Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā

25. бхигкуваг̇г̇о

25. Bhikkhuvaggo

1. бан̃жабхигкувад̇т̇у

1. Pañcabhikkhuvatthu

жагкунаа сам̣варод̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о бан̃жа бхигкуу аараб̣бха гат̇зси.

Cakkhunāsaṃvaroti imaṃ dhammadesanaṃ satthā jetavane viharanto pañca bhikkhū ārabbha kathesi.

д̇зсу гира згзго жагкуд̣̇ваараад̣̇ийсу бан̃жасу д̣̇ваарзсу згзгамзва рагки. ат̇згад̣̇ивасам̣ саннибад̇ид̇ваа ‘‘ахам̣ д̣̇урагкам̣ рагкаами, ахам̣ д̣̇урагкам̣ рагкаамий’’д̇и вивад̣̇ид̇ваа ‘‘сад̇т̇аарам̣ бужчид̇ваа имамад̇т̇ам̣ ж̇ааниссаамаа’’д̇и сад̇т̇аарам̣ убасан̇гамид̇ваа, ‘‘бханд̇з, маяам̣ жагкуд̣̇ваараад̣̇ийни рагканд̇аа ад̇д̇ано ад̇д̇ано рагканад̣̇ваарамзва д̣̇урагканд̇и ман̃н̃аама, го ну ко амхзсу д̣̇урагкам̣ рагкад̇ий’’д̇и бужчим̣су. сад̇т̇аа згам̣ бхигкумби аносаад̣̇зд̇ваа, ‘‘бхигкавз, саб̣б̣аани бзд̇аани д̣̇урагкаанзва, аби жа ко бана д̇умхз на ид̣̇аанзва бан̃жасу таанзсу асам̣вуд̇аа, буб̣б̣зби асам̣вуд̇аа, асам̣вуд̇ад̇д̇ааязва жа бан̣д̣ид̇аанам̣ оваад̣̇з авад̇д̇ид̇ваа ж̇ийвид̇агкаяам̣ баабун̣ид̇т̇аа’’д̇и вад̇ваа ‘‘гад̣̇аа, бханд̇з’’д̇и д̇зхи яаажид̇о ад̇ийд̇з д̇аггасилаж̇аад̇агасса вад̇т̇ум̣ вид̇т̇аарзд̇ваа рагкасийнам̣ васзна рааж̇агулз ж̇ийвид̇агкаяам̣ бад̇д̇з бад̇д̇аабхисзгзна махаасад̇д̇зна сзд̇ажчад̇д̇асса хздтаа рааж̇аасанз нисиннзна ад̇д̇ано сирисамбад̇д̇им̣ ологзд̇ваа ‘‘вийрияам̣ наамзд̇ам̣ сад̇д̇зхи гад̇д̇аб̣б̣амзваа’’д̇и уд̣̇аанавасзна уд̣̇аанид̇ам̣ –

Tesu kira ekeko cakkhudvārādīsu pañcasu dvāresu ekekameva rakkhi. Athekadivasaṃ sannipatitvā ‘‘ahaṃ durakkhaṃ rakkhāmi, ahaṃ durakkhaṃ rakkhāmī’’ti vivaditvā ‘‘satthāraṃ pucchitvā imamatthaṃ jānissāmā’’ti satthāraṃ upasaṅkamitvā, ‘‘bhante, mayaṃ cakkhudvārādīni rakkhantā attano attano rakkhanadvārameva durakkhanti maññāma, ko nu kho amhesu durakkhaṃ rakkhatī’’ti pucchiṃsu. Satthā ekaṃ bhikkhumpi anosādetvā, ‘‘bhikkhave, sabbāni petāni durakkhāneva, api ca kho pana tumhe na idāneva pañcasu ṭhānesu asaṃvutā, pubbepi asaṃvutā, asaṃvutattāyeva ca paṇḍitānaṃ ovāde avattitvā jīvitakkhayaṃ pāpuṇitthā’’ti vatvā ‘‘kadā, bhante’’ti tehi yācito atīte takkasilajātakassa vatthuṃ vitthāretvā rakkhasīnaṃ vasena rājakule jīvitakkhayaṃ patte pattābhisekena mahāsattena setacchattassa heṭṭhā rājāsane nisinnena attano sirisampattiṃ oloketvā ‘‘vīriyaṃ nāmetaṃ sattehi kattabbamevā’’ti udānavasena udānitaṃ –

‘‘гусалуубад̣̇зсз д̇хид̇ияаа д̣̇ал̣хааяа жа,

‘‘Kusalūpadese dhitiyā daḷhāya ca,

анивад̇д̇ид̇ад̇д̇аабхаяабхийруд̇ааяа жа;

Anivattitattābhayabhīrutāya ca;

на рагкасийнам̣ васамааг̇амимхасз,

Na rakkhasīnaṃ vasamāgamimhase,

са сод̇т̇ибхааво махад̇аа бхаязна мз’’д̇и. (ж̇аа. 1.1.132) –

Sa sotthibhāvo mahatā bhayena me’’ti. (jā. 1.1.132) –

имам̣ г̇аат̇ам̣ д̣̇ассзд̇ваа ‘‘д̇ад̣̇ааби д̇умхзва бан̃жа ж̇анаа д̇аггасилааяам̣ раж̇ж̇аг̇ахан̣ад̇т̇ааяа нигканд̇ам̣ махаасад̇д̇ам̣ аавуд̇хахад̇т̇аа бариваарзд̇ваа маг̇г̇ам̣ г̇ажчанд̇аа анд̇араамаг̇г̇з рагкасийхи жагкуд̣̇ваараад̣̇ивасзна убанийд̇зсу руубаарамман̣аад̣̇ийсу асам̣вуд̇аа бан̣д̣ид̇асса оваад̣̇з авад̇д̇ид̇ваа олийяанд̇аа рагкасийхи каад̣̇ид̇аа ж̇ийвид̇агкаяам̣ баабун̣ид̇т̇а. д̇зсу бана аарамман̣зсу сусам̣вуд̇о бидтид̇о бидтид̇о ануб̣анд̇ханд̇им̣ д̣̇зваван̣н̣им̣ яагкиним̣ анаад̣̇ияид̇ваа сод̇т̇инаа д̇аггасилам̣ г̇анд̇ваа раж̇ж̇ам̣ бад̇д̇о рааж̇аа ахамзваа’’д̇и ж̇аад̇агам̣ самод̇хаанзд̇ваа, ‘‘бхигкавз, бхигкунаа наама саб̣б̣аани д̣̇ваараани сам̣варид̇аб̣б̣аани. зд̇аани хи сам̣варанд̇о зва саб̣б̣ад̣̇угкаа бамужжад̇ий’’д̇и вад̇ваа д̇хаммам̣ д̣̇зсзнд̇о имаа г̇аат̇аа абхааси –

Imaṃ gāthaṃ dassetvā ‘‘tadāpi tumheva pañca janā takkasilāyaṃ rajjagahaṇatthāya nikkhantaṃ mahāsattaṃ āvudhahatthā parivāretvā maggaṃ gacchantā antarāmagge rakkhasīhi cakkhudvārādivasena upanītesu rūpārammaṇādīsu asaṃvutā paṇḍitassa ovāde avattitvā olīyantā rakkhasīhi khāditā jīvitakkhayaṃ pāpuṇittha. Tesu pana ārammaṇesu susaṃvuto piṭṭhito piṭṭhito anubandhantiṃ devavaṇṇiṃ yakkhiniṃ anādiyitvā sotthinā takkasilaṃ gantvā rajjaṃ patto rājā ahamevā’’ti jātakaṃ samodhānetvā, ‘‘bhikkhave, bhikkhunā nāma sabbāni dvārāni saṃvaritabbāni. Etāni hi saṃvaranto eva sabbadukkhā pamuccatī’’ti vatvā dhammaṃ desento imā gāthā abhāsi –

360.

‘‘жагкунаа сам̣варо саад̇ху, саад̇ху сод̇зна сам̣варо;

‘‘Cakkhunā saṃvaro sādhu, sādhu sotena saṃvaro;

гхаанзна сам̣варо саад̇ху, саад̇ху ж̇ивхааяа сам̣варо.

Ghānena saṃvaro sādhu, sādhu jivhāya saṃvaro.

361.

‘‘гааязна сам̣варо саад̇ху, саад̇ху ваажааяа сам̣варо;

‘‘Kāyena saṃvaro sādhu, sādhu vācāya saṃvaro;

манасаа сам̣варо саад̇ху, саад̇ху саб̣б̣ад̇т̇а сам̣варо;

Manasā saṃvaro sādhu, sādhu sabbattha saṃvaro;

саб̣б̣ад̇т̇а сам̣вуд̇о бхигку, саб̣б̣ад̣̇угкаа бамужжад̇ий’’д̇и.

Sabbattha saṃvuto bhikkhu, sabbadukkhā pamuccatī’’ti.

д̇ад̇т̇а жагкунаад̇и яад̣̇аа хи бхигкуно жагкуд̣̇ваарз руубаарамман̣ам̣ аабаат̇амааг̇ажчад̇и, д̇ад̣̇аа идтаарамман̣з араж̇ж̇анд̇асса анидтаарамман̣з ад̣̇уссанд̇асса асамабзгканзна мохам̣ ануббаад̣̇знд̇асса д̇асмим̣ д̣̇ваарз сам̣варо т̇аганам̣ бид̣̇аханам̣ г̇уд̇д̇и гад̇аа наама ход̇и. д̇асса со зваруубо жагкунаа сам̣варо саад̇ху. зса наяо сод̇ад̣̇ваараад̣̇ийсуби. жагкуд̣̇ваараад̣̇ийсуязва бана сам̣варо ваа асам̣варо ваа нуббаж̇ж̇ад̇и, барад̇о бана ж̇аванавийт̇ияам̣ зса лаб̣бхад̇и. д̇ад̣̇аа хи асам̣варо уббаж̇ж̇анд̇о ассад̣̇д̇хаа агканд̇и госаж̇ж̇ам̣ мудтасажжам̣ ан̃н̃аан̣анд̇и агусалавийт̇ияам̣ аяам̣ бан̃жавид̇хо лаб̣бхад̇и. сам̣варо уббаж̇ж̇анд̇о сад̣̇д̇хаа канд̇и вийрияам̣ сад̇и н̃аан̣анд̇и гусалавийт̇ияам̣ аяам̣ бан̃жавид̇хо лаб̣бхад̇и.

Tattha cakkhunāti yadā hi bhikkhuno cakkhudvāre rūpārammaṇaṃ āpāthamāgacchati, tadā iṭṭhārammaṇe arajjantassa aniṭṭhārammaṇe adussantassa asamapekkhanena mohaṃ anuppādentassa tasmiṃ dvāre saṃvaro thakanaṃ pidahanaṃ gutti katā nāma hoti. Tassa so evarūpo cakkhunā saṃvaro sādhu. Esa nayo sotadvārādīsupi. Cakkhudvārādīsuyeva pana saṃvaro vā asaṃvaro vā nuppajjati, parato pana javanavīthiyaṃ esa labbhati. Tadā hi asaṃvaro uppajjanto assaddhā akkhanti kosajjaṃ muṭṭhasaccaṃ aññāṇanti akusalavīthiyaṃ ayaṃ pañcavidho labbhati. Saṃvaro uppajjanto saddhā khanti vīriyaṃ sati ñāṇanti kusalavīthiyaṃ ayaṃ pañcavidho labbhati.

гааязна сам̣варод̇и зд̇т̇а бана басаад̣̇агааяоби жобанагааяоби лаб̣бхад̇и. убхаяамби банзд̇ам̣ гааяад̣̇ваарамзва. д̇ад̇т̇а басаад̣̇ад̣̇ваарз сам̣вараасам̣варо гат̇ид̇ова. жобанад̣̇ваарзби д̇ам̣вад̇т̇угаа баан̣аад̇ибаад̇аад̣̇иннаад̣̇аанагаамзсумижчаажаараа. д̇зхи бана сад̣̇д̇хим̣ агусалавийт̇ияам̣ уббаж̇ж̇анд̇зхи д̇ам̣ д̣̇ваарам̣ асам̣вуд̇ам̣ ход̇и, гусалавийт̇ияам̣ уббаж̇ж̇анд̇зхи баан̣аад̇ибаад̇аавзраман̣иаад̣̇ийхи сам̣вуд̇ам̣. саад̇ху ваажааяаад̇и зд̇т̇ааби жобанаваажааби ваажаа. д̇ааяа сад̣̇д̇хим̣ уббаж̇ж̇анд̇зхи мусааваад̣̇аад̣̇ийхи д̇ам̣ д̣̇ваарам̣ асам̣вуд̇ам̣ ход̇и, мусааваад̣̇аавзраман̣иаад̣̇ийхи сам̣вуд̇ам̣. манасаа сам̣варод̇и зд̇т̇ааби ж̇аванаманад̇о ан̃н̃зна манзна сад̣̇д̇хим̣ абхиж̇жхаад̣̇аяо над̇т̇и. манод̣̇ваарз бана ж̇аванагкан̣з уббаж̇ж̇амаанзхи абхиж̇жхаад̣̇ийхи д̇ам̣ д̣̇ваарам̣ асам̣вуд̇ам̣ ход̇и, анабхиж̇жхаад̣̇ийхи сам̣вуд̇ам̣ ход̇и. саад̇ху саб̣б̣ад̇т̇аад̇и д̇зсу жагкуд̣̇ваараад̣̇ийсу саб̣б̣зсуби сам̣варо саад̇ху. зд̇д̇аавад̇аа хи адта сам̣варад̣̇ваараани адта жа асам̣варад̣̇ваараани гат̇ид̇аани. д̇зсу адтасу асам̣варад̣̇ваарзсу тид̇о бхигку сагалаваддамуулагад̣̇угкад̇о на мужжад̇и, сам̣варад̣̇ваарзсу бана тид̇о саб̣б̣асмааби ваддамуулагад̣̇угкаа мужжад̇и. д̇зна вуд̇д̇ам̣ – ‘‘саб̣б̣ад̇т̇а сам̣вуд̇о бхигку, саб̣б̣ад̣̇угкаа бамужжад̇ий’’д̇и.

Kāyena saṃvaroti ettha pana pasādakāyopi copanakāyopi labbhati. Ubhayampi panetaṃ kāyadvārameva. Tattha pasādadvāre saṃvarāsaṃvaro kathitova. Copanadvārepi taṃvatthukā pāṇātipātaadinnādānakāmesumicchācārā. Tehi pana saddhiṃ akusalavīthiyaṃ uppajjantehi taṃ dvāraṃ asaṃvutaṃ hoti, kusalavīthiyaṃ uppajjantehi pāṇātipātāveramaṇiādīhi saṃvutaṃ. Sādhu vācāyāti etthāpi copanavācāpi vācā. Tāya saddhiṃ uppajjantehi musāvādādīhi taṃ dvāraṃ asaṃvutaṃ hoti, musāvādāveramaṇiādīhi saṃvutaṃ. Manasā saṃvaroti etthāpi javanamanato aññena manena saddhiṃ abhijjhādayo natthi. Manodvāre pana javanakkhaṇe uppajjamānehi abhijjhādīhi taṃ dvāraṃ asaṃvutaṃ hoti, anabhijjhādīhi saṃvutaṃ hoti. Sādhu sabbatthāti tesu cakkhudvārādīsu sabbesupi saṃvaro sādhu. Ettāvatā hi aṭṭha saṃvaradvārāni aṭṭha ca asaṃvaradvārāni kathitāni. Tesu aṭṭhasu asaṃvaradvāresu ṭhito bhikkhu sakalavaṭṭamūlakadukkhato na muccati, saṃvaradvāresu pana ṭhito sabbasmāpi vaṭṭamūlakadukkhā muccati. Tena vuttaṃ – ‘‘sabbattha saṃvuto bhikkhu, sabbadukkhā pamuccatī’’ti.

д̣̇зсанаавасаанз д̇з бан̃жа бхигкуу сод̇аабад̇д̇ипалз бад̇идтахим̣су, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne te pañca bhikkhū sotāpattiphale patiṭṭhahiṃsu, sampattānampi sātthikā dhammadesanā ahosīti.

бан̃жабхигкувад̇т̇у батамам̣.

Pañcabhikkhuvatthu paṭhamaṃ.

2. хам̣сагхаад̇агабхигкувад̇т̇у

2. Haṃsaghātakabhikkhuvatthu

хад̇т̇асам̣яад̇од̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о згам̣ хам̣сагхаад̇агам̣ бхигкум̣ аараб̣бха гат̇зси.

Hatthasaṃyatoti imaṃ dhammadesanaṃ satthā jetavane viharanto ekaṃ haṃsaghātakaṃ bhikkhuṃ ārabbha kathesi.

саавад̇т̇иваасино гира д̣̇вз сахааяагаа бхигкуусу баб̣б̣аж̇ид̇ваа лад̣̇д̇хуубасамбад̣̇аа язбхуяязна згад̇о вижаранд̇и. д̇з згад̣̇ивасам̣ ажиравад̇им̣ г̇анд̇ваа нхад̇ваа аад̇абз д̇аббамаанаа сааран̣ийяагат̇ам̣ гат̇знд̇аа адтам̣су. д̇асмим̣ кан̣з д̣̇вз хам̣саа аагаасзна г̇ажчанд̇и. ат̇зго д̣̇ахарабхигку сагкарам̣ г̇ахзд̇ваа ‘‘згасса хам̣сабод̇агасса агким̣ бахариссаамий’’д̇и ааха, ид̇аро ‘‘на сагкиссаамий’’д̇и ааха. д̇идтад̇у имасмим̣ бассз агки, барабассз агким̣ бахариссаамийд̇и. ид̣̇амби на сагкиссасиязваад̇и. ‘‘д̇зна хи убад̇хаарзхий’’д̇и д̣̇уд̇ияам̣ сагкарам̣ г̇ахзд̇ваа хам̣сасса бажчаабхааг̇з киби, хам̣со сагкарасад̣̇д̣̇ам̣ суд̇ваа нивад̇д̇ид̇ваа ологзси. ат̇а нам̣ ид̇арам̣ ваддасагкарам̣ г̇ахзд̇ваа барабассз агкимхи бахарид̇ваа оримагкинаа нигкаамзси. хам̣со вираванд̇о баривад̇д̇ид̇ваа д̇зсам̣ баад̣̇амуулзязва бад̇и. д̇ад̇т̇а д̇ад̇т̇а тид̇аа бхигкуу д̣̇исваа, ‘‘аавусо, б̣уд̣̇д̇хасаасанз баб̣б̣аж̇ид̇ваа ананужчавигам̣ во гад̇ам̣ баан̣аад̇ибаад̇ам̣ гаронд̇зхий’’д̇и вад̇ваа д̇з аад̣̇ааяа г̇анд̇ваа д̇ат̇ааг̇ад̇асса д̣̇ассзсум̣.

Sāvatthivāsino kira dve sahāyakā bhikkhūsu pabbajitvā laddhūpasampadā yebhuyyena ekato vicaranti. Te ekadivasaṃ aciravatiṃ gantvā nhatvā ātape tappamānā sāraṇīyakathaṃ kathentā aṭṭhaṃsu. Tasmiṃ khaṇe dve haṃsā ākāsena gacchanti. Atheko daharabhikkhu sakkharaṃ gahetvā ‘‘ekassa haṃsapotakassa akkhiṃ paharissāmī’’ti āha, itaro ‘‘na sakkhissāmī’’ti āha. Tiṭṭhatu imasmiṃ passe akkhi, parapasse akkhiṃ paharissāmīti. Idampi na sakkhissasiyevāti. ‘‘Tena hi upadhārehī’’ti dutiyaṃ sakkharaṃ gahetvā haṃsassa pacchābhāge khipi, haṃso sakkharasaddaṃ sutvā nivattitvā olokesi. Atha naṃ itaraṃ vaṭṭasakkharaṃ gahetvā parapasse akkhimhi paharitvā orimakkhinā nikkhāmesi. Haṃso viravanto parivattitvā tesaṃ pādamūleyeva pati. Tattha tattha ṭhitā bhikkhū disvā, ‘‘āvuso, buddhasāsane pabbajitvā ananucchavikaṃ vo kataṃ pāṇātipātaṃ karontehī’’ti vatvā te ādāya gantvā tathāgatassa dassesuṃ.

сад̇т̇аа ‘‘сажжам̣ гира д̇аяаа бхигку баан̣аад̇ибаад̇о гад̇о’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘бхигку гасмаа зваруубз нияяаанигасаасанз баб̣б̣аж̇ид̇ваа звамагааси, бораан̣агабан̣д̣ид̇аа ануббаннз б̣уд̣̇д̇хз аг̇аарамаж̇жхз васамаанаа аббамад̇д̇агзсуби таанзсу гуггужжам̣ гарим̣су , д̇вам̣ бана зваруубз б̣уд̣̇д̇хасаасанз баб̣б̣аж̇ид̇ваа гуггужжамад̇д̇амби на агаасий’’д̇и вад̇ваа д̇зхи яаажид̇о ад̇ийд̇ам̣ аахари.

Satthā ‘‘saccaṃ kira tayā bhikkhu pāṇātipāto kato’’ti pucchitvā ‘‘saccaṃ, bhante’’ti vutte ‘‘bhikkhu kasmā evarūpe niyyānikasāsane pabbajitvā evamakāsi, porāṇakapaṇḍitā anuppanne buddhe agāramajjhe vasamānā appamattakesupi ṭhānesu kukkuccaṃ kariṃsu , tvaṃ pana evarūpe buddhasāsane pabbajitvā kukkuccamattampi na akāsī’’ti vatvā tehi yācito atītaṃ āhari.

