| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਭਿਕ੍ਖੁਨੋવਾਦવਗ੍ਗવਣ੍ਣਨਾ
Bhikkhunovādavaggavaṇṇanā
੪੫੦. ਭਿਕ੍ਖੁਨਿવਗ੍ਗੇ – ਅਲਾਭਾਯਾਤਿ ਚਤੁਨ੍ਨਂ ਪਚ੍ਚਯਾਨਂ ਅਲਾਭਤ੍ਥਾਯ; ਯਥਾ ਪਚ੍ਚਯੇ ਨ ਲਭਨ੍ਤਿ, ਤਥਾ ਪਰਿਸਕ੍ਕਤਿ વਾਯਮਤੀਤਿ ਅਤ੍ਥੋ। ਅਨਤ੍ਥਾਯਾਤਿ ਅਨਤ੍ਥਂ ਕਲਿਸਾਸਨਂ ਆਰੋਪੇਨ੍ਤੋ ਪਰਿਸਕ੍ਕਤਿ। ਅવਾਸਾਯਾਤਿ ਅવਾਸਤ੍ਥਾਯ; ਯਸ੍ਮਿਂ ਗਾਮਖੇਤ੍ਤੇ વਸਨ੍ਤਿ, ਤਤੋ ਨੀਹਰਣਤ੍ਥਾਯ। ਸਮ੍ਪਯੋਜੇਤੀਤਿ ਅਸਦ੍ਧਮ੍ਮਪਟਿਸੇવਨਤ੍ਥਾਯ ਸਮ੍ਪਯੋਜੇਤਿ।
450. Bhikkhunivagge – alābhāyāti catunnaṃ paccayānaṃ alābhatthāya; yathā paccaye na labhanti, tathā parisakkati vāyamatīti attho. Anatthāyāti anatthaṃ kalisāsanaṃ āropento parisakkati. Avāsāyāti avāsatthāya; yasmiṃ gāmakhette vasanti, tato nīharaṇatthāya. Sampayojetīti asaddhammapaṭisevanatthāya sampayojeti.
੪੫੧. ‘‘ਕਤਿਹਿ ਨੁ ਖੋ ਭਨ੍ਤੇ ਅਙ੍ਗੇਹਿ ਸਮਨ੍ਨਾਗਤਾਯ ਭਿਕ੍ਖੁਨਿਯਾ ਕਮ੍ਮਂ ਕਾਤਬ੍ਬ’’ਨ੍ਤਿ ਸਤ੍ਤਨ੍ਨਂ ਕਮ੍ਮਾਨਂ ਅਞ੍ਞਤਰਂ ਸਨ੍ਧਾਯ ਪੁਚ੍ਛਤਿ।
451. ‘‘Katihi nu kho bhante aṅgehi samannāgatāya bhikkhuniyā kammaṃ kātabba’’nti sattannaṃ kammānaṃ aññataraṃ sandhāya pucchati.
੪੫੪. ਨ ਸਾਕਚ੍ਛਾਤਬ੍ਬੋਤਿ ਕਪ੍ਪਿਯਾਕਪ੍ਪਿਯਨਾਮਰੂਪਪਰਿਚ੍ਛੇਦਸਮਥવਿਪਸ੍ਸਨਾਦਿਭੇਦੋ ਕਥਾਮਗ੍ਗੋ ਨ ਕਥੇਤਬ੍ਬੋ। ਯਸ੍ਮਾ ਪਨ ਖੀਣਾਸવੋ ਭਿਕ੍ਖੁ ਨ વਿਸਂવਾਦੇਤਿ, ਤਥਾਰੂਪਸ੍ਸ ਕਥਾਮਗ੍ਗਸ੍ਸ ਸਾਮੀ ਹੁਤ੍વਾ ਕਥੇਤਿ, ਨ ਇਤਰੋ; ਤਸ੍ਮਾ ਪਠਮਪਞ੍ਚਕੇ ‘‘ਨ ਅਸੇਕ੍ਖੇਨਾ’’ਤਿ ਪਟਿਕ੍ਖਿਪਿਤ੍વਾ ਦੁਤਿਯਪਞ੍ਚਕੇ ‘‘ਅਸੇਕ੍ਖੇਨਾ’’ਤਿਆਦਿ વੁਤ੍ਤਂ।
454.Na sākacchātabboti kappiyākappiyanāmarūpaparicchedasamathavipassanādibhedo kathāmaggo na kathetabbo. Yasmā pana khīṇāsavo bhikkhu na visaṃvādeti, tathārūpassa kathāmaggassa sāmī hutvā katheti, na itaro; tasmā paṭhamapañcake ‘‘na asekkhenā’’ti paṭikkhipitvā dutiyapañcake ‘‘asekkhenā’’tiādi vuttaṃ.
