| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
ভিক্খুনীউপসম্পদানুজাননকথাৰণ্ণনা
Bhikkhunīupasampadānujānanakathāvaṇṇanā
৪০৪-৮. পাল়িযং যদগ্গেনাতি যস্মিং দিৰসে। তদাতি তস্মিংযেৰ দিৰসে। ৰিমানেত্ৰাতি অৰমানং কত্ৰা।
404-8. Pāḷiyaṃ yadaggenāti yasmiṃ divase. Tadāti tasmiṃyeva divase. Vimānetvāti avamānaṃ katvā.
৪১০-১. আপত্তিগামিনিযোতি আপত্তিং আপন্নাযো। কম্মৰিভঙ্গেতি পরিৰারে কম্মৰিভঙ্গে (পরি॰ ৪৮২ আদযো)।
410-1.Āpattigāminiyoti āpattiṃ āpannāyo. Kammavibhaṅgeti parivāre kammavibhaṅge (pari. 482 ādayo).
৪১৩-৫. পাল়িযং দ্ৰে তিস্সো ভিক্খুনিযোতি দ্ৰীহি তীহি ভিক্খুনীহি। ন আরোচেন্তীতি পাতিমোক্খুদ্দেসকস্স ন আরোচেন্তি।
413-5. Pāḷiyaṃ dve tisso bhikkhuniyoti dvīhi tīhi bhikkhunīhi. Na ārocentīti pātimokkhuddesakassa na ārocenti.
৪১৬. দুস্সৰেণিযাতি অনেকদুস্সপট্টে একতো কত্ৰা কতৰেণিযা।
416.Dussaveṇiyāti anekadussapaṭṭe ekato katvā kataveṇiyā.
৪১৭. ৰিসেসকন্তি পত্তলেখাদিৰণ্ণৰিসেসং। পকিণন্তীতি ৰিক্কিণন্তি। নমনকন্তি পাসুকট্ঠিনমনকবন্ধনং।
417.Visesakanti pattalekhādivaṇṇavisesaṃ. Pakiṇantīti vikkiṇanti. Namanakanti pāsukaṭṭhinamanakabandhanaṃ.
৪২২-৫. সংৰেল্লিযন্তি কচ্ছং বন্ধিত্ৰা নিৰাসনং। তযো নিস্সযেতি রুক্খমূলসেনাসনস্স তাসং অলব্ভনতো ৰুত্তং।
422-5.Saṃvelliyanti kacchaṃ bandhitvā nivāsanaṃ. Tayo nissayeti rukkhamūlasenāsanassa tāsaṃ alabbhanato vuttaṃ.
৪২৬-৮. অট্ঠেৰ ভিক্খুনিযো যথাৰুড্ঢং পটিবাহন্তীতি অট্ঠ ভিক্খুনিযো ৰুড্ঢপটিপাটিযাৰ গণ্হন্তিযো আগতপটিপাটিং পটিবাহন্তি, নাঞ্ঞাতি অত্থো। অনুৰাদং পট্ঠপেন্তীতি ইস্সরিযং পৰত্তেন্তীতি অত্থং ৰদন্তি।
426-8.Aṭṭheva bhikkhuniyo yathāvuḍḍhaṃ paṭibāhantīti aṭṭha bhikkhuniyo vuḍḍhapaṭipāṭiyāva gaṇhantiyo āgatapaṭipāṭiṃ paṭibāhanti, nāññāti attho. Anuvādaṃ paṭṭhapentīti issariyaṃ pavattentīti atthaṃ vadanti.
৪৩০. ভিক্খুদূতেনাতি ভিক্খুনা দূতভূতেন। সিক্খমানদূতেনাতি সিক্খমানায দূতায।
430.Bhikkhudūtenāti bhikkhunā dūtabhūtena. Sikkhamānadūtenāti sikkhamānāya dūtāya.
৪৩১. ন সম্মতীতি নপ্পহোতি। নৰকম্মন্তি ‘‘নৰকম্মং কত্ৰা ৰসতূ’’তি অপলোকেত্ৰা সঙ্ঘিকভূমিযা ওকাসদানং।
431.Na sammatīti nappahoti. Navakammanti ‘‘navakammaṃ katvā vasatū’’ti apaloketvā saṅghikabhūmiyā okāsadānaṃ.
৪৩২-৬. সন্নিসিন্নগব্ভাতি দুৰিঞ্ঞেয্যগব্ভা। মহিলাতিত্থেতি ইত্থীনং সাধারণতিত্থে।
432-6.Sannisinnagabbhāti duviññeyyagabbhā. Mahilātittheti itthīnaṃ sādhāraṇatitthe.
ভিক্খুনীউপসম্পদানুজাননকথাৰণ্ণনা নিট্ঠিতা।
Bhikkhunīupasampadānujānanakathāvaṇṇanā niṭṭhitā.
ভিক্খুনিক্খন্ধকৰণ্ণনানযো নিট্ঠিতো।
Bhikkhunikkhandhakavaṇṇanānayo niṭṭhito.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi
ভিক্খুনীউপসম্পদানুজাননং • Bhikkhunīupasampadānujānanaṃ
২. দুতিযভাণৰারো • 2. Dutiyabhāṇavāro
৩. ততিযভাণৰারো • 3. Tatiyabhāṇavāro
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / চূল়ৰগ্গ-অট্ঠকথা • Cūḷavagga-aṭṭhakathā / ভিক্খুনীউপসম্পদানুজাননকথা • Bhikkhunīupasampadānujānanakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ভিক্খুনীউপসম্পন্নানুজাননকথাৰণ্ণনা • Bhikkhunīupasampannānujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ভিক্খুনীউপসম্পদানুজাননকথাৰণ্ণনা • Bhikkhunīupasampadānujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ভিক্খুনীউপসম্পদানুজাননকথা • Bhikkhunīupasampadānujānanakathā
