| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. бхигкунубассаяасуд̇д̇ам̣
10. Bhikkhunupassayasuttaṃ
376. ат̇а ко ааяасмаа аананд̣̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна ан̃н̃ад̇аро бхигкунубассаяо д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко самб̣ахулаа бхигкунияо язнааяасмаа аананд̣̇о д̇знубасан̇гамим̣су; убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇аа бхигкунияо ааяасманд̇ам̣ аананд̣̇ам̣ зд̇ад̣̇авожум̣ –
376. Atha kho āyasmā ānando pubbaṇhasamayaṃ nivāsetvā pattacīvaramādāya yena aññataro bhikkhunupassayo tenupasaṅkami; upasaṅkamitvā paññatte āsane nisīdi. Atha kho sambahulā bhikkhuniyo yenāyasmā ānando tenupasaṅkamiṃsu; upasaṅkamitvā āyasmantaṃ ānandaṃ abhivādetvā ekamantaṃ nisīdiṃsu. Ekamantaṃ nisinnā kho tā bhikkhuniyo āyasmantaṃ ānandaṃ etadavocuṃ –
‘‘ид̇ха, бханд̇з аананд̣̇а, самб̣ахулаа бхигкунияо жад̇уусу сад̇ибадтаанзсу суббад̇идтид̇ажид̇д̇аа 1 вихаранд̇ияо ул̣аарам̣ буб̣б̣знаабарам̣ висзсам̣ сан̃ж̇аананд̇ий’’д̇и 2. ‘‘звамзд̇ам̣ , бхаг̇инияо, звамзд̇ам̣, бхаг̇инияо! яо хи гожи, бхаг̇инияо, бхигку ваа бхигкуний ваа жад̇уусу сад̇ибадтаанзсу суббад̇идтид̇ажид̇д̇о вихарад̇и, д̇ассзд̇ам̣ баадиган̇кам̣ – ‘ул̣аарам̣ буб̣б̣знаабарам̣ висзсам̣ сан̃ж̇ааниссад̇ий’’’д̇и.
‘‘Idha, bhante ānanda, sambahulā bhikkhuniyo catūsu satipaṭṭhānesu suppatiṭṭhitacittā 3 viharantiyo uḷāraṃ pubbenāparaṃ visesaṃ sañjānantī’’ti 4. ‘‘Evametaṃ , bhaginiyo, evametaṃ, bhaginiyo! Yo hi koci, bhaginiyo, bhikkhu vā bhikkhunī vā catūsu satipaṭṭhānesu suppatiṭṭhitacitto viharati, tassetaṃ pāṭikaṅkhaṃ – ‘uḷāraṃ pubbenāparaṃ visesaṃ sañjānissatī’’’ti.
ат̇а ко ааяасмаа аананд̣̇о д̇аа бхигкунияо д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами. ат̇а ко ааяасмаа аананд̣̇о саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язна бхаг̇аваа д̇знубасан̇гамим̣; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа –
Atha kho āyasmā ānando tā bhikkhuniyo dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi. Atha kho āyasmā ānando sāvatthiyaṃ piṇḍāya caritvā pacchābhattaṃ piṇḍapātapaṭikkanto yena bhagavā tenupasaṅkamiṃ; upasaṅkamitvā bhagavantaṃ abhivādetvā ekamantaṃ nisīdiṃ. Ekamantaṃ nisinno kho āyasmā ānando bhagavantaṃ etadavoca –
‘‘ид̇хаахам̣, бханд̇з, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна ан̃н̃ад̇аро бхигкунубассаяо д̇знубасан̇гамим̣; убасан̇гамид̇ваа бан̃н̃ад̇д̇з аасанз нисийд̣̇им̣. ат̇а ко, бханд̇з, самб̣ахулаа бхигкунияо язнаахам̣ д̇знубасан̇гамим̣су; убасан̇гамид̇ваа мам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко, бханд̇з, д̇аа бхигкунияо мам̣ зд̇ад̣̇авожум̣ – ‘ид̇ха, бханд̇з аананд̣̇а, самб̣ахулаа бхигкунияо жад̇уусу сад̇ибадтаанзсу суббад̇идтид̇ажид̇д̇аа вихаранд̇ияо ул̣аарам̣ буб̣б̣знаабарам̣ висзсам̣ сан̃ж̇аананд̇ий’д̇и. звам̣ вуд̇д̇аахам̣, бханд̇з, д̇аа бхигкунияо зд̇ад̣̇авожам̣ – ‘звамзд̇ам̣, бхаг̇инияо, звамзд̇ам̣, бхаг̇инияо! яо хи гожи, бхаг̇инияо, бхигку ваа бхигкуний ваа жад̇уусу сад̇ибадтаанзсу суббад̇идтид̇ажид̇д̇о вихарад̇и, д̇ассзд̇ам̣ баадиган̇кам̣ – ул̣аарам̣ буб̣б̣знаабарам̣ висзсам̣ сан̃ж̇ааниссад̇ий’’’д̇и.
