| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. бхигкусуд̇д̇ам̣
8. Bhikkhusuttaṃ
28. саавад̇т̇ияам̣ вихарад̇и…бз… ‘‘д̇ад̇ра ко…бз… ид̇ха, бхигкавз, бхигку ж̇араамаран̣ам̣ баж̇аанаад̇и, ж̇араамаран̣асамуд̣̇аяам̣ баж̇аанаад̇и, ж̇араамаран̣анирод̇хам̣ баж̇аанаад̇и, ж̇араамаран̣анирод̇хаг̇ааминим̣ бадибад̣̇ам̣ баж̇аанаад̇и, ж̇аад̇им̣ баж̇аанаад̇и…бз… бхавам̣ баж̇аанаад̇и… убаад̣̇аанам̣ баж̇аанаад̇и… д̇ан̣хам̣ баж̇аанаад̇и… взд̣̇анам̣ баж̇аанаад̇и… пассам̣ баж̇аанаад̇и… сал̣ааяад̇анам̣ баж̇аанаад̇и… наамаруубам̣ баж̇аанаад̇и… вин̃н̃аан̣ам̣ баж̇аанаад̇и… сан̇каарз баж̇аанаад̇и, сан̇каарасамуд̣̇аяам̣ баж̇аанаад̇и , сан̇кааранирод̇хам̣ баж̇аанаад̇и, сан̇кааранирод̇хаг̇ааминим̣ бадибад̣̇ам̣ баж̇аанаад̇и.
28. Sāvatthiyaṃ viharati…pe… ‘‘tatra kho…pe… idha, bhikkhave, bhikkhu jarāmaraṇaṃ pajānāti, jarāmaraṇasamudayaṃ pajānāti, jarāmaraṇanirodhaṃ pajānāti, jarāmaraṇanirodhagāminiṃ paṭipadaṃ pajānāti, jātiṃ pajānāti…pe… bhavaṃ pajānāti… upādānaṃ pajānāti… taṇhaṃ pajānāti… vedanaṃ pajānāti… phassaṃ pajānāti… saḷāyatanaṃ pajānāti… nāmarūpaṃ pajānāti… viññāṇaṃ pajānāti… saṅkhāre pajānāti, saṅkhārasamudayaṃ pajānāti , saṅkhāranirodhaṃ pajānāti, saṅkhāranirodhagāminiṃ paṭipadaṃ pajānāti.
‘‘гад̇аман̃жа, бхигкавз, ж̇араамаран̣ам̣? яаа д̇зсам̣ д̇зсам̣ сад̇д̇аанам̣ д̇амхи д̇амхи сад̇д̇анигааяз ж̇араа ж̇ийран̣ад̇аа кан̣д̣ижжам̣ баалижжам̣ валид̇д̇ажад̇аа ааяуно сам̣хаани инд̣̇рияаанам̣ барибааго – аяам̣ вужжад̇и ж̇араа. яаа д̇зсам̣ д̇зсам̣ сад̇д̇аанам̣ д̇амхаа д̇амхаа сад̇д̇анигааяаа жуд̇и жаванад̇аа бхзд̣̇о анд̇арад̇хаанам̣ мажжу маран̣ам̣ гаалагирияаа канд̇хаанам̣ бхзд̣̇о гал̣зварасса нигкзбо; ид̣̇ам̣ вужжад̇и маран̣ам̣. ид̇и аяам̣ жа ж̇араа ид̣̇ан̃жа маран̣ам̣. ид̣̇ам̣ вужжад̇и, бхигкавз, ж̇араамаран̣ам̣. ж̇аад̇исамуд̣̇аяаа ж̇араамаран̣асамуд̣̇аяо; ж̇аад̇инирод̇хаа ж̇араамаран̣анирод̇хо. аяамзва арияо адтан̇г̇иго маг̇г̇о ж̇араамаран̣анирод̇хаг̇ааминий бадибад̣̇аа. сзяяат̇ид̣̇ам̣ – саммаад̣̇идти…бз… саммаасамаад̇хи.
‘‘Katamañca, bhikkhave, jarāmaraṇaṃ? Yā tesaṃ tesaṃ sattānaṃ tamhi tamhi sattanikāye jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – ayaṃ vuccati jarā. Yā tesaṃ tesaṃ sattānaṃ tamhā tamhā sattanikāyā cuti cavanatā bhedo antaradhānaṃ maccu maraṇaṃ kālakiriyā khandhānaṃ bhedo kaḷevarassa nikkhepo; idaṃ vuccati maraṇaṃ. Iti ayaṃ ca jarā idañca maraṇaṃ. Idaṃ vuccati, bhikkhave, jarāmaraṇaṃ. Jātisamudayā jarāmaraṇasamudayo; jātinirodhā jarāmaraṇanirodho. Ayameva ariyo aṭṭhaṅgiko maggo jarāmaraṇanirodhagāminī paṭipadā. Seyyathidaṃ – sammādiṭṭhi…pe… sammāsamādhi.
