| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
бхигкубад̣̇абхааж̇анийяаван̣н̣анаа
Bhikkhupadabhājanīyavaṇṇanā
д̇асмаад̇и яасмаа бана-сад̣̇д̣̇ам̣ абанзд̇ваа анияамзна буг̇г̇алад̣̇ийбагам̣ яо-сад̣̇д̣̇амзва ааха, д̇асмаа. зд̇т̇аад̇и имасмим̣ яо-сад̣̇д̣̇з. бана-сад̣̇д̣̇асса нибаад̇амад̇д̇ад̇д̇аа яо-сад̣̇д̣̇ассзва ад̇т̇ам̣ багаасзнд̇о ‘‘яо гожийд̇и вуд̇д̇ам̣ ход̇ий’’д̇и ааха. яо гожи наамаад̇и яо ваа со ваа яо гожийд̇и вуд̇д̇о. ваасад̇хураяуд̇д̇о ваад̇и вибассанаад̇хураяуд̇д̇о ваа. сийлзсууд̇и багад̇ийсу.
Tasmāti yasmā pana-saddaṃ apanetvā aniyamena puggaladīpakaṃ yo-saddameva āha, tasmā. Etthāti imasmiṃ yo-sadde. Pana-saddassa nipātamattattā yo-saddasseva atthaṃ pakāsento ‘‘yo kocīti vuttaṃ hotī’’ti āha. Yo koci nāmāti yo vā so vā yo kocīti vutto. Vāsadhurayutto vāti vipassanādhurayutto vā. Sīlesūti pakatīsu.
бхигкад̇ийд̇и яаажад̇и. лабханд̇о ваа алабханд̇о ваад̇и яо гожи бхигкад̇и бхигкам̣ зсад̇и г̇авзсад̇и, со д̇ам̣ лабхад̇у ваа маа ваа, д̇ат̇ааби бхигкад̇ийд̇и бхигкууд̇и аяамзд̇т̇а ад̇хиббааяо. арияааяа яаажанааяаад̇и ‘‘уд̣̇д̣̇исса арияаа д̇идтанд̇и, зсаа арияаана яаажанаа’’д̇и звам̣ вуд̇д̇ааяа арияаяаажанааяа, на габан̣ад̣̇д̇хигаван̣иб̣б̣агаяаажагаанам̣ вияа ‘‘д̣̇зхи д̣̇зхий’’д̇и звам̣ бавад̇д̇аяаажанааяа. бхигкаажарияанд̇и ун̃чаажарияам̣. аж̇жхубаг̇ад̇ад̇д̇аад̇и анудтид̇ад̇д̇аа. гааж̇абхад̇д̇анд̇и гааж̇зхи аанийд̇ам̣ бхад̇д̇ам̣. аг̇гхапассаван̣н̣абхзд̣̇знаад̇и аг̇гхаад̣̇ийнам̣ буримабагад̇ивиж̇ахзна. буримабагад̇ивиж̇аханан̃хзд̇т̇а бхзд̣̇од̇и ад̇хиббзд̇ам̣. д̇ховид̇ваа абанзд̇ум̣ асаггун̣зяяасабхаавам̣ малам̣, д̇ат̇аа абанзд̇ум̣ саггун̣зяяасабхааваа ж̇аллигаа. бхиннабадад̇харод̇и ниб̣б̣ажанам̣ бхиннабадад̇харз бхигку-сад̣̇д̣̇асса нирул̣хад̇д̇аа гад̇ам̣.
Bhikkhatīti yācati. Labhanto vā alabhanto vāti yo koci bhikkhati bhikkhaṃ esati gavesati, so taṃ labhatu vā mā vā, tathāpi bhikkhatīti bhikkhūti ayamettha adhippāyo. Ariyāya yācanāyāti ‘‘uddissa ariyā tiṭṭhanti, esā ariyāna yācanā’’ti evaṃ vuttāya ariyayācanāya, na kapaṇaddhikavaṇibbakayācakānaṃ viya ‘‘dehi dehī’’ti evaṃ pavattayācanāya. Bhikkhācariyanti uñchācariyaṃ. Ajjhupagatattāti anuṭṭhitattā. Kājabhattanti kājehi ānītaṃ bhattaṃ. Agghaphassavaṇṇabhedenāti agghādīnaṃ purimapakativijahena. Purimapakativijahanañhettha bhedoti adhippetaṃ. Dhovitvā apanetuṃ asakkuṇeyyasabhāvaṃ malaṃ, tathā apanetuṃ sakkuṇeyyasabhāvā jallikā. Bhinnapaṭadharoti nibbacanaṃ bhinnapaṭadhare bhikkhu-saddassa niruḷhattā kataṃ.
убаниссаяасамбаннанд̇и буб̣б̣з адтабаригкаарад̣̇аануубаниссаяасамбаннам̣. яо хи жийвараад̣̇игз адта баригкаарз бад̇д̇ажийварамзва ваа сод̇аабаннаад̣̇иарияасса бут̇уж̇ж̇анассзва ваа сийласамбаннасса д̣̇ад̇ваа ‘‘ид̣̇ам̣ баригкаарад̣̇аанам̣ анааг̇ад̇з зхибхигкубхаавааяа бажжаяо ход̇уу’’д̇и бад̇т̇анам̣ бадтабзси, д̇асса д̇ам̣ сад̇и ад̇хигаарасамбад̇д̇ияам̣ б̣уд̣̇д̇хаанам̣ саммукийбхаавз ид̣̇д̇химаяабаригкааралаабхааяа сам̣вад̇д̇ад̇ийд̇и взд̣̇ид̇аб̣б̣ам̣. б̣рахмагхосанд̇и уд̇д̇амагхосам̣, б̣рахмуно гхосасад̣̇исам̣ ваа гхосам̣. б̣рахмажарияанд̇и саасанаб̣рахмажарияам̣ маг̇г̇аб̣рахмажарияан̃жа. д̣̇угкасса саммаа анд̇агирияааяаад̇и яож̇зд̇аб̣б̣ам̣. бхан̣д̣ууд̇и мун̣д̣о. ваасийд̇и д̣̇анд̇агадтажчзд̣̇анавааси. б̣анд̇хананд̇и гааяаб̣анд̇ханам̣. яуд̇д̇о бхааванаануяог̇о ассаад̇и яуд̇д̇аяог̇о, д̇асса яуд̇д̇аяог̇асса, бхааванаануяог̇амануяуд̇д̇ассаад̇и вуд̇д̇ам̣ ход̇и. ирияаабат̇асамбаннад̇аавибхааванад̇т̇ам̣ ‘‘садтивассигад̇т̇зро вияаа’’д̇и вуд̇д̇ам̣. б̣уд̣̇д̇хова баб̣б̣аж̇ж̇аажарияо убасамбад̣̇аажарияо жа ассаад̇и б̣уд̣̇д̇хаажарияаго. батамаб̣од̇хияамби батамагаалзязва сзсаубасамбад̣̇аанам̣ абхаавод̇и ааха ‘‘батамаб̣од̇хияам̣ згасмим̣ гаалз’’д̇и. бан̃жа бан̃жаваг̇г̇ияад̇т̇зраад̇и бан̃жаваг̇г̇ияад̇т̇зраа бан̃жа. д̇ийн̣и сад̇анд̇и д̇ийн̣и сад̇аани, г̇аат̇ааб̣анд̇хасукад̇т̇ам̣ важанавибаллаасо гад̇о. зго жа т̇зрод̇и ан̇г̇улимаалад̇т̇зрам̣ санд̇хааяа вуд̇д̇ам̣. на вуд̇д̇аад̇и адтагат̇ааяам̣ на вуд̇д̇аа. д̇ад̇т̇аад̇и винаяабаал̣ияам̣.