ад̇ийд̇з гурурадтз инд̣̇абад̇д̇анаг̇арз д̇ханан̃жаяз раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчисмим̣ бадисанд̇хим̣ г̇ахзд̇ваа анубуб̣б̣зна вин̃н̃уд̇ам̣ бад̇д̇о д̇аггасилааяам̣ сиббаани уг̇г̇ахзд̇ваа бид̇араа убараж̇ж̇з бад̇идтаабид̇о абарабхааг̇з бид̇у ажжаязна раж̇ж̇ам̣ бад̇ваа д̣̇аса рааж̇ад̇хаммз агобзнд̇о гуруд̇хаммз вад̇д̇ид̇т̇а. гуруд̇хаммо наама бан̃жасийлаани, д̇аани б̣од̇хисад̇д̇о барисуд̣̇д̇хаани гад̇ваа рагки. яат̇аа жа б̣од̇хисад̇д̇о, звамасса маад̇аа аг̇г̇амахзсий ганидтабхаад̇аа убарааж̇аа бурохид̇о б̣раахман̣о раж̇ж̇уг̇аахаго амажжо саарат̇и сздти д̣̇он̣амаабаго махаамад̇д̇о д̣̇оваариго наг̇арасобхиний ван̣н̣ад̣̇аасийд̇и звамзд̇зсу згаад̣̇асасу ж̇анзсу гуруд̇хаммам̣ рагканд̇зсу галин̇г̇арадтз д̣̇анд̇абуранаг̇арз галин̇г̇з раж̇ж̇ам̣ гаарзнд̇з д̇асмим̣ радтз д̣̇зво на васси. махаасад̇д̇асса бана ан̃ж̇анасаннибхо наама ман̇г̇алахад̇т̇ий махаабун̃н̃о ход̇и. радтаваасино ‘‘д̇асмим̣ аанийд̇з д̣̇зво вассиссад̇ий’’д̇и сан̃н̃ааяа ран̃н̃о аарожаяим̣су. рааж̇аа д̇асса хад̇т̇исса аанаяанад̇т̇ааяа б̣раахман̣з бахин̣и. д̇з г̇анд̇ваа махаасад̇д̇ам̣ хад̇т̇им̣ яаажим̣су. сад̇т̇аа д̇зсам̣ яаажанагааран̣ам̣ д̣̇ассзд̇ум̣ ааха –

Atīte kururaṭṭhe indapattanagare dhanañcaye rajjaṃ kārente bodhisatto tassa aggamahesiyā kucchismiṃ paṭisandhiṃ gahetvā anupubbena viññutaṃ patto takkasilāyaṃ sippāni uggahetvā pitarā uparajje patiṭṭhāpito aparabhāge pitu accayena rajjaṃ patvā dasa rājadhamme akopento kurudhamme vattittha. Kurudhammo nāma pañcasīlāni, tāni bodhisatto parisuddhāni katvā rakkhi. Yathā ca bodhisatto, evamassa mātā aggamahesī kaniṭṭhabhātā uparājā purohito brāhmaṇo rajjugāhako amacco sārathi seṭṭhi doṇamāpako mahāmatto dovāriko nagarasobhinī vaṇṇadāsīti evametesu ekādasasu janesu kurudhammaṃ rakkhantesu kaliṅgaraṭṭhe dantapuranagare kaliṅge rajjaṃ kārente tasmiṃ raṭṭhe devo na vassi. Mahāsattassa pana añjanasannibho nāma maṅgalahatthī mahāpuñño hoti. Raṭṭhavāsino ‘‘tasmiṃ ānīte devo vassissatī’’ti saññāya rañño ārocayiṃsu. Rājā tassa hatthissa ānayanatthāya brāhmaṇe pahiṇi. Te gantvā mahāsattaṃ hatthiṃ yāciṃsu. Satthā tesaṃ yācanakāraṇaṃ dassetuṃ āha –

‘‘д̇ава сад̣̇д̇хан̃жа сийлан̃жа, вид̣̇ид̇ваана ж̇анаад̇хиба;

‘‘Tava saddhañca sīlañca, viditvāna janādhipa;

ван̣н̣ам̣ ан̃ж̇анаван̣н̣зна, галин̇г̇асмим̣ нимимхасз’’д̇и. (ж̇аа. 1.3.76) –

Vaṇṇaṃ añjanavaṇṇena, kaliṅgasmiṃ nimimhase’’ti. (jā. 1.3.76) –

имам̣ д̇иганибаад̇з ж̇аад̇агам̣ гат̇зси. хад̇т̇имхи бана аанийд̇зби д̣̇звз авассанд̇з ‘‘со рааж̇аа гуруд̇хаммам̣ рагкад̇и, д̇знасса радтз д̣̇зво вассад̇ий’’д̇и сан̃н̃ааяа ‘‘яам̣ со гуруд̇хаммам̣ рагкад̇и, д̇ам̣ суван̣н̣абаддз ликид̇ваа аанзт̇аа’’д̇и буна гаалин̇г̇о б̣раахман̣з жа амажжз жа бзсзси. д̇зсу г̇анд̇ваа яаажанд̇зсу рааж̇аанам̣ аад̣̇им̣ гад̇ваа саб̣б̣зби д̇з ад̇д̇ано ад̇д̇ано сийлзсу гин̃жи гуггужжамад̇д̇ам̣ гад̇ваа ‘‘абарисуд̣̇д̇хам̣ но сийла’’нд̇и бадигкибид̇вааби ‘‘на зд̇д̇аавад̇аа сийлабхзд̣̇о ход̇ий’’д̇и д̇зхи бунаббунам̣ яаажид̇аа ад̇д̇ано ад̇д̇ано сийлаани гат̇аяим̣су. гаалин̇г̇о суван̣н̣абаддз ликаабзд̇ваа аабхад̇ам̣ гуруд̇хаммам̣ д̣̇исваава самаад̣̇ааяа саад̇хугам̣ буурзси. д̇асса радтз д̣̇зво баавасси, радтам̣ кзмам̣ субхигкам̣ ахоси. сад̇т̇аа имам̣ ад̇ийд̇ам̣ аахарид̇ваа –

Imaṃ tikanipāte jātakaṃ kathesi. Hatthimhi pana ānītepi deve avassante ‘‘so rājā kurudhammaṃ rakkhati, tenassa raṭṭhe devo vassatī’’ti saññāya ‘‘yaṃ so kurudhammaṃ rakkhati, taṃ suvaṇṇapaṭṭe likhitvā ānethā’’ti puna kāliṅgo brāhmaṇe ca amacce ca pesesi. Tesu gantvā yācantesu rājānaṃ ādiṃ katvā sabbepi te attano attano sīlesu kiñci kukkuccamattaṃ katvā ‘‘aparisuddhaṃ no sīla’’nti paṭikkhipitvāpi ‘‘na ettāvatā sīlabhedo hotī’’ti tehi punappunaṃ yācitā attano attano sīlāni kathayiṃsu. Kāliṅgo suvaṇṇapaṭṭe likhāpetvā ābhataṃ kurudhammaṃ disvāva samādāya sādhukaṃ pūresi. Tassa raṭṭhe devo pāvassi, raṭṭhaṃ khemaṃ subhikkhaṃ ahosi. Satthā imaṃ atītaṃ āharitvā –

‘‘г̇ан̣игаа уббалаван̣н̣аа, бун̣н̣о д̣̇оваариго д̇ад̣̇аа;

‘‘Gaṇikā uppalavaṇṇā, puṇṇo dovāriko tadā;

раж̇ж̇уг̇аахо жа гажжаано, д̣̇он̣амаабаго жа голид̇о.

Rajjugāho ca kaccāno, doṇamāpako ca kolito.

‘‘саарибуд̇д̇о д̇ад̣̇аа сздтий, ануруд̣̇д̇хо жа саарат̇ий;

‘‘Sāriputto tadā seṭṭhī, anuruddho ca sārathī;

б̣раахман̣о гассабо т̇зро, убарааж̇аананд̣̇абан̣д̣ид̇о.

Brāhmaṇo kassapo thero, uparājānandapaṇḍito.

‘‘махзсий раахуламаад̇аа, мааяаад̣̇звий ж̇анзд̇д̇игаа;

‘‘Mahesī rāhulamātā, māyādevī janettikā;

гурурааж̇аа б̣од̇хисад̇д̇о, звам̣ д̇хаарзт̇а ж̇аад̇ага’’нд̇и. –

Kururājā bodhisatto, evaṃ dhāretha jātaka’’nti. –

ж̇аад̇агам̣ самод̇хаанзд̇ваа ‘‘бхигку звам̣ буб̣б̣зби бан̣д̣ид̇аа аббамад̇д̇агзби гуггужжз уббаннз ад̇д̇ано сийлабхзд̣̇з аасан̇гам̣ гарим̣су, д̇вам̣ бана маад̣̇исасса б̣уд̣̇д̇хасса саасанз баб̣б̣аж̇ид̇ваа баан̣аад̇ибаад̇ам̣ гаронд̇о ад̇ибхаарияам̣ гаммамагааси, бхигкунаа наама хад̇т̇зхи баад̣̇зхи ваажааяа жа сам̣яад̇зна бхавид̇аб̣б̣а’’нд̇и вад̇ваа имам̣ г̇аат̇амааха –

Jātakaṃ samodhānetvā ‘‘bhikkhu evaṃ pubbepi paṇḍitā appamattakepi kukkucce uppanne attano sīlabhede āsaṅkaṃ kariṃsu, tvaṃ pana mādisassa buddhassa sāsane pabbajitvā pāṇātipātaṃ karonto atibhāriyaṃ kammamakāsi, bhikkhunā nāma hatthehi pādehi vācāya ca saṃyatena bhavitabba’’nti vatvā imaṃ gāthamāha –

362.

‘‘хад̇т̇асам̣яад̇о баад̣̇асам̣яад̇о,

‘‘Hatthasaṃyato pādasaṃyato,

ваажаасам̣яад̇о сам̣яад̇уд̇д̇амо;

Vācāsaṃyato saṃyatuttamo;

аж̇жхад̇д̇арад̇о самаахид̇о,

Ajjhattarato samāhito,

зго санд̇усид̇о д̇амааху бхигку’’нд̇и.

Eko santusito tamāhu bhikkhu’’nti.

д̇ад̇т̇а хад̇т̇асам̣яад̇од̇и хад̇т̇агийл̣аабанаад̣̇ийнам̣ ваа хад̇т̇зна барзсам̣ бахаран̣аад̣̇ийнам̣ ваа абхаавзна хад̇т̇асам̣яад̇о. д̣̇уд̇ияабад̣̇зби зсзва наяо. ваажааяа бана мусааваад̣̇аад̣̇ийнам̣ агаран̣ад̇о ваажааяа сам̣яад̇о. сам̣яад̇уд̇д̇амод̇и сам̣яад̇ад̇д̇абхааво, гааяажаланасийсугкибанабхамугавигаараад̣̇ийнам̣ агаарагод̇и ад̇т̇о. аж̇жхад̇д̇арад̇од̇и г̇ожараж̇жхад̇д̇асан̇каад̇ааяа гаммадтаанабхааванааяа рад̇о. самаахид̇од̇и судту табид̇о. зго санд̇усид̇од̇и згавихаарий худ̇ваа судту д̇усид̇о вибассанаажаарад̇о бадтааяа ад̇д̇ано ад̇хиг̇амзна д̇удтамаанасо. бут̇уж̇ж̇анагаляаан̣аган̃хи аад̣̇им̣ гад̇ваа саб̣б̣зби сзкаа ад̇д̇ано ад̇хиг̇амзна санд̇уссанд̇ийд̇и санд̇усид̇аа, арахаа бана зганд̇асанд̇усид̇ова. д̇ам̣ санд̇хааязд̇ам̣ вуд̇д̇ам̣.

Tattha hatthasaṃyatoti hatthakīḷāpanādīnaṃ vā hatthena paresaṃ paharaṇādīnaṃ vā abhāvena hatthasaṃyato. Dutiyapadepi eseva nayo. Vācāya pana musāvādādīnaṃ akaraṇato vācāya saṃyato. Saṃyatuttamoti saṃyatattabhāvo, kāyacalanasīsukkhipanabhamukavikārādīnaṃ akārakoti attho. Ajjhattaratoti gocarajjhattasaṅkhātāya kammaṭṭhānabhāvanāya rato. Samāhitoti suṭṭhu ṭhapito. Eko santusitoti ekavihārī hutvā suṭṭhu tusito vipassanācārato paṭṭhāya attano adhigamena tuṭṭhamānaso. Puthujjanakalyāṇakañhi ādiṃ katvā sabbepi sekhā attano adhigamena santussantīti santusitā, arahā pana ekantasantusitova. Taṃ sandhāyetaṃ vuttaṃ.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

хам̣сагхаад̇агабхигкувад̇т̇у д̣̇уд̇ияам̣.

Haṃsaghātakabhikkhuvatthu dutiyaṃ.

3. гогаалигавад̇т̇у

3. Kokālikavatthu

яо мукасам̣яад̇од̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о гогаалигам̣ аараб̣бха гат̇зси. вад̇т̇у ‘‘ат̇а ко гогаалиго бхигку язна бхаг̇аваа д̇знубасан̇гамий’’д̇и суд̇д̇з (сам̣. ни. 1.181; су. ни. гогаалигасуд̇д̇а; а. ни. 10.89) ааг̇ад̇амзва. ад̇т̇обисса адтагат̇ааяа вуд̇д̇анаязнзва взд̣̇ид̇аб̣б̣о.

Yomukhasaṃyatoti imaṃ dhammadesanaṃ satthā jetavane viharanto kokālikaṃ ārabbha kathesi. Vatthu ‘‘atha kho kokāliko bhikkhu yena bhagavā tenupasaṅkamī’’ti sutte (saṃ. ni. 1.181; su. ni. kokālikasutta; a. ni. 10.89) āgatameva. Atthopissa aṭṭhakathāya vuttanayeneva veditabbo.

гогаалигз бана бад̣̇уманираяз уббаннз д̇хаммасабхааяам̣ гат̇ам̣ самудтаабзсум̣ ‘‘ахо гогаалиго бхигку ад̇д̇ано мукам̣ ниссааяа винаасам̣ бад̇д̇о, д̣̇вз аг̇г̇асаавагз аггосанд̇ассзва хисса бат̇авий виварам̣ ад̣̇аасий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби гогаалиго бхигку ад̇д̇ано мукамзва ниссааяа надто’’д̇и вад̇ваа д̇амад̇т̇ам̣ сод̇угаамзхи бхигкуухи яаажид̇о д̇асса багаасанад̇т̇ам̣ ад̇ийд̇ам̣ аахари.

Kokālike pana padumaniraye uppanne dhammasabhāyaṃ kathaṃ samuṭṭhāpesuṃ ‘‘aho kokāliko bhikkhu attano mukhaṃ nissāya vināsaṃ patto, dve aggasāvake akkosantasseva hissa pathavī vivaraṃ adāsī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi kokāliko bhikkhu attano mukhameva nissāya naṭṭho’’ti vatvā tamatthaṃ sotukāmehi bhikkhūhi yācito tassa pakāsanatthaṃ atītaṃ āhari.

ад̇ийд̇з химаванд̇абад̣̇зсз згасмим̣ сарз гажчабо васад̇и. д̣̇вз хам̣сабод̇агаа г̇ожарааяа жаранд̇аа д̇зна сад̣̇д̇хим̣ виссаасам̣ гад̇ваа д̣̇ал̣хависсаасигаа худ̇ваа згад̣̇ивасам̣ гажчабам̣ бужчим̣су – ‘‘самма, амхаагам̣ химаванд̇з жид̇д̇агуудабаб̣б̣ад̇ад̇алз ган̃жанаг̇ухааяа васанадтаанам̣, раман̣ияо бад̣̇зсо, г̇ажчиссаси амхзхи сад̣̇д̇хи’’нд̇и. ‘‘самма, ахам̣ гат̇ам̣ г̇амиссаамий’’д̇и? ‘‘маяам̣ д̇ам̣ нзссаама, сажз мукам̣ рагкид̇ум̣ сагкиссасий’’д̇и. ‘‘рагкиссаами, саммаа г̇ахзд̇ваа мам̣ г̇ажчат̇аа’’д̇и. д̇з ‘‘саад̇хуу’’д̇и вад̇ваа згам̣ д̣̇ан̣д̣агам̣ гажчабзна д̣ам̣саабзд̇ваа саяам̣ д̇асса убхо годияо д̣ам̣сид̇ваа аагаасам̣ багканд̣̇им̣су. д̇ам̣ д̇ат̇аа хам̣сзхи нийяамаанам̣ г̇аамад̣̇аарагаа д̣̇исваа ‘‘д̣̇вз хам̣саа гажчабам̣ д̣̇ан̣д̣зна харанд̇ий’’д̇и аахам̣су. гажчабо ‘‘яад̣̇и мам̣ сахааяагаа нзнд̇и, д̇умхаагам̣ зд̇т̇а гим̣ ход̇и д̣̇удтажздагаа’’д̇и вад̇д̇угаамо хам̣саанам̣ сийгхавзг̇ад̇ааяа б̣аараан̣асинаг̇арз рааж̇анивзсанасса убарибхааг̇ам̣ самбад̇д̇агаалз д̣̇адтадтаанад̇о д̣̇ан̣д̣агам̣ виссаж̇ж̇зд̇ваа аагаасан̇г̇ан̣з бад̇ид̇ваа д̣̇взд̇хаа бхиж̇ж̇и. сад̇т̇аа имам̣ ад̇ийд̇ам̣ аахарид̇ваа –

Atīte himavantapadese ekasmiṃ sare kacchapo vasati. Dve haṃsapotakā gocarāya carantā tena saddhiṃ vissāsaṃ katvā daḷhavissāsikā hutvā ekadivasaṃ kacchapaṃ pucchiṃsu – ‘‘samma, amhākaṃ himavante cittakūṭapabbatatale kañcanaguhāya vasanaṭṭhānaṃ, ramaṇiyo padeso, gacchissasi amhehi saddhi’’nti. ‘‘Samma, ahaṃ kathaṃ gamissāmī’’ti? ‘‘Mayaṃ taṃ nessāma, sace mukhaṃ rakkhituṃ sakkhissasī’’ti. ‘‘Rakkhissāmi, sammā gahetvā maṃ gacchathā’’ti. Te ‘‘sādhū’’ti vatvā ekaṃ daṇḍakaṃ kacchapena ḍaṃsāpetvā sayaṃ tassa ubho koṭiyo ḍaṃsitvā ākāsaṃ pakkhandiṃsu. Taṃ tathā haṃsehi nīyamānaṃ gāmadārakā disvā ‘‘dve haṃsā kacchapaṃ daṇḍena harantī’’ti āhaṃsu. Kacchapo ‘‘yadi maṃ sahāyakā nenti, tumhākaṃ ettha kiṃ hoti duṭṭhaceṭakā’’ti vattukāmo haṃsānaṃ sīghavegatāya bārāṇasinagare rājanivesanassa uparibhāgaṃ sampattakāle daṭṭhaṭṭhānato daṇḍakaṃ vissajjetvā ākāsaṅgaṇe patitvā dvedhā bhijji. Satthā imaṃ atītaṃ āharitvā –

‘‘авад̇хий вад̇а ад̇д̇аанам̣, гажчабо б̣яаахарам̣ г̇ирам̣;

‘‘Avadhī vata attānaṃ, kacchapo byāharaṃ giraṃ;

суг̇г̇ахийд̇асмим̣ гадтасмим̣, ваажааяа сагияаавад̇хий.

Suggahītasmiṃ kaṭṭhasmiṃ, vācāya sakiyāvadhī.

‘‘зд̇амби д̣̇исваа наравийрияасздта,

‘‘Etampi disvā naravīriyaseṭṭha,

ваажам̣ бамун̃жз гусалам̣ наад̇ивзлам̣;

Vācaṃ pamuñce kusalaṃ nātivelaṃ;

бассаси б̣ахубхаан̣зна, гажчабам̣ б̣яасанам̣ г̇ад̇а’’нд̇и. (ж̇аа. 1.2.129-130);

Passasi bahubhāṇena, kacchapaṃ byasanaṃ gata’’nti. (jā. 1.2.129-130);

имам̣ д̣̇уганибаад̇з б̣ахубхаан̣иж̇аад̇агам̣ вид̇т̇аарзд̇ваа, ‘‘бхигкавз, бхигкунаа наама мукасам̣яад̇зна самажааринаа ануд̣̇д̇хад̇зна ниб̣б̣уд̇ажид̇д̇зна бхавид̇аб̣б̣а’’нд̇и вад̇ваа имам̣ г̇аат̇амааха –

Imaṃ dukanipāte bahubhāṇijātakaṃ vitthāretvā, ‘‘bhikkhave, bhikkhunā nāma mukhasaṃyatena samacārinā anuddhatena nibbutacittena bhavitabba’’nti vatvā imaṃ gāthamāha –

363.

‘‘яо мукасам̣яад̇о бхигку, манд̇абхаан̣ий ануд̣̇д̇хад̇о;

‘‘Yo mukhasaṃyato bhikkhu, mantabhāṇī anuddhato;

ад̇т̇ам̣ д̇хамман̃жа д̣̇ийбзд̇и, мад̇хурам̣ д̇асса бхаасид̇а’’нд̇и.

Atthaṃ dhammañca dīpeti, madhuraṃ tassa bhāsita’’nti.

д̇ад̇т̇а мукасам̣яад̇од̇и д̣̇аасажан̣д̣аалаад̣̇аяоби ‘‘д̇вам̣ д̣̇уж̇ж̇аад̇о, д̇вам̣ д̣̇уссийло’’д̇иаад̣̇ийнам̣ аважанад̇ааяа мукзна сам̣яад̇о. манд̇абхаан̣ийд̇и манд̇аа вужжад̇и бан̃н̃аа, д̇ааяа бхан̣анасийло. ануд̣̇д̇хад̇од̇и ниб̣б̣уд̇ажид̇д̇о. ад̇т̇ам̣ д̇хамман̃жа д̣̇ийбзд̇ийд̇и бхаасид̇ад̇т̇ан̃жзва д̣̇зсанаад̇хамман̃жа гат̇зд̇и. мад̇хуранд̇и зваруубасса бхигкуно бхаасид̇ам̣ мад̇хурам̣ наама. яо бана ад̇т̇амзва самбаад̣̇зд̇и, на баал̣им̣, баал̣им̣язва самбаад̣̇зд̇и, на ад̇т̇ам̣, убхаяам̣ ваа бана на самбаад̣̇зд̇и, д̇асса бхаасид̇ам̣ мад̇хурам̣ наама на ход̇ийд̇и.

