| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
бхигкуноваад̣̇аваг̇г̇аван̣н̣анаа
Bhikkhunovādavaggavaṇṇanā
450. бхигкуниваг̇г̇з – алаабхааяаад̇и жад̇уннам̣ бажжаяаанам̣ алаабхад̇т̇ааяа; яат̇аа бажжаяз на лабханд̇и, д̇ат̇аа барисаггад̇и вааяамад̇ийд̇и ад̇т̇о. анад̇т̇ааяаад̇и анад̇т̇ам̣ галисаасанам̣ ааробзнд̇о барисаггад̇и. аваасааяаад̇и аваасад̇т̇ааяа; яасмим̣ г̇аамакзд̇д̇з васанд̇и, д̇ад̇о нийхаран̣ад̇т̇ааяа. самбаяож̇зд̇ийд̇и асад̣̇д̇хаммабадисзванад̇т̇ааяа самбаяож̇зд̇и.
450. Bhikkhunivagge – alābhāyāti catunnaṃ paccayānaṃ alābhatthāya; yathā paccaye na labhanti, tathā parisakkati vāyamatīti attho. Anatthāyāti anatthaṃ kalisāsanaṃ āropento parisakkati. Avāsāyāti avāsatthāya; yasmiṃ gāmakhette vasanti, tato nīharaṇatthāya. Sampayojetīti asaddhammapaṭisevanatthāya sampayojeti.
451. ‘‘гад̇ихи ну ко бханд̇з ан̇г̇зхи саманнааг̇ад̇ааяа бхигкунияаа гаммам̣ гаад̇аб̣б̣а’’нд̇и сад̇д̇аннам̣ гаммаанам̣ ан̃н̃ад̇арам̣ санд̇хааяа бужчад̇и.
451. ‘‘Katihi nu kho bhante aṅgehi samannāgatāya bhikkhuniyā kammaṃ kātabba’’nti sattannaṃ kammānaṃ aññataraṃ sandhāya pucchati.
454. на саагажчаад̇аб̣б̣од̇и габбияаагаббияанаамаруубабарижчзд̣̇асамат̇авибассанаад̣̇ибхзд̣̇о гат̇аамаг̇г̇о на гат̇зд̇аб̣б̣о. яасмаа бана кийн̣аасаво бхигку на висам̣ваад̣̇зд̇и, д̇ат̇ааруубасса гат̇аамаг̇г̇асса саамий худ̇ваа гат̇зд̇и, на ид̇аро; д̇асмаа батамабан̃жагз ‘‘на асзгкзнаа’’д̇и бадигкибид̇ваа д̣̇уд̇ияабан̃жагз ‘‘асзгкзнаа’’д̇иаад̣̇и вуд̇д̇ам̣.
454.Na sākacchātabboti kappiyākappiyanāmarūpaparicchedasamathavipassanādibhedo kathāmaggo na kathetabbo. Yasmā pana khīṇāsavo bhikkhu na visaṃvādeti, tathārūpassa kathāmaggassa sāmī hutvā katheti, na itaro; tasmā paṭhamapañcake ‘‘na asekkhenā’’ti paṭikkhipitvā dutiyapañcake ‘‘asekkhenā’’tiādi vuttaṃ.
на ад̇т̇абадисамбхид̣̇аабад̇д̇од̇и адтагат̇ааяа бадисамбхид̣̇аабад̇д̇о бабхзд̣̇аг̇ад̇ан̃аан̣аббад̇д̇о на ход̇и. на д̇хаммабадисамбхид̣̇аабад̇д̇од̇и баал̣ид̇хаммз бадисамбхид̣̇аабад̇д̇о на ход̇и. на нируд̇д̇ибадисамбхид̣̇аабад̇д̇од̇и вохааранируд̇д̇ияам̣ бадисамбхид̣̇аабад̇д̇о на ход̇и. на бадибхаанабадисамбхид̣̇аабад̇д̇од̇и яаани д̇аани бадибхаанасан̇каад̇аани ад̇т̇абадисамбхид̣̇аад̣̇ийни н̃аан̣аани, д̇зсу бадисамбхид̣̇аабад̇д̇о на ход̇и. яат̇аавимуд̇д̇ам̣ жид̇д̇ам̣ на бажжавзгкид̇аад̇и жад̇уннам̣ палавимуд̇д̇ийнам̣ васзна яат̇аавимуд̇д̇ам̣ жид̇д̇ам̣ згуунавийсад̇ибхзд̣̇ааяа бажжавзгкан̣ааяа на бажжавзгкид̇аа ход̇и. сзсам̣ саб̣б̣ад̇т̇а уд̇д̇аанамзваад̇и.
Na atthapaṭisambhidāpattoti aṭṭhakathāya paṭisambhidāpatto pabhedagatañāṇappatto na hoti. Na dhammapaṭisambhidāpattoti pāḷidhamme paṭisambhidāpatto na hoti. Na niruttipaṭisambhidāpattoti vohāraniruttiyaṃ paṭisambhidāpatto na hoti. Na paṭibhānapaṭisambhidāpattoti yāni tāni paṭibhānasaṅkhātāni atthapaṭisambhidādīni ñāṇāni, tesu paṭisambhidāpatto na hoti. Yathāvimuttaṃcittaṃ na paccavekkhitāti catunnaṃ phalavimuttīnaṃ vasena yathāvimuttaṃ cittaṃ ekūnavīsatibhedāya paccavekkhaṇāya na paccavekkhitā hoti. Sesaṃ sabbattha uttānamevāti.
бхигкуноваад̣̇аваг̇г̇аван̣н̣анаа нидтид̇аа.
Bhikkhunovādavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 8. бхигкуноваад̣̇аваг̇г̇о • 8. Bhikkhunovādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бхигкуноваад̣̇аваг̇г̇аван̣н̣анаа • Bhikkhunovādavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхигкуноваад̣̇аваг̇г̇аван̣н̣анаа • Bhikkhunovādavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаараваг̇г̇аад̣̇иван̣н̣анаа • Vohāravaggādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / бхигкуноваад̣̇аваг̇г̇аван̣н̣анаа • Bhikkhunovādavaggavaṇṇanā