Upanissayasampannanti pubbe aṭṭhaparikkhāradānūpanissayasampannaṃ. Yo hi cīvarādike aṭṭha parikkhāre pattacīvarameva vā sotāpannādiariyassa puthujjanasseva vā sīlasampannassa datvā ‘‘idaṃ parikkhāradānaṃ anāgate ehibhikkhubhāvāya paccayo hotū’’ti patthanaṃ paṭṭhapesi, tassa taṃ sati adhikārasampattiyaṃ buddhānaṃ sammukhībhāve iddhimayaparikkhāralābhāya saṃvattatīti veditabbaṃ. Brahmaghosanti uttamaghosaṃ, brahmuno ghosasadisaṃ vā ghosaṃ. Brahmacariyanti sāsanabrahmacariyaṃ maggabrahmacariyañca. Dukkhassa sammā antakiriyāyāti yojetabbaṃ. Bhaṇḍūti muṇḍo. Vāsīti dantakaṭṭhacchedanavāsi. Bandhananti kāyabandhanaṃ. Yutto bhāvanānuyogo assāti yuttayogo, tassa yuttayogassa, bhāvanānuyogamanuyuttassāti vuttaṃ hoti. Iriyāpathasampannatāvibhāvanatthaṃ ‘‘saṭṭhivassikatthero viyā’’ti vuttaṃ. Buddhova pabbajjācariyo upasampadācariyo ca assāti buddhācariyako. Paṭhamabodhiyampi paṭhamakāleyeva sesaupasampadānaṃ abhāvoti āha ‘‘paṭhamabodhiyaṃ ekasmiṃ kāle’’ti. Pañca pañcavaggiyattherāti pañcavaggiyattherā pañca. Tīṇi satanti tīṇi satāni, gāthābandhasukhatthaṃ vacanavipallāso kato. Eko ca theroti aṅgulimālattheraṃ sandhāya vuttaṃ. Na vuttāti aṭṭhakathāyaṃ na vuttā. Tatthāti vinayapāḷiyaṃ.
взл̣уванамахаавихаарз г̇анд̇хагудияам̣ нисинноязва бхаг̇аваа махаагассабад̇т̇зрасса ад̇д̇аанам̣ уд̣̇д̣̇исса баб̣б̣аж̇ид̇абхаавам̣ вид̣̇ид̇ваа д̇асса бажжуг̇г̇аманам̣ гаронд̇о д̇иг̇аавуд̇ам̣ маг̇г̇ам̣ згагова г̇анд̇ваа б̣ахубуд̇д̇аниг̇род̇хамуулз баллан̇гам̣ аабхуж̇ид̇ваа нисинно ад̇д̇ано санд̇игам̣ ааг̇анд̇ваа бараманибажжагаарам̣ д̣̇ассзд̇ваа ‘‘сад̇т̇аа мз бханд̇з бхаг̇аваа, саавагохамасми, сад̇т̇аа мз бханд̇з бхаг̇аваа, саавагохамасмий’’д̇и д̇игкад̇д̇ум̣ ад̇д̇ано саавагад̇д̇ам̣ саавзд̇ваа тид̇асса махаагассабад̇т̇зрасса нибажжагаарамахад̇д̇ад̇ам̣ ад̇д̇ано жа махаанубхаавад̇ам̣ д̣̇ийбзд̇ум̣ яасса ан̃н̃асса аж̇аанам̣язва ‘‘ж̇аанаамий’’д̇и бадин̃н̃асса б̣аахирагасса сад̇т̇уно звам̣ саб̣б̣ажзд̇асаа саманнааг̇ад̇о басаннажид̇д̇о сааваго зваруубам̣ бараманибажжагаарам̣ гарзяяа, д̇асса ван̣дажчиннад̇аалабаггам̣ вияа г̇ийвад̇о муд̣̇д̇хааби вибад̇зяяа, сад̇д̇ад̇хаа ваа палзяяаад̇и д̣̇ассзнд̇о ‘‘яо ко, гассаба, звам̣ саб̣б̣ажзд̇асаа саманнааг̇ад̇ам̣ саавагам̣ аж̇аанам̣язва вад̣̇зяяа ‘ж̇аанаамий’д̇и, абассам̣язва вад̣̇зяяа ‘бассаамий’д̇и, муд̣̇д̇хааби д̇асса вибад̇зяяа, сад̇д̇ад̇хаа ваа палзяяа, ахам̣ ко, гассаба, ж̇аанам̣язва вад̣̇аами ‘ж̇аанаамий’д̇и, бассам̣язва вад̣̇аами ‘бассаамий’’’ (сам̣. ни. 2.154) д̇и вад̇ваа ж̇аад̇имад̣̇амаанамад̣̇аруубамад̣̇аббахаанад̇т̇ам̣ д̇ийхи оваад̣̇зхи махаагассабад̇т̇зрам̣ овад̣̇анд̇о ‘‘д̇асмаад̇иха д̇з гассабаа’’д̇иаад̣̇имааха.
Veḷuvanamahāvihāre gandhakuṭiyaṃ nisinnoyeva bhagavā mahākassapattherassa attānaṃ uddissa pabbajitabhāvaṃ viditvā tassa paccuggamanaṃ karonto tigāvutaṃ maggaṃ ekakova gantvā bahuputtanigrodhamūle pallaṅkaṃ ābhujitvā nisinno attano santikaṃ āgantvā paramanipaccakāraṃ dassetvā ‘‘satthā me bhante bhagavā, sāvakohamasmi, satthā me bhante bhagavā, sāvakohamasmī’’ti tikkhattuṃ attano sāvakattaṃ sāvetvā ṭhitassa mahākassapattherassa nipaccakāramahattataṃ attano ca mahānubhāvataṃ dīpetuṃ yassa aññassa ajānaṃyeva ‘‘jānāmī’’ti paṭiññassa bāhirakassa satthuno evaṃ sabbacetasā samannāgato pasannacitto sāvako evarūpaṃ paramanipaccakāraṃ kareyya, tassa vaṇṭacchinnatālapakkaṃ viya gīvato muddhāpi vipateyya, sattadhā vā phaleyyāti dassento ‘‘yo kho, kassapa, evaṃ sabbacetasā samannāgataṃ sāvakaṃ ajānaṃyeva vadeyya ‘jānāmī’ti, apassaṃyeva vadeyya ‘passāmī’ti, muddhāpi tassa vipateyya, sattadhā vā phaleyya, ahaṃ kho, kassapa, jānaṃyeva vadāmi ‘jānāmī’ti, passaṃyeva vadāmi ‘passāmī’’’ (saṃ. ni. 2.154) ti vatvā jātimadamānamadarūpamadappahānatthaṃ tīhi ovādehi mahākassapattheraṃ ovadanto ‘‘tasmātiha te kassapā’’tiādimāha.
д̇ад̇т̇а (сам̣. ни. адта. 2.2.154) д̇асмаад̇ихаад̇и д̇асмаа ижжзва вуд̇д̇ам̣ ход̇и, яасмаа ахам̣ ж̇аананд̇ова ‘‘ж̇аанаамий’’д̇и бассанд̇о зва жа ‘‘бассаамий’’д̇и вад̣̇аами, д̇асмаад̇и ад̇т̇о. д̇и-гаара ха-гаараа нибаад̇аа. ихаад̇и ваа имасмим̣ саасанз, д̇а-гааро бад̣̇асанд̇хивасзна ааг̇ад̇о. звам̣ сигкид̇аб̣б̣анд̇и ид̣̇аани вужжамаанаагаарзна сигкид̇аб̣б̣ам̣. д̇иб̣б̣анд̇и б̣ахалам̣ маханд̇ам̣. хирод̇д̇аббан̃жаад̇и хирий жа од̇д̇аббан̃жа. бажжубадтид̇ам̣ бхависсад̇ийд̇и убасан̇гаманад̇о батамад̇арамзва убадтид̇ам̣ бхависсад̇и. д̇ат̇аа хи сад̇и д̇зсам̣ бурад̇о асса саг̇ааравасаббад̇иссавад̇аа сан̣таад̇и. яо жа т̇зраад̣̇ийсу хирод̇д̇аббам̣ убадтабзд̇ваа убасан̇гамад̇и, т̇зраад̣̇аяоби д̇ам̣ сахиригаа саод̇д̇аббаа жа худ̇ваа убасан̇гаманд̇ийд̇и аяамзд̇т̇а аанисам̣со. гусалуубасам̣хид̇анд̇и гусаланиссид̇ам̣, анаваж̇ж̇ад̇хамманиссид̇анд̇и ад̇т̇о. адтим̣ гад̇ваад̇и ад̇д̇аанам̣ д̇зна д̇хаммзна адтигам̣ гад̇ваа, д̇ам̣ ваа д̇хаммам̣ ‘‘зса маяхам̣ д̇хаммо’’д̇и адтим̣ гад̇ваа. манаси гад̇ваад̇и жид̇д̇з табзд̇ваа. саб̣б̣ажзд̇асаа саманнаахарид̇ваад̇и жид̇д̇асса т̇огамби б̣ахи г̇анд̇ум̣ ад̣̇знд̇о саб̣б̣зна саманнаахааражид̇д̇зна саманнаахарид̇ваа. охид̇асод̇од̇и табид̇асод̇о, д̇хаммз нихид̇асод̇од̇и ад̇т̇о. зван̃хи д̇з сигкид̇аб̣б̣анд̇и н̃аан̣асод̇ан̃жа басаад̣̇асод̇ан̃жа од̣̇ахид̇ваа ‘‘маяаа д̣̇зсид̇ам̣ д̇хаммам̣ саггажжамзва сун̣иссаамий’’д̇и зван̃хи д̇з сигкид̇аб̣б̣ам̣. саад̇асахаг̇ад̇аа жа мз гааяаг̇ад̇аасад̇ийд̇и асубхзсу жзва аанаабаанз жа батамаж̇жхаанавасзна сукасамбаяуд̇д̇аа гааяаг̇ад̇аасад̇и. яо жа банааяам̣ д̇ивид̇хо оваад̣̇о, т̇зрасса аяамзва баб̣б̣аж̇ж̇аа жа убасамбад̣̇аа жа ахоси.