Tattha mukhasaṃyatoti dāsacaṇḍālādayopi ‘‘tvaṃ dujjāto, tvaṃ dussīlo’’tiādīnaṃ avacanatāya mukhena saṃyato. Mantabhāṇīti mantā vuccati paññā, tāya bhaṇanasīlo. Anuddhatoti nibbutacitto. Atthaṃ dhammañca dīpetīti bhāsitatthañceva desanādhammañca katheti. Madhuranti evarūpassa bhikkhuno bhāsitaṃ madhuraṃ nāma. Yo pana atthameva sampādeti, na pāḷiṃ, pāḷiṃyeva sampādeti, na atthaṃ, ubhayaṃ vā pana na sampādeti, tassa bhāsitaṃ madhuraṃ nāma na hotīti.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

гогаалигавад̇т̇у д̇ад̇ияам̣.

Kokālikavatthu tatiyaṃ.

4. д̇хаммаараамад̇т̇зравад̇т̇у

4. Dhammārāmattheravatthu

д̇хаммаараамод̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о д̇хаммаараамад̇т̇зрам̣ аараб̣бха гат̇зси.

Dhammārāmoti imaṃ dhammadesanaṃ satthā jetavane viharanto dhammārāmattheraṃ ārabbha kathesi.

сад̇т̇аараа гира ‘‘ид̇о мз жад̇умаасажжаязна бариниб̣б̣аанам̣ бхависсад̇ий’’д̇и аарожид̇з анзгасахассаа бхигкуу сад̇т̇аарам̣ бариваарзд̇ваа вижарим̣су. д̇ад̇т̇а бут̇уж̇ж̇анаа бхигкуу ассууни санд̇хаарзд̇ум̣ наасагким̣су, кийн̣аасаваанам̣ д̇хаммасам̣взг̇о уббаж̇ж̇и. саб̣б̣зби ‘‘гим̣ ну ко гариссаамаа’’д̇и ваг̇г̇аб̣анд̇ханзна вижаранд̇и. зго бана д̇хаммаараамо наама бхигку бхигкуунам̣ санд̇игам̣ на убасан̇гамад̇и. бхигкуухи ‘‘гим̣, аавусо’’д̇и вужжамаано бадиважанамби ад̣̇ад̇ваа ‘‘сад̇т̇аа гира жад̇умаасажжаязна бариниб̣б̣ааяиссад̇и, ахан̃жамхи авийд̇арааг̇о, сад̇т̇ари д̇харамаанзязва вааяамид̇ваа арахад̇д̇ам̣ баабун̣иссаамий’’д̇и згагова вихаранд̇о сад̇т̇аараа д̣̇зсид̇ам̣ д̇хаммам̣ ааваж̇ж̇зд̇и жинд̇зд̇и ануссарад̇и. бхигкуу д̇ат̇ааг̇ад̇асса аарожзсум̣ – ‘‘бханд̇з, д̇хаммаараамасса д̇умхзсу синзхамад̇д̇амби над̇т̇и, ‘сад̇т̇аа гира бариниб̣б̣ааяиссад̇и, гим̣ ну ко гариссаамаа’д̇и амхзхи сад̣̇д̇хим̣ самманд̇анамад̇д̇амби на гарод̇ий’’д̇и. сад̇т̇аа д̇ам̣ баггосаабзд̇ваа ‘‘сажжам̣ гира д̇вам̣ звам̣ гаросий’’д̇и бужчи. ‘‘сажжам̣, бханд̇з’’д̇и. ‘‘гим̣ гааран̣аа’’д̇и? д̇умхз гира жад̇умаасажжаязна бариниб̣б̣ааяиссат̇а, ахан̃жамхи авийд̇арааг̇о, д̇умхзсу д̇харанд̇зсуязва вааяамид̇ваа арахад̇д̇ам̣ баабун̣иссаамийд̇и д̇умхзхи д̣̇зсид̇ам̣ д̇хаммам̣ ааваж̇ж̇аами жинд̇зми ануссараамийд̇и.

Satthārā kira ‘‘ito me catumāsaccayena parinibbānaṃ bhavissatī’’ti ārocite anekasahassā bhikkhū satthāraṃ parivāretvā vicariṃsu. Tattha puthujjanā bhikkhū assūni sandhāretuṃ nāsakkhiṃsu, khīṇāsavānaṃ dhammasaṃvego uppajji. Sabbepi ‘‘kiṃ nu kho karissāmā’’ti vaggabandhanena vicaranti. Eko pana dhammārāmo nāma bhikkhu bhikkhūnaṃ santikaṃ na upasaṅkamati. Bhikkhūhi ‘‘kiṃ, āvuso’’ti vuccamāno paṭivacanampi adatvā ‘‘satthā kira catumāsaccayena parinibbāyissati, ahañcamhi avītarāgo, satthari dharamāneyeva vāyamitvā arahattaṃ pāpuṇissāmī’’ti ekakova viharanto satthārā desitaṃ dhammaṃ āvajjeti cinteti anussarati. Bhikkhū tathāgatassa ārocesuṃ – ‘‘bhante, dhammārāmassa tumhesu sinehamattampi natthi, ‘satthā kira parinibbāyissati, kiṃ nu kho karissāmā’ti amhehi saddhiṃ sammantanamattampi na karotī’’ti. Satthā taṃ pakkosāpetvā ‘‘saccaṃ kira tvaṃ evaṃ karosī’’ti pucchi. ‘‘Saccaṃ, bhante’’ti. ‘‘Kiṃ kāraṇā’’ti? Tumhe kira catumāsaccayena parinibbāyissatha, ahañcamhi avītarāgo, tumhesu dharantesuyeva vāyamitvā arahattaṃ pāpuṇissāmīti tumhehi desitaṃ dhammaṃ āvajjāmi cintemi anussarāmīti.

сад̇т̇аа ‘‘саад̇ху саад̇хуу’’д̇и д̇асса саад̇хугаарам̣ д̣̇ад̇ваа, ‘‘бхигкавз, ан̃н̃знааби маяи синзхаванд̇зна бхигкунаа наама д̇хаммаараамасад̣̇исзнзва бхавид̇аб̣б̣ам̣. на хи маяхам̣ маалааг̇анд̇хаад̣̇ийхи бууж̇ам̣ гаронд̇аа мама бууж̇ам̣ гаронд̇и наама, д̇хаммаануд̇хаммам̣ бадибаж̇ж̇анд̇ааязва бана мам̣ бууж̇знд̇и наамаа’’д̇и вад̇ваа имам̣ г̇аат̇амааха –

Satthā ‘‘sādhu sādhū’’ti tassa sādhukāraṃ datvā, ‘‘bhikkhave, aññenāpi mayi sinehavantena bhikkhunā nāma dhammārāmasadiseneva bhavitabbaṃ. Na hi mayhaṃ mālāgandhādīhi pūjaṃ karontā mama pūjaṃ karonti nāma, dhammānudhammaṃ paṭipajjantāyeva pana maṃ pūjenti nāmā’’ti vatvā imaṃ gāthamāha –

364.

‘‘д̇хаммаараамо д̇хаммарад̇о, д̇хаммам̣ анувижинд̇аяам̣;

‘‘Dhammārāmo dhammarato, dhammaṃ anuvicintayaṃ;

д̇хаммам̣ ануссарам̣ бхигку, сад̣̇д̇хаммаа на барихааяад̇ий’’д̇и.

Dhammaṃ anussaraṃ bhikkhu, saddhammā na parihāyatī’’ti.

д̇ад̇т̇а ниваасанадтзна самат̇авибассанаад̇хаммо аараамо ассаад̇и д̇хаммаараамо. д̇асмим̣язва д̇хаммз рад̇од̇и д̇хаммарад̇о. д̇ассзва д̇хаммасса бунаббунам̣ вижинд̇анад̇ааяа д̇хаммам̣ анувижинд̇аяам̣, д̇ам̣ д̇хаммам̣ ааваж̇ж̇знд̇о манасигаронд̇од̇и ад̇т̇о. ануссаранд̇и д̇амзва д̇хаммам̣ ануссаранд̇о. сад̣̇д̇хаммаад̇и зваруубо бхигку сад̇д̇ад̇им̣сабхзд̣̇аа б̣од̇хибагкияад̇хаммаа нававид̇халогуд̇д̇арад̇хаммаа жа на барихааяад̇ийд̇и ад̇т̇о.

Tattha nivāsanaṭṭhena samathavipassanādhammo ārāmo assāti dhammārāmo. Tasmiṃyeva dhamme ratoti dhammarato. Tasseva dhammassa punappunaṃ vicintanatāya dhammaṃ anuvicintayaṃ, taṃ dhammaṃ āvajjento manasikarontoti attho. Anussaranti tameva dhammaṃ anussaranto. Saddhammāti evarūpo bhikkhu sattatiṃsabhedā bodhipakkhiyadhammā navavidhalokuttaradhammā ca na parihāyatīti attho.

д̣̇зсанаавасаанз со бхигку арахад̇д̇з бад̇идтахи, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne so bhikkhu arahatte patiṭṭhahi, sampattānampi sātthikā dhammadesanā ahosīti.

д̇хаммаараамад̇т̇зравад̇т̇у жад̇уд̇т̇ам̣.

Dhammārāmattheravatthu catutthaṃ.

5. вибагкасзвагабхигкувад̇т̇у

5. Vipakkhasevakabhikkhuvatthu

салаабханд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о ан̃н̃ад̇арам̣ вибагкасзвагам̣ бхигкум̣ аараб̣бха гат̇зси.

Salābhanti imaṃ dhammadesanaṃ satthā veḷuvane viharanto aññataraṃ vipakkhasevakaṃ bhikkhuṃ ārabbha kathesi.

д̇асса гирзго д̣̇звад̣̇ад̇д̇абагкиго бхигку сахааяо ахоси. со д̇ам̣ бхигкуухи сад̣̇д̇хим̣ бин̣д̣ааяа жарид̇ваа гад̇абхад̇д̇агижжам̣ ааг̇ажчанд̇ам̣ д̣̇исваа ‘‘гухим̣ г̇ад̇осий’’д̇и бужчи. ‘‘асугадтаанам̣ наама бин̣д̣ааяа жарид̇у’’нд̇и. ‘‘лад̣̇д̇хо д̇з бин̣д̣абаад̇о’’д̇и? ‘‘аама, лад̣̇д̇хо’’д̇и. ‘‘ид̇ха амхаагам̣ махаалаабхасаггааро, гад̇ибаахам̣ ид̇хзва хохий’’д̇и. со д̇асса важанзна гад̇ибаахам̣ д̇ад̇т̇а васид̇ваа сагадтаанамзва аг̇амааси . ат̇а нам̣ бхигкуу ‘‘аяам̣, бханд̇з, д̣̇звад̣̇ад̇д̇асса уббанналаабхасаггаарам̣ барибхун̃ж̇ад̇и, д̣̇звад̣̇ад̇д̇асса багкиго зсо’’д̇и д̇ат̇ааг̇ад̇асса аарожзсум̣. сад̇т̇аа д̇ам̣ баггосаабзд̇ваа ‘‘сажжам̣ гира д̇вам̣ звамагаасий’’д̇и бужчи. ‘‘аама, бханд̇з, ахам̣ д̇ад̇т̇а згам̣ д̣̇ахарам̣ ниссааяа гад̇ибаахам̣ васим̣, на жа бана д̣̇звад̣̇ад̇д̇асса лад̣̇д̇хим̣ рожзмий’’д̇и. ат̇а нам̣ бхаг̇аваа ‘‘гин̃жааби д̇вам̣ лад̣̇д̇хим̣ на рожзси, д̣̇идтад̣̇идтагаанам̣язва бана лад̣̇д̇хим̣ рожзнд̇о вияа вижараси. на д̇вам̣ ид̣̇аанзва звам̣ гароси, буб̣б̣зби зваруубоязваа’’д̇и вад̇ваа ‘‘ид̣̇аани д̇аава, бханд̇з, амхзхи саамам̣ д̣̇идто, буб̣б̣з банзса гзсам̣ лад̣̇д̇хим̣ рожзнд̇о вияа вижари, аажигкат̇а но’’д̇и бхигкуухи яаажид̇о ад̇ийд̇ам̣ аахарид̇ваа –

Tassa kireko devadattapakkhiko bhikkhu sahāyo ahosi. So taṃ bhikkhūhi saddhiṃ piṇḍāya caritvā katabhattakiccaṃ āgacchantaṃ disvā ‘‘kuhiṃ gatosī’’ti pucchi. ‘‘Asukaṭṭhānaṃ nāma piṇḍāya caritu’’nti. ‘‘Laddho te piṇḍapāto’’ti? ‘‘Āma, laddho’’ti. ‘‘Idha amhākaṃ mahālābhasakkāro, katipāhaṃ idheva hohī’’ti. So tassa vacanena katipāhaṃ tattha vasitvā sakaṭṭhānameva agamāsi . Atha naṃ bhikkhū ‘‘ayaṃ, bhante, devadattassa uppannalābhasakkāraṃ paribhuñjati, devadattassa pakkhiko eso’’ti tathāgatassa ārocesuṃ. Satthā taṃ pakkosāpetvā ‘‘saccaṃ kira tvaṃ evamakāsī’’ti pucchi. ‘‘Āma, bhante, ahaṃ tattha ekaṃ daharaṃ nissāya katipāhaṃ vasiṃ, na ca pana devadattassa laddhiṃ rocemī’’ti. Atha naṃ bhagavā ‘‘kiñcāpi tvaṃ laddhiṃ na rocesi, diṭṭhadiṭṭhakānaṃyeva pana laddhiṃ rocento viya vicarasi. Na tvaṃ idāneva evaṃ karosi, pubbepi evarūpoyevā’’ti vatvā ‘‘idāni tāva, bhante, amhehi sāmaṃ diṭṭho, pubbe panesa kesaṃ laddhiṃ rocento viya vicari, ācikkhatha no’’ti bhikkhūhi yācito atītaṃ āharitvā –

‘‘бураан̣ажораана важо нисамма,

‘‘Purāṇacorāna vaco nisamma,

махил̣аамуко бот̇аяаманважаарий;

Mahiḷāmukho pothayamanvacārī;

сусан̃н̃ад̇аанан̃хи важо нисамма,

Susaññatānañhi vaco nisamma,

г̇аж̇уд̇д̇амо саб̣б̣аг̇ун̣зсу адтаа’’д̇и. (ж̇аа. 1.1.26) –

Gajuttamo sabbaguṇesu aṭṭhā’’ti. (jā. 1.1.26) –

имам̣ махил̣аамукаж̇аад̇агам̣ вид̇т̇аарзд̇ваа, ‘‘бхигкавз, бхигкунаа наама сагалаабхзнзва санд̇удтзна бхавид̇аб̣б̣ам̣, баралаабхам̣ бад̇т̇зд̇ум̣ на ваддад̇и. баралаабхам̣ бад̇т̇знд̇асса хи жхаанавибассанаамаг̇г̇апалзсу згад̇хаммоби нуббаж̇ж̇ад̇и, сагалаабхасанд̇удтассзва бана жхаанаад̣̇ийни уббаж̇ж̇анд̇ий’’д̇и вад̇ваа д̇хаммам̣ д̣̇зсзнд̇о имаа г̇аат̇аа абхааси –

Imaṃ mahiḷāmukhajātakaṃ vitthāretvā, ‘‘bhikkhave, bhikkhunā nāma sakalābheneva santuṭṭhena bhavitabbaṃ, paralābhaṃ patthetuṃ na vaṭṭati. Paralābhaṃ patthentassa hi jhānavipassanāmaggaphalesu ekadhammopi nuppajjati, sakalābhasantuṭṭhasseva pana jhānādīni uppajjantī’’ti vatvā dhammaṃ desento imā gāthā abhāsi –

365.

‘‘салаабхам̣ наад̇иман̃н̃зяяа, наан̃н̃зсам̣ бихаяам̣ жарз;

‘‘Salābhaṃ nātimaññeyya, nāññesaṃ pihayaṃ care;

ан̃н̃зсам̣ бихаяам̣ бхигку, самаад̇хим̣ наад̇хиг̇ажчад̇и.

Aññesaṃ pihayaṃ bhikkhu, samādhiṃ nādhigacchati.

366.

‘‘аббалаабхоби жз бхигку, салаабхам̣ наад̇иман̃н̃ад̇и;

‘‘Appalābhopi ce bhikkhu, salābhaṃ nātimaññati;

д̇ам̣ вз д̣̇зваа басам̣санд̇и, суд̣̇д̇хааж̇ийвим̣ ад̇анд̣̇ид̇а’’нд̇и.

Taṃ ve devā pasaṃsanti, suddhājīviṃ atandita’’nti.

д̇ад̇т̇а салаабханд̇и ад̇д̇ано уббаж̇ж̇анагалаабхам̣. сабад̣̇аанажааран̃хи бариваж̇ж̇зд̇ваа анзсанааяа ж̇ийвигам̣ габбзнд̇о салаабхам̣ ад̇иман̃н̃ад̇и хийл̣зд̇и ж̇иг̇ужчад̇и наама. д̇асмаа звам̣ агаран̣зна салаабхам̣ наад̇иман̃н̃зяяа. ан̃н̃зсам̣ бихаяанд̇и ан̃н̃зсам̣ лаабхам̣ бад̇т̇знд̇о на жарзяяаад̇и ад̇т̇о. самаад̇хим̣ наад̇хиг̇ажчад̇ийд̇и ан̃н̃зсан̃хи лаабхам̣ бихаяанд̇о д̇зсам̣ жийвараад̣̇игаран̣з уссуггам̣ аабанно бхигку аббанаасамаад̇хим̣ ваа убажаарасамаад̇хим̣ ваа наад̇хиг̇ажчад̇и. салаабхам̣ наад̇иман̃н̃ад̇ийд̇и аббалаабхоби самаано ужжанийжагулз бадибаадияаа сабад̣̇аанам̣ жаранд̇о бхигку салаабхам̣ наад̇иман̃н̃ад̇и наама. д̇ам̣ взд̇и д̇ам̣ зваруубам̣ бхигкум̣ саараж̇ийвид̇ад̇ааяа суд̣̇д̇хааж̇ийвим̣ ж̇ан̇гхаб̣алам̣ ниссааяа ж̇ийвид̇агаббанзна агусийд̇ад̇ааяа ад̇анд̣̇ид̇ам̣ д̣̇зваа басам̣санд̇и т̇омзнд̇ийд̇и ад̇т̇о.

Tattha salābhanti attano uppajjanakalābhaṃ. Sapadānacārañhi parivajjetvā anesanāya jīvikaṃ kappento salābhaṃ atimaññati hīḷeti jigucchati nāma. Tasmā evaṃ akaraṇena salābhaṃ nātimaññeyya. Aññesaṃ pihayanti aññesaṃ lābhaṃ patthento na careyyāti attho. Samādhiṃ nādhigacchatīti aññesañhi lābhaṃ pihayanto tesaṃ cīvarādikaraṇe ussukkaṃ āpanno bhikkhu appanāsamādhiṃ vā upacārasamādhiṃ vā nādhigacchati. Salābhaṃ nātimaññatīti appalābhopi samāno uccanīcakule paṭipāṭiyā sapadānaṃ caranto bhikkhu salābhaṃ nātimaññati nāma. Taṃ veti taṃ evarūpaṃ bhikkhuṃ sārajīvitatāya suddhājīviṃ jaṅghabalaṃ nissāya jīvitakappanena akusītatāya atanditaṃ devā pasaṃsanti thomentīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

вибагкасзвагабхигкувад̇т̇у бан̃жамам̣.

Vipakkhasevakabhikkhuvatthu pañcamaṃ.

6. бан̃жаг̇г̇ад̣̇ааяагаб̣раахман̣авад̇т̇у

6. Pañcaggadāyakabrāhmaṇavatthu

саб̣б̣асод̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о бан̃жаг̇г̇ад̣̇ааяагам̣ наама б̣раахман̣ам̣ аараб̣бха гат̇зси.

Sabbasoti imaṃ dhammadesanaṃ satthā jetavane viharanto pañcaggadāyakaṃ nāma brāhmaṇaṃ ārabbha kathesi.

