| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಭಿಕ್ಖುನೀಉಪಸಮ್ಪದಾನುಜಾನನಕಥಾವಣ್ಣನಾ
Bhikkhunīupasampadānujānanakathāvaṇṇanā
೪೦೪-೮. ಪಾಳಿಯಂ ಯದಗ್ಗೇನಾತಿ ಯಸ್ಮಿಂ ದಿವಸೇ। ತದಾತಿ ತಸ್ಮಿಂಯೇವ ದಿವಸೇ। ವಿಮಾನೇತ್ವಾತಿ ಅವಮಾನಂ ಕತ್ವಾ।
404-8. Pāḷiyaṃ yadaggenāti yasmiṃ divase. Tadāti tasmiṃyeva divase. Vimānetvāti avamānaṃ katvā.
೪೧೦-೧. ಆಪತ್ತಿಗಾಮಿನಿಯೋತಿ ಆಪತ್ತಿಂ ಆಪನ್ನಾಯೋ। ಕಮ್ಮವಿಭಙ್ಗೇತಿ ಪರಿವಾರೇ ಕಮ್ಮವಿಭಙ್ಗೇ (ಪರಿ॰ ೪೮೨ ಆದಯೋ)।
410-1.Āpattigāminiyoti āpattiṃ āpannāyo. Kammavibhaṅgeti parivāre kammavibhaṅge (pari. 482 ādayo).
೪೧೩-೫. ಪಾಳಿಯಂ ದ್ವೇ ತಿಸ್ಸೋ ಭಿಕ್ಖುನಿಯೋತಿ ದ್ವೀಹಿ ತೀಹಿ ಭಿಕ್ಖುನೀಹಿ। ನ ಆರೋಚೇನ್ತೀತಿ ಪಾತಿಮೋಕ್ಖುದ್ದೇಸಕಸ್ಸ ನ ಆರೋಚೇನ್ತಿ।
413-5. Pāḷiyaṃ dve tisso bhikkhuniyoti dvīhi tīhi bhikkhunīhi. Na ārocentīti pātimokkhuddesakassa na ārocenti.
೪೧೬. ದುಸ್ಸವೇಣಿಯಾತಿ ಅನೇಕದುಸ್ಸಪಟ್ಟೇ ಏಕತೋ ಕತ್ವಾ ಕತವೇಣಿಯಾ।
416.Dussaveṇiyāti anekadussapaṭṭe ekato katvā kataveṇiyā.
೪೧೭. ವಿಸೇಸಕನ್ತಿ ಪತ್ತಲೇಖಾದಿವಣ್ಣವಿಸೇಸಂ। ಪಕಿಣನ್ತೀತಿ ವಿಕ್ಕಿಣನ್ತಿ। ನಮನಕನ್ತಿ ಪಾಸುಕಟ್ಠಿನಮನಕಬನ್ಧನಂ।
417.Visesakanti pattalekhādivaṇṇavisesaṃ. Pakiṇantīti vikkiṇanti. Namanakanti pāsukaṭṭhinamanakabandhanaṃ.
೪೨೨-೫. ಸಂವೇಲ್ಲಿಯನ್ತಿ ಕಚ್ಛಂ ಬನ್ಧಿತ್ವಾ ನಿವಾಸನಂ। ತಯೋ ನಿಸ್ಸಯೇತಿ ರುಕ್ಖಮೂಲಸೇನಾಸನಸ್ಸ ತಾಸಂ ಅಲಬ್ಭನತೋ ವುತ್ತಂ।
422-5.Saṃvelliyanti kacchaṃ bandhitvā nivāsanaṃ. Tayo nissayeti rukkhamūlasenāsanassa tāsaṃ alabbhanato vuttaṃ.