Tattha (saṃ. ni. aṭṭha. 2.2.154) tasmātihāti tasmā icceva vuttaṃ hoti, yasmā ahaṃ jānantova ‘‘jānāmī’’ti passanto eva ca ‘‘passāmī’’ti vadāmi, tasmāti attho. Ti-kāra ha-kārā nipātā. Ihāti vā imasmiṃ sāsane, ta-kāro padasandhivasena āgato. Evaṃ sikkhitabbanti idāni vuccamānākārena sikkhitabbaṃ. Tibbanti bahalaṃ mahantaṃ. Hirottappañcāti hirī ca ottappañca. Paccupaṭṭhitaṃ bhavissatīti upasaṅkamanato paṭhamatarameva upaṭṭhitaṃ bhavissati. Tathā hi sati tesaṃ purato assa sagāravasappatissavatā saṇṭhāti. Yo ca therādīsu hirottappaṃ upaṭṭhapetvā upasaṅkamati, therādayopi taṃ sahirikā saottappā ca hutvā upasaṅkamantīti ayamettha ānisaṃso. Kusalūpasaṃhitanti kusalanissitaṃ, anavajjadhammanissitanti attho. Aṭṭhiṃ katvāti attānaṃ tena dhammena aṭṭhikaṃ katvā, taṃ vā dhammaṃ ‘‘esa mayhaṃ dhammo’’ti aṭṭhiṃ katvā. Manasi katvāti citte ṭhapetvā. Sabbacetasā samannāharitvāti cittassa thokampi bahi gantuṃ adento sabbena samannāhāracittena samannāharitvā. Ohitasototi ṭhapitasoto, dhamme nihitasototi attho. Evañhi te sikkhitabbanti ñāṇasotañca pasādasotañca odahitvā ‘‘mayā desitaṃ dhammaṃ sakkaccameva suṇissāmī’’ti evañhi te sikkhitabbaṃ. Sātasahagatā ca me kāyagatāsatīti asubhesu ceva ānāpāne ca paṭhamajjhānavasena sukhasampayuttā kāyagatāsati. Yo ca panāyaṃ tividho ovādo, therassa ayameva pabbajjā ca upasampadā ca ahosi.
гасин̣аарамман̣ам̣ руубааважараж̇жхаанам̣ руубасан̃н̃аа. сан̃н̃аасийсзна хзд̇т̇а жхаанам̣ вуд̇д̇ам̣, д̇ад̣̇зва жа уд̣̇д̇хумаад̇агабадибхааг̇аарамман̣ад̇д̇аа ‘‘уд̣̇д̇хумаад̇агасан̃н̃аа’’д̇и вуд̇д̇ам̣. собаагасааман̣зро бхаг̇авад̇аа будто ‘‘зд̇з д̣̇вз руубааважарабхаавзна згад̇т̇аа, б̣яан̃ж̇анамзва наана’’нд̇и ааха. аарад̣̇д̇хажид̇д̇од̇и аараад̇хид̇ажид̇д̇о. г̇аруд̇хаммабадиг̇г̇ахан̣аад̣̇иубасамбад̣̇аа убари вид̇т̇аарад̇о саяамзва аави бхависсад̇и.
Kasiṇārammaṇaṃ rūpāvacarajjhānaṃ rūpasaññā. Saññāsīsena hettha jhānaṃ vuttaṃ, tadeva ca uddhumātakapaṭibhāgārammaṇattā ‘‘uddhumātakasaññā’’ti vuttaṃ. Sopākasāmaṇero bhagavatā puṭṭho ‘‘ete dve rūpāvacarabhāvena ekatthā, byañjanameva nāna’’nti āha. Āraddhacittoti ārādhitacitto. Garudhammapaṭiggahaṇādiupasampadā upari vitthārato sayameva āvi bhavissati.
галяаан̣абут̇уж̇ж̇анаад̣̇аяод̇и зд̇т̇а б̣ахуунам̣ наанаббагаараанам̣ саггааяад̣̇идтиаад̣̇ийнам̣ авихад̇ад̇д̇аа ж̇анзд̇и, д̇аахи ваа ж̇анид̇од̇и бут̇уж̇ж̇ано, галяаан̣о жа со бут̇уж̇ж̇ано жаад̇и галяаан̣абут̇уж̇ж̇ано, со аад̣̇и язсам̣ сод̇аабаннаад̣̇ийнам̣ д̇з галяаан̣абут̇уж̇ж̇анаад̣̇аяо. галяаан̣аг̇г̇ахан̣зна жзд̇т̇а анд̇хабут̇уж̇ж̇анам̣ нивад̇д̇зд̇и. д̣̇вид̇хаа хи бут̇уж̇ж̇анаа анд̇хабут̇уж̇ж̇ано галяаан̣абут̇уж̇ж̇анод̇и. вуд̇д̇ан̃хзд̇ам̣ –
Kalyāṇaputhujjanādayoti ettha bahūnaṃ nānappakārānaṃ sakkāyadiṭṭhiādīnaṃ avihatattā janeti, tāhi vā janitoti puthujjano, kalyāṇo ca so puthujjano cāti kalyāṇaputhujjano, so ādi yesaṃ sotāpannādīnaṃ te kalyāṇaputhujjanādayo. Kalyāṇaggahaṇena cettha andhaputhujjanaṃ nivatteti. Dvidhā hi puthujjanā andhaputhujjano kalyāṇaputhujjanoti. Vuttañhetaṃ –
‘‘д̣̇увз бут̇уж̇ж̇анаа вуд̇д̇аа, б̣уд̣̇д̇хзнаад̣̇ижжаб̣анд̇хунаа;
‘‘Duve puthujjanā vuttā, buddhenādiccabandhunā;
анд̇хо бут̇уж̇ж̇ано зго, галяаан̣зго бут̇уж̇ж̇ано’’д̇и. (д̣̇ий. ни. адта. 1.7; ма. ни. адта. 1.2; сам̣. ни. адта. 2.2.61; а. ни. адта. 1.1.51);
Andho puthujjano eko, kalyāṇeko puthujjano’’ti. (dī. ni. aṭṭha. 1.7; ma. ni. aṭṭha. 1.2; saṃ. ni. aṭṭha. 2.2.61; a. ni. aṭṭha. 1.1.51);
бхад̣̇рааяа бан̃н̃ааяа бхад̣̇рааяа вимуд̇д̇ияаад̇и яож̇зд̇аб̣б̣ам̣. сийлзнаад̇иаад̣̇ийсу сийланд̇и жад̇убаарисуд̣̇д̇хисийлам̣. самаад̇хийд̇и вибассанаабаад̣̇агаа адта самаабад̇д̇ияо. бан̃н̃аад̇и логияалогуд̇д̇аран̃аан̣ам̣. вимуд̇д̇ийд̇и арияапалавимуд̇д̇и. вимуд̇д̇ин̃аан̣ад̣̇ассананд̇и згуунавийсад̇ивид̇хам̣ бажжавзгкан̣ан̃аан̣ам̣. яат̇аасамбхавзна жзд̇т̇а яож̇анаа взд̣̇ид̇аб̣б̣аа. галяаан̣абут̇уж̇ж̇анасса хи сийлаад̣̇аяо д̇аяо зва самбхаванд̇и, арияаанам̣ бана саб̣б̣зби сийлаад̣̇аяо. сааро бхигкууд̇иби галяаан̣абут̇уж̇ж̇анаад̣̇аяова вуд̇д̇аад̇и ааха ‘‘д̇зхиязва сийласаараад̣̇ийхий’’д̇иаад̣̇и. ат̇а ваа ниббарияааяад̇о кийн̣аасавова сааро бхигку наамаад̇и ааха ‘‘виг̇ад̇агилзсапзг̇г̇убхаавад̇о ваа’’д̇иаад̣̇и.
