| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. бхигкунубассаяасуд̇д̇аван̣н̣анаа
10. Bhikkhunupassayasuttavaṇṇanā
376. д̣̇асамз д̇знубасан̇гамийд̇и д̇асмим̣ убассаяз гаммадтаанагаммигаа бхигкунияо ад̇т̇и, д̇аасам̣ уссуггаабзд̇ваа гаммадтаанам̣ гат̇зссаамийд̇и убасан̇гами. ул̣аарам̣ буб̣б̣знаабарам̣ висзсанд̇и буб̣б̣ависзсад̇о абарам̣ ул̣аарависзсам̣. д̇ад̇т̇а махаабхууд̇абариг̇г̇ахо буб̣б̣ависзсо, убаад̣̇ааруубабариг̇г̇ахо абарависзсо наама. д̇ат̇аа сагаларуубабариг̇г̇ахо буб̣б̣ависзсо, аруубабариг̇г̇ахо абарависзсо наама. руубааруубабариг̇г̇ахо буб̣б̣ависзсо, бажжаяабариг̇г̇ахо абарависзсо наама саббажжаяанаамаруубад̣̇ассанам̣ буб̣б̣ависзсо, д̇илагкан̣ааробанам̣ абарависзсо наама. звам̣ буб̣б̣знаабарам̣ ул̣аарависзсам̣ ж̇аанаад̇ийд̇и ад̇т̇о.
376. Dasame tenupasaṅkamīti tasmiṃ upassaye kammaṭṭhānakammikā bhikkhuniyo atthi, tāsaṃ ussukkāpetvā kammaṭṭhānaṃ kathessāmīti upasaṅkami. Uḷāraṃ pubbenāparaṃ visesanti pubbavisesato aparaṃ uḷāravisesaṃ. Tattha mahābhūtapariggaho pubbaviseso, upādārūpapariggaho aparaviseso nāma. Tathā sakalarūpapariggaho pubbaviseso, arūpapariggaho aparaviseso nāma. Rūpārūpapariggaho pubbaviseso, paccayapariggaho aparaviseso nāma sappaccayanāmarūpadassanaṃ pubbaviseso, tilakkhaṇāropanaṃ aparaviseso nāma. Evaṃ pubbenāparaṃ uḷāravisesaṃ jānātīti attho.
гааяаарамман̣од̇и яам̣ гааяам̣ анубассад̇и, д̇амзва аарамман̣ам̣ гад̇ваа уббаж̇ж̇ад̇и гилзсабарил̣аахо. б̣ахид̣̇д̇хаа ваа жид̇д̇ам̣ вигкибад̇ийд̇и б̣ахид̣̇д̇хаа ваа бут̇уд̇д̇аарамман̣з жид̇д̇уббаад̣̇о вигкибад̇и. гисмин̃жид̣̇зва басаад̣̇анийяз нимид̇д̇з жид̇д̇ам̣ бан̣ид̣̇ахид̇аб̣б̣анд̇и звам̣ гилзсабарил̣аахз жа лийнад̇д̇з жа б̣ахид̣̇д̇хаавигкзбз жа уббаннз гилзсаануран̃ж̇ид̇зна на вад̇д̇ид̇аб̣б̣ам̣, гисмин̃жид̣̇зва басаад̣̇анийяз басаад̣̇аавахз б̣уд̣̇д̇хаад̣̇ийсу ан̃н̃ад̇арасмим̣ таанз гаммадтаанажид̇д̇ам̣ табзд̇аб̣б̣ам̣. жид̇д̇ам̣ самаад̇хияад̇ийд̇и аарамман̣з саммаа аад̇хияад̇и судту табид̇ам̣ табияад̇и. бадисам̣хараамийд̇и басаад̣̇анийяадтаанад̇о бадисам̣хараами, муулагаммадтаанаабхимукам̣язва нам̣ гаромийд̇и ад̇т̇о. со бадисам̣харад̇и жзваад̇и муулагаммадтаанаабхимукан̃жа бзсзд̇и. на жа вид̇аггзд̇и на жа вижаарзд̇ийд̇и гилзсавид̇аггам̣ на вид̇аггзд̇и, гилзсавижаарам̣ на вижаарзд̇и. авид̇аггомхи авижаарод̇и гилзсавид̇аггавижаарзхи авид̇аггаавижааро. аж̇жхад̇д̇ам̣ сад̇имаа сукамасмийд̇и г̇ожараж̇жхад̇д̇з бавад̇д̇ааяа сад̇ияаа ‘‘сад̇имаахамасми сукид̇о жаа’’д̇и баж̇аанаад̇и.
