| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਭਿਕ੍ਖੁਨੀਸੁਤ੍ਤવਣ੍ਣਨਾ
9. Bhikkhunīsuttavaṇṇanā
੧੫੯. ਨવਮੇ ਏਹਿ ਤ੍વਨ੍ਤਿ ਥੇਰੇ ਪਟਿਬਦ੍ਧਚਿਤ੍ਤਾ ਤਂ ਪਹਿਣਿਤੁਂ ਏવਮਾਹ। ਸਸੀਸਂ ਪਾਰੁਪਿਤ੍વਾਤਿ ਸਹ ਸੀਸੇਨ ਕਾਯਂ ਪਾਰੁਪਿਤ੍વਾ। ਮਞ੍ਚਕੇ ਨਿਪਜ੍ਜੀਤਿ વੇਗੇਨ ਮਞ੍ਚਕਂ ਪਞ੍ਞਾਪੇਤ੍વਾ ਤਤ੍ਥ ਨਿਪਜ੍ਜਿ। ਏਤਦવੋਚਾਤਿ ਤਸ੍ਸਾਕਾਰਂ ਸਲ੍ਲਕ੍ਖੇਤ੍વਾ ਲੋਭਪ੍ਪਹਾਨਤ੍ਥਾਯ ਸਣ੍ਹੇਨੇવ ਅਸੁਭਕਥਂ ਕਥੇਤੁਂ ਏਤਂ ਅવੋਚ। ਆਹਾਰਸਮ੍ਭੂਤੋਤਿ ਆਹਾਰੇਨ ਸਮ੍ਭੂਤੋ ਆਹਾਰਂ ਨਿਸ੍ਸਾਯ વਡ੍ਢਿਤੋ। ਆਹਾਰਂ ਨਿਸ੍ਸਾਯ ਆਹਾਰਂ ਪਜਹਤੀਤਿ ਪਚ੍ਚੁਪ੍ਪਨ੍ਨਂ ਕਬਲ਼ੀਕਾਰਾਹਾਰਂ ਨਿਸ੍ਸਾਯ ਤਂ ਏવਂ ਯੋਨਿਸੋ ਸੇવਮਾਨੋ ਪੁਬ੍ਬਕਮ੍ਮਸਙ੍ਖਾਤਂ ਆਹਾਰਂ ਪਜਹਤਿ। ਪਚ੍ਚੁਪ੍ਪਨ੍ਨੇਪਿ ਪਨ ਕਬਲ਼ੀਕਾਰਾਹਾਰੇ ਨਿਕਨ੍ਤਿਤਣ੍ਹਾ ਪਜਹਿਤਬ੍ਬਾ।
159. Navame ehi tvanti there paṭibaddhacittā taṃ pahiṇituṃ evamāha. Sasīsaṃ pārupitvāti saha sīsena kāyaṃ pārupitvā. Mañcake nipajjīti vegena mañcakaṃ paññāpetvā tattha nipajji. Etadavocāti tassākāraṃ sallakkhetvā lobhappahānatthāya saṇheneva asubhakathaṃ kathetuṃ etaṃ avoca. Āhārasambhūtoti āhārena sambhūto āhāraṃ nissāya vaḍḍhito. Āhāraṃ nissāya āhāraṃ pajahatīti paccuppannaṃ kabaḷīkārāhāraṃ nissāya taṃ evaṃ yoniso sevamāno pubbakammasaṅkhātaṃ āhāraṃ pajahati. Paccuppannepi pana kabaḷīkārāhāre nikantitaṇhā pajahitabbā.
ਤਣ੍ਹਂ ਪਜਹਤੀਤਿ ਇਦਾਨਿ ਏવਂ ਪવਤ੍ਤਂ ਪਚ੍ਚੁਪ੍ਪਨ੍ਨਤਣ੍ਹਂ ਨਿਸ੍ਸਾਯ વਟ੍ਟਮੂਲਿਕਂ ਪੁਬ੍ਬਤਣ੍ਹਂ ਪਜਹਤਿ। ਅਯਂ ਪਨ ਪਚ੍ਚੁਪ੍ਪਨ੍ਨਤਣ੍ਹਾ ਕੁਸਲਾ ਅਕੁਸਲਾਤਿ? ਅਕੁਸਲਾ। ਸੇવਿਤਬ੍ਬਾ ਨ ਸੇવਿਤਬ੍ਬਾਤਿ? ਸੇવਿਤਬ੍ਬਾ। ਪਟਿਸਨ੍ਧਿਂ ਆਕਡ੍ਢਤਿ ਨਾਕਡ੍ਢਤੀਤਿ? ਨਾਕਡ੍ਢਤਿ। ਏਤਿਸ੍ਸਾਪਿ ਪਨ ਪਚ੍ਚੁਪ੍ਪਨ੍ਨਾਯ ਸੇવਿਤਬ੍ਬਤਣ੍ਹਾਯ ਨਿਕਨ੍ਤਿ ਪਜਹਿਤਬ੍ਬਾਯੇવ। ਸੋ ਹਿ ਨਾਮ ਆਯਸ੍ਮਾ ਆਸવਾਨਂ ਖਯਾ ਉਪਸਮ੍ਪਜ੍ਜ વਿਹਰਿਸ੍ਸਤਿ, ਕਿਮਙ੍ਗਂ ਪਨਾਹਨ੍ਤਿ ਏਤ੍ਥ ਕਿਮਙ੍ਗਂ ਪਨਾਤਿ ਕਾਰਣਪਰਿવਿਤਕ੍ਕਨਮੇਤਂ। ਇਦਂ વੁਤ੍ਤਂ ਹੋਤਿ – ਸੋ ਆਯਸ੍ਮਾ ਅਰਹਤ੍ਤਫਲਂ ਸਚ੍ਛਿਕਤ੍વਾ વਿਹਰਿਸ੍ਸਤਿ, ਅਹਂ ਕੇਨ ਕਾਰਣੇਨ ਨ ਸਚ੍ਛਿਕਤ੍વਾ વਿਹਰਿਸ੍ਸਾਮਿ। ਸੋਪਿ ਹਿ ਆਯਸ੍ਮਾ ਸਮ੍ਮਾਸਮ੍ਬੁਦ੍ਧਸ੍ਸੇવ ਪੁਤ੍ਤੋ, ਅਹਮ੍ਪਿ ਸਮ੍ਮਾਸਮ੍ਬੁਦ੍ਧਸ੍ਸੇવ ਪੁਤ੍ਤੋ, ਮਯ੍ਹਮ੍ਪੇਤਂ ਉਪ੍ਪਜ੍ਜਿਸ੍ਸਤੀਤਿ। ਮਾਨਂ ਨਿਸ੍ਸਾਯਾਤਿ ਇਦਂ ਏવਂ ਉਪ੍ਪਨ੍ਨਸੇવਿਤਬ੍ਬਮਾਨਂ ਨਿਸ੍ਸਾਯ। ਮਾਨਂ ਪਜਹਤੀਤਿ વਟ੍ਟਮੂਲਕਂ ਪੁਬ੍ਬਮਾਨਂ ਪਜਹਤਿ। ਯਂ ਨਿਸ੍ਸਾਯ ਪਨੇਸ ਤਂ ਪਜਹਤਿ, ਸੋਪਿ ਤਣ੍ਹਾ વਿਯ ਅਕੁਸਲੋ ਚੇવ ਸੇવਿਤਬ੍ਬੋ ਚ, ਨੋ ਚ ਪਟਿਸਨ੍ਧਿਂ ਆਕਡ੍ਢਤਿ। ਨਿਕਨ੍ਤਿ ਪਨ ਤਸ੍ਮਿਮ੍ਪਿ ਪਜਹਿਤਬ੍ਬਾવ।