Bhadrāya paññāya bhadrāya vimuttiyāti yojetabbaṃ. Sīlenātiādīsu sīlanti catupārisuddhisīlaṃ. Samādhīti vipassanāpādakā aṭṭha samāpattiyo. Paññāti lokiyalokuttarañāṇaṃ. Vimuttīti ariyaphalavimutti. Vimuttiñāṇadassananti ekūnavīsatividhaṃ paccavekkhaṇañāṇaṃ. Yathāsambhavena cettha yojanā veditabbā. Kalyāṇaputhujjanassa hi sīlādayo tayo eva sambhavanti, ariyānaṃ pana sabbepi sīlādayo. Sāro bhikkhūtipi kalyāṇaputhujjanādayova vuttāti āha ‘‘tehiyeva sīlasārādīhī’’tiādi. Atha vā nippariyāyato khīṇāsavova sāro bhikkhu nāmāti āha ‘‘vigatakilesapheggubhāvato vā’’tiādi.
яоби галяаан̣абут̇уж̇ж̇ано ануломабадибад̣̇ааяа барибуурагаарий сийласамбанно инд̣̇риязсу г̇уд̇д̇ад̣̇вааро бхож̇анз мад̇д̇ан̃н̃уу ж̇ааг̇арияаануяог̇амануяуд̇д̇о буб̣б̣арад̇д̇аабарарад̇д̇ам̣ б̣од̇хибагкияаанам̣ д̇хаммаанам̣ бхааванаануяог̇амануяуд̇д̇о вихарад̇и ‘‘аж̇ж̇а ваа свз ваа ан̃н̃ад̇арам̣ сааман̃н̃апалам̣ ад̇хиг̇амиссаамий’’д̇и, соби вужжад̇и сигкад̇ийд̇и сзкод̇и ааха ‘‘бут̇уж̇ж̇анагаляаан̣агзна сад̣̇д̇хи’’нд̇и. сад̇д̇а арияаад̇и жад̇д̇ааро маг̇г̇адтаа, хздтимаа жа д̇аяо паладтаад̇и имз сад̇д̇а арияаа. д̇иссо сигкаад̇и ад̇хисийлаад̣̇игаа д̇иссо сигкаа. сигкаасу ж̇аад̇од̇и ваа сзко. арияабуг̇г̇ало хи арияааяа ж̇аад̇ияаа ж̇ааяамаано сигкаасу ж̇ааяад̇и, на яонияам̣. сигканасийлод̇и ваа сзко, буг̇г̇алаад̇хидтаанааяа ваа гат̇ааяа сзкасса аяанд̇и анан̃н̃асаад̇хааран̣аа маг̇г̇апалад̇д̇аяад̇хаммаа сзкабарияааязна вуд̇д̇аа. асзкод̇и жа яад̇т̇а сзкабхааваасан̇гаа ад̇т̇и, д̇ад̇т̇ааяам̣ бадисзд̇ход̇и логияаниб̣б̣аанзсу асзкабхааваанаабад̇д̇и д̣̇адтаб̣б̣аа. сийласамаад̇хибан̃н̃аасан̇каад̇аа хи сигкаа ад̇д̇ано бадибагкагилзсзхи вимуд̇д̇ад̇д̇аа барисуд̣̇д̇хаа, убаггилзсаанам̣ аарамман̣абхаавамби анубаг̇аманад̇о зд̇аа сигкаад̇и вад̇д̇ум̣ яуд̇д̇аа, адтасуби маг̇г̇апалзсу виж̇ж̇анд̇и, д̇асмаа жад̇умаг̇г̇ахздтимапалад̇д̇аяасаман̇г̇ино вияа арахад̇д̇апаласаман̇г̇ийби д̇аасу сигкаасу ж̇аад̇од̇и д̇ам̣саман̇г̇ино арахад̇о ид̇арзсам̣ вияа сзкад̇д̇з сад̇и сзкасса аяанд̇и, сигкаа сийлам̣ зд̇ассаад̇и жа сзкод̇и вад̇д̇аб̣б̣о сияаад̇и д̇ам̣ нивад̇д̇анад̇т̇ам̣ ‘‘асзко’’д̇и яат̇аавуд̇д̇асзкабхаавабадисзд̇хо гад̇о. арахад̇д̇апалзхи бавад̇д̇амаанаа сигкаа баринидтид̇асигкаагижжад̇д̇аа на сигкаагижжам̣ гаронд̇и, гзвалам̣ сигкаапалабхаавзнзва бавад̇д̇анд̇и, д̇асмаа д̇аа на сигкааважанам̣ араханд̇и, нааби д̇ам̣саман̇г̇ий сзкаважанам̣, на жа сигканасийло, сигкаасу ж̇аад̇од̇и жа вад̇д̇аб̣б̣ад̇ам̣ арахад̇и, хздтимапалзсу бана сигкаа сагад̣̇ааг̇аамимаг̇г̇авибассанаад̣̇ийнам̣ убаниссаяабхаавад̇о сигкаагижжам̣ гаронд̇ийд̇и сигкааважанам̣ араханд̇и, д̇ам̣саман̇г̇ино жа сзкаважанам̣ сигканасийлаа, сигкаасу ж̇аад̇аад̇и жа вад̇д̇аб̣б̣ад̇ам̣ араханд̇и ‘‘сигканд̇ийд̇и сзкаа’’д̇и абарияосид̇асигкаанам̣ д̣̇ассид̇ад̇д̇аа, ‘‘на сигкад̇ийд̇и асзко’’д̇и иминаа барияосид̇асигко д̣̇ассид̇о, на сигкааяа рахид̇од̇и ааха – ‘‘сзгкад̇хаммз ад̇иггамма …бз… кийн̣аасаво асзкод̇и вужжад̇ий’’д̇и. вуд̣̇д̇хиббад̇д̇асигко ваа асзкод̇и зд̇асмим̣ ад̇т̇з сзкад̇хаммзсу зва тид̇асса гассажи арияасса асзкабхааваабад̇д̇ийд̇и арахад̇д̇амаг̇г̇ад̇хаммаа вуд̣̇д̇хиббад̇д̇аа жа яат̇аавуд̇д̇зхи ад̇т̇зхи сзкаад̇и гад̇ваа д̇ам̣саман̇г̇ино аг̇г̇амаг̇г̇адтасса асзкабхааво аабаннод̇и? на, д̇ам̣сад̣̇исзсу д̇аб̣б̣охаарад̇о. арахад̇д̇амаг̇г̇ад̇о хи ниннаанаагаран̣ам̣ арахад̇д̇апалам̣ табзд̇ваа барин̃н̃аагижжагаран̣ам̣ вибаагабхааван̃жа, д̇асмаа д̇з зва сзкаа аг̇г̇апалад̇хаммабхаавам̣ аабаннаад̇и саггаа вад̇д̇ум̣. гусаласукад̇о жа вибаагасукам̣ санд̇ад̇арад̇ааяа бан̣ийд̇ад̇аранд̇и вуд̣̇д̇хиббад̇д̇аа жа д̇з д̇хаммаа хонд̇ийд̇и д̇ам̣саман̇г̇ий асзкод̇и вужжад̇ийд̇и.
