| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਭਿਕ੍ਖੁਨੀਉਪਸਮ੍ਪਨ੍ਨਾਨੁਜਾਨਨਕਥਾવਣ੍ਣਨਾ
Bhikkhunīupasampannānujānanakathāvaṇṇanā
੪੦੪-੪੦੫. ਯਦਗ੍ਗੇਨਾਤਿ ਯਂ ਦਿવਸਂ ਆਦਿਂ ਕਤ੍વਾ। ਤਦੇવਾਤਿ ਤਸ੍ਮਿਞ੍ਞੇવ ਦਿવਸੇ। ਅਨੁਞ੍ਞਤ੍ਤਿਯਾਤਿ ਅਨੁਞ੍ਞਾਯ। ਏਕਾਹਂ, ਭਨ੍ਤੇ ਆਨਨ੍ਦ, ਭਗવਨ੍ਤਂ વਰਂ ਯਾਚਾਮੀਤਿ ‘‘ਏવਮੇવ ਖੋ ਅਹਂ, ਭਨ੍ਤੇ ਆਨਨ੍ਦ, ਇਮੇ ਅਟ੍ਠ ਗਰੁਧਮ੍ਮੇ ਪਟਿਗ੍ਗਣ੍ਹਾਮਿ ਯਾવਜੀવਂ ਅਨਤਿਕ੍ਕਮਨੀਯੇ’’ਤਿ ਪਟਿਜਾਨਿਤ੍વਾ ਇਦਾਨਿ ਕਸ੍ਮਾ વਰਂ ਯਾਚਤੀਤਿ ਚੇ? ਪਰੂਪવਾਦવਿવਜ੍ਜਨਤ੍ਥਂ। ਏવਞ੍ਹਿ ਕੇਚਿ વਦੇਯ੍ਯੁਂ ‘‘ਮਹਾਪਜਾਪਤਿਯਾ ਪਠਮਂ ਸਮ੍ਪਟਿਚ੍ਛਿਤਤ੍ਤਾ ਭਿਕ੍ਖੂਨਂ ਭਿਕ੍ਖੁਨੀਨਞ੍ਚ ਯਥਾવੁਡ੍ਢਂ ਅਭਿવਾਦਨਂ ਨਾਹੋਸਿ, ਸਾ ਚੇ વਰਂ ਯਾਚੇਯ੍ਯ, ਭਗવਾ ਅਨੁਜਾਨੇਯ੍ਯਾ’’ਤਿ।
404-405.Yadaggenāti yaṃ divasaṃ ādiṃ katvā. Tadevāti tasmiññeva divase. Anuññattiyāti anuññāya. Ekāhaṃ, bhante ānanda, bhagavantaṃ varaṃ yācāmīti ‘‘evameva kho ahaṃ, bhante ānanda, ime aṭṭha garudhamme paṭiggaṇhāmi yāvajīvaṃ anatikkamanīye’’ti paṭijānitvā idāni kasmā varaṃ yācatīti ce? Parūpavādavivajjanatthaṃ. Evañhi keci vadeyyuṃ ‘‘mahāpajāpatiyā paṭhamaṃ sampaṭicchitattā bhikkhūnaṃ bhikkhunīnañca yathāvuḍḍhaṃ abhivādanaṃ nāhosi, sā ce varaṃ yāceyya, bhagavā anujāneyyā’’ti.
੪੦੬. ਸਰਾਗਾਯਾਤਿ ਸਰਾਗਭਾવਾਯ ਕਾਮਰਾਗਭવਰਾਗਪਰਿਬ੍ਰੂਹਨਾਯ। ਸਞ੍ਞੋਗਾਯਾਤਿ વਟ੍ਟੇ ਸਂਯੋਜਨਤ੍ਥਾਯ। ਆਚਯਾਯਾਤਿ વਟ੍ਟਸ੍ਸ વਡ੍ਢਨਤ੍ਥਾਯ। ਮਹਿਚ੍ਛਤਾਯਾਤਿ ਮਹਿਚ੍ਛਭਾવਾਯ। ਅਸਨ੍ਤੁਟ੍ਠਿਯਾਤਿ ਅਸਨ੍ਤੁਟ੍ਠਿਭਾવਾਯ। ਸਙ੍ਗਣਿਕਾਯਾਤਿ ਕਿਲੇਸਸਙ੍ਗਣਗਣਸਙ੍ਗਣવਿਹਾਰਾਯ। ਕੋਸਜ੍ਜਾਯਾਤਿ ਕੁਸੀਤਭਾવਾਯ। ਦੁਬ੍ਭਰਤਾਯਾਤਿ ਦੁਪ੍ਪੋਸਤਾਯ। વਿਰਾਗਾਯਾਤਿ ਸਕਲવਟ੍ਟਤੋ વਿਰਜ੍ਜਨਤ੍ਥਾਯ। વਿਸਞ੍ਞੋਗਾਯਾਤਿ ਕਾਮਰਾਗਾਦੀਹਿ વਿਸਂਯੁਜ੍ਜਨਤ੍ਥਾਯ। ਅਪਚਯਾਯਾਤਿ ਸਬ੍ਬਸ੍ਸਪਿ વਟ੍ਟਸ੍ਸ ਅਪਚਯਤ੍ਥਾਯ, ਨਿਬ੍ਬਾਨਾਯਾਤਿ ਅਤ੍ਥੋ। ਅਪ੍ਪਿਚ੍ਛਤਾਯਾਤਿ ਪਚ੍ਚਯਪ੍ਪਿਚ੍ਛਤਾਦਿવਸੇਨ ਸਬ੍ਬਸੋ ਇਚ੍ਛਾਪਗਮਾਯ। ਸਨ੍ਤੁਟ੍ਠਿਯਾਤਿ ਦ੍વਾਦਸવਿਧਸਨ੍ਤੁਟ੍ਠਿਭਾવਾਯ। ਪવਿવੇਕਾਯਾਤਿ ਪવਿવਿਤ੍ਤਭਾવਾਯ ਕਾਯવਿવੇਕਾਦਿਤਦਙ੍ਗવਿવੇਕਾਦਿવਿવੇਕਸਿਦ੍ਧਿਯਾ। વੀਰਿਯਾਰਮ੍ਭਾਯਾਤਿ ਕਾਯਿਕਸ੍ਸ ਚੇવ ਚੇਤਸਿਕਸ੍ਸ ਚ વੀਰਿਯਸ੍ਸ ਪਗ੍ਗਣ੍ਹਨਤ੍ਥਾਯ। ਸੁਭਰਤਾਯਾਤਿ ਸੁਖਪੋਸਨਤ੍ਥਾਯ। ਏવਂ ਯੋ ਪਰਿਯਤ੍ਤਿਧਮ੍ਮੋ ਉਗ੍ਗਹਣਧਾਰਣਪਰਿਪੁਚ੍ਛਾਮਨਸਿਕਾਰવਸੇਨ ਯੋਨਿਸੋ ਪਟਿਪਜ੍ਜਨ੍ਤਸ੍ਸ ਸਰਾਗਾਦਿਭਾવਪਰਿવਜ੍ਜਨਸ੍ਸ ਕਾਰਣਂ ਹੁਤ੍વਾ વਿਰਾਗਾਦਿਭਾવਾਯ ਸਂવਤ੍ਤਤਿ, ਏਕਂਸਤੋ ਏਸੋ ਧਮ੍ਮੋ, ਏਸੋ વਿਨਯੋ ਸਮ੍ਮਦੇવ ਅਪਾਯਾਦੀਸੁ ਅਪਤਨવਸੇਨ ਧਾਰਣਤੋ ਕਿਲੇਸਾਨਂ વਿਨਯਨਤੋ, ਸਤ੍ਥੁ ਸਮ੍ਮਾਸਮ੍ਬੁਦ੍ਧਸ੍ਸ ਓવਾਦਾਨੁਸਿਟ੍ਠਿਭਾવਤੋ ਏਤਂ ਸਤ੍ਥੁਸਾਸਨਨ੍ਤਿ ਧਾਰੇਯ੍ਯਾਸਿ ਜਾਨੇਯ੍ਯਾਸਿ, ਅવਬੁਜ੍ਝੇਯ੍ਯਾਸੀਤਿ ਅਤ੍ਥੋ। ਇਮਸ੍ਮਿਂ ਸੁਤ੍ਤੇ ਪਠਮવਾਰੇਨ વਟ੍ਟਂ, ਦੁਤਿਯવਾਰੇਨ વਿવਟ੍ਟਂ ਕਥਿਤਂ।
406.Sarāgāyāti sarāgabhāvāya kāmarāgabhavarāgaparibrūhanāya. Saññogāyāti vaṭṭe saṃyojanatthāya. Ācayāyāti vaṭṭassa vaḍḍhanatthāya. Mahicchatāyāti mahicchabhāvāya. Asantuṭṭhiyāti asantuṭṭhibhāvāya. Saṅgaṇikāyāti kilesasaṅgaṇagaṇasaṅgaṇavihārāya. Kosajjāyāti kusītabhāvāya. Dubbharatāyāti dupposatāya. Virāgāyāti sakalavaṭṭato virajjanatthāya. Visaññogāyāti kāmarāgādīhi visaṃyujjanatthāya. Apacayāyāti sabbassapi vaṭṭassa apacayatthāya, nibbānāyāti attho. Appicchatāyāti paccayappicchatādivasena sabbaso icchāpagamāya. Santuṭṭhiyāti dvādasavidhasantuṭṭhibhāvāya. Pavivekāyāti pavivittabhāvāya kāyavivekāditadaṅgavivekādivivekasiddhiyā. Vīriyārambhāyāti kāyikassa ceva cetasikassa ca vīriyassa paggaṇhanatthāya. Subharatāyāti sukhaposanatthāya. Evaṃ yo pariyattidhammo uggahaṇadhāraṇaparipucchāmanasikāravasena yoniso paṭipajjantassa sarāgādibhāvaparivajjanassa kāraṇaṃ hutvā virāgādibhāvāya saṃvattati, ekaṃsato eso dhammo, eso vinayo sammadeva apāyādīsu apatanavasena dhāraṇato kilesānaṃ vinayanato, satthu sammāsambuddhassa ovādānusiṭṭhibhāvato etaṃ satthusāsananti dhāreyyāsi jāneyyāsi, avabujjheyyāsīti attho. Imasmiṃ sutte paṭhamavārena vaṭṭaṃ, dutiyavārena vivaṭṭaṃ kathitaṃ.
੪੦੯-੪੧੦. વਿਮਾਨੇਤ੍વਾਤਿ ਅਪਰਜ੍ਝਿਤ੍વਾ। ਕਮ੍ਮਪ੍ਪਤ੍ਤਾਯੋਪੀਤਿ ਕਮ੍ਮਾਰਹਾਪਿ। ਆਪਤ੍ਤਿਗਾਮਿਨਿਯੋਪੀਤਿ ਆਪਤ੍ਤਿਆਪਨ੍ਨਾਯੋਪਿ। વੁਤ੍ਤਨਯੇਨੇવ ਕਾਰੇਤਬ੍ਬਤਂ ਆਪਜ੍ਜਨ੍ਤੀਤਿ ਤਥਾਕਰਣਸ੍ਸ ਪਟਿਕ੍ਖਿਤ੍ਤਤ੍ਤਾ ਦੁਕ੍ਕਟੇਨ ਕਾਰੇਤਬ੍ਬਤਂ ਆਪਜ੍ਜਨ੍ਤਿ।
409-410.Vimānetvāti aparajjhitvā. Kammappattāyopīti kammārahāpi. Āpattigāminiyopīti āpattiāpannāyopi. Vuttanayeneva kāretabbataṃ āpajjantīti tathākaraṇassa paṭikkhittattā dukkaṭena kāretabbataṃ āpajjanti.
੪੧੩-੫. ਦ੍વੇ ਤਿਸ੍ਸੋ ਭਿਕ੍ਖੁਨਿਯੋਤਿ ਦ੍વੀਹਿ ਤੀਹਿ ਭਿਕ੍ਖੁਨੀਹਿ। ਨ ਆਰੋਚੇਨ੍ਤੀਤਿ ਪਾਤਿਮੋਕ੍ਖੁਦ੍ਦੇਸਕਸ੍ਸ ਨ ਆਰੋਚੇਨ੍ਤਿ। ਨ ਪਚ੍ਚਾਹਰਨ੍ਤੀਤਿ ਭਿਕ੍ਖੁਨੀਨਂ ਨ ਪਚ੍ਚਾਹਰਨ੍ਤਿ। વਿਸੇਸਕਨ੍ਤਿ વਤ੍ਤਭਙ੍ਗਂ।
413-5.Dve tisso bhikkhuniyoti dvīhi tīhi bhikkhunīhi. Na ārocentīti pātimokkhuddesakassa na ārocenti. Na paccāharantīti bhikkhunīnaṃ na paccāharanti. Visesakanti vattabhaṅgaṃ.
੪੨੦. ਤੇਨ ਚ ਭਿਕ੍ਖੁ ਨਿਮਨ੍ਤੇਤਬ੍ਬੋਤਿ ਸਾਮੀਚਿਦਸ੍ਸਨਮੇਤਂ, ਨ ਪਨ ਅਨਿਮਨ੍ਤਿਯਾ ਆਪਤ੍ਤਿ।
420.Tena ca bhikkhu nimantetabboti sāmīcidassanametaṃ, na pana animantiyā āpatti.
੪੨੫. ਤਯੋ ਨਿਸ੍ਸਯੇਤਿ ਸੇਨਾਸਨਨਿਸ੍ਸਯਂ ਅਪਨੇਤ੍વਾ ਅਪਰੇ ਤਯੋ ਨਿਸ੍ਸਯੇ। ਰੁਕ੍ਖਮੂਲਸੇਨਾਸਨਞ੍ਹਿ ਸਾ ਨ ਲਭਤਿ।
425.Tayo nissayeti senāsananissayaṃ apanetvā apare tayo nissaye. Rukkhamūlasenāsanañhi sā na labhati.
੪੨੮. ਅਨੁવਾਦਂ ਪਟ੍ਠਪੇਨ੍ਤੀਤਿ ਇਸ੍ਸਰਿਯਂ ਪવਤ੍ਤੇਨ੍ਤਿ।
428.Anuvādaṃ paṭṭhapentīti issariyaṃ pavattenti.
੪੩੦. ਭਿਕ੍ਖੁਦੂਤੇਨ ਉਪਸਮ੍ਪਾਦੇਨ੍ਤੀਤਿ ਭਿਕ੍ਖੁਯੇવ ਦੂਤੋ ਭਿਕ੍ਖੁਦੂਤੋ, ਤੇਨ ਭਿਕ੍ਖੁਦੂਤੇਨ, ਭਿਕ੍ਖੁਦੂਤਂ ਕਤ੍વਾ ਉਪਸਮ੍ਪਾਦੇਨ੍ਤੀਤਿ ਅਤ੍ਥੋ।
430.Bhikkhudūtena upasampādentīti bhikkhuyeva dūto bhikkhudūto, tena bhikkhudūtena, bhikkhudūtaṃ katvā upasampādentīti attho.
੪੩੧. ਨ ਸਮ੍ਮਤੀਤਿ ਨਪ੍ਪਹੋਤਿ। ਨવਕਮ੍ਮਨ੍ਤਿ ਨવਕਮ੍ਮਂ ਕਤ੍વਾ ‘‘ਏਤ੍ਤਕਾਨਿ વਸ੍ਸਾਨਿ વਸਤੂ’’ਤਿ ਅਪਲੋਕੇਤ੍વਾ ਸਙ੍ਘਿਕਭੂਮਿਦਾਨਂ।
431.Na sammatīti nappahoti. Navakammanti navakammaṃ katvā ‘‘ettakāni vassāni vasatū’’ti apaloketvā saṅghikabhūmidānaṃ.
੪੩੨. ਸਨ੍ਨਿਸਿਨ੍ਨਗਬ੍ਭਾਤਿ ਪਤਿਟ੍ਠਿਤਗਬ੍ਭਾ।
432.Sannisinnagabbhāti patiṭṭhitagabbhā.
੪੩੪. ਪਬ੍ਬਜ੍ਜਮ੍ਪਿ ਨ ਲਭਤੀਤਿ ਤਿਤ੍ਥਾਯਤਨਸਙ੍ਕਨ੍ਤਾਯ ਅਭਬ੍ਬਭਾવੂਪਗਮਨਤੋ ਨ ਲਭਤਿ। ਇਦਂ ਓਦਿਸ੍ਸ ਅਨੁਞ੍ਞਾਤਂ વਟ੍ਟਤੀਤਿ ਏਕਤੋ વਾ ਉਭਤੋ વਾ ਅવਸ੍ਸવੇ ਸਤਿਪਿ ਓਦਿਸ੍ਸ ਅਨੁਞ੍ਞਾਤਤ੍ਤਾ વਟ੍ਟਤਿ। ਸੇਸਮੇਤ੍ਥ ਪਾਲ਼ਿਤੋ ਅਟ੍ਠਕਥਾਤੋ ਚ ਸੁવਿਞ੍ਞੇਯ੍ਯਮੇવਾਤਿ।
434.Pabbajjampi na labhatīti titthāyatanasaṅkantāya abhabbabhāvūpagamanato na labhati. Idaṃ odissa anuññātaṃ vaṭṭatīti ekato vā ubhato vā avassave satipi odissa anuññātattā vaṭṭati. Sesamettha pāḷito aṭṭhakathāto ca suviññeyyamevāti.
ਭਿਕ੍ਖੁਨੀਉਪਸਮ੍ਪਨ੍ਨਾਨੁਜਾਨਨਕਥਾવਣ੍ਣਨਾ ਨਿਟ੍ਠਿਤਾ।
Bhikkhunīupasampannānujānanakathāvaṇṇanā niṭṭhitā.
ਭਿਕ੍ਖੁਨਿਕ੍ਖਨ੍ਧਕવਣ੍ਣਨਾ ਨਿਟ੍ਠਿਤਾ।
Bhikkhunikkhandhakavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi
ਭਿਕ੍ਖੁਨੀਉਪਸਮ੍ਪਦਾਨੁਜਾਨਨਂ • Bhikkhunīupasampadānujānanaṃ
੨. ਦੁਤਿਯਭਾਣવਾਰੋ • 2. Dutiyabhāṇavāro
੩. ਤਤਿਯਭਾਣવਾਰੋ • 3. Tatiyabhāṇavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਭਿਕ੍ਖੁਨੀਉਪਸਮ੍ਪਦਾਨੁਜਾਨਨਕਥਾ • Bhikkhunīupasampadānujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਭਿਕ੍ਖੁਨੀਉਪਸਮ੍ਪਦਾਨੁਜਾਨਨਕਥਾવਣ੍ਣਨਾ • Bhikkhunīupasampadānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਭਿਕ੍ਖੁਨੀਉਪਸਮ੍ਪਦਾਨੁਜਾਨਨਕਥਾવਣ੍ਣਨਾ • Bhikkhunīupasampadānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਭਿਕ੍ਖੁਨੀਉਪਸਮ੍ਪਦਾਨੁਜਾਨਨਕਥਾ • Bhikkhunīupasampadānujānanakathā
