| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
бхигкунийубасамбад̣̇аануж̇аананам̣
Bhikkhunīupasampadānujānanaṃ
404. ат̇а ко махаабаж̇аабад̇и г̇од̇амий язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко махаабаж̇аабад̇ий г̇од̇амий бхаг̇аванд̇ам̣ зд̇ад̣̇авожа – ‘‘гат̇аахам̣, бханд̇з, имаасу саагияаанийсу бадибаж̇ж̇аамий’’д̇и? ат̇а ко бхаг̇аваа махаабаж̇аабад̇им̣ г̇од̇амим̣ д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко махаабаж̇аабад̇и г̇од̇амий бхаг̇авад̇аа д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, бхигкуухи бхигкунияо убасамбаад̣̇зд̇у’’нд̇и.
404. Atha kho mahāpajāpati gotamī yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho mahāpajāpatī gotamī bhagavantaṃ etadavoca – ‘‘kathāhaṃ, bhante, imāsu sākiyānīsu paṭipajjāmī’’ti? Atha kho bhagavā mahāpajāpatiṃ gotamiṃ dhammiyā kathāya sandassesi samādapesi samuttejesi sampahaṃsesi. Atha kho mahāpajāpati gotamī bhagavatā dhammiyā kathāya sandassitā samādapitā samuttejitā sampahaṃsitā bhagavantaṃ abhivādetvā padakkhiṇaṃ katvā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, bhikkhūhi bhikkhuniyo upasampādetu’’nti.
ат̇а ко д̇аа бхигкунияо махаабаж̇аабад̇им̣ г̇од̇амим̣ зд̇ад̣̇авожум̣ – ‘‘аяяаа анубасамбаннаа, маяан̃жамхаа убасамбаннаа; зван̃хи бхаг̇авад̇аа бан̃н̃ад̇д̇ам̣ бхигкуухи бхигкунияо убасамбаад̣̇зд̇аб̣б̣аа’’д̇и. ат̇а ко махаабаж̇аабад̇и г̇од̇амий язнааяасмаа аананд̣̇о д̇знубасан̇гами, убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко махаабаж̇аабад̇и г̇од̇амий ааяасманд̇ам̣ аананд̣̇ам̣ зд̇ад̣̇авожа – ‘‘имаа мам̣, бханд̇з аананд̣̇а, бхигкунияо звамаахам̣су – ‘аяяаа анубасамбаннаа, маяан̃жамхаа убасамбаннаа; зван̃хи бхаг̇авад̇аа бан̃н̃ад̇д̇ам̣ бхигкуухи бхигкунияо убасамбаад̣̇зд̇аб̣б̣аа’’’д̇и.
Atha kho tā bhikkhuniyo mahāpajāpatiṃ gotamiṃ etadavocuṃ – ‘‘ayyā anupasampannā, mayañcamhā upasampannā; evañhi bhagavatā paññattaṃ bhikkhūhi bhikkhuniyo upasampādetabbā’’ti. Atha kho mahāpajāpati gotamī yenāyasmā ānando tenupasaṅkami, upasaṅkamitvā āyasmantaṃ ānandaṃ abhivādetvā ekamantaṃ aṭṭhāsi. Ekamantaṃ ṭhitā kho mahāpajāpati gotamī āyasmantaṃ ānandaṃ etadavoca – ‘‘imā maṃ, bhante ānanda, bhikkhuniyo evamāhaṃsu – ‘ayyā anupasampannā, mayañcamhā upasampannā; evañhi bhagavatā paññattaṃ bhikkhūhi bhikkhuniyo upasampādetabbā’’’ti.
ат̇а ко ааяасмаа аананд̣̇о язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘махаабаж̇аабад̇и, бханд̇з, г̇од̇амий звамааха – ‘имаа мам̣, бханд̇з аананд̣̇а, бхигкунияо звамаахам̣су – аяяаа анубасамбаннаа, маяан̃жамхаа убасамбаннаа; зван̃хи бхаг̇авад̇аа бан̃н̃ад̇д̇ам̣ бхигкуухи бхигкунияо убасамбаад̣̇зд̇аб̣б̣аа’’’д̇и.
Atha kho āyasmā ānando yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘mahāpajāpati, bhante, gotamī evamāha – ‘imā maṃ, bhante ānanda, bhikkhuniyo evamāhaṃsu – ayyā anupasampannā, mayañcamhā upasampannā; evañhi bhagavatā paññattaṃ bhikkhūhi bhikkhuniyo upasampādetabbā’’’ti.
