̇хаммзна винаязна сад̇т̇усаасанзна анабалогзд̇ваа гаарагасан̇гхам̣, анан̃н̃ааяа г̇ан̣асса чанд̣̇ам̣ осаарзяяа, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    4. Yā pana bhikkhunī samaggena saṅghena ukkhittaṃ bhikkhuniṃ dhammena vinayena satthusāsanena anapaloketvā kārakasaṅghaṃ, anaññāya gaṇassa chandaṃ osāreyya, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesaṃ.

    бхож̇анабадиг̇г̇ахан̣абатамасигкаабад̣̇ам̣

    Bhojanapaṭiggahaṇapaṭhamasikkhāpadaṃ

    5. яаа бана бхигкуний авассуд̇аа авассуд̇асса бурисабуг̇г̇аласса хад̇т̇ад̇о каад̣̇анийяам̣ ваа, бхож̇анийяам̣ ваа сахад̇т̇аа бадиг̇г̇ахзд̇ваа каад̣̇зяяа ваа бхун̃ж̇зяяа ваа, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    5. Yā pana bhikkhunī avassutā avassutassa purisapuggalassa hatthato khādanīyaṃ vā, bhojanīyaṃ vā sahatthā paṭiggahetvā khādeyya vā bhuñjeyya vā, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesaṃ.

    бхож̇анабадиг̇г̇ахан̣ад̣̇уд̇ияасигкаабад̣̇ам̣

    Bhojanapaṭiggahaṇadutiyasikkhāpadaṃ

    6. яаа бана бхигкуний звам̣ вад̣̇зяяа ‘‘гим̣ д̇з, аяяз, зсо бурисабуг̇г̇ало гариссад̇и авассуд̇о ваа анавассуд̇о ваа, яад̇о д̇вам̣ анавассуд̇аа, ин̇гха, аяяз, яам̣ д̇з зсо бурисабуг̇г̇ало д̣̇зд̇и каад̣̇анийяам̣ ваа бхож̇анийяам̣ ваа, д̇ам̣ д̇вам̣ сахад̇т̇аа бадиг̇г̇ахзд̇ваа каад̣̇а ваа бхун̃ж̇а ваа’’д̇и, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    6. Yā pana bhikkhunī evaṃ vadeyya ‘‘kiṃ te, ayye, eso purisapuggalo karissati avassuto vā anavassuto vā, yato tvaṃ anavassutā, iṅgha, ayye, yaṃ te eso purisapuggalo deti khādanīyaṃ vā bhojanīyaṃ vā, taṃ tvaṃ sahatthā paṭiggahetvā khāda vā bhuñja vā’’ti, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesaṃ.

    сан̃жарид̇д̇асигкаабад̣̇ам̣

    Sañcarittasikkhāpadaṃ

    7. яаа бана бхигкуний сан̃жарид̇д̇ам̣ самаабаж̇ж̇зяяа ид̇т̇ияаа ваа бурисамад̇им̣, бурисасса ваа ид̇т̇имад̇им̣, ж̇ааяад̇д̇анз ваа ж̇аарад̇д̇анз ваа анд̇амасо д̇ан̇кан̣игааяаби, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    7. Yā pana bhikkhunī sañcarittaṃ samāpajjeyya itthiyā vā purisamatiṃ, purisassa vā itthimatiṃ, jāyattane vā jārattane vā antamaso taṅkhaṇikāyapi, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesaṃ.

    д̣̇удтад̣̇осасигкаабад̣̇ам̣

    Duṭṭhadosasikkhāpadaṃ

    8. яаа бана бхигкуний бхигкуним̣ д̣̇удтаа д̣̇осаа аббад̇ийд̇аа амуулагзна баарааж̇игзна д̇хаммзна ануд̣̇д̇хам̣сзяяа ‘‘аббзва наама нам̣ имамхаа б̣рахмажарияаа жаавзяяа’’нд̇и, д̇ад̇о абарзна самаязна самануг̇г̇аахийяамаанаа ваа аса мануг̇г̇аахийяамаанаа ваа амуулаган̃жзва д̇ам̣ ад̇хигаран̣ам̣ ход̇и, бхигкуний жа д̣̇осам̣ бад̇идтаад̇и, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    8. Yā pana bhikkhunī bhikkhuniṃ duṭṭhā dosā appatītā amūlakena pārājikena dhammena anuddhaṃseyya ‘‘appeva nāma naṃ imamhā brahmacariyā cāveyya’’nti, tato aparena samayena samanuggāhīyamānā vā asa manuggāhīyamānā vā amūlakañceva taṃ adhikaraṇaṃ hoti, bhikkhunī ca dosaṃ patiṭṭhāti, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesaṃ.

    ан̃н̃абхааг̇ияасигкаабад̣̇ам̣

    Aññabhāgiyasikkhāpadaṃ

    9. яаа бана бхигкуний бхигкуним̣ д̣̇удтаа д̣̇осаа аббад̇ийд̇аа ан̃н̃абхааг̇ияасса ад̇хигаран̣асса гин̃жид̣̇зсам̣ лзсамад̇д̇ам̣ убаад̣̇ааяа баарааж̇игзна д̇хаммзна ануд̣̇д̇хам̣сзяяа ‘‘аббзва наама нам̣ имамхаа б̣рахмажарияаа жаавзяяа’’нд̇и, д̇ад̇о абарзна самаязна самануг̇г̇аахийяамаанаа ваа асамануг̇г̇аахийяамаанаа ваа ан̃н̃абхааг̇ияан̃жзва д̇ам̣ ад̇хигаран̣ам̣ ход̇и. гожид̣̇зсо лзсамад̇д̇о убаад̣̇инно, бхигкуний жа д̣̇осам̣ бад̇идтаад̇и, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    9. Yā pana bhikkhunī bhikkhuniṃ duṭṭhā dosā appatītā aññabhāgiyassa adhikaraṇassa kiñcidesaṃ lesamattaṃ upādāya pārājikena dhammena anuddhaṃseyya ‘‘appeva nāma naṃ imamhā brahmacariyā cāveyya’’nti, tato aparena samayena samanuggāhīyamānā vā asamanuggāhīyamānā vā aññabhāgiyañceva taṃ adhikaraṇaṃ hoti. Kocideso lesamatto upādinno, bhikkhunī ca dosaṃ patiṭṭhāti, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesaṃ.

    сигкам̣бажжаажигкан̣асигкаабад̣̇ам̣

    Sikkhaṃpaccācikkhaṇasikkhāpadaṃ

    10. яаа бана бхигкуний губид̇аа анад̇д̇аманаа звам̣ вад̣̇зяяа ‘‘б̣уд̣̇д̇хам̣ бажжаажигкаами д̇хаммам̣ бажжаажигкаами, сан̇гхам̣ бажжаажигкаами, сигкам̣ бажжаажигкаами, гиннумаава саман̣ияо яаа саман̣ияо сагяад̇хийд̇аро, санд̇ан̃н̃ааби саман̣ияо лаж̇ж̇инияо гуггужжигаа сигкаагаамаа, д̇аасаахам̣ санд̇игз б̣рахмажарияам̣ жариссаамий’’д̇и. саа бхигкуний бхигкунийхи звамасса важанийяаа ‘‘мааяяз губид̇аа анад̇д̇аманаа звам̣ аважа ‘б̣уд̣̇д̇хам̣ бажжаажигкаами, д̇хаммам̣ бажжаажигкаами, сан̇гхам̣ бажжаажигкаами, сигкам̣ бажжаажигкаами, гиннумаава саман̣ияо яаа саман̣ияо сагяад̇хийд̇аро, санд̇ан̃н̃ааби саман̣ияо лаж̇ж̇инияо гуггужжигаа сигкаагаамаа, д̇аасаахам̣ санд̇игз б̣рахмажарияам̣ жариссаамий’д̇и, абхирамааяяз, сваагкаад̇о д̇хаммо, жара б̣рахмажарияам̣ саммаа д̣̇угкасса анд̇агирияааяаа’’д̇и, зван̃жа саа бхигкуний бхигкунийхи вужжамаанаа д̇ат̇зва баг̇г̇ан̣хзяяа, саа бхигкуний бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа, яаавад̇ад̇ияан̃жз саманубхаасияамаанаа д̇ам̣ бадиниссаж̇ж̇зяяа, ижжзд̇ам̣ гусалам̣, но жз бадиниссаж̇ж̇зяяа, аяамби бхигкуний яаавад̇ад̇ияагам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    10. Yā pana bhikkhunī kupitā anattamanā evaṃ vadeyya ‘‘buddhaṃ paccācikkhāmi dhammaṃ paccācikkhāmi, saṅghaṃ paccācikkhāmi, sikkhaṃ paccācikkhāmi, kinnumāva samaṇiyo yā samaṇiyo sakyadhītaro, santaññāpi samaṇiyo lajjiniyo kukkuccikā sikkhākāmā, tāsāhaṃ santike brahmacariyaṃ carissāmī’’ti. Sā bhikkhunī bhikkhunīhi evamassa vacanīyā ‘‘māyye kupitā anattamanā evaṃ avaca ‘buddhaṃ paccācikkhāmi, dhammaṃ paccācikkhāmi, saṅghaṃ paccācikkhāmi, sikkhaṃ paccācikkhāmi, kinnumāva samaṇiyo yā samaṇiyo sakyadhītaro, santaññāpi samaṇiyo lajjiniyo kukkuccikā sikkhākāmā, tāsāhaṃ santike brahmacariyaṃ carissāmī’ti, abhiramāyye, svākkhāto dhammo, cara brahmacariyaṃ sammā dukkhassa antakiriyāyā’’ti, evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya, yāvatatiyañce samanubhāsiyamānā taṃ paṭinissajjeyya, iccetaṃ kusalaṃ, no ce paṭinissajjeyya, ayampi bhikkhunī yāvatatiyakaṃ dhammaṃ āpannā nissāraṇīyaṃ saṅghādisesaṃ.

    ад̇хигаран̣агубид̇асигкаабад̣̇ам̣

    Adhikaraṇakupitasikkhāpadaṃ

    11. яаа бана бхигкуний гисмин̃жид̣̇зва ад̇хигаран̣з бажжаагад̇аа губид̇аа анад̇д̇аманаа звам̣ вад̣̇зяяа ‘‘чанд̣̇аг̇ааминияо жа бхигкунияо, д̣̇осаг̇ааминияо жа бхигкунияо, мохаг̇ааминияо жа бхигкунияо, бхаяаг̇ааминияо жа бхигкунияо’’д̇и, саа бхигкуний бхигкунийхи звамасса важанийяаа ‘‘мааяяз, гисмин̃жид̣̇зва ад̇хигаран̣з бажжаагад̇аа губид̇аа анад̇д̇аманаа звам̣ аважа ‘чанд̣̇аг̇ааминияо жа бхигкунияо, д̣̇осаг̇ааминияо жа бхигкунияо, мохаг̇ааминияо жа бхигкунияо, бхаяаг̇ааминияо жа бхигкунияо’д̇и, аяяаа ко чанд̣̇ааби г̇ажчзяяа, д̣̇осааби г̇ажчзяяа, мохааби г̇ажчзяяа, бхаяааби г̇ажчзяяаа’’д̇и. зван̃жа саа бхигкуний бхигкунийхи вужжамаанаа д̇ат̇зва баг̇г̇ан̣хзяяа, саа бхигкуний бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа, яаавад̇ад̇ияан̃жз саманубхаасияамаанаа д̇ам̣ бадиниссаж̇ж̇зяяа, ижжзд̇ам̣ гусалам̣, но жз бадиниссаж̇ж̇зяяа, аяамби бхигкуний яаавад̇ад̇ияагам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    11. Yā pana bhikkhunī kismiñcideva adhikaraṇe paccākatā kupitā anattamanā evaṃ vadeyya ‘‘chandagāminiyo ca bhikkhuniyo, dosagāminiyo ca bhikkhuniyo, mohagāminiyo ca bhikkhuniyo, bhayagāminiyo ca bhikkhuniyo’’ti, sā bhikkhunī bhikkhunīhi evamassa vacanīyā ‘‘māyye, kismiñcideva adhikaraṇe paccākatā kupitā anattamanā evaṃ avaca ‘chandagāminiyo ca bhikkhuniyo, dosagāminiyo ca bhikkhuniyo, mohagāminiyo ca bhikkhuniyo, bhayagāminiyo ca bhikkhuniyo’ti, ayyā kho chandāpi gaccheyya, dosāpi gaccheyya, mohāpi gaccheyya, bhayāpi gaccheyyā’’ti. Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya, yāvatatiyañce samanubhāsiyamānā taṃ paṭinissajjeyya, iccetaṃ kusalaṃ, no ce paṭinissajjeyya, ayampi bhikkhunī yāvatatiyakaṃ dhammaṃ āpannā nissāraṇīyaṃ saṅghādisesaṃ.

    баабасамаажаарабатамасигкаабад̣̇ам̣

    Pāpasamācārapaṭhamasikkhāpadaṃ

    12. бхигкунияо банзва сам̣садтаа вихаранд̇и баабаажаараа баабасад̣̇д̣̇аа баабасилогаа бхигкунисан̇гхасса вихзсигаа ан̃н̃аман̃н̃иссаа важ̇ж̇аббадижчаад̣̇игаа, д̇аа бхигкунияо бхигкунийхи звамассу важанийяаа ‘‘бхаг̇инияо ко сам̣садтаа вихаранд̇и баабаажаараа баабасад̣̇д̣̇аа баабасилогаа бхигкунисан̇гхасса вихзсигаа ан̃н̃аман̃н̃иссаа важ̇ж̇аббадижчаад̣̇игаа, вивижжат̇ааяяз, вивзган̃н̃зва бхаг̇инийнам̣ сан̇гхо ван̣н̣зд̇ий’’д̇и, зван̃жа д̇аа бхигкунияо бхигкунийхи вужжамаанаа д̇ат̇зва баг̇г̇ан̣хзяяум̣, д̇аа бхигкунияо бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа, яаавад̇ад̇ияан̃жз саманубхаасияамаанаа д̇ам̣ бадиниссаж̇ж̇зяяум̣, ижжзд̇ам̣ гусалам̣, но жз бадиниссаж̇ж̇зяяум̣, имааби бхигкунияо яаавад̇ад̇ияагам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    12. Bhikkhuniyo paneva saṃsaṭṭhā viharanti pāpācārā pāpasaddā pāpasilokā bhikkhunisaṅghassa vihesikā aññamaññissā vajjappaṭicchādikā, tā bhikkhuniyo bhikkhunīhi evamassu vacanīyā ‘‘bhaginiyo kho saṃsaṭṭhā viharanti pāpācārā pāpasaddā pāpasilokā bhikkhunisaṅghassa vihesikā aññamaññissā vajjappaṭicchādikā, viviccathāyye, vivekaññeva bhaginīnaṃ saṅgho vaṇṇetī’’ti, evañca tā bhikkhuniyo bhikkhunīhi vuccamānā tatheva paggaṇheyyuṃ, tā bhikkhuniyo bhikkhunīhi yāvatatiyaṃ samanubhāsitabbā tassa paṭinissaggāya, yāvatatiyañce samanubhāsiyamānā taṃ paṭinissajjeyyuṃ, iccetaṃ kusalaṃ, no ce paṭinissajjeyyuṃ, imāpi bhikkhuniyo yāvatatiyakaṃ dhammaṃ āpannā nissāraṇīyaṃ saṅghādisesaṃ.

    баабасамаажаарад̣̇уд̇ияасигкаабад̣̇ам̣

    Pāpasamācāradutiyasikkhāpadaṃ

    13. яаа бана бхигкуний звам̣ вад̣̇зяяа ‘‘сам̣садтаава, аяяз, д̇умхз вихарат̇а, маа д̇умхз наанаа вихарид̇т̇а, санд̇и сан̇гхз ан̃н̃ааби бхигкунияо зваажаараа звам̣сад̣̇д̣̇аа звам̣силогаа бхигкунисан̇гхасса вихзсигаа ан̃н̃аман̃н̃иссаа важ̇ж̇аббадижчаад̣̇игаа, д̇аа сан̇гхо на гин̃жи ааха д̇умхан̃н̃зва сан̇гхо ун̃н̃ааяа барибхавзна агканд̇ияаа взбхассияаа д̣̇уб̣б̣аляаа звамааха – ‘бхаг̇инияо ко сам̣садтаа вихаранд̇и баабаажаараа баабасад̣̇д̣̇аа баабасилогаа бхигкунисан̇гхасса вихзсигаа ан̃н̃аман̃н̃иссаа важ̇ж̇аббадижчаад̣̇игаа, вивижжат̇ааяяз, вивзган̃н̃зва бхаг̇инийнам̣ сан̇гхо ван̣н̣зд̇ий’’’д̇и, саа бхигкуний бхигкунийхи звамасса важанийяаа ‘‘мааяяз, звам̣ аважа, сам̣садтаава аяяз д̇умхз вихарат̇а, маа д̇умхз наанаа вихарид̇т̇а, санд̇и сан̇гхз ан̃н̃ааби бхигкунияо зваажаараа звам̣сад̣̇д̣̇аа звам̣силогаа бхигкунисан̇гхасса вихзсигаа ан̃н̃аман̃н̃иссаа важ̇ж̇аббадижчаад̣̇игаа, д̇аа сан̇гхо на гин̃жи ааха, д̇умхан̃н̃зва сан̇гхо ун̃н̃ааяа барибхавзна агканд̇ияаа взбхассияаа д̣̇уб̣б̣аляаа звамааха – ‘бхаг̇инияо ко сам̣садтаа вихаранд̇и баабаажаараа баабасад̣̇д̣̇аа баабасилогаа бхигкунисан̇гхасса вихзсигаа ан̃н̃аман̃н̃иссаа важ̇ж̇аббадижчаад̣̇игаа, вивижжат̇ааяяз, вивзган̃н̃зва бхаг̇инийнам̣ сан̇гхо ван̣н̣зд̇ий’’’д̇и, зван̃жа саа бхигкуний бхигкунийхи вужжамаанаа д̇ат̇зва баг̇г̇ан̣хзяяа, саа бхигкуний бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа, яаавад̇ад̇ияан̃жз саманубхаасияамаанаа д̇ам̣ бадиниссаж̇ж̇зяяа, ижжзд̇ам̣ гусалам̣, но жз бадиниссаж̇ж̇зяяа, аяамби бхигкуний яаавад̇ад̇ияагам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    13. Yā pana bhikkhunī evaṃ vadeyya ‘‘saṃsaṭṭhāva, ayye, tumhe viharatha, mā tumhe nānā viharittha, santi saṅghe aññāpi bhikkhuniyo evācārā evaṃsaddā evaṃsilokā bhikkhunisaṅghassa vihesikā aññamaññissā vajjappaṭicchādikā, tā saṅgho na kiñci āha tumhaññeva saṅgho uññāya paribhavena akkhantiyā vebhassiyā dubbalyā evamāha – ‘bhaginiyo kho saṃsaṭṭhā viharanti pāpācārā pāpasaddā pāpasilokā bhikkhunisaṅghassa vihesikā aññamaññissā vajjappaṭicchādikā, viviccathāyye, vivekaññeva bhaginīnaṃ saṅgho vaṇṇetī’’’ti, sā bhikkhunī bhikkhunīhi evamassa vacanīyā ‘‘māyye, evaṃ avaca, saṃsaṭṭhāva ayye tumhe viharatha, mā tumhe nānā viharittha, santi saṅghe aññāpi bhikkhuniyo evācārā evaṃsaddā evaṃsilokā bhikkhunisaṅghassa vihesikā aññamaññissā vajjappaṭicchādikā, tā saṅgho na kiñci āha, tumhaññeva saṅgho uññāya paribhavena akkhantiyā vebhassiyā dubbalyā evamāha – ‘bhaginiyo kho saṃsaṭṭhā viharanti pāpācārā pāpasaddā pāpasilokā bhikkhunisaṅghassa vihesikā aññamaññissā vajjappaṭicchādikā, viviccathāyye, vivekaññeva bhaginīnaṃ saṅgho vaṇṇetī’’’ti, evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya, yāvatatiyañce samanubhāsiyamānā taṃ paṭinissajjeyya, iccetaṃ kusalaṃ, no ce paṭinissajjeyya, ayampi bhikkhunī yāvatatiyakaṃ dhammaṃ āpannā nissāraṇīyaṃ saṅghādisesaṃ.

    сан̇гхабхзд̣̇агасигкаабад̣̇ам̣

    Saṅghabhedakasikkhāpadaṃ

    14. яаа бана бхигкуний самаг̇г̇асса сан̇гхасса бхзд̣̇ааяа бараггамзяяа, бхзд̣̇анасам̣вад̇д̇анигам̣ ваа ад̇хигаран̣ам̣ самаад̣̇ааяа баг̇г̇аяха д̇идтзяяа, саа бхигкуний бхигкунийхи звамасса важанийяаа ‘‘мааяяаа, самаг̇г̇асса сан̇гхасса бхзд̣̇ааяа бараггами, бхзд̣̇анасам̣вад̇д̇анигам̣ ваа ад̇хигаран̣ам̣ самаад̣̇ааяа баг̇г̇аяха адтааси, самзд̇ааяяаа, сан̇гхзна, самаг̇г̇о хи сан̇гхо саммод̣̇амаано авивад̣̇амаано згуд̣̇д̣̇зсо паасу вихарад̇ий’’д̇и. зван̃жа саа бхигкуний бхигкунийхи вужжамаанаа д̇ат̇зва баг̇г̇ан̣хзяяа, саа бхигкуний бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа, яаавад̇ад̇ияан̃жз саманубхаасияамаанаа д̇ам̣ бадиниссаж̇ж̇зяяа, ижжзд̇ам̣ гусалам̣. но жз бадиниссаж̇ж̇зяяа, аяамби бхигкуний яаавад̇ад̇ияагам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    14. Yā pana bhikkhunī samaggassa saṅghassa bhedāya parakkameyya, bhedanasaṃvattanikaṃ vā adhikaraṇaṃ samādāya paggayha tiṭṭheyya, sā bhikkhunī bhikkhunīhi evamassa vacanīyā ‘‘māyyā, samaggassa saṅghassa bhedāya parakkami, bhedanasaṃvattanikaṃ vā adhikaraṇaṃ samādāya paggayha aṭṭhāsi, sametāyyā, saṅghena, samaggo hi saṅgho sammodamāno avivadamāno ekuddeso phāsu viharatī’’ti. Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya, yāvatatiyañce samanubhāsiyamānā taṃ paṭinissajjeyya, iccetaṃ kusalaṃ. No ce paṭinissajjeyya, ayampi bhikkhunī yāvatatiyakaṃ dhammaṃ āpannā nissāraṇīyaṃ saṅghādisesaṃ.

    бхзд̣̇аанувад̇д̇агасигкаабад̣̇ам̣

    Bhedānuvattakasikkhāpadaṃ

    15. д̇ассааязва ко бана бхигкунияаа бхигкунияо хонд̇и анувад̇д̇игаа ваг̇г̇аваад̣̇игаа згаа ваа д̣̇вз ваа д̇иссо ваа, д̇аа звам̣ вад̣̇зяяум̣ ‘‘мааяяааяо, зд̇ам̣ бхигкуним̣ гин̃жи аважуд̇т̇а д̇хаммаваад̣̇иний жзсаа бхигкуний, винаяаваад̣̇иний жзсаа бхигкуний, амхааган̃жзсаа бхигкуний чанд̣̇ан̃жа ружин̃жа аад̣̇ааяа вохарад̇и, ж̇аанаад̇и, но бхаасад̇и, амхаагамбзд̇ам̣ камад̇ий’’д̇и, д̇аа бхигкунияо бхигкунийхи звамассу важанийяаа ‘‘мааяяааяо, звам̣ аважуд̇т̇а, на жзсаа бхигкуний д̇хаммаваад̣̇иний, на жзсаа бхигкуний винаяаваад̣̇иний, мааяяаанамби сан̇гхабхзд̣̇о ружжид̇т̇а, самзд̇ааяяаанам̣ сан̇гхзна, самаг̇г̇о хи сан̇гхо саммод̣̇амаано авивад̣̇амаано згуд̣̇д̣̇зсо паасу вихарад̇ий’’д̇и, зван̃жа д̇аа бхигкунияо бхигкунийхи вужжамаанаа д̇ат̇зва баг̇г̇ан̣хзяяум̣, д̇аа бхигкунияо бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа, яаавад̇ад̇ияан̃жз саманубхаасияамаанаа д̇ам̣ бадиниссаж̇ж̇зяяум̣. ижжзд̇ам̣ гусалам̣. но жз бадиниссаж̇ж̇зяяум̣, имааби бхигкунияо яаавад̇ад̇ияагам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    15. Tassāyeva kho pana bhikkhuniyā bhikkhuniyo honti anuvattikā vaggavādikā ekā vā dve vā tisso vā, tā evaṃ vadeyyuṃ ‘‘māyyāyo, etaṃ bhikkhuniṃ kiñci avacuttha dhammavādinī cesā bhikkhunī, vinayavādinī cesā bhikkhunī, amhākañcesā bhikkhunī chandañca ruciñca ādāya voharati, jānāti, no bhāsati, amhākampetaṃ khamatī’’ti, tā bhikkhuniyo bhikkhunīhi evamassu vacanīyā ‘‘māyyāyo, evaṃ avacuttha, na cesā bhikkhunī dhammavādinī, na cesā bhikkhunī vinayavādinī, māyyānampi saṅghabhedo ruccittha, sametāyyānaṃ saṅghena, samaggo hi saṅgho sammodamāno avivadamāno ekuddeso phāsu viharatī’’ti, evañca tā bhikkhuniyo bhikkhunīhi vuccamānā tatheva paggaṇheyyuṃ, tā bhikkhuniyo bhikkhunīhi yāvatatiyaṃ samanubhāsitabbā tassa paṭinissaggāya, yāvatatiyañce samanubhāsiyamānā taṃ paṭinissajjeyyuṃ. Iccetaṃ kusalaṃ. No ce paṭinissajjeyyuṃ, imāpi bhikkhuniyo yāvatatiyakaṃ dhammaṃ āpannā nissāraṇīyaṃ saṅghādisesaṃ.

