| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
12. бхигкубан̣аамид̇абан̃хо
12. Bhikkhupaṇāmitapañho
12. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘аггод̇хано виг̇ад̇акилохамасмий’д̇и, буна жа д̇ат̇ааг̇ад̇о т̇зрз саарибуд̇д̇амог̇г̇аллаанз сабарисз бан̣аамзси, гим̣ ну ко, бханд̇з нааг̇асзна, д̇ат̇ааг̇ад̇о губид̇о барисам̣ бан̣аамзси, уд̣̇ааху д̇удто бан̣аамзси, зд̇ам̣ д̇аава ж̇аанаахи имам̣ наамаад̇и? яад̣̇и, бханд̇з нааг̇асзна, губид̇о барисам̣ бан̣аамзси, д̇зна хи д̇ат̇ааг̇ад̇асса год̇хо аббадивад̇д̇ид̇о, яад̣̇и д̇удто бан̣аамзси, д̇зна хи авад̇т̇усмим̣ аж̇аананд̇зна бан̣аамид̇аа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
12. ‘‘Bhante nāgasena, bhāsitampetaṃ bhagavatā ‘akkodhano vigatakhilohamasmī’ti, puna ca tathāgato there sāriputtamoggallāne saparise paṇāmesi, kiṃ nu kho, bhante nāgasena, tathāgato kupito parisaṃ paṇāmesi, udāhu tuṭṭho paṇāmesi, etaṃ tāva jānāhi imaṃ nāmāti? Yadi, bhante nāgasena, kupito parisaṃ paṇāmesi, tena hi tathāgatassa kodho appaṭivattito, yadi tuṭṭho paṇāmesi, tena hi avatthusmiṃ ajānantena paṇāmitā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘аггод̇хано виг̇ад̇акилохамасмий’д̇и, бан̣аамид̇аа жа т̇зраа саарибуд̇д̇амог̇г̇аллаанаа сабарисаа, д̇ан̃жа бана на гобзна, ид̇ха, махаарааж̇а, гожид̣̇зва бурисо махаабат̇авияаа муулз ваа каан̣угз ваа баасаан̣з ваа гаталз ваа висамз ваа бхуумибхааг̇з калид̇ваа бад̇ад̇и, аби ну ко, махаарааж̇а, махаабат̇авий губид̇аа д̇ам̣ баад̇зд̇ий’’д̇и? ‘‘на хи, бханд̇з, над̇т̇и махаабат̇авияаа гобо ваа басаад̣̇о ваа, анунаяаббадигхавиббамуд̇д̇аа махаабат̇авий, саяамзва со аласо калид̇ваа бад̇ид̇од̇и. звамзва ко, махаарааж̇а, над̇т̇и д̇ат̇ааг̇ад̇аанам̣ гобо ваа басаад̣̇о ваа, анунаяаббадигхавиббамуд̇д̇аа д̇ат̇ааг̇ад̇аа араханд̇о саммаасамб̣уд̣̇д̇хаа, ат̇а ко саяам̣ гад̇знзва д̇з ад̇д̇ано абараад̇хзна бан̣аамид̇аа.
‘‘Bhāsitampetaṃ, mahārāja, bhagavatā ‘akkodhano vigatakhilohamasmī’ti, paṇāmitā ca therā sāriputtamoggallānā saparisā, tañca pana na kopena, idha, mahārāja, kocideva puriso mahāpathaviyā mūle vā khāṇuke vā pāsāṇe vā kaṭhale vā visame vā bhūmibhāge khalitvā patati, api nu kho, mahārāja, mahāpathavī kupitā taṃ pātetī’’ti? ‘‘Na hi, bhante, natthi mahāpathaviyā kopo vā pasādo vā, anunayappaṭighavippamuttā mahāpathavī, sayameva so alaso khalitvā patitoti. Evameva kho, mahārāja, natthi tathāgatānaṃ kopo vā pasādo vā, anunayappaṭighavippamuttā tathāgatā arahanto sammāsambuddhā, atha kho sayaṃ kateneva te attano aparādhena paṇāmitā.