‘‘яад̣̇аг̇г̇зна, аананд̣̇а, махаабаж̇аабад̇ияаа г̇од̇амияаа адта г̇аруд̇хаммаа бадиг̇г̇ахид̇аа, д̇ад̣̇зва саа 1 убасамбаннаа’’д̇и.
‘‘Yadaggena, ānanda, mahāpajāpatiyā gotamiyā aṭṭha garudhammā paṭiggahitā, tadeva sā 2 upasampannā’’ti.
405. ат̇а ко махаабаж̇аабад̇и г̇од̇амий язнааяасмаа аананд̣̇о д̇знубасан̇гами, убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко махаабаж̇аабад̇и г̇од̇амий ааяасманд̇ам̣ аананд̣̇ам̣ зд̇ад̣̇авожа – ‘‘згаахам̣, бханд̇з аананд̣̇а, бхаг̇аванд̇ам̣ варам̣ яаажаами. саад̇ху, бханд̇з, бхаг̇аваа ануж̇аанзяяа бхигкуунан̃жа бхигкунийнан̃жа яат̇аавуд̣дхам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигамма’’нд̇и.
405. Atha kho mahāpajāpati gotamī yenāyasmā ānando tenupasaṅkami, upasaṅkamitvā āyasmantaṃ ānandaṃ abhivādetvā ekamantaṃ aṭṭhāsi. Ekamantaṃ ṭhitā kho mahāpajāpati gotamī āyasmantaṃ ānandaṃ etadavoca – ‘‘ekāhaṃ, bhante ānanda, bhagavantaṃ varaṃ yācāmi. Sādhu, bhante, bhagavā anujāneyya bhikkhūnañca bhikkhunīnañca yathāvuḍḍhaṃ abhivādanaṃ paccuṭṭhānaṃ añjalikammaṃ sāmīcikamma’’nti.
ат̇а ко ааяасмаа аананд̣̇о язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘махаабаж̇аабад̇и, бханд̇з, г̇од̇амий звамааха – ‘згаахам̣, бханд̇з аананд̣̇а, бхаг̇аванд̇ам̣ варам̣ яаажаами. саад̇ху, бханд̇з, бхаг̇аваа ануж̇аанзяяа бхигкуунан̃жа бхигкунийнан̃жа яат̇аавуд̣дхам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигамма’’’нд̇и.
Atha kho āyasmā ānando yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘mahāpajāpati, bhante, gotamī evamāha – ‘ekāhaṃ, bhante ānanda, bhagavantaṃ varaṃ yācāmi. Sādhu, bhante, bhagavā anujāneyya bhikkhūnañca bhikkhunīnañca yathāvuḍḍhaṃ abhivādanaṃ paccuṭṭhānaṃ añjalikammaṃ sāmīcikamma’’’nti.
‘‘адтаанамзд̇ам̣, аананд̣̇а, анавагаасо , яам̣ д̇ат̇ааг̇ад̇о ануж̇аанзяяа маад̇уг̇аамасса абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣. имзхи наама, аананд̣̇а, ан̃н̃ад̇ид̇т̇ияаа д̣̇урагкаад̇ад̇хаммаа маад̇уг̇аамасса абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ на гариссанд̇и ; гиман̇г̇ам̣ бана д̇ат̇ааг̇ад̇о ануж̇ааниссад̇и маад̇уг̇аамасса абхиваад̣̇анам̣ бажжудтаанам̣ ан̃ж̇алигаммам̣ саамийжигамма’’нд̇и?
‘‘Aṭṭhānametaṃ, ānanda, anavakāso , yaṃ tathāgato anujāneyya mātugāmassa abhivādanaṃ paccuṭṭhānaṃ añjalikammaṃ sāmīcikammaṃ. Imehi nāma, ānanda, aññatitthiyā durakkhātadhammā mātugāmassa abhivādanaṃ paccuṭṭhānaṃ añjalikammaṃ sāmīcikammaṃ na karissanti ; kimaṅgaṃ pana tathāgato anujānissati mātugāmassa abhivādanaṃ paccuṭṭhānaṃ añjalikammaṃ sāmīcikamma’’nti?
ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, маад̇уг̇аамасса абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ гаад̇аб̣б̣ам̣. яо гарзяяа, аабад̇д̇и д̣̇уггадассаа’’д̇и.
Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘na, bhikkhave, mātugāmassa abhivādanaṃ paccuṭṭhānaṃ añjalikammaṃ sāmīcikammaṃ kātabbaṃ. Yo kareyya, āpatti dukkaṭassā’’ti.
ат̇а ко махаабаж̇аабад̇и г̇од̇амий язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко махаабаж̇аабад̇и г̇од̇амий бхаг̇аванд̇ам̣ зд̇ад̣̇авожа – ‘‘яаани д̇аани, бханд̇з, бхигкунийнам̣ сигкаабад̣̇аани бхигкуухи саад̇хааран̣аани, гат̇ам̣ маяам̣, бханд̇з, д̇зсу сигкаабад̣̇зсу бадибаж̇ж̇аамаа’’д̇и? ‘‘яаани д̇аани, г̇од̇ами, бхигкунийнам̣ сигкаабад̣̇аани бхигкуухи саад̇хааран̣аани, яат̇аа бхигкуу сигканд̇и д̇ат̇аа д̇зсу сигкаабад̣̇зсу сигкат̇аа’’д̇и. ‘‘яаани бана д̇аани, бханд̇з, бхигкунийнам̣ сигкаабад̣̇аани бхигкуухи асаад̇хааран̣аани, гат̇ам̣ маяам̣, бханд̇з, д̇зсу сигкаабад̣̇зсу бадибаж̇ж̇аамаа’’д̇и? ‘‘яаани д̇аани, г̇од̇ами, бхигкунийнам̣ сигкаабад̣̇аани бхигкуухи асаад̇хааран̣аани, яат̇аабан̃н̃ад̇д̇зсу сигкаабад̣̇зсу сигкат̇аа’’д̇и.
Atha kho mahāpajāpati gotamī yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho mahāpajāpati gotamī bhagavantaṃ etadavoca – ‘‘yāni tāni, bhante, bhikkhunīnaṃ sikkhāpadāni bhikkhūhi sādhāraṇāni, kathaṃ mayaṃ, bhante, tesu sikkhāpadesu paṭipajjāmā’’ti? ‘‘Yāni tāni, gotami, bhikkhunīnaṃ sikkhāpadāni bhikkhūhi sādhāraṇāni, yathā bhikkhū sikkhanti tathā tesu sikkhāpadesu sikkhathā’’ti. ‘‘Yāni pana tāni, bhante, bhikkhunīnaṃ sikkhāpadāni bhikkhūhi asādhāraṇāni, kathaṃ mayaṃ, bhante, tesu sikkhāpadesu paṭipajjāmā’’ti? ‘‘Yāni tāni, gotami, bhikkhunīnaṃ sikkhāpadāni bhikkhūhi asādhāraṇāni, yathāpaññattesu sikkhāpadesu sikkhathā’’ti.
406. 3 ат̇а ко махаабаж̇аабад̇и г̇од̇амий язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко махаабаж̇аабад̇и г̇од̇амий бхаг̇аванд̇ам̣ зд̇ад̣̇авожа – ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇у, яамахам̣ бхаг̇авад̇о д̇хаммам̣ суд̇ваа згаа вуубагадтаа аббамад̇д̇аа аад̇аабиний бахид̇ад̇д̇аа вихарзяяа’’нд̇и. ‘‘яз ко д̇вам̣, г̇од̇ами, д̇хаммз ж̇аанзяяааси – имз д̇хаммаа сарааг̇ааяа сам̣вад̇д̇анд̇и но вирааг̇ааяа, сан̃н̃ог̇ааяа сам̣вад̇д̇анд̇и но висан̃н̃ог̇ааяа, аажаяааяа сам̣вад̇д̇анд̇и но абажаяааяа, махижчад̇ааяа сам̣вад̇д̇анд̇и но аббижчад̇ааяа, асанд̇удтияаа сам̣вад̇д̇анд̇и но санд̇удтияаа, сан̇г̇ан̣игааяа сам̣вад̇д̇анд̇и но бавивзгааяа, госаж̇ж̇ааяа сам̣вад̇д̇анд̇и но вийрияаарамбхааяа, д̣̇уб̣бхарад̇ааяа сам̣вад̇д̇анд̇и но субхарад̇ааяа; згам̣сзна, г̇од̇ами, д̇хаарзяяааси – нзсо д̇хаммо, нзсо винаяо, нзд̇ам̣ сад̇т̇усаасананд̇и. яз жа ко д̇вам̣, г̇од̇ами, д̇хаммз ж̇аанзяяааси – имз д̇хаммаа вирааг̇ааяа сам̣вад̇д̇анд̇и но сарааг̇ааяа, висан̃н̃ог̇ааяа сам̣вад̇д̇анд̇и но сан̃н̃ог̇ааяа, абажаяааяа сам̣вад̇д̇анд̇и но аажаяааяа, аббижчад̇ааяа сам̣вад̇д̇анд̇и но махижчад̇ааяа, санд̇удтияаа сам̣вад̇д̇анд̇и но асанд̇удтияаа, бавивзгааяа сам̣вад̇д̇анд̇и но сан̇г̇ан̣игааяа, вийрияаарамбхааяа сам̣вад̇д̇анд̇и но госаж̇ж̇ааяа, субхарад̇ааяа сам̣вад̇д̇анд̇и но д̣̇уб̣бхарад̇ааяа; згам̣сзна, г̇од̇ами, д̇хаарзяяааси – зсо д̇хаммо, зсо винаяо, зд̇ам̣ сад̇т̇усаасана’’нд̇и.