    д̣̇уб̣б̣ажасигкаабад̣̇ам̣

    Dubbacasikkhāpadaṃ

    16. бхигкуний банзва д̣̇уб̣б̣ажаж̇аад̇игаа ход̇и уд̣̇д̣̇зсабарияаабаннзсу сигкаабад̣̇зсу бхигкунийхи сахад̇хаммигам̣ вужжамаанаа ад̇д̇аанам̣ аважанийяам̣ гарод̇и ‘‘маа мам̣ аяяааяо гин̃жи аважуд̇т̇а галяаан̣ам̣ ваа баабагам̣ ваа, ахамбааяяааяо, на гин̃жи вагкаами галяаан̣ам̣ ваа баабагам̣ ваа, вирамат̇ааяяааяо, мама важанааяаа’’д̇и, саа бхигкуний бхигкунийхи звамасса важанийяаа ‘‘мааяяаа, ад̇д̇аанам̣ аважанийяам̣ агааси, важанийяамзва, аяяаа, ад̇д̇аанам̣ гарод̇у, аяяааби бхигкунияо вад̣̇ад̇у сахад̇хаммзна, бхигкунияоби аяяам̣ вагканд̇и сахад̇хаммзна, звам̣ сам̣вад̣̇д̇хаа хи д̇асса бхаг̇авад̇о барисаа яад̣̇ид̣̇ам̣ ан̃н̃аман̃н̃аважанзна ан̃н̃аман̃н̃авудтаабанзнаа’’д̇и. зван̃жа саа бхигкуний бхигкунийхи вужжамаанаа д̇ат̇зва баг̇г̇ан̣хзяяа, саа бхигкуний бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа, яаавад̇ад̇ияан̃жз саманубхаасияамаанаа д̇ам̣ бадиниссаж̇ж̇зяяа, ижжзд̇ам̣ гусалам̣. но жз бадиниссаж̇ж̇зяяа, аяамби бхигкуний яаавад̇ад̇ияагам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    16. Bhikkhunī paneva dubbacajātikā hoti uddesapariyāpannesu sikkhāpadesu bhikkhunīhi sahadhammikaṃ vuccamānā attānaṃ avacanīyaṃ karoti ‘‘mā maṃ ayyāyo kiñci avacuttha kalyāṇaṃ vā pāpakaṃ vā, ahampāyyāyo, na kiñci vakkhāmi kalyāṇaṃ vā pāpakaṃ vā, viramathāyyāyo, mama vacanāyā’’ti, sā bhikkhunī bhikkhunīhi evamassa vacanīyā ‘‘māyyā, attānaṃ avacanīyaṃ akāsi, vacanīyameva, ayyā, attānaṃ karotu, ayyāpi bhikkhuniyo vadatu sahadhammena, bhikkhuniyopi ayyaṃ vakkhanti sahadhammena, evaṃ saṃvaddhā hi tassa bhagavato parisā yadidaṃ aññamaññavacanena aññamaññavuṭṭhāpanenā’’ti. Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya, yāvatatiyañce samanubhāsiyamānā taṃ paṭinissajjeyya, iccetaṃ kusalaṃ. No ce paṭinissajjeyya, ayampi bhikkhunī yāvatatiyakaṃ dhammaṃ āpannā nissāraṇīyaṃ saṅghādisesaṃ.

    гулад̣̇уусагасигкаабад̣̇ам̣

    Kuladūsakasikkhāpadaṃ

    17. бхигкуний банзва ан̃н̃ад̇арам̣ г̇аамам̣ ваа ниг̇амам̣ ваа убаниссааяа вихарад̇и гулад̣̇уусигаа баабасамаажаараа, д̇ассаа ко баабагаа самаажаараа д̣̇иссанд̇и жзва суяяанд̇и жа, гулаани жа д̇ааяа д̣̇удтаани д̣̇иссанд̇и жзва суяяанд̇и жа, саа бхигкуний бхигкунийхи звамасса важанийяаа ‘‘аяяаа, ко гулад̣̇уусигаа баабасамаажаараа, аяяааяа ко баабагаа самаажаараа д̣̇иссанд̇и жзва суяяанд̇и жа, гулаани жааяяааяа, д̣̇удтаани д̣̇иссанд̇и жзва суяяанд̇и жа, баггамад̇ааяяаа имамхаа ааваасаа, алам̣ д̇з ид̇ха ваасзнаа’’д̇и. зван̃жа саа бхигкуний бхигкунийхи вужжамаанаа д̇аа бхигкунияо звам̣ вад̣̇зяяа ‘‘чанд̣̇аг̇ааминияо жа бхигкунияо, д̣̇осаг̇ааминияо жа бхигкунияо, мохаг̇ааминияо жа бхигкунияо, бхаяаг̇ааминияо жа бхигкунияо, д̇аад̣̇исигааяа аабад̇д̇ияаа згажжам̣ баб̣б̣ааж̇знд̇и згажжам̣ на баб̣б̣ааж̇знд̇ий’’д̇и, саа бхигкуний бхигкунийхи звамасса важанийяаа ‘‘мааяяаа, звам̣ аважа, на жа бхигкунияо чанд̣̇аг̇ааминияо, на жа бхигкунияо д̣̇осаг̇ааминияо , на жа бхигкунияо мохаг̇ааминияо, на жа бхигкунияо бхаяаг̇ааминияо, аяяаа ко гулад̣̇уусигаа баабасамаажаараа, аяяааяа ко баабагаа самаажаараа д̣̇иссанд̇и жзва суяяанд̇и жа, гулаани жааяяааяа д̣̇удтаани д̣̇иссанд̇и жзва суяяанд̇и жа, баггамад̇ааяяаа, имамхаа ааваасаа алам̣ д̇з ид̇ха ваасзнаа’’д̇и. зван̃жа саа бхигкуний бхигкунийхи вужжамаанаа д̇ат̇зва баг̇г̇ан̣хзяяа, саа бхигкуний бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа, яаавад̇ад̇ияан̃жз саманубхаасияамаанаа д̇ам̣ бадиниссаж̇ж̇зяяа, ижжзд̇ам̣ гусалам̣. но жз бадиниссаж̇ж̇зяяа, аяамби бхигкуний яаавад̇ад̇ияагам̣ д̇хаммам̣ аабаннаа ниссааран̣ийяам̣ сан̇гхаад̣̇исзсам̣.

    17. Bhikkhunī paneva aññataraṃ gāmaṃ vā nigamaṃ vā upanissāya viharati kuladūsikā pāpasamācārā, tassā kho pāpakā samācārā dissanti ceva suyyanti ca, kulāni ca tāya duṭṭhāni dissanti ceva suyyanti ca, sā bhikkhunī bhikkhunīhi evamassa vacanīyā ‘‘ayyā, kho kuladūsikā pāpasamācārā, ayyāya kho pāpakā samācārā dissanti ceva suyyanti ca, kulāni cāyyāya, duṭṭhāni dissanti ceva suyyanti ca, pakkamatāyyā imamhā āvāsā, alaṃ te idha vāsenā’’ti. Evañca sā bhikkhunī bhikkhunīhi vuccamānā tā bhikkhuniyo evaṃ vadeyya ‘‘chandagāminiyo ca bhikkhuniyo, dosagāminiyo ca bhikkhuniyo, mohagāminiyo ca bhikkhuniyo, bhayagāminiyo ca bhikkhuniyo, tādisikāya āpattiyā ekaccaṃ pabbājenti ekaccaṃ na pabbājentī’’ti, sā bhikkhunī bhikkhunīhi evamassa vacanīyā ‘‘māyyā, evaṃ avaca, na ca bhikkhuniyo chandagāminiyo, na ca bhikkhuniyo dosagāminiyo , na ca bhikkhuniyo mohagāminiyo, na ca bhikkhuniyo bhayagāminiyo, ayyā kho kuladūsikā pāpasamācārā, ayyāya kho pāpakā samācārā dissanti ceva suyyanti ca, kulāni cāyyāya duṭṭhāni dissanti ceva suyyanti ca, pakkamatāyyā, imamhā āvāsā alaṃ te idha vāsenā’’ti. Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya, yāvatatiyañce samanubhāsiyamānā taṃ paṭinissajjeyya, iccetaṃ kusalaṃ. No ce paṭinissajjeyya, ayampi bhikkhunī yāvatatiyakaṃ dhammaṃ āpannā nissāraṇīyaṃ saṅghādisesaṃ.

    уд̣̇д̣̇идтаа ко аяяааяо сад̇д̇араса сан̇гхаад̣̇исзсаа д̇хаммаа нава батамаабад̇д̇игаа, адта яаавад̇ад̇ияагаа,

    Uddiṭṭhā kho ayyāyo sattarasa saṅghādisesā dhammā nava paṭhamāpattikā, aṭṭha yāvatatiyakā,

    язсам̣ бхигкуний ан̃н̃ад̇арам̣ ваа ан̃н̃ад̇арам̣ ваа аабаж̇ж̇ад̇и, д̇ааяа бхигкунияаа убхад̇осан̇гхз багкамаанад̇д̇ам̣ жарид̇аб̣б̣ам̣. жин̣н̣амаанад̇д̇аа бхигкуний яад̇т̇а сияаа вийсад̇иг̇ан̣о бхигкунисан̇гхо, д̇ад̇т̇а саа бхигкуний аб̣бхзд̇аб̣б̣аа. згааяаби жз ууно вийсад̇иг̇ан̣о бхигкунисан̇гхо д̇ам̣ бхигкуним̣ аб̣бхзяяа, саа жа бхигкуний анаб̣бхид̇аа, д̇аа жа бхигкунияо г̇аараяхаа, аяам̣ д̇ад̇т̇а саамийжи. д̇ад̇т̇ааяяааяо бужчаами, гажжид̇т̇а барисуд̣̇д̇хаа, д̣̇уд̇ияамби, бужчаами, гажжид̇т̇а барисуд̣̇д̇хаа, д̇ад̇ияамби бужчаами, гажжид̇т̇а барисуд̣̇д̇хаа, барисуд̣̇д̇хзд̇т̇ааяяааяо, д̇асмаа д̇ун̣хий, звамзд̇ам̣ д̇хаараяаамийд̇и.

    Yesaṃ bhikkhunī aññataraṃ vā aññataraṃ vā āpajjati, tāya bhikkhuniyā ubhatosaṅghe pakkhamānattaṃ caritabbaṃ. Ciṇṇamānattā bhikkhunī yattha siyā vīsatigaṇo bhikkhunisaṅgho, tattha sā bhikkhunī abbhetabbā. Ekāyapi ce ūno vīsatigaṇo bhikkhunisaṅgho taṃ bhikkhuniṃ abbheyya, sā ca bhikkhunī anabbhitā, tā ca bhikkhuniyo gārayhā, ayaṃ tattha sāmīci. Tatthāyyāyo pucchāmi, kaccittha parisuddhā, dutiyampi, pucchāmi, kaccittha parisuddhā, tatiyampi pucchāmi, kaccittha parisuddhā, parisuddhetthāyyāyo, tasmā tuṇhī, evametaṃ dhārayāmīti.

    сан̇гхаад̣̇исзсо нидтид̇о.

    Saṅghādiseso niṭṭhito.

    ниссаг̇г̇ияа баажид̇д̇ияаа

    Nissaggiya pācittiyā

    имз ко банааяяааяо д̇им̣са ниссаг̇г̇ияаа баажид̇д̇ияаа

    Ime kho panāyyāyo tiṃsa nissaggiyā pācittiyā

    д̇хаммаа уд̣̇д̣̇зсам̣ ааг̇ажчанд̇и.

    Dhammā uddesaṃ āgacchanti.

    бад̇д̇асаннижаяасигкаабад̣̇ам̣

    Pattasannicayasikkhāpadaṃ

    1. яаа бана бхигкуний бад̇д̇асаннижаяам̣ гарзяяа, ниссаг̇г̇ияам̣ баажид̇д̇ияам̣.

    1. Yā pana bhikkhunī pattasannicayaṃ kareyya, nissaggiyaṃ pācittiyaṃ.

    агаалажийварабхааж̇анасигкаабад̣̇ам̣

    Akālacīvarabhājanasikkhāpadaṃ

    2. яаа бана бхигкуний агаалажийварам̣ ‘‘гаалажийвара’’нд̇и ад̇хидтахид̇ваа бхааж̇аабзяяа, ниссаг̇г̇ияам̣ баажид̇д̇ияам̣.

    2. Yā pana bhikkhunī akālacīvaraṃ ‘‘kālacīvara’’nti adhiṭṭhahitvā bhājāpeyya, nissaggiyaṃ pācittiyaṃ.

    жийварабаривад̇д̇анасигкаабад̣̇ам̣

    Cīvaraparivattanasikkhāpadaṃ

    3. яаа бана бхигкуний бхигкунияаа сад̣̇д̇хим̣ жийварам̣ баривад̇д̇зд̇ваа саа бажчаа звам̣ вад̣̇зяяа ‘‘ханд̣̇ааяяз, д̇уяхам̣ жийварам̣, аахара мзд̇ам̣ жийварам̣, яам̣ д̇уяхам̣ д̇уяхамзвзд̇ам̣, яам̣ маяхам̣ маяхамзвзд̇ам̣, аахара мзд̇ам̣ жийварам̣, сагам̣ бажжаахараа’’д̇и ажчинд̣̇зяяа ваа ажчинд̣̇аабзяяа ваа, ниссаг̇г̇ияам̣ баажид̇д̇ияам̣.

    3. Yā pana bhikkhunī bhikkhuniyā saddhiṃ cīvaraṃ parivattetvā sā pacchā evaṃ vadeyya ‘‘handāyye, tuyhaṃ cīvaraṃ, āhara metaṃ cīvaraṃ, yaṃ tuyhaṃ tuyhamevetaṃ, yaṃ mayhaṃ mayhamevetaṃ, āhara metaṃ cīvaraṃ, sakaṃ paccāharā’’ti acchindeyya vā acchindāpeyya vā, nissaggiyaṃ pācittiyaṃ.

    ан̃н̃авин̃н̃аабанасигкаабад̣̇ам̣

    Aññaviññāpanasikkhāpadaṃ

    4. яаа бана бхигкуний ан̃н̃ам̣ вин̃н̃аабзд̇ваа ан̃н̃ам̣ вин̃н̃аабзяяа, ниссаг̇г̇ияам̣ баажид̇д̇ияам̣.

    4. Yā pana bhikkhunī aññaṃ viññāpetvā aññaṃ viññāpeyya, nissaggiyaṃ pācittiyaṃ.

    ан̃н̃ажзд̇аабана сигкаабад̣̇ам̣

    Aññacetāpana sikkhāpadaṃ

    5. яаа бана бхигкуний ан̃н̃ам̣ жзд̇аабзд̇ваа ан̃н̃ам̣ жзд̇аабзяяа, ниссаг̇г̇ияам̣ баажид̇д̇ияам̣.

    5. Yā pana bhikkhunī aññaṃ cetāpetvā aññaṃ cetāpeyya, nissaggiyaṃ pācittiyaṃ.

    батамасан̇гхигажзд̇аабанасигкаабад̣̇ам̣

    Paṭhamasaṅghikacetāpanasikkhāpadaṃ

    6. яаа бана бхигкуний ан̃н̃ад̣̇ад̇т̇игзна баригкаарзна ан̃н̃уд̣̇д̣̇исигзна сан̇гхигзна ан̃н̃ам̣ жзд̇аабзяяа, ниссаг̇г̇ияам̣ баажид̇д̇ияам̣.

    6. Yā pana bhikkhunī aññadatthikena parikkhārena aññuddisikena saṅghikena aññaṃ cetāpeyya, nissaggiyaṃ pācittiyaṃ.

    д̣̇уд̇ияасан̇гхигажзд̇аабанасигкаабад̣̇ам̣

    Dutiyasaṅghikacetāpanasikkhāpadaṃ

    7. яаа бана бхигкуний ан̃н̃ад̣̇ад̇т̇игзна баригкаарзна ан̃н̃уд̣̇д̣̇исигзна сан̇гхигзна сан̃н̃аажигзна ан̃н̃ам̣ жзд̇аабзяяа, ниссаг̇г̇ияам̣ баажид̇д̇ияам̣.

    7. Yā pana bhikkhunī aññadatthikena parikkhārena aññuddisikena saṅghikena saññācikena aññaṃ cetāpeyya, nissaggiyaṃ pācittiyaṃ.

    батамаг̇ан̣игажзд̇аабанасигкаабад̣̇ам̣

    Paṭhamagaṇikacetāpanasikkhāpadaṃ

    8. яаа бана бхигкуний ан̃н̃ад̣̇ад̇т̇игзна баригкаарзна ан̃н̃уд̣̇д̣̇исигзна махааж̇анигзна ан̃н̃ам̣ жзд̇аабзяяа, ниссаг̇г̇ияам̣ баажид̇д̇ияам̣.

    8. Yā pana bhikkhunī aññadatthikena parikkhārena aññuddisikena mahājanikena aññaṃ cetāpeyya, nissaggiyaṃ pācittiyaṃ.

    д̣̇уд̇ияаг̇ан̣игажзд̇аабанасигкаабад̣̇ам̣

    Dutiyagaṇikacetāpanasikkhāpadaṃ

    9. яаа бана бхигкуний ан̃н̃ад̣̇ад̇т̇игзна баригкаарзна ан̃н̃уд̣̇д̣̇исигзна махааж̇анигзна сан̃н̃аажигзна ан̃н̃ам̣ жзд̇аабзяяа, ниссаг̇г̇ияам̣ баажид̇д̇ияам̣.

    9. Yā pana bhikkhunī aññadatthikena parikkhārena aññuddisikena mahājanikena saññācikena aññaṃ cetāpeyya, nissaggiyaṃ pācittiyaṃ.

    буг̇г̇алигажзд̇аабанасигкаабад̣̇ам̣

    Puggalikacetāpanasikkhāpadaṃ

    10. яаа бана бхигкуний ан̃н̃ад̣̇ад̇т̇игзна баригкаарзна ан̃н̃уд̣̇д̣̇исигзна буг̇г̇алигзна сан̃н̃аажигзна ан̃н̃ам̣ жзд̇аабзяяа, ниссаг̇г̇ияам̣ баажид̇д̇ияам̣.

    10. Yā pana bhikkhunī aññadatthikena parikkhārena aññuddisikena puggalikena saññācikena aññaṃ cetāpeyya, nissaggiyaṃ pācittiyaṃ.

    бад̇д̇аваг̇г̇о батамо.

    Pattavaggo paṭhamo.

    г̇арубаавуран̣асигкаабад̣̇ам̣

    Garupāvuraṇasikkhāpadaṃ

    11. г̇арубаавуран̣ам̣ бана бхигкунияаа жзд̇аабзнд̇ияаа жад̇уггам̣сабарамам̣ жзд̇аабзд̇аб̣б̣ам̣. д̇ад̇о жз уд̇д̇ари жзд̇аабзяяа, ниссаг̇г̇ияам̣ баажид̇д̇ияам̣.

    11. Garupāvuraṇaṃ pana bhikkhuniyā cetāpentiyā catukkaṃsaparamaṃ cetāpetabbaṃ. Tato ce uttari cetāpeyya, nissaggiyaṃ pācittiyaṃ.

    лахубаавуран̣асигкаабад̣̇ам̣

    Lahupāvuraṇasikkhāpadaṃ

    12. лахубаавуран̣ам̣ бана бхигкунияаа жзд̇аабзнд̇ияаа ад̣дхад̇зяяагам̣сабарамам̣ жзд̇аабзд̇аб̣б̣ам̣. д̇ад̇о жз уд̇д̇ари жзд̇аабзяяа, ниссаг̇г̇ияам̣ баажид̇д̇ияам̣.

    12. Lahupāvuraṇaṃ pana bhikkhuniyā cetāpentiyā aḍḍhateyyakaṃsaparamaṃ cetāpetabbaṃ. Tato ce uttari cetāpeyya, nissaggiyaṃ pācittiyaṃ.

    гат̇инасигкаабад̣̇ам̣

    Kathinasikkhāpadaṃ

    13. нидтид̇ажийварасмим̣ бхигкунияаа уб̣бхад̇асмим̣ гат̇инз д̣̇асаахабарамам̣ ад̇ирзгажийварам̣ д̇хаарзд̇аб̣б̣ам̣. д̇ам̣ ад̇иггаамзнд̇ияаа, ниссаг̇г̇ияам̣ баажид̇д̇ияам̣.

    13. Niṭṭhitacīvarasmiṃ bhikkhuniyā ubbhatasmiṃ kathine dasāhaparamaṃ atirekacīvaraṃ dhāretabbaṃ. Taṃ atikkāmentiyā, nissaggiyaṃ pācittiyaṃ.

    уд̣̇осид̇асигкаабад̣̇ам̣

    Udositasikkhāpadaṃ

    14. нидтид̇ажийварасмим̣ бхигкунияаа уб̣бхад̇асмим̣ гат̇инз згарад̇д̇амби жз бхигкуний д̇ижийварзна виббавасзяяа, ан̃н̃ад̇ра бхигкунисаммуд̇ияаа ниссаг̇г̇ияам̣ баажид̇д̇ияам̣.

    14. Niṭṭhitacīvarasmiṃ bhikkhuniyā ubbhatasmiṃ kathine ekarattampi ce bhikkhunī ticīvarena vippavaseyya, aññatra bhikkhunisammutiyā nissaggiyaṃ pācittiyaṃ.

    агаалажийварасигкаабад̣̇ам̣

    Akālacīvarasikkhāpadaṃ

    15. нидтид̇ажийварасмим̣ бхигкунияаа уб̣бхад̇асмим̣ гат̇инз бхигкунияаа банзва агаалажийварам̣ уббаж̇ж̇зяяа, ааган̇камаанааяа бхигкунияаа бадиг̇г̇ахзд̇аб̣б̣ам̣, бадиг̇г̇ахзд̇ваа киббамзва гаарзд̇аб̣б̣ам̣, но жасса баарибуури, маасабарамам̣ д̇ааяа бхигкунияаа д̇ам̣ жийварам̣ нигкибид̇аб̣б̣ам̣ уунасса баарибуурияаа сад̇ияаа бажжаасааяа. д̇ад̇о жз уд̇д̇ари нигкибзяяа сад̇ияааби бажжаасааяа, ниссаг̇г̇ияам̣ баажид̇д̇ияам̣.

    15. Niṭṭhitacīvarasmiṃ bhikkhuniyā ubbhatasmiṃ kathine bhikkhuniyā paneva akālacīvaraṃ uppajjeyya, ākaṅkhamānāya bhikkhuniyā paṭiggahetabbaṃ, paṭiggahetvā khippameva kāretabbaṃ, no cassa pāripūri, māsaparamaṃ tāya bhikkhuniyā taṃ cīvaraṃ nikkhipitabbaṃ ūnassa pāripūriyā satiyā paccāsāya. Tato ce uttari nikkhipeyya satiyāpi paccāsāya, nissaggiyaṃ pācittiyaṃ.

    ан̃н̃аад̇агавин̃н̃ад̇д̇исигкаабад̣̇ам̣

    Aññātakaviññattisikkhāpadaṃ

    16. яаа бана бхигкуний ан̃н̃аад̇агам̣ г̇ахабад̇им̣ ваа г̇ахабад̇ааним̣ ваа жийварам̣ вин̃н̃аабзяяа ан̃н̃ад̇ра самаяаа, ниссаг̇г̇ияам̣ баажид̇д̇ияам̣. д̇ад̇т̇ааяам̣ самаяо ажчиннажийвараа ваа ход̇и бхигкуний, надтажийвараа ваа, аяам̣ д̇ад̇т̇а самаяо.

    16. Yā pana bhikkhunī aññātakaṃ gahapatiṃ vā gahapatāniṃ vā cīvaraṃ viññāpeyya aññatra samayā, nissaggiyaṃ pācittiyaṃ. Tatthāyaṃ samayo acchinnacīvarā vā hoti bhikkhunī, naṭṭhacīvarā vā, ayaṃ tattha samayo.

    д̇ад̇уд̇д̇арисигкаабад̣̇ам̣

    Tatuttarisikkhāpadaṃ

    17. д̇ан̃жз ан̃н̃аад̇аго г̇ахабад̇и ваа г̇ахабад̇ааний ваа б̣ахуухи жийварзхи абхихадтум̣ баваарзяяа, санд̇аруд̇д̇арабарамам̣ д̇ааяа бхигкунияаа д̇ад̇о жийварам̣ саад̣̇ид̇аб̣б̣ам̣. д̇ад̇о жз уд̇д̇ари саад̣̇иязяяа, ниссаг̇г̇ияам̣ баажид̇д̇ияам̣.

    17. Tañce aññātako gahapati vā gahapatānī vā bahūhi cīvarehi abhihaṭṭhuṃ pavāreyya, santaruttaraparamaṃ tāya bhikkhuniyā tato cīvaraṃ sāditabbaṃ. Tato ce uttari sādiyeyya, nissaggiyaṃ pācittiyaṃ.

    батамаубагкадасигкаабад̣̇ам̣

    Paṭhamaupakkhaṭasikkhāpadaṃ

    18. бхигкуним̣ банзва уд̣̇д̣̇исса ан̃н̃аад̇агасса г̇ахабад̇исса ваа г̇ахабад̇аанияаа ваа жийваражзд̇аабаннам̣ убагкадам̣ ход̇и ‘‘иминаа жийваражзд̇аабаннзна жийварам̣ жзд̇аабзд̇ваа ид̇т̇аннаамам̣ бхигкуним̣ жийварзна ажчаад̣̇зссаамий’’д̇и. д̇ад̇ра жзсаа бхигкуний буб̣б̣з аббаваарид̇аа убасан̇гамид̇ваа жийварз вигаббам̣ аабаж̇ж̇зяяа ‘‘саад̇ху вад̇а, мам̣ ааяасмаа иминаа жийваражзд̇аабаннзна зваруубам̣ ваа зваруубам̣ ваа жийварам̣ жзд̇аабзд̇ваа ажчаад̣̇зхий’’д̇и галяаан̣агамяад̇ам̣ убаад̣̇ааяа, ниссаг̇г̇ияам̣ баажид̇д̇ияам̣.

    18. Bhikkhuniṃ paneva uddissa aññātakassa gahapatissa vā gahapatāniyā vā cīvaracetāpannaṃ upakkhaṭaṃ hoti ‘‘iminā cīvaracetāpannena cīvaraṃ cetāpetvā itthannāmaṃ bhikkhuniṃ cīvarena acchādessāmī’’ti. Tatra cesā bhikkhunī pubbe appavāritā upasaṅkamitvā cīvare vikappaṃ āpajjeyya ‘‘sādhu vata, maṃ āyasmā iminā cīvaracetāpannena evarūpaṃ vā evarūpaṃ vā cīvaraṃ cetāpetvā acchādehī’’ti kalyāṇakamyataṃ upādāya, nissaggiyaṃ pācittiyaṃ.

    д̣̇уд̇ияаубагкадасигкаабад̣̇ам̣

    Dutiyaupakkhaṭasikkhāpadaṃ

    19. бхигкуним̣ банзва уд̣̇д̣̇исса убхиннам̣ ан̃н̃аад̇агаанам̣ г̇ахабад̇ийнам̣ ваа г̇ахабад̇аанийнам̣ ваа бажжзгажийваражзд̇аабаннаани убагкадаани хонд̇и ‘‘имзхи маяам̣ бажжзгажийваражзд̇аабаннзхи бажжзгажийвараани жзд̇аабзд̇ваа ид̇т̇аннаамам̣ бхигкуним̣ жийварзхи ажчаад̣̇зссаамаа’’д̇и. д̇ад̇ра жзсаа бхигкууний буб̣б̣з аббаваарид̇аа убасан̇гамид̇ваа жийварз вигаббам̣ аабаж̇ж̇зяяа ‘‘саад̇ху вад̇а мам̣ ааяасманд̇о имзхи бажжзгажийваражзд̇аабаннзхи зваруубам̣ ваа зваруубам̣ ваа жийварам̣ жзд̇аабзд̇ваа ажчаад̣̇зт̇а убхова санд̇аа згзнаа’’д̇и галяаан̣агамяад̇ам̣ убаад̣̇ааяа, ниссаг̇г̇ияам̣ баажид̇д̇ияам̣.