со гира сассз кзд̇д̇з тид̇агаалзязва кзд̇д̇аг̇г̇ам̣ наама д̣̇зд̇и, калагаалз калаг̇г̇ам̣ наама д̣̇зд̇и, калабхан̣д̣агаалз калабхан̣д̣аг̇г̇ам̣ наама д̣̇зд̇и, угкалигагаалз гумбхаг̇г̇ам̣ наама д̣̇зд̇и, баад̇ияам̣ вад̣дхид̇агаалз баад̇аг̇г̇ам̣ наама д̣̇зд̇ийд̇и имаани бан̃жа аг̇г̇ад̣̇аанаани д̣̇зд̇и, самбад̇д̇асса ад̣̇ад̇ваа наама на бхун̃ж̇ад̇и. д̇знасса бан̃жаг̇г̇ад̣̇ааяагод̇взва наамам̣ ахоси. сад̇т̇аа д̇асса жа б̣раахман̣ияаа жасса д̇ин̣н̣ам̣ палаанам̣ убаниссаяам̣ д̣̇исваа б̣раахман̣асса бхож̇анавзлааяам̣ г̇анд̇ваа д̣̇ваарз адтааси. соби д̣̇ваарабамукз анд̇ог̇зхаабхимуко нисийд̣̇ид̇ваа бхун̃ж̇ад̇и, сад̇т̇аарам̣ д̣̇ваарз тид̇ам̣ на бассад̇и. б̣раахман̣ий бана д̇ам̣ баривисамаанаа сад̇т̇аарам̣ д̣̇исваа жинд̇зси – ‘‘аяам̣ б̣раахман̣о бан̃жасу таанзсу аг̇г̇ам̣ д̣̇ад̇ваа бхун̃ж̇ад̇и, ид̣̇аани жа саман̣о г̇од̇амо ааг̇анд̇ваа д̣̇ваарз тид̇о. сажз б̣раахман̣о зд̇ам̣ д̣̇исваа ад̇д̇ано бхад̇д̇ам̣ харид̇ваа д̣̇ассад̇и, бунабаахам̣ бажид̇ум̣ на сагкиссаамий’’д̇и. саа ‘‘звам̣ аяам̣ саман̣ам̣ г̇од̇амам̣ на бассиссад̇ий’’д̇и сад̇т̇у бидтим̣ д̣̇ад̇ваа д̇асса бажчад̇о д̇ам̣ бадижчаад̣̇знд̇ий онамид̇ваа бун̣н̣ажанд̣̇ам̣ баан̣инаа бадижчаад̣̇знд̇ий вияа адтааси. д̇ат̇аа тид̇аа зва жа бана ‘‘г̇ад̇о ну ко но’’д̇и сад̇т̇аарам̣ ад̣дхагкигзна ологзси. сад̇т̇аа д̇ад̇т̇зва адтааси. б̣раахман̣асса бана саванабхаязна ‘‘ад̇ижчат̇аа’’д̇и на вад̣̇зд̇и, осаггид̇ваа бана сан̣игамзва ‘‘ад̇ижчат̇аа’’д̇и ааха . сад̇т̇аа ‘‘на г̇амиссаамий’’д̇и сийсам̣ жаалзси. логаг̇арунаа б̣уд̣̇д̇хзна ‘‘на г̇амиссаамий’’д̇и сийсз жаалид̇з саа санд̇хаарзд̇ум̣ асаггонд̇ий махаахасид̇ам̣ хаси. д̇асмим̣ кан̣з сад̇т̇аа г̇зхаабхимукам̣ обхаасам̣ мун̃жи. б̣раахман̣оби бидтим̣ д̣̇ад̇ваа нисинноязва б̣раахман̣ияаа хасид̇асад̣̇д̣̇ам̣ суд̇ваа чаб̣б̣ан̣н̣аанан̃жа расмийнам̣ обхаасам̣ ологзд̇ваа сад̇т̇аарам̣ ад̣̇д̣̇аса. б̣уд̣̇д̇хаа хи наама г̇аамз ваа аран̃н̃з ваа хзд̇усамбаннаанам̣ ад̇д̇аанам̣ ад̣̇ассзд̇ваа на баггаманд̇и. б̣раахман̣оби сад̇т̇аарам̣ д̣̇исваа, ‘‘бход̇и наасид̇омхи д̇аяаа, рааж̇абуд̇д̇ам̣ ааг̇анд̇ваа д̣̇ваарз тид̇ам̣ маяхам̣ анаажигканд̇ияаа бхаарияам̣ д̇з гаммам̣ гад̇а’’нд̇и вад̇ваа ад̣дхабхуд̇д̇ам̣ бхож̇анабаад̇им̣ аад̣̇ааяа сад̇т̇у санд̇игам̣ г̇анд̇ваа, ‘‘бхо г̇од̇ама, ахам̣ бан̃жасу таанзсу аг̇г̇ам̣ д̣̇ад̇ваава бхун̃ж̇аами, ид̇о жа мз маж̇жхз бхинд̣̇ид̇ваа згова бхад̇д̇агодтаасо бхуд̇д̇о, зго годтаасо авасидто, бадиг̇г̇ан̣хиссаси мз ид̣̇ам̣ бхад̇д̇а’’нд̇и. сад̇т̇аа ‘‘на мз д̇ава ужчидтабхад̇д̇зна ад̇т̇о’’д̇и авад̇ваа, ‘‘б̣раахман̣а, аг̇г̇амби маяхамзва анужчавигам̣, маж̇жхз бхинд̣̇ид̇ваа ад̣дхабхуд̇д̇абхад̇д̇амби, жаримагабхад̇д̇абин̣д̣оби маяхамзва анужчавиго. маяан̃хи, б̣раахман̣а, барад̣̇ад̇д̇уубаж̇ийвибзд̇асад̣̇исаа’’д̇и вад̇ваа имам̣ г̇аат̇амааха –

So kira sasse khette ṭhitakāleyeva khettaggaṃ nāma deti, khalakāle khalaggaṃ nāma deti, khalabhaṇḍakāle khalabhaṇḍaggaṃ nāma deti, ukkhalikakāle kumbhaggaṃ nāma deti, pātiyaṃ vaḍḍhitakāle pātaggaṃ nāma detīti imāni pañca aggadānāni deti, sampattassa adatvā nāma na bhuñjati. Tenassa pañcaggadāyakotveva nāmaṃ ahosi. Satthā tassa ca brāhmaṇiyā cassa tiṇṇaṃ phalānaṃ upanissayaṃ disvā brāhmaṇassa bhojanavelāyaṃ gantvā dvāre aṭṭhāsi. Sopi dvārapamukhe antogehābhimukho nisīditvā bhuñjati, satthāraṃ dvāre ṭhitaṃ na passati. Brāhmaṇī pana taṃ parivisamānā satthāraṃ disvā cintesi – ‘‘ayaṃ brāhmaṇo pañcasu ṭhānesu aggaṃ datvā bhuñjati, idāni ca samaṇo gotamo āgantvā dvāre ṭhito. Sace brāhmaṇo etaṃ disvā attano bhattaṃ haritvā dassati, punapāhaṃ pacituṃ na sakkhissāmī’’ti. Sā ‘‘evaṃ ayaṃ samaṇaṃ gotamaṃ na passissatī’’ti satthu piṭṭhiṃ datvā tassa pacchato taṃ paṭicchādentī onamitvā puṇṇacandaṃ pāṇinā paṭicchādentī viya aṭṭhāsi. Tathā ṭhitā eva ca pana ‘‘gato nu kho no’’ti satthāraṃ aḍḍhakkhikena olokesi. Satthā tattheva aṭṭhāsi. Brāhmaṇassa pana savanabhayena ‘‘aticchathā’’ti na vadeti, osakkitvā pana saṇikameva ‘‘aticchathā’’ti āha . Satthā ‘‘na gamissāmī’’ti sīsaṃ cālesi. Lokagarunā buddhena ‘‘na gamissāmī’’ti sīse cālite sā sandhāretuṃ asakkontī mahāhasitaṃ hasi. Tasmiṃ khaṇe satthā gehābhimukhaṃ obhāsaṃ muñci. Brāhmaṇopi piṭṭhiṃ datvā nisinnoyeva brāhmaṇiyā hasitasaddaṃ sutvā chabbaṇṇānañca rasmīnaṃ obhāsaṃ oloketvā satthāraṃ addasa. Buddhā hi nāma gāme vā araññe vā hetusampannānaṃ attānaṃ adassetvā na pakkamanti. Brāhmaṇopi satthāraṃ disvā, ‘‘bhoti nāsitomhi tayā, rājaputtaṃ āgantvā dvāre ṭhitaṃ mayhaṃ anācikkhantiyā bhāriyaṃ te kammaṃ kata’’nti vatvā aḍḍhabhuttaṃ bhojanapātiṃ ādāya satthu santikaṃ gantvā, ‘‘bho gotama, ahaṃ pañcasu ṭhānesu aggaṃ datvāva bhuñjāmi, ito ca me majjhe bhinditvā ekova bhattakoṭṭhāso bhutto, eko koṭṭhāso avasiṭṭho, paṭiggaṇhissasi me idaṃ bhatta’’nti. Satthā ‘‘na me tava ucchiṭṭhabhattena attho’’ti avatvā, ‘‘brāhmaṇa, aggampi mayhameva anucchavikaṃ, majjhe bhinditvā aḍḍhabhuttabhattampi, carimakabhattapiṇḍopi mayhameva anucchaviko. Mayañhi, brāhmaṇa, paradattūpajīvipetasadisā’’ti vatvā imaṃ gāthamāha –

‘‘яад̣̇аг̇г̇ад̇о маж̇жхад̇о сзсад̇о ваа,

‘‘Yadaggato majjhato sesato vā,

бин̣д̣ам̣ лабхзт̇а барад̣̇ад̇д̇уубаж̇ийвий;

Piṇḍaṃ labhetha paradattūpajīvī;

наалам̣ т̇уд̇ум̣ ноби нибажжаваад̣̇ий,

Nālaṃ thutuṃ nopi nipaccavādī,

д̇ам̣ вааби д̇хийраа муни взд̣̇аяанд̇ий’’д̇и. (су. ни. 219);

Taṃ vāpi dhīrā muni vedayantī’’ti. (su. ni. 219);

б̣раахман̣о д̇ам̣ суд̇ваава басаннажид̇д̇о худ̇ваа ‘‘ахо ажчарияам̣, д̣̇ийбасаамиго наама рааж̇абуд̇д̇о ‘на мз д̇ава ужчидтабхад̇д̇зна ад̇т̇о’д̇и авад̇ваа звам̣ вагкад̇ий’’д̇и д̣̇ваарз тид̇агова сад̇т̇аарам̣ бан̃хам̣ бужчи – ‘‘бхо г̇од̇ама , д̇умхз ад̇д̇ано саавагз бхигкууд̇и вад̣̇ат̇а, гид̇д̇аавад̇аа бхигку наама ход̇ий’’д̇и. сад̇т̇аа ‘‘гат̇ам̣руубаа ну ко имасса д̇хаммад̣̇зсанаа саббааяаа’’д̇и убад̇хаарзнд̇о ‘‘имз д̣̇взби ж̇анаа гассабаб̣уд̣̇д̇хагаалз ‘наамарууба’нд̇и вад̣̇анд̇аанам̣ гат̇ам̣ сун̣им̣су, наамаруубам̣ ависсаж̇ж̇ид̇ваава нзсам̣ д̇хаммам̣ д̣̇зсзд̇ум̣ ваддад̇ий’’д̇и, ‘‘б̣раахман̣а, наамз жа руубз жа араж̇ж̇анд̇о асаж̇ж̇анд̇о асожанд̇о бхигку наама ход̇ий’’д̇и вад̇ваа имам̣ г̇аат̇амааха –

Brāhmaṇo taṃ sutvāva pasannacitto hutvā ‘‘aho acchariyaṃ, dīpasāmiko nāma rājaputto ‘na me tava ucchiṭṭhabhattena attho’ti avatvā evaṃ vakkhatī’’ti dvāre ṭhitakova satthāraṃ pañhaṃ pucchi – ‘‘bho gotama , tumhe attano sāvake bhikkhūti vadatha, kittāvatā bhikkhu nāma hotī’’ti. Satthā ‘‘kathaṃrūpā nu kho imassa dhammadesanā sappāyā’’ti upadhārento ‘‘ime dvepi janā kassapabuddhakāle ‘nāmarūpa’nti vadantānaṃ kathaṃ suṇiṃsu, nāmarūpaṃ avissajjitvāva nesaṃ dhammaṃ desetuṃ vaṭṭatī’’ti, ‘‘brāhmaṇa, nāme ca rūpe ca arajjanto asajjanto asocanto bhikkhu nāma hotī’’ti vatvā imaṃ gāthamāha –

367.

‘‘саб̣б̣асо наамаруубасмим̣, яасса над̇т̇и мамааяид̇ам̣;

‘‘Sabbaso nāmarūpasmiṃ, yassa natthi mamāyitaṃ;

асад̇аа жа на сожад̇и, са вз бхигкууд̇и вужжад̇ий’’д̇и.

Asatā ca na socati, sa ve bhikkhūti vuccatī’’ti.

д̇ад̇т̇а саб̣б̣асод̇и саб̣б̣асмимби взд̣̇анаад̣̇ийнам̣ жад̇уннам̣, руубагканд̇хасса жаад̇и бан̃жаннам̣ канд̇хаанам̣ васзна бавад̇д̇з наамаруубз. мамааяид̇анд̇и яасса аханд̇и ваа маманд̇и ваа г̇аахо над̇т̇и. асад̇аа жа на сожад̇ийд̇и д̇асмин̃жа наамаруубз каяаваяам̣ бад̇д̇з ‘‘мама руубам̣ кийн̣ам̣…бз… мама вин̃н̃аан̣ам̣ кийн̣а’’нд̇и на сожад̇и на вихан̃н̃ад̇и, ‘‘каяаваяад̇хаммам̣ мз кийн̣а’’нд̇и бассад̇и. са взд̇и со зваруубо виж̇ж̇амаанзби наамаруубз мамааяид̇арахид̇оби асад̇ааби д̇зна асожанд̇о бхигкууд̇и вужжад̇ийд̇и ад̇т̇о.

Tattha sabbasoti sabbasmimpi vedanādīnaṃ catunnaṃ, rūpakkhandhassa cāti pañcannaṃ khandhānaṃ vasena pavatte nāmarūpe. Mamāyitanti yassa ahanti vā mamanti vā gāho natthi. Asatā ca na socatīti tasmiñca nāmarūpe khayavayaṃ patte ‘‘mama rūpaṃ khīṇaṃ…pe… mama viññāṇaṃ khīṇa’’nti na socati na vihaññati, ‘‘khayavayadhammaṃ me khīṇa’’nti passati. Sa veti so evarūpo vijjamānepi nāmarūpe mamāyitarahitopi asatāpi tena asocanto bhikkhūti vuccatīti attho.

д̣̇зсанаавасаанз убхоби ж̇аяамбад̇игаа анааг̇аамипалз бад̇идтахим̣су, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne ubhopi jayampatikā anāgāmiphale patiṭṭhahiṃsu, sampattānampi sātthikā dhammadesanā ahosīti.

бан̃жаг̇г̇ад̣̇ааяагаб̣раахман̣авад̇т̇у чадтам̣.

Pañcaggadāyakabrāhmaṇavatthu chaṭṭhaṃ.

7. самб̣ахулабхигкувад̇т̇у

7. Sambahulabhikkhuvatthu

мзд̇д̇аавихаарийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о самб̣ахулз бхигкуу аараб̣бха гат̇зси.

Mettāvihārīti imaṃ dhammadesanaṃ satthā jetavane viharanto sambahule bhikkhū ārabbha kathesi.

згасмин̃хи самаяз ааяасманд̇з махаагажжаанз аванд̇иж̇анабад̣̇з гурарагхарам̣ ниссааяа бавад̇д̇абаб̣б̣ад̇з вихаранд̇з сон̣о наама годиган̣н̣о убаасаго т̇зрасса д̇хаммагат̇ааяа басийд̣̇ид̇ваа т̇зрасса санд̇игз баб̣б̣аж̇ид̇угаамо т̇зрзна ‘‘д̣̇уггарам̣ ко, сон̣а, яааваж̇ийвам̣ згабхад̇д̇ам̣ згасзяяам̣ б̣рахмажарияа’’нд̇и вад̇ваа д̣̇вз ваарз бадигкид̇д̇оби баб̣б̣аж̇ж̇ааяа ад̇ивияа уссаахаж̇аад̇о д̇ад̇ияаваарз т̇зрам̣ яаажид̇ваа баб̣б̣аж̇ид̇ваа аббабхигкугад̇д̇аа д̣̇агкин̣аабат̇з д̇ин̣н̣ам̣ вассаанам̣ ажжаязна лад̣̇д̇хуубасамбад̣̇о сад̇т̇аарам̣ саммукаа д̣̇адтугаамо худ̇ваа убаж̇жхааяам̣ аабужчид̇ваа д̇зна д̣̇иннам̣ саасанам̣ г̇ахзд̇ваа анубуб̣б̣зна ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа гад̇абадисант̇ааро сад̇т̇аараа згаг̇анд̇хагудияам̣язва анун̃н̃аад̇асзнаасано б̣ахуд̣̇зва рад̇д̇им̣ аж̇жхогаасз вийт̇инаамзд̇ваа рад̇д̇ибхааг̇з г̇анд̇хагудим̣ бависид̇ваа ад̇д̇ано бад̇д̇асзнаасанз д̇ам̣ рад̇д̇ибхааг̇ам̣ вийд̇инаамзд̇ваа бажжуусасамаяз сад̇т̇аараа аж̇жхидто сол̣аса адтагаваг̇г̇игаани (су. ни. 772 аад̣̇аяо) саб̣б̣аанзва сарабхан̃н̃зна абхан̣и. ат̇асса бхаг̇аваа сарабхан̃н̃абарияосаанз аб̣бхаанумод̣̇знд̇о – ‘‘саад̇ху саад̇ху, бхигкуу’’д̇и саад̇хугаарам̣ ад̣̇ааси. сад̇т̇аараа д̣̇иннасаад̇хугаарам̣ суд̇ваа бхуумадтагад̣̇зваа нааг̇аа субан̣н̣аад̇и звам̣ яаава б̣рахмалогаа згасаад̇хугаарамзва ахоси.

Ekasmiñhi samaye āyasmante mahākaccāne avantijanapade kuraragharaṃ nissāya pavattapabbate viharante soṇo nāma koṭikaṇṇo upāsako therassa dhammakathāya pasīditvā therassa santike pabbajitukāmo therena ‘‘dukkaraṃ kho, soṇa, yāvajīvaṃ ekabhattaṃ ekaseyyaṃ brahmacariya’’nti vatvā dve vāre paṭikkhittopi pabbajjāya ativiya ussāhajāto tatiyavāre theraṃ yācitvā pabbajitvā appabhikkhukattā dakkhiṇāpathe tiṇṇaṃ vassānaṃ accayena laddhūpasampado satthāraṃ sammukhā daṭṭhukāmo hutvā upajjhāyaṃ āpucchitvā tena dinnaṃ sāsanaṃ gahetvā anupubbena jetavanaṃ gantvā satthāraṃ vanditvā katapaṭisanthāro satthārā ekagandhakuṭiyaṃyeva anuññātasenāsano bahudeva rattiṃ ajjhokāse vīthināmetvā rattibhāge gandhakuṭiṃ pavisitvā attano pattasenāsane taṃ rattibhāgaṃ vītināmetvā paccūsasamaye satthārā ajjhiṭṭho soḷasa aṭṭhakavaggikāni (su. ni. 772 ādayo) sabbāneva sarabhaññena abhaṇi. Athassa bhagavā sarabhaññapariyosāne abbhānumodento – ‘‘sādhu sādhu, bhikkhū’’ti sādhukāraṃ adāsi. Satthārā dinnasādhukāraṃ sutvā bhūmaṭṭhakadevā nāgā supaṇṇāti evaṃ yāva brahmalokā ekasādhukārameva ahosi.

д̇асмим̣ кан̣з ж̇зд̇аванад̇о вийсаяож̇анасад̇амад̇т̇агз гурарагхаранаг̇арз т̇зрасса маад̇у махааубаасигааяа г̇зхз ад̇хивад̇т̇аа д̣̇звад̇ааби маханд̇зна сад̣̇д̣̇зна саад̇хугаарамад̣̇ааси. ат̇а нам̣ убаасигаа ааха – ‘‘го зса саад̇хугаарам̣ д̣̇зд̇ий’’д̇и? ахам̣, бхаг̇инийд̇и. госи д̇ванд̇и? д̇ава г̇зхз ад̇хивад̇т̇аа, д̣̇звад̇аад̇и. д̇вам̣ ид̇о буб̣б̣з маяхам̣ саад̇хугаарам̣ ад̣̇ад̇ваа аж̇ж̇а гасмаа д̣̇зсийд̇и? наахам̣ д̇уяхам̣ саад̇хугаарам̣ д̣̇аммийд̇и. ат̇а гасса д̇з саад̇хугааро д̣̇иннод̇и? д̇ава буд̇д̇асса годиган̣н̣асса сон̣ад̇т̇зрассаад̇и. гим̣ мз буд̇д̇зна гад̇анд̇и? буд̇д̇о д̇з аж̇ж̇а сад̇т̇аараа сад̣̇д̇хим̣ згаг̇анд̇хагудияам̣ васид̇ваа д̇хаммам̣ д̣̇зсзси, сад̇т̇аа д̇ава буд̇д̇асса д̇хаммам̣ суд̇ваа басанно саад̇хугаарамад̣̇ааси. д̇знасса маяааби саад̇хугааро д̣̇инно. саммаасамб̣уд̣̇д̇хасса хи саад̇хугаарам̣ самбадижчид̇ваа бхуумадтагад̣̇звз аад̣̇им̣ гад̇ваа яаава б̣рахмалогаа згасаад̇хугаарамзва ж̇аад̇анд̇и. гим̣ бана, саами, мама буд̇д̇зна сад̇т̇у д̇хаммо гат̇ид̇о, сад̇т̇аараа мама буд̇д̇асса гат̇ид̇од̇и? д̇ава буд̇д̇зна сад̇т̇у гат̇ид̇од̇и. звам̣ д̣̇звад̇ааяа гат̇знд̇ияаава убаасигааяа бан̃жаван̣н̣аа бийд̇и уббаж̇ж̇ид̇ваа сагаласарийрам̣ пари.

Tasmiṃ khaṇe jetavanato vīsayojanasatamatthake kuraragharanagare therassa mātu mahāupāsikāya gehe adhivatthā devatāpi mahantena saddena sādhukāramadāsi. Atha naṃ upāsikā āha – ‘‘ko esa sādhukāraṃ detī’’ti? Ahaṃ, bhaginīti. Kosi tvanti? Tava gehe adhivatthā, devatāti. Tvaṃ ito pubbe mayhaṃ sādhukāraṃ adatvā ajja kasmā desīti? Nāhaṃ tuyhaṃ sādhukāraṃ dammīti. Atha kassa te sādhukāro dinnoti? Tava puttassa koṭikaṇṇassa soṇattherassāti. Kiṃ me puttena katanti? Putto te ajja satthārā saddhiṃ ekagandhakuṭiyaṃ vasitvā dhammaṃ desesi, satthā tava puttassa dhammaṃ sutvā pasanno sādhukāramadāsi. Tenassa mayāpi sādhukāro dinno. Sammāsambuddhassa hi sādhukāraṃ sampaṭicchitvā bhūmaṭṭhakadeve ādiṃ katvā yāva brahmalokā ekasādhukārameva jātanti. Kiṃ pana, sāmi, mama puttena satthu dhammo kathito, satthārā mama puttassa kathitoti? Tava puttena satthu kathitoti. Evaṃ devatāya kathentiyāva upāsikāya pañcavaṇṇā pīti uppajjitvā sakalasarīraṃ phari.