‘‘гад̇амаа жа, бхигкавз, ж̇аад̇и…бз… гад̇амо жа, бхигкавз, бхаво… гад̇аман̃жа, бхигкавз, убаад̣̇аанам̣… взд̣̇анаа… пассо… сал̣ааяад̇анам̣… наамаруубам̣… вин̃н̃аан̣ам̣….
‘‘Katamā ca, bhikkhave, jāti…pe… katamo ca, bhikkhave, bhavo… katamañca, bhikkhave, upādānaṃ… vedanā… phasso… saḷāyatanaṃ… nāmarūpaṃ… viññāṇaṃ….
‘‘гад̇амз жа, бхигкавз, сан̇каараа? д̇аяомз, бхигкавз, сан̇каараа – гааяасан̇кааро, важийсан̇кааро, жид̇д̇асан̇кааро. имз вужжанд̇и, бхигкавз, сан̇каараа. авиж̇ж̇аасамуд̣̇аяаа сан̇каарасамуд̣̇аяо; авиж̇ж̇аанирод̇хаа сан̇кааранирод̇хо. аяамзва арияо адтан̇г̇иго маг̇г̇о сан̇кааранирод̇хаг̇ааминий бадибад̣̇аа. сзяяат̇ид̣̇ам̣ – саммаад̣̇идти…бз… саммаасамаад̇хи.
‘‘Katame ca, bhikkhave, saṅkhārā? Tayome, bhikkhave, saṅkhārā – kāyasaṅkhāro, vacīsaṅkhāro, cittasaṅkhāro. Ime vuccanti, bhikkhave, saṅkhārā. Avijjāsamudayā saṅkhārasamudayo; avijjānirodhā saṅkhāranirodho. Ayameva ariyo aṭṭhaṅgiko maggo saṅkhāranirodhagāminī paṭipadā. Seyyathidaṃ – sammādiṭṭhi…pe… sammāsamādhi.
‘‘яад̇о ко, бхигкавз, бхигку звам̣ ж̇араамаран̣ам̣ баж̇аанаад̇и, звам̣ ж̇араамаран̣асамуд̣̇аяам̣ баж̇аанаад̇и, звам̣ ж̇араамаран̣анирод̇хам̣ баж̇аанаад̇и, звам̣ ж̇араамаран̣анирод̇хаг̇ааминим̣ бадибад̣̇ам̣ баж̇аанаад̇и, звам̣ ж̇аад̇им̣ баж̇аанаад̇и…бз… бхавам̣… убаад̣̇аанам̣… д̇ан̣хам̣… взд̣̇анам̣… пассам̣… сал̣ааяад̇анам̣… наамаруубам̣… вин̃н̃аан̣ам̣ … сан̇каарз… сан̇каарасамуд̣̇аяам̣… сан̇кааранирод̇хам̣… звам̣ сан̇кааранирод̇хаг̇ааминим̣ бадибад̣̇ам̣ баж̇аанаад̇и. аяам̣ вужжад̇и, бхигкавз, бхигку д̣̇идтисамбанно ид̇иби, д̣̇ассанасамбанно ид̇иби, ааг̇ад̇о имам̣ сад̣̇д̇хаммам̣ ид̇иби, бассад̇и имам̣ сад̣̇д̇хаммам̣ ид̇иби, сзгкзна н̃аан̣зна саманнааг̇ад̇о ид̇иби, сзгкааяа виж̇ж̇ааяа саманнааг̇ад̇о ид̇иби, д̇хаммасод̇ам̣ самаабанно ид̇иби, арияо ниб̣б̣зд̇хигабан̃н̃о ид̇иби, амад̇ад̣̇ваарам̣ аахажжа д̇идтад̇и ид̇ибий’’д̇и. адтамам̣.
‘‘Yato kho, bhikkhave, bhikkhu evaṃ jarāmaraṇaṃ pajānāti, evaṃ jarāmaraṇasamudayaṃ pajānāti, evaṃ jarāmaraṇanirodhaṃ pajānāti, evaṃ jarāmaraṇanirodhagāminiṃ paṭipadaṃ pajānāti, evaṃ jātiṃ pajānāti…pe… bhavaṃ… upādānaṃ… taṇhaṃ… vedanaṃ… phassaṃ… saḷāyatanaṃ… nāmarūpaṃ… viññāṇaṃ … saṅkhāre… saṅkhārasamudayaṃ… saṅkhāranirodhaṃ… evaṃ saṅkhāranirodhagāminiṃ paṭipadaṃ pajānāti. Ayaṃ vuccati, bhikkhave, bhikkhu diṭṭhisampanno itipi, dassanasampanno itipi, āgato imaṃ saddhammaṃ itipi, passati imaṃ saddhammaṃ itipi, sekkhena ñāṇena samannāgato itipi, sekkhāya vijjāya samannāgato itipi, dhammasotaṃ samāpanno itipi, ariyo nibbedhikapañño itipi, amatadvāraṃ āhacca tiṭṭhati itipī’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. бажжаяасуд̇д̇аван̣н̣анаа • 7. Paccayasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. бхигкусуд̇д̇аван̣н̣анаа • 8. Bhikkhusuttavaṇṇanā