೪೨೬-೮. ಅಟ್ಠೇವ ಭಿಕ್ಖುನಿಯೋ ಯಥಾವುಡ್ಢಂ ಪಟಿಬಾಹನ್ತೀತಿ ಅಟ್ಠ ಭಿಕ್ಖುನಿಯೋ ವುಡ್ಢಪಟಿಪಾಟಿಯಾವ ಗಣ್ಹನ್ತಿಯೋ ಆಗತಪಟಿಪಾಟಿಂ ಪಟಿಬಾಹನ್ತಿ, ನಾಞ್ಞಾತಿ ಅತ್ಥೋ। ಅನುವಾದಂ ಪಟ್ಠಪೇನ್ತೀತಿ ಇಸ್ಸರಿಯಂ ಪವತ್ತೇನ್ತೀತಿ ಅತ್ಥಂ ವದನ್ತಿ।
426-8.Aṭṭheva bhikkhuniyo yathāvuḍḍhaṃ paṭibāhantīti aṭṭha bhikkhuniyo vuḍḍhapaṭipāṭiyāva gaṇhantiyo āgatapaṭipāṭiṃ paṭibāhanti, nāññāti attho. Anuvādaṃ paṭṭhapentīti issariyaṃ pavattentīti atthaṃ vadanti.
೪೩೦. ಭಿಕ್ಖುದೂತೇನಾತಿ ಭಿಕ್ಖುನಾ ದೂತಭೂತೇನ। ಸಿಕ್ಖಮಾನದೂತೇನಾತಿ ಸಿಕ್ಖಮಾನಾಯ ದೂತಾಯ।
430.Bhikkhudūtenāti bhikkhunā dūtabhūtena. Sikkhamānadūtenāti sikkhamānāya dūtāya.
೪೩೧. ನ ಸಮ್ಮತೀತಿ ನಪ್ಪಹೋತಿ। ನವಕಮ್ಮನ್ತಿ ‘‘ನವಕಮ್ಮಂ ಕತ್ವಾ ವಸತೂ’’ತಿ ಅಪಲೋಕೇತ್ವಾ ಸಙ್ಘಿಕಭೂಮಿಯಾ ಓಕಾಸದಾನಂ।
431.Na sammatīti nappahoti. Navakammanti ‘‘navakammaṃ katvā vasatū’’ti apaloketvā saṅghikabhūmiyā okāsadānaṃ.
೪೩೨-೬. ಸನ್ನಿಸಿನ್ನಗಬ್ಭಾತಿ ದುವಿಞ್ಞೇಯ್ಯಗಬ್ಭಾ। ಮಹಿಲಾತಿತ್ಥೇತಿ ಇತ್ಥೀನಂ ಸಾಧಾರಣತಿತ್ಥೇ।
432-6.Sannisinnagabbhāti duviññeyyagabbhā. Mahilātittheti itthīnaṃ sādhāraṇatitthe.
ಭಿಕ್ಖುನೀಉಪಸಮ್ಪದಾನುಜಾನನಕಥಾವಣ್ಣನಾ ನಿಟ್ಠಿತಾ।
Bhikkhunīupasampadānujānanakathāvaṇṇanā niṭṭhitā.
ಭಿಕ್ಖುನಿಕ್ಖನ್ಧಕವಣ್ಣನಾನಯೋ ನಿಟ್ಠಿತೋ।
Bhikkhunikkhandhakavaṇṇanānayo niṭṭhito.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi
ಭಿಕ್ಖುನೀಉಪಸಮ್ಪದಾನುಜಾನನಂ • Bhikkhunīupasampadānujānanaṃ
೨. ದುತಿಯಭಾಣವಾರೋ • 2. Dutiyabhāṇavāro
೩. ತತಿಯಭಾಣವಾರೋ • 3. Tatiyabhāṇavāro
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā / ಭಿಕ್ಖುನೀಉಪಸಮ್ಪದಾನುಜಾನನಕಥಾ • Bhikkhunīupasampadānujānanakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಭಿಕ್ಖುನೀಉಪಸಮ್ಪನ್ನಾನುಜಾನನಕಥಾವಣ್ಣನಾ • Bhikkhunīupasampannānujānanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಭಿಕ್ಖುನೀಉಪಸಮ್ಪದಾನುಜಾನನಕಥಾವಣ್ಣನಾ • Bhikkhunīupasampadānujānanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಭಿಕ್ಖುನೀಉಪಸಮ್ಪದಾನುಜಾನನಕಥಾ • Bhikkhunīupasampadānujānanakathā
