| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
भिक्खुनीउपसम्पदानुजाननकथावण्णना
Bhikkhunīupasampadānujānanakathāvaṇṇanā
४०४-८. पाळियं यदग्गेनाति यस्मिं दिवसे। तदाति तस्मिंयेव दिवसे। विमानेत्वाति अवमानं कत्वा।
404-8. Pāḷiyaṃ yadaggenāti yasmiṃ divase. Tadāti tasmiṃyeva divase. Vimānetvāti avamānaṃ katvā.
४१०-१. आपत्तिगामिनियोति आपत्तिं आपन्नायो। कम्मविभङ्गेति परिवारे कम्मविभङ्गे (परि॰ ४८२ आदयो)।
410-1.Āpattigāminiyoti āpattiṃ āpannāyo. Kammavibhaṅgeti parivāre kammavibhaṅge (pari. 482 ādayo).
४१३-५. पाळियं द्वे तिस्सो भिक्खुनियोति द्वीहि तीहि भिक्खुनीहि। न आरोचेन्तीति पातिमोक्खुद्देसकस्स न आरोचेन्ति।
413-5. Pāḷiyaṃ dve tisso bhikkhuniyoti dvīhi tīhi bhikkhunīhi. Na ārocentīti pātimokkhuddesakassa na ārocenti.
४१६. दुस्सवेणियाति अनेकदुस्सपट्टे एकतो कत्वा कतवेणिया।
416.Dussaveṇiyāti anekadussapaṭṭe ekato katvā kataveṇiyā.
४१७. विसेसकन्ति पत्तलेखादिवण्णविसेसं। पकिणन्तीति विक्किणन्ति। नमनकन्ति पासुकट्ठिनमनकबन्धनं।
417.Visesakanti pattalekhādivaṇṇavisesaṃ. Pakiṇantīti vikkiṇanti. Namanakanti pāsukaṭṭhinamanakabandhanaṃ.
४२२-५. संवेल्लियन्ति कच्छं बन्धित्वा निवासनं। तयो निस्सयेति रुक्खमूलसेनासनस्स तासं अलब्भनतो वुत्तं।
422-5.Saṃvelliyanti kacchaṃ bandhitvā nivāsanaṃ. Tayo nissayeti rukkhamūlasenāsanassa tāsaṃ alabbhanato vuttaṃ.
४२६-८. अट्ठेव भिक्खुनियो यथावुड्ढं पटिबाहन्तीति अट्ठ भिक्खुनियो वुड्ढपटिपाटियाव गण्हन्तियो आगतपटिपाटिं पटिबाहन्ति, नाञ्ञाति अत्थो। अनुवादं पट्ठपेन्तीति इस्सरियं पवत्तेन्तीति अत्थं वदन्ति।
426-8.Aṭṭheva bhikkhuniyo yathāvuḍḍhaṃ paṭibāhantīti aṭṭha bhikkhuniyo vuḍḍhapaṭipāṭiyāva gaṇhantiyo āgatapaṭipāṭiṃ paṭibāhanti, nāññāti attho. Anuvādaṃ paṭṭhapentīti issariyaṃ pavattentīti atthaṃ vadanti.
४३०. भिक्खुदूतेनाति भिक्खुना दूतभूतेन। सिक्खमानदूतेनाति सिक्खमानाय दूताय।
430.Bhikkhudūtenāti bhikkhunā dūtabhūtena. Sikkhamānadūtenāti sikkhamānāya dūtāya.
४३१. न सम्मतीति नप्पहोति। नवकम्मन्ति ‘‘नवकम्मं कत्वा वसतू’’ति अपलोकेत्वा सङ्घिकभूमिया ओकासदानं।
431.Na sammatīti nappahoti. Navakammanti ‘‘navakammaṃ katvā vasatū’’ti apaloketvā saṅghikabhūmiyā okāsadānaṃ.
४३२-६. सन्निसिन्नगब्भाति दुविञ्ञेय्यगब्भा। महिलातित्थेति इत्थीनं साधारणतित्थे।
432-6.Sannisinnagabbhāti duviññeyyagabbhā. Mahilātittheti itthīnaṃ sādhāraṇatitthe.
भिक्खुनीउपसम्पदानुजाननकथावण्णना निट्ठिता।
Bhikkhunīupasampadānujānanakathāvaṇṇanā niṭṭhitā.
भिक्खुनिक्खन्धकवण्णनानयो निट्ठितो।
Bhikkhunikkhandhakavaṇṇanānayo niṭṭhito.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / चूळवग्गपाळि • Cūḷavaggapāḷi
भिक्खुनीउपसम्पदानुजाननं • Bhikkhunīupasampadānujānanaṃ
२. दुतियभाणवारो • 2. Dutiyabhāṇavāro
३. ततियभाणवारो • 3. Tatiyabhāṇavāro
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / चूळवग्ग-अट्ठकथा • Cūḷavagga-aṭṭhakathā / भिक्खुनीउपसम्पदानुजाननकथा • Bhikkhunīupasampadānujānanakathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / भिक्खुनीउपसम्पन्नानुजाननकथावण्णना • Bhikkhunīupasampannānujānanakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / भिक्खुनीउपसम्पदानुजाननकथावण्णना • Bhikkhunīupasampadānujānanakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / भिक्खुनीउपसम्पदानुजाननकथा • Bhikkhunīupasampadānujānanakathā