    19. Bhikkhuniṃ paneva uddissa ubhinnaṃ aññātakānaṃ gahapatīnaṃ vā gahapatānīnaṃ vā paccekacīvaracetāpannāni upakkhaṭāni honti ‘‘imehi mayaṃ paccekacīvaracetāpannehi paccekacīvarāni cetāpetvā itthannāmaṃ bhikkhuniṃ cīvarehi acchādessāmā’’ti. Tatra cesā bhikkhūnī pubbe appavāritā upasaṅkamitvā cīvare vikappaṃ āpajjeyya ‘‘sādhu vata maṃ āyasmanto imehi paccekacīvaracetāpannehi evarūpaṃ vā evarūpaṃ vā cīvaraṃ cetāpetvā acchādetha ubhova santā ekenā’’ti kalyāṇakamyataṃ upādāya, nissaggiyaṃ pācittiyaṃ.

    рааж̇асигкаабад̣̇ам̣

    Rājasikkhāpadaṃ

    20. бхигкуним̣ банзва уд̣̇д̣̇исса рааж̇аа ваа рааж̇абхог̇г̇о ваа б̣раахман̣о ваа г̇ахабад̇иго ваа д̣̇ууд̇зна жийваражзд̇аабаннам̣ бахин̣зяяа ‘‘иминаа жийваражзд̇аабаннзна жийварам̣ жзд̇аабзд̇ваа ид̇т̇аннаамам̣ бхигкуним̣ жийварзна ажчаад̣̇зхий’’д̇и. со жз д̣̇ууд̇о д̇ам̣ бхигкуним̣ убасан̇гамид̇ваа звам̣ вад̣̇зяяа ‘‘ид̣̇ам̣ ко, аяяз, аяяам̣ уд̣̇д̣̇исса жийваражзд̇аабаннам̣ аабхад̇ам̣, бадиг̇г̇ан̣хаад̇ааяяаа жийваражзд̇аабанна’’нд̇и. д̇ааяа бхигкунияаа со д̣̇ууд̇о звамасса важанийяо ‘‘на ко маяам̣, аавусо, жийваражзд̇аабаннам̣ бадиг̇г̇ан̣хаама, жийваран̃жа ко маяам̣ бадиг̇г̇ан̣хаама гаалзна габбияа’’нд̇и. со жз д̣̇ууд̇о д̇ам̣ бхигкуним̣ звам̣ вад̣̇зяяа ‘‘ад̇т̇и банааяяааяа, гожи взяяааважжагаро’’д̇и, жийварад̇т̇игааяа, бхигкавз, бхигкунияаа взяяааважжагаро нид̣̇д̣̇исид̇аб̣б̣о аараамиго ваа убаасаго ваа ‘‘зсо ко, аавусо, бхигкунийнам̣ взяяааважжагаро’’д̇и. со жз д̣̇ууд̇о д̇ам̣ взяяааважжагарам̣ сан̃н̃аабзд̇ваа д̇ам̣ бхигкуним̣ убасан̇гамид̇ваа звам̣ вад̣̇зяяа ‘‘яам̣ ко, аяяз, аяяаа взяяааважжагарам̣ нид̣̇д̣̇иси, сан̃н̃ад̇д̇о со маяаа, убасан̇гамад̇ааяяаа гаалзна, жийварзна д̇ам̣ ажчаад̣̇зссад̇ий’’д̇и. жийварад̇т̇игааяа, бхигкавз, бхигкунияаа взяяааважжагаро убасан̇гамид̇ваа д̣̇вад̇д̇игкад̇д̇ум̣ жод̣̇зд̇аб̣б̣о саарзд̇аб̣б̣о ‘‘ад̇т̇о мз, аавусо, жийварзнаа’’д̇и, д̣̇вад̇д̇игкад̇д̇ум̣ жод̣̇аяамаанаа саараяамаанаа д̇ам̣ жийварам̣ абхинибпаад̣̇зяяа, ижжзд̇ам̣ гусалам̣, но жз абхинибпаад̣̇зяяа, жад̇угкад̇д̇ум̣ бан̃жагкад̇д̇ум̣ чагкад̇д̇убарамам̣ д̇ун̣хийбхууд̇ааяа уд̣̇д̣̇исса таад̇аб̣б̣ам̣, жад̇угкад̇д̇ум̣ бан̃жагкад̇д̇ум̣ чагкад̇д̇убарамам̣ д̇ун̣хийбхууд̇аа уд̣̇д̣̇исса д̇идтамаанаа д̇ам̣ жийварам̣ абхинибпаад̣̇зяяа, ижжзд̇ам̣ гусалам̣. д̇ад̇о жз уд̇д̇ари вааяамамаанаа д̇ам̣ жийварам̣ абхинибпаад̣̇зяяа, ниссаг̇г̇ияам̣ баажид̇д̇ияам̣. но жз абхинибпаад̣̇зяяа, яад̇ассаа жийваражзд̇аабаннам̣ аабхад̇ам̣, д̇ад̇т̇а саамам̣ ваа г̇анд̇аб̣б̣ам̣, д̣̇ууд̇о ваа баахзд̇аб̣б̣о ‘‘яам̣ ко д̇умхз ааяасманд̇о бхигкуним̣ уд̣̇д̣̇исса жийваражзд̇аабаннам̣ бахин̣ид̇т̇а, на д̇ам̣ д̇ассаа бхигкунияаа гин̃жи ад̇т̇ам̣ анубход̇и, яун̃ж̇анд̇ааяасманд̇о сагам̣, маа во сагам̣ винассаа’’д̇и, аяам̣ д̇ад̇т̇а саамийжи.

    20. Bhikkhuniṃ paneva uddissa rājā vā rājabhoggo vā brāhmaṇo vā gahapatiko vā dūtena cīvaracetāpannaṃ pahiṇeyya ‘‘iminā cīvaracetāpannena cīvaraṃ cetāpetvā itthannāmaṃ bhikkhuniṃ cīvarena acchādehī’’ti. So ce dūto taṃ bhikkhuniṃ upasaṅkamitvā evaṃ vadeyya ‘‘idaṃ kho, ayye, ayyaṃ uddissa cīvaracetāpannaṃ ābhataṃ, paṭiggaṇhātāyyā cīvaracetāpanna’’nti. Tāya bhikkhuniyā so dūto evamassa vacanīyo ‘‘na kho mayaṃ, āvuso, cīvaracetāpannaṃ paṭiggaṇhāma, cīvarañca kho mayaṃ paṭiggaṇhāma kālena kappiya’’nti. So ce dūto taṃ bhikkhuniṃ evaṃ vadeyya ‘‘atthi panāyyāya, koci veyyāvaccakaro’’ti, cīvaratthikāya, bhikkhave, bhikkhuniyā veyyāvaccakaro niddisitabbo ārāmiko vā upāsako vā ‘‘eso kho, āvuso, bhikkhunīnaṃ veyyāvaccakaro’’ti. So ce dūto taṃ veyyāvaccakaraṃ saññāpetvā taṃ bhikkhuniṃ upasaṅkamitvā evaṃ vadeyya ‘‘yaṃ kho, ayye, ayyā veyyāvaccakaraṃ niddisi, saññatto so mayā, upasaṅkamatāyyā kālena, cīvarena taṃ acchādessatī’’ti. Cīvaratthikāya, bhikkhave, bhikkhuniyā veyyāvaccakaro upasaṅkamitvā dvattikkhattuṃ codetabbo sāretabbo ‘‘attho me, āvuso, cīvarenā’’ti, dvattikkhattuṃ codayamānā sārayamānā taṃ cīvaraṃ abhinipphādeyya, iccetaṃ kusalaṃ, no ce abhinipphādeyya, catukkhattuṃ pañcakkhattuṃ chakkhattuparamaṃ tuṇhībhūtāya uddissa ṭhātabbaṃ, catukkhattuṃ pañcakkhattuṃ chakkhattuparamaṃ tuṇhībhūtā uddissa tiṭṭhamānā taṃ cīvaraṃ abhinipphādeyya, iccetaṃ kusalaṃ. Tato ce uttari vāyamamānā taṃ cīvaraṃ abhinipphādeyya, nissaggiyaṃ pācittiyaṃ. No ce abhinipphādeyya, yatassā cīvaracetāpannaṃ ābhataṃ, tattha sāmaṃ vā gantabbaṃ, dūto vā pāhetabbo ‘‘yaṃ kho tumhe āyasmanto bhikkhuniṃ uddissa cīvaracetāpannaṃ pahiṇittha, na taṃ tassā bhikkhuniyā kiñci atthaṃ anubhoti, yuñjantāyasmanto sakaṃ, mā vo sakaṃ vinassā’’ti, ayaṃ tattha sāmīci.

    жийвараваг̇г̇о д̣̇уд̇ияо.

    Cīvaravaggo dutiyo.

    руубияасигкаабад̣̇ам̣

    Rūpiyasikkhāpadaṃ

    21. яаа бана бхигкуний ж̇аад̇аруубараж̇ад̇ам̣ уг̇г̇ан̣хзяяа ваа уг̇г̇ан̣хаабзяяа ваа убанигкид̇д̇ам̣ ваа саад̣̇иязяяа, ниссаг̇г̇ияам̣ баажид̇д̇ияам̣.

    21. Yā pana bhikkhunī jātarūparajataṃ uggaṇheyya vā uggaṇhāpeyya vā upanikkhittaṃ vā sādiyeyya, nissaggiyaṃ pācittiyaṃ.

    руубияасам̣вохаарасигкаабад̣̇ам̣

    Rūpiyasaṃvohārasikkhāpadaṃ

    22. яаа бана бхигкуний наанаббагаарагам̣ руубияасам̣вохаарам̣ самаабаж̇ж̇зяяа, ниссаг̇г̇ияам̣ баажид̇д̇ияам̣.

    22. Yā pana bhikkhunī nānappakārakaṃ rūpiyasaṃvohāraṃ samāpajjeyya, nissaggiyaṃ pācittiyaṃ.

    гаяавиггаяасигкаабад̣̇ам̣

    Kayavikkayasikkhāpadaṃ

    23. яаа бана бхигкуний наанаббагаарагам̣ гаяавиггаяам̣ самаабаж̇ж̇зяяа, ниссаг̇г̇ияам̣ баажид̇д̇ияам̣.

    23. Yā pana bhikkhunī nānappakārakaṃ kayavikkayaṃ samāpajjeyya, nissaggiyaṃ pācittiyaṃ.

    уунабан̃жаб̣анд̇ханасигкаабад̣̇ам̣

    Ūnapañcabandhanasikkhāpadaṃ

    24. яаа бана бхигкуний уунабан̃жаб̣анд̇ханзна бад̇д̇зна ан̃н̃ам̣ навам̣ бад̇д̇ам̣ жзд̇аабзяяа, ниссаг̇г̇ияам̣ баажид̇д̇ияам̣. д̇ааяа бхигкунияаа со бад̇д̇о бхигкунибарисааяа ниссаж̇ж̇ид̇аб̣б̣о, яо жа д̇ассаа бхигкунибарисааяа бад̇д̇абарияанд̇о, со д̇ассаа бхигкунияаа бад̣̇аад̇аб̣б̣о ‘‘аяам̣ д̇з бхигкуни бад̇д̇о яаавабхзд̣̇анааяа д̇хаарзд̇аб̣б̣о’’д̇и, аяам̣ д̇ад̇т̇а саамийжи.

    24. Yā pana bhikkhunī ūnapañcabandhanena pattena aññaṃ navaṃ pattaṃ cetāpeyya, nissaggiyaṃ pācittiyaṃ. Tāya bhikkhuniyā so patto bhikkhuniparisāya nissajjitabbo, yo ca tassā bhikkhuniparisāya pattapariyanto, so tassā bhikkhuniyā padātabbo ‘‘ayaṃ te bhikkhuni patto yāvabhedanāya dhāretabbo’’ti, ayaṃ tattha sāmīci.

    бхзсаж̇ж̇асигкаабад̣̇ам̣

    Bhesajjasikkhāpadaṃ

    25. яаани ко бана д̇аани г̇илаанаанам̣ бхигкунийнам̣ бадисааяанийяаани бхзсаж̇ж̇аани, сзяяат̇ид̣̇ам̣ – сабби наванийд̇ам̣ д̇злам̣ мад̇ху паан̣ид̇ам̣, д̇аани бадиг̇г̇ахзд̇ваа сад̇д̇аахабарамам̣ саннид̇хигаарагам̣ барибхун̃ж̇ид̇аб̣б̣аани. д̇ам̣ ад̇иггаамзнд̇ияаа, ниссаг̇г̇ияам̣ баажид̇д̇ияам̣.

    25. Yāni kho pana tāni gilānānaṃ bhikkhunīnaṃ paṭisāyanīyāni bhesajjāni, seyyathidaṃ – sappi navanītaṃ telaṃ madhu phāṇitaṃ, tāni paṭiggahetvā sattāhaparamaṃ sannidhikārakaṃ paribhuñjitabbāni. Taṃ atikkāmentiyā, nissaggiyaṃ pācittiyaṃ.

    жийвараажчинд̣̇анасигкаабад̣̇ам̣

    Cīvaraacchindanasikkhāpadaṃ

    26. яаа бана бхигкуний бхигкунияаа саамам̣ жийварам̣ д̣̇ад̇ваа губид̇аа анад̇д̇аманаа ажчинд̣̇зяяа ваа ажчинд̣̇аабзяяа ваа, ниссаг̇г̇ияам̣ баажид̇д̇ияам̣.

    26. Yā pana bhikkhunī bhikkhuniyā sāmaṃ cīvaraṃ datvā kupitā anattamanā acchindeyya vā acchindāpeyya vā, nissaggiyaṃ pācittiyaṃ.

    суд̇д̇авин̃н̃ад̇д̇исигкаабад̣̇ам̣

    Suttaviññattisikkhāpadaṃ

    27. яаа бана бхигкуний саамам̣ суд̇д̇ам̣ вин̃н̃аабзд̇ваа д̇анд̇авааязхи жийварам̣ вааяаабзяяа, ниссаг̇г̇ияам̣ баажид̇д̇ияам̣.

    27. Yā pana bhikkhunī sāmaṃ suttaṃ viññāpetvā tantavāyehi cīvaraṃ vāyāpeyya, nissaggiyaṃ pācittiyaṃ.

    махаабзсагаарасигкаабад̣̇ам̣

    Mahāpesakārasikkhāpadaṃ

    28. бхигкуним̣ банзва уд̣̇д̣̇исса ан̃н̃аад̇аго г̇ахабад̇и ваа г̇ахабад̇ааний ваа д̇анд̇авааязхи жийварам̣ вааяаабзяяа, д̇ад̇ра жзсаа бхигкуний буб̣б̣з аббаваарид̇аа д̇анд̇авааяз убасан̇гамид̇ваа жийварз вигаббам̣ аабаж̇ж̇зяяа ‘‘ид̣̇ам̣ ко аавусо жийварам̣ мам̣ уд̣̇д̣̇исса вияяад̇и, ааяад̇ан̃жа гарот̇а, вид̇т̇ад̇ан̃жа аббид̇ан̃жа сувийд̇ан̃жа суббавааяид̇ан̃жа сувилзкид̇ан̃жа сувид̇ажчид̇ан̃жа гарот̇а, аббзва наама маяамби ааяасманд̇аанам̣ гин̃жимад̇д̇ам̣ анубад̣̇аж̇ж̇зяяаамаа’’д̇и, зван̃жа саа бхигкуний вад̇ваа гин̃жимад̇д̇ам̣ анубад̣̇аж̇ж̇зяяа анд̇амасо бин̣д̣абаад̇амад̇д̇амби, ниссаг̇г̇ияам̣ баажид̇д̇ияам̣.

    28. Bhikkhuniṃ paneva uddissa aññātako gahapati vā gahapatānī vā tantavāyehi cīvaraṃ vāyāpeyya, tatra cesā bhikkhunī pubbe appavāritā tantavāye upasaṅkamitvā cīvare vikappaṃ āpajjeyya ‘‘idaṃ kho āvuso cīvaraṃ maṃ uddissa viyyati, āyatañca karotha, vitthatañca appitañca suvītañca suppavāyitañca suvilekhitañca suvitacchitañca karotha, appeva nāma mayampi āyasmantānaṃ kiñcimattaṃ anupadajjeyyāmā’’ti, evañca sā bhikkhunī vatvā kiñcimattaṃ anupadajjeyya antamaso piṇḍapātamattampi, nissaggiyaṃ pācittiyaṃ.

    ажжзгажийварасигкаабад̣̇ам̣

    Accekacīvarasikkhāpadaṃ

    29. д̣̇асаахаанааг̇ад̇ам̣ гад̇д̇игад̇змаасигабун̣н̣амам̣ бхигкунияаа банзва ажжзгажийварам̣ уббаж̇ж̇зяяа, ажжзгам̣ ман̃н̃амаанааяа бхигкунияаа бадиг̇г̇ахзд̇аб̣б̣ам̣, бадиг̇г̇ахзд̇ваа яаава жийварагааласамаяам̣ нигкибид̇аб̣б̣ам̣. д̇ад̇о жз уд̇д̇ари нигкибзяяа, ниссаг̇г̇ияам̣ баажид̇д̇ияам̣.

    29. Dasāhānāgataṃ kattikatemāsikapuṇṇamaṃ bhikkhuniyā paneva accekacīvaraṃ uppajjeyya, accekaṃ maññamānāya bhikkhuniyā paṭiggahetabbaṃ, paṭiggahetvā yāva cīvarakālasamayaṃ nikkhipitabbaṃ. Tato ce uttari nikkhipeyya, nissaggiyaṃ pācittiyaṃ.

    барин̣ад̇асигкаабад̣̇ам̣

    Pariṇatasikkhāpadaṃ

    30. яаа бана бхигкуний ж̇аанам̣ сан̇гхигам̣ лаабхам̣ барин̣ад̇ам̣ ад̇д̇ано барин̣аамзяяа, ниссаг̇г̇ияам̣ баажид̇д̇ияам̣.

    30. Yā pana bhikkhunī jānaṃ saṅghikaṃ lābhaṃ pariṇataṃ attano pariṇāmeyya, nissaggiyaṃ pācittiyaṃ.

    бад̇д̇аваг̇г̇о д̇ад̇ияо.

    Pattavaggo tatiyo.

    уд̣̇д̣̇идтаа ко, аяяааяо, д̇им̣са ниссаг̇г̇ияаа баажид̇д̇ияаа д̇хаммаа. д̇ад̇т̇ааяяааяо, бужчаами, гажжид̇т̇а барисуд̣̇д̇хаа, д̣̇уд̇ияамби бужчаами, гажжид̇т̇а барисуд̣̇д̇хаа, д̇ад̇ияамби бужчаами, гажжид̇т̇а барисуд̣̇д̇хаа, барисуд̣̇д̇хзд̇т̇ааяяааяо, д̇асмаа д̇ун̣хий, звамзд̇ам̣ д̇хаараяаамийд̇и.

    Uddiṭṭhā kho, ayyāyo, tiṃsa nissaggiyā pācittiyā dhammā. Tatthāyyāyo, pucchāmi, kaccittha parisuddhā, dutiyampi pucchāmi, kaccittha parisuddhā, tatiyampi pucchāmi, kaccittha parisuddhā, parisuddhetthāyyāyo, tasmā tuṇhī, evametaṃ dhārayāmīti.

    ниссаг̇г̇ияабаажид̇д̇ияаа нидтид̇аа.

    Nissaggiyapācittiyā niṭṭhitā.

    суд̣̇д̇хабаажид̇д̇ияаа

    Suddhapācittiyā

    имз ко банааяяааяо, часадтисад̇аа баажид̇д̇ияаа

    Ime kho panāyyāyo, chasaṭṭhisatā pācittiyā

    д̇хаммаа уд̣̇д̣̇зсам̣ ааг̇ажчанд̇и.

    Dhammā uddesaṃ āgacchanti.

    ласун̣асигкаабад̣̇ам̣

    Lasuṇasikkhāpadaṃ

    1. яаа бана бхигкуний ласун̣ам̣ каад̣̇зяяа баажид̇д̇ияам̣.

    1. Yā pana bhikkhunī lasuṇaṃ khādeyya pācittiyaṃ.

    самб̣аад̇халомасигкаабад̣̇ам̣

    Sambādhalomasikkhāpadaṃ

    2. яаа бана бхигкуний самб̣аад̇хз ломам̣ сам̣хараабзяяа, баажид̇д̇ияам̣.

    2. Yā pana bhikkhunī sambādhe lomaṃ saṃharāpeyya, pācittiyaṃ.

    д̇алагхаад̇агасигкаабад̣̇ам̣

    Talaghātakasikkhāpadaṃ

    3. д̇алагхаад̇агз баажид̇д̇ияам̣.

    3. Talaghātake pācittiyaṃ.

    ж̇ад̇умадтагасигкаабад̣̇ам̣

    Jatumaṭṭhakasikkhāpadaṃ

    4. ж̇ад̇умадтагз баажид̇д̇ияам̣.

    4. Jatumaṭṭhake pācittiyaṃ.

    уд̣̇агасуд̣̇д̇хигасигкаабад̣̇ам̣

    Udakasuddhikasikkhāpadaṃ

    5. уд̣̇агасуд̣̇д̇хигам̣ бана бхигкунияаа аад̣̇ияамаанааяа д̣̇ван̇г̇улабаб̣б̣абарамам̣ аад̣̇аад̇аб̣б̣ам̣. д̇ам̣ ад̇иггаамзнд̇ияаа баажид̇д̇ияам̣.

    5. Udakasuddhikaṃ pana bhikkhuniyā ādiyamānāya dvaṅgulapabbaparamaṃ ādātabbaṃ. Taṃ atikkāmentiyā pācittiyaṃ.

    убад̇идтанасигкаабад̣̇ам̣

    Upatiṭṭhanasikkhāpadaṃ

    6. яаа бана бхигкуний бхигкусса бхун̃ж̇анд̇асса баанийязна ваа вид̇хуубанзна ваа убад̇идтзяяа, баажид̇д̇ияам̣.

    6. Yā pana bhikkhunī bhikkhussa bhuñjantassa pānīyena vā vidhūpanena vā upatiṭṭheyya, pācittiyaṃ.

    аамагад̇хан̃н̃асигкаабад̣̇ам̣

    Āmakadhaññasikkhāpadaṃ

    7. яаа бана бхигкуний аамагад̇хан̃н̃ам̣ вин̃н̃ад̇ваа ваа вин̃н̃аабзд̇ваа ваа бхаж̇ж̇ид̇ваа ваа бхаж̇ж̇аабзд̇ваа ваа годдзд̇ваа ваа годдаабзд̇ваа ваа бажид̇ваа ваа бажаабзд̇ваа ваа бхун̃ж̇зяяа, баажид̇д̇ияам̣.

    7. Yā pana bhikkhunī āmakadhaññaṃ viññatvā vā viññāpetvā vā bhajjitvā vā bhajjāpetvā vā koṭṭetvā vā koṭṭāpetvā vā pacitvā vā pacāpetvā vā bhuñjeyya, pācittiyaṃ.

    батамаужжаарачад̣д̣анасигкаабад̣̇ам̣

    Paṭhamauccārachaḍḍanasikkhāpadaṃ

    8. яаа бана бхигкуний ужжаарам̣ ваа бассаавам̣ ваа сан̇гаарам̣ ваа вигхаасам̣ ваа д̇ирогуддз ваа д̇иробаагаарз ваа чад̣д̣зяяа ваа чад̣д̣аабзяяа ваа, баажид̇д̇ияам̣.

    8. Yā pana bhikkhunī uccāraṃ vā passāvaṃ vā saṅkāraṃ vā vighāsaṃ vā tirokuṭṭe vā tiropākāre vā chaḍḍeyya vā chaḍḍāpeyya vā, pācittiyaṃ.

    д̣̇уд̇ияаужжаарачад̣д̣анасигкаабад̣̇ам̣

    Dutiyauccārachaḍḍanasikkhāpadaṃ

    9. яаа бана бхигкуний ужжаарам̣ ваа бассаавам̣ ваа сан̇гаарам̣ ваа вигхаасам̣ ваа харид̇з чад̣д̣зяяа ваа чад̣д̣аабзяяа ваа, баажид̇д̇ияам̣.

    9. Yā pana bhikkhunī uccāraṃ vā passāvaṃ vā saṅkāraṃ vā vighāsaṃ vā harite chaḍḍeyya vā chaḍḍāpeyya vā, pācittiyaṃ.

    нажжаг̇ийд̇асигкаабад̣̇ам̣

    Naccagītasikkhāpadaṃ

    10. яаа бана бхигкуний нажжам̣ ваа г̇ийд̇ам̣ ваа ваад̣̇ид̇ам̣ ваа д̣̇ассанааяа г̇ажчзяяа, баажид̇д̇ияам̣.

    10. Yā pana bhikkhunī naccaṃ vā gītaṃ vā vāditaṃ vā dassanāya gaccheyya, pācittiyaṃ.

    ласун̣аваг̇г̇о батамо.

    Lasuṇavaggo paṭhamo.

    рад̇д̇анд̇хагаарасигкаабад̣̇ам̣

    Rattandhakārasikkhāpadaṃ

    11. яаа бана бхигкуний рад̇д̇анд̇хагаарз аббад̣̇ийбз бурисзна сад̣̇д̇хим̣ згзнзгаа санд̇идтзяяа ваа саллабзяяа ваа, баажид̇д̇ияам̣.

    11. Yā pana bhikkhunī rattandhakāre appadīpe purisena saddhiṃ ekenekā santiṭṭheyya vā sallapeyya vā, pācittiyaṃ.

    бадижчанногаасасигкаабад̣̇ам̣

    Paṭicchannokāsasikkhāpadaṃ

    12. яаа бана бхигкуний бадижчаннз огаасз бурисзна сад̣̇д̇хим̣ згзнзгаа санд̇идтзяяа ваа саллабзяяа ваа, баажид̇д̇ияам̣.

    12. Yā pana bhikkhunī paṭicchanne okāse purisena saddhiṃ ekenekā santiṭṭheyya vā sallapeyya vā, pācittiyaṃ.

    аж̇жхогаасасаллабанасигкаабад̣̇ам̣

    Ajjhokāsasallapanasikkhāpadaṃ

    13. яаа бана бхигкуний аж̇жхогаасз бурисзна сад̣̇д̇хим̣ згзнзгаа санд̇идтзяяа ваа саллабзяяа ваа, баажид̇д̇ияам̣.

    13. Yā pana bhikkhunī ajjhokāse purisena saddhiṃ ekenekā santiṭṭheyya vā sallapeyya vā, pācittiyaṃ.

    д̣̇уд̇ияигауяяож̇анасигкаабад̣̇ам̣

    Dutiyikauyyojanasikkhāpadaṃ

    14. яаа бана бхигкуний рат̇игааяа ваа б̣яуухз ваа син̇гхаадагз ваа бурисзна сад̣̇д̇хим̣ згзнзгаа санд̇идтзяяа ваа саллабзяяа ваа ниган̣н̣игам̣ ваа ж̇аббзяяа д̣̇уд̇ияигам̣ ваа бхигкуним̣ уяяож̇зяяа, баажид̇д̇ияам̣.

    14. Yā pana bhikkhunī rathikāya vā byūhe vā siṅghāṭake vā purisena saddhiṃ ekenekā santiṭṭheyya vā sallapeyya vā nikaṇṇikaṃ vā jappeyya dutiyikaṃ vā bhikkhuniṃ uyyojeyya, pācittiyaṃ.