Yopi kalyāṇaputhujjano anulomapaṭipadāya paripūrakārī sīlasampanno indriyesu guttadvāro bhojane mattaññū jāgariyānuyogamanuyutto pubbarattāpararattaṃ bodhipakkhiyānaṃ dhammānaṃ bhāvanānuyogamanuyutto viharati ‘‘ajja vā sve vā aññataraṃ sāmaññaphalaṃ adhigamissāmī’’ti, sopi vuccati sikkhatīti sekhoti āha ‘‘puthujjanakalyāṇakena saddhi’’nti. Satta ariyāti cattāro maggaṭṭhā, heṭṭhimā ca tayo phalaṭṭhāti ime satta ariyā. Tisso sikkhāti adhisīlādikā tisso sikkhā. Sikkhāsu jātoti vā sekho. Ariyapuggalo hi ariyāya jātiyā jāyamāno sikkhāsu jāyati, na yoniyaṃ. Sikkhanasīloti vā sekho, puggalādhiṭṭhānāya vā kathāya sekhassa ayanti anaññasādhāraṇā maggaphalattayadhammā sekhapariyāyena vuttā. Asekhoti ca yattha sekhabhāvāsaṅkā atthi, tatthāyaṃ paṭisedhoti lokiyanibbānesu asekhabhāvānāpatti daṭṭhabbā. Sīlasamādhipaññāsaṅkhātā hi sikkhā attano paṭipakkhakilesehi vimuttattā parisuddhā, upakkilesānaṃ ārammaṇabhāvampi anupagamanato etā sikkhāti vattuṃ yuttā, aṭṭhasupi maggaphalesu vijjanti, tasmā catumaggaheṭṭhimaphalattayasamaṅgino viya arahattaphalasamaṅgīpi tāsu sikkhāsu jātoti taṃsamaṅgino arahato itaresaṃ viya sekhatte sati sekhassa ayanti, sikkhā sīlaṃ etassāti ca sekhoti vattabbo siyāti taṃ nivattanatthaṃ ‘‘asekho’’ti yathāvuttasekhabhāvapaṭisedho kato. Arahattaphalehi pavattamānā sikkhā pariniṭṭhitasikkhākiccattā na sikkhākiccaṃ karonti, kevalaṃ sikkhāphalabhāveneva pavattanti, tasmā tā na sikkhāvacanaṃ arahanti, nāpi taṃsamaṅgī sekhavacanaṃ, na ca sikkhanasīlo, sikkhāsu jātoti ca vattabbataṃ arahati, heṭṭhimaphalesu pana sikkhā sakadāgāmimaggavipassanādīnaṃ upanissayabhāvato sikkhākiccaṃ karontīti sikkhāvacanaṃ arahanti, taṃsamaṅgino ca sekhavacanaṃ sikkhanasīlā, sikkhāsu jātāti ca vattabbataṃ arahanti ‘‘sikkhantīti sekhā’’ti apariyositasikkhānaṃ dassitattā, ‘‘na sikkhatīti asekho’’ti iminā pariyositasikkho dassito, na sikkhāya rahitoti āha – ‘‘sekkhadhamme atikkamma…pe… khīṇāsavo asekhoti vuccatī’’ti. Vuddhippattasikkho vā asekhoti etasmiṃ atthe sekhadhammesu eva ṭhitassa kassaci ariyassa asekhabhāvāpattīti arahattamaggadhammā vuddhippattā ca yathāvuttehi atthehi sekhāti katvā taṃsamaṅgino aggamaggaṭṭhassa asekhabhāvo āpannoti? Na, taṃsadisesu tabbohārato. Arahattamaggato hi ninnānākaraṇaṃ arahattaphalaṃ ṭhapetvā pariññākiccakaraṇaṃ vipākabhāvañca, tasmā te eva sekhā aggaphaladhammabhāvaṃ āpannāti sakkā vattuṃ. Kusalasukhato ca vipākasukhaṃ santataratāya paṇītataranti vuddhippattā ca te dhammā hontīti taṃsamaṅgī asekhoti vuccatīti.
саб̣б̣анд̇имзна барияааязнаад̇и саб̣б̣анд̇имзна барижчзд̣̇зна. убасамбад̣̇аагаммасса ад̇хигаарад̇д̇аа ‘‘бан̃жаваг̇г̇агаран̣ийяз’’д̇и вуд̇д̇ам̣. бан̃жаннам̣ ваг̇г̇о самууход̇и бан̃жаваг̇г̇о, бан̃жабаримаан̣аяуд̇д̇о ваа ваг̇г̇о бан̃жаваг̇г̇о, д̇зна гад̇д̇аб̣б̣ам̣ гаммам̣ бан̃жаваг̇г̇агаран̣ийяам̣. яаавад̇игаа бхигкууд̇и яад̇д̇агаа бхигкуу. гаммаббад̇д̇аад̇и гаммаарахаа баарааж̇игам̣ анаабаннаа анугкид̇д̇аа жа. убасамбад̣̇аагаммасса бан̃жаваг̇г̇агаран̣ийяад̇д̇аа бан̃жзва бхигкуу гаммаббад̇д̇аа зд̇д̇агзхиби гаммасид̣̇д̇хид̇о, ид̇арз чанд̣̇аарахаа. н̃ад̇д̇ижад̇уд̇т̇знаад̇и зд̇т̇а гин̃жааби н̃ад̇д̇и саб̣б̣абатамам̣ вужжад̇и, д̇иссаннам̣ бана ануссааванаанам̣ ад̇т̇аб̣яан̃ж̇анабхзд̣̇аабхаавад̇о ад̇т̇аб̣яан̃ж̇анабхиннаа н̃ад̇д̇и д̇аасам̣ жад̇уд̇т̇аад̇и гад̇ваа ‘‘н̃ад̇д̇ижад̇уд̇т̇а’’нд̇и вужжад̇и. б̣яан̃ж̇анаануруубамзва адтагат̇ааяам̣ ‘‘д̇ийхи ануссааванаахи згааяа жа н̃ад̇д̇ияаа’’д̇и вуд̇д̇ам̣, ад̇т̇аббавад̇д̇иггамзна бана ‘‘згааяа н̃ад̇д̇ияаа д̇ийхи ануссааванаахий’’д̇и вад̇д̇аб̣б̣ам̣. вад̇т̇ун̃ад̇д̇ианауссааванасиймаабарисасамбад̇д̇исамбаннад̇д̇аад̇и зд̇т̇а вад̇т̇ууд̇и убасамбад̣̇аабзгко буг̇г̇ало, со табзд̇ваа уунавийсад̇ивассам̣ анд̇имавад̇т̇ум̣ аж̇жхаабаннабуб̣б̣ам̣ бан̣д̣агаад̣̇аяо жа згаад̣̇аса абхаб̣б̣абуг̇г̇алз взд̣̇ид̇аб̣б̣о. уунавийсад̇ивассаад̣̇аяо хи д̇зраса буг̇г̇алаа убасамбад̣̇ааяа авад̇т̇у, имз бана табзд̇ваа ан̃н̃асмим̣ убасамбад̣̇аабзгкз сад̇и убасамбад̣̇аагаммам̣ вад̇т̇усамбад̇д̇исамбаннам̣ наама ход̇и.