406.4 Atha kho mahāpajāpati gotamī yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho mahāpajāpati gotamī bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā ekā vūpakaṭṭhā appamattā ātāpinī pahitattā vihareyya’’nti. ‘‘Ye kho tvaṃ, gotami, dhamme jāneyyāsi – ime dhammā sarāgāya saṃvattanti no virāgāya, saññogāya saṃvattanti no visaññogāya, ācayāya saṃvattanti no apacayāya, mahicchatāya saṃvattanti no appicchatāya, asantuṭṭhiyā saṃvattanti no santuṭṭhiyā, saṅgaṇikāya saṃvattanti no pavivekāya, kosajjāya saṃvattanti no vīriyārambhāya, dubbharatāya saṃvattanti no subharatāya; ekaṃsena, gotami, dhāreyyāsi – neso dhammo, neso vinayo, netaṃ satthusāsananti. Ye ca kho tvaṃ, gotami, dhamme jāneyyāsi – ime dhammā virāgāya saṃvattanti no sarāgāya, visaññogāya saṃvattanti no saññogāya, apacayāya saṃvattanti no ācayāya, appicchatāya saṃvattanti no mahicchatāya, santuṭṭhiyā saṃvattanti no asantuṭṭhiyā, pavivekāya saṃvattanti no saṅgaṇikāya, vīriyārambhāya saṃvattanti no kosajjāya, subharatāya saṃvattanti no dubbharatāya; ekaṃsena, gotami, dhāreyyāsi – eso dhammo, eso vinayo, etaṃ satthusāsana’’nti.
407. д̇зна ко бана самаязна бхигкунийнам̣ баад̇имогкам̣ на уд̣̇д̣̇исийяад̇и. бхаг̇авад̇о зд̇амад̇т̇ам̣ аарожзсум̣…бз… ‘‘ануж̇аанаами, бхигкавз, бхигкунийнам̣ баад̇имогкам̣ уд̣̇д̣̇исид̇у’’нд̇и. ат̇а ко бхигкуунам̣ зд̇ад̣̇ахоси – ‘‘гзна ну ко бхигкунийнам̣ баад̇имогкам̣ уд̣̇д̣̇исид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхигкуухи бхигкунийнам̣ баад̇имогкам̣ уд̣̇д̣̇исид̇у’’нд̇и.
407. Tena kho pana samayena bhikkhunīnaṃ pātimokkhaṃ na uddisīyati. Bhagavato etamatthaṃ ārocesuṃ…pe… ‘‘anujānāmi, bhikkhave, bhikkhunīnaṃ pātimokkhaṃ uddisitu’’nti. Atha kho bhikkhūnaṃ etadahosi – ‘‘kena nu kho bhikkhunīnaṃ pātimokkhaṃ uddisitabba’’nti? Bhagavato etamatthaṃ ārocesuṃ. ‘‘Anujānāmi, bhikkhave, bhikkhūhi bhikkhunīnaṃ pātimokkhaṃ uddisitu’’nti.