    анаабужчаабаггаманасигкаабад̣̇ам̣

    Anāpucchāpakkamanasikkhāpadaṃ

    15. яаа бана бхигкуний бурзбхад̇д̇ам̣ гулаани убасан̇гамид̇ваа аасанз нисийд̣̇ид̇ваа саамигз анаабужчаа баггамзяяа, баажид̇д̇ияам̣.

    15. Yā pana bhikkhunī purebhattaṃ kulāni upasaṅkamitvā āsane nisīditvā sāmike anāpucchā pakkameyya, pācittiyaṃ.

    анаабужчааабхинисийд̣̇анасигкаабад̣̇ам̣

    Anāpucchāabhinisīdanasikkhāpadaṃ

    16. яаа бана бхигкуний бажчаабхад̇д̇ам̣ гулаани убасан̇гамид̇ваа саамигз анаабужчаа аасанз абхинисийд̣̇зяяа ваа абхинибаж̇ж̇зяяа ваа, баажид̇д̇ияам̣.

    16. Yā pana bhikkhunī pacchābhattaṃ kulāni upasaṅkamitvā sāmike anāpucchā āsane abhinisīdeyya vā abhinipajjeyya vā, pācittiyaṃ.

    анаабужчаасант̇аран̣асигкаабад̣̇ам̣

    Anāpucchāsantharaṇasikkhāpadaṃ

    17. яаа бана бхигкуний вигаалз гулаани убасан̇гамид̇ваа саамигз анаабужчаа сзяяам̣ сант̇арид̇ваа ваа сант̇араабзд̇ваа ваа абхинисийд̣̇зяяа ваа абхинибаж̇ж̇зяяа ваа, баажид̇д̇ияам̣.

    17. Yā pana bhikkhunī vikāle kulāni upasaṅkamitvā sāmike anāpucchā seyyaṃ santharitvā vā santharāpetvā vā abhinisīdeyya vā abhinipajjeyya vā, pācittiyaṃ.

    барауж̇жхаабанагасигкаабад̣̇ам̣

    Paraujjhāpanakasikkhāpadaṃ

    18. яаа бана бхигкуний д̣̇уг̇г̇ахид̇зна д̣̇уубад̇хаарид̇зна барам̣ уж̇жхаабзяяа, баажид̇д̇ияам̣.

    18. Yā pana bhikkhunī duggahitena dūpadhāritena paraṃ ujjhāpeyya, pācittiyaṃ.

    бараабхисабанасигкаабад̣̇ам̣

    Paraabhisapanasikkhāpadaṃ

    19. яаа бана бхигкуний ад̇д̇аанам̣ ваа барам̣ ваа нираязна ваа б̣рахмажариязна ваа абхисабзяяа, баажид̇д̇ияам̣.

    19. Yā pana bhikkhunī attānaṃ vā paraṃ vā nirayena vā brahmacariyena vā abhisapeyya, pācittiyaṃ.

    род̣̇анасигкаабад̣̇ам̣

    Rodanasikkhāpadaṃ

    20. яаа бана бхигкуний ад̇д̇аанам̣ вад̇хид̇ваа вад̇хид̇ваа род̣̇зяяа, баажид̇д̇ияам̣.

    20. Yā pana bhikkhunī attānaṃ vadhitvā vadhitvā rodeyya, pācittiyaṃ.

    рад̇д̇анд̇хагаараваг̇г̇о д̣̇уд̇ияо.

    Rattandhakāravaggo dutiyo.

    наг̇г̇асигкаабад̣̇ам̣

    Naggasikkhāpadaṃ

    21. яаа бана бхигкуний наг̇г̇аа нахааязяяа, баажид̇д̇ияам̣.

    21. Yā pana bhikkhunī naggā nahāyeyya, pācittiyaṃ.

    уд̣̇агасаадигасигкаабад̣̇ам̣

    Udakasāṭikasikkhāpadaṃ

    22. уд̣̇агасаадигам̣ бана бхигкунияаа гаараяамаанааяа бамаан̣игаа гаарзд̇аб̣б̣аа, д̇ад̇рид̣̇ам̣ бамаан̣ам̣ , д̣̇ийгхасо жад̇ассо вид̣̇ад̇т̇ияо суг̇ад̇авид̣̇ад̇т̇ияаа, д̇ирияам̣ д̣̇вз вид̣̇ад̇т̇ияо. д̇ам̣ ад̇иггаамзнд̇ияаа чзд̣̇анагам̣ баажид̇д̇ияам̣.

    22. Udakasāṭikaṃ pana bhikkhuniyā kārayamānāya pamāṇikā kāretabbā, tatridaṃ pamāṇaṃ , dīghaso catasso vidatthiyo sugatavidatthiyā, tiriyaṃ dve vidatthiyo. Taṃ atikkāmentiyā chedanakaṃ pācittiyaṃ.

    жийварасиб̣б̣анасигкаабад̣̇ам̣

    Cīvarasibbanasikkhāpadaṃ

    23. яаа бана бхигкуний бхигкунияаа жийварам̣ висиб̣б̣зд̇ваа ваа висиб̣б̣аабзд̇ваа ваа саа бажчаа ананд̇арааяигиний нзва сиб̣б̣зяяа, на сиб̣б̣аабанааяа уссуггам̣ гарзяяа ан̃н̃ад̇ра жад̇уухабан̃жаахаа, баажид̇д̇ияам̣.

    23. Yā pana bhikkhunī bhikkhuniyā cīvaraṃ visibbetvā vā visibbāpetvā vā sā pacchā anantarāyikinī neva sibbeyya, na sibbāpanāya ussukkaṃ kareyya aññatra catūhapañcāhā, pācittiyaṃ.

    сан̇гхаадижаарасигкаабад̣̇ам̣

    Saṅghāṭicārasikkhāpadaṃ

    24. яаа бана бхигкуний бан̃жаахигам̣ сан̇гхаадижаарам̣ ад̇иггаамзяяа, баажид̇д̇ияам̣.

    24. Yā pana bhikkhunī pañcāhikaṃ saṅghāṭicāraṃ atikkāmeyya, pācittiyaṃ.

    жийварасан̇гаманийяасигкаабад̣̇ам̣

    Cīvarasaṅkamanīyasikkhāpadaṃ

    25. яаа бана бхигкуний жийварасан̇гаманийяам̣ д̇хаарзяяа, баажид̇д̇ияам̣.

    25. Yā pana bhikkhunī cīvarasaṅkamanīyaṃ dhāreyya, pācittiyaṃ.

    г̇ан̣ажийварасигкаабад̣̇ам̣

    Gaṇacīvarasikkhāpadaṃ

    26. яаа бана бхигкуний г̇ан̣асса жийваралаабхам̣ анд̇арааяам̣ гарзяяа, баажид̇д̇ияам̣.

    26. Yā pana bhikkhunī gaṇassa cīvaralābhaṃ antarāyaṃ kareyya, pācittiyaṃ.

    бадиб̣ааханасигкаабад̣̇ам̣

    Paṭibāhanasikkhāpadaṃ

    27. яаа бана бхигкуний д̇хаммигам̣ жийваравибхан̇г̇ам̣ бадиб̣аахзяяа, баажид̇д̇ияам̣.

    27. Yā pana bhikkhunī dhammikaṃ cīvaravibhaṅgaṃ paṭibāheyya, pācittiyaṃ.

    жийварад̣̇аанасигкаабад̣̇ам̣

    Cīvaradānasikkhāpadaṃ

    28. яаа бана бхигкуний аг̇ааригасса ваа бариб̣б̣ааж̇агасса ваа бариб̣б̣ааж̇игааяа ваа саман̣ажийварам̣ д̣̇ад̣̇зяяа, баажид̇д̇ияам̣.

    28. Yā pana bhikkhunī agārikassa vā paribbājakassa vā paribbājikāya vā samaṇacīvaraṃ dadeyya, pācittiyaṃ.

    гаалаад̇иггаманасигкаабад̣̇ам̣

    Kālaatikkamanasikkhāpadaṃ

    29. яаа бана бхигкуний д̣̇уб̣б̣алажийварабажжаасааяа жийварагааласамаяам̣ ад̇иггаамзяяа, баажид̇д̇ияам̣.

    29. Yā pana bhikkhunī dubbalacīvarapaccāsāya cīvarakālasamayaṃ atikkāmeyya, pācittiyaṃ.

    гат̇инуд̣̇д̇хаарасигкаабад̣̇ам̣

    Kathinuddhārasikkhāpadaṃ

    30. яаа бана бхигкуний д̇хаммигам̣ гат̇инуд̣̇д̇хаарам̣ бадиб̣аахзяяа, баажид̇д̇ияам̣.

    30. Yā pana bhikkhunī dhammikaṃ kathinuddhāraṃ paṭibāheyya, pācittiyaṃ.

    наг̇г̇аваг̇г̇о д̇ад̇ияо.

    Naggavaggo tatiyo.

    згаман̃жад̇увадданасигкаабад̣̇ам̣

    Ekamañcatuvaṭṭanasikkhāpadaṃ

    31. яаа бана бхигкунияо д̣̇вз згаман̃жз д̇уваддзяяум̣, баажид̇д̇ияам̣.

    31. Yā pana bhikkhuniyo dve ekamañce tuvaṭṭeyyuṃ, pācittiyaṃ.

    згад̇т̇аран̣ад̇увадданасигкаабад̣̇ам̣

    Ekattharaṇatuvaṭṭanasikkhāpadaṃ

    32. яаа бана бхигкунияо д̣̇вз згад̇т̇аран̣абаавуран̣аа д̇уваддзяяум̣, баажид̇д̇ияам̣.

    32. Yā pana bhikkhuniyo dve ekattharaṇapāvuraṇā tuvaṭṭeyyuṃ, pācittiyaṃ.

    апаасугаран̣асигкаабад̣̇ам̣

    Aphāsukaraṇasikkhāpadaṃ

    33. яаа бана бхигкуний бхигкунияаа сан̃жижжа апаасум̣ гарзяяа, баажид̇д̇ияам̣.

    33. Yā pana bhikkhunī bhikkhuniyā sañcicca aphāsuṃ kareyya, pācittiyaṃ.

    наубадтаабанасигкаабад̣̇ам̣

    Naupaṭṭhāpanasikkhāpadaṃ

    34. яаа бана бхигкуний д̣̇угкид̇ам̣ сахаж̇ийвиним̣ нзва убадтахзяяа, на убадтаабанааяа уссуггам̣ гарзяяа, баажид̇д̇ияам̣.

    34. Yā pana bhikkhunī dukkhitaṃ sahajīviniṃ neva upaṭṭhaheyya, na upaṭṭhāpanāya ussukkaṃ kareyya, pācittiyaṃ.

    ниггад̣дханасигкаабад̣̇ам̣

    Nikkaḍḍhanasikkhāpadaṃ

    35. яаа бана бхигкуний бхигкунияаа убассаяам̣ д̣̇ад̇ваа губид̇аа анад̇д̇аманаа ниггад̣дхзяяа ваа ниггад̣дхаабзяяа ваа, баажид̇д̇ияам̣.

    35. Yā pana bhikkhunī bhikkhuniyā upassayaṃ datvā kupitā anattamanā nikkaḍḍheyya vā nikkaḍḍhāpeyya vā, pācittiyaṃ.

    сам̣садтасигкаабад̣̇ам̣

    Saṃsaṭṭhasikkhāpadaṃ

    36. яаа бана бхигкуний сам̣садтаа вихарзяяа г̇ахабад̇инаа ваа г̇ахабад̇ибуд̇д̇зна ваа, саа бхигкуний бхигкунийхи звамасса важанийяаа ‘‘мааяяз, сам̣садтаа вихари г̇ахабад̇инааби г̇ахабад̇ибуд̇д̇знааби, вивижжааяяз, вивзган̃н̃зва бхаг̇инияаа сан̇гхо ван̣н̣зд̇ий’’д̇и. зван̃жа саа бхигкуний бхигкунийхи вужжамаанаа д̇ат̇зва баг̇г̇ан̣хзяяа, саа бхигкуний бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа, яаавад̇ад̇ияан̃жз саманубхаасияамаанаа д̇ам̣ бадиниссаж̇ж̇зяяа, ижжзд̇ам̣ гусалам̣. но жз бадиниссаж̇ж̇зяяа, баажид̇д̇ияам̣.

    36. Yā pana bhikkhunī saṃsaṭṭhā vihareyya gahapatinā vā gahapatiputtena vā, sā bhikkhunī bhikkhunīhi evamassa vacanīyā ‘‘māyye, saṃsaṭṭhā vihari gahapatināpi gahapatiputtenāpi, viviccāyye, vivekaññeva bhaginiyā saṅgho vaṇṇetī’’ti. Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya, yāvatatiyañce samanubhāsiyamānā taṃ paṭinissajjeyya, iccetaṃ kusalaṃ. No ce paṭinissajjeyya, pācittiyaṃ.

    анд̇орадтасигкаабад̣̇ам̣

    Antoraṭṭhasikkhāpadaṃ

    37. яаа бана бхигкуний анд̇орадтз саасан̇гасаммад̇з саббадибхаяз асад̇т̇игаа жааригам̣ жарзяяа, баажид̇д̇ияам̣.

    37. Yā pana bhikkhunī antoraṭṭhe sāsaṅkasammate sappaṭibhaye asatthikā cārikaṃ careyya, pācittiyaṃ.

    д̇ирорадтасигкаабад̣̇ам̣

    Tiroraṭṭhasikkhāpadaṃ

    38. яаа бана бхигкуний д̇ирорадтз саасан̇гасаммад̇з саббадибхаяз асад̇т̇игаа жааригам̣ жарзяяа, баажид̇д̇ияам̣.

    38. Yā pana bhikkhunī tiroraṭṭhe sāsaṅkasammate sappaṭibhaye asatthikā cārikaṃ careyya, pācittiyaṃ.

    анд̇овассасигкаабад̣̇ам̣

    Antovassasikkhāpadaṃ

    39. яаа бана бхигкуний анд̇овассам̣ жааригам̣ жарзяяа, баажид̇д̇ияам̣.

    39. Yā pana bhikkhunī antovassaṃ cārikaṃ careyya, pācittiyaṃ.

    жаариганабаггаманасигкаабад̣̇ам̣

    Cārikanapakkamanasikkhāpadaṃ

    40. яаа бана бхигкуний вассам̣вудтаа жааригам̣ на баггамзяяа анд̇амасо чаббан̃жаяож̇анааниби, баажид̇д̇ияам̣.

    40. Yā pana bhikkhunī vassaṃvuṭṭhā cārikaṃ na pakkameyya antamaso chappañcayojanānipi, pācittiyaṃ.

    д̇уваддаваг̇г̇о жад̇уд̇т̇о.

    Tuvaṭṭavaggo catuttho.

    рааж̇ааг̇аарасигкаабад̣̇ам̣

    Rājāgārasikkhāpadaṃ

    41. яаа бана бхигкуний рааж̇ааг̇аарам̣ ваа жид̇д̇ааг̇аарам̣ ваа аараамам̣ ваа уяяаанам̣ ваа богкаран̣им̣ ваа д̣̇ассанааяа г̇ажчзяяа, баажид̇д̇ияам̣.

    41. Yā pana bhikkhunī rājāgāraṃ vā cittāgāraṃ vā ārāmaṃ vā uyyānaṃ vā pokkharaṇiṃ vā dassanāya gaccheyya, pācittiyaṃ.

    аасанд̣̇ибарибхун̃ж̇анасигкаабад̣̇ам̣

    Āsandiparibhuñjanasikkhāpadaṃ

    42. яаа бана бхигкуний аасанд̣̇им̣ ваа баллан̇гам̣ ваа барибхун̃ж̇зяяа, баажид̇д̇ияам̣.

    42. Yā pana bhikkhunī āsandiṃ vā pallaṅkaṃ vā paribhuñjeyya, pācittiyaṃ.

    суд̇д̇аганд̇анасигкаабад̣̇ам̣

    Suttakantanasikkhāpadaṃ

    43. яаа бана бхигкуний суд̇д̇ам̣ ганд̇зяяа, баажид̇д̇ияам̣.

    43. Yā pana bhikkhunī suttaṃ kanteyya, pācittiyaṃ.

    г̇ихивзяяааважжасигкаабад̣̇ам̣

    Gihiveyyāvaccasikkhāpadaṃ

    44. яаа бана бхигкуний г̇ихивзяяааважжам̣ гарзяяа, баажид̇д̇ияам̣.

    44. Yā pana bhikkhunī gihiveyyāvaccaṃ kareyya, pācittiyaṃ.

    ад̇хигаран̣асигкаабад̣̇ам̣

    Adhikaraṇasikkhāpadaṃ

    45. яаа бана бхигкуний бхигкунияаа ‘‘зхааяяз, имам̣ ад̇хигаран̣ам̣ вуубасамзхий’’д̇и вужжамаанаа ‘‘саад̇хуу’’д̇и бадиссун̣ид̇ваа саа бажчаа ананд̇арааяигиний нзва вуубасамзяяа, на вуубасамааяа уссуггам̣ гарзяяа, баажид̇д̇ияам̣.

    45. Yā pana bhikkhunī bhikkhuniyā ‘‘ehāyye, imaṃ adhikaraṇaṃ vūpasamehī’’ti vuccamānā ‘‘sādhū’’ti paṭissuṇitvā sā pacchā anantarāyikinī neva vūpasameyya, na vūpasamāya ussukkaṃ kareyya, pācittiyaṃ.

    бхож̇анад̣̇аанасигкаабад̣̇ам̣

    Bhojanadānasikkhāpadaṃ

    46. яаа бана бхигкуний аг̇ааригасса ваа бариб̣б̣ааж̇агасса ваа бариб̣б̣ааж̇игааяа ваа сахад̇т̇аа каад̣̇анийяам̣ ваа бхож̇анийяам̣ ваа д̣̇ад̣̇зяяа, баажид̇д̇ияам̣.

    46. Yā pana bhikkhunī agārikassa vā paribbājakassa vā paribbājikāya vā sahatthā khādanīyaṃ vā bhojanīyaṃ vā dadeyya, pācittiyaṃ.

    аавасат̇ажийварасигкаабад̣̇ам̣

    Āvasathacīvarasikkhāpadaṃ

    47. яаа бана бхигкуний аавасат̇ажийварам̣ аниссаж̇ж̇зд̇ваа барибхун̃ж̇зяяа, баажид̇д̇ияам̣.

    47. Yā pana bhikkhunī āvasathacīvaraṃ anissajjetvā paribhuñjeyya, pācittiyaṃ.

    аавасат̇авихаарасигкаабад̣̇ам̣

    Āvasathavihārasikkhāpadaṃ

    48. яаа бана бхигкуний аавасат̇ам̣ аниссаж̇ж̇ид̇ваа жааригам̣ баггамзяяа, баажид̇д̇ияам̣.

    48. Yā pana bhikkhunī āvasathaṃ anissajjitvā cārikaṃ pakkameyya, pācittiyaṃ.

    д̇иражчаанавиж̇ж̇аабарияаабун̣анасигкаабад̣̇ам̣

    Tiracchānavijjāpariyāpuṇanasikkhāpadaṃ

    49. яаа бана бхигкуний д̇иражчаанавиж̇ж̇ам̣ барияаабун̣зяяа, баажид̇д̇ияам̣.

    49. Yā pana bhikkhunī tiracchānavijjaṃ pariyāpuṇeyya, pācittiyaṃ.

    д̇иражчаанавиж̇ж̇ааваажанасигкаабад̣̇ам̣

    Tiracchānavijjāvācanasikkhāpadaṃ

    50. яаа бана бхигкуний д̇иражчаанавиж̇ж̇ам̣ ваажзяяа, баажид̇д̇ияам̣.

    50. Yā pana bhikkhunī tiracchānavijjaṃ vāceyya, pācittiyaṃ.

    жид̇д̇ааг̇аараваг̇г̇о бан̃жамо.

    Cittāgāravaggo pañcamo.

    аараамабависанасигкаабад̣̇ам̣

    Ārāmapavisanasikkhāpadaṃ

    51. яаа бана бхигкуний ж̇аанам̣ сабхигкугам̣ аараамам̣ анаабужчаа бависзяяа, баажид̇д̇ияам̣.

    51. Yā pana bhikkhunī jānaṃ sabhikkhukaṃ ārāmaṃ anāpucchā paviseyya, pācittiyaṃ.

    бхигкуаггосанасигкаабад̣̇ам̣

    Bhikkhuakkosanasikkhāpadaṃ

    52. яаа бана бхигкуний бхигкум̣ аггосзяяа ваа барибхаасзяяа ваа, баажид̇д̇ияам̣.

    52. Yā pana bhikkhunī bhikkhuṃ akkoseyya vā paribhāseyya vā, pācittiyaṃ.

    г̇ан̣абарибхаасанасигкаабад̣̇ам̣

    Gaṇaparibhāsanasikkhāpadaṃ

    53. яаа бана бхигкуний жан̣д̣ийгад̇аа г̇ан̣ам̣ барибхаасзяяа, баажид̇д̇ияам̣.

    53. Yā pana bhikkhunī caṇḍīkatā gaṇaṃ paribhāseyya, pācittiyaṃ.

    баваарид̇асигкаабад̣̇ам̣

    Pavāritasikkhāpadaṃ

    54. яаа бана бхигкуний ниманд̇ид̇аа ваа баваарид̇аа ваа каад̣̇анийяам̣ ваа бхож̇анийяам̣ ваа каад̣̇зяяа ваа бхун̃ж̇зяяа ваа, баажид̇д̇ияам̣.

    54. Yā pana bhikkhunī nimantitā vā pavāritā vā khādanīyaṃ vā bhojanīyaṃ vā khādeyya vā bhuñjeyya vā, pācittiyaṃ.

    гуламажчаринийсигкаабад̣̇ам̣

    Kulamaccharinīsikkhāpadaṃ

    55. яаа бана бхигкуний гуламажчариний асса, баажид̇д̇ияам̣.

    55. Yā pana bhikkhunī kulamaccharinī assa, pācittiyaṃ.

    абхигкугааваасасигкаабад̣̇ам̣

    Abhikkhukāvāsasikkhāpadaṃ

    56. яаа бана бхигкуний абхигкугз ааваасз вассам̣ васзяяа, баажид̇д̇ияам̣.

    56. Yā pana bhikkhunī abhikkhuke āvāse vassaṃ vaseyya, pācittiyaṃ.

    абавааран̣аасигкаабад̣̇ам̣

    Apavāraṇāsikkhāpadaṃ

    57. яаа бана бхигкуний вассам̣вудтаа убхад̇осан̇гхз д̇ийхи таанзхи на баваарзяяа д̣̇идтзна ваа суд̇зна ваа барисан̇гааяа ваа, баажид̇д̇ияам̣.

    57. Yā pana bhikkhunī vassaṃvuṭṭhā ubhatosaṅghe tīhi ṭhānehi na pavāreyya diṭṭhena vā sutena vā parisaṅkāya vā, pācittiyaṃ.

    оваад̣̇асигкаабад̣̇ам̣

    Ovādasikkhāpadaṃ

    58. яаа бана бхигкуний оваад̣̇ааяа ваа сам̣ваасааяа ваа на г̇ажчзяяа, баажид̇д̇ияам̣.

    58. Yā pana bhikkhunī ovādāya vā saṃvāsāya vā na gaccheyya, pācittiyaṃ.

    оваад̣̇уубасан̇гаманасигкаабад̣̇ам̣

    Ovādūpasaṅkamanasikkhāpadaṃ

    59. анвад̣̇д̇хамаасам̣ бхигкунияаа бхигкусан̇гхад̇о д̣̇вз д̇хаммаа бажжаасийсид̇аб̣б̣аа убосат̇абужчаган̃жа оваад̣̇уубасан̇гаманан̃жа. д̇ам̣ ад̇иггаамзнд̇ияаа баажид̇д̇ияам̣.

    59. Anvaddhamāsaṃ bhikkhuniyā bhikkhusaṅghato dve dhammā paccāsīsitabbā uposathapucchakañca ovādūpasaṅkamanañca. Taṃ atikkāmentiyā pācittiyaṃ.

    басаакзж̇аад̇асигкаабад̣̇ам̣

    Pasākhejātasikkhāpadaṃ

    60. яаа бана бхигкуний басаакз ж̇аад̇ам̣ г̇ан̣д̣ам̣ ваа руд̇хид̇ам̣ ваа анабалогзд̇ваа сан̇гхам̣ ваа г̇ан̣ам̣ ваа бурисзна сад̣̇д̇хим̣ згзнзгаа бхзд̣̇аабзяяа ваа паалаабзяяа ваа д̇ховаабзяяа ваа аалимбаабзяяа ваа б̣анд̇хаабзяяа ваа можаабзяяа ваа, баажид̇д̇ияам̣.

    60. Yā pana bhikkhunī pasākhe jātaṃ gaṇḍaṃ vā rudhitaṃ vā anapaloketvā saṅghaṃ vā gaṇaṃ vā purisena saddhiṃ ekenekā bhedāpeyya vā phālāpeyya vā dhovāpeyya vā ālimpāpeyya vā bandhāpeyya vā mocāpeyya vā, pācittiyaṃ.

    аараамаваг̇г̇о чадто.

    Ārāmavaggo chaṭṭho.

    г̇аб̣бхинийсигкаабад̣̇ам̣

    Gabbhinīsikkhāpadaṃ

    61. яаа бана бхигкуний г̇аб̣бхиним̣ вудтаабзяяа, баажид̇д̇ияам̣.

    61. Yā pana bhikkhunī gabbhiniṃ vuṭṭhāpeyya, pācittiyaṃ.

    бааяанд̇ийсигкаабад̣̇ам̣

    Pāyantīsikkhāpadaṃ

    62. яаа бана бхигкуний бааяанд̇им̣ вудтаабзяяа, баажид̇д̇ияам̣.

    62. Yā pana bhikkhunī pāyantiṃ vuṭṭhāpeyya, pācittiyaṃ.

    батамасигкамаанасигкаабад̣̇ам̣

    Paṭhamasikkhamānasikkhāpadaṃ

    63. яаа бана бхигкуний д̣̇вз вассаани часу д̇хаммзсу асигкид̇асигкам̣ сигкамаанам̣ вудтаабзяяа, баажид̇д̇ияам̣.

    63. Yā pana bhikkhunī dve vassāni chasu dhammesu asikkhitasikkhaṃ sikkhamānaṃ vuṭṭhāpeyya, pācittiyaṃ.

    д̣̇уд̇ияасигкамаанасигкаабад̣̇ам̣

    Dutiyasikkhamānasikkhāpadaṃ

    64. яаа бана бхигкуний д̣̇вз вассаани часу д̇хаммзсу сигкид̇асигкам̣ сигкамаанам̣ сан̇гхзна асаммад̇ам̣ вудтаабзяяа, баажид̇д̇ияам̣.

    64. Yā pana bhikkhunī dve vassāni chasu dhammesu sikkhitasikkhaṃ sikkhamānaṃ saṅghena asammataṃ vuṭṭhāpeyya, pācittiyaṃ.

    батамаг̇ихиг̇ад̇асигкаабад̣̇ам̣

    Paṭhamagihigatasikkhāpadaṃ

    65. яаа бана бхигкуний уунад̣̇ваад̣̇асавассам̣ г̇ихиг̇ад̇ам̣ вудтаабзяяа, баажид̇д̇ияам̣.

