| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
ภิกฺขุนีอุปสมฺปทานุชานนกถาวณฺณนา
Bhikkhunīupasampadānujānanakathāvaṇṇanā
๔๐๔-๘. ปาฬิยํ ยทเคฺคนาติ ยสฺมิํ ทิวเสฯ ตทาติ ตสฺมิํเยว ทิวเสฯ วิมาเนตฺวาติ อวมานํ กตฺวาฯ
404-8. Pāḷiyaṃ yadaggenāti yasmiṃ divase. Tadāti tasmiṃyeva divase. Vimānetvāti avamānaṃ katvā.
๔๑๐-๑. อาปตฺติคามินิโยติ อาปตฺติํ อาปนฺนาโยฯ กมฺมวิภเงฺคติ ปริวาเร กมฺมวิภเงฺค (ปริ. ๔๘๒ อาทโย)ฯ
410-1.Āpattigāminiyoti āpattiṃ āpannāyo. Kammavibhaṅgeti parivāre kammavibhaṅge (pari. 482 ādayo).
๔๑๓-๕. ปาฬิยํ เทฺว ติโสฺส ภิกฺขุนิโยติ ทฺวีหิ ตีหิ ภิกฺขุนีหิฯ น อาโรเจนฺตีติ ปาติโมกฺขุเทฺทสกสฺส น อาโรเจนฺติฯ
413-5. Pāḷiyaṃ dve tisso bhikkhuniyoti dvīhi tīhi bhikkhunīhi. Na ārocentīti pātimokkhuddesakassa na ārocenti.
๔๑๖. ทุสฺสเวณิยาติ อเนกทุสฺสปเฎฺฎ เอกโต กตฺวา กตเวณิยาฯ
416.Dussaveṇiyāti anekadussapaṭṭe ekato katvā kataveṇiyā.
๔๑๗. วิเสสกนฺติ ปตฺตเลขาทิวณฺณวิเสสํฯ ปกิณนฺตีติ วิกฺกิณนฺติฯ นมนกนฺติ ปาสุกฎฺฐินมนกพนฺธนํฯ
417.Visesakanti pattalekhādivaṇṇavisesaṃ. Pakiṇantīti vikkiṇanti. Namanakanti pāsukaṭṭhinamanakabandhanaṃ.
๔๒๒-๕. สํเวลฺลิยนฺติ กจฺฉํ พนฺธิตฺวา นิวาสนํฯ ตโย นิสฺสเยติ รุกฺขมูลเสนาสนสฺส ตาสํ อลพฺภนโต วุตฺตํฯ
422-5.Saṃvelliyanti kacchaṃ bandhitvā nivāsanaṃ. Tayo nissayeti rukkhamūlasenāsanassa tāsaṃ alabbhanato vuttaṃ.
๔๒๖-๘. อเฎฺฐว ภิกฺขุนิโย ยถาวุฑฺฒํ ปฎิพาหนฺตีติ อฎฺฐ ภิกฺขุนิโย วุฑฺฒปฎิปาฎิยาว คณฺหนฺติโย อาคตปฎิปาฎิํ ปฎิพาหนฺติ, นาญฺญาติ อโตฺถฯ อนุวาทํ ปฎฺฐเปนฺตีติ อิสฺสริยํ ปวเตฺตนฺตีติ อตฺถํ วทนฺติฯ
426-8.Aṭṭheva bhikkhuniyo yathāvuḍḍhaṃ paṭibāhantīti aṭṭha bhikkhuniyo vuḍḍhapaṭipāṭiyāva gaṇhantiyo āgatapaṭipāṭiṃ paṭibāhanti, nāññāti attho. Anuvādaṃ paṭṭhapentīti issariyaṃ pavattentīti atthaṃ vadanti.
๔๓๐. ภิกฺขุทูเตนาติ ภิกฺขุนา ทูตภูเตนฯ สิกฺขมานทูเตนาติ สิกฺขมานาย ทูตายฯ
430.Bhikkhudūtenāti bhikkhunā dūtabhūtena. Sikkhamānadūtenāti sikkhamānāya dūtāya.
๔๓๑. น สมฺมตีติ นปฺปโหติฯ นวกมฺมนฺติ ‘‘นวกมฺมํ กตฺวา วสตู’’ติ อปโลเกตฺวา สงฺฆิกภูมิยา โอกาสทานํฯ
431.Na sammatīti nappahoti. Navakammanti ‘‘navakammaṃ katvā vasatū’’ti apaloketvā saṅghikabhūmiyā okāsadānaṃ.
๔๓๒-๖. สนฺนิสินฺนคพฺภาติ ทุวิเญฺญยฺยคพฺภาฯ มหิลาติเตฺถติ อิตฺถีนํ สาธารณติเตฺถฯ
432-6.Sannisinnagabbhāti duviññeyyagabbhā. Mahilātittheti itthīnaṃ sādhāraṇatitthe.
ภิกฺขุนีอุปสมฺปทานุชานนกถาวณฺณนา นิฎฺฐิตาฯ
Bhikkhunīupasampadānujānanakathāvaṇṇanā niṭṭhitā.
ภิกฺขุนิกฺขนฺธกวณฺณนานโย นิฎฺฐิโตฯ
Bhikkhunikkhandhakavaṇṇanānayo niṭṭhito.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi
ภิกฺขุนีอุปสมฺปทานุชานนํ • Bhikkhunīupasampadānujānanaṃ
๒. ทุติยภาณวาโร • 2. Dutiyabhāṇavāro
๓. ตติยภาณวาโร • 3. Tatiyabhāṇavāro
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / จูฬวคฺค-อฎฺฐกถา • Cūḷavagga-aṭṭhakathā / ภิกฺขุนีอุปสมฺปทานุชานนกถา • Bhikkhunīupasampadānujānanakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ภิกฺขุนีอุปสมฺปนฺนานุชานนกถาวณฺณนา • Bhikkhunīupasampannānujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ภิกฺขุนีอุปสมฺปทานุชานนกถาวณฺณนา • Bhikkhunīupasampadānujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ภิกฺขุนีอุปสมฺปทานุชานนกถา • Bhikkhunīupasampadānujānanakathā