Sabbantimena pariyāyenāti sabbantimena paricchedena. Upasampadākammassa adhikārattā ‘‘pañcavaggakaraṇīye’’ti vuttaṃ. Pañcannaṃ vaggo samūhoti pañcavaggo, pañcaparimāṇayutto vā vaggo pañcavaggo, tena kattabbaṃ kammaṃ pañcavaggakaraṇīyaṃ. Yāvatikā bhikkhūti yattakā bhikkhū. Kammappattāti kammārahā pārājikaṃ anāpannā anukkhittā ca. Upasampadākammassa pañcavaggakaraṇīyattā pañceva bhikkhū kammappattā ettakehipi kammasiddhito, itare chandārahā. Ñatticatutthenāti ettha kiñcāpi ñatti sabbapaṭhamaṃ vuccati, tissannaṃ pana anussāvanānaṃ atthabyañjanabhedābhāvato atthabyañjanabhinnā ñatti tāsaṃ catutthāti katvā ‘‘ñatticatuttha’’nti vuccati. Byañjanānurūpameva aṭṭhakathāyaṃ ‘‘tīhi anussāvanāhi ekāya ca ñattiyā’’ti vuttaṃ, atthappavattikkamena pana ‘‘ekāya ñattiyā tīhi anussāvanāhī’’ti vattabbaṃ. Vatthuñattianaussāvanasīmāparisasampattisampannattāti ettha vatthūti upasampadāpekkho puggalo, so ṭhapetvā ūnavīsativassaṃ antimavatthuṃ ajjhāpannapubbaṃ paṇḍakādayo ca ekādasa abhabbapuggale veditabbo. Ūnavīsativassādayo hi terasa puggalā upasampadāya avatthu, ime pana ṭhapetvā aññasmiṃ upasampadāpekkhe sati upasampadākammaṃ vatthusampattisampannaṃ nāma hoti.
вад̇т̇усан̇гхабуг̇г̇алан̃ад̇д̇ийнам̣ абараамасанаани бажчаа н̃ад̇д̇идтабанан̃жаад̇и имз д̇аава бан̃жа н̃ад̇д̇ид̣̇осаа. д̇ад̇т̇а ‘‘аяам̣ ид̇т̇аннаамо’’д̇и убасамбад̣̇аабзгкасса агид̇д̇анам̣ вад̇т̇уабараамасанам̣ наама. ‘‘сун̣аад̇у мз, бханд̇з, сан̇гхо’’д̇и зд̇т̇а ‘‘сун̣аад̇у мз, бханд̇з’’д̇и вад̇ваа ‘‘сан̇гхо’’д̇и абхан̣анам̣ сан̇гхаабараамасанам̣ наама. ‘‘ид̇т̇аннаамасса убасамбад̣̇аабзгко’’д̇и убаж̇жхааяасса агид̇д̇анам̣ буг̇г̇алаабараамасанам̣ наама. саб̣б̣зна саб̣б̣ам̣ н̃ад̇д̇ияаа анужжааран̣ам̣ н̃ад̇д̇иабараамасанам̣ наама. батамам̣ гаммаваажам̣ нидтаабзд̇ваа ‘‘зсаа н̃ад̇д̇ий’’д̇и вад̇ваа ‘‘камад̇и сан̇гхассаа’’д̇и звам̣ н̃ад̇д̇игид̇д̇анам̣ бажчаа н̃ад̇д̇идтабанам̣ наама. ид̇и имзхи д̣̇осзхи вимуд̇д̇ааяа н̃ад̇д̇ияаа самбаннам̣ н̃ад̇д̇исамбад̇д̇исамбаннам̣ наама.
Vatthusaṅghapuggalañattīnaṃ aparāmasanāni pacchā ñattiṭṭhapanañcāti ime tāva pañca ñattidosā. Tattha ‘‘ayaṃ itthannāmo’’ti upasampadāpekkhassa akittanaṃ vatthuaparāmasanaṃ nāma. ‘‘Suṇātu me, bhante, saṅgho’’ti ettha ‘‘suṇātu me, bhante’’ti vatvā ‘‘saṅgho’’ti abhaṇanaṃ saṅghaaparāmasanaṃ nāma. ‘‘Itthannāmassa upasampadāpekkho’’ti upajjhāyassa akittanaṃ puggalaaparāmasanaṃ nāma. Sabbena sabbaṃ ñattiyā anuccāraṇaṃ ñattiaparāmasanaṃ nāma. Paṭhamaṃ kammavācaṃ niṭṭhāpetvā ‘‘esā ñattī’’ti vatvā ‘‘khamati saṅghassā’’ti evaṃ ñattikittanaṃ pacchā ñattiṭṭhapanaṃ nāma. Iti imehi dosehi vimuttāya ñattiyā sampannaṃ ñattisampattisampannaṃ nāma.
вад̇т̇усан̇гхабуг̇г̇алаанам̣ абараамасанаани сааванааяа хаабанам̣ агаалз саавананд̇и имз бан̃жа ануссааванад̣̇осаа. д̇ад̇т̇а вад̇т̇аад̣̇ийнам̣ абараамасанаани н̃ад̇д̇ияам̣ вуд̇д̇асад̣̇исаанзва. д̇ийсу бана ануссааванаасу яад̇т̇а гад̇т̇ажи зд̇зсам̣ абараамасанам̣ абараамасанамзва, саб̣б̣зна саб̣б̣ам̣ бана гаммаваажам̣ авад̇ваа жад̇угкад̇д̇ум̣ н̃ад̇д̇игид̇д̇анамзва. ат̇а ваа бана гаммаваажаб̣бханд̇арз агкарасса ваа бад̣̇асса ваа анужжааран̣ам̣ ваа д̣̇уружжааран̣ам̣ ваа сааванааяа хаабанам̣ наама. сааванааяа аногаасз батамам̣ н̃ад̇д̇им̣ адтабзд̇ваа ануссааванагаран̣ам̣ агаалз сааванам̣ наама. ид̇и имзхи д̣̇осзхи вимуд̇д̇ааяа ануссааванааяа самбаннам̣ ануссааванасамбад̇д̇исамбаннам̣ наама.
Vatthusaṅghapuggalānaṃ aparāmasanāni sāvanāya hāpanaṃ akāle sāvananti ime pañca anussāvanadosā. Tattha vatthādīnaṃ aparāmasanāni ñattiyaṃ vuttasadisāneva. Tīsu pana anussāvanāsu yattha katthaci etesaṃ aparāmasanaṃ aparāmasanameva, sabbena sabbaṃ pana kammavācaṃ avatvā catukkhattuṃ ñattikittanameva. Atha vā pana kammavācabbhantare akkharassa vā padassa vā anuccāraṇaṃ vā duruccāraṇaṃ vā sāvanāya hāpanaṃ nāma. Sāvanāya anokāse paṭhamaṃ ñattiṃ aṭṭhapetvā anussāvanakaraṇaṃ akāle sāvanaṃ nāma. Iti imehi dosehi vimuttāya anussāvanāya sampannaṃ anussāvanasampattisampannaṃ nāma.
вибад̇д̇исиймаалагкан̣ам̣ самад̇игганд̇ааяа бана сиймааяа гад̇ам̣ сиймаасамбад̇д̇исамбаннам̣ наама. яаавад̇игаа бхигкуу гаммаббад̇д̇аа, д̇зсам̣ анааг̇аманам̣, чанд̣̇аарахаанам̣ чанд̣̇асса анаахаран̣ам̣, саммукийбхууд̇аанам̣ бадиггосананд̇и имз бана д̇аяо барисад̣̇осаа, д̇зхи вимуд̇д̇ааяа барисааяа гад̇ам̣ барисасамбад̇д̇исамбаннам̣ наама.
Vipattisīmālakkhaṇaṃ samatikkantāya pana sīmāya kataṃ sīmāsampattisampannaṃ nāma. Yāvatikā bhikkhū kammappattā, tesaṃ anāgamanaṃ, chandārahānaṃ chandassa anāharaṇaṃ, sammukhībhūtānaṃ paṭikkosananti ime pana tayo parisadosā, tehi vimuttāya parisāya kataṃ parisasampattisampannaṃ nāma.