Kāyārammaṇoti yaṃ kāyaṃ anupassati, tameva ārammaṇaṃ katvā uppajjati kilesapariḷāho. Bahiddhā vā cittaṃ vikkhipatīti bahiddhā vā puthuttārammaṇe cittuppādo vikkhipati. Kismiñcideva pasādanīye nimitte cittaṃ paṇidahitabbanti evaṃ kilesapariḷāhe ca līnatte ca bahiddhāvikkhepe ca uppanne kilesānurañjitena na vattitabbaṃ, kismiñcideva pasādanīye pasādāvahe buddhādīsu aññatarasmiṃ ṭhāne kammaṭṭhānacittaṃ ṭhapetabbaṃ. Cittaṃ samādhiyatīti ārammaṇe sammā ādhiyati suṭṭhu ṭhapitaṃ ṭhapiyati. Paṭisaṃharāmīti pasādanīyaṭṭhānato paṭisaṃharāmi, mūlakammaṭṭhānābhimukhaṃyeva naṃ karomīti attho. So paṭisaṃharati cevāti mūlakammaṭṭhānābhimukhañca peseti. Na ca vitakketi na ca vicāretīti kilesavitakkaṃ na vitakketi, kilesavicāraṃ na vicāreti. Avitakkomhi avicāroti kilesavitakkavicārehi avitakkāvicāro. Ajjhattaṃ satimā sukhamasmīti gocarajjhatte pavattāya satiyā ‘‘satimāhamasmi sukhito cā’’ti pajānāti.
звам̣ ко, аананд̣̇а, бан̣ид̇хааяа бхааванаа ход̇ийд̇и звам̣, аананд̣̇а, табзд̇ваа бхааванаа ход̇и. имасса хи бхигкуно яат̇аа наама бурисасса маханд̇ам̣ ужчубхаарам̣ угкибид̇ваа яанд̇асаалам̣ нзнд̇асса гиланд̇агиланд̇агаалз бхуумияам̣ табзд̇ваа ужчукан̣д̣ам̣ каад̣̇ид̇ваа буна угкибид̇ваа г̇аманам̣ ход̇и; звамзва арахад̇д̇ам̣ баабун̣ид̇ум̣ уг̇г̇ахид̇агаммадтаанасса гааяабарил̣аахаад̣̇ийсу уббаннзсу д̇ам̣ гаммадтаанам̣ табзд̇ваа б̣уд̣̇д̇хаг̇ун̣аад̣̇иануссаран̣зна жид̇д̇ам̣ басаад̣̇зд̇ваа гамманияам̣ гад̇ваа бхааванаа бавад̇д̇аа, д̇асмаа ‘‘бан̣ид̇хааяа бхааванаа ход̇ий’’д̇и вуд̇д̇ам̣. д̇асса бана бурисасса ужчубхаарам̣ яанд̇асаалам̣ нзд̇ваа бийл̣зд̇ваа расабаанам̣ вияа имасса бхигкуно гаммадтаанам̣ мад̇т̇агам̣ баабзд̇ваа арахад̇д̇ам̣ бад̇д̇асса паласамаабад̇д̇исукаанубхаванам̣ взд̣̇ид̇аб̣б̣ам̣.
Evaṃ kho, ānanda, paṇidhāya bhāvanā hotīti evaṃ, ānanda, ṭhapetvā bhāvanā hoti. Imassa hi bhikkhuno yathā nāma purisassa mahantaṃ ucchubhāraṃ ukkhipitvā yantasālaṃ nentassa kilantakilantakāle bhūmiyaṃ ṭhapetvā ucchukhaṇḍaṃ khāditvā puna ukkhipitvā gamanaṃ hoti; evameva arahattaṃ pāpuṇituṃ uggahitakammaṭṭhānassa kāyapariḷāhādīsu uppannesu taṃ kammaṭṭhānaṃ ṭhapetvā buddhaguṇādianussaraṇena cittaṃ pasādetvā kammaniyaṃ katvā bhāvanā pavattā, tasmā ‘‘paṇidhāya bhāvanā hotī’’ti vuttaṃ. Tassa pana purisassa ucchubhāraṃ yantasālaṃ netvā pīḷetvā rasapānaṃ viya imassa bhikkhuno kammaṭṭhānaṃ matthakaṃ pāpetvā arahattaṃ pattassa phalasamāpattisukhānubhavanaṃ veditabbaṃ.
б̣ахид̣̇д̇хаад̇и муулагаммадтаанам̣ бахааяа б̣ахи ан̃н̃асмим̣ аарамман̣з. аббан̣ид̇хааяаад̇и адтабзд̇ваа. ат̇а бажчаа бурз асам̣кид̇д̇ам̣ вимуд̇д̇ам̣ аббан̣ихид̇анд̇и баж̇аанаад̇ийд̇и зд̇т̇а гаммадтаанавасзна ваа сарийравасзна ваа д̣̇зсанаавасзна ваа ад̇т̇о взд̣̇ид̇аб̣б̣о.