    65. Yā pana bhikkhunī ūnadvādasavassaṃ gihigataṃ vuṭṭhāpeyya, pācittiyaṃ.

    д̣̇уд̇ияаг̇ихиг̇ад̇асигкаабад̣̇ам̣

    Dutiyagihigatasikkhāpadaṃ

    66. яаа бана бхигкуний барибун̣н̣ад̣̇ваад̣̇асавассам̣ г̇ихиг̇ад̇ам̣ д̣̇вз вассаани часу д̇хаммзсу асигкид̇асигкам̣ вудтаабзяяа, баажид̇д̇ияам̣.

    66. Yā pana bhikkhunī paripuṇṇadvādasavassaṃ gihigataṃ dve vassāni chasu dhammesu asikkhitasikkhaṃ vuṭṭhāpeyya, pācittiyaṃ.

    д̇ад̇ияаг̇ихиг̇ад̇асигкаабад̣̇ам̣

    Tatiyagihigatasikkhāpadaṃ

    67. яаа бана бхигкуний барибун̣н̣ад̣̇ваад̣̇асавассам̣ г̇ихиг̇ад̇ам̣ д̣̇вз вассаани часу д̇хаммзсу сигкид̇асигкам̣ сан̇гхзна асаммад̇ам̣ вудтаабзяяа, баажид̇д̇ияам̣.

    67. Yā pana bhikkhunī paripuṇṇadvādasavassaṃ gihigataṃ dve vassāni chasu dhammesu sikkhitasikkhaṃ saṅghena asammataṃ vuṭṭhāpeyya, pācittiyaṃ.

    батамасахаж̇ийвинийсигкаабад̣̇ам̣

    Paṭhamasahajīvinīsikkhāpadaṃ

    68. яаа бана бхигкуний сахаж̇ийвиним̣ вудтаабзд̇ваа д̣̇вз вассаани нзва ануг̇г̇ан̣хзяяа на ануг̇г̇ан̣хаабзяяа, баажид̇д̇ияам̣.

    68. Yā pana bhikkhunī sahajīviniṃ vuṭṭhāpetvā dve vassāni neva anuggaṇheyya na anuggaṇhāpeyya, pācittiyaṃ.

    бавад̇д̇инийнаануб̣анд̇ханасигкаабад̣̇ам̣

    Pavattinīnānubandhanasikkhāpadaṃ

    69. яаа бана бхигкуний вудтаабид̇ам̣ бавад̇д̇иним̣ д̣̇вз вассаани наануб̣анд̇хзяяа, баажид̇д̇ияам̣.

    69. Yā pana bhikkhunī vuṭṭhāpitaṃ pavattiniṃ dve vassāni nānubandheyya, pācittiyaṃ.

    д̣̇уд̇ияасахаж̇ийвинийсигкаабад̣̇ам̣

    Dutiyasahajīvinīsikkhāpadaṃ

    70. яаа бана бхигкуний сахаж̇ийвиним̣ вудтаабзд̇ваа нзва вуубагаасзяяа на вуубагаасаабзяяа анд̇амасо чаббан̃жаяож̇анааниби, баажид̇д̇ияам̣.

    70. Yā pana bhikkhunī sahajīviniṃ vuṭṭhāpetvā neva vūpakāseyya na vūpakāsāpeyya antamaso chappañcayojanānipi, pācittiyaṃ.

    г̇аб̣бхиниваг̇г̇о сад̇д̇амо.

    Gabbhinivaggo sattamo.

    батамагумаарибхууд̇асигкаабад̣̇ам̣

    Paṭhamakumāribhūtasikkhāpadaṃ

    71. яаа бана бхигкуний уунавийсад̇ивассам̣ гумаарибхууд̇ам̣ вудтаабзяяа, баажид̇д̇ияам̣.

    71. Yā pana bhikkhunī ūnavīsativassaṃ kumāribhūtaṃ vuṭṭhāpeyya, pācittiyaṃ.

    д̣̇уд̇ияагумаарибхууд̇асигкаабад̣̇ам̣

    Dutiyakumāribhūtasikkhāpadaṃ

    72. яаа бана бхигкуний барибун̣н̣авийсад̇ивассам̣ гумаарибхууд̇ам̣ д̣̇вз вассаани часу д̇хаммзсу асигкид̇асигкам̣ вудтаабзяяа, баажид̇д̇ияам̣.

    72. Yā pana bhikkhunī paripuṇṇavīsativassaṃ kumāribhūtaṃ dve vassāni chasu dhammesu asikkhitasikkhaṃ vuṭṭhāpeyya, pācittiyaṃ.

    д̇ад̇ияагумаарибхууд̇асигкаабад̣̇ам̣

    Tatiyakumāribhūtasikkhāpadaṃ

    73. яаа бана бхигкуний барибун̣н̣авийсад̇ивассам̣ гумаарибхууд̇ам̣ д̣̇вз вассаани часу д̇хаммзсу сигкид̇асигкам̣ сан̇гхзна асаммад̇ам̣ вудтаабзяяа, баажид̇д̇ияам̣.

    73. Yā pana bhikkhunī paripuṇṇavīsativassaṃ kumāribhūtaṃ dve vassāni chasu dhammesu sikkhitasikkhaṃ saṅghena asammataṃ vuṭṭhāpeyya, pācittiyaṃ.

    уунад̣̇ваад̣̇асавассасигкаабад̣̇ам̣

    Ūnadvādasavassasikkhāpadaṃ

    74. яаа бана бхигкуний уунад̣̇ваад̣̇асавассаа вудтаабзяяа, баажид̇д̇ияам̣.

    74. Yā pana bhikkhunī ūnadvādasavassā vuṭṭhāpeyya, pācittiyaṃ.

    барибун̣н̣ад̣̇ваад̣̇асавассасигкаабад̣̇ам̣

    Paripuṇṇadvādasavassasikkhāpadaṃ

    75. яаа бана бхигкуний барибун̣н̣ад̣̇ваад̣̇асавассаа сан̇гхзна асаммад̇аа вудтаабзяяа, баажид̇д̇ияам̣.

    75. Yā pana bhikkhunī paripuṇṇadvādasavassā saṅghena asammatā vuṭṭhāpeyya, pācittiyaṃ.

    кияяанад̇хаммасигкаабад̣̇ам̣

    Khiyyanadhammasikkhāpadaṃ

    76. яаа бана бхигкуний ‘‘алам̣ д̇аава д̇з, аяяз, вудтаабид̇знаа’’д̇и вужжамаанаа ‘‘саад̇хуу’’д̇и бадиссун̣ид̇ваа саа бажчаа кияяанад̇хаммам̣ аабаж̇ж̇зяяа, баажид̇д̇ияам̣.

    76. Yā pana bhikkhunī ‘‘alaṃ tāva te, ayye, vuṭṭhāpitenā’’ti vuccamānā ‘‘sādhū’’ti paṭissuṇitvā sā pacchā khiyyanadhammaṃ āpajjeyya, pācittiyaṃ.

    батамасигкамаананавудтаабанасигкаабад̣̇ам̣

    Paṭhamasikkhamānanavuṭṭhāpanasikkhāpadaṃ

    77. яаа бана бхигкуний сигкамаанам̣ ‘‘сажз мз д̇вам̣, аяяз, жийварам̣ д̣̇ассаси, зваахам̣ д̇ам̣ вудтаабзссаамий’’д̇и вад̇ваа саа бажчаа ананд̇арааяигиний нзва вудтаабзяяа, на вудтаабанааяа уссуггам̣ гарзяяа, баажид̇д̇ияам̣.

    77. Yā pana bhikkhunī sikkhamānaṃ ‘‘sace me tvaṃ, ayye, cīvaraṃ dassasi, evāhaṃ taṃ vuṭṭhāpessāmī’’ti vatvā sā pacchā anantarāyikinī neva vuṭṭhāpeyya, na vuṭṭhāpanāya ussukkaṃ kareyya, pācittiyaṃ.

    д̣̇уд̇ияасигкамаананавудтаабанасигкаабад̣̇ам̣

    Dutiyasikkhamānanavuṭṭhāpanasikkhāpadaṃ

    78. яаа бана бхигкуний сигкамаанам̣ ‘‘сажз мам̣ д̇вам̣, аяяз, д̣̇вз вассаани ануб̣анд̇хиссаси, зваахам̣ д̇ам̣ вудтаабзссаамий’’д̇и вад̇ваа саа бажчаа ананд̇арааяигиний нзва вудтаабзяяа, на вудтаабанааяа уссуггам̣ гарзяяа, баажид̇д̇ияам̣.

    78. Yā pana bhikkhunī sikkhamānaṃ ‘‘sace maṃ tvaṃ, ayye, dve vassāni anubandhissasi, evāhaṃ taṃ vuṭṭhāpessāmī’’ti vatvā sā pacchā anantarāyikinī neva vuṭṭhāpeyya, na vuṭṭhāpanāya ussukkaṃ kareyya, pācittiyaṃ.

    согааваасасигкаабад̣̇ам̣

    Sokāvāsasikkhāpadaṃ

    79. яаа бана бхигкуний бурисасам̣садтам̣ гумаарагасам̣садтам̣ жан̣д̣им̣ согааваасам̣ сигкамаанам̣ вудтаабзяяа, баажид̇д̇ияам̣.

    79. Yā pana bhikkhunī purisasaṃsaṭṭhaṃ kumārakasaṃsaṭṭhaṃ caṇḍiṃ sokāvāsaṃ sikkhamānaṃ vuṭṭhāpeyya, pācittiyaṃ.

    ананун̃н̃аад̇асигкаабад̣̇ам̣

    Ananuññātasikkhāpadaṃ

    80. яаа бана бхигкуний маад̇аабид̇уухи ваа саамигзна ваа ананун̃н̃аад̇ам̣ сигкамаанам̣ вудтаабзяяа, баажид̇д̇ияам̣.

    80. Yā pana bhikkhunī mātāpitūhi vā sāmikena vā ananuññātaṃ sikkhamānaṃ vuṭṭhāpeyya, pācittiyaṃ.

    баариваасигасигкаабад̣̇ам̣

    Pārivāsikasikkhāpadaṃ

    81. яаа бана бхигкуний баариваасигачанд̣̇ад̣̇аанзна сигкамаанам̣ вудтаабзяяа, баажид̇д̇ияам̣.

    81. Yā pana bhikkhunī pārivāsikachandadānena sikkhamānaṃ vuṭṭhāpeyya, pācittiyaṃ.

    анувассасигкаабад̣̇ам̣

    Anuvassasikkhāpadaṃ

    82. яаа бана бхигкуний анувассам̣ вудтаабзяяа, баажид̇д̇ияам̣.

    82. Yā pana bhikkhunī anuvassaṃ vuṭṭhāpeyya, pācittiyaṃ.

    згавассасигкаабад̣̇ам̣

    Ekavassasikkhāpadaṃ

    83. яаа бана бхигкуний згам̣ вассам̣ д̣̇вз вудтаабзяяа, баажид̇д̇ияам̣.

    83. Yā pana bhikkhunī ekaṃ vassaṃ dve vuṭṭhāpeyya, pācittiyaṃ.

    гумаарибхууд̇аваг̇г̇о адтамо.

    Kumāribhūtavaggo aṭṭhamo.

    чад̇д̇убааханасигкаабад̣̇ам̣

    Chattupāhanasikkhāpadaṃ

    84. яаа бана бхигкуний аг̇илаанаа чад̇д̇убааханам̣ д̇хаарзяяа, баажид̇д̇ияам̣.

    84. Yā pana bhikkhunī agilānā chattupāhanaṃ dhāreyya, pācittiyaṃ.

    яаанасигкаабад̣̇ам̣

    Yānasikkhāpadaṃ

    85. яаа бана бхигкуний аг̇илаанаа яаанзна яааязяяа, баажид̇д̇ияам̣.

    85. Yā pana bhikkhunī agilānā yānena yāyeyya, pācittiyaṃ.

    сан̇гхаан̣исигкаабад̣̇ам̣

    Saṅghāṇisikkhāpadaṃ

    86. яаа бана бхигкуний сан̇гхаан̣им̣ д̇хаарзяяа, баажид̇д̇ияам̣.

    86. Yā pana bhikkhunī saṅghāṇiṃ dhāreyya, pācittiyaṃ.

    ид̇т̇аалан̇гаарасигкаабад̣̇ам̣

    Itthālaṅkārasikkhāpadaṃ

    87. яаа бана бхигкуний ид̇т̇аалан̇гаарам̣ д̇хаарзяяа, баажид̇д̇ияам̣.

    87. Yā pana bhikkhunī itthālaṅkāraṃ dhāreyya, pācittiyaṃ.

    г̇анд̇хаван̣н̣агасигкаабад̣̇ам̣

    Gandhavaṇṇakasikkhāpadaṃ

    88. яаа бана бхигкуний г̇анд̇хаван̣н̣агзна нахааязяяа, баажид̇д̇ияам̣.

    88. Yā pana bhikkhunī gandhavaṇṇakena nahāyeyya, pācittiyaṃ.

    ваасид̇агасигкаабад̣̇ам̣

    Vāsitakasikkhāpadaṃ

    89. яаа бана бхигкуний ваасид̇агзна бин̃н̃аагзна нахааязяяа, баажид̇д̇ияам̣.

    89. Yā pana bhikkhunī vāsitakena piññākena nahāyeyya, pācittiyaṃ.

    бхигкуниуммад̣̇д̣̇аабанасигкаабад̣̇ам̣

    Bhikkhuniummaddāpanasikkhāpadaṃ

    90. яаа бана бхигкуний бхигкунияаа уммад̣̇д̣̇аабзяяа ваа баримад̣̇д̣̇аабзяяа ваа, баажид̇д̇ияам̣.

    90. Yā pana bhikkhunī bhikkhuniyā ummaddāpeyya vā parimaddāpeyya vā, pācittiyaṃ.

    сигкамаанауммад̣̇д̣̇аабанасигкаабад̣̇ам̣

    Sikkhamānaummaddāpanasikkhāpadaṃ

    91. яаа бана бхигкуний сигкамаанааяа уммад̣̇д̣̇аабзяяа ваа баримад̣̇д̣̇аабзяяа ваа, баажид̇д̇ияам̣.

    91. Yā pana bhikkhunī sikkhamānāya ummaddāpeyya vā parimaddāpeyya vā, pācittiyaṃ.

    сааман̣зрийуммад̣̇д̣̇аабанасигкаабад̣̇ам̣

    Sāmaṇerīummaddāpanasikkhāpadaṃ

    92. яаа бана бхигкуний сааман̣зрияаа уммад̣̇д̣̇аабзяяа ваа баримад̣̇д̣̇аабзяяа ваа, баажид̇д̇ияам̣.

    92. Yā pana bhikkhunī sāmaṇeriyā ummaddāpeyya vā parimaddāpeyya vā, pācittiyaṃ.

    г̇ихиниуммад̣̇д̣̇аабанасигкаабад̣̇ам̣

    Gihiniummaddāpanasikkhāpadaṃ

    93. яаа бана бхигкуний г̇ихинияаа уммад̣̇д̣̇аабзяяа ваа баримад̣̇д̣̇аабзяяа ваа, баажид̇д̇ияам̣.

    93. Yā pana bhikkhunī gihiniyā ummaddāpeyya vā parimaddāpeyya vā, pācittiyaṃ.

    анаабужчаасигкаабад̣̇ам̣

    Anāpucchāsikkhāpadaṃ

    94. яаа бана бхигкуний бхигкусса бурад̇о анаабужчаа аасанз нисийд̣̇зяяа, баажид̇д̇ияам̣.

    94. Yā pana bhikkhunī bhikkhussa purato anāpucchā āsane nisīdeyya, pācittiyaṃ.

    бан̃хаабужчанасигкаабад̣̇ам̣

    Pañhāpucchanasikkhāpadaṃ

    95. яаа бана бхигкуний аногаасагад̇ам̣ бхигкум̣ бан̃хам̣ бужчзяяа, баажид̇д̇ияам̣.

    95. Yā pana bhikkhunī anokāsakataṃ bhikkhuṃ pañhaṃ puccheyya, pācittiyaṃ.

    асам̣гажжигасигкаабад̣̇ам̣

    Asaṃkaccikasikkhāpadaṃ

    96. яаа бана бхигкуний асам̣гажжигаа г̇аамам̣ бависзяяа, баажид̇д̇ияам̣.

    96. Yā pana bhikkhunī asaṃkaccikā gāmaṃ paviseyya, pācittiyaṃ.

    чад̇д̇убааханаваг̇г̇о навамо.

    Chattupāhanavaggo navamo.

    мусааваад̣̇асигкаабад̣̇ам̣

    Musāvādasikkhāpadaṃ

    97. самбаж̇аанамусааваад̣̇з баажид̇д̇ияам̣.

    97. Sampajānamusāvāde pācittiyaṃ.

    омасаваад̣̇асигкаабад̣̇ам̣

    Omasavādasikkhāpadaṃ

    98. омасаваад̣̇з баажид̇д̇ияам̣.

    98. Omasavāde pācittiyaṃ.

    бзсун̃н̃асигкаабад̣̇ам̣

    Pesuññasikkhāpadaṃ

    99. бхигкунибзсун̃н̃з баажид̇д̇ияам̣.

    99. Bhikkhunipesuññe pācittiyaṃ.

    бад̣̇асод̇хаммасигкаабад̣̇ам̣

    Padasodhammasikkhāpadaṃ

    100. яаа бана бхигкуний анубасамбаннам̣ бад̣̇асо д̇хаммам̣ ваажзяяа, баажид̇д̇ияам̣.

    100. Yā pana bhikkhunī anupasampannaṃ padaso dhammaṃ vāceyya, pācittiyaṃ.

    батамасахасзяяасигкаабад̣̇ам̣

    Paṭhamasahaseyyasikkhāpadaṃ

    101. яаа бана бхигкуний анубасамбаннааяа уд̇д̇арид̣̇ирад̇д̇ад̇ирад̇д̇ам̣ сахасзяяам̣ габбзяяа, баажид̇д̇ияам̣.

    101. Yā pana bhikkhunī anupasampannāya uttaridirattatirattaṃ sahaseyyaṃ kappeyya, pācittiyaṃ.

    д̣̇уд̇ияасахасзяяасигкаабад̣̇ам̣

    Dutiyasahaseyyasikkhāpadaṃ

    102. яаа бана бхигкуний бурисзна сахасзяяам̣ габбзяяа, баажид̇д̇ияам̣.

    102. Yā pana bhikkhunī purisena sahaseyyaṃ kappeyya, pācittiyaṃ.

    д̇хаммад̣̇зсанаасигкаабад̣̇ам̣

    Dhammadesanāsikkhāpadaṃ

    103. яаа бана бхигкуний бурисасса уд̇д̇аричаббан̃жаваажаахи д̇хаммам̣ д̣̇зсзяяа ан̃н̃ад̇ра вин̃н̃унаа ид̇т̇ивиг̇г̇ахзна, баажид̇д̇ияам̣.

    103. Yā pana bhikkhunī purisassa uttarichappañcavācāhi dhammaṃ deseyya aññatra viññunā itthiviggahena, pācittiyaṃ.

    бхууд̇аарожанасигкаабад̣̇ам̣

    Bhūtārocanasikkhāpadaṃ

    104. яаа бана бхигкуний анубасамбаннааяа уд̇д̇аримануссад̇хаммам̣ аарожзяяа, бхууд̇асмим̣ баажид̇д̇ияам̣.

    104. Yā pana bhikkhunī anupasampannāya uttarimanussadhammaṃ āroceyya, bhūtasmiṃ pācittiyaṃ.

    д̣̇удтуллаарожанасигкаабад̣̇ам̣

    Duṭṭhullārocanasikkhāpadaṃ

    105. яаа бана бхигкуний бхигкунияаа д̣̇удтуллам̣ аабад̇д̇им̣ анубасамбаннааяа аарожзяяа ан̃н̃ад̇ра бхигкунисаммуд̇ияаа, баажид̇д̇ияам̣.

    105. Yā pana bhikkhunī bhikkhuniyā duṭṭhullaṃ āpattiṃ anupasampannāya āroceyya aññatra bhikkhunisammutiyā, pācittiyaṃ.

    бат̇авийкан̣анасигкаабад̣̇ам̣

    Pathavīkhaṇanasikkhāpadaṃ

    106. яаа бана бхигкуний бат̇авим̣ кан̣зяяа ваа кан̣аабзяяа ваа, баажид̇д̇ияам̣.

    106. Yā pana bhikkhunī pathaviṃ khaṇeyya vā khaṇāpeyya vā, pācittiyaṃ.

    мусааваад̣̇аваг̇г̇о д̣̇асамо.

    Musāvādavaggo dasamo.

    бхууд̇аг̇аамасигкаабад̣̇ам̣

    Bhūtagāmasikkhāpadaṃ

    107. бхууд̇аг̇аамабаад̇аб̣яад̇ааяа баажид̇д̇ияам̣.

    107. Bhūtagāmapātabyatāya pācittiyaṃ.

    ан̃н̃аваад̣̇агасигкаабад̣̇ам̣

    Aññavādakasikkhāpadaṃ

    108. ан̃н̃аваад̣̇агз, вихзсагз баажид̇д̇ияам̣.

    108. Aññavādake, vihesake pācittiyaṃ.

    уж̇жхаабанагасигкаабад̣̇ам̣

    Ujjhāpanakasikkhāpadaṃ

    109. уж̇жхаабанагз, кияяанагз баажид̇д̇ияам̣.

    109. Ujjhāpanake, khiyyanake pācittiyaṃ.

    батамасзнаасанасигкаабад̣̇ам̣

    Paṭhamasenāsanasikkhāpadaṃ

    110. яаа бана бхигкуний сан̇гхигам̣ ман̃жам̣ ваа бийтам̣ ваа бхисим̣ ваа гожчам̣ ваа аж̇жхогаасз сант̇арид̇ваа ваа сант̇араабзд̇ваа ваа д̇ам̣ баггаманд̇ий нзва уд̣̇д̇харзяяа, на уд̣̇д̇хараабзяяа, анаабужчам̣ ваа г̇ажчзяяа, баажид̇д̇ияам̣.

    110. Yā pana bhikkhunī saṅghikaṃ mañcaṃ vā pīṭhaṃ vā bhisiṃ vā kocchaṃ vā ajjhokāse santharitvā vā santharāpetvā vā taṃ pakkamantī neva uddhareyya, na uddharāpeyya, anāpucchaṃ vā gaccheyya, pācittiyaṃ.

    д̣̇уд̇ияасзнаасанасигкаабад̣̇ам̣

    Dutiyasenāsanasikkhāpadaṃ

    111. яаа бана бхигкуний сан̇гхигз вихаарз сзяяам̣ сант̇арид̇ваа ваа сант̇араабзд̇ваа ваа д̇ам̣ баггаманд̇ий нзва уд̣̇д̇харзяяа, на уд̣̇д̇хараабзяяа, анаабужчам̣ ваа г̇ажчзяяа, баажид̇д̇ияам̣.

    111. Yā pana bhikkhunī saṅghike vihāre seyyaṃ santharitvā vā santharāpetvā vā taṃ pakkamantī neva uddhareyya, na uddharāpeyya, anāpucchaṃ vā gaccheyya, pācittiyaṃ.

    анубакаж̇ж̇асигкаабад̣̇ам̣

    Anupakhajjasikkhāpadaṃ

    112. яаа бана бхигкуний сан̇гхигз вихаарз ж̇аанам̣ буб̣б̣убаг̇ад̇ам̣ бхигкуним̣ анубакаж̇ж̇а сзяяам̣ габбзяяа ‘‘яассаа самб̣аад̇хо бхависсад̇и, саа баггамиссад̇ий’’д̇и зд̇ад̣̇зва бажжаяам̣ гарид̇ваа анан̃н̃ам̣, баажид̇д̇ияам̣.

    112. Yā pana bhikkhunī saṅghike vihāre jānaṃ pubbupagataṃ bhikkhuniṃ anupakhajja seyyaṃ kappeyya ‘‘yassā sambādho bhavissati, sā pakkamissatī’’ti etadeva paccayaṃ karitvā anaññaṃ, pācittiyaṃ.

    ниггад̣дханасигкаабад̣̇ам̣

    Nikkaḍḍhanasikkhāpadaṃ

    113. яаа бана бхигкуний бхигкуним̣ губид̇аа анад̇д̇аманаа сан̇гхигаа вихаараа ниггад̣дхзяяа ваа ниггад̣дхаабзяяа ваа, баажид̇д̇ияам̣.

    113. Yā pana bhikkhunī bhikkhuniṃ kupitā anattamanā saṅghikā vihārā nikkaḍḍheyya vā nikkaḍḍhāpeyya vā, pācittiyaṃ.

    взхаасагудисигкаабад̣̇ам̣

    Vehāsakuṭisikkhāpadaṃ

    114. яаа бана бхигкуний сан̇гхигз вихаарз убаривзхаасагудияаа аахажжабаад̣̇агам̣ ман̃жам̣ ваа бийтам̣ ваа абхинисийд̣̇зяяа ваа абхинибаж̇ж̇зяяа ваа, баажид̇д̇ияам̣.

    114. Yā pana bhikkhunī saṅghike vihāre uparivehāsakuṭiyā āhaccapādakaṃ mañcaṃ vā pīṭhaṃ vā abhinisīdeyya vā abhinipajjeyya vā, pācittiyaṃ.

    махаллагавихаарасигкаабад̣̇ам̣

    Mahallakavihārasikkhāpadaṃ

    115. махаллагам̣ бана бхигкунияаа вихаарам̣ гаараяамаанааяа яаава д̣̇ваарагосаа аг̇г̇ал̣адтабанааяа, аалогасанд̇хибаригаммааяа д̣̇вад̇д̇ижчад̣̇анасса барияааяам̣ аббахарид̇з тид̇ааяа ад̇хидтаад̇аб̣б̣ам̣. д̇ад̇о жз уд̇д̇ари аббахарид̇зби тид̇аа ад̇хидтахзяяа, баажид̇д̇ияам̣.

    115. Mahallakaṃ pana bhikkhuniyā vihāraṃ kārayamānāya yāva dvārakosā aggaḷaṭṭhapanāya, ālokasandhiparikammāya dvatticchadanassa pariyāyaṃ appaharite ṭhitāya adhiṭṭhātabbaṃ. Tato ce uttari appaharitepi ṭhitā adhiṭṭhaheyya, pācittiyaṃ.

    саббаан̣агасигкаабад̣̇ам̣

    Sappāṇakasikkhāpadaṃ

    116. яаа бана бхигкуний ж̇аанам̣ саббаан̣агам̣ уд̣̇агам̣ д̇ин̣ам̣ ваа мад̇д̇игам̣ ваа син̃жзяяа ваа син̃жаабзяяа ваа, баажид̇д̇ияам̣.

    116. Yā pana bhikkhunī jānaṃ sappāṇakaṃ udakaṃ tiṇaṃ vā mattikaṃ vā siñceyya vā siñcāpeyya vā, pācittiyaṃ.

    бхууд̇аг̇аамаваг̇г̇о згаад̣̇асамо.

