| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
ភិក្ខុនីឧបសម្បទានុជាននកថាវណ្ណនា
Bhikkhunīupasampadānujānanakathāvaṇṇanā
៤០៤-៨. បាឡិយំ យទគ្គេនាតិ យស្មិំ ទិវសេ។ តទាតិ តស្មិំយេវ ទិវសេ។ វិមានេត្វាតិ អវមានំ កត្វា។
404-8. Pāḷiyaṃ yadaggenāti yasmiṃ divase. Tadāti tasmiṃyeva divase. Vimānetvāti avamānaṃ katvā.
៤១០-១. អាបត្តិគាមិនិយោតិ អាបត្តិំ អាបន្នាយោ។ កម្មវិភង្គេតិ បរិវារេ កម្មវិភង្គេ (បរិ. ៤៨២ អាទយោ)។
410-1.Āpattigāminiyoti āpattiṃ āpannāyo. Kammavibhaṅgeti parivāre kammavibhaṅge (pari. 482 ādayo).
៤១៣-៥. បាឡិយំ ទ្វេ តិស្សោ ភិក្ខុនិយោតិ ទ្វីហិ តីហិ ភិក្ខុនីហិ។ ន អារោចេន្តីតិ បាតិមោក្ខុទ្ទេសកស្ស ន អារោចេន្តិ។
413-5. Pāḷiyaṃ dve tisso bhikkhuniyoti dvīhi tīhi bhikkhunīhi. Na ārocentīti pātimokkhuddesakassa na ārocenti.
៤១៦. ទុស្សវេណិយាតិ អនេកទុស្សបដ្ដេ ឯកតោ កត្វា កតវេណិយា។
416.Dussaveṇiyāti anekadussapaṭṭe ekato katvā kataveṇiyā.
៤១៧. វិសេសកន្តិ បត្តលេខាទិវណ្ណវិសេសំ។ បកិណន្តីតិ វិក្កិណន្តិ។ នមនកន្តិ បាសុកដ្ឋិនមនកពន្ធនំ។
417.Visesakanti pattalekhādivaṇṇavisesaṃ. Pakiṇantīti vikkiṇanti. Namanakanti pāsukaṭṭhinamanakabandhanaṃ.
៤២២-៥. សំវេល្លិយន្តិ កច្ឆំ ពន្ធិត្វា និវាសនំ។ តយោ និស្សយេតិ រុក្ខមូលសេនាសនស្ស តាសំ អលព្ភនតោ វុត្តំ។
422-5.Saṃvelliyanti kacchaṃ bandhitvā nivāsanaṃ. Tayo nissayeti rukkhamūlasenāsanassa tāsaṃ alabbhanato vuttaṃ.
៤២៦-៨. អដ្ឋេវ ភិក្ខុនិយោ យថាវុឌ្ឍំ បដិពាហន្តីតិ អដ្ឋ ភិក្ខុនិយោ វុឌ្ឍបដិបាដិយាវ គណ្ហន្តិយោ អាគតបដិបាដិំ បដិពាហន្តិ, នាញ្ញាតិ អត្ថោ។ អនុវាទំ បដ្ឋបេន្តីតិ ឥស្សរិយំ បវត្តេន្តីតិ អត្ថំ វទន្តិ។
426-8.Aṭṭheva bhikkhuniyo yathāvuḍḍhaṃ paṭibāhantīti aṭṭha bhikkhuniyo vuḍḍhapaṭipāṭiyāva gaṇhantiyo āgatapaṭipāṭiṃ paṭibāhanti, nāññāti attho. Anuvādaṃ paṭṭhapentīti issariyaṃ pavattentīti atthaṃ vadanti.
៤៣០. ភិក្ខុទូតេនាតិ ភិក្ខុនា ទូតភូតេន។ សិក្ខមានទូតេនាតិ សិក្ខមានាយ ទូតាយ។
430.Bhikkhudūtenāti bhikkhunā dūtabhūtena. Sikkhamānadūtenāti sikkhamānāya dūtāya.
៤៣១. ន សម្មតីតិ នប្បហោតិ។ នវកម្មន្តិ ‘‘នវកម្មំ កត្វា វសតូ’’តិ អបលោកេត្វា សង្ឃិកភូមិយា ឱកាសទានំ។
431.Na sammatīti nappahoti. Navakammanti ‘‘navakammaṃ katvā vasatū’’ti apaloketvā saṅghikabhūmiyā okāsadānaṃ.
៤៣២-៦. សន្និសិន្នគព្ភាតិ ទុវិញ្ញេយ្យគព្ភា។ មហិលាតិត្ថេតិ ឥត្ថីនំ សាធារណតិត្ថេ។
432-6.Sannisinnagabbhāti duviññeyyagabbhā. Mahilātittheti itthīnaṃ sādhāraṇatitthe.
ភិក្ខុនីឧបសម្បទានុជាននកថាវណ្ណនា និដ្ឋិតា។
Bhikkhunīupasampadānujānanakathāvaṇṇanā niṭṭhitā.
ភិក្ខុនិក្ខន្ធកវណ្ណនានយោ និដ្ឋិតោ។
Bhikkhunikkhandhakavaṇṇanānayo niṭṭhito.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi
ភិក្ខុនីឧបសម្បទានុជាននំ • Bhikkhunīupasampadānujānanaṃ
២. ទុតិយភាណវារោ • 2. Dutiyabhāṇavāro
៣. តតិយភាណវារោ • 3. Tatiyabhāṇavāro
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ចូឡវគ្គ-អដ្ឋកថា • Cūḷavagga-aṭṭhakathā / ភិក្ខុនីឧបសម្បទានុជាននកថា • Bhikkhunīupasampadānujānanakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ភិក្ខុនីឧបសម្បន្នានុជាននកថាវណ្ណនា • Bhikkhunīupasampannānujānanakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ភិក្ខុនីឧបសម្បទានុជាននកថាវណ្ណនា • Bhikkhunīupasampadānujānanakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ភិក្ខុនីឧបសម្បទានុជាននកថា • Bhikkhunīupasampadānujānanakathā