‘‘Idhāhaṃ, bhante, pubbaṇhasamayaṃ nivāsetvā pattacīvaramādāya yena aññataro bhikkhunupassayo tenupasaṅkamiṃ; upasaṅkamitvā paññatte āsane nisīdiṃ. Atha kho, bhante, sambahulā bhikkhuniyo yenāhaṃ tenupasaṅkamiṃsu; upasaṅkamitvā maṃ abhivādetvā ekamantaṃ nisīdiṃsu. Ekamantaṃ nisinnā kho, bhante, tā bhikkhuniyo maṃ etadavocuṃ – ‘idha, bhante ānanda, sambahulā bhikkhuniyo catūsu satipaṭṭhānesu suppatiṭṭhitacittā viharantiyo uḷāraṃ pubbenāparaṃ visesaṃ sañjānantī’ti. Evaṃ vuttāhaṃ, bhante, tā bhikkhuniyo etadavocaṃ – ‘evametaṃ, bhaginiyo, evametaṃ, bhaginiyo! Yo hi koci, bhaginiyo, bhikkhu vā bhikkhunī vā catūsu satipaṭṭhānesu suppatiṭṭhitacitto viharati, tassetaṃ pāṭikaṅkhaṃ – uḷāraṃ pubbenāparaṃ visesaṃ sañjānissatī’’’ti.
‘‘звамзд̇ам̣, аананд̣̇а, звамзд̇ам̣, аананд̣̇а! яо хи гожи, аананд̣̇а, бхигку ваа бхигкуний ваа жад̇уусу сад̇ибадтаанзсу суббад̇идтид̇ажид̇д̇о вихарад̇и, д̇ассзд̇ам̣ баадиган̇кам̣ – ‘ул̣аарам̣ буб̣б̣знаабарам̣ висзсам̣ сан̃ж̇ааниссад̇и’’’ 5.
‘‘Evametaṃ, ānanda, evametaṃ, ānanda! Yo hi koci, ānanda, bhikkhu vā bhikkhunī vā catūsu satipaṭṭhānesu suppatiṭṭhitacitto viharati, tassetaṃ pāṭikaṅkhaṃ – ‘uḷāraṃ pubbenāparaṃ visesaṃ sañjānissati’’’ 6.
