| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੧੨. ਭਿਕ੍ਖੁਪਣਾਮਿਤਪਞ੍ਹੋ
12. Bhikkhupaṇāmitapañho
੧੨. ‘‘ਭਨ੍ਤੇ ਨਾਗਸੇਨ, ਭਾਸਿਤਮ੍ਪੇਤਂ ਭਗવਤਾ ‘ਅਕ੍ਕੋਧਨੋ વਿਗਤਖਿਲੋਹਮਸ੍ਮੀ’ਤਿ, ਪੁਨ ਚ ਤਥਾਗਤੋ ਥੇਰੇ ਸਾਰਿਪੁਤ੍ਤਮੋਗ੍ਗਲ੍ਲਾਨੇ ਸਪਰਿਸੇ ਪਣਾਮੇਸਿ, ਕਿਂ ਨੁ ਖੋ, ਭਨ੍ਤੇ ਨਾਗਸੇਨ, ਤਥਾਗਤੋ ਕੁਪਿਤੋ ਪਰਿਸਂ ਪਣਾਮੇਸਿ, ਉਦਾਹੁ ਤੁਟ੍ਠੋ ਪਣਾਮੇਸਿ, ਏਤਂ ਤਾવ ਜਾਨਾਹਿ ਇਮਂ ਨਾਮਾਤਿ? ਯਦਿ, ਭਨ੍ਤੇ ਨਾਗਸੇਨ, ਕੁਪਿਤੋ ਪਰਿਸਂ ਪਣਾਮੇਸਿ, ਤੇਨ ਹਿ ਤਥਾਗਤਸ੍ਸ ਕੋਧੋ ਅਪ੍ਪਟਿવਤ੍ਤਿਤੋ, ਯਦਿ ਤੁਟ੍ਠੋ ਪਣਾਮੇਸਿ, ਤੇਨ ਹਿ ਅવਤ੍ਥੁਸ੍ਮਿਂ ਅਜਾਨਨ੍ਤੇਨ ਪਣਾਮਿਤਾ। ਅਯਮ੍ਪਿ ਉਭਤੋ ਕੋਟਿਕੋ ਪਞ੍ਹੋ ਤવਾਨੁਪ੍ਪਤ੍ਤੋ, ਸੋ ਤਯਾ ਨਿਬ੍ਬਾਹਿਤਬ੍ਬੋ’’ਤਿ।
12. ‘‘Bhante nāgasena, bhāsitampetaṃ bhagavatā ‘akkodhano vigatakhilohamasmī’ti, puna ca tathāgato there sāriputtamoggallāne saparise paṇāmesi, kiṃ nu kho, bhante nāgasena, tathāgato kupito parisaṃ paṇāmesi, udāhu tuṭṭho paṇāmesi, etaṃ tāva jānāhi imaṃ nāmāti? Yadi, bhante nāgasena, kupito parisaṃ paṇāmesi, tena hi tathāgatassa kodho appaṭivattito, yadi tuṭṭho paṇāmesi, tena hi avatthusmiṃ ajānantena paṇāmitā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ‘ਅਕ੍ਕੋਧਨੋ વਿਗਤਖਿਲੋਹਮਸ੍ਮੀ’ਤਿ, ਪਣਾਮਿਤਾ ਚ ਥੇਰਾ ਸਾਰਿਪੁਤ੍ਤਮੋਗ੍ਗਲ੍ਲਾਨਾ ਸਪਰਿਸਾ, ਤਞ੍ਚ ਪਨ ਨ ਕੋਪੇਨ, ਇਧ, ਮਹਾਰਾਜ, ਕੋਚਿਦੇવ ਪੁਰਿਸੋ ਮਹਾਪਥવਿਯਾ ਮੂਲੇ વਾ ਖਾਣੁਕੇ વਾ ਪਾਸਾਣੇ વਾ ਕਠਲੇ વਾ વਿਸਮੇ વਾ ਭੂਮਿਭਾਗੇ ਖਲਿਤ੍વਾ ਪਤਤਿ, ਅਪਿ ਨੁ ਖੋ, ਮਹਾਰਾਜ, ਮਹਾਪਥવੀ ਕੁਪਿਤਾ ਤਂ ਪਾਤੇਤੀ’’ਤਿ? ‘‘ਨ ਹਿ, ਭਨ੍ਤੇ, ਨਤ੍ਥਿ ਮਹਾਪਥવਿਯਾ ਕੋਪੋ વਾ ਪਸਾਦੋ વਾ, ਅਨੁਨਯਪ੍ਪਟਿਘવਿਪ੍ਪਮੁਤ੍ਤਾ ਮਹਾਪਥવੀ, ਸਯਮੇવ ਸੋ ਅਲਸੋ ਖਲਿਤ੍વਾ ਪਤਿਤੋਤਿ। ਏવਮੇવ ਖੋ, ਮਹਾਰਾਜ, ਨਤ੍ਥਿ ਤਥਾਗਤਾਨਂ ਕੋਪੋ વਾ ਪਸਾਦੋ વਾ, ਅਨੁਨਯਪ੍ਪਟਿਘવਿਪ੍ਪਮੁਤ੍ਤਾ ਤਥਾਗਤਾ ਅਰਹਨ੍ਤੋ ਸਮ੍ਮਾਸਮ੍ਬੁਦ੍ਧਾ, ਅਥ ਖੋ ਸਯਂ ਕਤੇਨੇવ ਤੇ ਅਤ੍ਤਨੋ ਅਪਰਾਧੇਨ ਪਣਾਮਿਤਾ।
