| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਭਿਕ੍ਖੁਨੁਪਸ੍ਸਯਸੁਤ੍ਤવਣ੍ਣਨਾ
10. Bhikkhunupassayasuttavaṇṇanā
੩੭੬. ਕਮ੍ਮਟ੍ਠਾਨਕਮ੍ਮਿਕਾਤਿ ਕਮ੍ਮਟ੍ਠਾਨਮਨੁਯੁਤ੍ਤਾ। વਿਸੇਸੇਤੀਤਿ વਿਸੇਸੋ, ਅਤਿਸਯੋ, ਸ੍વਾਯਂ ਪੁਬ੍ਬਾਪਰવਿਸੇਸੋ ਉਪਾਦਾਯੁਪਾਦਾਯ ਗਹੇਤਬ੍ਬੋਤਿ ਤਂ ਦਸ੍ਸੇਤੁਂ ‘‘ਤਤ੍ਥਾ’’ਤਿਆਦਿਮਾਹ।
376.Kammaṭṭhānakammikāti kammaṭṭhānamanuyuttā. Visesetīti viseso, atisayo, svāyaṃ pubbāparaviseso upādāyupādāya gahetabboti taṃ dassetuṃ ‘‘tatthā’’tiādimāha.
ਉਪ੍ਪਜ੍ਜਤਿ ਕਿਲੇਸਪਰਿਲ਼ਾਹੋਤਿ ਕਾਯੇ ਅਸੁਭਾਦਿવਸੇਨ ਮਨਸਿਕਾਰਂ ਅਦਹਨ੍ਤਸ੍ਸ ਮਨਸਿਕਾਰਸ੍ਸ વੀਥਿਯਂ ਅਪਟਿਪਨ੍ਨਤਾ ਸੁਭਾਦਿવਸੇਨ ਕਾਯਾਰਮ੍ਮਣੋ ਕਿਲੇਸਪਰਿਲ਼ਾਹੋ ਚ ਉਪ੍ਪਜ੍ਜਤਿ। વੀਰਿਯਾਰਮ੍ਭਸ੍ਸ ਅਭਾવੇਨ ਤਸ੍ਮਿਂ ਆਰਮ੍ਮਣੇ ਚੇਤਸੋ વਾ ਲੀਨਤ੍ਤਂ ਹੋਤਿ, ਗੋਚਰਜ੍ਝਤ੍ਤਤੋ ਬਹਿਦ੍ਧਾ ਪੁਥੁਤ੍ਤਾਰਮ੍ਮਣੇ ਚਿਤ੍ਤਂ વਿਕ੍ਖਿਪਤਿ। ਏવਂ ਕਿਲੇਸਪਰਿਲ਼ਾਹੇ ਚਾਤਿਆਦਿਨਾ ਤਿવਿਧਮ੍ਪਿ ਭਾવਨਾਨੁਯੋਗਸ੍ਸ ਕਿਲੇਸવਤ੍ਥੁਭਾવਂ ਉਪਾਦਾਯ ਸਮੁਚ੍ਚਯવਸੇਨ ਅਟ੍ਠਕਥਾਯਂ વੁਤ੍ਤਂ। ਯਸ੍ਮਾ ਪਨ ਤੇ ਪਰਿਲ਼ਾਹਲੀਨਤ੍ਤવਿਕ੍ਖੇਪਾ ਏਕਜ੍ਝਂ ਨ ਪવਤ੍ਤਨ੍ਤਿ, ਤਸ੍ਮਾ ਪਾਲ਼ਿਯਂ ‘‘ਕਾਯਾਰਮ੍ਮਣੋ વਾ’’ਤਿਆਦਿਨਾ ਅਨਿਯਮਤ੍ਥੋ વਾ-ਸਦ੍ਦੋ ਗਹਿਤੋ। ਕਿਲੇਸਾਨੁਰਞ੍ਜਿਤੇਨਾਤਿ ਕਿਲੇਸવਿવਣ੍ਣਿਤਚਿਤ੍ਤੇਨ ਹੁਤ੍વਾ ਨ વਤ੍ਤਿਤਬ੍ਬਂ। ਕਥਂ ਪਨ વਤ੍ਤਿਤਬ੍ਬਨ੍ਤਿ ਆਹ ‘‘ਕਿਸ੍ਮਿਞ੍ਚਿਦੇવਾ’’ਤਿ। ਨ ਚ વਿਤਕ੍ਕੇਤਿ ਨ ਚ વਿਚਾਰੇਤੀਤਿ ਕਿਲੇਸਸਹਗਤੇ વਿਤਕ੍ਕવਿਚਾਰੇ ਨ ਪવਤ੍ਤੇਤਿ। ਸੁਖਿਤੋਤਿ ਝਾਨਸੁਖੇਨ ਸੁਖਿਤੋ।