‘‘гад̇амзсу жад̇уусу? ид̇хаананд̣̇а, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. д̇асса гааяз гааяаанубассино вихарад̇о гааяаарамман̣о ваа уббаж̇ж̇ад̇и гааяасмим̣ барил̣аахо, жзд̇асо ваа лийнад̇д̇ам̣, б̣ахид̣̇д̇хаа ваа жид̇д̇ам̣ вигкибад̇и. д̇знаананд̣̇а 7, бхигкунаа гисмин̃жид̣̇зва басаад̣̇анийяз нимид̇д̇з жид̇д̇ам̣ бан̣ид̣̇ахид̇аб̣б̣ам̣. д̇асса гисмин̃жид̣̇зва басаад̣̇анийяз нимид̇д̇з жид̇д̇ам̣ бан̣ид̣̇ахад̇о баамож̇ж̇ам̣ ж̇ааяад̇и. бамуд̣̇ид̇асса бийд̇и ж̇ааяад̇и. бийд̇иманасса гааяо бассамбхад̇и. бассад̣̇д̇хагааяо сукам̣ взд̣̇аяад̇и 8. сукино жид̇д̇ам̣ самаад̇хияад̇и. со ид̇и бадисан̃жигкад̇и – ‘яасса кваахам̣ ад̇т̇ааяа жид̇д̇ам̣ бан̣ид̣̇ахим̣, со мз ад̇т̇о абхинибпанно. ханд̣̇а, д̣̇аани бадисам̣хараамий’д̇и. со бадисам̣харад̇и жзва на жа вид̇аггзд̇и на жа вижаарзд̇и. ‘авид̇аггомхи авижааро, аж̇жхад̇д̇ам̣ сад̇имаа сукамасмий’д̇и баж̇аанаад̇и’’.
‘‘Katamesu catūsu? Idhānanda, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ. Tassa kāye kāyānupassino viharato kāyārammaṇo vā uppajjati kāyasmiṃ pariḷāho, cetaso vā līnattaṃ, bahiddhā vā cittaṃ vikkhipati. Tenānanda 9, bhikkhunā kismiñcideva pasādanīye nimitte cittaṃ paṇidahitabbaṃ. Tassa kismiñcideva pasādanīye nimitte cittaṃ paṇidahato pāmojjaṃ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaṃ vedayati 10. Sukhino cittaṃ samādhiyati. So iti paṭisañcikkhati – ‘yassa khvāhaṃ atthāya cittaṃ paṇidahiṃ, so me attho abhinipphanno. Handa, dāni paṭisaṃharāmī’ti. So paṭisaṃharati ceva na ca vitakketi na ca vicāreti. ‘Avitakkomhi avicāro, ajjhattaṃ satimā sukhamasmī’ti pajānāti’’.
‘‘буна жабарам̣, аананд̣̇а, бхигку взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. д̇асса д̇хаммзсу д̇хаммаанубассино вихарад̇о д̇хаммаарамман̣о ваа уббаж̇ж̇ад̇и гааяасмим̣ барил̣аахо, жзд̇асо ваа лийнад̇д̇ам̣, б̣ахид̣̇д̇хаа ваа жид̇д̇ам̣ вигкибад̇и. д̇знаананд̣̇а, бхигкунаа гисмин̃жид̣̇зва басаад̣̇анийяз нимид̇д̇з жид̇д̇ам̣ бан̣ид̣̇ахид̇аб̣б̣ам̣. д̇асса гисмин̃жид̣̇зва басаад̣̇анийяз нимид̇д̇з жид̇д̇ам̣ бан̣ид̣̇ахад̇о баамож̇ж̇ам̣ ж̇ааяад̇и . бамуд̣̇ид̇асса бийд̇и ж̇ааяад̇и. бийд̇иманасса гааяо бассамбхад̇и. бассад̣̇д̇хагааяо сукам̣ взд̣̇аяад̇и. сукино жид̇д̇ам̣ самаад̇хияад̇и. со ид̇и бадисан̃жигкад̇и – ‘яасса кваахам̣ ад̇т̇ааяа жид̇д̇ам̣ бан̣ид̣̇ахим̣, со мз ад̇т̇о абхинибпанно. ханд̣̇а, д̣̇аани бадисам̣хараамий’д̇и. со бадисам̣харад̇и жзва на жа вид̇аггзд̇и на жа вижаарзд̇и. ‘авид̇аггомхи авижааро, аж̇жхад̇д̇ам̣ сад̇имаа сукамасмий’д̇и баж̇аанаад̇и. звам̣ ко, аананд̣̇а, бан̣ид̇хааяа бхааванаа ход̇и.