ат̇ассаа зд̇ад̣̇ахоси – ‘‘сажз мз буд̇д̇о сад̇т̇аараа сад̣̇д̇хим̣ згаг̇анд̇хагудияам̣ васид̇ваа сад̇т̇у д̇хаммам̣ гат̇зд̇ум̣ сагки , маяхамби гат̇зд̇ум̣ сагкиссад̇иязва . буд̇д̇асса ааг̇ад̇агаалз д̇хаммассаванам̣ гаарзд̇ваа д̇хаммагат̇ам̣ сун̣иссаамий’’д̇и. сон̣ад̇т̇зроби ко сад̇т̇аараа саад̇хугаарз д̣̇иннз ‘‘аяам̣ мз убаж̇жхааязна д̣̇иннасаасанам̣ аарожзд̇ум̣ гаало’’д̇и бхаг̇аванд̇ам̣ бажжанд̇имзсу ж̇анабад̣̇зсу винаяад̇харабан̃жамзна г̇ан̣зна убасамбад̣̇ам̣ аад̣̇им̣ гад̇ваа (махаава. 259) бан̃жа варз яаажид̇ваа гад̇ибаахам̣ сад̇т̇у санд̇игзязва васид̇ваа ‘‘убаж̇жхааяам̣ бассиссаамий’’д̇и сад̇т̇аарам̣ аабужчид̇ваа ж̇зд̇аванаа нигкамид̇ваа анубуб̣б̣зна убаж̇жхааяасса санд̇игам̣ аг̇амааси.

Athassā etadahosi – ‘‘sace me putto satthārā saddhiṃ ekagandhakuṭiyaṃ vasitvā satthu dhammaṃ kathetuṃ sakkhi , mayhampi kathetuṃ sakkhissatiyeva . Puttassa āgatakāle dhammassavanaṃ kāretvā dhammakathaṃ suṇissāmī’’ti. Soṇattheropi kho satthārā sādhukāre dinne ‘‘ayaṃ me upajjhāyena dinnasāsanaṃ ārocetuṃ kālo’’ti bhagavantaṃ paccantimesu janapadesu vinayadharapañcamena gaṇena upasampadaṃ ādiṃ katvā (mahāva. 259) pañca vare yācitvā katipāhaṃ satthu santikeyeva vasitvā ‘‘upajjhāyaṃ passissāmī’’ti satthāraṃ āpucchitvā jetavanā nikkhamitvā anupubbena upajjhāyassa santikaṃ agamāsi.

т̇зро бунад̣̇ивасз д̇ам̣ аад̣̇ааяа бин̣д̣ааяа жаранд̇о маад̇у убаасигааяа г̇зхад̣̇ваарам̣ аг̇амааси. сааби буд̇д̇ам̣ д̣̇исваа д̇удтамаанасаа ванд̣̇ид̇ваа саггажжам̣ баривисид̇ваа бужчи – ‘‘сажжам̣ гира д̇вам̣, д̇аад̇а, сад̇т̇аараа сад̣̇д̇хим̣ згаг̇анд̇хагудияам̣ васид̇ваа сад̇т̇у д̇хаммагат̇ам̣ гат̇зсий’’д̇и. ‘‘убаасигз, д̇уяхам̣ гзна ид̣̇ам̣ гат̇ид̇а’’нд̇и? ‘‘д̇аад̇а, имасмим̣ г̇зхз ад̇хивад̇т̇аа д̣̇звад̇аа маханд̇зна сад̣̇д̣̇зна саад̇хугаарам̣ д̣̇ад̇ваа маяаа ‘го зсо’д̇и вуд̇д̇з ‘аха’нд̇и вад̇ваа зван̃жа зван̃жа гат̇зси. д̇ам̣ суд̇ваа маяхам̣ зд̇ад̣̇ахоси – ‘сажз мз буд̇д̇о сад̇т̇у д̇хаммагат̇ам̣ гат̇зси, маяхамби гат̇зд̇ум̣ сагкиссад̇ий’д̇и. ат̇а нам̣ ааха – ‘д̇аад̇а, яад̇о д̇аяаа сад̇т̇у саммукаа д̇хаммо гат̇ид̇о, маяхамби гат̇зд̇ум̣ сагкиссаси зва. асугад̣̇ивасз наама д̇хаммассаванам̣ гаарзд̇ваа д̇ава д̇хаммам̣ сун̣иссаами, д̇аад̇аа’’’д̇и. со ад̇хиваасзси. убаасигаа бхигкусан̇гхасса д̣̇аанам̣ д̣̇ад̇ваа бууж̇ам̣ гад̇ваа ‘‘буд̇д̇асса мз д̇хаммагат̇ам̣ сун̣иссаамий’’д̇и згамзва д̣̇аасим̣ г̇зхарагкигам̣ табзд̇ваа саб̣б̣ам̣ бариж̇анам̣ аад̣̇ааяа анд̇онаг̇арз д̇хаммассаванад̇т̇ааяа гаарид̇з ман̣д̣абз алан̇гад̇ад̇хаммаасанам̣ абхируяха д̇хаммам̣ д̣̇зсзнд̇асса буд̇д̇асса д̇хаммагат̇ам̣ сод̇ум̣ аг̇амааси.

Thero punadivase taṃ ādāya piṇḍāya caranto mātu upāsikāya gehadvāraṃ agamāsi. Sāpi puttaṃ disvā tuṭṭhamānasā vanditvā sakkaccaṃ parivisitvā pucchi – ‘‘saccaṃ kira tvaṃ, tāta, satthārā saddhiṃ ekagandhakuṭiyaṃ vasitvā satthu dhammakathaṃ kathesī’’ti. ‘‘Upāsike, tuyhaṃ kena idaṃ kathita’’nti? ‘‘Tāta, imasmiṃ gehe adhivatthā devatā mahantena saddena sādhukāraṃ datvā mayā ‘ko eso’ti vutte ‘aha’nti vatvā evañca evañca kathesi. Taṃ sutvā mayhaṃ etadahosi – ‘sace me putto satthu dhammakathaṃ kathesi, mayhampi kathetuṃ sakkhissatī’ti. Atha naṃ āha – ‘tāta, yato tayā satthu sammukhā dhammo kathito, mayhampi kathetuṃ sakkhissasi eva. Asukadivase nāma dhammassavanaṃ kāretvā tava dhammaṃ suṇissāmi, tātā’’’ti. So adhivāsesi. Upāsikā bhikkhusaṅghassa dānaṃ datvā pūjaṃ katvā ‘‘puttassa me dhammakathaṃ suṇissāmī’’ti ekameva dāsiṃ geharakkhikaṃ ṭhapetvā sabbaṃ parijanaṃ ādāya antonagare dhammassavanatthāya kārite maṇḍape alaṅkatadhammāsanaṃ abhiruyha dhammaṃ desentassa puttassa dhammakathaṃ sotuṃ agamāsi.

д̇асмим̣ бана гаалз навасад̇аа жораа д̇ассаа убаасигааяа г̇зхз од̇аарам̣ ологзнд̇аа вижаранд̇и. д̇ассаа бана г̇зхам̣ сад̇д̇ахи баагаарзхи баригкид̇д̇ам̣ сад̇д̇ад̣̇ваарагодтагаяуд̇д̇ам̣, д̇ад̇т̇а д̇зсу д̇зсу таанзсу жан̣д̣асунакз б̣анд̇хид̇ваа табаяим̣су. анд̇ог̇зхз чад̣̇анасса уд̣̇агабаад̇адтаанз бана барикам̣ кан̣ид̇ваа д̇ибунаа буураяим̣су. д̇ам̣ д̣̇иваа аад̇абзна вилийнам̣ баггут̇ид̇ам̣ вияа д̇идтад̇и, рад̇д̇им̣ гатинам̣ гагкал̣ам̣ худ̇ваа д̇идтад̇и. д̇ассаананд̇араа маханд̇аани аяасан̇гхаадагаани ниранд̇арам̣ бхуумияам̣ од̣̇ахим̣су. ид̇и иман̃жаарагкам̣ убаасигааяа жа анд̇ог̇зхз тид̇абхаавам̣ бадижжа д̇з жораа огаасам̣ алабханд̇аа д̇ам̣ д̣̇ивасам̣ д̇ассаа г̇ад̇абхаавам̣ н̃ад̇ваа уман̇г̇ам̣ бхинд̣̇ид̇ваа д̇ибубарикааяа жа аяасан̇гхаадагаанан̃жа хздтаабхааг̇знзва г̇зхам̣ бависид̇ваа жораж̇здтагам̣ д̇ассаа санд̇игам̣ бахин̣им̣су ‘‘сажз саа амхаагам̣ ид̇ха бавидтабхаавам̣ суд̇ваа нивад̇д̇ид̇ваа г̇зхаабхимукий ааг̇ажчад̇и, асинаа нам̣ бахарид̇ваа маарзт̇аа’’д̇и. со г̇анд̇ваа д̇ассаа санд̇игз адтааси.

Tasmiṃ pana kāle navasatā corā tassā upāsikāya gehe otāraṃ olokentā vicaranti. Tassā pana gehaṃ sattahi pākārehi parikkhittaṃ sattadvārakoṭṭhakayuttaṃ, tattha tesu tesu ṭhānesu caṇḍasunakhe bandhitvā ṭhapayiṃsu. Antogehe chadanassa udakapātaṭṭhāne pana parikhaṃ khaṇitvā tipunā pūrayiṃsu. Taṃ divā ātapena vilīnaṃ pakkuthitaṃ viya tiṭṭhati, rattiṃ kaṭhinaṃ kakkhaḷaṃ hutvā tiṭṭhati. Tassānantarā mahantāni ayasaṅghāṭakāni nirantaraṃ bhūmiyaṃ odahiṃsu. Iti imañcārakkhaṃ upāsikāya ca antogehe ṭhitabhāvaṃ paṭicca te corā okāsaṃ alabhantā taṃ divasaṃ tassā gatabhāvaṃ ñatvā umaṅgaṃ bhinditvā tipuparikhāya ca ayasaṅghāṭakānañca heṭṭhābhāgeneva gehaṃ pavisitvā corajeṭṭhakaṃ tassā santikaṃ pahiṇiṃsu ‘‘sace sā amhākaṃ idha paviṭṭhabhāvaṃ sutvā nivattitvā gehābhimukhī āgacchati, asinā naṃ paharitvā mārethā’’ti. So gantvā tassā santike aṭṭhāsi.

жорааби анд̇ог̇зхз д̣̇ийбам̣ ж̇аалзд̇ваа гахаабан̣аг̇аб̣бхад̣̇ваарам̣ виварим̣су. саа д̣̇аасий жорз д̣̇исваа убаасигааяа санд̇игам̣ г̇анд̇ваа, ‘‘аяяз, б̣ахуу жораа г̇зхам̣ бависид̇ваа гахаабан̣аг̇аб̣бхад̣̇ваарам̣ виварим̣суу’’д̇и аарожзси. ‘‘жораа ад̇д̇анаа д̣̇идтагахаабан̣з харанд̇у, ахам̣ мама буд̇д̇асса д̇хаммагат̇ам̣ сун̣аами, маа мз д̇хаммасса анд̇арааяам̣ гари, г̇зхам̣ г̇ажчаа’’д̇и д̇ам̣ бахин̣и. жорааби гахаабан̣аг̇аб̣бхам̣ д̇ужчам̣ гад̇ваа раж̇ад̇аг̇аб̣бхам̣ виварим̣су. саа бунаби г̇анд̇ваа д̇амад̇т̇ам̣ аарожзси. убаасигааби ‘‘жораа ад̇д̇анаа ижчид̇ам̣ харанд̇у, маа мз анд̇арааяам̣ гарий’’д̇и буна д̇ам̣ бахин̣и. жораа раж̇ад̇аг̇аб̣бхамби д̇ужчам̣ гад̇ваа суван̣н̣аг̇аб̣бхам̣ виварим̣су. саа бунаби г̇анд̇ваа убаасигааяа д̇амад̇т̇ам̣ аарожзси. ат̇а нам̣ убаасигаа ааманд̇зд̇ваа, ‘‘бход̇и ж̇з д̇вам̣ анзгаваарам̣ мама санд̇игам̣ ааг̇ад̇аа, ‘жораа яат̇ааружид̇ам̣ харанд̇у, ахам̣ мама буд̇д̇асса д̇хаммагат̇ам̣ сун̣аами, маа мз анд̇арааяам̣ гарий’д̇и маяаа вуд̇д̇ааби мама гат̇ам̣ анаад̣̇ияид̇ваа бунаббунам̣ ааг̇ажчасиязва. сажз ид̣̇аани д̇вам̣ ааг̇ажчиссаси, ж̇ааниссаами д̇з гад̇д̇аб̣б̣ам̣, г̇зхамзва г̇ажчаа’’д̇и бахин̣и.

Corāpi antogehe dīpaṃ jāletvā kahāpaṇagabbhadvāraṃ vivariṃsu. Sā dāsī core disvā upāsikāya santikaṃ gantvā, ‘‘ayye, bahū corā gehaṃ pavisitvā kahāpaṇagabbhadvāraṃ vivariṃsū’’ti ārocesi. ‘‘Corā attanā diṭṭhakahāpaṇe harantu, ahaṃ mama puttassa dhammakathaṃ suṇāmi, mā me dhammassa antarāyaṃ kari, gehaṃ gacchā’’ti taṃ pahiṇi. Corāpi kahāpaṇagabbhaṃ tucchaṃ katvā rajatagabbhaṃ vivariṃsu. Sā punapi gantvā tamatthaṃ ārocesi. Upāsikāpi ‘‘corā attanā icchitaṃ harantu, mā me antarāyaṃ karī’’ti puna taṃ pahiṇi. Corā rajatagabbhampi tucchaṃ katvā suvaṇṇagabbhaṃ vivariṃsu. Sā punapi gantvā upāsikāya tamatthaṃ ārocesi. Atha naṃ upāsikā āmantetvā, ‘‘bhoti je tvaṃ anekavāraṃ mama santikaṃ āgatā, ‘corā yathārucitaṃ harantu, ahaṃ mama puttassa dhammakathaṃ suṇāmi, mā me antarāyaṃ karī’ti mayā vuttāpi mama kathaṃ anādiyitvā punappunaṃ āgacchasiyeva. Sace idāni tvaṃ āgacchissasi, jānissāmi te kattabbaṃ, gehameva gacchā’’ti pahiṇi.

жораж̇здтаго д̇ассаа гат̇ам̣ суд̇ваа ‘‘зваруубааяа ид̇т̇ияаа санд̇агам̣ харанд̇аанам̣ асани бад̇ид̇ваа мад̇т̇агам̣ бхинд̣̇зяяаа’’д̇и жораанам̣ санд̇игам̣ г̇анд̇ваа ‘‘сийгхам̣ убаасигааяа санд̇агам̣ бадибаагад̇игам̣ гарот̇аа’’д̇и ааха. д̇з гахаабан̣зхи гахаабан̣аг̇аб̣бхам̣, раж̇ад̇асуван̣н̣зхи раж̇ад̇асуван̣н̣аг̇аб̣бхз буна буураяим̣су. д̇хаммад̇аа гирзсаа, яам̣ д̇хаммо д̇хаммажааринам̣ рагкад̇и. д̇знзвааха –

Corajeṭṭhako tassā kathaṃ sutvā ‘‘evarūpāya itthiyā santakaṃ harantānaṃ asani patitvā matthakaṃ bhindeyyā’’ti corānaṃ santikaṃ gantvā ‘‘sīghaṃ upāsikāya santakaṃ paṭipākatikaṃ karothā’’ti āha. Te kahāpaṇehi kahāpaṇagabbhaṃ, rajatasuvaṇṇehi rajatasuvaṇṇagabbhe puna pūrayiṃsu. Dhammatā kiresā, yaṃ dhammo dhammacārinaṃ rakkhati. Tenevāha –

‘‘д̇хаммо хавз рагкад̇и д̇хаммажаарим̣,

‘‘Dhammo have rakkhati dhammacāriṃ,

д̇хаммо сужин̣н̣о сукамаавахаад̇и;

Dhammo suciṇṇo sukhamāvahāti;

зсаанисам̣со д̇хаммз сужин̣н̣з,

Esānisaṃso dhamme suciṇṇe,

на д̣̇уг̇г̇ад̇им̣ г̇ажчад̇и д̇хаммажаарий’’д̇и. (т̇зраг̇аа. 303; ж̇аа. 1.10.102);

Na duggatiṃ gacchati dhammacārī’’ti. (theragā. 303; jā. 1.10.102);

жорааби г̇анд̇ваа д̇хаммассаванадтаанз адтам̣су. т̇зроби д̇хаммам̣ гат̇зд̇ваа вибхаад̇ааяа рад̇д̇ияаа аасанаа од̇ари. д̇асмим̣ кан̣з жораж̇здтаго убаасигааяа баад̣̇амуулз нибаж̇ж̇ид̇ваа ‘‘камаахи мз, аяяз’’д̇и ааха. ‘‘гим̣ ид̣̇ам̣, д̇аад̇аа’’д̇и? ‘‘ахан̃хи д̇умхзсу аагхаад̇ам̣ гад̇ваа д̇умхз маарзд̇угаамо адтааси’’нд̇и. ‘‘д̇зна хи д̇з, д̇аад̇а, камаамий’’д̇и. сзсажорааби д̇ат̇зва вад̇ваа, ‘‘д̇аад̇аа, камаамий’’д̇и вуд̇д̇з аахам̣су – ‘‘аяяз, сажз но камат̇а, буд̇д̇асса во санд̇игз амхаагам̣ баб̣б̣аж̇ж̇ам̣ д̣̇аабзт̇аа’’д̇и. саа буд̇д̇ам̣ ванд̣̇ид̇ваа ааха – ‘‘д̇аад̇а, имз жораа мама г̇ун̣зсу д̇умхааган̃жа д̇хаммагат̇ааяа басаннаа баб̣б̣аж̇ж̇ам̣ яаажанд̇и, баб̣б̣ааж̇зт̇а нз’’д̇и. т̇зро ‘‘саад̇хуу’’д̇и вад̇ваа д̇зхи нивад̇т̇авад̇т̇аанам̣ д̣̇асаани чинд̣̇аабзд̇ваа д̇амб̣амад̇д̇игааяа раж̇аабзд̇ваа д̇з баб̣б̣ааж̇зд̇ваа сийлзсу бад̇идтаабзси. убасамбаннагаалз жа нзсам̣ згзгасса висум̣ висум̣ гаммадтаанамад̣̇ааси. д̇з навасад̇аа бхигкуу висум̣ висум̣ навасад̇агаммадтаанаани г̇ахзд̇ваа згам̣ баб̣б̣ад̇ам̣ абхируяха д̇асса д̇асса ругкасса чааяааяа нисийд̣̇ид̇ваа саман̣ад̇хаммам̣ гарим̣су.

Corāpi gantvā dhammassavanaṭṭhāne aṭṭhaṃsu. Theropi dhammaṃ kathetvā vibhātāya rattiyā āsanā otari. Tasmiṃ khaṇe corajeṭṭhako upāsikāya pādamūle nipajjitvā ‘‘khamāhi me, ayye’’ti āha. ‘‘Kiṃ idaṃ, tātā’’ti? ‘‘Ahañhi tumhesu āghātaṃ katvā tumhe māretukāmo aṭṭhāsi’’nti. ‘‘Tena hi te, tāta, khamāmī’’ti. Sesacorāpi tatheva vatvā, ‘‘tātā, khamāmī’’ti vutte āhaṃsu – ‘‘ayye, sace no khamatha, puttassa vo santike amhākaṃ pabbajjaṃ dāpethā’’ti. Sā puttaṃ vanditvā āha – ‘‘tāta, ime corā mama guṇesu tumhākañca dhammakathāya pasannā pabbajjaṃ yācanti, pabbājetha ne’’ti. Thero ‘‘sādhū’’ti vatvā tehi nivatthavatthānaṃ dasāni chindāpetvā tambamattikāya rajāpetvā te pabbājetvā sīlesu patiṭṭhāpesi. Upasampannakāle ca nesaṃ ekekassa visuṃ visuṃ kammaṭṭhānamadāsi. Te navasatā bhikkhū visuṃ visuṃ navasatakammaṭṭhānāni gahetvā ekaṃ pabbataṃ abhiruyha tassa tassa rukkhassa chāyāya nisīditvā samaṇadhammaṃ kariṃsu.

сад̇т̇аа вийсаяож̇анасад̇амад̇т̇агз ж̇зд̇аванамахаавихаарз нисиннова д̇з бхигкуу ологзд̇ваа д̇зсам̣ жарияавасзна д̇хаммад̣̇зсанам̣ вавад̇т̇аабзд̇ваа обхаасам̣ парид̇ваа саммукз нисийд̣̇ид̇ваа гат̇знд̇о вияа имаа г̇аат̇аа абхааси –

Satthā vīsayojanasatamatthake jetavanamahāvihāre nisinnova te bhikkhū oloketvā tesaṃ cariyavasena dhammadesanaṃ vavatthāpetvā obhāsaṃ pharitvā sammukhe nisīditvā kathento viya imā gāthā abhāsi –

368.

‘‘мзд̇д̇аавихаарий яо бхигку, басанно б̣уд̣̇д̇хасаасанз;

‘‘Mettāvihārī yo bhikkhu, pasanno buddhasāsane;

ад̇хиг̇ажчз бад̣̇ам̣ санд̇ам̣, сан̇кааруубасамам̣ сукам̣.