‘‘Bhāsitampetaṃ, mahārāja, bhagavatā ‘akkodhano vigatakhilohamasmī’ti, paṇāmitā ca therā sāriputtamoggallānā saparisā, tañca pana na kopena, idha, mahārāja, kocideva puriso mahāpathaviyā mūle vā khāṇuke vā pāsāṇe vā kaṭhale vā visame vā bhūmibhāge khalitvā patati, api nu kho, mahārāja, mahāpathavī kupitā taṃ pātetī’’ti? ‘‘Na hi, bhante, natthi mahāpathaviyā kopo vā pasādo vā, anunayappaṭighavippamuttā mahāpathavī, sayameva so alaso khalitvā patitoti. Evameva kho, mahārāja, natthi tathāgatānaṃ kopo vā pasādo vā, anunayappaṭighavippamuttā tathāgatā arahanto sammāsambuddhā, atha kho sayaṃ kateneva te attano aparādhena paṇāmitā.
‘‘ਇਧ ਪਨ, ਮਹਾਰਾਜ, ਮਹਾਸਮੁਦ੍ਦੋ ਨ ਮਤੇਨ ਕੁਣਪੇਨ ਸਂવਸਤਿ, ਯਂ ਹੋਤਿ ਮਹਾਸਮੁਦ੍ਦੇ ਮਤਂ ਕੁਣਪਂ, ਤਂ ਖਿਪ੍ਪਮੇવ ਨਿਚ੍ਛੁਭਤਿ ਥਲਂ ਉਸ੍ਸਾਰੇਤਿ। ਅਪਿ ਨੁ ਖੋ, ਮਹਾਰਾਜ, ਮਹਾਸਮੁਦ੍ਦੋ ਕੁਪਿਤੋ ਤਂ ਕੁਣਪਂ ਨਿਚ੍ਛੁਭਤੀ’’ਤਿ? ‘‘ਨ ਹਿ, ਭਨ੍ਤੇ, ਨਤ੍ਥਿ ਮਹਾਸਮੁਦ੍ਦਸ੍ਸ ਕੋਪੋ વਾ ਪਸਾਦੋ વਾ, ਅਨੁਨਯਪ੍ਪਟਿਘવਿਪ੍ਪਮੁਤ੍ਤੋ ਮਹਾਸਮੁਦ੍ਦੋ’’ਤਿ। ‘‘ਏવਮੇવ ਖੋ, ਮਹਾਰਾਜ, ਨਤ੍ਥਿ ਤਥਾਗਤਾਨਂ ਕੋਪੋ વਾ ਪਸਾਦੋ વਾ, ਅਨੁਨਯਪ੍ਪਟਿਘવਿਪ੍ਪਮੁਤ੍ਤਾ ਤਥਾਗਤਾ ਅਰਹਨ੍ਤੋ ਸਮ੍ਮਾਸਮ੍ਬੁਦ੍ਧਾ, ਅਥ ਖੋ ਸਯਂ ਕਤੇਨੇવ ਤੇ ਅਤ੍ਤਨੋ ਅਪਰਾਧੇਨ ਪਣਾਮਿਤਾ।
