| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. бхигкусуд̇д̇ам̣
5. Bhikkhusuttaṃ
186. саавад̇т̇инид̣̇аанам̣. ат̇а ко ан̃н̃ад̇аро бхигку язна бхаг̇аваа д̇знубасан̇гами…бз… згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘‘б̣ож̇жхан̇г̇аа, б̣ож̇жхан̇г̇аа’д̇и, бханд̇з, вужжанд̇и. гид̇д̇аавад̇аа ну ко, бханд̇з, ‘б̣ож̇жхан̇г̇аа’д̇и вужжанд̇ий’’д̇и? ‘‘б̣од̇хааяа сам̣вад̇д̇анд̇ийд̇и ко, бхигку, д̇асмаа ‘б̣ож̇жхан̇г̇аа’д̇и вужжанд̇и. ид̇ха, бхигку, сад̇исамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣…бз… убзгкаасамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. д̇ассимз сад̇д̇а б̣ож̇жхан̇г̇з бхааваяад̇о гаамаасавааби жид̇д̇ам̣ вимужжад̇и , бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. б̣од̇хааяа сам̣вад̇д̇анд̇ийд̇и, бхигку, д̇асмаа ‘б̣ож̇жхан̇г̇аа’д̇и вужжанд̇ий’’д̇и. бан̃жамам̣.
186. Sāvatthinidānaṃ. Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘‘bojjhaṅgā, bojjhaṅgā’ti, bhante, vuccanti. Kittāvatā nu kho, bhante, ‘bojjhaṅgā’ti vuccantī’’ti? ‘‘Bodhāya saṃvattantīti kho, bhikkhu, tasmā ‘bojjhaṅgā’ti vuccanti. Idha, bhikkhu, satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Tassime satta bojjhaṅge bhāvayato kāmāsavāpi cittaṃ vimuccati , bhavāsavāpi cittaṃ vimuccati, avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Bodhāya saṃvattantīti, bhikkhu, tasmā ‘bojjhaṅgā’ti vuccantī’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. бхигкусуд̇д̇аван̣н̣анаа • 5. Bhikkhusuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. бхигкусуд̇д̇аван̣н̣анаа • 5. Bhikkhusuttavaṇṇanā