Adhigacche padaṃ santaṃ, saṅkhārūpasamaṃ sukhaṃ.

369.

‘‘син̃жа бхигку имам̣ наавам̣, сид̇д̇аа д̇з лахумзссад̇и;

‘‘Siñca bhikkhu imaṃ nāvaṃ, sittā te lahumessati;

чзд̇ваа рааг̇ан̃жа д̣̇осан̃жа, д̇ад̇о ниб̣б̣аанамзхиси.

Chetvā rāgañca dosañca, tato nibbānamehisi.

370.

‘‘бан̃жа чинд̣̇з бан̃жа ж̇ахз, бан̃жа жуд̇д̇ари бхааваяз;

‘‘Pañca chinde pañca jahe, pañca cuttari bhāvaye;

бан̃жасан̇г̇аад̇иг̇о бхигку, огхад̇ин̣н̣од̇и вужжад̇и.

Pañcasaṅgātigo bhikkhu, oghatiṇṇoti vuccati.

371.

‘‘жхааяа бхигку маа бамаад̣̇о,

‘‘Jhāya bhikkhu mā pamādo,

маа д̇з гаамаг̇ун̣з рамзссу жид̇д̇ам̣;

Mā te kāmaguṇe ramessu cittaṃ;

маа лохаг̇ул̣ам̣ г̇илий бамад̇д̇о,

Mā lohaguḷaṃ gilī pamatto,

маа ганд̣̇ий д̣̇угкамид̣̇анд̇и д̣̇аяхамаано.

Mā kandī dukkhamidanti dayhamāno.

372.

‘‘над̇т̇и жхаанам̣ абан̃н̃асса, бан̃н̃аа над̇т̇и ажхааяад̇о;

‘‘Natthi jhānaṃ apaññassa, paññā natthi ajhāyato;

яамхи жхаанан̃жа бан̃н̃аа жа, са вз ниб̣б̣аанасанд̇игз.

Yamhi jhānañca paññā ca, sa ve nibbānasantike.

373.

‘‘сун̃н̃ааг̇аарам̣ бавидтасса, санд̇ажид̇д̇асса бхигкуно;

‘‘Suññāgāraṃ paviṭṭhassa, santacittassa bhikkhuno;

амаанусий рад̇ий ход̇и, саммаа д̇хаммам̣ вибассад̇о.

Amānusī ratī hoti, sammā dhammaṃ vipassato.

374.

‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;

‘‘Yato yato sammasati, khandhānaṃ udayabbayaṃ;

лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇ам̣.

Labhatī pītipāmojjaṃ, amataṃ taṃ vijānataṃ.

375.

‘‘д̇ад̇рааяамаад̣̇и бхавад̇и, ид̇ха бан̃н̃асса бхигкуно;

‘‘Tatrāyamādi bhavati, idha paññassa bhikkhuno;

инд̣̇рияаг̇уд̇д̇и санд̇удти, баад̇имогкз жа сам̣варо.

Indriyagutti santuṭṭhi, pātimokkhe ca saṃvaro.

376.

‘‘мид̇д̇з бхаж̇ассу галяаан̣з, суд̣̇д̇хааж̇ийвз ад̇анд̣̇ид̇з;

‘‘Mitte bhajassu kalyāṇe, suddhājīve atandite;

бадисант̇ааравуд̇яасса, аажаарагусало сияаа;

Paṭisanthāravutyassa, ācārakusalo siyā;

д̇ад̇о баамож̇ж̇аб̣ахуло, д̣̇угкассанд̇ам̣ гариссад̇ий’’д̇и.

Tato pāmojjabahulo, dukkhassantaṃ karissatī’’ti.

д̇ад̇т̇а мзд̇д̇аавихаарийд̇и мзд̇д̇аагаммадтаанз гаммам̣ гаронд̇оби мзд̇д̇аавасзна д̇игажад̇уггаж̇жхаанз ниб̣б̣ад̇д̇зд̇ваа тид̇оби мзд̇д̇аавихаарийязва наама. басаннод̇и яо бана б̣уд̣̇д̇хасаасанз басанно ход̇и, басаад̣̇ам̣ рожзд̇иязваад̇и ад̇т̇о. бад̣̇ам̣ санд̇анд̇и ниб̣б̣аанассзд̇ам̣ наамам̣. зваруубо хи бхигку санд̇ам̣ годтаасам̣ саб̣б̣асан̇каараанам̣ убасанд̇ад̇ааяа сан̇кааруубасамам̣, барамасукад̇ааяа суканд̇и лад̣̇д̇ханаамам̣ ниб̣б̣аанам̣ ад̇хиг̇ажчад̇и, винд̣̇ад̇иязваад̇и ад̇т̇о.

Tattha mettāvihārīti mettākammaṭṭhāne kammaṃ karontopi mettāvasena tikacatukkajjhāne nibbattetvā ṭhitopi mettāvihārīyeva nāma. Pasannoti yo pana buddhasāsane pasanno hoti, pasādaṃ rocetiyevāti attho. Padaṃ santanti nibbānassetaṃ nāmaṃ. Evarūpo hi bhikkhu santaṃ koṭṭhāsaṃ sabbasaṅkhārānaṃ upasantatāya saṅkhārūpasamaṃ, paramasukhatāya sukhanti laddhanāmaṃ nibbānaṃ adhigacchati, vindatiyevāti attho.

син̃жа бхигку имам̣ нааванд̇и бхигку имам̣ ад̇д̇абхаавасан̇каад̇ам̣ наавам̣ мижчаавид̇аггод̣̇агам̣ чад̣д̣знд̇о син̃жа. сид̇д̇аа д̇з лахумзссад̇ийд̇и яат̇аа хи махаасамуд̣̇д̣̇з уд̣̇агассзва бхарид̇аа нааваа чид̣̇д̣̇аани бид̣̇ахид̇ваа уд̣̇агасса сид̇д̇ад̇ааяа сид̇д̇аа саллахугаа худ̇ваа махаасамуд̣̇д̣̇з аносийд̣̇ид̇ваа сийгхам̣ субадданам̣ г̇ажчад̇и, звам̣ д̇авааби аяам̣ мижчаавид̇аггод̣̇агабхарид̇аа ад̇д̇абхааванааваа жагкуд̣̇ваараад̣̇ичид̣̇д̣̇аани сам̣варзна бид̣̇ахид̇ваа уббаннасса мижчаавид̇аггод̣̇агасса сид̇д̇ад̇ааяа сид̇д̇аа саллахугаа сам̣саараваддз аносийд̣̇ид̇ваа сийгхам̣ ниб̣б̣аанам̣ г̇амиссад̇и. чзд̇ваад̇и рааг̇ад̣̇осаб̣анд̇ханаани чинд̣̇а. зд̇аани хи чинд̣̇ид̇ваа арахад̇д̇аббад̇д̇о д̇ад̇о абарабхааг̇з анубаад̣̇исзсаниб̣б̣аанамзва зхиси, г̇амиссасийд̇и ад̇т̇о.

Siñca bhikkhu imaṃ nāvanti bhikkhu imaṃ attabhāvasaṅkhātaṃ nāvaṃ micchāvitakkodakaṃ chaḍḍento siñca. Sittā te lahumessatīti yathā hi mahāsamudde udakasseva bharitā nāvā chiddāni pidahitvā udakassa sittatāya sittā sallahukā hutvā mahāsamudde anosīditvā sīghaṃ supaṭṭanaṃ gacchati, evaṃ tavāpi ayaṃ micchāvitakkodakabharitā attabhāvanāvā cakkhudvārādichiddāni saṃvarena pidahitvā uppannassa micchāvitakkodakassa sittatāya sittā sallahukā saṃsāravaṭṭe anosīditvā sīghaṃ nibbānaṃ gamissati. Chetvāti rāgadosabandhanāni chinda. Etāni hi chinditvā arahattappatto tato aparabhāge anupādisesanibbānameva ehisi, gamissasīti attho.

бан̃жа чинд̣̇зд̇и хздтааабааяасамбаабагаани бан̃жорамбхааг̇ияасам̣яож̇анаани баад̣̇з б̣ад̣̇д̇хараж̇ж̇ум̣ бурисо сад̇т̇зна вияа хздтаамаг̇г̇ад̇д̇аязна чинд̣̇зяяа. бан̃жа ж̇ахзд̇и убарид̣̇звалогасамбаабагаани бан̃жуд̣̇д̇хамбхааг̇ияасам̣яож̇анаани бурисо г̇ийвааяа б̣ад̣̇д̇хараж̇ж̇угам̣ вияа арахад̇д̇амаг̇г̇зна ж̇ахзяяа баж̇ахзяяа, чинд̣̇зяяаад̇и ад̇т̇о. бан̃жа жуд̇д̇ари бхааваязд̇и уд̣̇д̇хамбхааг̇ияасам̣яож̇анаанам̣ бахаанад̇т̇ааяа сад̣̇д̇хаад̣̇ийни бан̃жинд̣̇рияаани уд̇д̇ари бхаавзяяа. бан̃жасан̇г̇аад̇иг̇од̇и звам̣ санд̇з бан̃жаннам̣ рааг̇ад̣̇осамохамаанад̣̇идтисан̇г̇аанам̣ ад̇иггаманзна бан̃жасан̇г̇аад̇иг̇о бхигку огхад̇ин̣н̣од̇и вужжад̇и, жад̇д̇ааро огхз д̇ин̣н̣оязваад̇и вужжад̇ийд̇и ад̇т̇о.

Pañcachindeti heṭṭhāapāyasampāpakāni pañcorambhāgiyasaṃyojanāni pāde baddharajjuṃ puriso satthena viya heṭṭhāmaggattayena chindeyya. Pañca jaheti uparidevalokasampāpakāni pañcuddhambhāgiyasaṃyojanāni puriso gīvāya baddharajjukaṃ viya arahattamaggena jaheyya pajaheyya, chindeyyāti attho. Pañca cuttari bhāvayeti uddhambhāgiyasaṃyojanānaṃ pahānatthāya saddhādīni pañcindriyāni uttari bhāveyya. Pañcasaṅgātigoti evaṃ sante pañcannaṃ rāgadosamohamānadiṭṭhisaṅgānaṃ atikkamanena pañcasaṅgātigo bhikkhu oghatiṇṇoti vuccati, cattāro oghe tiṇṇoyevāti vuccatīti attho.

жхааяа бхигкууд̇и бхигку д̇вам̣ д̣̇виннам̣ жхаанаанам̣ васзна жхааяа жзва, гааяагаммаад̣̇ийсу жа аббамад̇д̇авихаарид̇ааяа маа бамаж̇ж̇и. рамзссууд̇и бан̃жавид̇хз жа гаамаг̇ун̣з д̇з жид̇д̇ам̣ маа рамзссу. маа лохаг̇ул̣анд̇и сад̇ивоссаг̇г̇алагкан̣зна хи бамаад̣̇зна бамад̇д̇аа нираяз д̇ад̇д̇ам̣ лохаг̇ул̣ам̣ г̇иланд̇и, д̇зна д̇ам̣ вад̣̇аами ‘‘маа бамад̇д̇о худ̇ваа лохаг̇ул̣ам̣ г̇или, маа нираяз д̣аяхамаано ‘д̣̇угкамид̣̇а’нд̇и ганд̣̇ий’’д̇и ад̇т̇о.

Jhāya bhikkhūti bhikkhu tvaṃ dvinnaṃ jhānānaṃ vasena jhāya ceva, kāyakammādīsu ca appamattavihāritāya mā pamajji. Ramessūti pañcavidhe ca kāmaguṇe te cittaṃ mā ramessu. Mā lohaguḷanti sativossaggalakkhaṇena hi pamādena pamattā niraye tattaṃ lohaguḷaṃ gilanti, tena taṃ vadāmi ‘‘mā pamatto hutvā lohaguḷaṃ gili, mā niraye ḍayhamāno ‘dukkhamida’nti kandī’’ti attho.

над̇т̇и жхаананд̇и жхаануббаад̣̇игааяа вааяаамабан̃н̃ааяа абан̃н̃асса жхаанам̣ наама над̇т̇и. бан̃н̃аа над̇т̇ийд̇и ажхааяанд̇асса ‘‘самаахид̇о бхигку яат̇аабхууд̇ам̣ ж̇аанаад̇и бассад̇ий’’д̇и вуд̇д̇алагкан̣аа бан̃н̃аа над̇т̇и. яамхи жхаанан̃жа бан̃н̃аа жаад̇и яамхи буг̇г̇алз ид̣̇ам̣ убхаяамби ад̇т̇и, со ниб̣б̣аанасса санд̇игз тид̇оязваад̇и ад̇т̇о.

Natthi jhānanti jhānuppādikāya vāyāmapaññāya apaññassa jhānaṃ nāma natthi. Paññā natthīti ajhāyantassa ‘‘samāhito bhikkhu yathābhūtaṃ jānāti passatī’’ti vuttalakkhaṇā paññā natthi. Yamhi jhānañca paññā cāti yamhi puggale idaṃ ubhayampi atthi, so nibbānassa santike ṭhitoyevāti attho.

сун̃н̃ааг̇аарам̣ бавидтассаад̇и гисмин̃жид̣̇зва вивид̇д̇огаасз гаммадтаанам̣ авиж̇ахид̇ваа гаммадтаанаманасигаарзна нисиннасса. санд̇ажид̇д̇ассаад̇и ниб̣б̣уд̇ажид̇д̇асса. саммаад̇и хзд̇унаа гааран̣зна д̇хаммам̣ вибассанд̇асса вибассанаасан̇каад̇аа амаанусий рад̇и адтасамаабад̇д̇исан̇каад̇аа д̣̇иб̣б̣ааби рад̇и ход̇и уббаж̇ж̇ад̇ийд̇и ад̇т̇о.

Suññāgāraṃ paviṭṭhassāti kismiñcideva vivittokāse kammaṭṭhānaṃ avijahitvā kammaṭṭhānamanasikārena nisinnassa. Santacittassāti nibbutacittassa. Sammāti hetunā kāraṇena dhammaṃ vipassantassa vipassanāsaṅkhātā amānusī rati aṭṭhasamāpattisaṅkhātā dibbāpi rati hoti uppajjatīti attho.

яад̇о яад̇о саммасад̇ийд̇и адтад̇им̣сааяа аарамман̣зсу гаммам̣ гаронд̇о язна язнаагаарзна, бурзбхад̇д̇аад̣̇ийсу ваа гаалзсу яасмим̣ яасмим̣ ад̇д̇анаа абхиружид̇з гаалз, абхиружид̇з ваа гаммадтаанз гаммам̣ гаронд̇о саммасад̇и. уд̣̇аяаб̣б̣аяанд̇и бан̃жаннам̣ канд̇хаанам̣ бан̃жавийсад̇ияаа лагкан̣зхи уд̣̇аяам̣ , бан̃жавийсад̇ияаа зва жа лагкан̣зхи ваяам̣. бийд̇ибаамож̇ж̇анд̇и звам̣ канд̇хаанам̣ уд̣̇аяаб̣б̣аяам̣ саммасанд̇о д̇хаммабийд̇им̣ д̇хаммабаамож̇ж̇ан̃жа лабхад̇и. амад̇анд̇и д̇ам̣ саббажжаяз наамаруубз баагадз худ̇ваа убадтаханд̇з уббаннам̣ бийд̇ибаамож̇ж̇ам̣ амад̇аниб̣б̣аанасамбаабагад̇д̇аа виж̇аанад̇ам̣ бан̣д̣ид̇аанам̣ амад̇амзваад̇и ад̇т̇о.

Yatoyato sammasatīti aṭṭhatiṃsāya ārammaṇesu kammaṃ karonto yena yenākārena, purebhattādīsu vā kālesu yasmiṃ yasmiṃ attanā abhirucite kāle, abhirucite vā kammaṭṭhāne kammaṃ karonto sammasati. Udayabbayanti pañcannaṃ khandhānaṃ pañcavīsatiyā lakkhaṇehi udayaṃ , pañcavīsatiyā eva ca lakkhaṇehi vayaṃ. Pītipāmojjanti evaṃ khandhānaṃ udayabbayaṃ sammasanto dhammapītiṃ dhammapāmojjañca labhati. Amatanti taṃ sappaccaye nāmarūpe pākaṭe hutvā upaṭṭhahante uppannaṃ pītipāmojjaṃ amatanibbānasampāpakattā vijānataṃ paṇḍitānaṃ amatamevāti attho.

д̇ад̇рааяамаад̣̇и бхавад̇ийд̇и д̇ад̇ра аяам̣ аад̣̇и, ид̣̇ам̣ буб̣б̣адтаанам̣ ход̇и. ид̇ха бан̃н̃ассаад̇и имасмим̣ саасанз бан̣д̣ид̇абхигкуно. ид̣̇аани ‘‘д̇ам̣ аад̣̇ий’’д̇и вуд̇д̇ам̣ буб̣б̣адтаанам̣ д̣̇ассзнд̇о инд̣̇рияаг̇уд̇д̇ийд̇иаад̣̇имааха. жад̇убаарисуд̣̇д̇хисийлан̃хи буб̣б̣адтаанам̣ наама. д̇ад̇т̇а инд̣̇рияаг̇уд̇д̇ийд̇и инд̣̇рияасам̣варо. санд̇удтийд̇и жад̇убажжаяасанд̇осо. д̇зна ааж̇ийвабаарисуд̣̇д̇хи жзва бажжаяасанниссид̇ан̃жа сийлам̣ гат̇ид̇ам̣. баад̇имогкзд̇и баад̇имогкасан̇каад̇з ж̇здтагасийлз барибуурагаарид̇аа гат̇ид̇аа.

Tatrāyamādi bhavatīti tatra ayaṃ ādi, idaṃ pubbaṭṭhānaṃ hoti. Idha paññassāti imasmiṃ sāsane paṇḍitabhikkhuno. Idāni ‘‘taṃ ādī’’ti vuttaṃ pubbaṭṭhānaṃ dassento indriyaguttītiādimāha. Catupārisuddhisīlañhi pubbaṭṭhānaṃ nāma. Tattha indriyaguttīti indriyasaṃvaro. Santuṭṭhīti catupaccayasantoso. Tena ājīvapārisuddhi ceva paccayasannissitañca sīlaṃ kathitaṃ. Pātimokkheti pātimokkhasaṅkhāte jeṭṭhakasīle paripūrakāritā kathitā.

мид̇д̇з бхаж̇ассу галяаан̣зд̇и виссадтагамманд̇з абад̇ируубасахааяз важ̇ж̇зд̇ваа саад̇хуж̇ийвид̇ааяа суд̣̇д̇хааж̇ийвз ж̇ан̇гхаб̣алам̣ ниссааяа ж̇ийвигагаббанааяа агусийд̇з ад̇анд̣̇ид̇з галяаан̣амид̇д̇з бхаж̇ассу, сзвассууд̇и ад̇т̇о. бадисант̇ааравуд̇яассаад̇и аамисабадисант̇аарзна жа д̇хаммабадисант̇аарзна жа самбаннавуд̇д̇ид̇ааяа бадисант̇ааравуд̇д̇и асса, бадисант̇аарасса гаарагаа бхавзяяаад̇и ад̇т̇о. аажаарагусалод̇и сийламби аажааро, вад̇д̇абадивад̇д̇амби аажааро. д̇ад̇т̇а гусало сияаа, чзго бхавзяяаад̇и ад̇т̇о. д̇ад̇о баамож̇ж̇аб̣ахулод̇и д̇ад̇о бадисант̇ааравуд̇д̇ид̇о жа аажаарагосаллад̇о жа уббаннзна д̇хаммабаамож̇ж̇зна баамож̇ж̇аб̣ахуло худ̇ваа д̇ам̣ сагалассааби ваддад̣̇угкасса анд̇ам̣ гариссад̇ийд̇и ад̇т̇о.

Mitte bhajassu kalyāṇeti vissaṭṭhakammante apatirūpasahāye vajjetvā sādhujīvitāya suddhājīve jaṅghabalaṃ nissāya jīvikakappanāya akusīte atandite kalyāṇamitte bhajassu, sevassūti attho. Paṭisanthāravutyassāti āmisapaṭisanthārena ca dhammapaṭisanthārena ca sampannavuttitāya paṭisanthāravutti assa, paṭisanthārassa kārakā bhaveyyāti attho. Ācārakusaloti sīlampi ācāro, vattapaṭivattampi ācāro. Tattha kusalo siyā, cheko bhaveyyāti attho. Tato pāmojjabahuloti tato paṭisanthāravuttito ca ācārakosallato ca uppannena dhammapāmojjena pāmojjabahulo hutvā taṃ sakalassāpi vaṭṭadukkhassa antaṃ karissatīti attho.

звам̣ сад̇т̇аараа д̣̇зсид̇аасу имаасу г̇аат̇аасу згамзгиссааяа г̇аат̇ааяа барияосаанз згамзгам̣ бхигкусад̇ам̣ нисиннанисиннадтаанзязва саха бадисамбхид̣̇аахи арахад̇д̇ам̣ бад̇ваа взхаасам̣ аб̣бхуг̇г̇анд̇ваа саб̣б̣зби д̇з бхигкуу аагаасзнзва вийсаяож̇анасад̇игам̣ ганд̇аарам̣ ад̇иггамид̇ваа д̇ат̇ааг̇ад̇асса суван̣н̣аван̣н̣ам̣ сарийрам̣ ван̣н̣знд̇аа т̇омзнд̇аа баад̣̇з ванд̣̇им̣сууд̇и.

Evaṃ satthārā desitāsu imāsu gāthāsu ekamekissāya gāthāya pariyosāne ekamekaṃ bhikkhusataṃ nisinnanisinnaṭṭhāneyeva saha paṭisambhidāhi arahattaṃ patvā vehāsaṃ abbhuggantvā sabbepi te bhikkhū ākāseneva vīsayojanasatikaṃ kantāraṃ atikkamitvā tathāgatassa suvaṇṇavaṇṇaṃ sarīraṃ vaṇṇentā thomentā pāde vandiṃsūti.