д̇зна ко бана самаязна бхигкуу бхигкунубассаяам̣ убасан̇гамид̇ваа бхигкунийнам̣ баад̇имогкам̣ уд̣̇д̣̇исанд̇и. мануссаа уж̇жхааяанд̇и кияяанд̇и вибаажзнд̇и – ‘‘ж̇ааяааяо имаа имзсам̣, ж̇аарияо имаа имзсам̣, ид̣̇аани имз имаахи сад̣̇д̇хим̣ абхирамиссанд̇ий’’д̇и! бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, бхигкуухи бхигкунийнам̣ баад̇имогкам̣ уд̣̇д̣̇исид̇аб̣б̣ам̣. яо уд̣̇д̣̇исзяяа, аабад̇д̇и д̣̇уггадасса. ануж̇аанаами, бхигкавз, бхигкунийхи бхигкунийнам̣ баад̇имогкам̣ уд̣̇д̣̇исид̇у’’нд̇и. бхигкунияо на ж̇аананд̇и – ‘‘звам̣ баад̇имогкам̣ уд̣̇д̣̇исид̇аб̣б̣а’’нд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхигкуухи бхигкунийнам̣ аажигкид̇ум̣ – ‘звам̣ баад̇имогкам̣ уд̣̇д̣̇исзяяаат̇аа’’’д̇и.
Tena kho pana samayena bhikkhū bhikkhunupassayaṃ upasaṅkamitvā bhikkhunīnaṃ pātimokkhaṃ uddisanti. Manussā ujjhāyanti khiyyanti vipācenti – ‘‘jāyāyo imā imesaṃ, jāriyo imā imesaṃ, idāni ime imāhi saddhiṃ abhiramissantī’’ti! Bhagavato etamatthaṃ ārocesuṃ. ‘‘Na, bhikkhave, bhikkhūhi bhikkhunīnaṃ pātimokkhaṃ uddisitabbaṃ. Yo uddiseyya, āpatti dukkaṭassa. Anujānāmi, bhikkhave, bhikkhunīhi bhikkhunīnaṃ pātimokkhaṃ uddisitu’’nti. Bhikkhuniyo na jānanti – ‘‘evaṃ pātimokkhaṃ uddisitabba’’nti. Bhagavato etamatthaṃ ārocesuṃ. ‘‘Anujānāmi, bhikkhave, bhikkhūhi bhikkhunīnaṃ ācikkhituṃ – ‘evaṃ pātimokkhaṃ uddiseyyāthā’’’ti.
408. д̇зна ко бана самаязна бхигкунияо аабад̇д̇им̣ на бадигаронд̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, бхигкунияаа аабад̇д̇и на бадигаад̇аб̣б̣аа. яаа на бадигарзяяа, аабад̇д̇и д̣̇уггадассаа’’д̇и. бхигкунияо на ж̇аананд̇и – ‘‘звам̣ аабад̇д̇и бадигаад̇аб̣б̣аа’’д̇и . бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхигкуухи бхигкунийнам̣ аажигкид̇ум̣ – ‘звам̣ аабад̇д̇им̣ бадигарзяяаат̇аа’’’д̇и. ат̇а ко бхигкуунам̣ зд̇ад̣̇ахоси – ‘‘гзна ну ко бхигкунийнам̣ аабад̇д̇и бадиг̇г̇ахзд̇аб̣б̣аа’’д̇и? бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхигкуухи бхигкунийнам̣ аабад̇д̇им̣ бадиг̇г̇ахзд̇у’’нд̇и.
408. Tena kho pana samayena bhikkhuniyo āpattiṃ na paṭikaronti. Bhagavato etamatthaṃ ārocesuṃ. ‘‘Na, bhikkhave, bhikkhuniyā āpatti na paṭikātabbā. Yā na paṭikareyya, āpatti dukkaṭassā’’ti. Bhikkhuniyo na jānanti – ‘‘evaṃ āpatti paṭikātabbā’’ti . Bhagavato etamatthaṃ ārocesuṃ. ‘‘Anujānāmi, bhikkhave, bhikkhūhi bhikkhunīnaṃ ācikkhituṃ – ‘evaṃ āpattiṃ paṭikareyyāthā’’’ti. Atha kho bhikkhūnaṃ etadahosi – ‘‘kena nu kho bhikkhunīnaṃ āpatti paṭiggahetabbā’’ti? Bhagavato etamatthaṃ ārocesuṃ. ‘‘Anujānāmi, bhikkhave, bhikkhūhi bhikkhunīnaṃ āpattiṃ paṭiggahetu’’nti.
