| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
3. பி⁴க்கு²னுபஸ்ஸயஸிக்கா²பத³வண்ணனா
3. Bhikkhunupassayasikkhāpadavaṇṇanā
162. ததியஸிக்கா²பதே³ – அஞ்ஞத்ர ஸமயா ஓவத³தி ஆபத்தி பாசித்தியஸ்ஸாதிஆதீ³ஸு அட்ட²ஹி க³ருத⁴ம்மேஹி ஓவத³ந்தஸ்ஸேவ பாசித்தியங், அஞ்ஞேன த⁴ம்மேன து³க்கடந்தி வேதி³தப்³ப³ங். ஏகதோஉபஸம்பன்னாயாதி பி⁴க்கு²னிஸங்கே⁴ உபஸம்பன்னாய, பி⁴க்கு²ஸங்கே⁴ உபஸம்பன்னாய பன ஓவத³தோ பாசித்தியமேவ. இதோ பரம்பி யத்த² யத்த² ‘‘ஏகதோஉபஸம்பன்னா’’தி வுச்சதி, ஸப்³ப³த்த² அயமேவ அத்தோ² த³ட்ட²ப்³போ³. ஸேஸங் உத்தானமேவ.
162. Tatiyasikkhāpade – aññatra samayā ovadati āpatti pācittiyassātiādīsu aṭṭhahi garudhammehi ovadantasseva pācittiyaṃ, aññena dhammena dukkaṭanti veditabbaṃ. Ekatoupasampannāyāti bhikkhunisaṅghe upasampannāya, bhikkhusaṅghe upasampannāya pana ovadato pācittiyameva. Ito parampi yattha yattha ‘‘ekatoupasampannā’’ti vuccati, sabbattha ayameva attho daṭṭhabbo. Sesaṃ uttānameva.
கதி²னஸமுட்டா²னங் – காயவாசதோ, காயவாசாசித்ததோ ச ஸமுட்டா²தி, கிரியங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், வசீகம்மங், திசித்தங், திவேத³னந்தி.
Kathinasamuṭṭhānaṃ – kāyavācato, kāyavācācittato ca samuṭṭhāti, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
பி⁴க்கு²னுபஸ்ஸயஸிக்கா²பத³ங் ததியங்.
Bhikkhunupassayasikkhāpadaṃ tatiyaṃ.
இத³ங் பனெத்த² மஹாபச்சரியங் வுத்தங் பகிண்ணகங் – அஸம்மதோ சே பி⁴க்கு² அத்த²ங்க³தே ஸூரியே பி⁴க்கு²னுபஸ்ஸயங் உபஸங்கமித்வா அட்ட²ஹி க³ருத⁴ம்மேஹி ஓவத³தி, தீணி பாசித்தியானி. அஞ்ஞேன த⁴ம்மேன ஓவத³தோ த்³வே து³க்கடானி, ஏகங் பாசித்தியங். கத²ங்? அஸம்மதமூலகங் து³க்கடங், உபஸ்ஸயங் க³ந்த்வா அஞ்ஞேன த⁴ம்மேன ஓவத³னமூலகங் து³க்கடங், அத்த²ங்க³தே ஸூரியே ஓவத³னமூலகங் பாசித்தியந்தி. ஸம்மதஸ்ஸ அத்த²ங்க³தே ஸூரியே தத்த² க³ந்த்வா அட்ட²ஹி க³ருத⁴ம்மேஹி ஓவத³ந்தஸ்ஸ ஏகா அனாபத்தி, த்³வே பாசித்தியானி. கத²ங்? ஸம்மதத்தா அனாபத்தி, அத்த²ங்க³தே ஸூரியே ஓவத³னமூலகங் ஏகங், க³ந்த்வா க³ருத⁴ம்மேஹி ஓவத³னமூலகங் ஏகந்தி த்³வே பாசித்தியானி. தஸ்ஸேவ அஞ்ஞேன த⁴ம்மேன ஓவத³தோ ஏகா அனாபத்தி, ஏகங் து³க்கடங், ஏகங் பாசித்தியங். கத²ங்? ஸம்மதத்தா அனாபத்தி, க³ந்த்வா அஞ்ஞேன த⁴ம்மேன ஓவத³னமூலகங் து³க்கடங், அத்த²ங்க³தே ஸூரியே ஓவத³னமூலகங் பாசித்தியந்தி. தி³வா பன க³ந்த்வா ஓவத³தோ ஸம்மதஸ்ஸ ச அஸம்மதஸ்ஸ ச ரத்திங் ஓவத³னமூலகங் ஏகங் பாசித்தியங் அபனெத்வா அவஸேஸா ஆபத்தானாபத்தியோ வேதி³தப்³பா³தி.
Idaṃ panettha mahāpaccariyaṃ vuttaṃ pakiṇṇakaṃ – asammato ce bhikkhu atthaṅgate sūriye bhikkhunupassayaṃ upasaṅkamitvā aṭṭhahi garudhammehi ovadati, tīṇi pācittiyāni. Aññena dhammena ovadato dve dukkaṭāni, ekaṃ pācittiyaṃ. Kathaṃ? Asammatamūlakaṃ dukkaṭaṃ, upassayaṃ gantvā aññena dhammena ovadanamūlakaṃ dukkaṭaṃ, atthaṅgate sūriye ovadanamūlakaṃ pācittiyanti. Sammatassa atthaṅgate sūriye tattha gantvā aṭṭhahi garudhammehi ovadantassa ekā anāpatti, dve pācittiyāni. Kathaṃ? Sammatattā anāpatti, atthaṅgate sūriye ovadanamūlakaṃ ekaṃ, gantvā garudhammehi ovadanamūlakaṃ ekanti dve pācittiyāni. Tasseva aññena dhammena ovadato ekā anāpatti, ekaṃ dukkaṭaṃ, ekaṃ pācittiyaṃ. Kathaṃ? Sammatattā anāpatti, gantvā aññena dhammena ovadanamūlakaṃ dukkaṭaṃ, atthaṅgate sūriye ovadanamūlakaṃ pācittiyanti. Divā pana gantvā ovadato sammatassa ca asammatassa ca rattiṃ ovadanamūlakaṃ ekaṃ pācittiyaṃ apanetvā avasesā āpattānāpattiyo veditabbāti.
பகிண்ணககதா² நிட்டி²தா.
Pakiṇṇakakathā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. ஓவாத³வக்³கோ³ • 3. Ovādavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. பி⁴க்கு²னுபஸ்ஸயஸிக்கா²பத³வண்ணனா • 3. Bhikkhunupassayasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 3. பி⁴க்கு²னுபஸ்ஸயஸிக்கா²பத³வண்ணனா • 3. Bhikkhunupassayasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 3. பி⁴க்கு²னுபஸ்ஸயஸிக்கா²பத³வண்ணனா • 3. Bhikkhunupassayasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 3. பி⁴க்கு²னுபஸ்ஸயஸிக்கா²பத³ங் • 3. Bhikkhunupassayasikkhāpadaṃ