    Bhūtagāmavaggo ekādasamo.

    аавасат̇абин̣д̣асигкаабад̣̇ам̣

    Āvasathapiṇḍasikkhāpadaṃ

    117. аг̇илаанааяа бхигкунияаа зго аавасат̇абин̣д̣о бхун̃ж̇ид̇аб̣б̣о. д̇ад̇о жз уд̇д̇ари бхун̃ж̇зяяа, баажид̇д̇ияам̣.

    117. Agilānāya bhikkhuniyā eko āvasathapiṇḍo bhuñjitabbo. Tato ce uttari bhuñjeyya, pācittiyaṃ.

    г̇ан̣абхож̇анасигкаабад̣̇ам̣

    Gaṇabhojanasikkhāpadaṃ

    118. г̇ан̣абхож̇анз ан̃н̃ад̇ра самаяаа баажид̇д̇ияам̣. д̇ад̇т̇ааяам̣ самаяо, г̇илаанасамаяо, жийварад̣̇аанасамаяо , жийварагаарасамаяо, ад̣̇д̇хаанаг̇аманасамаяо, нааваабхируханасамаяо, махаасамаяо, саман̣абхад̇д̇асамаяо, аяам̣ д̇ад̇т̇а самаяо.

    118. Gaṇabhojane aññatra samayā pācittiyaṃ. Tatthāyaṃ samayo, gilānasamayo, cīvaradānasamayo , cīvarakārasamayo, addhānagamanasamayo, nāvābhiruhanasamayo, mahāsamayo, samaṇabhattasamayo, ayaṃ tattha samayo.

    гаан̣амаад̇усигкаабад̣̇ам̣

    Kāṇamātusikkhāpadaṃ

    119. бхигкуним̣ банзва гулам̣ убаг̇ад̇ам̣ буувзхи ваа мант̇зхи ваа абхихадтум̣ баваарзяяа, ааган̇камаанааяа бхигкунияаа д̣̇вад̇д̇ибад̇д̇абуураа бадиг̇г̇ахзд̇аб̣б̣аа. д̇ад̇о жз уд̇д̇ари бадиг̇г̇ан̣хзяяа, баажид̇д̇ияам̣. д̣̇вад̇д̇ибад̇д̇абуурз бадиг̇г̇ахзд̇ваа д̇ад̇о нийхарид̇ваа бхигкунийхи сад̣̇д̇хим̣ сам̣вибхаж̇ид̇аб̣б̣ам̣, аяам̣ д̇ад̇т̇а саамийжи.

    119. Bhikkhuniṃ paneva kulaṃ upagataṃ pūvehi vā manthehi vā abhihaṭṭhuṃ pavāreyya, ākaṅkhamānāya bhikkhuniyā dvattipattapūrā paṭiggahetabbā. Tato ce uttari paṭiggaṇheyya, pācittiyaṃ. Dvattipattapūre paṭiggahetvā tato nīharitvā bhikkhunīhi saddhiṃ saṃvibhajitabbaṃ, ayaṃ tattha sāmīci.

    вигаалабхож̇анасигкаабад̣̇ам̣

    Vikālabhojanasikkhāpadaṃ

    120. яаа бана бхигкуний вигаалз каад̣̇анийяам̣ ваа бхож̇анийяам̣ ваа каад̣̇зяяа ваа бхун̃ж̇зяяа ваа, баажид̇д̇ияам̣.

    120. Yā pana bhikkhunī vikāle khādanīyaṃ vā bhojanīyaṃ vā khādeyya vā bhuñjeyya vā, pācittiyaṃ.

    саннид̇хигаарагасигкаабад̣̇ам̣

    Sannidhikārakasikkhāpadaṃ

    121. яаа бана бхигкуний саннид̇хигаарагам̣ каад̣̇анийяам̣ ваа бхож̇анийяам̣ ваа каад̣̇зяяа ваа бхун̃ж̇зяяа ваа, баажид̇д̇ияам̣.

    121. Yā pana bhikkhunī sannidhikārakaṃ khādanīyaṃ vā bhojanīyaṃ vā khādeyya vā bhuñjeyya vā, pācittiyaṃ.

    д̣̇анд̇абонасигкаабад̣̇ам̣

    Dantaponasikkhāpadaṃ

    122. яаа бана бхигкуний ад̣̇иннам̣ мукад̣̇ваарам̣ аахаарам̣ аахарзяяа ан̃н̃ад̇ра уд̣̇агад̣̇анд̇абонаа, баажид̇д̇ияам̣.

    122. Yā pana bhikkhunī adinnaṃ mukhadvāraṃ āhāraṃ āhareyya aññatra udakadantaponā, pācittiyaṃ.

    уяяож̇анасигкаабад̣̇ам̣

    Uyyojanasikkhāpadaṃ

    123. яаа бана бхигкуний бхигкуним̣ ‘‘зхааяяз, г̇аамам̣ ваа ниг̇амам̣ ваа бин̣д̣ааяа бависиссаамаа’’д̇и д̇ассаа д̣̇аабзд̇ваа ваа ад̣̇аабзд̇ваа ваа уяяож̇зяяа ‘‘г̇ажчааяяз, на мз д̇аяаа сад̣̇д̇хим̣ гат̇аа ваа нисаж̇ж̇аа ваа паасу ход̇и, згигааяа мз гат̇аа ваа нисаж̇ж̇аа ваа паасу ход̇ий’’д̇и зд̇ад̣̇зва бажжаяам̣ гарид̇ваа анан̃н̃ам̣, баажид̇д̇ияам̣.

    123. Yā pana bhikkhunī bhikkhuniṃ ‘‘ehāyye, gāmaṃ vā nigamaṃ vā piṇḍāya pavisissāmā’’ti tassā dāpetvā vā adāpetvā vā uyyojeyya ‘‘gacchāyye, na me tayā saddhiṃ kathā vā nisajjā vā phāsu hoti, ekikāya me kathā vā nisajjā vā phāsu hotī’’ti etadeva paccayaṃ karitvā anaññaṃ, pācittiyaṃ.

    сабхож̇анасигкаабад̣̇ам̣

    Sabhojanasikkhāpadaṃ

    124. яаа бана бхигкуний сабхож̇анз гулз анубакаж̇ж̇а нисаж̇ж̇ам̣ габбзяяа, баажид̇д̇ияам̣.

    124. Yā pana bhikkhunī sabhojane kule anupakhajja nisajjaṃ kappeyya, pācittiyaṃ.

    рахобадижчаннасигкаабад̣̇ам̣

    Rahopaṭicchannasikkhāpadaṃ

    125. яаа бана бхигкуний бурисзна сад̣̇д̇хим̣ рахо бадижчаннз аасанз нисаж̇ж̇ам̣ габбзяяа, баажид̇д̇ияам̣.

    125. Yā pana bhikkhunī purisena saddhiṃ raho paṭicchanne āsane nisajjaṃ kappeyya, pācittiyaṃ.

    рахонисаж̇ж̇асигкаабад̣̇ам̣

    Rahonisajjasikkhāpadaṃ

    126. яаа бана бхигкуний бурисзна сад̣̇д̇хим̣ згзнзгаа рахо нисаж̇ж̇ам̣ габбзяяа, баажид̇д̇ияам̣.

    126. Yā pana bhikkhunī purisena saddhiṃ ekenekā raho nisajjaṃ kappeyya, pācittiyaṃ.

    бхож̇анаваг̇г̇о д̣̇ваад̣̇асамо.

    Bhojanavaggo dvādasamo.

    жаарид̇д̇асигкаабад̣̇ам̣

    Cārittasikkhāpadaṃ

    127. яаа бана бхигкуний ниманд̇ид̇аа сабхад̇д̇аа самаанаа санд̇им̣ бхигкуним̣ анаабужчаа бурзбхад̇д̇ам̣ ваа бажчаабхад̇д̇ам̣ ваа гулзсу жаарид̇д̇ам̣ аабаж̇ж̇зяяа ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо, жийварад̣̇аанасамаяо, жийварагаарасамаяо, аяам̣ д̇ад̇т̇а самаяо.

    127. Yā pana bhikkhunī nimantitā sabhattā samānā santiṃ bhikkhuniṃ anāpucchā purebhattaṃ vā pacchābhattaṃ vā kulesu cārittaṃ āpajjeyya aññatra samayā, pācittiyaṃ. Tatthāyaṃ samayo, cīvaradānasamayo, cīvarakārasamayo, ayaṃ tattha samayo.

    махаанаамасигкаабад̣̇ам̣

    Mahānāmasikkhāpadaṃ

    128. аг̇илаанааяа бхигкунияаа жад̇умаасаббажжаяабавааран̣аа саад̣̇ид̇аб̣б̣аа ан̃н̃ад̇ра бунабавааран̣ааяа, ан̃н̃ад̇ра нижжабавааран̣ааяа. д̇ад̇о жз уд̇д̇ари саад̣̇иязяяа, баажид̇д̇ияам̣.

    128. Agilānāya bhikkhuniyā catumāsappaccayapavāraṇā sāditabbā aññatra punapavāraṇāya, aññatra niccapavāraṇāya. Tato ce uttari sādiyeyya, pācittiyaṃ.

    уяяуд̇д̇асзнаасигкаабад̣̇ам̣

    Uyyuttasenāsikkhāpadaṃ

    129. яаа бана бхигкуний уяяуд̇д̇ам̣ сзнам̣ д̣̇ассанааяа г̇ажчзяяа ан̃н̃ад̇ра д̇ат̇ааруубаббажжаяаа, баажид̇д̇ияам̣.

    129. Yā pana bhikkhunī uyyuttaṃ senaṃ dassanāya gaccheyya aññatra tathārūpappaccayā, pācittiyaṃ.

    сзнааваасасигкаабад̣̇ам̣

    Senāvāsasikkhāpadaṃ

    130. сияаа жа д̇ассаа бхигкунияаа гожид̣̇зва бажжаяо сзнам̣ г̇аманааяа, д̣̇ирад̇д̇ад̇ирад̇д̇ам̣ д̇ааяа бхигкунияаа сзнааяа васид̇аб̣б̣ам̣. д̇ад̇о жз уд̇д̇ари васзяяа, баажид̇д̇ияам̣.

    130. Siyā ca tassā bhikkhuniyā kocideva paccayo senaṃ gamanāya, dirattatirattaṃ tāya bhikkhuniyā senāya vasitabbaṃ. Tato ce uttari vaseyya, pācittiyaṃ.

    уяяод̇хигасигкаабад̣̇ам̣

    Uyyodhikasikkhāpadaṃ

    131. д̣̇ирад̇д̇ад̇ирад̇д̇ам̣ жз бхигкуний сзнааяа васамаанаа уяяод̇хигам̣ ваа б̣алаг̇г̇ам̣ ваа сзнааб̣яуухам̣ ваа анийгад̣̇ассанам̣ ваа г̇ажчзяяа, баажид̇д̇ияам̣.

    131. Dirattatirattaṃ ce bhikkhunī senāya vasamānā uyyodhikaṃ vā balaggaṃ vā senābyūhaṃ vā anīkadassanaṃ vā gaccheyya, pācittiyaṃ.

    сураабаанасигкаабад̣̇ам̣

    Surāpānasikkhāpadaṃ

    132. сураамзраяабаанз баажид̇д̇ияам̣.

    132. Surāmerayapāne pācittiyaṃ.

    ан̇г̇улибад̇од̣̇агасигкаабад̣̇ам̣

    Aṅgulipatodakasikkhāpadaṃ

    133. ан̇г̇улибад̇од̣̇агз баажид̇д̇ияам̣.

    133. Aṅgulipatodake pācittiyaṃ.

    хасад̇хаммасигкаабад̣̇ам̣

    Hasadhammasikkhāpadaṃ

    134. уд̣̇агз хасад̇хаммз баажид̇д̇ияам̣.

    134. Udake hasadhamme pācittiyaṃ.

    анаад̣̇арияасигкаабад̣̇ам̣

    Anādariyasikkhāpadaṃ

    135. анаад̣̇арияз баажид̇д̇ияам̣.

    135. Anādariye pācittiyaṃ.

    бхим̣саабанасигкаабад̣̇ам̣

    Bhiṃsāpanasikkhāpadaṃ

    136. яаа бана бхигкуний бхигкуним̣ бхим̣саабзяяа, баажид̇д̇ияам̣.

    136. Yā pana bhikkhunī bhikkhuniṃ bhiṃsāpeyya, pācittiyaṃ.

    жаарид̇д̇аваг̇г̇о д̇зрасамо.

    Cārittavaggo terasamo.

    ж̇од̇исигкаабад̣̇ам̣

    Jotisikkhāpadaṃ

    137. яаа бана бхигкуний аг̇илаанаа висиб̣б̣анаабзгкаа ж̇од̇им̣ самаад̣̇ахзяяа ваа самаад̣̇ахаабзяяа ваа ан̃н̃ад̇ра д̇ат̇ааруубаббажжаяаа, баажид̇д̇ияам̣.

    137. Yā pana bhikkhunī agilānā visibbanāpekkhā jotiṃ samādaheyya vā samādahāpeyya vā aññatra tathārūpappaccayā, pācittiyaṃ.

    нахаанасигкаабад̣̇ам̣

    Nahānasikkhāpadaṃ

    138. яаа бана бхигкуний орзнад̣̇д̇хамаасам̣ нахааязяяа ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо ‘‘д̣̇ияад̣дхо маасо сзсо г̇имхаана’’нд̇и ‘‘вассаанасса батамо маасо’’ ижжзд̇з ад̣дхад̇зяяамаасаа ун̣хасамаяо, барил̣аахасамаяо, г̇илаанасамаяо, гаммасамаяо, ад̣̇д̇хаанаг̇аманасамаяо, ваад̇авудтисамаяо, аяам̣ д̇ад̇т̇а самаяо.

    138. Yā pana bhikkhunī orenaddhamāsaṃ nahāyeyya aññatra samayā, pācittiyaṃ. Tatthāyaṃ samayo ‘‘diyaḍḍho māso seso gimhāna’’nti ‘‘vassānassa paṭhamo māso’’ iccete aḍḍhateyyamāsā uṇhasamayo, pariḷāhasamayo, gilānasamayo, kammasamayo, addhānagamanasamayo, vātavuṭṭhisamayo, ayaṃ tattha samayo.

    д̣̇уб̣б̣ан̣н̣агаран̣асигкаабад̣̇ам̣

    Dubbaṇṇakaraṇasikkhāpadaṃ

    139. навам̣ бана бхигкунияаа жийваралаабхааяа д̇ин̣н̣ам̣ д̣̇уб̣б̣ан̣н̣агаран̣аанам̣ ан̃н̃ад̇арам̣ д̣̇уб̣б̣ан̣н̣агаран̣ам̣ аад̣̇аад̇аб̣б̣ам̣ нийлам̣ ваа гад̣̇д̣̇амам̣ ваа гаал̣асаамам̣ ваа. анаад̣̇аа жз бхигкуний д̇ин̣н̣ам̣ д̣̇уб̣б̣ан̣н̣агаран̣аанам̣ ан̃н̃ад̇арам̣ д̣̇уб̣б̣ан̣н̣агаран̣ам̣ навам̣ жийварам̣ барибхун̃ж̇зяяа, баажид̇д̇ияам̣.

    139. Navaṃ pana bhikkhuniyā cīvaralābhāya tiṇṇaṃ dubbaṇṇakaraṇānaṃ aññataraṃ dubbaṇṇakaraṇaṃ ādātabbaṃ nīlaṃ vā kaddamaṃ vā kāḷasāmaṃ vā. Anādā ce bhikkhunī tiṇṇaṃ dubbaṇṇakaraṇānaṃ aññataraṃ dubbaṇṇakaraṇaṃ navaṃ cīvaraṃ paribhuñjeyya, pācittiyaṃ.

    вигаббанасигкаабад̣̇ам̣

    Vikappanasikkhāpadaṃ

    140. яаа бана бхигкуний бхигкусса ваа бхигкунияаа ваа сигкамаанааяа ваа сааман̣зрасса ваа сааман̣зрияаа ваа саамам̣ жийварам̣ вигаббзд̇ваа абажжуд̣̇д̇хааран̣ам̣ барибхун̃ж̇зяяа, баажид̇д̇ияам̣.

    140. Yā pana bhikkhunī bhikkhussa vā bhikkhuniyā vā sikkhamānāya vā sāmaṇerassa vā sāmaṇeriyā vā sāmaṃ cīvaraṃ vikappetvā apaccuddhāraṇaṃ paribhuñjeyya, pācittiyaṃ.

    абанид̇хаабанасигкаабад̣̇ам̣

    Apanidhāpanasikkhāpadaṃ

    141. яаа бана бхигкуний бхигкунияаа бад̇д̇ам̣ ваа жийварам̣ ваа нисийд̣̇анам̣ ваа суужигхарам̣ ваа гааяаб̣анд̇ханам̣ ваа абанид̇хзяяа ваа абанид̇хаабзяяа ваа анд̇амасо хасаабзгкааби, баажид̇д̇ияам̣.

    141. Yā pana bhikkhunī bhikkhuniyā pattaṃ vā cīvaraṃ vā nisīdanaṃ vā sūcigharaṃ vā kāyabandhanaṃ vā apanidheyya vā apanidhāpeyya vā antamaso hasāpekkhāpi, pācittiyaṃ.

    сан̃жижжасигкаабад̣̇ам̣

    Sañciccasikkhāpadaṃ

    142. яаа бана бхигкуний сан̃жижжа баан̣ам̣ ж̇ийвид̇аа воробзяяа, баажид̇д̇ияам̣.

    142. Yā pana bhikkhunī sañcicca pāṇaṃ jīvitā voropeyya, pācittiyaṃ.

    саббаан̣агасигкаабад̣̇ам̣

    Sappāṇakasikkhāpadaṃ

    143. яаа бана бхигкуний ж̇аанам̣ саббаан̣агам̣ уд̣̇агам̣ барибхун̃ж̇зяяа, баажид̇д̇ияам̣.

    143. Yā pana bhikkhunī jānaṃ sappāṇakaṃ udakaṃ paribhuñjeyya, pācittiyaṃ.

    уггоданасигкаабад̣̇ам̣

    Ukkoṭanasikkhāpadaṃ

    144. яаа бана бхигкуний ж̇аанам̣ яат̇аад̇хаммам̣ нихад̇аад̇хигаран̣ам̣ бунагаммааяа уггодзяяа, баажид̇д̇ияам̣.

    144. Yā pana bhikkhunī jānaṃ yathādhammaṃ nihatādhikaraṇaṃ punakammāya ukkoṭeyya, pācittiyaṃ.

    т̇зяяасад̇т̇асигкаабад̣̇ам̣

    Theyyasatthasikkhāpadaṃ

    145. яаа бана бхигкуний ж̇аанам̣ т̇зяяасад̇т̇зна сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇зяяа анд̇амасо г̇ааманд̇арамби, баажид̇д̇ияам̣.

    145. Yā pana bhikkhunī jānaṃ theyyasatthena saddhiṃ saṃvidhāya ekaddhānamaggaṃ paṭipajjeyya antamaso gāmantarampi, pācittiyaṃ.

    аридтасигкаабад̣̇ам̣

    Ariṭṭhasikkhāpadaṃ

    146. яаа бана бхигкуний звам̣ вад̣̇зяяа ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа, д̇з бадисзвад̇о наалам̣ анд̇арааяааяаа’’д̇и. саа бхигкуний бхигкунийхи звамасса важанийяаа ‘‘мааяяз звам̣ аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа, анзгабарияааязнааяяз анд̇арааяигаа д̇хаммаа анд̇арааяигаа вуд̇д̇аа бхаг̇авад̇аа, алан̃жа бана д̇з бадисзвад̇о анд̇арааяааяаа’’д̇и. зван̃жа саа бхигкуний бхигкунийхи вужжамаанаа д̇ат̇зва баг̇г̇ан̣хзяяа, саа бхигкуний бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа. яаавад̇ад̇ияан̃жз саманубхаасияамаанаа д̇ам̣ бадиниссаж̇ж̇зяяа, ижжзд̇ам̣ гусалам̣. но жз бадиниссаж̇ж̇зяяа, баажид̇д̇ияам̣.

    146. Yā pana bhikkhunī evaṃ vadeyya ‘‘tathāhaṃ bhagavatā dhammaṃ desitaṃ ājānāmi, yathā yeme antarāyikā dhammā vuttā bhagavatā, te paṭisevato nālaṃ antarāyāyā’’ti. Sā bhikkhunī bhikkhunīhi evamassa vacanīyā ‘‘māyye evaṃ avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya, anekapariyāyenāyye antarāyikā dhammā antarāyikā vuttā bhagavatā, alañca pana te paṭisevato antarāyāyā’’ti. Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya. Yāvatatiyañce samanubhāsiyamānā taṃ paṭinissajjeyya, iccetaṃ kusalaṃ. No ce paṭinissajjeyya, pācittiyaṃ.

    ж̇од̇иваг̇г̇о жуд̣̇д̣̇асамо.

    Jotivaggo cuddasamo.

    угкид̇д̇асамбхог̇асигкаабад̣̇ам̣

    Ukkhittasambhogasikkhāpadaṃ

    147. яаа бана бхигкуний ж̇аанам̣ д̇ат̇ааваад̣̇инияаа бхигкунияаа агадаануд̇хаммааяа д̇ам̣ д̣̇идтим̣ аббадиниссадтааяа сад̣̇д̇хим̣ самбхун̃ж̇зяяа ваа, сам̣васзяяа ваа, саха ваа сзяяам̣ габбзяяа, баажид̇д̇ияам̣.

    147. Yā pana bhikkhunī jānaṃ tathāvādiniyā bhikkhuniyā akaṭānudhammāya taṃ diṭṭhiṃ appaṭinissaṭṭhāya saddhiṃ sambhuñjeyya vā, saṃvaseyya vā, saha vā seyyaṃ kappeyya, pācittiyaṃ.

    ган̣дагасигкаабад̣̇ам̣

    Kaṇṭakasikkhāpadaṃ

    148. саман̣уд̣̇д̣̇зсааби жз звам̣ вад̣̇зяяа ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа, д̇з бадисзвад̇о наалам̣ анд̇арааяааяаа’’д̇и. саа саман̣уд̣̇д̣̇зсаа бхигкунийхи звамасса важанийяаа ‘‘мааяяз, саман̣уд̣̇д̣̇зсз звам̣ аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа, анзгабарияааязнааяяз, саман̣уд̣̇д̣̇зсз анд̇арааяигаа д̇хаммаа анд̇арааяигаа вуд̇д̇аа бхаг̇авад̇аа, алан̃жа бана д̇з бадисзвад̇о анд̇арааяааяаа’’д̇и. зван̃жа саа саман̣уд̣̇д̣̇зсаа бхигкунийхи вужжамаанаа д̇ат̇зва баг̇г̇ан̣хзяяа, саа саман̣уд̣̇д̣̇зсаа бхигкунийхи звамасса важанийяаа ‘‘аж̇ж̇ад̇аг̇г̇з д̇з, аяяз, саман̣уд̣̇д̣̇зсз на жзва со бхаг̇аваа сад̇т̇аа абад̣̇исид̇аб̣б̣о, яамби жан̃н̃аа саман̣уд̣̇д̣̇зсаа лабханд̇и бхигкунийхи сад̣̇д̇хим̣ д̣̇ирад̇д̇ад̇ирад̇д̇ам̣ сахасзяяам̣, сааби д̇з над̇т̇и, жара бирз, винассаа’’д̇и. яаа бана бхигкуний ж̇аанам̣ д̇ат̇аанаасид̇ам̣ саман̣уд̣̇д̣̇зсам̣ убалаабзяяа ваа, убадтаабзяяа ваа, самбхун̃ж̇зяяа ваа, саха ваа сзяяам̣ габбзяяа, баажид̇д̇ияам̣.

    148. Samaṇuddesāpi ce evaṃ vadeyya ‘‘tathāhaṃ bhagavatā dhammaṃ desitaṃ ājānāmi, yathā yeme antarāyikā dhammā vuttā bhagavatā, te paṭisevato nālaṃ antarāyāyā’’ti. Sā samaṇuddesā bhikkhunīhi evamassa vacanīyā ‘‘māyye, samaṇuddese evaṃ avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya, anekapariyāyenāyye, samaṇuddese antarāyikā dhammā antarāyikā vuttā bhagavatā, alañca pana te paṭisevato antarāyāyā’’ti. Evañca sā samaṇuddesā bhikkhunīhi vuccamānā tatheva paggaṇheyya, sā samaṇuddesā bhikkhunīhi evamassa vacanīyā ‘‘ajjatagge te, ayye, samaṇuddese na ceva so bhagavā satthā apadisitabbo, yampi caññā samaṇuddesā labhanti bhikkhunīhi saddhiṃ dirattatirattaṃ sahaseyyaṃ, sāpi te natthi, cara pire, vinassā’’ti. Yā pana bhikkhunī jānaṃ tathānāsitaṃ samaṇuddesaṃ upalāpeyya vā, upaṭṭhāpeyya vā, sambhuñjeyya vā, saha vā seyyaṃ kappeyya, pācittiyaṃ.

    сахад̇хаммигасигкаабад̣̇ам̣

    Sahadhammikasikkhāpadaṃ

    149. яаа бана бхигкуний бхигкунийхи сахад̇хаммигам̣ вужжамаанаа звам̣ вад̣̇зяяа ‘‘на д̇ааваахам̣, аяяз, зд̇асмим̣ сигкаабад̣̇з сигкиссаами, яаава на ан̃н̃ам̣ бхигкуним̣ б̣яад̇д̇ам̣ винаяад̇харам̣ барибужчаамий’’д̇и, баажид̇д̇ияам̣. сигкамаанааяа, бхигкавз, бхигкунияаа ан̃н̃аад̇аб̣б̣ам̣ барибужчид̇аб̣б̣ам̣ барибан̃хид̇аб̣б̣ам̣, аяам̣ д̇ад̇т̇а саамийжи.

    149. Yā pana bhikkhunī bhikkhunīhi sahadhammikaṃ vuccamānā evaṃ vadeyya ‘‘na tāvāhaṃ, ayye, etasmiṃ sikkhāpade sikkhissāmi, yāva na aññaṃ bhikkhuniṃ byattaṃ vinayadharaṃ paripucchāmī’’ti, pācittiyaṃ. Sikkhamānāya, bhikkhave, bhikkhuniyā aññātabbaṃ paripucchitabbaṃ paripañhitabbaṃ, ayaṃ tattha sāmīci.

    вилзканасигкаабад̣̇ам̣

    Vilekhanasikkhāpadaṃ

    150. яаа бана бхигкуний баад̇имогкз уд̣̇д̣̇иссамаанз звам̣ вад̣̇зяяа ‘‘гим̣ банимзхи куд̣̇д̣̇аанукуд̣̇д̣̇агзхи сигкаабад̣̇зхи уд̣̇д̣̇идтзхи, яаавад̣̇зва гуггужжааяа вихзсааяа вилзкааяа сам̣вад̇д̇анд̇ий’’д̇и, сигкаабад̣̇авиван̣н̣агз баажид̇д̇ияам̣.