д̇зна ко бана самаязна бхигкунияо рат̇игааяаби б̣яуухзби син̇гхаадагзби бхигкум̣ бассид̇ваа бад̇д̇ам̣ бхуумияам̣ нигкибид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа аабад̇д̇им̣ бадигаронд̇и. мануссаа уж̇жхааяанд̇и кияяанд̇и вибаажзнд̇и – ‘‘ж̇ааяааяо имаа имзсам̣, ж̇аарияо имаа имзсам̣, рад̇д̇им̣ вимаанзд̇ваа ид̣̇аани камаабзнд̇ий’’д̇и. бхаг̇авад̇о зд̇амад̇т̇ам̣ аарожзсум̣ . ‘‘на, бхигкавз, бхигкуухи бхигкунийнам̣ аабад̇д̇и бадиг̇г̇ахзд̇аб̣б̣аа. яо бадиг̇г̇ан̣хзяяа, аабад̇д̇и д̣̇уггадасса. ануж̇аанаами, бхигкавз, бхигкунийхи бхигкунийнам̣ аабад̇д̇им̣ бадиг̇г̇ахзд̇у’’нд̇и. бхигкунияо на ж̇аананд̇и – ‘‘звам̣ аабад̇д̇и бадиг̇г̇ахзд̇аб̣б̣аа’’д̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхигкуухи бхигкунийнам̣ аажигкид̇ум̣ – ‘звам̣ аабад̇д̇им̣ бадиг̇г̇ан̣хзяяаат̇аа’’’д̇и.
Tena kho pana samayena bhikkhuniyo rathikāyapi byūhepi siṅghāṭakepi bhikkhuṃ passitvā pattaṃ bhūmiyaṃ nikkhipitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā āpattiṃ paṭikaronti. Manussā ujjhāyanti khiyyanti vipācenti – ‘‘jāyāyo imā imesaṃ, jāriyo imā imesaṃ, rattiṃ vimānetvā idāni khamāpentī’’ti. Bhagavato etamatthaṃ ārocesuṃ . ‘‘Na, bhikkhave, bhikkhūhi bhikkhunīnaṃ āpatti paṭiggahetabbā. Yo paṭiggaṇheyya, āpatti dukkaṭassa. Anujānāmi, bhikkhave, bhikkhunīhi bhikkhunīnaṃ āpattiṃ paṭiggahetu’’nti. Bhikkhuniyo na jānanti – ‘‘evaṃ āpatti paṭiggahetabbā’’ti. Bhagavato etamatthaṃ ārocesuṃ. ‘‘Anujānāmi, bhikkhave, bhikkhūhi bhikkhunīnaṃ ācikkhituṃ – ‘evaṃ āpattiṃ paṭiggaṇheyyāthā’’’ti.
409. д̇зна ко бана самаязна бхигкунийнам̣ гаммам̣ на гарияад̇и . бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхигкунийнам̣ гаммам̣ гаад̇у’’нд̇и. ат̇а ко бхигкуунам̣ зд̇ад̣̇ахоси – ‘‘гзна ну ко бхигкунийнам̣ гаммам̣ гаад̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхигкуухи бхигкунийнам̣ гаммам̣ гаад̇у’’нд̇и.
409. Tena kho pana samayena bhikkhunīnaṃ kammaṃ na kariyati . Bhagavato etamatthaṃ ārocesuṃ. ‘‘Anujānāmi, bhikkhave, bhikkhunīnaṃ kammaṃ kātu’’nti. Atha kho bhikkhūnaṃ etadahosi – ‘‘kena nu kho bhikkhunīnaṃ kammaṃ kātabba’’nti? Bhagavato etamatthaṃ ārocesuṃ. ‘‘Anujānāmi, bhikkhave, bhikkhūhi bhikkhunīnaṃ kammaṃ kātu’’nti.