самб̣ахулабхигкувад̇т̇у сад̇д̇амам̣.

Sambahulabhikkhuvatthu sattamaṃ.

8. бан̃жасад̇абхигкувад̇т̇у

8. Pañcasatabhikkhuvatthu

вассигаа вияа бубпаанийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о бан̃жасад̇з бхигкуу аараб̣бха гат̇зси.

Vassikāviya pupphānīti imaṃ dhammadesanaṃ satthā jetavane viharanto pañcasate bhikkhū ārabbha kathesi.

д̇з гира сад̇т̇у санд̇игз гаммадтаанам̣ г̇ахзд̇ваа аран̃н̃з саман̣ад̇хаммам̣ гаронд̇аа баад̇ова бубпид̇аани вассигабубпаани сааяам̣ ван̣дад̇о мужжанд̇аани д̣̇исваа ‘‘бубпаанам̣ ван̣дзхи мужжанад̇о маяам̣ батамад̇арам̣ рааг̇аад̣̇ийхи мужжиссаамаа’’д̇и вааяамим̣су. сад̇т̇аа д̇з бхигкуу ологзд̇ваа, ‘‘бхигкавз, бхигкунаа наама ван̣дад̇о мужжанабубпзна вияа д̣̇угкад̇о мужжид̇ум̣ вааяамид̇аб̣б̣амзваа’’д̇и вад̇ваа г̇анд̇хагудияам̣ нисиннова аалогам̣ парид̇ваа имам̣ г̇аат̇амааха –

Te kira satthu santike kammaṭṭhānaṃ gahetvā araññe samaṇadhammaṃ karontā pātova pupphitāni vassikapupphāni sāyaṃ vaṇṭato muccantāni disvā ‘‘pupphānaṃ vaṇṭehi muccanato mayaṃ paṭhamataraṃ rāgādīhi muccissāmā’’ti vāyamiṃsu. Satthā te bhikkhū oloketvā, ‘‘bhikkhave, bhikkhunā nāma vaṇṭato muccanapupphena viya dukkhato muccituṃ vāyamitabbamevā’’ti vatvā gandhakuṭiyaṃ nisinnova ālokaṃ pharitvā imaṃ gāthamāha –

377.

‘‘вассигаа вияа бубпаани, мад̣̇д̣̇аваани бамун̃жад̇и;

‘‘Vassikā viya pupphāni, maddavāni pamuñcati;

звам̣ рааг̇ан̃жа д̣̇осан̃жа, виббамун̃жзт̇а бхигкаво’’д̇и.

Evaṃ rāgañca dosañca, vippamuñcetha bhikkhavo’’ti.

д̇ад̇т̇а вассигаад̇и суманаа. мад̣̇д̣̇аваанийд̇и милаад̇аани. ид̣̇ам̣ вуд̇д̇ам̣ ход̇и – яат̇аа вассигаа хияяо бубпид̇абубпаани бунад̣̇ивасз бураан̣абхууд̇аани мун̃жад̇и, ван̣дад̇о виссаж̇ж̇зд̇и, звам̣ д̇умхзби рааг̇аад̣̇аяо д̣̇осз виббамун̃жзт̇аад̇и.

Tattha vassikāti sumanā. Maddavānīti milātāni. Idaṃ vuttaṃ hoti – yathā vassikā hiyyo pupphitapupphāni punadivase purāṇabhūtāni muñcati, vaṇṭato vissajjeti, evaṃ tumhepi rāgādayo dose vippamuñcethāti.

д̣̇зсанаавасаанз саб̣б̣зби д̇з бхигкуу арахад̇д̇з бад̇идтахим̣сууд̇и.

Desanāvasāne sabbepi te bhikkhū arahatte patiṭṭhahiṃsūti.

бан̃жасад̇абхигкувад̇т̇у адтамам̣.

Pañcasatabhikkhuvatthu aṭṭhamaṃ.

9. санд̇агааяад̇т̇зравад̇т̇у

9. Santakāyattheravatthu

санд̇агааяод̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о санд̇агааяад̇т̇зрам̣ наама аараб̣бха гат̇зси.

Santakāyoti imaṃ dhammadesanaṃ satthā jetavane viharanto santakāyattheraṃ nāma ārabbha kathesi.

д̇асса гира хад̇т̇абаад̣̇агуггужжам̣ наама наахоси, гааяавиж̇амбханарахид̇о санд̇аад̇д̇абхаавова ахоси. со гира сийхаяонид̇о ааг̇ад̇о т̇зро. сийхаа гира згад̣̇ивасам̣ г̇ожарам̣ г̇ахзд̇ваа раж̇ад̇асуван̣н̣аман̣ибаваал̣аг̇ухаанам̣ ан̃н̃ад̇арам̣ бависид̇ваа маносилаад̇алз харид̇аалажун̣н̣зсу сад̇д̇аахам̣ нибаж̇ж̇ид̇ваа сад̇д̇амз д̣̇ивасз удтааяа нибаннадтаанам̣ ологзд̇ваа сажз нан̇г̇удтасса ваа ган̣н̣аанам̣ ваа хад̇т̇абаад̣̇аанам̣ ваа жалид̇ад̇д̇аа маносилаахарид̇аалажун̣н̣аанам̣ виббагин̣н̣ад̇ам̣ бассанд̇и, ‘‘на д̇з ид̣̇ам̣ ж̇аад̇ияаа ваа г̇од̇д̇асса ваа бад̇ирууба’’нд̇и буна сад̇д̇аахам̣ нираахаараа нибаж̇ж̇анд̇и, жун̣н̣аанам̣ бана виббагин̣н̣абхаавз асад̇и ‘‘ид̣̇ам̣ д̇з ж̇аад̇иг̇од̇д̇аанам̣ анужчавига’’нд̇и аасаяаа нигкамид̇ваа виж̇амбхид̇ваа д̣̇исаа анувилогзд̇ваа д̇игкад̇д̇ум̣ сийханаад̣̇ам̣ над̣̇ид̇ваа г̇ожарааяа баггаманд̇и. зваруубааяа сийхаяонияаа ааг̇ад̇о аяам̣ бхигку. д̇асса гааяасамаажаарам̣ д̣̇исваа бхигкуу сад̇т̇у аарожзсум̣ – ‘‘на но, бханд̇з, санд̇агааяад̇т̇зрасад̣̇исо бхигку д̣̇идтабуб̣б̣о. имасса хи нисиннадтаанз хад̇т̇ажаланам̣ ваа баад̣̇ажаланам̣ ваа гааяавиж̇амбхид̇аа ваа над̇т̇ий’’д̇и. д̇ам̣ суд̇ваа сад̇т̇аа, ‘‘бхигкавз, бхигкунаа наама санд̇агааяад̇т̇зрзна вияа гааяаад̣̇ийхи убасанд̇знзва бхавид̇аб̣б̣а’’нд̇и вад̇ваа имам̣ г̇аат̇амааха –

Tassa kira hatthapādakukkuccaṃ nāma nāhosi, kāyavijambhanarahito santaattabhāvova ahosi. So kira sīhayonito āgato thero. Sīhā kira ekadivasaṃ gocaraṃ gahetvā rajatasuvaṇṇamaṇipavāḷaguhānaṃ aññataraṃ pavisitvā manosilātale haritālacuṇṇesu sattāhaṃ nipajjitvā sattame divase uṭṭhāya nipannaṭṭhānaṃ oloketvā sace naṅguṭṭhassa vā kaṇṇānaṃ vā hatthapādānaṃ vā calitattā manosilāharitālacuṇṇānaṃ vippakiṇṇataṃ passanti, ‘‘na te idaṃ jātiyā vā gottassa vā patirūpa’’nti puna sattāhaṃ nirāhārā nipajjanti, cuṇṇānaṃ pana vippakiṇṇabhāve asati ‘‘idaṃ te jātigottānaṃ anucchavika’’nti āsayā nikkhamitvā vijambhitvā disā anuviloketvā tikkhattuṃ sīhanādaṃ naditvā gocarāya pakkamanti. Evarūpāya sīhayoniyā āgato ayaṃ bhikkhu. Tassa kāyasamācāraṃ disvā bhikkhū satthu ārocesuṃ – ‘‘na no, bhante, santakāyattherasadiso bhikkhu diṭṭhapubbo. Imassa hi nisinnaṭṭhāne hatthacalanaṃ vā pādacalanaṃ vā kāyavijambhitā vā natthī’’ti. Taṃ sutvā satthā, ‘‘bhikkhave, bhikkhunā nāma santakāyattherena viya kāyādīhi upasanteneva bhavitabba’’nti vatvā imaṃ gāthamāha –

378.

‘‘санд̇агааяо санд̇аваажо, санд̇аваа сусамаахид̇о;

‘‘Santakāyo santavāco, santavā susamāhito;

ванд̇алогаамисо бхигку, убасанд̇од̇и вужжад̇ий’’д̇и.

Vantalokāmiso bhikkhu, upasantoti vuccatī’’ti.

д̇ад̇т̇а санд̇агааяод̇и баан̣аад̇ибаад̇аад̣̇ийнам̣ абхаавзна санд̇агааяо, мусааваад̣̇аад̣̇ийнам̣ абхаавзна санд̇аваажо, абхиж̇жхаад̣̇ийнам̣ абхаавзна санд̇аваа, гааяаад̣̇ийнам̣ д̇ин̣н̣амби судту самаахид̇ад̇д̇аа сусамаахид̇о, жад̇уухи маг̇г̇зхи логаамисасса ванд̇ад̇ааяа ванд̇алогаамисо бхигку аб̣бханд̇арз рааг̇аад̣̇ийнам̣ убасанд̇ад̇ааяа убасанд̇од̇и вужжад̇ийд̇и ад̇т̇о.

Tattha santakāyoti pāṇātipātādīnaṃ abhāvena santakāyo, musāvādādīnaṃ abhāvena santavāco, abhijjhādīnaṃ abhāvena santavā, kāyādīnaṃ tiṇṇampi suṭṭhu samāhitattā susamāhito, catūhi maggehi lokāmisassa vantatāya vantalokāmiso bhikkhu abbhantare rāgādīnaṃ upasantatāya upasantoti vuccatīti attho.

д̣̇зсанаавасаанз со т̇зро арахад̇д̇з бад̇идтахи, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne so thero arahatte patiṭṭhahi, sampattānampi sātthikā dhammadesanā ahosīti.

санд̇агааяад̇т̇зравад̇т̇у навамам̣.

Santakāyattheravatthu navamaṃ.

10. нан̇г̇алагулад̇т̇зравад̇т̇у

10. Naṅgalakulattheravatthu

ад̇д̇анаа жод̣̇аяад̇д̇аананд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о нан̇г̇алагулад̇т̇зрам̣ аараб̣бха гат̇зси.

Attanācodayattānanti imaṃ dhammadesanaṃ satthā jetavane viharanto naṅgalakulattheraṃ ārabbha kathesi.

зго гира д̣̇уг̇г̇ад̇амануссо барзсам̣ бхад̇им̣ гад̇ваа ж̇ийвад̇и, д̇ам̣ зго бхигку билод̇игакан̣д̣анивад̇т̇ам̣ нан̇г̇алам̣ угкибид̇ваа г̇ажчанд̇ам̣ д̣̇исваа звамааха – ‘‘гим̣ бана д̇з звам̣ ж̇ийванад̇о баб̣б̣аж̇ид̇ум̣ на вара’’нд̇и. го мам̣, бханд̇з, звам̣ ж̇ийванд̇ам̣ баб̣б̣ааж̇зссад̇ийд̇и? сажз баб̣б̣аж̇иссаси , ахам̣ д̇ам̣ баб̣б̣ааж̇зссаамийд̇и. саад̇ху бханд̇з , сажз мам̣ баб̣б̣ааж̇зссат̇а, баб̣б̣аж̇иссаамийд̇и. ат̇а нам̣ со т̇зро ж̇зд̇аванам̣ нзд̇ваа сахад̇т̇зна, нхаабзд̇ваа маал̣агз табзд̇ваа баб̣б̣ааж̇зд̇ваа нивад̇т̇абилод̇игакан̣д̣зна сад̣̇д̇хим̣ нан̇г̇алам̣ маал̣агасиймааяамзва ругкасаакааяам̣ табаабзси. со убасамбаннагаалзби нан̇г̇алагулад̇т̇зрод̇взва бан̃н̃ааяи. со б̣уд̣̇д̇хаанам̣ уббанналаабхасаггаарам̣ ниссааяа ж̇ийванд̇о угган̣тид̇ваа угган̣тид̇ам̣ винод̣̇зд̇ум̣ асаггонд̇о ‘‘на д̣̇аани сад̣̇д̇хаад̣̇зяяаани гаасааяаани барид̣̇ахид̇ваа г̇амиссаамий’’д̇и д̇ам̣ ругкамуулам̣ г̇анд̇ваа ад̇д̇анаава ад̇д̇аанам̣ овад̣̇и – ‘‘ахирига, ниллаж̇ж̇а, ид̣̇ам̣ ниваасзд̇ваа виб̣бхамид̇ваа бхад̇им̣ гад̇ваа ж̇ийвид̇угаамо ж̇аад̇о’’д̇и. д̇ассзвам̣ ад̇д̇аанам̣ овад̣̇анд̇ассзва жид̇д̇ам̣ д̇анугабхаавам̣ г̇ад̇ам̣. со нивад̇д̇ид̇ваа буна гад̇ибаахажжаязна угган̣тид̇ваа д̇ат̇зва ад̇д̇аанам̣ овад̣̇и, бунасса жид̇д̇ам̣ нивад̇д̇и. со иминаава нийхаарзна угган̣тид̇аугган̣тид̇агаалз д̇ад̇т̇а г̇анд̇ваа ад̇д̇аанам̣ овад̣̇и. ат̇а нам̣ бхигкуу д̇ад̇т̇а абхин̣хам̣ г̇ажчанд̇ам̣ д̣̇исваа, ‘‘аавусо, нан̇г̇алад̇т̇зра гасмаа зд̇т̇а г̇ажчасий’’д̇и бужчим̣су. со ‘‘аажарияасса санд̇игам̣ г̇ажчаами, бханд̇з’’д̇и вад̇ваа гад̇ибаахзнзва арахад̇д̇ам̣ баабун̣и.

Eko kira duggatamanusso paresaṃ bhatiṃ katvā jīvati, taṃ eko bhikkhu pilotikakhaṇḍanivatthaṃ naṅgalaṃ ukkhipitvā gacchantaṃ disvā evamāha – ‘‘kiṃ pana te evaṃ jīvanato pabbajituṃ na vara’’nti. Ko maṃ, bhante, evaṃ jīvantaṃ pabbājessatīti? Sace pabbajissasi , ahaṃ taṃ pabbājessāmīti. Sādhu bhante , sace maṃ pabbājessatha, pabbajissāmīti. Atha naṃ so thero jetavanaṃ netvā sahatthena, nhāpetvā māḷake ṭhapetvā pabbājetvā nivatthapilotikakhaṇḍena saddhiṃ naṅgalaṃ māḷakasīmāyameva rukkhasākhāyaṃ ṭhapāpesi. So upasampannakālepi naṅgalakulattherotveva paññāyi. So buddhānaṃ uppannalābhasakkāraṃ nissāya jīvanto ukkaṇṭhitvā ukkaṇṭhitaṃ vinodetuṃ asakkonto ‘‘na dāni saddhādeyyāni kāsāyāni paridahitvā gamissāmī’’ti taṃ rukkhamūlaṃ gantvā attanāva attānaṃ ovadi – ‘‘ahirika, nillajja, idaṃ nivāsetvā vibbhamitvā bhatiṃ katvā jīvitukāmo jāto’’ti. Tassevaṃ attānaṃ ovadantasseva cittaṃ tanukabhāvaṃ gataṃ. So nivattitvā puna katipāhaccayena ukkaṇṭhitvā tatheva attānaṃ ovadi, punassa cittaṃ nivatti. So imināva nīhārena ukkaṇṭhitaukkaṇṭhitakāle tattha gantvā attānaṃ ovadi. Atha naṃ bhikkhū tattha abhiṇhaṃ gacchantaṃ disvā, ‘‘āvuso, naṅgalatthera kasmā ettha gacchasī’’ti pucchiṃsu. So ‘‘ācariyassa santikaṃ gacchāmi, bhante’’ti vatvā katipāheneva arahattaṃ pāpuṇi.

бхигкуу д̇зна сад̣̇д̇хим̣ гзл̣им̣ гаронд̇аа аахам̣су – ‘‘аавусо нан̇г̇алад̇т̇зра, д̇ава вижаран̣амаг̇г̇о авал̣ан̃ж̇о вияа ж̇аад̇о, аажарияасса санд̇игам̣ на г̇ажчаси ман̃н̃з’’д̇и. аама, бханд̇з, маяам̣ сам̣саг̇г̇з сад̇и аг̇амимхаа, ид̣̇аани бана со сам̣саг̇г̇о чинно, д̇зна на г̇ажчаамаад̇и. д̇ам̣ суд̇ваа бхигкуу ‘‘зса абхууд̇ам̣ вад̇ваа ан̃н̃ам̣ б̣яаагарод̇ий’’д̇и сад̇т̇у д̇амад̇т̇ам̣ аарожзсум̣. сад̇т̇аа ‘‘аама, бхигкавз, мама буд̇д̇о ад̇д̇анаава ад̇д̇аанам̣ жод̣̇зд̇ваа баб̣б̣аж̇ид̇агижжасса мад̇т̇агам̣ бад̇д̇о’’д̇и вад̇ваа д̇хаммам̣ д̣̇зсзнд̇о имаа г̇аат̇аа абхааси –

Bhikkhū tena saddhiṃ keḷiṃ karontā āhaṃsu – ‘‘āvuso naṅgalatthera, tava vicaraṇamaggo avaḷañjo viya jāto, ācariyassa santikaṃ na gacchasi maññe’’ti. Āma, bhante, mayaṃ saṃsagge sati agamimhā, idāni pana so saṃsaggo chinno, tena na gacchāmāti. Taṃ sutvā bhikkhū ‘‘esa abhūtaṃ vatvā aññaṃ byākarotī’’ti satthu tamatthaṃ ārocesuṃ. Satthā ‘‘āma, bhikkhave, mama putto attanāva attānaṃ codetvā pabbajitakiccassa matthakaṃ patto’’ti vatvā dhammaṃ desento imā gāthā abhāsi –

379.

‘‘ад̇д̇анаа жод̣̇аяад̇д̇аанам̣, бадимам̣сзт̇а ад̇д̇анаа;

‘‘Attanā codayattānaṃ, paṭimaṃsetha attanā;

со ад̇д̇аг̇уд̇д̇о сад̇имаа, сукам̣ бхигку вихаахиси.

So attagutto satimā, sukhaṃ bhikkhu vihāhisi.

380.

‘‘ад̇д̇аа хи ад̇д̇ано наат̇о, го хи наат̇о баро сияаа;

‘‘Attā hi attano nātho, ko hi nātho paro siyā;

ад̇д̇аа хи ад̇д̇ано г̇ад̇и;

Attā hi attano gati;

д̇асмаа сам̣яамамад̇д̇аанам̣, ассам̣ бхад̣̇рам̣ва ваан̣иж̇о’’д̇и.

Tasmā saṃyamamattānaṃ, assaṃ bhadraṃva vāṇijo’’ti.

д̇ад̇т̇а жод̣̇аяад̇д̇аананд̇и ад̇д̇анаава ад̇д̇аанам̣ жод̣̇аяа саараяа. бадимам̣сзт̇аад̇и ад̇д̇анаава ад̇д̇аанам̣ баривиймам̣сат̇а. сод̇и со д̇вам̣, бхигку, звам̣ санд̇з ад̇д̇анаава г̇уд̇д̇ад̇ааяа ад̇д̇аг̇уд̇д̇о, убадтид̇асад̇ид̇ааяа сад̇имаа худ̇ваа саб̣б̣ирияаабат̇зсу сукам̣ вихариссасийд̇и ад̇т̇о.

Tattha codayattānanti attanāva attānaṃ codaya sāraya. Paṭimaṃsethāti attanāva attānaṃ parivīmaṃsatha. Soti so tvaṃ, bhikkhu, evaṃ sante attanāva guttatāya attagutto, upaṭṭhitasatitāya satimā hutvā sabbiriyāpathesu sukhaṃ viharissasīti attho.

наат̇од̇и авассаяо бад̇идтаа. го хи наат̇о барод̇и яасмаа барасса ад̇д̇абхаавз бад̇идтааяа гусалам̣ ваа гад̇ваа саг̇г̇абарааяан̣зна маг̇г̇ам̣ ваа бхаавзд̇ваа сажчигад̇апалзна бхавид̇ум̣ на саггаа, д̇асмаа го хи наама баро наат̇о бхавзяяаад̇и ад̇т̇о. д̇асмаад̇и яасмаа ад̇д̇аава ад̇д̇ано г̇ад̇и бад̇идтаа саран̣ам̣, д̇асмаа яат̇аа бхад̣̇рам̣ ассааж̇аанийяам̣ ниссааяа лаабхам̣ бад̇т̇аяанд̇о ваан̣иж̇о д̇асса висамадтаанажаарам̣ бажчинд̣̇ид̇ваа д̣̇ивасасса д̇игкад̇д̇ум̣ нахаабзнд̇о бхож̇знд̇о сам̣яамзд̇и бадиж̇аг̇г̇ад̇и, звам̣ д̇вамби ануббаннасса агусаласса уббаад̣̇ам̣ ниваарзнд̇о сад̇исаммосзна уббаннам̣ агусалам̣ баж̇аханд̇о ад̇д̇аанам̣ сам̣яама г̇обаяа, звам̣ санд̇з батамаж̇жхаанам̣ аад̣̇им̣ гад̇ваа логияалогуд̇д̇арависзсам̣ ад̇хиг̇амиссасийд̇и ад̇т̇о.

