| Library / Tipiṭaka / ติปิฎก • Tipiṭaka / ปริวาร-อฎฺฐกถา • Parivāra-aṭṭhakathā |
ภิกฺขุโนวาทวคฺควณฺณนา
Bhikkhunovādavaggavaṇṇanā
๔๕๐. ภิกฺขุนิวเคฺค – อลาภายาติ จตุนฺนํ ปจฺจยานํ อลาภตฺถาย; ยถา ปจฺจเย น ลภนฺติ, ตถา ปริสกฺกติ วายมตีติ อโตฺถฯ อนตฺถายาติ อนตฺถํ กลิสาสนํ อาโรเปโนฺต ปริสกฺกติฯ อวาสายาติ อวาสตฺถาย; ยสฺมิํ คามเขเตฺต วสนฺติ, ตโต นีหรณตฺถายฯ สมฺปโยเชตีติ อสทฺธมฺมปฎิเสวนตฺถาย สมฺปโยเชติฯ
450. Bhikkhunivagge – alābhāyāti catunnaṃ paccayānaṃ alābhatthāya; yathā paccaye na labhanti, tathā parisakkati vāyamatīti attho. Anatthāyāti anatthaṃ kalisāsanaṃ āropento parisakkati. Avāsāyāti avāsatthāya; yasmiṃ gāmakhette vasanti, tato nīharaṇatthāya. Sampayojetīti asaddhammapaṭisevanatthāya sampayojeti.
๔๕๑. ‘‘กติหิ นุ โข ภเนฺต อเงฺคหิ สมนฺนาคตาย ภิกฺขุนิยา กมฺมํ กาตพฺพ’’นฺติ สตฺตนฺนํ กมฺมานํ อญฺญตรํ สนฺธาย ปุจฺฉติฯ
451. ‘‘Katihi nu kho bhante aṅgehi samannāgatāya bhikkhuniyā kammaṃ kātabba’’nti sattannaṃ kammānaṃ aññataraṃ sandhāya pucchati.
๔๕๔. น สากจฺฉาตโพฺพติ กปฺปิยากปฺปิยนามรูปปริเจฺฉทสมถวิปสฺสนาทิเภโท กถามโคฺค น กเถตโพฺพฯ ยสฺมา ปน ขีณาสโว ภิกฺขุ น วิสํวาเทติ, ตถารูปสฺส กถามคฺคสฺส สามี หุตฺวา กเถติ, น อิตโร; ตสฺมา ปฐมปญฺจเก ‘‘น อเสเกฺขนา’’ติ ปฎิกฺขิปิตฺวา ทุติยปญฺจเก ‘‘อเสเกฺขนา’’ติอาทิ วุตฺตํฯ
454.Na sākacchātabboti kappiyākappiyanāmarūpaparicchedasamathavipassanādibhedo kathāmaggo na kathetabbo. Yasmā pana khīṇāsavo bhikkhu na visaṃvādeti, tathārūpassa kathāmaggassa sāmī hutvā katheti, na itaro; tasmā paṭhamapañcake ‘‘na asekkhenā’’ti paṭikkhipitvā dutiyapañcake ‘‘asekkhenā’’tiādi vuttaṃ.
น อตฺถปฎิสมฺภิทาปโตฺตติ อฎฺฐกถาย ปฎิสมฺภิทาปโตฺต ปเภทคตญาณปฺปโตฺต น โหติฯ น ธมฺมปฎิสมฺภิทาปโตฺตติ ปาฬิธเมฺม ปฎิสมฺภิทาปโตฺต น โหติฯ น นิรุตฺติปฎิสมฺภิทาปโตฺตติ โวหารนิรุตฺติยํ ปฎิสมฺภิทาปโตฺต น โหติฯ น ปฎิภานปฎิสมฺภิทาปโตฺตติ ยานิ ตานิ ปฎิภานสงฺขาตานิ อตฺถปฎิสมฺภิทาทีนิ ญาณานิ, เตสุ ปฎิสมฺภิทาปโตฺต น โหติฯ ยถาวิมุตฺตํ จิตฺตํ น ปจฺจเวกฺขิตาติ จตุนฺนํ ผลวิมุตฺตีนํ วเสน ยถาวิมุตฺตํ จิตฺตํ เอกูนวีสติเภทาย ปจฺจเวกฺขณาย น ปจฺจเวกฺขิตา โหติฯ เสสํ สพฺพตฺถ อุตฺตานเมวาติฯ
Na atthapaṭisambhidāpattoti aṭṭhakathāya paṭisambhidāpatto pabhedagatañāṇappatto na hoti. Na dhammapaṭisambhidāpattoti pāḷidhamme paṭisambhidāpatto na hoti. Na niruttipaṭisambhidāpattoti vohāraniruttiyaṃ paṭisambhidāpatto na hoti. Na paṭibhānapaṭisambhidāpattoti yāni tāni paṭibhānasaṅkhātāni atthapaṭisambhidādīni ñāṇāni, tesu paṭisambhidāpatto na hoti. Yathāvimuttaṃcittaṃ na paccavekkhitāti catunnaṃ phalavimuttīnaṃ vasena yathāvimuttaṃ cittaṃ ekūnavīsatibhedāya paccavekkhaṇāya na paccavekkhitā hoti. Sesaṃ sabbattha uttānamevāti.
ภิกฺขุโนวาทวคฺควณฺณนา นิฎฺฐิตาฯ
Bhikkhunovādavaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๘. ภิกฺขุโนวาทวโคฺค • 8. Bhikkhunovādavaggo
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ภิกฺขุโนวาทวคฺควณฺณนา • Bhikkhunovādavaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ภิกฺขุโนวาทวคฺควณฺณนา • Bhikkhunovādavaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / โวหารวคฺคาทิวณฺณนา • Vohāravaggādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ภิกฺขุโนวาทวคฺควณฺณนา • Bhikkhunovādavaggavaṇṇanā