Taṇhaṃ pajahatīti idāni evaṃ pavattaṃ paccuppannataṇhaṃ nissāya vaṭṭamūlikaṃ pubbataṇhaṃ pajahati. Ayaṃ pana paccuppannataṇhā kusalā akusalāti? Akusalā. Sevitabbā na sevitabbāti? Sevitabbā. Paṭisandhiṃ ākaḍḍhati nākaḍḍhatīti? Nākaḍḍhati. Etissāpi pana paccuppannāya sevitabbataṇhāya nikanti pajahitabbāyeva. So hi nāma āyasmā āsavānaṃ khayā upasampajja viharissati, kimaṅgaṃ panāhanti ettha kimaṅgaṃ panāti kāraṇaparivitakkanametaṃ. Idaṃ vuttaṃ hoti – so āyasmā arahattaphalaṃ sacchikatvā viharissati, ahaṃ kena kāraṇena na sacchikatvā viharissāmi. Sopi hi āyasmā sammāsambuddhasseva putto, ahampi sammāsambuddhasseva putto, mayhampetaṃ uppajjissatīti. Mānaṃ nissāyāti idaṃ evaṃ uppannasevitabbamānaṃ nissāya. Mānaṃpajahatīti vaṭṭamūlakaṃ pubbamānaṃ pajahati. Yaṃ nissāya panesa taṃ pajahati, sopi taṇhā viya akusalo ceva sevitabbo ca, no ca paṭisandhiṃ ākaḍḍhati. Nikanti pana tasmimpi pajahitabbāva.
ਸੇਤੁਘਾਤੋ વੁਤ੍ਤੋ ਭਗવਤਾਤਿ ਪਦਘਾਤੋ ਪਚ੍ਚਯਘਾਤੋ ਬੁਦ੍ਧੇਨ ਭਗવਤਾ ਕਥਿਤੋ। ਇਤਿ ਇਮੇਹਿ ਚਤੂਹਿ ਅਙ੍ਗੇਹਿ ਥੇਰੇ ਦੇਸਨਂ વਿਨਿવਟ੍ਟੇਨ੍ਤੇ ਤਸ੍ਸਾ ਭਿਕ੍ਖੁਨਿਯਾ ਥੇਰਂ ਆਰਬ੍ਭ ਉਪ੍ਪਨ੍ਨੋ ਛਨ੍ਦਰਾਗੋ ਅਪਗਞ੍ਛਿ। ਸਾਪਿ ਥੇਰਂ ਖਮਾਪੇਤੁਂ ਅਚ੍ਚਯਂ ਦੇਸੇਸਿ, ਥੇਰੋਪਿਸ੍ਸਾ ਪਟਿਗ੍ਗਣ੍ਹਿ। ਤਂ ਦਸ੍ਸੇਤੁਂ ਅਥ ਖੋ ਸਾ ਭਿਕ੍ਖੁਨੀਤਿਆਦਿ વੁਤ੍ਤਂ।
Setughātovutto bhagavatāti padaghāto paccayaghāto buddhena bhagavatā kathito. Iti imehi catūhi aṅgehi there desanaṃ vinivaṭṭente tassā bhikkhuniyā theraṃ ārabbha uppanno chandarāgo apagañchi. Sāpi theraṃ khamāpetuṃ accayaṃ desesi, theropissā paṭiggaṇhi. Taṃ dassetuṃ atha kho sā bhikkhunītiādi vuttaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਭਿਕ੍ਖੁਨੀਸੁਤ੍ਤਂ • 9. Bhikkhunīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. ਭਿਕ੍ਖੁਨੀਸੁਤ੍ਤવਣ੍ਣਨਾ • 9. Bhikkhunīsuttavaṇṇanā