    150. Yā pana bhikkhunī pātimokkhe uddissamāne evaṃ vadeyya ‘‘kiṃ panimehi khuddānukhuddakehi sikkhāpadehi uddiṭṭhehi, yāvadeva kukkuccāya vihesāya vilekhāya saṃvattantī’’ti, sikkhāpadavivaṇṇake pācittiyaṃ.

    моханасигкаабад̣̇ам̣

    Mohanasikkhāpadaṃ

    151. яаа бана бхигкуний анвад̣̇д̇хамаасам̣ баад̇имогкз уд̣̇д̣̇иссамаанз звам̣ вад̣̇зяяа ‘‘ид̣̇аанзва ко ахам̣, аяяз, ж̇аанаами аяамби гира д̇хаммо суд̇д̇ааг̇ад̇о суд̇д̇абарияаабанно анвад̣̇д̇хамаасам̣ уд̣̇д̣̇зсам̣ ааг̇ажчад̇ий’’д̇и, д̇ан̃жз бхигкуним̣ ан̃н̃аа бхигкунияо ж̇аанзяяум̣ нисиннабуб̣б̣ам̣ имааяа бхигкунияаа д̣̇вад̇д̇игкад̇д̇ум̣ баад̇имогкз уд̣̇д̣̇иссамаанз, го бана ваад̣̇о бхияяо, на жа д̇ассаа бхигкунияаа ан̃н̃аан̣агзна муд̇д̇и ад̇т̇и, яан̃жа д̇ад̇т̇а аабад̇д̇им̣ аабаннаа, д̇ан̃жа яат̇аад̇хаммо гаарзд̇аб̣б̣о, уд̇д̇ари жассаа мохо ааробзд̇аб̣б̣о ‘‘д̇ассаа д̇з, аяяз, алаабхаа, д̇ассаа д̇з д̣̇уллад̣̇д̇хам̣, яам̣ д̇вам̣ баад̇имогкз уд̣̇д̣̇иссамаанз на саад̇хугам̣ адтим̣ гад̇ваа манаси гаросий’’д̇и, ид̣̇ам̣ д̇асмим̣ моханагз баажид̇д̇ияам̣.

    151. Yā pana bhikkhunī anvaddhamāsaṃ pātimokkhe uddissamāne evaṃ vadeyya ‘‘idāneva kho ahaṃ, ayye, jānāmi ayampi kira dhammo suttāgato suttapariyāpanno anvaddhamāsaṃ uddesaṃ āgacchatī’’ti, tañce bhikkhuniṃ aññā bhikkhuniyo jāneyyuṃ nisinnapubbaṃ imāya bhikkhuniyā dvattikkhattuṃ pātimokkhe uddissamāne, ko pana vādo bhiyyo, na ca tassā bhikkhuniyā aññāṇakena mutti atthi, yañca tattha āpattiṃ āpannā, tañca yathādhammo kāretabbo, uttari cassā moho āropetabbo ‘‘tassā te, ayye, alābhā, tassā te dulladdhaṃ, yaṃ tvaṃ pātimokkhe uddissamāne na sādhukaṃ aṭṭhiṃ katvā manasi karosī’’ti, idaṃ tasmiṃ mohanake pācittiyaṃ.

    бахаарасигкаабад̣̇ам̣

    Pahārasikkhāpadaṃ

    152. яаа бана бхигкуний бхигкунияаа губид̇аа анад̇д̇аманаа бахаарам̣ д̣̇ад̣̇зяяа, баажид̇д̇ияам̣.

    152. Yā pana bhikkhunī bhikkhuniyā kupitā anattamanā pahāraṃ dadeyya, pācittiyaṃ.

    д̇аласад̇д̇игасигкаабад̣̇ам̣

    Talasattikasikkhāpadaṃ

    153. яаа бана бхигкуний бхигкунияаа губид̇аа анад̇д̇аманаа д̇аласад̇д̇игам̣ уг̇г̇ирзяяа, баажид̇д̇ияам̣.

    153. Yā pana bhikkhunī bhikkhuniyā kupitā anattamanā talasattikaṃ uggireyya, pācittiyaṃ.

    амуулагасигкаабад̣̇ам̣

    Amūlakasikkhāpadaṃ

    154. яаа бана бхигкуний бхигкуним̣ амуулагзна сан̇гхаад̣̇исзсзна ануд̣̇д̇хам̣сзяяа, баажид̇д̇ияам̣.

    154. Yā pana bhikkhunī bhikkhuniṃ amūlakena saṅghādisesena anuddhaṃseyya, pācittiyaṃ.

    сан̃жижжасигкаабад̣̇ам̣

    Sañciccasikkhāpadaṃ

    155. яаа бана бхигкуний бхигкунияаа сан̃жижжа гуггужжам̣ убад̣̇ахзяяа ‘‘ид̇иссаа мухуд̇д̇амби апаасу бхависсад̇ий’’д̇и зд̇ад̣̇зва бажжаяам̣ гарид̇ваа анан̃н̃ам̣, баажид̇д̇ияам̣.

    155. Yā pana bhikkhunī bhikkhuniyā sañcicca kukkuccaṃ upadaheyya ‘‘itissā muhuttampi aphāsu bhavissatī’’ti etadeva paccayaṃ karitvā anaññaṃ, pācittiyaṃ.

    убассуд̇и сигкаабад̣̇ам̣

    Upassuti sikkhāpadaṃ

    156. яаа бана бхигкуний бхигкунийнам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ убассуд̇им̣ д̇идтзяяа ‘‘яам̣ имаа бхан̣иссанд̇и, д̇ам̣ соссаамий’’д̇и зд̇ад̣̇зва бажжаяам̣ гарид̇ваа анан̃н̃ам̣, баажид̇д̇ияам̣.

    156. Yā pana bhikkhunī bhikkhunīnaṃ bhaṇḍanajātānaṃ kalahajātānaṃ vivādāpannānaṃ upassutiṃ tiṭṭheyya ‘‘yaṃ imā bhaṇissanti, taṃ sossāmī’’ti etadeva paccayaṃ karitvā anaññaṃ, pācittiyaṃ.

    д̣̇идтиваг̇г̇о баннарасамо.

    Diṭṭhivaggo pannarasamo.

    гаммаббадиб̣ааханасигкаабад̣̇ам̣

    Kammappaṭibāhanasikkhāpadaṃ

    157. яаа бана бхигкуний д̇хаммигаанам̣ гаммаанам̣ чанд̣̇ам̣ д̣̇ад̇ваа бажчаа кийяанад̇хаммам̣ аабаж̇ж̇зяяа, баажид̇д̇ияам̣.

    157. Yā pana bhikkhunī dhammikānaṃ kammānaṃ chandaṃ datvā pacchā khīyanadhammaṃ āpajjeyya, pācittiyaṃ.

    чанд̣̇ам̣ад̣̇ад̇вааг̇аманасигкаабад̣̇ам̣

    Chandaṃadatvāgamanasikkhāpadaṃ

    158. яаа бана бхигкуний сан̇гхз винижчаяагат̇ааяа вад̇д̇амаанааяа чанд̣̇ам̣ ад̣̇ад̇ваа удтааяаасанаа баггамзяяа, баажид̇д̇ияам̣.

    158. Yā pana bhikkhunī saṅghe vinicchayakathāya vattamānāya chandaṃ adatvā uṭṭhāyāsanā pakkameyya, pācittiyaṃ.

    д̣̇уб̣б̣аласигкаабад̣̇ам̣

    Dubbalasikkhāpadaṃ

    159. яаа бана бхигкуний самаг̇г̇зна сан̇гхзна жийварам̣ д̣̇ад̇ваа бажчаа кийяанад̇хаммам̣ аабаж̇ж̇зяяа ‘‘яат̇аасант̇уд̇ам̣ бхигкунияо сан̇гхигам̣ лаабхам̣ барин̣аамзнд̇ий’’д̇и, баажид̇д̇ияам̣.

    159. Yā pana bhikkhunī samaggena saṅghena cīvaraṃ datvā pacchā khīyanadhammaṃ āpajjeyya ‘‘yathāsanthutaṃ bhikkhuniyo saṅghikaṃ lābhaṃ pariṇāmentī’’ti, pācittiyaṃ.

    барин̣ааманасигкаабад̣̇ам̣

    Pariṇāmanasikkhāpadaṃ

    160. яаа бана бхигкуний ж̇аанам̣ сан̇гхигам̣ лаабхам̣ барин̣ад̇ам̣ буг̇г̇аласса барин̣аамзяяа, баажид̇д̇ияам̣.

    160. Yā pana bhikkhunī jānaṃ saṅghikaṃ lābhaṃ pariṇataṃ puggalassa pariṇāmeyya, pācittiyaṃ.

    рад̇анасигкаабад̣̇ам̣

    Ratanasikkhāpadaṃ

    161. яаа бана бхигкуний рад̇анам̣ ваа рад̇анасаммад̇ам̣ ваа ан̃н̃ад̇ра аж̇жхаараамаа ваа аж̇жхаавасат̇аа ваа уг̇г̇ан̣хзяяа ваа уг̇г̇ан̣хаабзяяа ваа, баажид̇д̇ияам̣. рад̇анам̣ ваа бана бхигкунияаа рад̇анасаммад̇ам̣ ваа аж̇жхаараамз ваа аж̇жхаавасат̇з ваа уг̇г̇ахзд̇ваа ваа уг̇г̇ахаабзд̇ваа ваа нигкибид̇аб̣б̣ам̣ ‘‘яасса бхависсад̇и, со хариссад̇ий’’д̇и, аяам̣ д̇ад̇т̇а саамийжи.

    161. Yā pana bhikkhunī ratanaṃ vā ratanasammataṃ vā aññatra ajjhārāmā vā ajjhāvasathā vā uggaṇheyya vā uggaṇhāpeyya vā, pācittiyaṃ. Ratanaṃ vā pana bhikkhuniyā ratanasammataṃ vā ajjhārāme vā ajjhāvasathe vā uggahetvā vā uggahāpetvā vā nikkhipitabbaṃ ‘‘yassa bhavissati, so harissatī’’ti, ayaṃ tattha sāmīci.

    суужигхарасигкаабад̣̇ам̣

    Sūcigharasikkhāpadaṃ

    162. яаа бана бхигкуний адтимаяам̣ ваа д̣̇анд̇амаяам̣ ваа висаан̣амаяам̣ ваа суужигхарам̣ гаараабзяяа, бхзд̣̇анагам̣ баажид̇д̇ияам̣.

    162. Yā pana bhikkhunī aṭṭhimayaṃ vā dantamayaṃ vā visāṇamayaṃ vā sūcigharaṃ kārāpeyya, bhedanakaṃ pācittiyaṃ.

    ман̃жабийтасигкаабад̣̇ам̣

    Mañcapīṭhasikkhāpadaṃ

    163. навам̣ бана бхигкунияаа ман̃жам̣ ваа бийтам̣ ваа гаараяамаанааяа адтан̇г̇улабаад̣̇агам̣ гаарзд̇аб̣б̣ам̣ суг̇ад̇ан̇г̇улзна ан̃н̃ад̇ра хздтимааяа аданияаа. д̇ам̣ ад̇иггаамзнд̇ияаа чзд̣̇анагам̣ баажид̇д̇ияам̣.

    163. Navaṃ pana bhikkhuniyā mañcaṃ vā pīṭhaṃ vā kārayamānāya aṭṭhaṅgulapādakaṃ kāretabbaṃ sugataṅgulena aññatra heṭṭhimāya aṭaniyā. Taṃ atikkāmentiyā chedanakaṃ pācittiyaṃ.

    д̇уулонад̣̇д̇хасигкаабад̣̇ам̣

    Tūlonaddhasikkhāpadaṃ

    164. яаа бана бхигкуний ман̃жам̣ ваа бийтам̣ ваа д̇уулонад̣̇д̇хам̣ гаараабзяяа, уд̣̇д̣̇ааланагам̣ баажид̇д̇ияам̣.

    164. Yā pana bhikkhunī mañcaṃ vā pīṭhaṃ vā tūlonaddhaṃ kārāpeyya, uddālanakaṃ pācittiyaṃ.

    ган̣д̣уббадижчаад̣̇исигкаабад̣̇ам̣

    Kaṇḍuppaṭicchādisikkhāpadaṃ

    165. ган̣д̣уббадижчаад̣̇им̣ бана бхигкунияаа гаараяамаанааяа бамаан̣игаа гаарзд̇аб̣б̣аа, д̇ад̇рид̣̇ам̣ бамаан̣ам̣, д̣̇ийгхасо жад̇ассо вид̣̇ад̇т̇ияо суг̇ад̇авид̣̇ад̇т̇ияаа, д̇ирияам̣ д̣̇вз вид̣̇ад̇т̇ияо. д̇ам̣ ад̇иггаамзнд̇ияаа чзд̣̇анагам̣ баажид̇д̇ияам̣.

    165. Kaṇḍuppaṭicchādiṃ pana bhikkhuniyā kārayamānāya pamāṇikā kāretabbā, tatridaṃ pamāṇaṃ, dīghaso catasso vidatthiyo sugatavidatthiyā, tiriyaṃ dve vidatthiyo. Taṃ atikkāmentiyā chedanakaṃ pācittiyaṃ.

    нанд̣̇асигкаабад̣̇ам̣

    Nandasikkhāpadaṃ

    166. яаа бана бхигкуний суг̇ад̇ажийвараббамаан̣ам̣ жийварам̣ гаараабзяяа, ад̇ирзгам̣ ваа, чзд̣̇анагам̣ баажид̇д̇ияам̣. д̇ад̇рид̣̇ам̣ суг̇ад̇асса суг̇ад̇ажийвараббамаан̣ам̣, д̣̇ийгхасо нава вид̣̇ад̇т̇ияо суг̇ад̇авид̣̇ад̇т̇ияаа, д̇ирияам̣ ча вид̣̇ад̇т̇ияо, ид̣̇ам̣ суг̇ад̇асса суг̇ад̇ажийвараббамаан̣анд̇и.

    166. Yā pana bhikkhunī sugatacīvarappamāṇaṃ cīvaraṃ kārāpeyya, atirekaṃ vā, chedanakaṃ pācittiyaṃ. Tatridaṃ sugatassa sugatacīvarappamāṇaṃ, dīghaso nava vidatthiyo sugatavidatthiyā, tiriyaṃ cha vidatthiyo, idaṃ sugatassa sugatacīvarappamāṇanti.

    д̇хаммигаваг̇г̇о сол̣асамо.

    Dhammikavaggo soḷasamo.

    уд̣̇д̣̇идтаа ко, аяяааяо, часадтисад̇аа баажид̇д̇ияаа д̇хаммаа. д̇ад̇т̇ааяяааяо, бужчаами, гажжид̇т̇а барисуд̣̇д̇хаа, д̣̇уд̇ияамби бужчаами, гажжид̇т̇а барисуд̣̇д̇хаа, д̇ад̇ияамби бужчаами, гажжид̇т̇а барисуд̣̇д̇хаа, барисуд̣̇д̇хзд̇т̇ааяяааяо, д̇асмаа д̇ун̣хий, звамзд̇ам̣ д̇хаараяаамийд̇и.

    Uddiṭṭhā kho, ayyāyo, chasaṭṭhisatā pācittiyā dhammā. Tatthāyyāyo, pucchāmi, kaccittha parisuddhā, dutiyampi pucchāmi, kaccittha parisuddhā, tatiyampi pucchāmi, kaccittha parisuddhā, parisuddhetthāyyāyo, tasmā tuṇhī, evametaṃ dhārayāmīti.

    баажид̇д̇ияаа нидтид̇аа.

    Pācittiyā niṭṭhitā.

    баадид̣̇зсанийяаа

    Pāṭidesanīyā

    имз ко банааяяааяо адта баадид̣̇зсанийяаа

    Ime kho panāyyāyo aṭṭha pāṭidesanīyā

    д̇хаммаа уд̣̇д̣̇зсам̣ ааг̇ажчанд̇и.

    Dhammā uddesaṃ āgacchanti.

    саббивин̃н̃аабанасигкаабад̣̇ам̣

    Sappiviññāpanasikkhāpadaṃ

    1. яаа бана бхигкуний аг̇илаанаа саббим̣ вин̃н̃аабзд̇ваа бхун̃ж̇зяяа, бадид̣̇зсзд̇аб̣б̣ам̣ д̇ааяа бхигкунияаа ‘‘г̇аараяхам̣, аяяз, д̇хаммам̣ аабаж̇ж̇им̣ асаббааяам̣ баадид̣̇зсанийяам̣, д̇ам̣ бадид̣̇зсзмий’’д̇и.

    1. Yā pana bhikkhunī agilānā sappiṃ viññāpetvā bhuñjeyya, paṭidesetabbaṃ tāya bhikkhuniyā ‘‘gārayhaṃ, ayye, dhammaṃ āpajjiṃ asappāyaṃ pāṭidesanīyaṃ, taṃ paṭidesemī’’ti.

    д̇злавин̃н̃аабанасигкаабад̣̇ам̣

    Telaviññāpanasikkhāpadaṃ

    2. яаа бана бхигкуний аг̇илаанаа д̇злам̣ вин̃н̃аабзд̇ваа бхун̃ж̇зяяа…бз… д̇ам̣ бадид̣̇зсзмийд̇и.

    2. Yā pana bhikkhunī agilānā telaṃ viññāpetvā bhuñjeyya…pe… taṃ paṭidesemīti.

    мад̇хувин̃н̃аабанасигкаабад̣̇ам̣

    Madhuviññāpanasikkhāpadaṃ

    3. яаа бана бхигкуний аг̇илаанаа мад̇хум̣ вин̃н̃аабзд̇ваа бхун̃ж̇зяяа…бз… д̇ам̣ бадид̣̇зсзмийд̇и.

    3. Yā pana bhikkhunī agilānā madhuṃ viññāpetvā bhuñjeyya…pe… taṃ paṭidesemīti.

    паан̣ид̇авин̃н̃аабанасигкаабад̣̇ам̣

    Phāṇitaviññāpanasikkhāpadaṃ

    4. яаа бана бхигкуний аг̇илаанаа паан̣ид̇ам̣ вин̃н̃аабзд̇ваа бхун̃ж̇зяяа…бз… д̇ам̣ бадид̣̇зсзмийд̇и.

    4. Yā pana bhikkhunī agilānā phāṇitaṃ viññāpetvā bhuñjeyya…pe… taṃ paṭidesemīti.

    мажчавин̃н̃аабанасигкаабад̣̇ам̣

    Macchaviññāpanasikkhāpadaṃ

    5. яаа бана бхигкуний аг̇илаанаа мажчам̣ вин̃н̃аабзд̇ваа бхун̃ж̇зяяа…бз… д̇ам̣ бадид̣̇зсзмийд̇и.

    5. Yā pana bhikkhunī agilānā macchaṃ viññāpetvā bhuñjeyya…pe… taṃ paṭidesemīti.

    мам̣савин̃н̃аабанасигкаабад̣̇ам̣

    Maṃsaviññāpanasikkhāpadaṃ

    6. яаа бана бхигкуний аг̇илаанаа мам̣сам̣ вин̃н̃аабзд̇ваа бхун̃ж̇зяяа…бз… д̇ам̣ бадид̣̇зсзмийд̇и.

    6. Yā pana bhikkhunī agilānā maṃsaṃ viññāpetvā bhuñjeyya…pe… taṃ paṭidesemīti.

    кийравин̃н̃аабанасигкаабад̣̇ам̣

    Khīraviññāpanasikkhāpadaṃ

    7. яаа бана бхигкуний аг̇илаанаа кийрам̣ вин̃н̃аабзд̇ваа бхун̃ж̇зяяа…бз… д̇ам̣ бадид̣̇зсзмийд̇и.

    7. Yā pana bhikkhunī agilānā khīraṃ viññāpetvā bhuñjeyya…pe… taṃ paṭidesemīti.

    д̣̇ад̇хивин̃н̃аабанасигкаабад̣̇ам̣

    Dadhiviññāpanasikkhāpadaṃ

    8. яаа бана бхигкуний аг̇илаанаа д̣̇ад̇хим̣ вин̃н̃аабзд̇ваа бхун̃ж̇зяяа, бадид̣̇зсзд̇аб̣б̣ам̣ д̇ааяа бхигкунияаа ‘‘г̇аараяхам̣, аяяз, д̇хаммам̣ аабаж̇ж̇им̣ асаббааяам̣ баадид̣̇зсанийяам̣, д̇ам̣ бадид̣̇зсзмий’’д̇и.

    8. Yā pana bhikkhunī agilānā dadhiṃ viññāpetvā bhuñjeyya, paṭidesetabbaṃ tāya bhikkhuniyā ‘‘gārayhaṃ, ayye, dhammaṃ āpajjiṃ asappāyaṃ pāṭidesanīyaṃ, taṃ paṭidesemī’’ti.

    уд̣̇д̣̇идтаа ко, аяяааяо, адта баадид̣̇зсанийяаа д̇хаммаа. д̇ад̇т̇ааяяааяо, бужчаами, гажжид̇т̇а барисуд̣̇д̇хаа, д̣̇уд̇ияамби бужчаами, гажжид̇т̇а барисуд̣̇д̇хаа, д̇ад̇ияамби бужчаами, гажжид̇т̇а барисуд̣̇д̇хаа, барисуд̣̇д̇хзд̇т̇ааяяааяо, д̇асмаа д̇ун̣хий, звамзд̇ам̣ д̇хаараяаамийд̇и.

    Uddiṭṭhā kho, ayyāyo, aṭṭha pāṭidesanīyā dhammā. Tatthāyyāyo, pucchāmi, kaccittha parisuddhā, dutiyampi pucchāmi, kaccittha parisuddhā, tatiyampi pucchāmi, kaccittha parisuddhā, parisuddhetthāyyāyo, tasmā tuṇhī, evametaṃ dhārayāmīti.

    баадид̣̇зсанийяаа нидтид̇аа.

    Pāṭidesanīyā niṭṭhitā.

    сзкияаа

    Sekhiyā

    имз ко банааяяааяо, сзкияаа д̇хаммаа уд̣̇д̣̇зсам̣ ааг̇ажчанд̇и.

    Ime kho panāyyāyo, sekhiyā dhammā uddesaṃ āgacchanti.

    бариман̣д̣аласигкаабад̣̇ам̣

    Parimaṇḍalasikkhāpadaṃ

    1. бариман̣д̣алам̣ ниваасзссаамийд̇и сигкаа гаран̣ийяаа.

    1. Parimaṇḍalaṃ nivāsessāmīti sikkhā karaṇīyā.

    2. бариман̣д̣алам̣ баарубиссаамийд̇и сигкаа гаран̣ийяаа.

    2. Parimaṇḍalaṃ pārupissāmīti sikkhā karaṇīyā.

    суббадижчаннасигкаабад̣̇ам̣

    Suppaṭicchannasikkhāpadaṃ

    3. суббадижчаннаа анд̇арагхарз г̇амиссаамийд̇и сигкаа гаран̣ийяаа.

    3. Suppaṭicchannā antaraghare gamissāmīti sikkhā karaṇīyā.

    4. суббадижчаннаа анд̇арагхарз нисийд̣̇иссаамийд̇и сигкаа гаран̣ийяаа.

    4. Suppaṭicchannā antaraghare nisīdissāmīti sikkhā karaṇīyā.

    сусам̣вуд̇асигкаабад̣̇ам̣

    Susaṃvutasikkhāpadaṃ

    5. сусам̣вуд̇аа анд̇арагхарз г̇амиссаамийд̇и сигкаа гаран̣ийяаа.

    5. Susaṃvutā antaraghare gamissāmīti sikkhā karaṇīyā.

    6. сусам̣вуд̇аа анд̇арагхарз нисийд̣̇иссаамийд̇и сигкаа гаран̣ийяаа.

    6. Susaṃvutā antaraghare nisīdissāmīti sikkhā karaṇīyā.

    огкид̇д̇ажагкусигкаабад̣̇ам̣

    Okkhittacakkhusikkhāpadaṃ

    7. огкид̇д̇ажагкуний анд̇арагхарз г̇амиссаамийд̇и сигкаа гаран̣ийяаа.

    7. Okkhittacakkhunī antaraghare gamissāmīti sikkhā karaṇīyā.

    8. огкид̇д̇ажагкуний анд̇арагхарз нисийд̣̇иссаамийд̇и сигкаа гаран̣ийяаа.

    8. Okkhittacakkhunī antaraghare nisīdissāmīti sikkhā karaṇīyā.

    угкид̇д̇агасигкаабад̣̇ам̣

    Ukkhittakasikkhāpadaṃ

    9. на угкид̇д̇агааяа анд̇арагхарз г̇амиссаамийд̇и сигкаа гаран̣ийяаа.

    9. Na ukkhittakāya antaraghare gamissāmīti sikkhā karaṇīyā.

    10. на угкид̇д̇агааяа анд̇арагхарз нисийд̣̇иссаамийд̇и сигкаа гаран̣ийяаа.

    10. Na ukkhittakāya antaraghare nisīdissāmīti sikkhā karaṇīyā.

    бариман̣д̣алаваг̇г̇о батамо.

    Parimaṇḍalavaggo paṭhamo.

    уж̇ж̇аг̇гхигасигкаабад̣̇ам̣

    Ujjagghikasikkhāpadaṃ

    11. на уж̇ж̇аг̇гхигааяа анд̇арагхарз г̇амиссаамийд̇и сигкаа гаран̣ийяаа.

    11. Na ujjagghikāya antaraghare gamissāmīti sikkhā karaṇīyā.

    12. на уж̇ж̇аг̇гхигааяа анд̇арагхарз нисийд̣̇иссаамийд̇и сигкаа гаран̣ийяаа.

    12. Na ujjagghikāya antaraghare nisīdissāmīti sikkhā karaṇīyā.

    ужжасад̣̇д̣̇асигкаабад̣̇ам̣

    Uccasaddasikkhāpadaṃ

    13. аббасад̣̇д̣̇аа анд̇арагхарз г̇амиссаамийд̇и сигкаа гаран̣ийяаа.

    13. Appasaddā antaraghare gamissāmīti sikkhā karaṇīyā.

    14. аббасад̣̇д̣̇аа анд̇арагхарз нисийд̣̇иссаамийд̇и сигкаа гаран̣ийяаа.

    14. Appasaddā antaraghare nisīdissāmīti sikkhā karaṇīyā.

    гааяаббажаалагасигкаабад̣̇ам̣

    Kāyappacālakasikkhāpadaṃ

    15. на гааяаббажаалагам̣ анд̇арагхарз г̇амиссаамийд̇и сигкаа гаран̣ийяаа.

    15. Na kāyappacālakaṃ antaraghare gamissāmīti sikkhā karaṇīyā.

    16. на гааяаббажаалагам̣ анд̇арагхарз нисийд̣̇иссаамийд̇и сигкаа гаран̣ийяаа.

    16. Na kāyappacālakaṃ antaraghare nisīdissāmīti sikkhā karaṇīyā.

    б̣аахуббажаалагасигкаабад̣̇ам̣

    Bāhuppacālakasikkhāpadaṃ

    17. на б̣аахуббажаалагам̣ анд̇арагхарз г̇амиссаамийд̇и сигкаа гаран̣ийяаа.

    17. Na bāhuppacālakaṃ antaraghare gamissāmīti sikkhā karaṇīyā.

    18. на б̣аахуббажаалагам̣ анд̇арагхарз нисийд̣̇иссаамийд̇и сигкаа гаран̣ийяаа.

