| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੩. ਭਿਕ੍ਖੁਨੁਪਸ੍ਸਯਸਿਕ੍ਖਾਪਦવਣ੍ਣਨਾ
3. Bhikkhunupassayasikkhāpadavaṇṇanā
੧੬੨. ਤਤਿਯਸਿਕ੍ਖਾਪਦੇ – ਅਞ੍ਞਤ੍ਰ ਸਮਯਾ ਓવਦਤਿ ਆਪਤ੍ਤਿ ਪਾਚਿਤ੍ਤਿਯਸ੍ਸਾਤਿਆਦੀਸੁ ਅਟ੍ਠਹਿ ਗਰੁਧਮ੍ਮੇਹਿ ਓવਦਨ੍ਤਸ੍ਸੇવ ਪਾਚਿਤ੍ਤਿਯਂ, ਅਞ੍ਞੇਨ ਧਮ੍ਮੇਨ ਦੁਕ੍ਕਟਨ੍ਤਿ વੇਦਿਤਬ੍ਬਂ। ਏਕਤੋਉਪਸਮ੍ਪਨ੍ਨਾਯਾਤਿ ਭਿਕ੍ਖੁਨਿਸਙ੍ਘੇ ਉਪਸਮ੍ਪਨ੍ਨਾਯ, ਭਿਕ੍ਖੁਸਙ੍ਘੇ ਉਪਸਮ੍ਪਨ੍ਨਾਯ ਪਨ ਓવਦਤੋ ਪਾਚਿਤ੍ਤਿਯਮੇવ। ਇਤੋ ਪਰਮ੍ਪਿ ਯਤ੍ਥ ਯਤ੍ਥ ‘‘ਏਕਤੋਉਪਸਮ੍ਪਨ੍ਨਾ’’ਤਿ વੁਚ੍ਚਤਿ, ਸਬ੍ਬਤ੍ਥ ਅਯਮੇવ ਅਤ੍ਥੋ ਦਟ੍ਠਬ੍ਬੋ। ਸੇਸਂ ਉਤ੍ਤਾਨਮੇવ।
162. Tatiyasikkhāpade – aññatra samayā ovadati āpatti pācittiyassātiādīsu aṭṭhahi garudhammehi ovadantasseva pācittiyaṃ, aññena dhammena dukkaṭanti veditabbaṃ. Ekatoupasampannāyāti bhikkhunisaṅghe upasampannāya, bhikkhusaṅghe upasampannāya pana ovadato pācittiyameva. Ito parampi yattha yattha ‘‘ekatoupasampannā’’ti vuccati, sabbattha ayameva attho daṭṭhabbo. Sesaṃ uttānameva.
ਕਥਿਨਸਮੁਟ੍ਠਾਨਂ – ਕਾਯવਾਚਤੋ, ਕਾਯવਾਚਾਚਿਤ੍ਤਤੋ ਚ ਸਮੁਟ੍ਠਾਤਿ, ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Kathinasamuṭṭhānaṃ – kāyavācato, kāyavācācittato ca samuṭṭhāti, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ਭਿਕ੍ਖੁਨੁਪਸ੍ਸਯਸਿਕ੍ਖਾਪਦਂ ਤਤਿਯਂ।
Bhikkhunupassayasikkhāpadaṃ tatiyaṃ.
ਇਦਂ ਪਨੇਤ੍ਥ ਮਹਾਪਚ੍ਚਰਿਯਂ વੁਤ੍ਤਂ ਪਕਿਣ੍ਣਕਂ – ਅਸਮ੍ਮਤੋ ਚੇ ਭਿਕ੍ਖੁ ਅਤ੍ਥਙ੍ਗਤੇ ਸੂਰਿਯੇ ਭਿਕ੍ਖੁਨੁਪਸ੍ਸਯਂ ਉਪਸਙ੍ਕਮਿਤ੍વਾ ਅਟ੍ਠਹਿ ਗਰੁਧਮ੍ਮੇਹਿ ਓવਦਤਿ, ਤੀਣਿ ਪਾਚਿਤ੍ਤਿਯਾਨਿ। ਅਞ੍ਞੇਨ ਧਮ੍ਮੇਨ ਓવਦਤੋ ਦ੍વੇ ਦੁਕ੍ਕਟਾਨਿ, ਏਕਂ ਪਾਚਿਤ੍ਤਿਯਂ। ਕਥਂ? ਅਸਮ੍ਮਤਮੂਲਕਂ ਦੁਕ੍ਕਟਂ, ਉਪਸ੍ਸਯਂ ਗਨ੍ਤ੍વਾ ਅਞ੍ਞੇਨ ਧਮ੍ਮੇਨ ਓવਦਨਮੂਲਕਂ ਦੁਕ੍ਕਟਂ, ਅਤ੍ਥਙ੍ਗਤੇ ਸੂਰਿਯੇ ਓવਦਨਮੂਲਕਂ ਪਾਚਿਤ੍ਤਿਯਨ੍ਤਿ। ਸਮ੍ਮਤਸ੍ਸ ਅਤ੍ਥਙ੍ਗਤੇ ਸੂਰਿਯੇ ਤਤ੍ਥ ਗਨ੍ਤ੍વਾ ਅਟ੍ਠਹਿ ਗਰੁਧਮ੍ਮੇਹਿ ਓવਦਨ੍ਤਸ੍ਸ ਏਕਾ ਅਨਾਪਤ੍ਤਿ, ਦ੍વੇ ਪਾਚਿਤ੍ਤਿਯਾਨਿ। ਕਥਂ? ਸਮ੍ਮਤਤ੍ਤਾ ਅਨਾਪਤ੍ਤਿ, ਅਤ੍ਥਙ੍ਗਤੇ ਸੂਰਿਯੇ ਓવਦਨਮੂਲਕਂ ਏਕਂ, ਗਨ੍ਤ੍વਾ ਗਰੁਧਮ੍ਮੇਹਿ ਓવਦਨਮੂਲਕਂ ਏਕਨ੍ਤਿ ਦ੍વੇ ਪਾਚਿਤ੍ਤਿਯਾਨਿ। ਤਸ੍ਸੇવ ਅਞ੍ਞੇਨ ਧਮ੍ਮੇਨ ਓવਦਤੋ ਏਕਾ ਅਨਾਪਤ੍ਤਿ, ਏਕਂ ਦੁਕ੍ਕਟਂ, ਏਕਂ ਪਾਚਿਤ੍ਤਿਯਂ। ਕਥਂ? ਸਮ੍ਮਤਤ੍ਤਾ ਅਨਾਪਤ੍ਤਿ, ਗਨ੍ਤ੍વਾ ਅਞ੍ਞੇਨ ਧਮ੍ਮੇਨ ਓવਦਨਮੂਲਕਂ ਦੁਕ੍ਕਟਂ, ਅਤ੍ਥਙ੍ਗਤੇ ਸੂਰਿਯੇ ਓવਦਨਮੂਲਕਂ ਪਾਚਿਤ੍ਤਿਯਨ੍ਤਿ। ਦਿવਾ ਪਨ ਗਨ੍ਤ੍વਾ ਓવਦਤੋ ਸਮ੍ਮਤਸ੍ਸ ਚ ਅਸਮ੍ਮਤਸ੍ਸ ਚ ਰਤ੍ਤਿਂ ਓવਦਨਮੂਲਕਂ ਏਕਂ ਪਾਚਿਤ੍ਤਿਯਂ ਅਪਨੇਤ੍વਾ ਅવਸੇਸਾ ਆਪਤ੍ਤਾਨਾਪਤ੍ਤਿਯੋ વੇਦਿਤਬ੍ਬਾਤਿ।