‘‘Puna caparaṃ, ānanda, bhikkhu vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Tassa dhammesu dhammānupassino viharato dhammārammaṇo vā uppajjati kāyasmiṃ pariḷāho, cetaso vā līnattaṃ, bahiddhā vā cittaṃ vikkhipati. Tenānanda, bhikkhunā kismiñcideva pasādanīye nimitte cittaṃ paṇidahitabbaṃ. Tassa kismiñcideva pasādanīye nimitte cittaṃ paṇidahato pāmojjaṃ jāyati . Pamuditassa pīti jāyati. Pītimanassa kāyo passambhati. Passaddhakāyo sukhaṃ vedayati. Sukhino cittaṃ samādhiyati. So iti paṭisañcikkhati – ‘yassa khvāhaṃ atthāya cittaṃ paṇidahiṃ, so me attho abhinipphanno. Handa, dāni paṭisaṃharāmī’ti. So paṭisaṃharati ceva na ca vitakketi na ca vicāreti. ‘Avitakkomhi avicāro, ajjhattaṃ satimā sukhamasmī’ti pajānāti. Evaṃ kho, ānanda, paṇidhāya bhāvanā hoti.
‘‘гат̇ан̃жаананд̣̇а , аббан̣ид̇хааяа бхааванаа ход̇и? б̣ахид̣̇д̇хаа , аананд̣̇а, бхигку жид̇д̇ам̣ аббан̣ид̇хааяа ‘аббан̣ихид̇ам̣ мз б̣ахид̣̇д̇хаа жид̇д̇а’нд̇и баж̇аанаад̇и. ат̇а бажчаабурз ‘асам̣кид̇д̇ам̣ вимуд̇д̇ам̣ аббан̣ихид̇а’нд̇и баж̇аанаад̇и. ат̇а жа бана ‘гааяз гааяаанубассий вихараами аад̇аабий самбаж̇аано сад̇имаа сукамасмий’д̇и баж̇аанаад̇и. б̣ахид̣̇д̇хаа, аананд̣̇а, бхигку жид̇д̇ам̣ аббан̣ид̇хааяа ‘аббан̣ихид̇ам̣ мз б̣ахид̣̇д̇хаа жид̇д̇а’нд̇и баж̇аанаад̇и. ат̇а бажчаабурз ‘асам̣кид̇д̇ам̣ вимуд̇д̇ам̣ аббан̣ихид̇а’нд̇и баж̇аанаад̇и. ат̇а жа бана ‘взд̣̇анаасу взд̣̇анаанубассий вихараами аад̇аабий самбаж̇аано сад̇имаа сукамасмий’д̇и баж̇аанаад̇и. б̣ахид̣̇д̇хаа, аананд̣̇а, бхигку жид̇д̇ам̣ аббан̣ид̇хааяа ‘аббан̣ихид̇ам̣ мз б̣ахид̣̇д̇хаа жид̇д̇а’нд̇и баж̇аанаад̇и. ат̇а бажчаабурз ‘асам̣кид̇д̇ам̣ вимуд̇д̇ам̣ аббан̣ихид̇а’нд̇и баж̇аанаад̇и. ат̇а жа бана ‘жид̇д̇з жид̇д̇аанубассий вихараами аад̇аабий самбаж̇аано сад̇имаа сукамасмий’д̇и баж̇аанаад̇и. б̣ахид̣̇д̇хаа, аананд̣̇а, бхигку жид̇д̇ам̣ аббан̣ид̇хааяа ‘аббан̣ихид̇ам̣ мз б̣ахид̣̇д̇хаа жид̇д̇а’нд̇и баж̇аанаад̇и. ат̇а бажчаабурз ‘асам̣кид̇д̇ам̣ вимуд̇д̇ам̣ аббан̣ихид̇а’нд̇и баж̇аанаад̇и. ат̇а жа бана ‘д̇хаммзсу д̇хаммаанубассий вихараами аад̇аабий самбаж̇аано сад̇имаа сукамасмий’д̇и баж̇аанаад̇и. звам̣ ко, аананд̣̇а, аббан̣ид̇хааяа бхааванаа ход̇и.