‘‘ид̇ха бана, махаарааж̇а, махаасамуд̣̇д̣̇о на мад̇зна гун̣абзна сам̣васад̇и, яам̣ ход̇и махаасамуд̣̇д̣̇з мад̇ам̣ гун̣абам̣, д̇ам̣ киббамзва нижчубхад̇и т̇алам̣ уссаарзд̇и. аби ну ко, махаарааж̇а, махаасамуд̣̇д̣̇о губид̇о д̇ам̣ гун̣абам̣ нижчубхад̇ий’’д̇и? ‘‘на хи, бханд̇з, над̇т̇и махаасамуд̣̇д̣̇асса гобо ваа басаад̣̇о ваа, анунаяаббадигхавиббамуд̇д̇о махаасамуд̣̇д̣̇о’’д̇и. ‘‘звамзва ко, махаарааж̇а, над̇т̇и д̇ат̇ааг̇ад̇аанам̣ гобо ваа басаад̣̇о ваа, анунаяаббадигхавиббамуд̇д̇аа д̇ат̇ааг̇ад̇аа араханд̇о саммаасамб̣уд̣̇д̇хаа, ат̇а ко саяам̣ гад̇знзва д̇з ад̇д̇ано абараад̇хзна бан̣аамид̇аа.
‘‘Idha pana, mahārāja, mahāsamuddo na matena kuṇapena saṃvasati, yaṃ hoti mahāsamudde mataṃ kuṇapaṃ, taṃ khippameva nicchubhati thalaṃ ussāreti. Api nu kho, mahārāja, mahāsamuddo kupito taṃ kuṇapaṃ nicchubhatī’’ti? ‘‘Na hi, bhante, natthi mahāsamuddassa kopo vā pasādo vā, anunayappaṭighavippamutto mahāsamuddo’’ti. ‘‘Evameva kho, mahārāja, natthi tathāgatānaṃ kopo vā pasādo vā, anunayappaṭighavippamuttā tathāgatā arahanto sammāsambuddhā, atha kho sayaṃ kateneva te attano aparādhena paṇāmitā.
‘‘яат̇аа, махаарааж̇а, бат̇авияаа калид̇о бад̇ийяад̇и, звам̣ ж̇инасаасанаварз калид̇о бан̣аамийяад̇и. яат̇аа, махаарааж̇а, самуд̣̇д̣̇з мад̇ам̣ гун̣абам̣ нижчубхийяад̇и , звам̣ ж̇инасаасанаварз калид̇о бан̣аамийяад̇и. яам̣ бана д̇з, махаарааж̇а, д̇ат̇ааг̇ад̇о бан̣аамзси, д̇зсам̣ ад̇т̇агаамо хид̇агаамо сукагаамо висуд̣̇д̇хигаамо ‘звам̣ имз ж̇аад̇иж̇арааб̣яаад̇химаран̣зхи баримужжиссанд̇ий’д̇и бан̣аамзсий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Yathā, mahārāja, pathaviyā khalito patīyati, evaṃ jinasāsanavare khalito paṇāmīyati. Yathā, mahārāja, samudde mataṃ kuṇapaṃ nicchubhīyati , evaṃ jinasāsanavare khalito paṇāmīyati. Yaṃ pana te, mahārāja, tathāgato paṇāmesi, tesaṃ atthakāmo hitakāmo sukhakāmo visuddhikāmo ‘evaṃ ime jātijarābyādhimaraṇehi parimuccissantī’ti paṇāmesī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
бхигкубан̣аамид̇абан̃хо д̣̇ваад̣̇асамо.
Bhikkhupaṇāmitapañho dvādasamo.
бан̣аамид̇аваг̇г̇о д̇ад̇ияо.
Paṇāmitavaggo tatiyo.
имасмим̣ ваг̇г̇з д̣̇ваад̣̇аса бан̃хаа.
Imasmiṃ vagge dvādasa pañhā.
