| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৫. ভিক্খুসুত্তৰণ্ণনা
5. Bhikkhusuttavaṇṇanā
১৮৬. বোধাযাতি এত্থ বোধো নাম বুজ্ঝনং, তং পন কিস্স কেনাতি পুচ্ছন্তো ‘‘কিং বুজ্ঝনত্থাযা’’তি ৰত্ৰা তং দস্সেন্তো ‘‘মগ্গেনা’’তিআদিমাহ। মগ্গেন নিব্বানং বুজ্ঝনত্থায সংৰত্তন্তি, পচ্চৰেক্খণায কতকিচ্চতং বুজ্ঝনত্থায সংৰত্তন্তি, পঠমৰিকপ্পে সচ্ছিকিরিযাভিসমযো এৰ দস্সিতোতি তেন অতুট্ঠে ‘‘মগ্গেন ৰা’’তি দুতিযৰিকপ্পমাহ। ৰিৰেকনিস্সিতং ৰিরাগনিস্সিতন্তি পদেহি সব্বং মগ্গকিচ্চং তস্স ফলঞ্চ দস্সিতং। নিরোধনিস্সিতন্তি ইমিনা নিব্বানসচ্ছিকিরিযা। কামাসৰাপি চিত্তং ৰিমুচ্চতীতিআদিনা কিলেসপ্পহানং। ৰিমুত্তস্মিং ৰিমুত্তমিতি ঞাণং হোতীতিআদিনা পচ্চৰেক্খণা দস্সিতা।
186.Bodhāyāti ettha bodho nāma bujjhanaṃ, taṃ pana kissa kenāti pucchanto ‘‘kiṃ bujjhanatthāyā’’ti vatvā taṃ dassento ‘‘maggenā’’tiādimāha. Maggena nibbānaṃ bujjhanatthāya saṃvattanti, paccavekkhaṇāya katakiccataṃ bujjhanatthāya saṃvattanti, paṭhamavikappe sacchikiriyābhisamayo eva dassitoti tena atuṭṭhe ‘‘maggena vā’’ti dutiyavikappamāha. Vivekanissitaṃ virāganissitanti padehi sabbaṃ maggakiccaṃ tassa phalañca dassitaṃ. Nirodhanissitanti iminā nibbānasacchikiriyā. Kāmāsavāpi cittaṃ vimuccatītiādinā kilesappahānaṃ. Vimuttasmiṃ vimuttamiti ñāṇaṃ hotītiādinā paccavekkhaṇā dassitā.
ভিক্খুসুত্তৰণ্ণনা নিট্ঠিতা।
Bhikkhusuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৫. ভিক্খুসুত্তং • 5. Bhikkhusuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. ভিক্খুসুত্তৰণ্ণনা • 5. Bhikkhusuttavaṇṇanā