‘‘Idha pana, mahārāja, mahāsamuddo na matena kuṇapena saṃvasati, yaṃ hoti mahāsamudde mataṃ kuṇapaṃ, taṃ khippameva nicchubhati thalaṃ ussāreti. Api nu kho, mahārāja, mahāsamuddo kupito taṃ kuṇapaṃ nicchubhatī’’ti? ‘‘Na hi, bhante, natthi mahāsamuddassa kopo vā pasādo vā, anunayappaṭighavippamutto mahāsamuddo’’ti. ‘‘Evameva kho, mahārāja, natthi tathāgatānaṃ kopo vā pasādo vā, anunayappaṭighavippamuttā tathāgatā arahanto sammāsambuddhā, atha kho sayaṃ kateneva te attano aparādhena paṇāmitā.
‘‘ਯਥਾ, ਮਹਾਰਾਜ, ਪਥવਿਯਾ ਖਲਿਤੋ ਪਤੀਯਤਿ, ਏવਂ ਜਿਨਸਾਸਨવਰੇ ਖਲਿਤੋ ਪਣਾਮੀਯਤਿ। ਯਥਾ, ਮਹਾਰਾਜ, ਸਮੁਦ੍ਦੇ ਮਤਂ ਕੁਣਪਂ ਨਿਚ੍ਛੁਭੀਯਤਿ , ਏવਂ ਜਿਨਸਾਸਨવਰੇ ਖਲਿਤੋ ਪਣਾਮੀਯਤਿ। ਯਂ ਪਨ ਤੇ, ਮਹਾਰਾਜ, ਤਥਾਗਤੋ ਪਣਾਮੇਸਿ, ਤੇਸਂ ਅਤ੍ਥਕਾਮੋ ਹਿਤਕਾਮੋ ਸੁਖਕਾਮੋ વਿਸੁਦ੍ਧਿਕਾਮੋ ‘ਏવਂ ਇਮੇ ਜਾਤਿਜਰਾਬ੍ਯਾਧਿਮਰਣੇਹਿ ਪਰਿਮੁਚ੍ਚਿਸ੍ਸਨ੍ਤੀ’ਤਿ ਪਣਾਮੇਸੀ’’ਤਿ। ‘‘ਸਾਧੁ, ਭਨ੍ਤੇ ਨਾਗਸੇਨ, ਏવਮੇਤਂ ਤਥਾ ਸਮ੍ਪਟਿਚ੍ਛਾਮੀ’’ਤਿ।
‘‘Yathā, mahārāja, pathaviyā khalito patīyati, evaṃ jinasāsanavare khalito paṇāmīyati. Yathā, mahārāja, samudde mataṃ kuṇapaṃ nicchubhīyati , evaṃ jinasāsanavare khalito paṇāmīyati. Yaṃ pana te, mahārāja, tathāgato paṇāmesi, tesaṃ atthakāmo hitakāmo sukhakāmo visuddhikāmo ‘evaṃ ime jātijarābyādhimaraṇehi parimuccissantī’ti paṇāmesī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
ਭਿਕ੍ਖੁਪਣਾਮਿਤਪਞ੍ਹੋ ਦ੍વਾਦਸਮੋ।
Bhikkhupaṇāmitapañho dvādasamo.
ਪਣਾਮਿਤવਗ੍ਗੋ ਤਤਿਯੋ।
Paṇāmitavaggo tatiyo.
ਇਮਸ੍ਮਿਂ વਗ੍ਗੇ ਦ੍વਾਦਸ ਪਞ੍ਹਾ।
Imasmiṃ vagge dvādasa pañhā.
