| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
бхигкунийубасамбаннаануж̇аананагат̇ааван̣н̣анаа
Bhikkhunīupasampannānujānanakathāvaṇṇanā
404-405. яад̣̇аг̇г̇знаад̇и яам̣ д̣̇ивасам̣ аад̣̇им̣ гад̇ваа. д̇ад̣̇зваад̇и д̇асмин̃н̃зва д̣̇ивасз. анун̃н̃ад̇д̇ияаад̇и анун̃н̃ааяа. згаахам̣, бханд̇з аананд̣̇а, бхаг̇аванд̇ам̣ варам̣ яаажаамийд̇и ‘‘звамзва ко ахам̣, бханд̇з аананд̣̇а, имз адта г̇аруд̇хаммз бадиг̇г̇ан̣хаами яааваж̇ийвам̣ анад̇иггаманийяз’’д̇и бадиж̇аанид̇ваа ид̣̇аани гасмаа варам̣ яаажад̇ийд̇и жз? баруубаваад̣̇авиваж̇ж̇анад̇т̇ам̣. зван̃хи гзжи вад̣̇зяяум̣ ‘‘махаабаж̇аабад̇ияаа батамам̣ самбадижчид̇ад̇д̇аа бхигкуунам̣ бхигкунийнан̃жа яат̇аавуд̣дхам̣ абхиваад̣̇анам̣ наахоси, саа жз варам̣ яаажзяяа, бхаг̇аваа ануж̇аанзяяаа’’д̇и.
404-405.Yadaggenāti yaṃ divasaṃ ādiṃ katvā. Tadevāti tasmiññeva divase. Anuññattiyāti anuññāya. Ekāhaṃ, bhante ānanda, bhagavantaṃ varaṃ yācāmīti ‘‘evameva kho ahaṃ, bhante ānanda, ime aṭṭha garudhamme paṭiggaṇhāmi yāvajīvaṃ anatikkamanīye’’ti paṭijānitvā idāni kasmā varaṃ yācatīti ce? Parūpavādavivajjanatthaṃ. Evañhi keci vadeyyuṃ ‘‘mahāpajāpatiyā paṭhamaṃ sampaṭicchitattā bhikkhūnaṃ bhikkhunīnañca yathāvuḍḍhaṃ abhivādanaṃ nāhosi, sā ce varaṃ yāceyya, bhagavā anujāneyyā’’ti.
406. сарааг̇ааяаад̇и сарааг̇абхаавааяа гаамарааг̇абхаварааг̇абариб̣рууханааяа. сан̃н̃ог̇ааяаад̇и ваддз сам̣яож̇анад̇т̇ааяа. аажаяааяаад̇и ваддасса вад̣дханад̇т̇ааяа. махижчад̇ааяаад̇и махижчабхаавааяа. асанд̇удтияаад̇и асанд̇удтибхаавааяа. сан̇г̇ан̣игааяаад̇и гилзсасан̇г̇ан̣аг̇ан̣асан̇г̇ан̣авихаарааяа. госаж̇ж̇ааяаад̇и гусийд̇абхаавааяа. д̣̇уб̣бхарад̇ааяаад̇и д̣̇уббосад̇ааяа. вирааг̇ааяаад̇и сагалаваддад̇о вираж̇ж̇анад̇т̇ааяа. висан̃н̃ог̇ааяаад̇и гаамарааг̇аад̣̇ийхи висам̣яуж̇ж̇анад̇т̇ааяа. абажаяааяаад̇и саб̣б̣ассаби ваддасса абажаяад̇т̇ааяа, ниб̣б̣аанааяаад̇и ад̇т̇о. аббижчад̇ааяаад̇и бажжаяаббижчад̇аад̣̇ивасзна саб̣б̣асо ижчаабаг̇амааяа. санд̇удтияаад̇и д̣̇ваад̣̇асавид̇хасанд̇удтибхаавааяа. бавивзгааяаад̇и бавивид̇д̇абхаавааяа гааяавивзгаад̣̇ид̇ад̣̇ан̇г̇авивзгаад̣̇ививзгасид̣̇д̇хияаа. вийрияаарамбхааяаад̇и гааяигасса жзва жзд̇асигасса жа вийрияасса баг̇г̇ан̣ханад̇т̇ааяа. субхарад̇ааяаад̇и сукабосанад̇т̇ааяа. звам̣ яо барияад̇д̇ид̇хаммо уг̇г̇ахан̣ад̇хааран̣абарибужчааманасигааравасзна яонисо бадибаж̇ж̇анд̇асса сарааг̇аад̣̇ибхаавабариваж̇ж̇анасса гааран̣ам̣ худ̇ваа вирааг̇аад̣̇ибхаавааяа сам̣вад̇д̇ад̇и, згам̣сад̇о зсо д̇хаммо, зсо винаяо саммад̣̇зва абааяаад̣̇ийсу абад̇анавасзна д̇хааран̣ад̇о гилзсаанам̣ винаяанад̇о, сад̇т̇у саммаасамб̣уд̣̇д̇хасса оваад̣̇аанусидтибхаавад̇о зд̇ам̣ сад̇т̇усаасананд̇и д̇хаарзяяааси ж̇аанзяяааси, аваб̣уж̇жхзяяаасийд̇и ад̇т̇о. имасмим̣ суд̇д̇з батамаваарзна ваддам̣, д̣̇уд̇ияаваарзна виваддам̣ гат̇ид̇ам̣.