д̇зна ко бана самаязна гад̇агаммаа бхигкунияо рат̇игааяаби б̣яуухзби син̇гхаадагзби бхигкум̣ бассид̇ваа бад̇д̇ам̣ бхуумияам̣ нигкибид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа камаабзнд̇и ‘звам̣ нууна гаад̇аб̣б̣а’нд̇и ман̃н̃амаанаа. мануссаа д̇ат̇зва уж̇жхааяанд̇и кияяанд̇и вибаажзнд̇и – ‘‘ж̇ааяааяо имаа имзсам̣, ж̇аарияо имаа имзсам̣, рад̇д̇им̣ вимаанзд̇ваа ид̣̇аани камаабзнд̇ий’’д̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, бхигкуухи бхигкунийнам̣ гаммам̣ гаад̇аб̣б̣ам̣. яо гарзяяа, аабад̇д̇и д̣̇уггадасса. ануж̇аанаами, бхигкавз, бхигкунийхи бхигкунийнам̣ гаммам̣ гаад̇у’’нд̇и. бхигкунияо на ж̇аананд̇и – ‘‘звам̣ гаммам̣ гаад̇аб̣б̣а’’нд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхигкуухи бхигкунийнам̣ аажигкид̇ум̣ – ‘звам̣ гаммам̣ гарзяяаат̇аа’’’д̇и.
Tena kho pana samayena katakammā bhikkhuniyo rathikāyapi byūhepi siṅghāṭakepi bhikkhuṃ passitvā pattaṃ bhūmiyaṃ nikkhipitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā khamāpenti ‘evaṃ nūna kātabba’nti maññamānā. Manussā tatheva ujjhāyanti khiyyanti vipācenti – ‘‘jāyāyo imā imesaṃ, jāriyo imā imesaṃ, rattiṃ vimānetvā idāni khamāpentī’’ti. Bhagavato etamatthaṃ ārocesuṃ. ‘‘Na, bhikkhave, bhikkhūhi bhikkhunīnaṃ kammaṃ kātabbaṃ. Yo kareyya, āpatti dukkaṭassa. Anujānāmi, bhikkhave, bhikkhunīhi bhikkhunīnaṃ kammaṃ kātu’’nti. Bhikkhuniyo na jānanti – ‘‘evaṃ kammaṃ kātabba’’nti. Bhagavato etamatthaṃ ārocesuṃ. ‘‘Anujānāmi, bhikkhave, bhikkhūhi bhikkhunīnaṃ ācikkhituṃ – ‘evaṃ kammaṃ kareyyāthā’’’ti.
410. д̇зна ко бана самаязна бхигкунияо сан̇гхамаж̇жхз бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и. на саггонд̇и д̇ам̣ ад̇хигаран̣ам̣ вуубасамзд̇ум̣. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхигкуухи бхигкунийнам̣ ад̇хигаран̣ам̣ вуубасамзд̇у’’нд̇и.
410. Tena kho pana samayena bhikkhuniyo saṅghamajjhe bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti. Na sakkonti taṃ adhikaraṇaṃ vūpasametuṃ. Bhagavato etamatthaṃ ārocesuṃ. ‘‘Anujānāmi, bhikkhave, bhikkhūhi bhikkhunīnaṃ adhikaraṇaṃ vūpasametu’’nti.
д̇зна ко бана самаязна бхигкуу бхигкунийнам̣ ад̇хигаран̣ам̣ вуубасамзнд̇и. д̇асмим̣ ко бана ад̇хигаран̣з винижчияамаанз д̣̇иссанд̇и бхигкунияо гаммаббад̇д̇ааяоби аабад̇д̇иг̇ааминияоби. бхигкунияо звамаахам̣су – ‘‘саад̇ху, бханд̇з, аяяаава бхигкунийнам̣ гаммам̣ гаронд̇у, аяяаава бхигкунийнам̣ аабад̇д̇им̣ бадиг̇г̇ан̣ханд̇у; зван̃хи бхаг̇авад̇аа бан̃н̃ад̇д̇ам̣ бхигкуухи бхигкунийнам̣ ад̇хигаран̣ам̣ вуубасамзд̇аб̣б̣а’’нд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхигкуухи бхигкунийнам̣ гаммам̣ ааробзд̇ваа бхигкунийнам̣ нияяаад̣̇зд̇ум̣ – бхигкунийхи бхигкунийнам̣ гаммам̣ гаад̇ум̣, бхигкуухи бхигкунийнам̣ аабад̇д̇им̣ ааробзд̇ваа бхигкунийнам̣ нияяаад̣̇зд̇ум̣, бхигкунийхи бхигкунийнам̣ аабад̇д̇им̣ бадиг̇г̇ахзд̇у’’нд̇и.
