| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၃. ဘိက္ခုနုပသ္သယသိက္ခာပဒဝဏ္ဏနာ
3. Bhikkhunupassayasikkhāpadavaṇṇanā
၁၆၂. ‘‘ဧကရတ္တမ္ပိ ဝသန္တီ’’တိ (ပာစိ. ၁၆၁) ဝစနတော ယတ္ထ ရတ္တိယံ န ဝသန္တိ, တတ္ထ ဂန္တ္ဝာ ဩဝဒိတုံ ဝဋ္ဋတီတိ ဧကေ။ ယဒိ ဧဝံ သင္ကေတဋ္ဌာနံ ဂန္တ္ဝာ ဩဝဒိတုံ ဝဋ္ဋတီတိ သိဒ္ဓံ။ ‘‘တတော အဒ္ဓယောဇနေယေဝ သဘိက္ခုကော အာဝာသော ဣစ္ဆိတဗ္ဗော’’တိ န ဝတ္တဗ္ဗံ။ ဘိက္ခုနောဝာဒကော စေ အဒ္ဓယောဇနံ ဂန္တ္ဝာ ဩဝဒိတုကာမော ဟောတိ, ဘိက္ခုနိသင္ဃော စ အဒ္ဓယောဇနံ ဂန္တ္ဝာ သောတုကာမော, ‘‘ဝဋ္ဋတီ’’တိ ဝတ္တဗ္ဗံ သိယာ, တဉ္စ န ဝုတ္တံ, တသ္မာ န ဝဋ္ဋတိ။ ဟေဋ္ဌိမပရိစ္ဆေဒေန ပန ‘‘ဧကရတ္တမ္ပီ’’တိ ဝုတ္တံ။ တတော ပဋ္ဌာယ ဥပသ္သယံ ဟောတိ, န ဥပသ္သယသင္ခေပေန ကတမတ္တေနာတိ ဝုတ္တံ ဟောတိ။ ယတ္ထ ဝာသူပဂတာ ဘိက္ခုနိယော, သော ဥပသ္သယသင္ခ္ယံ ဂစ္ဆတိ, တတ္ထ န ဂန္တ္ဝာ ဩဝာဒော ဒာတဗ္ဗော။ ဧကာဝာသေ ဒိဝာ ဝဋ္ဋတီတိ ဧကေ, ဝိစာရေတ္ဝာ ယုတ္တတရံ ဂဟေတဗ္ဗံ။
162. ‘‘Ekarattampi vasantī’’ti (pāci. 161) vacanato yattha rattiyaṃ na vasanti, tattha gantvā ovadituṃ vaṭṭatīti eke. Yadi evaṃ saṅketaṭṭhānaṃ gantvā ovadituṃ vaṭṭatīti siddhaṃ. ‘‘Tato addhayojaneyeva sabhikkhuko āvāso icchitabbo’’ti na vattabbaṃ. Bhikkhunovādako ce addhayojanaṃ gantvā ovaditukāmo hoti, bhikkhunisaṅgho ca addhayojanaṃ gantvā sotukāmo, ‘‘vaṭṭatī’’ti vattabbaṃ siyā, tañca na vuttaṃ, tasmā na vaṭṭati. Heṭṭhimaparicchedena pana ‘‘ekarattampī’’ti vuttaṃ. Tato paṭṭhāya upassayaṃ hoti, na upassayasaṅkhepena katamattenāti vuttaṃ hoti. Yattha vāsūpagatā bhikkhuniyo, so upassayasaṅkhyaṃ gacchati, tattha na gantvā ovādo dātabbo. Ekāvāse divā vaṭṭatīti eke, vicāretvā yuttataraṃ gahetabbaṃ.
ဘိက္ခုနုပသ္သယသိက္ခာပဒဝဏ္ဏနာ နိဋ္ဌိတာ။
Bhikkhunupassayasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၃. ဩဝာဒဝဂ္ဂော • 3. Ovādavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၃. ဘိက္ခုနုပသ္သယသိက္ခာပဒဝဏ္ဏနာ • 3. Bhikkhunupassayasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၃. ဘိက္ခုနုပသ္သယသိက္ခာပဒဝဏ္ဏနာ • 3. Bhikkhunupassayasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၃. ဘိက္ခုနုပသ္သယသိက္ခာပဒဝဏ္ဏနာ • 3. Bhikkhunupassayasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၃. ဘိက္ခုနုပသ္သယသိက္ခာပဒံ • 3. Bhikkhunupassayasikkhāpadaṃ