‘‘Kathañcānanda , appaṇidhāya bhāvanā hoti? Bahiddhā , ānanda, bhikkhu cittaṃ appaṇidhāya ‘appaṇihitaṃ me bahiddhā citta’nti pajānāti. Atha pacchāpure ‘asaṃkhittaṃ vimuttaṃ appaṇihita’nti pajānāti. Atha ca pana ‘kāye kāyānupassī viharāmi ātāpī sampajāno satimā sukhamasmī’ti pajānāti. Bahiddhā, ānanda, bhikkhu cittaṃ appaṇidhāya ‘appaṇihitaṃ me bahiddhā citta’nti pajānāti. Atha pacchāpure ‘asaṃkhittaṃ vimuttaṃ appaṇihita’nti pajānāti. Atha ca pana ‘vedanāsu vedanānupassī viharāmi ātāpī sampajāno satimā sukhamasmī’ti pajānāti. Bahiddhā, ānanda, bhikkhu cittaṃ appaṇidhāya ‘appaṇihitaṃ me bahiddhā citta’nti pajānāti. Atha pacchāpure ‘asaṃkhittaṃ vimuttaṃ appaṇihita’nti pajānāti. Atha ca pana ‘citte cittānupassī viharāmi ātāpī sampajāno satimā sukhamasmī’ti pajānāti. Bahiddhā, ānanda, bhikkhu cittaṃ appaṇidhāya ‘appaṇihitaṃ me bahiddhā citta’nti pajānāti. Atha pacchāpure ‘asaṃkhittaṃ vimuttaṃ appaṇihita’nti pajānāti. Atha ca pana ‘dhammesu dhammānupassī viharāmi ātāpī sampajāno satimā sukhamasmī’ti pajānāti. Evaṃ kho, ānanda, appaṇidhāya bhāvanā hoti.
‘‘ид̇и ко, аананд̣̇а, д̣̇зсид̇аа маяаа бан̣ид̇хааяа бхааванаа, д̣̇зсид̇аа аббан̣ид̇хааяа бхааванаа. яам̣, аананд̣̇а, сад̇т̇аараа гаран̣ийяам̣ саавагаанам̣ хид̇зсинаа анугамбагзна анугамбам̣ убаад̣̇ааяа, гад̇ам̣ во д̇ам̣ маяаа. зд̇аани, аананд̣̇а, ругкамуулаани, зд̇аани сун̃н̃ааг̇аараани! жхааяат̇аананд̣̇а, маа бамаад̣̇ад̇т̇а; маа бажчаа виббадисаарино ахувад̇т̇а! аяам̣ во амхаагам̣ анусаасаний’’д̇и.
‘‘Iti kho, ānanda, desitā mayā paṇidhāya bhāvanā, desitā appaṇidhāya bhāvanā. Yaṃ, ānanda, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. Etāni, ānanda, rukkhamūlāni, etāni suññāgārāni! Jhāyathānanda, mā pamādattha; mā pacchā vippaṭisārino ahuvattha! Ayaṃ vo amhākaṃ anusāsanī’’ti.
ид̣̇амавожа бхаг̇аваа. ад̇д̇амано ааяасмаа аананд̣̇о бхаг̇авад̇о бхаасид̇ам̣ абхинанд̣̇ийд̇и. д̣̇асамам̣.
Idamavoca bhagavā. Attamano āyasmā ānando bhagavato bhāsitaṃ abhinandīti. Dasamaṃ.
амб̣абааливаг̇г̇о батамо.
Ambapālivaggo paṭhamo.
д̇ассуд̣̇д̣̇аанам̣ –
Tassuddānaṃ –
амб̣абаали сад̇о бхигку, саалаа гусаларааси жа;
Ambapāli sato bhikkhu, sālā kusalarāsi ca;
сагун̣аг̇д̇хи маггадо сууд̣̇о, г̇илаано бхигкунубассаяод̇и.
Sakuṇagdhi makkaṭo sūdo, gilāno bhikkhunupassayoti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. бхигкунубассаяасуд̇д̇аван̣н̣анаа • 10. Bhikkhunupassayasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. бхигкунубассаяасуд̇д̇аван̣н̣анаа • 10. Bhikkhunupassayasuttavaṇṇanā