Tena kho pana samayena bhikkhū bhikkhunīnaṃ adhikaraṇaṃ vūpasamenti. Tasmiṃ kho pana adhikaraṇe vinicchiyamāne dissanti bhikkhuniyo kammappattāyopi āpattigāminiyopi. Bhikkhuniyo evamāhaṃsu – ‘‘sādhu, bhante, ayyāva bhikkhunīnaṃ kammaṃ karontu, ayyāva bhikkhunīnaṃ āpattiṃ paṭiggaṇhantu; evañhi bhagavatā paññattaṃ bhikkhūhi bhikkhunīnaṃ adhikaraṇaṃ vūpasametabba’’nti. Bhagavato etamatthaṃ ārocesuṃ. ‘‘Anujānāmi, bhikkhave, bhikkhūhi bhikkhunīnaṃ kammaṃ āropetvā bhikkhunīnaṃ niyyādetuṃ – bhikkhunīhi bhikkhunīnaṃ kammaṃ kātuṃ, bhikkhūhi bhikkhunīnaṃ āpattiṃ āropetvā bhikkhunīnaṃ niyyādetuṃ, bhikkhunīhi bhikkhunīnaṃ āpattiṃ paṭiggahetu’’nti.
д̇зна ко бана самаязна уббалаван̣н̣ааяа бхигкунияаа анд̇зваасиний бхигкуний сад̇д̇а вассаани бхаг̇аванд̇ам̣ ануб̣анд̇хаа ход̇и винаяам̣ барияаабун̣анд̇ий. д̇ассаа мудтассад̇инияаа г̇ахид̇о г̇ахид̇о муссад̇и. ассоси ко саа бхигкуний – ‘‘бхаг̇аваа гира саавад̇т̇им̣ г̇анд̇угаамо’’д̇и. ат̇а ко д̇ассаа бхигкунияаа зд̇ад̣̇ахоси – ‘‘ахам̣ ко сад̇д̇а вассаани бхаг̇аванд̇ам̣ ануб̣анд̇хим̣ винаяам̣ барияаабун̣анд̇ий. д̇ассаа мз мудтассад̇инияаа г̇ахид̇о г̇ахид̇о муссад̇и. д̣̇уггарам̣ ко бана маад̇уг̇аамзна яааваж̇ийвам̣ сад̇т̇аарам̣ ануб̣анд̇хид̇ум̣. гат̇ам̣ ну ко маяаа бадибаж̇ж̇ид̇аб̣б̣а’’нд̇и? ат̇а ко саа бхигкуний бхигкунийнам̣ зд̇амад̇т̇ам̣ аарожзси. бхигкунияо бхигкуунам̣ зд̇амад̇т̇ам̣ аарожзсум̣. бхигкуу бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхигкуухи бхигкунийнам̣ винаяам̣ ваажзд̇у’’нд̇и.
Tena kho pana samayena uppalavaṇṇāya bhikkhuniyā antevāsinī bhikkhunī satta vassāni bhagavantaṃ anubandhā hoti vinayaṃ pariyāpuṇantī. Tassā muṭṭhassatiniyā gahito gahito mussati. Assosi kho sā bhikkhunī – ‘‘bhagavā kira sāvatthiṃ gantukāmo’’ti. Atha kho tassā bhikkhuniyā etadahosi – ‘‘ahaṃ kho satta vassāni bhagavantaṃ anubandhiṃ vinayaṃ pariyāpuṇantī. Tassā me muṭṭhassatiniyā gahito gahito mussati. Dukkaraṃ kho pana mātugāmena yāvajīvaṃ satthāraṃ anubandhituṃ. Kathaṃ nu kho mayā paṭipajjitabba’’nti? Atha kho sā bhikkhunī bhikkhunīnaṃ etamatthaṃ ārocesi. Bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. ‘‘Anujānāmi, bhikkhave, bhikkhūhi bhikkhunīnaṃ vinayaṃ vācetu’’nti.
батамабхаан̣авааро нидтид̇о.
Paṭhamabhāṇavāro niṭṭhito.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / бхигкунийубасамбад̣̇аануж̇аананагат̇аа • Bhikkhunīupasampadānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бхигкунийубасамбаннаануж̇аананагат̇ааван̣н̣анаа • Bhikkhunīupasampannānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхигкунийубасамбад̣̇аануж̇аананагат̇ааван̣н̣анаа • Bhikkhunīupasampadānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бхигкунийубасамбад̣̇аануж̇аананагат̇ааван̣н̣анаа • Bhikkhunīupasampadānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / бхигкунийубасамбад̣̇аануж̇аананагат̇аа • Bhikkhunīupasampadānujānanakathā