Bahiddhāti mūlakammaṭṭhānaṃ pahāya bahi aññasmiṃ ārammaṇe. Appaṇidhāyāti aṭṭhapetvā. Atha pacchā pure asaṃkhittaṃ vimuttaṃ appaṇihitanti pajānātīti ettha kammaṭṭhānavasena vā sarīravasena vā desanāvasena vā attho veditabbo.
д̇ад̇т̇а гаммадтаанз д̇аава гаммадтаанасса абхинивзсо бурз наама, арахад̇д̇ам̣ бажчаа наама. д̇ад̇т̇а яо бхигку муулагаммадтаанам̣ г̇ахзд̇ваа гилзсабарил̣аахасса ваа лийнад̇д̇асса ваа б̣ахид̣̇д̇хаавигкзбасса ваа уббаж̇ж̇ид̇ум̣ огаасам̣ ад̣̇знд̇о суд̣̇анд̇аг̇он̣з яож̇зд̇ваа саарзнд̇о вияа жад̇урассажчид̣̇д̣̇з суд̇ажчид̇ам̣ жад̇урассагхадигам̣ багкибанд̇о вияа вибассанам̣ бадтабзд̇ваа ад̇идтанд̇о алаг̇г̇анд̇о арахад̇д̇ам̣ баабун̣аад̇и, со бурзсан̇каад̇асса гаммадтаанаабхинивзсасса бажчаасан̇каад̇асса арахад̇д̇асса жа васзна бажчаа бурз асам̣кид̇д̇ам̣ вимуд̇д̇ам̣ аббан̣ихид̇анд̇и баж̇аанаад̇и наама.
Tattha kammaṭṭhāne tāva kammaṭṭhānassa abhiniveso pure nāma, arahattaṃ pacchā nāma. Tattha yo bhikkhu mūlakammaṭṭhānaṃ gahetvā kilesapariḷāhassa vā līnattassa vā bahiddhāvikkhepassa vā uppajjituṃ okāsaṃ adento sudantagoṇe yojetvā sārento viya caturassacchidde sutacchitaṃ caturassaghaṭikaṃ pakkhipanto viya vipassanaṃ paṭṭhapetvā atiṭṭhanto alagganto arahattaṃ pāpuṇāti, so puresaṅkhātassa kammaṭṭhānābhinivesassa pacchāsaṅkhātassa arahattassa ca vasena pacchā pure asaṃkhittaṃ vimuttaṃ appaṇihitanti pajānāti nāma.
сарийрз бана баад̣̇ан̇г̇улийнам̣ аг̇г̇абаб̣б̣аани бурз наама, сийсагадаахам̣ бажчаа наама. д̇ад̇т̇а яо бхигку баад̣̇ан̇г̇улийнам̣ аг̇г̇абаб̣б̣аадтигзсу абхинивисид̇ваа б̣яаабхан̇г̇ияаа яавагалаабам̣ можзнд̇о вияа ван̣н̣асан̣таанад̣̇исогаасабарижчзд̣̇авасзна адтийни бариг̇г̇ан̣ханд̇о анд̇араа гилзсабарил̣аахаад̣̇ийнам̣ уббад̇д̇им̣ ваарзд̇ваа яаава сийсагадаахаа бхааванам̣ баабзд̇и, со бурзсан̇каад̇аанам̣ аг̇г̇абаад̣̇ан̇г̇улибаб̣б̣аанам̣ бажчаасан̇каад̇асса сийсагадаахасса жа васзна бажчаа бурз асам̣кид̇д̇ам̣ вимуд̇д̇ам̣ аббан̣ихид̇анд̇и баж̇аанаад̇и наама.
Sarīre pana pādaṅgulīnaṃ aggapabbāni pure nāma, sīsakaṭāhaṃ pacchā nāma. Tattha yo bhikkhu pādaṅgulīnaṃ aggapabbaaṭṭhikesu abhinivisitvā byābhaṅgiyā yavakalāpaṃ mocento viya vaṇṇasaṇṭhānadisokāsaparicchedavasena aṭṭhīni pariggaṇhanto antarā kilesapariḷāhādīnaṃ uppattiṃ vāretvā yāva sīsakaṭāhā bhāvanaṃ pāpeti, so puresaṅkhātānaṃ aggapādaṅgulipabbānaṃ pacchāsaṅkhātassa sīsakaṭāhassa ca vasena pacchā pure asaṃkhittaṃ vimuttaṃ appaṇihitanti pajānāti nāma.