Uppajjatikilesapariḷāhoti kāye asubhādivasena manasikāraṃ adahantassa manasikārassa vīthiyaṃ apaṭipannatā subhādivasena kāyārammaṇo kilesapariḷāho ca uppajjati. Vīriyārambhassa abhāvena tasmiṃ ārammaṇe cetaso vā līnattaṃ hoti, gocarajjhattato bahiddhā puthuttārammaṇe cittaṃ vikkhipati. Evaṃ kilesapariḷāhe cātiādinā tividhampi bhāvanānuyogassa kilesavatthubhāvaṃ upādāya samuccayavasena aṭṭhakathāyaṃ vuttaṃ. Yasmā pana te pariḷāhalīnattavikkhepā ekajjhaṃ na pavattanti, tasmā pāḷiyaṃ ‘‘kāyārammaṇo vā’’tiādinā aniyamattho vā-saddo gahito. Kilesānurañjitenāti kilesavivaṇṇitacittena hutvā na vattitabbaṃ. Kathaṃ pana vattitabbanti āha ‘‘kismiñcidevā’’ti. Na ca vitakketi na ca vicāretīti kilesasahagate vitakkavicāre na pavatteti. Sukhitoti jhānasukhena sukhito.
ਇਮਸ੍ਸ ਭਿਕ੍ਖੁਨੋ ਭਾવਨਾ ਪવਤ੍ਤਾਤਿ ਸਮ੍ਬਨ੍ਧੋ। ਯਸ੍ਮਾ ਹਿ ਇਮਸ੍ਸ ਭਿਕ੍ਖੁਨੋ ਤਂ ਮੂਲਕਮ੍ਮਟ੍ਠਾਨਂ ਪਰਿਪਨ੍ਥੇ ਸਤਿ ਠਪੇਤ੍વਾ ਬੁਦ੍ਧਗੁਣਾਦਿਅਨੁਸ੍ਸਰਣੇਨ ਚਿਤ੍ਤਂ ਪਸਾਦੇਤ੍વਾ ਮੂਲਕਮ੍ਮਟ੍ਠਾਨਭਾવਨਾ ਪવਤ੍ਤਾ, ਤਸ੍ਮਾ ਪਣਿਧਾਯ ਭਾવਨਾਤਿ વੁਤ੍ਤਨ੍ਤਿ ਸਮ੍ਬਨ੍ਧੋ। ਅਟ੍ਠਪੇਤ੍વਾਤਿ ਚਿਤ੍ਤਂ ਅਪ੍ਪવਤ੍ਤੇਤ੍વਾਤਿ ਅਤ੍ਥੋ વੇਦਿਤਬ੍ਬੋ। ਕਮ੍ਮਟ੍ਠਾਨਾਦੀਨਂ ਤਿਣ੍ਣਮ੍ਪਿ વਸੇਨ ਅਤ੍ਥਯੋਜਨਾ ਸਮ੍ਭવਤਿ। ਤੇਨਾਹ ‘‘ਤਤ੍ਥਾ’’ਤਿਆਦਿ। ਸਾਰੇਨ੍ਤੋ વਿਯਾਤਿ ਰਥਂ વਾਹਯਨ੍ਤੋ વਿਯ। ਸਮਪ੍ਪਮਾਣਤੋ ਅਟ੍ਠਕਾਦਿવਸੇਨ ਸੁਤਚ੍ਛਿਤਂ ਪਕ੍ਖਿਪਨ੍ਤੋ વਿਯ। ਸੁਖੇਨੇવ ਕਿਲੇਸਾਨਂ ਓਕਾਸਂ ਅਦੇਨ੍ਤੋ ਅਨ੍ਤਰਾ ਅਸਜ੍ਜਨ੍ਤੋ ਅਲਗ੍ਗਨ੍ਤੋ। વਿਪਸ੍ਸਨਾਚਾਰਸ੍ਸ ਆਰਦ੍ਧવੁਤ੍ਤਿਤਂ ਅਪਰਿਪਨ੍ਥਤਞ੍ਚ ਦਸ੍ਸੇਨ੍ਤੋ ਓਪਮ੍ਮਦ੍વਯਮਾਹ। ਬ੍ਯਾਭਙ੍ਗਿਯਾਤਿ ਕਾਜਦਣ੍ਡੇਨ। ਕਿਲੇਸਪਰਿਲ਼ਾਹਾਦੀਨਨ੍ਤਿ ਕਿਲੇਸਪਰਿਲ਼ਾਹਲੀਨਤ੍ਤવਿਕ੍ਖੇਪਾਨਂ।
