| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
භික්‌ඛුනීඋපසම්‌පදානුජානනකථාවණ්‌ණනා
Bhikkhunīupasampadānujānanakathāvaṇṇanā
404-8. පාළියං යදග්‌ගෙනාති යස්‌මිං දිවසෙ. තදාති තස්‌මිංයෙව දිවසෙ. විමානෙත්‌වාති අවමානං කත්‌වා.
404-8. Pāḷiyaṃ yadaggenāti yasmiṃ divase. Tadāti tasmiṃyeva divase. Vimānetvāti avamānaṃ katvā.
410-1. ආපත්‌තිගාමිනියොති ආපත්‌තිං ආපන්‌නායො. කම්‌මවිභඞ්‌ගෙති පරිවාරෙ කම්‌මවිභඞ්‌ගෙ (පරි. 482 ආදයො).
410-1.Āpattigāminiyoti āpattiṃ āpannāyo. Kammavibhaṅgeti parivāre kammavibhaṅge (pari. 482 ādayo).
413-5. පාළියං ද්‌වෙ තිස්‌සො භික්‌ඛුනියොති ද්‌වීහි තීහි භික්‌ඛුනීහි. න ආරොචෙන්‌තීති පාතිමොක්‌ඛුද්‌දෙසකස්‌ස න ආරොචෙන්‌ති.
413-5. Pāḷiyaṃ dve tisso bhikkhuniyoti dvīhi tīhi bhikkhunīhi. Na ārocentīti pātimokkhuddesakassa na ārocenti.
416. දුස්‌සවෙණියාති අනෙකදුස්‌සපට්‌ටෙ එකතො කත්‌වා කතවෙණියා.
416.Dussaveṇiyāti anekadussapaṭṭe ekato katvā kataveṇiyā.
417. විසෙසකන්‌ති පත්‌තලෙඛාදිවණ්‌ණවිසෙසං. පකිණන්‌තීති වික්‌කිණන්‌ති. නමනකන්‌ති පාසුකට්‌ඨිනමනකබන්‌ධනං.
417.Visesakanti pattalekhādivaṇṇavisesaṃ. Pakiṇantīti vikkiṇanti. Namanakanti pāsukaṭṭhinamanakabandhanaṃ.
422-5. සංවෙල්‌ලියන්‌ති කච්‌ඡං බන්‌ධිත්‌වා නිවාසනං. තයො නිස්‌සයෙති රුක්‌ඛමූලසෙනාසනස්‌ස තාසං අලබ්‌භනතො වුත්‌තං.
422-5.Saṃvelliyanti kacchaṃ bandhitvā nivāsanaṃ. Tayo nissayeti rukkhamūlasenāsanassa tāsaṃ alabbhanato vuttaṃ.
426-8. අට්‌ඨෙව භික්‌ඛුනියො යථාවුඩ්‌ඪං පටිබාහන්‌තීති අට්‌ඨ භික්‌ඛුනියො වුඩ්‌ඪපටිපාටියාව ගණ්‌හන්‌තියො ආගතපටිපාටිං පටිබාහන්‌ති, නාඤ්‌ඤාති අත්‌ථො. අනුවාදං පට්‌ඨපෙන්‌තීති ඉස්‌සරියං පවත්‌තෙන්‌තීති අත්‌ථං වදන්‌ති.
426-8.Aṭṭheva bhikkhuniyo yathāvuḍḍhaṃ paṭibāhantīti aṭṭha bhikkhuniyo vuḍḍhapaṭipāṭiyāva gaṇhantiyo āgatapaṭipāṭiṃ paṭibāhanti, nāññāti attho. Anuvādaṃ paṭṭhapentīti issariyaṃ pavattentīti atthaṃ vadanti.
430. භික්‌ඛුදූතෙනාති භික්‌ඛුනා දූතභූතෙන. සික්‌ඛමානදූතෙනාති සික්‌ඛමානාය දූතාය.
430.Bhikkhudūtenāti bhikkhunā dūtabhūtena. Sikkhamānadūtenāti sikkhamānāya dūtāya.
431. න සම්‌මතීති නප්‌පහොති. නවකම්‌මන්‌ති ‘‘නවකම්‌මං කත්‌වා වසතූ’’ති අපලොකෙත්‌වා සඞ්‌ඝිකභූමියා ඔකාසදානං.
431.Na sammatīti nappahoti. Navakammanti ‘‘navakammaṃ katvā vasatū’’ti apaloketvā saṅghikabhūmiyā okāsadānaṃ.
432-6. සන්‌නිසින්‌නගබ්‌භාති දුවිඤ්‌ඤෙය්‍යගබ්‌භා. මහිලාතිත්‌ථෙති ඉත්‌ථීනං සාධාරණතිත්‌ථෙ.
432-6.Sannisinnagabbhāti duviññeyyagabbhā. Mahilātittheti itthīnaṃ sādhāraṇatitthe.
භික්‌ඛුනීඋපසම්‌පදානුජානනකථාවණ්‌ණනා නිට්‌ඨිතා.
Bhikkhunīupasampadānujānanakathāvaṇṇanā niṭṭhitā.
භික්‌ඛුනික්‌ඛන්‌ධකවණ්‌ණනානයො නිට්‌ඨිතො.
Bhikkhunikkhandhakavaṇṇanānayo niṭṭhito.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi
භික්‌ඛුනීඋපසම්‌පදානුජානනං • Bhikkhunīupasampadānujānanaṃ
2. දුතියභාණවාරො • 2. Dutiyabhāṇavāro
3. තතියභාණවාරො • 3. Tatiyabhāṇavāro
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / චූළවග්‌ග-අට්‌ඨකථා • Cūḷavagga-aṭṭhakathā / භික්‌ඛුනීඋපසම්‌පදානුජානනකථා • Bhikkhunīupasampadānujānanakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / භික්‌ඛුනීඋපසම්‌පන්‌නානුජානනකථාවණ්‌ණනා • Bhikkhunīupasampannānujānanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / භික්‌ඛුනීඋපසම්‌පදානුජානනකථාවණ්‌ණනා • Bhikkhunīupasampadānujānanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / භික්‌ඛුනීඋපසම්‌පදානුජානනකථා • Bhikkhunīupasampadānujānanakathā