ਨ ਅਤ੍ਥਪਟਿਸਮ੍ਭਿਦਾਪਤ੍ਤੋਤਿ ਅਟ੍ਠਕਥਾਯ ਪਟਿਸਮ੍ਭਿਦਾਪਤ੍ਤੋ ਪਭੇਦਗਤਞਾਣਪ੍ਪਤ੍ਤੋ ਨ ਹੋਤਿ। ਨ ਧਮ੍ਮਪਟਿਸਮ੍ਭਿਦਾਪਤ੍ਤੋਤਿ ਪਾਲ਼ਿਧਮ੍ਮੇ ਪਟਿਸਮ੍ਭਿਦਾਪਤ੍ਤੋ ਨ ਹੋਤਿ। ਨ ਨਿਰੁਤ੍ਤਿਪਟਿਸਮ੍ਭਿਦਾਪਤ੍ਤੋਤਿ વੋਹਾਰਨਿਰੁਤ੍ਤਿਯਂ ਪਟਿਸਮ੍ਭਿਦਾਪਤ੍ਤੋ ਨ ਹੋਤਿ। ਨ ਪਟਿਭਾਨਪਟਿਸਮ੍ਭਿਦਾਪਤ੍ਤੋਤਿ ਯਾਨਿ ਤਾਨਿ ਪਟਿਭਾਨਸਙ੍ਖਾਤਾਨਿ ਅਤ੍ਥਪਟਿਸਮ੍ਭਿਦਾਦੀਨਿ ਞਾਣਾਨਿ, ਤੇਸੁ ਪਟਿਸਮ੍ਭਿਦਾਪਤ੍ਤੋ ਨ ਹੋਤਿ। ਯਥਾવਿਮੁਤ੍ਤਂ ਚਿਤ੍ਤਂ ਨ ਪਚ੍ਚવੇਕ੍ਖਿਤਾਤਿ ਚਤੁਨ੍ਨਂ ਫਲવਿਮੁਤ੍ਤੀਨਂ વਸੇਨ ਯਥਾવਿਮੁਤ੍ਤਂ ਚਿਤ੍ਤਂ ਏਕੂਨવੀਸਤਿਭੇਦਾਯ ਪਚ੍ਚવੇਕ੍ਖਣਾਯ ਨ ਪਚ੍ਚવੇਕ੍ਖਿਤਾ ਹੋਤਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Na atthapaṭisambhidāpattoti aṭṭhakathāya paṭisambhidāpatto pabhedagatañāṇappatto na hoti. Na dhammapaṭisambhidāpattoti pāḷidhamme paṭisambhidāpatto na hoti. Na niruttipaṭisambhidāpattoti vohāraniruttiyaṃ paṭisambhidāpatto na hoti. Na paṭibhānapaṭisambhidāpattoti yāni tāni paṭibhānasaṅkhātāni atthapaṭisambhidādīni ñāṇāni, tesu paṭisambhidāpatto na hoti. Yathāvimuttaṃcittaṃ na paccavekkhitāti catunnaṃ phalavimuttīnaṃ vasena yathāvimuttaṃ cittaṃ ekūnavīsatibhedāya paccavekkhaṇāya na paccavekkhitā hoti. Sesaṃ sabbattha uttānamevāti.
ਭਿਕ੍ਖੁਨੋવਾਦવਗ੍ਗવਣ੍ਣਨਾ ਨਿਟ੍ਠਿਤਾ।
Bhikkhunovādavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੮. ਭਿਕ੍ਖੁਨੋવਾਦવਗ੍ਗੋ • 8. Bhikkhunovādavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਭਿਕ੍ਖੁਨੋવਾਦવਗ੍ਗવਣ੍ਣਨਾ • Bhikkhunovādavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਭਿਕ੍ਖੁਨੋવਾਦવਗ੍ਗવਣ੍ਣਨਾ • Bhikkhunovādavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વੋਹਾਰવਗ੍ਗਾਦਿવਣ੍ਣਨਾ • Vohāravaggādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਭਿਕ੍ਖੁਨੋવਾਦવਗ੍ਗવਣ੍ਣਨਾ • Bhikkhunovādavaggavaṇṇanā