убасамбад̣̇аагаммаваажаасан̇каад̇ам̣ бхаг̇авад̇о важанам̣ убасамбад̣̇аагаммагаран̣асса гааран̣ад̇д̇аа таанам̣, яат̇аа жа д̇ам̣ гад̇д̇аб̣б̣анд̇и бхаг̇авад̇аа анусидтам̣, д̇ат̇аа гад̇ад̇д̇аа д̇ад̣̇анужчавигам̣ яат̇аавуд̇д̇ам̣ ануунам̣ н̃ад̇д̇иануссааванам̣ уббадибаадияаа жа авуд̇д̇ам̣ таанаарахам̣. яат̇аа гад̇д̇аб̣б̣анд̇и хи бхаг̇авад̇аа вуд̇д̇ам̣, д̇ат̇аа агад̇з убасамбад̣̇аагаммасса гааран̣ам̣ на ход̇ийд̇и на д̇ам̣ таанаарахам̣. д̇знааха ‘‘гааран̣аарахзна сад̇т̇усаасанаарахзнаа’’д̇и. иминаа н̃ад̇д̇иануссааванасамбад̇д̇и гат̇ид̇аад̇и взд̣̇ид̇аб̣б̣аа. ‘‘самаг̇г̇зна сан̇гхзнаа’’д̇и иминаа бана барисасамбад̇д̇и гат̇ид̇аава. ‘‘агуббзнаа’’д̇и иминаа баарисзсад̇о вад̇т̇усиймаасамбад̇д̇ияо гат̇ид̇аад̇и взд̣̇ид̇аб̣б̣аа. адтагат̇ааяам̣ бана агуббалагкан̣ам̣ згад̇т̇а самбин̣д̣зд̇ваа д̣̇ассзд̇ум̣ агуббзнаад̇и имасса ‘‘вад̇т̇ун̃ад̇д̇иануссааванасиймаабарисасамбад̇д̇исамбаннад̇д̇аа агобзд̇аб̣б̣ад̇ам̣ аббадиггосид̇аб̣б̣ад̇ам̣ убаг̇ад̇знаа’’д̇и ад̇т̇о вуд̇д̇о. гзжи бана ‘‘таанаарахзнаад̇изд̇т̇а ‘на хад̇т̇ажчинно баб̣б̣ааж̇зд̇аб̣б̣о’д̇иаад̣̇и (махаава. 119) сад̇т̇усаасанам̣ таана’’нд̇и вад̣̇анд̇и.
Upasampadākammavācāsaṅkhātaṃ bhagavato vacanaṃ upasampadākammakaraṇassa kāraṇattā ṭhānaṃ, yathā ca taṃ kattabbanti bhagavatā anusiṭṭhaṃ, tathā katattā tadanucchavikaṃ yathāvuttaṃ anūnaṃ ñattianussāvanaṃ uppaṭipāṭiyā ca avuttaṃ ṭhānārahaṃ. Yathā kattabbanti hi bhagavatā vuttaṃ, tathā akate upasampadākammassa kāraṇaṃ na hotīti na taṃ ṭhānārahaṃ. Tenāha ‘‘kāraṇārahena satthusāsanārahenā’’ti. Iminā ñattianussāvanasampatti kathitāti veditabbā. ‘‘Samaggena saṅghenā’’ti iminā pana parisasampatti kathitāva. ‘‘Akuppenā’’ti iminā pārisesato vatthusīmāsampattiyo kathitāti veditabbā. Aṭṭhakathāyaṃ pana akuppalakkhaṇaṃ ekattha sampiṇḍetvā dassetuṃ akuppenāti imassa ‘‘vatthuñattianussāvanasīmāparisasampattisampannattā akopetabbataṃ appaṭikkositabbataṃ upagatenā’’ti attho vutto. Keci pana ‘‘ṭhānārahenātiettha ‘na hatthacchinno pabbājetabbo’tiādi (mahāva. 119) satthusāsanaṃ ṭhāna’’nti vadanti.
‘‘н̃ад̇д̇ижад̇уд̇т̇зна гаммзнаа’’д̇и имасмим̣ ад̇хигаарз басан̇г̇ад̇о аахарид̇ваа яам̣ гаммалагкан̣ам̣ саб̣б̣аадтагат̇аасу бабан̃жид̇ам̣, д̇ам̣ яат̇ааааг̇ад̇адтаанзязва д̣̇ассзд̇угаамо ид̇ха д̇асса аважанз д̇ад̇т̇а важанз жа баяож̇анам̣ д̣̇ассзд̇ум̣ ‘‘имасмим̣ бана таанз тад̇ваа’’д̇иаад̣̇имааха.
‘‘Ñatticatutthena kammenā’’ti imasmiṃ adhikāre pasaṅgato āharitvā yaṃ kammalakkhaṇaṃ sabbaaṭṭhakathāsu papañcitaṃ, taṃ yathāāgataṭṭhāneyeva dassetukāmo idha tassa avacane tattha vacane ca payojanaṃ dassetuṃ ‘‘imasmiṃ pana ṭhāne ṭhatvā’’tiādimāha.
адтасу убасамбад̣̇аасу зхибхигкуубасамбад̣̇аа саран̣аг̇амануубасамбад̣̇аа оваад̣̇абадиг̇г̇ахан̣уубасамбад̣̇аа бан̃хаб̣яаагаран̣уубасамбад̣̇аад̇и имаахи убасамбад̣̇аахи убасамбаннаанам̣ логаваж̇ж̇асигкаабад̣̇авийд̇иггамз абхаб̣б̣ад̇д̇аа г̇аруд̇хаммабадиг̇г̇ахан̣уубасамбад̣̇аа д̣̇ууд̇знуубасамбад̣̇аа адтаваажигуубасамбад̣̇аад̇и имаасан̃жа д̇иссаннам̣ убасамбад̣̇аанам̣ бхигкунийнам̣язва анун̃н̃аад̇ад̇д̇аа н̃ад̇д̇ижад̇уд̇т̇знзва гаммзна убасамбанно г̇ахид̇од̇и взд̣̇ид̇аб̣б̣о. д̇ат̇аа хи зхибхигкуубасамбад̣̇аа анд̇имабхавигаанам̣язва, саран̣аг̇амануубасамбад̣̇аа барисуд̣̇д̇хаанам̣, оваад̣̇абадиг̇г̇ахан̣абан̃хаб̣яаагаран̣уубасамбад̣̇аа махаагассабасобаагаанам̣, на жа д̇з бхаб̣б̣аа баарааж̇игаад̣̇илогаваж̇ж̇ам̣ аабаж̇ж̇ид̇ум̣, г̇аруд̇хаммабадиг̇г̇ахан̣аад̣̇аяо жа бхигкунийнам̣язва анун̃н̃аад̇аа, аяан̃жа бхигку, д̇асмаа зд̇т̇а н̃ад̇д̇ижад̇уд̇т̇зна убасамбаннова г̇ахид̇од̇и взд̣̇ид̇аб̣б̣о.
Aṭṭhasu upasampadāsu ehibhikkhūpasampadā saraṇagamanūpasampadā ovādapaṭiggahaṇūpasampadā pañhabyākaraṇūpasampadāti imāhi upasampadāhi upasampannānaṃ lokavajjasikkhāpadavītikkame abhabbattā garudhammapaṭiggahaṇūpasampadā dūtenūpasampadā aṭṭhavācikūpasampadāti imāsañca tissannaṃ upasampadānaṃ bhikkhunīnaṃyeva anuññātattā ñatticatuttheneva kammena upasampanno gahitoti veditabbo. Tathā hi ehibhikkhūpasampadā antimabhavikānaṃyeva, saraṇagamanūpasampadā parisuddhānaṃ, ovādapaṭiggahaṇapañhabyākaraṇūpasampadā mahākassapasopākānaṃ, na ca te bhabbā pārājikādilokavajjaṃ āpajjituṃ, garudhammapaṭiggahaṇādayo ca bhikkhunīnaṃyeva anuññātā, ayañca bhikkhu, tasmā ettha ñatticatutthena upasampannova gahitoti veditabbo.