Idaṃ panettha mahāpaccariyaṃ vuttaṃ pakiṇṇakaṃ – asammato ce bhikkhu atthaṅgate sūriye bhikkhunupassayaṃ upasaṅkamitvā aṭṭhahi garudhammehi ovadati, tīṇi pācittiyāni. Aññena dhammena ovadato dve dukkaṭāni, ekaṃ pācittiyaṃ. Kathaṃ? Asammatamūlakaṃ dukkaṭaṃ, upassayaṃ gantvā aññena dhammena ovadanamūlakaṃ dukkaṭaṃ, atthaṅgate sūriye ovadanamūlakaṃ pācittiyanti. Sammatassa atthaṅgate sūriye tattha gantvā aṭṭhahi garudhammehi ovadantassa ekā anāpatti, dve pācittiyāni. Kathaṃ? Sammatattā anāpatti, atthaṅgate sūriye ovadanamūlakaṃ ekaṃ, gantvā garudhammehi ovadanamūlakaṃ ekanti dve pācittiyāni. Tasseva aññena dhammena ovadato ekā anāpatti, ekaṃ dukkaṭaṃ, ekaṃ pācittiyaṃ. Kathaṃ? Sammatattā anāpatti, gantvā aññena dhammena ovadanamūlakaṃ dukkaṭaṃ, atthaṅgate sūriye ovadanamūlakaṃ pācittiyanti. Divā pana gantvā ovadato sammatassa ca asammatassa ca rattiṃ ovadanamūlakaṃ ekaṃ pācittiyaṃ apanetvā avasesā āpattānāpattiyo veditabbāti.
ਪਕਿਣ੍ਣਕਕਥਾ ਨਿਟ੍ਠਿਤਾ।
Pakiṇṇakakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਓવਾਦવਗ੍ਗੋ • 3. Ovādavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਭਿਕ੍ਖੁਨੁਪਸ੍ਸਯਸਿਕ੍ਖਾਪਦવਣ੍ਣਨਾ • 3. Bhikkhunupassayasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. ਭਿਕ੍ਖੁਨੁਪਸ੍ਸਯਸਿਕ੍ਖਾਪਦવਣ੍ਣਨਾ • 3. Bhikkhunupassayasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੩. ਭਿਕ੍ਖੁਨੁਪਸ੍ਸਯਸਿਕ੍ਖਾਪਦવਣ੍ਣਨਾ • 3. Bhikkhunupassayasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਭਿਕ੍ਖੁਨੁਪਸ੍ਸਯਸਿਕ੍ਖਾਪਦਂ • 3. Bhikkhunupassayasikkhāpadaṃ