    18. Na bāhuppacālakaṃ antaraghare nisīdissāmīti sikkhā karaṇīyā.

    сийсаббажаалагасигкаабад̣̇ам̣

    Sīsappacālakasikkhāpadaṃ

    19. на сийсаббажаалагам̣ анд̇арагхарз г̇амиссаамийд̇и сигкаа гаран̣ийяаа.

    19. Na sīsappacālakaṃ antaraghare gamissāmīti sikkhā karaṇīyā.

    20. на сийсаббажаалагам̣ анд̇арагхарз нисийд̣̇иссаамийд̇и сигкаа гаран̣ийяаа.

    20. Na sīsappacālakaṃ antaraghare nisīdissāmīti sikkhā karaṇīyā.

    уж̇ж̇аг̇гхигаваг̇г̇о д̣̇уд̇ияо.

    Ujjagghikavaggo dutiyo.

    камбхагад̇асигкаабад̣̇ам̣

    Khambhakatasikkhāpadaṃ

    21. на камбхагад̇аа анд̇арагхарз г̇амиссаамийд̇и сигкаа гаран̣ийяаа.

    21. Na khambhakatā antaraghare gamissāmīti sikkhā karaṇīyā.

    22. на камбхагад̇аа анд̇арагхарз нисийд̣̇иссаамийд̇и сигкаа гаран̣ийяаа.

    22. Na khambhakatā antaraghare nisīdissāmīti sikkhā karaṇīyā.

    ог̇ун̣тид̇асигкаабад̣̇ам̣

    Oguṇṭhitasikkhāpadaṃ

    23. на ог̇ун̣тид̇аа анд̇арагхарз г̇амиссаамийд̇и сигкаа гаран̣ийяаа.

    23. Na oguṇṭhitā antaraghare gamissāmīti sikkhā karaṇīyā.

    24. на ог̇ун̣тид̇аа анд̇арагхарз нисийд̣̇иссаамийд̇и сигкаа гаран̣ийяаа.

    24. Na oguṇṭhitā antaraghare nisīdissāmīti sikkhā karaṇīyā.

    уггудигасигкаабад̣̇ам̣

    Ukkuṭikasikkhāpadaṃ

    25. на уггудигааяа анд̇арагхарз г̇амиссаамийд̇и сигкаа гаран̣ийяаа.

    25. Na ukkuṭikāya antaraghare gamissāmīti sikkhā karaṇīyā.

    баллад̇т̇игасигкаабад̣̇ам̣

    Pallatthikasikkhāpadaṃ

    26. на баллад̇т̇игааяа анд̇арагхарз нисийд̣̇иссаамийд̇и сигкаа гаран̣ийяаа.

    26. Na pallatthikāya antaraghare nisīdissāmīti sikkhā karaṇīyā.

    саггажжабадиг̇г̇ахан̣асигкаабад̣̇ам̣

    Sakkaccapaṭiggahaṇasikkhāpadaṃ

    27. саггажжам̣ бин̣д̣абаад̇ам̣ бадиг̇г̇ахзссаамийд̇и сигкаа гаран̣ийяаа.

    27. Sakkaccaṃ piṇḍapātaṃ paṭiggahessāmīti sikkhā karaṇīyā.

    бад̇д̇асан̃н̃инийбадиг̇г̇ахан̣асигкаабад̣̇ам̣

    Pattasaññinīpaṭiggahaṇasikkhāpadaṃ

    28. бад̇д̇асан̃н̃иний бин̣д̣абаад̇ам̣ бадиг̇г̇ахзссаамийд̇и сигкаа гаран̣ийяаа.

    28. Pattasaññinī piṇḍapātaṃ paṭiggahessāmīti sikkhā karaṇīyā.

    самасуубагабадиг̇г̇ахан̣асигкаабад̣̇ам̣

    Samasūpakapaṭiggahaṇasikkhāpadaṃ

    29. самасуубагам̣ бин̣д̣абаад̇ам̣ бадиг̇г̇ахзссаамийд̇и сигкаа гаран̣ийяаа.

    29. Samasūpakaṃ piṇḍapātaṃ paṭiggahessāmīti sikkhā karaṇīyā.

    самад̇ид̇д̇игасигкаабад̣̇ам̣

    Samatittikasikkhāpadaṃ

    30. самад̇ид̇д̇игам̣ бин̣д̣абаад̇ам̣ бадиг̇г̇ахзссаамийд̇и сигкаа гаран̣ийяаа.

    30. Samatittikaṃ piṇḍapātaṃ paṭiggahessāmīti sikkhā karaṇīyā.

    камбхагад̇аваг̇г̇о д̇ад̇ияо.

    Khambhakatavaggo tatiyo.

    саггажжабхун̃ж̇анасигкаабад̣̇ам̣

    Sakkaccabhuñjanasikkhāpadaṃ

    31. саггажжам̣ бин̣д̣абаад̇ам̣ бхун̃ж̇иссаамийд̇и сигкаа гаран̣ийяаа.

    31. Sakkaccaṃ piṇḍapātaṃ bhuñjissāmīti sikkhā karaṇīyā.

    бад̇д̇асан̃н̃инийбхун̃ж̇анасигкаабад̣̇ам̣

    Pattasaññinībhuñjanasikkhāpadaṃ

    32. бад̇д̇асан̃н̃иний бин̣д̣абаад̇ам̣ бхун̃ж̇иссаамийд̇и сигкаа гаран̣ийяаа.

    32. Pattasaññinī piṇḍapātaṃ bhuñjissāmīti sikkhā karaṇīyā.

    сабад̣̇аанасигкаабад̣̇ам̣

    Sapadānasikkhāpadaṃ

    33. сабад̣̇аанам̣ бин̣д̣абаад̇ам̣ бхун̃ж̇иссаамийд̇и сигкаа гаран̣ийяаа.

    33. Sapadānaṃ piṇḍapātaṃ bhuñjissāmīti sikkhā karaṇīyā.

    самасуубагасигкаабад̣̇ам̣

    Samasūpakasikkhāpadaṃ

    34. самасуубагам̣ бин̣д̣абаад̇ам̣ бхун̃ж̇иссаамийд̇и сигкаа гаран̣ийяаа.

    34. Samasūpakaṃ piṇḍapātaṃ bhuñjissāmīti sikkhā karaṇīyā.

    на т̇уубагад̇асигкаабад̣̇ам̣

    Na thūpakatasikkhāpadaṃ

    35. на т̇уубагад̇о омад̣̇д̣̇ид̇ваа бин̣д̣абаад̇ам̣ бхун̃ж̇иссаамийд̇и сигкаа гаран̣ийяаа.

    35. Na thūpakato omadditvā piṇḍapātaṃ bhuñjissāmīti sikkhā karaṇīyā.

    од̣̇анаббадижчаад̣̇анасигкаабад̣̇ам̣

    Odanappaṭicchādanasikkhāpadaṃ

    36. на суубам̣ ваа б̣яан̃ж̇анам̣ ваа од̣̇анзна бадижчаад̣̇зссаами бхияяогамяад̇ам̣ убаад̣̇ааяаад̇и сигкаа гаран̣ийяаа.

    36. Na sūpaṃ vā byañjanaṃ vā odanena paṭicchādessāmi bhiyyokamyataṃ upādāyāti sikkhā karaṇīyā.

    суубод̣̇анавин̃н̃ад̇д̇исигкаабад̣̇ам̣

    Sūpodanaviññattisikkhāpadaṃ

    37. на суубам̣ ваа од̣̇анам̣ ваа аг̇илаанаа ад̇д̇ано ад̇т̇ааяа вин̃н̃аабзд̇ваа бхун̃ж̇иссаамийд̇и сигкаа гаран̣ийяаа.

    37. Na sūpaṃ vā odanaṃ vā agilānā attano atthāya viññāpetvā bhuñjissāmīti sikkhā karaṇīyā.

    уж̇жхаанасан̃н̃инийсигкаабад̣̇ам̣

    Ujjhānasaññinīsikkhāpadaṃ

    38. на уж̇жхаанасан̃н̃иний барзсам̣ бад̇д̇ам̣ ологзссаамийд̇и сигкаа гаран̣ийяаа.

    38. Na ujjhānasaññinī paresaṃ pattaṃ olokessāmīti sikkhā karaṇīyā.

    габ̣ал̣асигкаабад̣̇ам̣

    Kabaḷasikkhāpadaṃ

    39. наад̇имаханд̇ам̣ габ̣ал̣ам̣ гариссаамийд̇и сигкаа гаран̣ийяаа.

    39. Nātimahantaṃ kabaḷaṃ karissāmīti sikkhā karaṇīyā.

    аалобасигкаабад̣̇ам̣

    Ālopasikkhāpadaṃ

    40. бариман̣д̣алам̣ аалобам̣ гариссаамийд̇и сигкаа гаран̣ийяаа.

    40. Parimaṇḍalaṃ ālopaṃ karissāmīti sikkhā karaṇīyā.

    саггажжаваг̇г̇о жад̇уд̇т̇о.

    Sakkaccavaggo catuttho.

    анаахадасигкаабад̣̇ам̣

    Anāhaṭasikkhāpadaṃ

    41. на анаахадз габ̣ал̣з мукад̣̇ваарам̣ вивариссаамийд̇и сигкаа гаран̣ийяаа.

    41. Na anāhaṭe kabaḷe mukhadvāraṃ vivarissāmīti sikkhā karaṇīyā.

    бхун̃ж̇амаанасигкаабад̣̇ам̣

    Bhuñjamānasikkhāpadaṃ

    42. на бхун̃ж̇амаанаа саб̣б̣ахад̇т̇ам̣ мукз багкибиссаамийд̇и сигкаа гаран̣ийяаа.

    42. Na bhuñjamānā sabbahatthaṃ mukhe pakkhipissāmīti sikkhā karaṇīyā.

    сагаб̣ал̣асигкаабад̣̇ам̣

    Sakabaḷasikkhāpadaṃ

    43. на сагаб̣ал̣зна мукзна б̣яаахариссаамийд̇и сигкаа гаран̣ийяаа.

    43. Na sakabaḷena mukhena byāharissāmīti sikkhā karaṇīyā.

    бин̣д̣угкзбагасигкаабад̣̇ам̣

    Piṇḍukkhepakasikkhāpadaṃ

    44. на бин̣д̣угкзбагам̣ бхун̃ж̇иссаамийд̇и сигкаа гаран̣ийяаа.

    44. Na piṇḍukkhepakaṃ bhuñjissāmīti sikkhā karaṇīyā.

    габ̣ал̣ааважчзд̣̇агасигкаабад̣̇ам̣

    Kabaḷāvacchedakasikkhāpadaṃ

    45. на габ̣ал̣ааважчзд̣̇агам̣ бхун̃ж̇иссаамийд̇и сигкаа гаран̣ийяаа.

    45. Na kabaḷāvacchedakaṃ bhuñjissāmīti sikkhā karaṇīyā.

    аваг̇ан̣д̣агаарагасигкаабад̣̇ам̣

    Avagaṇḍakārakasikkhāpadaṃ

    46. на аваг̇ан̣д̣агаарагам̣ бхун̃ж̇иссаамийд̇и сигкаа гаран̣ийяаа.

    46. Na avagaṇḍakārakaṃ bhuñjissāmīti sikkhā karaṇīyā.

    хад̇т̇анид̣̇д̇хунагасигкаабад̣̇ам̣

    Hatthaniddhunakasikkhāpadaṃ

    47. на хад̇т̇анид̣̇д̇хунагам̣ бхун̃ж̇иссаамийд̇и сигкаа гаран̣ийяаа.

    47. Na hatthaniddhunakaṃ bhuñjissāmīti sikkhā karaṇīyā.

    сид̇т̇аавагаарагасигкаабад̣̇ам̣

    Sitthāvakārakasikkhāpadaṃ

    48. на сид̇т̇аавагаарагам̣ бхун̃ж̇иссаамийд̇и сигкаа гаран̣ийяаа.

    48. Na sitthāvakārakaṃ bhuñjissāmīti sikkhā karaṇīyā.

    ж̇ивхаанижчаарагасигкаабад̣̇ам̣

    Jivhānicchārakasikkhāpadaṃ

    49. на ж̇ивхаанижчаарагам̣ бхун̃ж̇иссаамийд̇и сигкаа гаран̣ийяаа.

    49. Na jivhānicchārakaṃ bhuñjissāmīti sikkhā karaṇīyā.

    жабужабугаарагасигкаабад̣̇ам̣

    Capucapukārakasikkhāpadaṃ

    50. на жабужабугаарагам̣ бхун̃ж̇иссаамийд̇и сигкаа гаран̣ийяаа.

    50. Na capucapukārakaṃ bhuñjissāmīti sikkhā karaṇīyā.

    габ̣ал̣аваг̇г̇о бан̃жамо.

    Kabaḷavaggo pañcamo.

    сурусуругаарагасигкаабад̣̇ам̣

    Surusurukārakasikkhāpadaṃ

    51. на сурусуругаарагам̣ бхун̃ж̇иссаамийд̇и сигкаа гаран̣ийяаа.

    51. Na surusurukārakaṃ bhuñjissāmīti sikkhā karaṇīyā.

    хад̇т̇аниллзхагасигкаабад̣̇ам̣

    Hatthanillehakasikkhāpadaṃ

    52. на хад̇т̇аниллзхагам̣ бхун̃ж̇иссаамийд̇и сигкаа гаран̣ийяаа.

    52. Na hatthanillehakaṃ bhuñjissāmīti sikkhā karaṇīyā.

    бад̇д̇аниллзхагасигкаабад̣̇ам̣

    Pattanillehakasikkhāpadaṃ

    53. на бад̇д̇аниллзхагам̣ бхун̃ж̇иссаамийд̇и сигкаа гаран̣ийяаа.

    53. Na pattanillehakaṃ bhuñjissāmīti sikkhā karaṇīyā.

    одтаниллзхагасигкаабад̣̇ам̣

    Oṭṭhanillehakasikkhāpadaṃ

    54. на одтаниллзхагам̣ бхун̃ж̇иссаамийд̇и сигкаа гаран̣ийяаа.

    54. Na oṭṭhanillehakaṃ bhuñjissāmīti sikkhā karaṇīyā.

    саамисасигкаабад̣̇ам̣

    Sāmisasikkhāpadaṃ

    55. на саамисзна хад̇т̇зна баанийяат̇аалагам̣ бадиг̇г̇ахзссаамийд̇и сигкаа гаран̣ийяаа.

    55. Na sāmisena hatthena pānīyathālakaṃ paṭiggahessāmīti sikkhā karaṇīyā.

    сасид̇т̇агасигкаабад̣̇ам̣

    Sasitthakasikkhāpadaṃ

    56. на сасид̇т̇агам̣ бад̇д̇ад̇хованам̣ анд̇арагхарз чад̣д̣зссаамийд̇и сигкаа гаран̣ийяаа.

    56. Na sasitthakaṃ pattadhovanaṃ antaraghare chaḍḍessāmīti sikkhā karaṇīyā.

    чад̇д̇абаан̣исигкаабад̣̇ам̣

    Chattapāṇisikkhāpadaṃ

    57. на чад̇д̇абаан̣исса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    57. Na chattapāṇissa agilānassa dhammaṃ desessāmīti sikkhā karaṇīyā.

    д̣̇ан̣д̣абаан̣исигкаабад̣̇ам̣

    Daṇḍapāṇisikkhāpadaṃ

    58. на д̣̇ан̣д̣абаан̣исса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    58. Na daṇḍapāṇissa agilānassa dhammaṃ desessāmīti sikkhā karaṇīyā.

    сад̇т̇абаан̣исигкаабад̣̇ам̣

    Satthapāṇisikkhāpadaṃ

    59. на сад̇т̇абаан̣исса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    59. Na satthapāṇissa agilānassa dhammaṃ desessāmīti sikkhā karaṇīyā.

    аавуд̇хабаан̣исигкаабад̣̇ам̣

    Āvudhapāṇisikkhāpadaṃ

    60. на аавуд̇хабаан̣исса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    60. Na āvudhapāṇissa agilānassa dhammaṃ desessāmīti sikkhā karaṇīyā.

    сурусуруваг̇г̇о чадто.

    Surusuruvaggo chaṭṭho.

    баад̣̇угасигкаабад̣̇ам̣

    Pādukasikkhāpadaṃ

    61. на баад̣̇угаарул̣хасса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    61. Na pādukāruḷhassa agilānassa dhammaṃ desessāmīti sikkhā karaṇīyā.

    убааханасигкаабад̣̇ам̣

    Upāhanasikkhāpadaṃ

    62. на убааханаарул̣хасса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    62. Na upāhanāruḷhassa agilānassa dhammaṃ desessāmīti sikkhā karaṇīyā.

    яаанасигкаабад̣̇ам̣

    Yānasikkhāpadaṃ

    63. на яаанаг̇ад̇асса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    63. Na yānagatassa agilānassa dhammaṃ desessāmīti sikkhā karaṇīyā.

    саяанасигкаабад̣̇ам̣

    Sayanasikkhāpadaṃ

    64. на саяанаг̇ад̇асса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    64. Na sayanagatassa agilānassa dhammaṃ desessāmīti sikkhā karaṇīyā.

    баллад̇т̇игасигкаабад̣̇ам̣

    Pallatthikasikkhāpadaṃ

    65. на баллад̇т̇игааяа нисиннасса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    65. Na pallatthikāya nisinnassa agilānassa dhammaṃ desessāmīti sikkhā karaṇīyā.

    взтид̇асигкаабад̣̇ам̣

    Veṭhitasikkhāpadaṃ

    66. на взтид̇асийсасса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    66. Na veṭhitasīsassa agilānassa dhammaṃ desessāmīti sikkhā karaṇīyā.

    ог̇ун̣тид̇асигкаабад̣̇ам̣

    Oguṇṭhitasikkhāpadaṃ

    67. на ог̇ун̣тид̇асийсасса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    67. Na oguṇṭhitasīsassa agilānassa dhammaṃ desessāmīti sikkhā karaṇīyā.

    чамаасигкаабад̣̇ам̣

    Chamāsikkhāpadaṃ

    68. на чамааяам̣ нисийд̣̇ид̇ваа аасанз нисиннасса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    68. Na chamāyaṃ nisīditvā āsane nisinnassa agilānassa dhammaṃ desessāmīti sikkhā karaṇīyā.

    нийжаасанасигкаабад̣̇ам̣

    Nīcāsanasikkhāpadaṃ

    69. на нийжз аасанз нисийд̣̇ид̇ваа ужжз аасанз нисиннасса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    69. Na nīce āsane nisīditvā ucce āsane nisinnassa agilānassa dhammaṃ desessāmīti sikkhā karaṇīyā.

    тид̇аасигкаабад̣̇ам̣

    Ṭhitāsikkhāpadaṃ

    70. на тид̇аа нисиннасса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    70. Na ṭhitā nisinnassa agilānassa dhammaṃ desessāmīti sikkhā karaṇīyā.

    бажчад̇ог̇ажчанд̇ийсигкаабад̣̇ам̣

    Pacchatogacchantīsikkhāpadaṃ

    71. на бажчад̇о г̇ажчанд̇ий бурад̇о г̇ажчанд̇асса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    71. Na pacchato gacchantī purato gacchantassa agilānassa dhammaṃ desessāmīti sikkhā karaṇīyā.

    уббат̇знаг̇ажчанд̇ийсигкаабад̣̇ам̣

    Uppathenagacchantīsikkhāpadaṃ

    72. на уббат̇зна г̇ажчанд̇ий бат̇зна г̇ажчанд̇асса аг̇илаанасса д̇хаммам̣ д̣̇зсзссаамийд̇и сигкаа гаран̣ийяаа.

    72. Na uppathena gacchantī pathena gacchantassa agilānassa dhammaṃ desessāmīti sikkhā karaṇīyā.

    тид̇ааужжаарасигкаабад̣̇ам̣

    Ṭhitāuccārasikkhāpadaṃ

    73. на тид̇аа аг̇илаанаа ужжаарам̣ ваа бассаавам̣ ваа гариссаамийд̇и сигкаа гаран̣ийяаа.

    73. Na ṭhitā agilānā uccāraṃ vā passāvaṃ vā karissāmīti sikkhā karaṇīyā.

    харид̇зужжаарасигкаабад̣̇ам̣

    Hariteuccārasikkhāpadaṃ

    74. на харид̇з аг̇илаанаа ужжаарам̣ ваа бассаавам̣ ваа кзл̣ам̣ ваа гариссаамийд̇и сигкаа гаран̣ийяаа.

    74. Na harite agilānā uccāraṃ vā passāvaṃ vā kheḷaṃ vā karissāmīti sikkhā karaṇīyā.

    уд̣̇агзужжаарасигкаабад̣̇ам̣

    Udakeuccārasikkhāpadaṃ

    75. на уд̣̇агз аг̇илаанаа ужжаарам̣ ваа бассаавам̣ ваа кзл̣ам̣ ваа гариссаамийд̇и сигкаа гаран̣ийяаа.

    75. Na udake agilānā uccāraṃ vā passāvaṃ vā kheḷaṃ vā karissāmīti sikkhā karaṇīyā.

    баад̣̇угаваг̇г̇о сад̇д̇амо.

    Pādukavaggo sattamo.

    уд̣̇д̣̇идтаа ко, аяяааяо, сзкияаа д̇хаммаа. д̇ад̇т̇ааяяааяо, бужчаами, гажжид̇т̇а барисуд̣̇д̇хаа, д̣̇уд̇ияамби бужчаами, гажжид̇т̇а барисуд̣̇д̇хаа, д̇ад̇ияамби бужчаами, гажжид̇т̇а барисуд̣̇д̇хаа, барисуд̣̇д̇хзд̇т̇ааяяааяо, д̇асмаа д̇ун̣хий, звамзд̇ам̣ д̇хаараяаамийд̇и.

    Uddiṭṭhā kho, ayyāyo, sekhiyā dhammā. Tatthāyyāyo, pucchāmi, kaccittha parisuddhā, dutiyampi pucchāmi, kaccittha parisuddhā, tatiyampi pucchāmi, kaccittha parisuddhā, parisuddhetthāyyāyo, tasmā tuṇhī, evametaṃ dhārayāmīti.

    сзкияаа нидтид̇аа.

    Sekhiyā niṭṭhitā.

    ад̇хигаран̣асамат̇аа

    Adhikaraṇasamathā

    имз ко банааяяааяо, сад̇д̇а ад̇хигаран̣асамат̇аа

    Ime kho panāyyāyo, satta adhikaraṇasamathā

    д̇хаммаа уд̣̇д̣̇зсам̣ ааг̇ажчанд̇и.

    Dhammā uddesaṃ āgacchanti.

    уббаннуббаннаанам̣ ад̇хигаран̣аанам̣ самат̇ааяа вуубасамааяа саммукаавинаяо д̣̇аад̇аб̣б̣о.

    Uppannuppannānaṃ adhikaraṇānaṃ samathāya vūpasamāya sammukhāvinayo dātabbo.

    сад̇ивинаяо д̣̇аад̇аб̣б̣о.

    Sativinayo dātabbo.

    амуул̣хавинаяо д̣̇аад̇аб̣б̣о.

    Amūḷhavinayo dātabbo.

    бадин̃н̃ааяа гаарзд̇аб̣б̣ам̣.

    Paṭiññāya kāretabbaṃ.

    язбхуяяасигаа.

    Yebhuyyasikā.

    д̇ассабаабияасигаа.

    Tassapāpiyasikā.

    д̇ин̣авад̇т̇аарагод̇и.

    Tiṇavatthārakoti.

    уд̣̇д̣̇идтаа ко аяяааяо сад̇д̇а ад̇хигаран̣асамат̇аа д̇хаммаа. д̇ад̇т̇ааяяааяо бужчаами, гажжид̇т̇а барисуд̣̇д̇хаа, д̣̇уд̇ияамби бужчаами, гажжид̇т̇а барисуд̣̇д̇хаа , д̇ад̇ияамби бужчаами, гажжид̇т̇а барисуд̣̇д̇хаа, барисуд̣̇д̇хзд̇т̇ааяяааяо, д̇асмаа д̇ун̣хий, звамзд̇ам̣ д̇хаараяаамийд̇и.

    Uddiṭṭhā kho ayyāyo satta adhikaraṇasamathā dhammā. Tatthāyyāyo pucchāmi, kaccittha parisuddhā, dutiyampi pucchāmi, kaccittha parisuddhā , tatiyampi pucchāmi, kaccittha parisuddhā, parisuddhetthāyyāyo, tasmā tuṇhī, evametaṃ dhārayāmīti.

    ад̇хигаран̣асамат̇аа нидтид̇аа.

    Adhikaraṇasamathā niṭṭhitā.

    уд̣̇д̣̇идтам̣ ко аяяааяо нид̣̇аанам̣,

    Uddiṭṭhaṃ kho ayyāyo nidānaṃ,

    уд̣̇д̣̇идтаа адта баарааж̇игаа д̇хаммаа,

    Uddiṭṭhā aṭṭha pārājikā dhammā,

    уд̣̇д̣̇идтаа сад̇д̇араса сан̇гхаад̣̇исзсаа д̇хаммаа,

    Uddiṭṭhā sattarasa saṅghādisesā dhammā,

    уд̣̇д̣̇идтаа д̇им̣са ниссаг̇г̇ияаа баажид̇д̇ияаа д̇хаммаа,

    Uddiṭṭhā tiṃsa nissaggiyā pācittiyā dhammā,

    уд̣̇д̣̇идтаа часадти сад̇аа баажид̇д̇ияаа д̇хаммаа,

    Uddiṭṭhā chasaṭṭhi satā pācittiyā dhammā,

    уд̣̇д̣̇идтаа адта баадид̣̇зсанийяаа д̇хаммаа,

    Uddiṭṭhā aṭṭha pāṭidesanīyā dhammā,

    уд̣̇д̣̇идтаа сзкияаа д̇хаммаа,

    Uddiṭṭhā sekhiyā dhammā,

    уд̣̇д̣̇идтаа сад̇д̇а ад̇хигаран̣асамат̇аа д̇хаммаа, зд̇д̇агам̣ д̇асса бхаг̇авад̇о суд̇д̇ааг̇ад̇ам̣ суд̇д̇абарияаабаннам̣ анвад̣̇д̇хамаасам̣ уд̣̇д̣̇зсам̣ ааг̇ажчад̇и, д̇ад̇т̇а саб̣б̣аахзва самаг̇г̇аахи саммод̣̇амаанаахи авивад̣̇амаанаахи сигкид̇аб̣б̣анд̇и.

    Uddiṭṭhā satta adhikaraṇasamathā dhammā, ettakaṃ tassa bhagavato suttāgataṃ suttapariyāpannaṃ anvaddhamāsaṃ uddesaṃ āgacchati, tattha sabbāheva samaggāhi sammodamānāhi avivadamānāhi sikkhitabbanti.

    вид̇т̇ааруд̣̇д̣̇зсо жад̇уд̇т̇о.

    Vitthāruddeso catuttho.

    бхигкунибаад̇имогкам̣ нидтид̇ам̣.

    Bhikkhunipātimokkhaṃ niṭṭhitaṃ.




    Next: ган̇каавид̇аран̣ий-адтагат̇аа • Kaṅkhāvitaraṇī-aṭṭhakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact