| Library / Tipiṭaka / திபிடக • Tipiṭaka / பரிவார-அட்ட²கதா² • Parivāra-aṭṭhakathā |
பி⁴க்கு²னோவாத³வக்³க³வண்ணனா
Bhikkhunovādavaggavaṇṇanā
450. பி⁴க்கு²னிவக்³கே³ – அலாபா⁴யாதி சதுன்னங் பச்சயானங் அலாப⁴த்தா²ய; யதா² பச்சயே ந லப⁴ந்தி, ததா² பரிஸக்கதி வாயமதீதி அத்தோ². அனத்தா²யாதி அனத்த²ங் கலிஸாஸனங் ஆரோபெந்தோ பரிஸக்கதி. அவாஸாயாதி அவாஸத்தா²ய; யஸ்மிங் கா³மகெ²த்தே வஸந்தி, ததோ நீஹரணத்தா²ய. ஸம்பயோஜேதீதி அஸத்³த⁴ம்மபடிஸேவனத்தா²ய ஸம்பயோஜேதி.
450. Bhikkhunivagge – alābhāyāti catunnaṃ paccayānaṃ alābhatthāya; yathā paccaye na labhanti, tathā parisakkati vāyamatīti attho. Anatthāyāti anatthaṃ kalisāsanaṃ āropento parisakkati. Avāsāyāti avāsatthāya; yasmiṃ gāmakhette vasanti, tato nīharaṇatthāya. Sampayojetīti asaddhammapaṭisevanatthāya sampayojeti.
451. ‘‘கதிஹி நு கோ² ப⁴ந்தே அங்கே³ஹி ஸமன்னாக³தாய பி⁴க்கு²னியா கம்மங் காதப்³ப³’’ந்தி ஸத்தன்னங் கம்மானங் அஞ்ஞதரங் ஸந்தா⁴ய புச்ச²தி.
451. ‘‘Katihi nu kho bhante aṅgehi samannāgatāya bhikkhuniyā kammaṃ kātabba’’nti sattannaṃ kammānaṃ aññataraṃ sandhāya pucchati.
454. ந ஸாகச்சா²தப்³போ³தி கப்பியாகப்பியனாமரூபபரிச்சே²த³ஸமத²விபஸ்ஸனாதி³பே⁴தோ³ கதா²மக்³கோ³ ந கதே²தப்³போ³. யஸ்மா பன கீ²ணாஸவோ பி⁴க்கு² ந விஸங்வாதே³தி, ததா²ரூபஸ்ஸ கதா²மக்³க³ஸ்ஸ ஸாமீ ஹுத்வா கதே²தி, ந இதரோ; தஸ்மா பட²மபஞ்சகே ‘‘ந அஸெக்கே²னா’’தி படிக்கி²பித்வா து³தியபஞ்சகே ‘‘அஸெக்கே²னா’’திஆதி³ வுத்தங்.
454.Na sākacchātabboti kappiyākappiyanāmarūpaparicchedasamathavipassanādibhedo kathāmaggo na kathetabbo. Yasmā pana khīṇāsavo bhikkhu na visaṃvādeti, tathārūpassa kathāmaggassa sāmī hutvā katheti, na itaro; tasmā paṭhamapañcake ‘‘na asekkhenā’’ti paṭikkhipitvā dutiyapañcake ‘‘asekkhenā’’tiādi vuttaṃ.
ந அத்த²படிஸம்பி⁴தா³பத்தோதி அட்ட²கதா²ய படிஸம்பி⁴தா³பத்தோ பபே⁴த³க³தஞாணப்பத்தோ ந ஹோதி. ந த⁴ம்மபடிஸம்பி⁴தா³பத்தோதி பாளித⁴ம்மே படிஸம்பி⁴தா³பத்தோ ந ஹோதி. ந நிருத்திபடிஸம்பி⁴தா³பத்தோதி வோஹாரனிருத்தியங் படிஸம்பி⁴தா³பத்தோ ந ஹோதி. ந படிபா⁴னபடிஸம்பி⁴தா³பத்தோதி யானி தானி படிபா⁴னஸங்கா²தானி அத்த²படிஸம்பி⁴தா³தீ³னி ஞாணானி, தேஸு படிஸம்பி⁴தா³பத்தோ ந ஹோதி. யதா²விமுத்தங் சித்தங் ந பச்சவெக்கி²தாதி சதுன்னங் ப²லவிமுத்தீனங் வஸேன யதா²விமுத்தங் சித்தங் ஏகூனவீஸதிபே⁴தா³ய பச்சவெக்க²ணாய ந பச்சவெக்கி²தா ஹோதி. ஸேஸங் ஸப்³ப³த்த² உத்தானமேவாதி.
Na atthapaṭisambhidāpattoti aṭṭhakathāya paṭisambhidāpatto pabhedagatañāṇappatto na hoti. Na dhammapaṭisambhidāpattoti pāḷidhamme paṭisambhidāpatto na hoti. Na niruttipaṭisambhidāpattoti vohāraniruttiyaṃ paṭisambhidāpatto na hoti. Na paṭibhānapaṭisambhidāpattoti yāni tāni paṭibhānasaṅkhātāni atthapaṭisambhidādīni ñāṇāni, tesu paṭisambhidāpatto na hoti. Yathāvimuttaṃcittaṃ na paccavekkhitāti catunnaṃ phalavimuttīnaṃ vasena yathāvimuttaṃ cittaṃ ekūnavīsatibhedāya paccavekkhaṇāya na paccavekkhitā hoti. Sesaṃ sabbattha uttānamevāti.
பி⁴க்கு²னோவாத³வக்³க³வண்ணனா நிட்டி²தா.
Bhikkhunovādavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 8. பி⁴க்கு²னோவாத³வக்³கோ³ • 8. Bhikkhunovādavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பி⁴க்கு²னோவாத³வக்³க³வண்ணனா • Bhikkhunovādavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பி⁴க்கு²னோவாத³வக்³க³வண்ணனா • Bhikkhunovādavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / வோஹாரவக்³கா³தி³வண்ணனா • Vohāravaggādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / பி⁴க்கு²னோவாத³வக்³க³வண்ணனா • Bhikkhunovādavaggavaṇṇanā