д̣̇зсанааяаби д̣̇вад̇д̇им̣саагаарад̣̇зсанааяа гзсаа бурз наама, мад̇т̇алун̇г̇ам̣ бажчаа наама. д̇ад̇т̇а яо бхигку гзсзсу абхинивисид̇ваа ван̣н̣асан̣таанад̣̇исогаасавасзна гзсаад̣̇аяо бариг̇г̇ан̣ханд̇о анд̇араа гилзсабарил̣аахаад̣̇ийнам̣ уббад̇д̇им̣ ваарзд̇ваа яаава мад̇т̇алун̇г̇аа бхааванам̣ баабзд̇и. со бурзсан̇каад̇аанам̣ гзсаанам̣ бажчаасан̇каад̇асса мад̇т̇алун̇г̇асса жа васзна бажчаа бурз асам̣кид̇д̇ам̣ вимуд̇д̇ам̣ аббан̣ихид̇анд̇и баж̇аанаад̇и наама.
Desanāyapi dvattiṃsākāradesanāya kesā pure nāma, matthaluṅgaṃ pacchā nāma. Tattha yo bhikkhu kesesu abhinivisitvā vaṇṇasaṇṭhānadisokāsavasena kesādayo pariggaṇhanto antarā kilesapariḷāhādīnaṃ uppattiṃ vāretvā yāva matthaluṅgā bhāvanaṃ pāpeti. So puresaṅkhātānaṃ kesānaṃ pacchāsaṅkhātassa matthaluṅgassa ca vasena pacchā pure asaṃkhittaṃ vimuttaṃ appaṇihitanti pajānāti nāma.
звам̣ ко, аананд̣̇а, аббан̣ид̇хааяа бхааванаа ход̇ийд̇и звам̣, аананд̣̇а, адтабзд̇ваа бхааванаа ход̇и. имасса хи бхигкуно яат̇аа наама бурисасса г̇ул̣абхаарам̣ лабхид̇ваа ад̇д̇ано г̇аамам̣ ад̇ихаранд̇асса анд̇араа адтабзд̇ваава ужжан̇г̇з багкид̇д̇аани г̇ул̣акан̣д̣аад̣̇ийни каад̣̇анийяаани каад̣̇анд̇асса ад̇д̇ано г̇аамзязва од̇аран̣ам̣ ход̇и, звамзва арахад̇д̇ам̣ баабун̣ид̇ум̣ аарад̣̇д̇хабхааванасса гааяабарил̣аахаад̣̇ийнам̣ уббад̇д̇им̣ ваарзд̇ваа гаммадтаанабхааванаа бавад̇д̇аа, д̇асмаа ‘‘аббан̣ид̇хааяа бхааванаа’’д̇и вуд̇д̇аа. д̇асса бана бурисасса д̇ам̣ г̇ул̣абхаарам̣ ад̇д̇ано г̇аамам̣ нзд̇ваа н̃аад̇ийхи сад̣̇д̇хим̣ барибхог̇о вияа имасса бхигкуно гаммадтаанам̣ мад̇т̇агам̣ баабзд̇ваа арахад̇д̇ам̣ бад̇д̇асса паласамаабад̇д̇исукаанубхаванам̣ взд̣̇ид̇аб̣б̣ам̣. имасмим̣ суд̇д̇з буб̣б̣абхааг̇авибассанаа гат̇ид̇аа. сзсам̣ саб̣б̣ад̇т̇а уд̇д̇аанамзваад̇и.
Evaṃ kho, ānanda, appaṇidhāya bhāvanā hotīti evaṃ, ānanda, aṭṭhapetvā bhāvanā hoti. Imassa hi bhikkhuno yathā nāma purisassa guḷabhāraṃ labhitvā attano gāmaṃ atiharantassa antarā aṭṭhapetvāva uccaṅge pakkhittāni guḷakhaṇḍādīni khādanīyāni khādantassa attano gāmeyeva otaraṇaṃ hoti, evameva arahattaṃ pāpuṇituṃ āraddhabhāvanassa kāyapariḷāhādīnaṃ uppattiṃ vāretvā kammaṭṭhānabhāvanā pavattā, tasmā ‘‘appaṇidhāya bhāvanā’’ti vuttā. Tassa pana purisassa taṃ guḷabhāraṃ attano gāmaṃ netvā ñātīhi saddhiṃ paribhogo viya imassa bhikkhuno kammaṭṭhānaṃ matthakaṃ pāpetvā arahattaṃ pattassa phalasamāpattisukhānubhavanaṃ veditabbaṃ. Imasmiṃ sutte pubbabhāgavipassanā kathitā. Sesaṃ sabbattha uttānamevāti.
амб̣абааливаг̇г̇о батамо.
Ambapālivaggo paṭhamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. бхигкунубассаяасуд̇д̇ам̣ • 10. Bhikkhunupassayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. бхигкунубассаяасуд̇д̇аван̣н̣анаа • 10. Bhikkhunupassayasuttavaṇṇanā