406.Sarāgāyāti sarāgabhāvāya kāmarāgabhavarāgaparibrūhanāya. Saññogāyāti vaṭṭe saṃyojanatthāya. Ācayāyāti vaṭṭassa vaḍḍhanatthāya. Mahicchatāyāti mahicchabhāvāya. Asantuṭṭhiyāti asantuṭṭhibhāvāya. Saṅgaṇikāyāti kilesasaṅgaṇagaṇasaṅgaṇavihārāya. Kosajjāyāti kusītabhāvāya. Dubbharatāyāti dupposatāya. Virāgāyāti sakalavaṭṭato virajjanatthāya. Visaññogāyāti kāmarāgādīhi visaṃyujjanatthāya. Apacayāyāti sabbassapi vaṭṭassa apacayatthāya, nibbānāyāti attho. Appicchatāyāti paccayappicchatādivasena sabbaso icchāpagamāya. Santuṭṭhiyāti dvādasavidhasantuṭṭhibhāvāya. Pavivekāyāti pavivittabhāvāya kāyavivekāditadaṅgavivekādivivekasiddhiyā. Vīriyārambhāyāti kāyikassa ceva cetasikassa ca vīriyassa paggaṇhanatthāya. Subharatāyāti sukhaposanatthāya. Evaṃ yo pariyattidhammo uggahaṇadhāraṇaparipucchāmanasikāravasena yoniso paṭipajjantassa sarāgādibhāvaparivajjanassa kāraṇaṃ hutvā virāgādibhāvāya saṃvattati, ekaṃsato eso dhammo, eso vinayo sammadeva apāyādīsu apatanavasena dhāraṇato kilesānaṃ vinayanato, satthu sammāsambuddhassa ovādānusiṭṭhibhāvato etaṃ satthusāsananti dhāreyyāsi jāneyyāsi, avabujjheyyāsīti attho. Imasmiṃ sutte paṭhamavārena vaṭṭaṃ, dutiyavārena vivaṭṭaṃ kathitaṃ.
409-410. вимаанзд̇ваад̇и абараж̇жхид̇ваа. гаммаббад̇д̇ааяобийд̇и гаммаарахааби. аабад̇д̇иг̇ааминияобийд̇и аабад̇д̇иаабаннааяоби. вуд̇д̇анаязнзва гаарзд̇аб̣б̣ад̇ам̣ аабаж̇ж̇анд̇ийд̇и д̇ат̇аагаран̣асса бадигкид̇д̇ад̇д̇аа д̣̇уггадзна гаарзд̇аб̣б̣ад̇ам̣ аабаж̇ж̇анд̇и.
409-410.Vimānetvāti aparajjhitvā. Kammappattāyopīti kammārahāpi. Āpattigāminiyopīti āpattiāpannāyopi. Vuttanayeneva kāretabbataṃ āpajjantīti tathākaraṇassa paṭikkhittattā dukkaṭena kāretabbataṃ āpajjanti.
413-5. д̣̇вз д̇иссо бхигкунияод̇и д̣̇вийхи д̇ийхи бхигкунийхи. на аарожзнд̇ийд̇и баад̇имогкуд̣̇д̣̇зсагасса на аарожзнд̇и. на бажжаахаранд̇ийд̇и бхигкунийнам̣ на бажжаахаранд̇и. висзсаганд̇и вад̇д̇абхан̇г̇ам̣.
