| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
9. பி⁴க்கு²னீஸுத்தவண்ணனா
9. Bhikkhunīsuttavaṇṇanā
159. நவமே ஏவங் பவத்தங் பச்சுப்பன்னதண்ஹங் நிஸ்ஸாயாதி ‘‘குதா³ஸ்ஸு நாமாஹம்பி ஆஸவானங் க²யா’’திஆதி³னா நயேன அனுத்தரே விமொக்கே² பிஹங் உப்பாதெ³ந்தஸ்ஸ உப்பன்னதண்ஹங் நிஸ்ஸாய. கத²ங் பன லோகுத்தரத⁴ம்மே ஆரப்³ப⁴ ஆஸா உப்பஜ்ஜதீதி? ந கோ² பனேதங் ஏவங் த³ட்ட²ப்³ப³ங், ந ஆரம்மணகரணவஸேன தத்த² பிஹா பவத்ததி அவிஸயத்தா புக்³க³லஸ்ஸ ச அனதி⁴க³தபா⁴வதோ. அனுஸ்ஸவூபலத்³தே⁴ பன அனுத்தரவிமொக்கே² உத்³தி³ஸ்ஸ பிஹங் உப்பாதெ³ந்தோ தத்த² பிஹங் உப்பாதே³தி நாம. நாகட்³ட⁴தீதி கம்மபத²பா⁴வங் அப்பத்ததாய படிஸந்தி⁴ங் ந தே³தி. ஸேஸங் ஸுவிஞ்ஞெய்யமேவ.
159. Navame evaṃ pavattaṃ paccuppannataṇhaṃ nissāyāti ‘‘kudāssu nāmāhampi āsavānaṃ khayā’’tiādinā nayena anuttare vimokkhe pihaṃ uppādentassa uppannataṇhaṃ nissāya. Kathaṃ pana lokuttaradhamme ārabbha āsā uppajjatīti? Na kho panetaṃ evaṃ daṭṭhabbaṃ, na ārammaṇakaraṇavasena tattha pihā pavattati avisayattā puggalassa ca anadhigatabhāvato. Anussavūpaladdhe pana anuttaravimokkhe uddissa pihaṃ uppādento tattha pihaṃ uppādeti nāma. Nākaḍḍhatīti kammapathabhāvaṃ appattatāya paṭisandhiṃ na deti. Sesaṃ suviññeyyameva.
பி⁴க்கு²னீஸுத்தவண்ணனா நிட்டி²தா.
Bhikkhunīsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. பி⁴க்கு²னீஸுத்தங் • 9. Bhikkhunīsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9. பி⁴க்கு²னீஸுத்தவண்ணனா • 9. Bhikkhunīsuttavaṇṇanā
