| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
3. бхигкунубассаяасигкаабад̣̇аван̣н̣анаа
3. Bhikkhunupassayasikkhāpadavaṇṇanā
162. д̇ад̇ияасигкаабад̣̇з – ан̃н̃ад̇ра самаяаа овад̣̇ад̇и аабад̇д̇и баажид̇д̇ияассаад̇иаад̣̇ийсу адтахи г̇аруд̇хаммзхи овад̣̇анд̇ассзва баажид̇д̇ияам̣, ан̃н̃зна д̇хаммзна д̣̇уггаданд̇и взд̣̇ид̇аб̣б̣ам̣. згад̇оубасамбаннааяаад̇и бхигкунисан̇гхз убасамбаннааяа, бхигкусан̇гхз убасамбаннааяа бана овад̣̇ад̇о баажид̇д̇ияамзва. ид̇о барамби яад̇т̇а яад̇т̇а ‘‘згад̇оубасамбаннаа’’д̇и вужжад̇и, саб̣б̣ад̇т̇а аяамзва ад̇т̇о д̣̇адтаб̣б̣о. сзсам̣ уд̇д̇аанамзва.
162. Tatiyasikkhāpade – aññatra samayā ovadati āpatti pācittiyassātiādīsu aṭṭhahi garudhammehi ovadantasseva pācittiyaṃ, aññena dhammena dukkaṭanti veditabbaṃ. Ekatoupasampannāyāti bhikkhunisaṅghe upasampannāya, bhikkhusaṅghe upasampannāya pana ovadato pācittiyameva. Ito parampi yattha yattha ‘‘ekatoupasampannā’’ti vuccati, sabbattha ayameva attho daṭṭhabbo. Sesaṃ uttānameva.
гат̇инасамудтаанам̣ – гааяаваажад̇о, гааяаваажаажид̇д̇ад̇о жа самудтаад̇и, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Kathinasamuṭṭhānaṃ – kāyavācato, kāyavācācittato ca samuṭṭhāti, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
бхигкунубассаяасигкаабад̣̇ам̣ д̇ад̇ияам̣.
Bhikkhunupassayasikkhāpadaṃ tatiyaṃ.
ид̣̇ам̣ банзд̇т̇а махаабажжарияам̣ вуд̇д̇ам̣ багин̣н̣агам̣ – асаммад̇о жз бхигку ад̇т̇ан̇г̇ад̇з суурияз бхигкунубассаяам̣ убасан̇гамид̇ваа адтахи г̇аруд̇хаммзхи овад̣̇ад̇и, д̇ийн̣и баажид̇д̇ияаани. ан̃н̃зна д̇хаммзна овад̣̇ад̇о д̣̇вз д̣̇уггадаани, згам̣ баажид̇д̇ияам̣. гат̇ам̣? асаммад̇амуулагам̣ д̣̇уггадам̣, убассаяам̣ г̇анд̇ваа ан̃н̃зна д̇хаммзна овад̣̇анамуулагам̣ д̣̇уггадам̣, ад̇т̇ан̇г̇ад̇з суурияз овад̣̇анамуулагам̣ баажид̇д̇ияанд̇и. саммад̇асса ад̇т̇ан̇г̇ад̇з суурияз д̇ад̇т̇а г̇анд̇ваа адтахи г̇аруд̇хаммзхи овад̣̇анд̇асса згаа анаабад̇д̇и, д̣̇вз баажид̇д̇ияаани. гат̇ам̣? саммад̇ад̇д̇аа анаабад̇д̇и, ад̇т̇ан̇г̇ад̇з суурияз овад̣̇анамуулагам̣ згам̣, г̇анд̇ваа г̇аруд̇хаммзхи овад̣̇анамуулагам̣ зганд̇и д̣̇вз баажид̇д̇ияаани. д̇ассзва ан̃н̃зна д̇хаммзна овад̣̇ад̇о згаа анаабад̇д̇и, згам̣ д̣̇уггадам̣, згам̣ баажид̇д̇ияам̣. гат̇ам̣? саммад̇ад̇д̇аа анаабад̇д̇и, г̇анд̇ваа ан̃н̃зна д̇хаммзна овад̣̇анамуулагам̣ д̣̇уггадам̣, ад̇т̇ан̇г̇ад̇з суурияз овад̣̇анамуулагам̣ баажид̇д̇ияанд̇и. д̣̇иваа бана г̇анд̇ваа овад̣̇ад̇о саммад̇асса жа асаммад̇асса жа рад̇д̇им̣ овад̣̇анамуулагам̣ згам̣ баажид̇д̇ияам̣ абанзд̇ваа авасзсаа аабад̇д̇аанаабад̇д̇ияо взд̣̇ид̇аб̣б̣аад̇и.
Idaṃ panettha mahāpaccariyaṃ vuttaṃ pakiṇṇakaṃ – asammato ce bhikkhu atthaṅgate sūriye bhikkhunupassayaṃ upasaṅkamitvā aṭṭhahi garudhammehi ovadati, tīṇi pācittiyāni. Aññena dhammena ovadato dve dukkaṭāni, ekaṃ pācittiyaṃ. Kathaṃ? Asammatamūlakaṃ dukkaṭaṃ, upassayaṃ gantvā aññena dhammena ovadanamūlakaṃ dukkaṭaṃ, atthaṅgate sūriye ovadanamūlakaṃ pācittiyanti. Sammatassa atthaṅgate sūriye tattha gantvā aṭṭhahi garudhammehi ovadantassa ekā anāpatti, dve pācittiyāni. Kathaṃ? Sammatattā anāpatti, atthaṅgate sūriye ovadanamūlakaṃ ekaṃ, gantvā garudhammehi ovadanamūlakaṃ ekanti dve pācittiyāni. Tasseva aññena dhammena ovadato ekā anāpatti, ekaṃ dukkaṭaṃ, ekaṃ pācittiyaṃ. Kathaṃ? Sammatattā anāpatti, gantvā aññena dhammena ovadanamūlakaṃ dukkaṭaṃ, atthaṅgate sūriye ovadanamūlakaṃ pācittiyanti. Divā pana gantvā ovadato sammatassa ca asammatassa ca rattiṃ ovadanamūlakaṃ ekaṃ pācittiyaṃ apanetvā avasesā āpattānāpattiyo veditabbāti.
багин̣н̣агагат̇аа нидтид̇аа.
Pakiṇṇakakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. бхигкунубассаяасигкаабад̣̇аван̣н̣анаа • 3. Bhikkhunupassayasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. бхигкунубассаяасигкаабад̣̇аван̣н̣анаа • 3. Bhikkhunupassayasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. бхигкунубассаяасигкаабад̣̇аван̣н̣анаа • 3. Bhikkhunupassayasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. бхигкунубассаяасигкаабад̣̇ам̣ • 3. Bhikkhunupassayasikkhāpadaṃ
