| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
བྷིཀྑུནཱིཨུཔསམྤདཱནུཛཱནནཀཐཱཝཎྞནཱ
Bhikkhunīupasampadānujānanakathāvaṇṇanā
༤༠༤-༨. པཱལི༹ཡཾ ཡདགྒེནཱཏི ཡསྨིཾ དིཝསེ། ཏདཱཏི ཏསྨིཾཡེཝ དིཝསེ། ཝིམཱནེཏྭཱཏི ཨཝམཱནཾ ཀཏྭཱ།
404-8. Pāḷiyaṃ yadaggenāti yasmiṃ divase. Tadāti tasmiṃyeva divase. Vimānetvāti avamānaṃ katvā.
༤༡༠-༡. ཨཱཔཏྟིགཱམིནིཡོཏི ཨཱཔཏྟིཾ ཨཱཔནྣཱཡོ། ཀམྨཝིབྷངྒེཏི པརིཝཱརེ ཀམྨཝིབྷངྒེ (པརི॰ ༤༨༢ ཨཱདཡོ)།
410-1.Āpattigāminiyoti āpattiṃ āpannāyo. Kammavibhaṅgeti parivāre kammavibhaṅge (pari. 482 ādayo).
༤༡༣-༥. པཱལི༹ཡཾ དྭེ ཏིསྶོ བྷིཀྑུནིཡོཏི དྭཱིཧི ཏཱིཧི བྷིཀྑུནཱིཧི། ན ཨཱརོཙེནྟཱིཏི པཱཏིམོཀྑུདྡེསཀསྶ ན ཨཱརོཙེནྟི།
413-5. Pāḷiyaṃ dve tisso bhikkhuniyoti dvīhi tīhi bhikkhunīhi. Na ārocentīti pātimokkhuddesakassa na ārocenti.
༤༡༦. དུསྶཝེཎིཡཱཏི ཨནེཀདུསྶཔཊྚེ ཨེཀཏོ ཀཏྭཱ ཀཏཝེཎིཡཱ།
416.Dussaveṇiyāti anekadussapaṭṭe ekato katvā kataveṇiyā.
༤༡༧. ཝིསེསཀནྟི པཏྟལེཁཱདིཝཎྞཝིསེསཾ། པཀིཎནྟཱིཏི ཝིཀྐིཎནྟི། ནམནཀནྟི པཱསུཀཊྛིནམནཀབནྡྷནཾ།
417.Visesakanti pattalekhādivaṇṇavisesaṃ. Pakiṇantīti vikkiṇanti. Namanakanti pāsukaṭṭhinamanakabandhanaṃ.
༤༢༢-༥. སཾཝེལླིཡནྟི ཀཙྪཾ བནྡྷིཏྭཱ ནིཝཱསནཾ། ཏཡོ ནིསྶཡེཏི རུཀྑམཱུལསེནཱསནསྶ ཏཱསཾ ཨལབྦྷནཏོ ཝུཏྟཾ།
422-5.Saṃvelliyanti kacchaṃ bandhitvā nivāsanaṃ. Tayo nissayeti rukkhamūlasenāsanassa tāsaṃ alabbhanato vuttaṃ.
༤༢༦-༨. ཨཊྛེཝ བྷིཀྑུནིཡོ ཡཐཱཝུཌྜྷཾ པཊིབཱཧནྟཱིཏི ཨཊྛ བྷིཀྑུནིཡོ ཝུཌྜྷཔཊིཔཱཊིཡཱཝ གཎྷནྟིཡོ ཨཱགཏཔཊིཔཱཊིཾ པཊིབཱཧནྟི, ནཱཉྙཱཏི ཨཏྠོ། ཨནུཝཱདཾ པཊྛཔེནྟཱིཏི ཨིསྶརིཡཾ པཝཏྟེནྟཱིཏི ཨཏྠཾ ཝདནྟི།
426-8.Aṭṭheva bhikkhuniyo yathāvuḍḍhaṃ paṭibāhantīti aṭṭha bhikkhuniyo vuḍḍhapaṭipāṭiyāva gaṇhantiyo āgatapaṭipāṭiṃ paṭibāhanti, nāññāti attho. Anuvādaṃ paṭṭhapentīti issariyaṃ pavattentīti atthaṃ vadanti.
༤༣༠. བྷིཀྑུདཱུཏེནཱཏི བྷིཀྑུནཱ དཱུཏབྷཱུཏེན། སིཀྑམཱནདཱུཏེནཱཏི སིཀྑམཱནཱཡ དཱུཏཱཡ།
430.Bhikkhudūtenāti bhikkhunā dūtabhūtena. Sikkhamānadūtenāti sikkhamānāya dūtāya.
༤༣༡. ན སམྨཏཱིཏི ནཔྤཧོཏི། ནཝཀམྨནྟི ‘‘ནཝཀམྨཾ ཀཏྭཱ ཝསཏཱུ’’ཏི ཨཔལོཀེཏྭཱ སངྒྷིཀབྷཱུམིཡཱ ཨོཀཱསདཱནཾ།
431.Na sammatīti nappahoti. Navakammanti ‘‘navakammaṃ katvā vasatū’’ti apaloketvā saṅghikabhūmiyā okāsadānaṃ.
༤༣༢-༦. སནྣིསིནྣགབྦྷཱཏི དུཝིཉྙེཡྻགབྦྷཱ། མཧིལཱཏིཏྠེཏི ཨིཏྠཱིནཾ སཱདྷཱརཎཏིཏྠེ།
432-6.Sannisinnagabbhāti duviññeyyagabbhā. Mahilātittheti itthīnaṃ sādhāraṇatitthe.
བྷིཀྑུནཱིཨུཔསམྤདཱནུཛཱནནཀཐཱཝཎྞནཱ ནིཊྛིཏཱ།
Bhikkhunīupasampadānujānanakathāvaṇṇanā niṭṭhitā.
བྷིཀྑུནིཀྑནྡྷཀཝཎྞནཱནཡོ ནིཊྛིཏོ།
Bhikkhunikkhandhakavaṇṇanānayo niṭṭhito.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi
བྷིཀྑུནཱིཨུཔསམྤདཱནུཛཱནནཾ • Bhikkhunīupasampadānujānanaṃ
༢. དུཏིཡབྷཱཎཝཱརོ • 2. Dutiyabhāṇavāro
༣. ཏཏིཡབྷཱཎཝཱརོ • 3. Tatiyabhāṇavāro
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā / བྷིཀྑུནཱིཨུཔསམྤདཱནུཛཱནནཀཐཱ • Bhikkhunīupasampadānujānanakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / བྷིཀྑུནཱིཨུཔསམྤནྣཱནུཛཱནནཀཐཱཝཎྞནཱ • Bhikkhunīupasampannānujānanakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / བྷིཀྑུནཱིཨུཔསམྤདཱནུཛཱནནཀཐཱཝཎྞནཱ • Bhikkhunīupasampadānujānanakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / བྷིཀྑུནཱིཨུཔསམྤདཱནུཛཱནནཀཐཱ • Bhikkhunīupasampadānujānanakathā