бан̣н̣ад̇д̇иваж̇ж̇зсу бана сигкаабад̣̇зсу ан̃н̃зби зхибхигкуубасамбад̣̇ааяа убасамбаннаад̣̇аяо сан̇г̇ахам̣ г̇ажчанд̇и. д̇зби хи сахасзяяаад̣̇ибан̣н̣ад̇д̇иваж̇ж̇ам̣ аабад̇д̇им̣ аабаж̇ж̇анд̇иязва. яад̣̇и звам̣ бан̣н̣ад̇д̇иваж̇ж̇зсуби сигкаабад̣̇зсу ‘‘аяам̣ имасмим̣ ад̇т̇з ад̇хиббзд̇о бхигкуу’’д̇и н̃ад̇д̇ижад̇уд̇т̇знзва гаммзна убасамбанно гасмаа вуд̇д̇од̇и? саб̣б̣асигкаабад̣̇авийд̇иггамаарахад̇д̇аа саб̣б̣агаалигад̇д̇аа жа. зхибхигкуубасамбад̣̇аад̣̇аяо хи на саб̣б̣асигкаабад̣̇авийд̇иггамаарахаа асаб̣б̣агаалигаа жа. д̇ат̇аа хи адтасу убасамбад̣̇аасу н̃ад̇д̇ижад̇уд̇т̇агаммуубасамбад̣̇аа д̣̇ууд̇знуубасамбад̣̇аа адтаваажигуубасамбад̣̇аад̇и имаа д̇иссоязва т̇аавараа, сзсаа б̣уд̣̇д̇хз д̇харамаанзязва ахзсум̣. д̇знзва жа бхигкунийвибхан̇г̇зби (баажи. 658) ‘‘д̇ад̇ра яааяам̣ бхигкуний самаг̇г̇зна убхад̇осан̇гхзна н̃ад̇д̇ижад̇уд̇т̇зна гаммзна агуббзна таанаарахзна убасамбаннаа, аяам̣ имасмим̣ ад̇т̇з ад̇хиббзд̇аа бхигкуний’’д̇и д̣̇ууд̇знуубасамбад̣̇ааяа адтаваажигуубасамбад̣̇ааяа жа убасамбаннам̣ анд̇огад̇ваа убхад̇осан̇гхзна н̃ад̇д̇ижад̇уд̇т̇знзва гаммзна убасамбаннаа бхигкуний вуд̇д̇аа, на г̇аруд̇хаммабадиг̇г̇ахан̣уубасамбад̣̇ааяа убасамбаннаа д̇ассаа убасамбад̣̇ааяа баадибуг̇г̇алигабхаавад̇о асаб̣б̣агаалигад̇д̇аа. г̇аруд̇хаммабадиг̇г̇ахан̣уубасамбад̣̇аа хи махаабаж̇аабад̇ияаа зва анун̃н̃аад̇ад̇д̇аа баадибуг̇г̇алигаад̇и, д̇асмаа саб̣б̣асигкаабад̣̇авийд̇иггамаарахам̣ саб̣б̣агаалигааяа н̃ад̇д̇ижад̇уд̇т̇агаммуубасамбад̣̇ааяа убасамбаннамзва г̇ахзд̇ваа саб̣б̣асигкаабад̣̇аани бан̃н̃ад̇д̇аанийд̇и г̇ахзд̇аб̣б̣ам̣. яад̣̇и звам̣ бан̣н̣ад̇д̇иваж̇ж̇зсу сигкаабад̣̇зсу жа зхибхигкуубасамбаннаад̣̇ийнамби сан̇г̇ахо гат̇ам̣ вин̃н̃ааяад̇ийд̇и? ад̇т̇ад̇о аабаннад̇д̇аа. д̇ат̇аа хи ‘‘д̣̇вз буг̇г̇алаа абхаб̣б̣аа аабад̇д̇им̣ аабаж̇ж̇ид̇ум̣ б̣уд̣̇д̇хаа жа бажжзгаб̣уд̣̇д̇хаа жа, д̣̇вз буг̇г̇алаа бхаб̣б̣аа аабад̇д̇им̣ аабаж̇ж̇ид̇ум̣ бхигкуу жа бхигкунияо жаа’’д̇и (бари. 322) сааман̃н̃ад̇о вуд̇д̇ад̇д̇аа зхибхигкуубасамбаннаад̣̇аяоби асан̃жижжа ассад̇ияаа ажид̇д̇агам̣ бан̣н̣ад̇д̇иваж̇ж̇ам̣ сахасзяяаад̣̇иаабад̇д̇им̣ аабаж̇ж̇анд̇ийд̇и ад̇т̇ад̇о аабаннанд̇и аяамзд̇т̇а сааро. яам̣ банзд̇т̇а ид̇о ан̃н̃ат̇аа гзнажи бабан̃жид̇ам̣, на д̇ам̣ саарад̇о бажжзд̇аб̣б̣ам̣.
Paṇṇattivajjesu pana sikkhāpadesu aññepi ehibhikkhūpasampadāya upasampannādayo saṅgahaṃ gacchanti. Tepi hi sahaseyyādipaṇṇattivajjaṃ āpattiṃ āpajjantiyeva. Yadi evaṃ paṇṇattivajjesupi sikkhāpadesu ‘‘ayaṃ imasmiṃ atthe adhippeto bhikkhū’’ti ñatticatuttheneva kammena upasampanno kasmā vuttoti? Sabbasikkhāpadavītikkamārahattā sabbakālikattā ca. Ehibhikkhūpasampadādayo hi na sabbasikkhāpadavītikkamārahā asabbakālikā ca. Tathā hi aṭṭhasu upasampadāsu ñatticatutthakammūpasampadā dūtenūpasampadā aṭṭhavācikūpasampadāti imā tissoyeva thāvarā, sesā buddhe dharamāneyeva ahesuṃ. Teneva ca bhikkhunīvibhaṅgepi (pāci. 658) ‘‘tatra yāyaṃ bhikkhunī samaggena ubhatosaṅghena ñatticatutthena kammena akuppena ṭhānārahena upasampannā, ayaṃ imasmiṃ atthe adhippetā bhikkhunī’’ti dūtenūpasampadāya aṭṭhavācikūpasampadāya ca upasampannaṃ antokatvā ubhatosaṅghena ñatticatuttheneva kammena upasampannā bhikkhunī vuttā, na garudhammapaṭiggahaṇūpasampadāya upasampannā tassā upasampadāya pāṭipuggalikabhāvato asabbakālikattā. Garudhammapaṭiggahaṇūpasampadā hi mahāpajāpatiyā eva anuññātattā pāṭipuggalikāti, tasmā sabbasikkhāpadavītikkamārahaṃ sabbakālikāya ñatticatutthakammūpasampadāya upasampannameva gahetvā sabbasikkhāpadāni paññattānīti gahetabbaṃ. Yadi evaṃ paṇṇattivajjesu sikkhāpadesu ca ehibhikkhūpasampannādīnampi saṅgaho kathaṃ viññāyatīti? Atthato āpannattā. Tathā hi ‘‘dve puggalā abhabbā āpattiṃ āpajjituṃ buddhā ca paccekabuddhā ca, dve puggalā bhabbā āpattiṃ āpajjituṃ bhikkhū ca bhikkhuniyo cā’’ti (pari. 322) sāmaññato vuttattā ehibhikkhūpasampannādayopi asañcicca assatiyā acittakaṃ paṇṇattivajjaṃ sahaseyyādiāpattiṃ āpajjantīti atthato āpannanti ayamettha sāro. Yaṃ panettha ito aññathā kenaci papañcitaṃ, na taṃ sārato paccetabbaṃ.
нируд̇д̇ивасзнаад̇и ниб̣б̣ажанавасзна. абхилаабавасзнаад̇и вохааравасзна. ануббаннааяа гаммаваажааяаад̇и ануббаннааяа н̃ад̇д̇ижад̇уд̇т̇агаммаваажааяа. г̇ун̣авасзнаад̇и сийлаад̣̇ид̇ам̣д̇ам̣г̇ун̣аяог̇ад̇о. зд̇т̇а жа бхинд̣̇ад̇и баабагз агусалз д̇хаммзд̇и бхигкууд̇и ниб̣б̣ажанам̣ взд̣̇ид̇аб̣б̣ам̣.
Niruttivasenāti nibbacanavasena. Abhilāpavasenāti vohāravasena. Anuppannāya kammavācāyāti anuppannāya ñatticatutthakammavācāya. Guṇavasenāti sīlāditaṃtaṃguṇayogato. Ettha ca bhindati pāpake akusale dhammeti bhikkhūti nibbacanaṃ veditabbaṃ.
бхигкубад̣̇абхааж̇анийяаван̣н̣анаа нидтид̇аа.
Bhikkhupadabhājanīyavaṇṇanā niṭṭhitā.