Imassa bhikkhuno bhāvanā pavattāti sambandho. Yasmā hi imassa bhikkhuno taṃ mūlakammaṭṭhānaṃ paripanthe sati ṭhapetvā buddhaguṇādianussaraṇena cittaṃ pasādetvā mūlakammaṭṭhānabhāvanā pavattā, tasmā paṇidhāya bhāvanāti vuttanti sambandho. Aṭṭhapetvāti cittaṃ appavattetvāti attho veditabbo. Kammaṭṭhānādīnaṃ tiṇṇampi vasena atthayojanā sambhavati. Tenāha ‘‘tatthā’’tiādi. Sārento viyāti rathaṃ vāhayanto viya. Samappamāṇato aṭṭhakādivasena sutacchitaṃ pakkhipanto viya. Sukheneva kilesānaṃ okāsaṃ adento antarā asajjanto alagganto. Vipassanācārassa āraddhavuttitaṃ aparipanthatañca dassento opammadvayamāha. Byābhaṅgiyāti kājadaṇḍena. Kilesapariḷāhādīnanti kilesapariḷāhalīnattavikkhepānaṃ.
ਗੁਲ਼ਖਣ੍ਡਾਦੀਨੀਤਿ ਗੁਲ਼ਖਣ੍ਡਸਕ੍ਖਰਖਣ੍ਡਾਦੀਨਿ ਉਚ੍ਛੁવਿਕਾਰਭੂਤਾਨਿ। ‘‘ਕਾਯੇ ਕਾਯਾਨੁਪਸ੍ਸੀ વਿਹਰਾਮੀ’’ਤਿਆਦਿવਚਨਤੋ ‘‘ਪੁਬ੍ਬਭਾਗવਿਪਸ੍ਸਨਾ ਕਥਿਤਾ’’ਤਿ વੁਤ੍ਤਂ।
Guḷakhaṇḍādīnīti guḷakhaṇḍasakkharakhaṇḍādīni ucchuvikārabhūtāni. ‘‘Kāye kāyānupassī viharāmī’’tiādivacanato ‘‘pubbabhāgavipassanā kathitā’’ti vuttaṃ.
ਅਮ੍ਬਪਾਲਿવਗ੍ਗવਣ੍ਣਨਾ ਨਿਟ੍ਠਿਤਾ।
Ambapālivaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਭਿਕ੍ਖੁਨੁਪਸ੍ਸਯਸੁਤ੍ਤਂ • 10. Bhikkhunupassayasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਭਿਕ੍ਖੁਨੁਪਸ੍ਸਯਸੁਤ੍ਤવਣ੍ਣਨਾ • 10. Bhikkhunupassayasuttavaṇṇanā