413-5.Dve tisso bhikkhuniyoti dvīhi tīhi bhikkhunīhi. Na ārocentīti pātimokkhuddesakassa na ārocenti. Na paccāharantīti bhikkhunīnaṃ na paccāharanti. Visesakanti vattabhaṅgaṃ.
420. д̇зна жа бхигку ниманд̇зд̇аб̣б̣од̇и саамийжид̣̇ассанамзд̇ам̣, на бана аниманд̇ияаа аабад̇д̇и.
420.Tena ca bhikkhu nimantetabboti sāmīcidassanametaṃ, na pana animantiyā āpatti.
425. д̇аяо ниссаязд̇и сзнаасананиссаяам̣ абанзд̇ваа абарз д̇аяо ниссаяз. ругкамууласзнаасанан̃хи саа на лабхад̇и.
425.Tayo nissayeti senāsananissayaṃ apanetvā apare tayo nissaye. Rukkhamūlasenāsanañhi sā na labhati.
428. ануваад̣̇ам̣ бадтабзнд̇ийд̇и иссарияам̣ бавад̇д̇знд̇и.
428.Anuvādaṃ paṭṭhapentīti issariyaṃ pavattenti.
430. бхигкуд̣̇ууд̇зна убасамбаад̣̇знд̇ийд̇и бхигкуязва д̣̇ууд̇о бхигкуд̣̇ууд̇о, д̇зна бхигкуд̣̇ууд̇зна, бхигкуд̣̇ууд̇ам̣ гад̇ваа убасамбаад̣̇знд̇ийд̇и ад̇т̇о.
430.Bhikkhudūtena upasampādentīti bhikkhuyeva dūto bhikkhudūto, tena bhikkhudūtena, bhikkhudūtaṃ katvā upasampādentīti attho.
431. на саммад̇ийд̇и наббаход̇и. навагамманд̇и навагаммам̣ гад̇ваа ‘‘зд̇д̇агаани вассаани васад̇уу’’д̇и абалогзд̇ваа сан̇гхигабхуумид̣̇аанам̣.
431.Na sammatīti nappahoti. Navakammanti navakammaṃ katvā ‘‘ettakāni vassāni vasatū’’ti apaloketvā saṅghikabhūmidānaṃ.
432. саннисиннаг̇аб̣бхаад̇и бад̇идтид̇аг̇аб̣бхаа.
432.Sannisinnagabbhāti patiṭṭhitagabbhā.
434. баб̣б̣аж̇ж̇амби на лабхад̇ийд̇и д̇ид̇т̇ааяад̇анасан̇ганд̇ааяа абхаб̣б̣абхаавуубаг̇аманад̇о на лабхад̇и. ид̣̇ам̣ од̣̇исса анун̃н̃аад̇ам̣ ваддад̇ийд̇и згад̇о ваа убхад̇о ваа авассавз сад̇иби од̣̇исса анун̃н̃аад̇ад̇д̇аа ваддад̇и. сзсамзд̇т̇а баал̣ид̇о адтагат̇аад̇о жа сувин̃н̃зяяамзваад̇и.
434.Pabbajjampi na labhatīti titthāyatanasaṅkantāya abhabbabhāvūpagamanato na labhati. Idaṃ odissa anuññātaṃ vaṭṭatīti ekato vā ubhato vā avassave satipi odissa anuññātattā vaṭṭati. Sesamettha pāḷito aṭṭhakathāto ca suviññeyyamevāti.
бхигкунийубасамбаннаануж̇аананагат̇ааван̣н̣анаа нидтид̇аа.
Bhikkhunīupasampannānujānanakathāvaṇṇanā niṭṭhitā.
бхигкунигканд̇хагаван̣н̣анаа нидтид̇аа.
Bhikkhunikkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
бхигкунийубасамбад̣̇аануж̇аананам̣ • Bhikkhunīupasampadānujānanaṃ
2. д̣̇уд̇ияабхаан̣авааро • 2. Dutiyabhāṇavāro
3. д̇ад̇ияабхаан̣авааро • 3. Tatiyabhāṇavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / бхигкунийубасамбад̣̇аануж̇аананагат̇аа • Bhikkhunīupasampadānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхигкунийубасамбад̣̇аануж̇аананагат̇ааван̣н̣анаа • Bhikkhunīupasampadānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бхигкунийубасамбад̣̇аануж̇аананагат̇ааван̣н̣анаа • Bhikkhunīupasampadānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / бхигкунийубасамбад̣̇аануж̇аананагат̇аа • Bhikkhunīupasampadānujānanakathā