Nāthoti avassayo patiṭṭhā. Ko hi nātho paroti yasmā parassa attabhāve patiṭṭhāya kusalaṃ vā katvā saggaparāyaṇena maggaṃ vā bhāvetvā sacchikataphalena bhavituṃ na sakkā, tasmā ko hi nāma paro nātho bhaveyyāti attho. Tasmāti yasmā attāva attano gati patiṭṭhā saraṇaṃ, tasmā yathā bhadraṃ assājānīyaṃ nissāya lābhaṃ patthayanto vāṇijo tassa visamaṭṭhānacāraṃ pacchinditvā divasassa tikkhattuṃ nahāpento bhojento saṃyameti paṭijaggati, evaṃ tvampi anuppannassa akusalassa uppādaṃ nivārento satisammosena uppannaṃ akusalaṃ pajahanto attānaṃ saṃyama gopaya, evaṃ sante paṭhamajjhānaṃ ādiṃ katvā lokiyalokuttaravisesaṃ adhigamissasīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

нан̇г̇алагулад̇т̇зравад̇т̇у д̣̇асамам̣.

Naṅgalakulattheravatthu dasamaṃ.

11. ваггалид̇т̇зравад̇т̇у

11. Vakkalittheravatthu

баамож̇ж̇аб̣ахулод̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о ваггалид̇т̇зрам̣ аараб̣бха гат̇зси.

Pāmojjabahuloti imaṃ dhammadesanaṃ satthā veḷuvane viharanto vakkalittheraṃ ārabbha kathesi.

со гирааяасмаа саавад̇т̇ияам̣ б̣раахман̣агулз ниб̣б̣ад̇д̇ид̇ваа ваяаббад̇д̇о бин̣д̣ааяа бавидтам̣ д̇ат̇ааг̇ад̇ам̣ д̣̇исваа сад̇т̇у сарийрасамбад̇д̇им̣ ологзд̇ваа сарийрасамбад̇д̇ид̣̇ассанзна ад̇ид̇д̇о ‘‘зваахам̣ нижжагаалам̣ д̇ат̇ааг̇ад̇ам̣ д̣̇адтум̣ лабхиссаамий’’д̇и сад̇т̇у санд̇игз баб̣б̣аж̇ид̇ваа яад̇т̇а тид̇зна саггаа д̣̇асаб̣алам̣ бассид̇ум̣, д̇ад̇т̇а тид̇о саж̇жхааяагаммадтаанаманасигаараад̣̇ийни бахааяа сад̇т̇аарам̣ ологзнд̇ова вижарад̇и. сад̇т̇аа д̇асса н̃аан̣абарибаагам̣ ааг̇амзнд̇о гин̃жи авад̇ваа ‘‘ид̣̇аанисса н̃аан̣ам̣ барибаагам̣ г̇ад̇а’’нд̇и н̃ад̇ваа ‘‘гим̣ д̇з, ваггали, иминаа бууд̇игааязна д̣̇идтзна, яо ко, ваггали, д̇хаммам̣ бассад̇и, со мам̣ бассад̇и. яо мам̣ бассад̇и, со д̇хаммам̣ бассад̇ий’’д̇и (сам̣. ни. 3.87) вад̇ваа овад̣̇и. со звам̣ овад̣̇ид̇оби сад̇т̇у д̣̇ассанам̣ бахааяа нзва ан̃н̃ад̇т̇а г̇анд̇ум̣ саггод̇и. ат̇а нам̣ сад̇т̇аа ‘‘нааяам̣ бхигку сам̣взг̇ам̣ алабхид̇ваа б̣уж̇жхиссад̇ий’’д̇и убагадтааяа вассуубанааяигааяа рааж̇аг̇ахам̣ г̇анд̇ваа вассуубанааяигад̣̇ивасз ‘‘абзхи, ваггали, абзхи, ваггалий’’д̇и бан̣аамзси. со ‘‘на мам̣ сад̇т̇аа аалабад̇ий’’д̇и д̇змаасам̣ сад̇т̇у саммукз таад̇ум̣ асаггонд̇о ‘‘гим̣ маяхам̣ ж̇ийвид̇зна, баб̣б̣ад̇аа ад̇д̇аанам̣ баад̇зссаамий’’д̇и г̇иж̇жхагуудам̣ абхирухи.

So kirāyasmā sāvatthiyaṃ brāhmaṇakule nibbattitvā vayappatto piṇḍāya paviṭṭhaṃ tathāgataṃ disvā satthu sarīrasampattiṃ oloketvā sarīrasampattidassanena atitto ‘‘evāhaṃ niccakālaṃ tathāgataṃ daṭṭhuṃ labhissāmī’’ti satthu santike pabbajitvā yattha ṭhitena sakkā dasabalaṃ passituṃ, tattha ṭhito sajjhāyakammaṭṭhānamanasikārādīni pahāya satthāraṃ olokentova vicarati. Satthā tassa ñāṇaparipākaṃ āgamento kiñci avatvā ‘‘idānissa ñāṇaṃ paripākaṃ gata’’nti ñatvā ‘‘kiṃ te, vakkali, iminā pūtikāyena diṭṭhena, yo kho, vakkali, dhammaṃ passati, so maṃ passati. Yo maṃ passati, so dhammaṃ passatī’’ti (saṃ. ni. 3.87) vatvā ovadi. So evaṃ ovaditopi satthu dassanaṃ pahāya neva aññattha gantuṃ sakkoti. Atha naṃ satthā ‘‘nāyaṃ bhikkhu saṃvegaṃ alabhitvā bujjhissatī’’ti upakaṭṭhāya vassūpanāyikāya rājagahaṃ gantvā vassūpanāyikadivase ‘‘apehi, vakkali, apehi, vakkalī’’ti paṇāmesi. So ‘‘na maṃ satthā ālapatī’’ti temāsaṃ satthu sammukhe ṭhātuṃ asakkonto ‘‘kiṃ mayhaṃ jīvitena, pabbatā attānaṃ pātessāmī’’ti gijjhakūṭaṃ abhiruhi.

сад̇т̇аа д̇асса гиламанабхаавам̣ н̃ад̇ваа ‘‘аяам̣ бхигку мама санд̇игаа ассаасам̣ алабханд̇о маг̇г̇апалаанам̣ убаниссаяам̣ наасзяяаа’’д̇и ад̇д̇аанам̣ д̣̇ассзд̇ум̣ обхаасам̣ мун̃жи. ат̇асса сад̇т̇у д̣̇идтагаалад̇о бадтааяа д̇аавамаханд̇оби сого бахийяи. сад̇т̇аа сугкад̇ал̣аагам̣ огхзна буурзнд̇о вияа т̇зрасса б̣алавабийд̇ибаамож̇ж̇ам̣ уббаад̣̇зд̇ум̣ имам̣ г̇аат̇амааха –

Satthā tassa kilamanabhāvaṃ ñatvā ‘‘ayaṃ bhikkhu mama santikā assāsaṃ alabhanto maggaphalānaṃ upanissayaṃ nāseyyā’’ti attānaṃ dassetuṃ obhāsaṃ muñci. Athassa satthu diṭṭhakālato paṭṭhāya tāvamahantopi soko pahīyi. Satthā sukkhataḷākaṃ oghena pūrento viya therassa balavapītipāmojjaṃ uppādetuṃ imaṃ gāthamāha –

381.

‘‘баамож̇ж̇аб̣ахуло бхигку, басанно б̣уд̣̇д̇хасаасанз;

‘‘Pāmojjabahulo bhikkhu, pasanno buddhasāsane;

ад̇хиг̇ажчз бад̣̇ам̣ санд̇ам̣, сан̇кааруубасамам̣ сука’’нд̇и.

Adhigacche padaṃ santaṃ, saṅkhārūpasamaṃ sukha’’nti.

д̇ассад̇т̇о – багад̇ияааби баамож̇ж̇аб̣ахуло бхигку б̣уд̣̇д̇хасаасанз басаад̣̇ам̣ рожзд̇и, со звам̣ басанно б̣уд̣̇д̇хасаасанз санд̇ам̣ бад̣̇ам̣ сан̇кааруубасамам̣ суканд̇и лад̣̇д̇ханаамам̣ ниб̣б̣аанам̣ ад̇хиг̇ажчзяяаад̇и. иман̃жа бана г̇аат̇ам̣ вад̇ваа сад̇т̇аа ваггалид̇т̇зрасса хад̇т̇ам̣ басаарзд̇ваа –

Tassattho – pakatiyāpi pāmojjabahulo bhikkhu buddhasāsane pasādaṃ roceti, so evaṃ pasanno buddhasāsane santaṃ padaṃ saṅkhārūpasamaṃ sukhanti laddhanāmaṃ nibbānaṃ adhigaccheyyāti. Imañca pana gāthaṃ vatvā satthā vakkalittherassa hatthaṃ pasāretvā –

‘‘зхи ваггали маа бхааяи, ологзхи д̇ат̇ааг̇ад̇ам̣;

‘‘Ehi vakkali mā bhāyi, olokehi tathāgataṃ;

ахам̣ д̇ам̣ уд̣̇д̇хариссаами, бан̇гз саннам̣ва гун̃ж̇арам̣.

Ahaṃ taṃ uddharissāmi, paṅke sannaṃva kuñjaraṃ.

‘‘зхи ваггали маа бхааяи, ологзхи д̇ат̇ааг̇ад̇ам̣;

‘‘Ehi vakkali mā bhāyi, olokehi tathāgataṃ;

ахам̣ д̇ам̣ можаяиссаами, раахуг̇г̇ахам̣ва суурияам̣.

Ahaṃ taṃ mocayissāmi, rāhuggahaṃva sūriyaṃ.

‘‘зхи ваггали маа бхааяи, ологзхи д̇ат̇ааг̇ад̇ам̣;

‘‘Ehi vakkali mā bhāyi, olokehi tathāgataṃ;

ахам̣ д̇ам̣ можаяиссаами, раахуг̇г̇ахам̣ва жанд̣̇има’’нд̇и. –

Ahaṃ taṃ mocayissāmi, rāhuggahaṃva candima’’nti. –

имаа г̇аат̇аа абхааси. со ‘‘д̣̇асаб̣ало мз д̣̇идто, зхийд̇и жа авхаанамби лад̣̇д̇ха’’нд̇и б̣алавабийд̇им̣ уббаад̣̇зд̇ваа ‘‘гуд̇о ну ко г̇анд̇аб̣б̣а’’нд̇и г̇аманамаг̇г̇ам̣ абассанд̇о д̣̇асаб̣аласса саммукз аагаасз уббад̇ид̇ваа батамабаад̣̇з баб̣б̣ад̇з тид̇зязва сад̇т̇аараа вуд̇д̇аг̇аат̇аа ааваж̇ж̇знд̇о аагаасзязва бийд̇им̣ вигкамбхзд̇ваа саха бадисамбхид̣̇аахи арахад̇д̇ам̣ бад̇ваа д̇ат̇ааг̇ад̇ам̣ ванд̣̇амаанова од̇арид̇ваа сад̇т̇у санд̇игз адтааси. ат̇а нам̣ сад̇т̇аа абарабхааг̇з сад̣̇д̇хаад̇химуд̇д̇аанам̣ аг̇г̇адтаанз табзсийд̇и.

Imā gāthā abhāsi. So ‘‘dasabalo me diṭṭho, ehīti ca avhānampi laddha’’nti balavapītiṃ uppādetvā ‘‘kuto nu kho gantabba’’nti gamanamaggaṃ apassanto dasabalassa sammukhe ākāse uppatitvā paṭhamapāde pabbate ṭhiteyeva satthārā vuttagāthā āvajjento ākāseyeva pītiṃ vikkhambhetvā saha paṭisambhidāhi arahattaṃ patvā tathāgataṃ vandamānova otaritvā satthu santike aṭṭhāsi. Atha naṃ satthā aparabhāge saddhādhimuttānaṃ aggaṭṭhāne ṭhapesīti.

ваггалид̇т̇зравад̇т̇у згаад̣̇асамам̣.

Vakkalittheravatthu ekādasamaṃ.

12. суманасааман̣зравад̇т̇у

12. Sumanasāmaṇeravatthu

яо хавзд̇и имам̣ д̇хаммад̣̇зсанам̣ сад̇т̇аа буб̣б̣аараамз вихаранд̇о суманасааман̣зрам̣ аараб̣бха гат̇зси. д̇ад̇рааяам̣ анубуб̣б̣ий гат̇аа –

Yohaveti imaṃ dhammadesanaṃ satthā pubbārāme viharanto sumanasāmaṇeraṃ ārabbha kathesi. Tatrāyaṃ anupubbī kathā –

бад̣̇умуд̇д̇араб̣уд̣̇д̇хагааласмин̃хи зго гулабуд̇д̇о сад̇т̇аараа жад̇убарисамаж̇жхз згам̣ бхигкум̣ д̣̇иб̣б̣ажагкугаанам̣ аг̇г̇адтаанз табзнд̇ам̣ д̣̇исваа д̇ам̣ самбад̇д̇им̣ бад̇т̇аяамаано сад̇т̇аарам̣ ниманд̇зд̇ваа сад̇д̇аахам̣ б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа, ‘‘бханд̇з, ахамби анааг̇ад̇з згасса б̣уд̣̇д̇хасса саасанз д̣̇иб̣б̣ажагкугаанам̣ аг̇г̇о бхавзяяа’’нд̇и бад̇т̇анам̣ табзси. сад̇т̇аа габбасад̇асахассам̣ ологзнд̇о д̇асса бад̇т̇анааяа самиж̇жханабхаавам̣ вид̣̇ид̇ваа ‘‘ид̇о габбасад̇асахассамад̇т̇агз г̇од̇амаб̣уд̣̇д̇хасаасанз д̣̇иб̣б̣ажагкугаанам̣ аг̇г̇о ануруд̣̇д̇хо наама бхависсасий’’д̇и б̣яаагааси. со д̇ам̣ б̣яаагаран̣ам̣ суд̇ваа свз бад̇д̇аб̣б̣ам̣ вияа д̇ам̣ самбад̇д̇им̣ ман̃н̃амаано бариниб̣б̣уд̇з сад̇т̇ари бхигкуу д̣̇иб̣б̣ажагкубаригаммам̣ бужчид̇ваа сад̇д̇аяож̇анигам̣ ган̃жанат̇уубам̣ баригкибид̇ваа анзгаани д̣̇ийбаругкасахассаани гаарзд̇ваа д̣̇ийбабууж̇ам̣ гад̇ваа д̇ад̇о жуд̇о д̣̇звалогз ниб̣б̣ад̇д̇ид̇ваа д̣̇звамануссзсу габбасад̇асахассаани сам̣сарид̇ваа имасмим̣ габбз б̣аараан̣асияам̣ д̣̇алид̣̇д̣̇агулз ниб̣б̣ад̇д̇о суманасздтим̣ ниссааяа д̇асса д̇ин̣ахаараго худ̇ваа ж̇ийвигам̣ габбзси. аннабхаарод̇исса наамам̣ ахоси. суманасздтийби д̇асмим̣ наг̇арз нижжагаалам̣ махаад̣̇аанам̣ д̣̇зд̇и.

Padumuttarabuddhakālasmiñhi eko kulaputto satthārā catuparisamajjhe ekaṃ bhikkhuṃ dibbacakkhukānaṃ aggaṭṭhāne ṭhapentaṃ disvā taṃ sampattiṃ patthayamāno satthāraṃ nimantetvā sattāhaṃ buddhappamukhassa bhikkhusaṅghassa mahādānaṃ datvā, ‘‘bhante, ahampi anāgate ekassa buddhassa sāsane dibbacakkhukānaṃ aggo bhaveyya’’nti patthanaṃ ṭhapesi. Satthā kappasatasahassaṃ olokento tassa patthanāya samijjhanabhāvaṃ viditvā ‘‘ito kappasatasahassamatthake gotamabuddhasāsane dibbacakkhukānaṃ aggo anuruddho nāma bhavissasī’’ti byākāsi. So taṃ byākaraṇaṃ sutvā sve pattabbaṃ viya taṃ sampattiṃ maññamāno parinibbute satthari bhikkhū dibbacakkhuparikammaṃ pucchitvā sattayojanikaṃ kañcanathūpaṃ parikkhipitvā anekāni dīparukkhasahassāni kāretvā dīpapūjaṃ katvā tato cuto devaloke nibbattitvā devamanussesu kappasatasahassāni saṃsaritvā imasmiṃ kappe bārāṇasiyaṃ daliddakule nibbatto sumanaseṭṭhiṃ nissāya tassa tiṇahārako hutvā jīvikaṃ kappesi. Annabhārotissa nāmaṃ ahosi. Sumanaseṭṭhīpi tasmiṃ nagare niccakālaṃ mahādānaṃ deti.

ат̇згад̣̇ивасам̣ убаридто наама бажжзгаб̣уд̣̇д̇хо г̇анд̇хамаад̣̇анз нирод̇хасамаабад̇д̇ид̇о вудтааяа ‘‘гасса ну ко аж̇ж̇а ануг̇г̇ахам̣ гариссаамий’’д̇и жинд̇зд̇ваа ‘‘аж̇ж̇а маяаа аннабхаарасса ануг̇г̇ахам̣ гаад̇ум̣ ваддад̇и, ид̣̇аани жа со адавид̇о д̇ин̣ам̣ аад̣̇ааяа г̇зхам̣ ааг̇амиссад̇ий’’д̇и н̃ад̇ваа бад̇д̇ажийварамаад̣̇ааяа ид̣̇д̇хияаа г̇анд̇ваа аннабхаарасса саммукз бажжудтааси. аннабхааро д̇ам̣ д̇ужчабад̇д̇ахад̇т̇ам̣ д̣̇исваа ‘‘аби , бханд̇з, бхигкам̣ лабхид̇т̇аа’’д̇и бужчид̇ваа ‘‘лабхиссаама махаабун̃н̃аа’’д̇и вуд̇д̇з ‘‘д̇зна хи, бханд̇з, т̇огам̣ ааг̇амзт̇аа’’д̇и д̇ин̣агааж̇ам̣ чад̣д̣зд̇ваа взг̇зна г̇зхам̣ г̇анд̇ваа, ‘‘бхад̣̇д̣̇з, маяхам̣ табид̇абхааг̇абхад̇д̇ам̣ ад̇т̇и, над̇т̇ий’’д̇и бхарияам̣ бужчид̇ваа ‘‘ад̇т̇и, саамий’’д̇и вуд̇д̇з взг̇зна бажжааг̇анд̇ваа бажжзгаб̣уд̣̇д̇хасса бад̇д̇ам̣ аад̣̇ааяа ‘‘маяхам̣ д̣̇аад̇угаамад̇ааяа сад̇и д̣̇зяяад̇хаммо на ход̇и, д̣̇зяяад̇хаммз сад̇и бадиг̇г̇аахагам̣ на лабхаами. аж̇ж̇а бана мз бадиг̇г̇аахаго жа д̣̇идто, д̣̇зяяад̇хаммо жа ад̇т̇и, лаабхаа вад̇а мз’’д̇и г̇зхам̣ г̇анд̇ваа бхад̇д̇ам̣ бад̇д̇з багкибаабзд̇ваа бажжаахарид̇ваа бажжзгаб̣уд̣̇д̇хасса хад̇т̇з бад̇идтабзд̇ваа –

Athekadivasaṃ upariṭṭho nāma paccekabuddho gandhamādane nirodhasamāpattito vuṭṭhāya ‘‘kassa nu kho ajja anuggahaṃ karissāmī’’ti cintetvā ‘‘ajja mayā annabhārassa anuggahaṃ kātuṃ vaṭṭati, idāni ca so aṭavito tiṇaṃ ādāya gehaṃ āgamissatī’’ti ñatvā pattacīvaramādāya iddhiyā gantvā annabhārassa sammukhe paccuṭṭhāsi. Annabhāro taṃ tucchapattahatthaṃ disvā ‘‘api , bhante, bhikkhaṃ labhitthā’’ti pucchitvā ‘‘labhissāma mahāpuññā’’ti vutte ‘‘tena hi, bhante, thokaṃ āgamethā’’ti tiṇakājaṃ chaḍḍetvā vegena gehaṃ gantvā, ‘‘bhadde, mayhaṃ ṭhapitabhāgabhattaṃ atthi, natthī’’ti bhariyaṃ pucchitvā ‘‘atthi, sāmī’’ti vutte vegena paccāgantvā paccekabuddhassa pattaṃ ādāya ‘‘mayhaṃ dātukāmatāya sati deyyadhammo na hoti, deyyadhamme sati paṭiggāhakaṃ na labhāmi. Ajja pana me paṭiggāhako ca diṭṭho, deyyadhammo ca atthi, lābhā vata me’’ti gehaṃ gantvā bhattaṃ patte pakkhipāpetvā paccāharitvā paccekabuddhassa hatthe patiṭṭhapetvā –

‘‘иминаа бана д̣̇аанзна, маа мз д̣̇аалид̣̇д̣̇ияам̣ аху;

‘‘Iminā pana dānena, mā me dāliddiyaṃ ahu;

над̇т̇ийд̇и важанам̣ наама, маа ахоси бхаваабхавз. –

Natthīti vacanaṃ nāma, mā ahosi bhavābhave. –

бханд̇з зваруубаа д̣̇уж̇ж̇ийвид̇аа мужжзяяам̣, над̇т̇ийд̇и бад̣̇амзва на сун̣зяяа’’нд̇и бад̇т̇анам̣ табзси. бажжзгаб̣уд̣̇д̇хо ‘‘звам̣ ход̇у махаабун̃н̃аа’’д̇и вад̇ваа анумод̣̇анам̣ гад̇ваа баггаами.

Bhante evarūpā dujjīvitā mucceyyaṃ, natthīti padameva na suṇeyya’’nti patthanaṃ ṭhapesi. Paccekabuddho ‘‘evaṃ hotu mahāpuññā’’ti vatvā anumodanaṃ katvā pakkāmi.

суманасздтиноби чад̇д̇з ад̇хивад̇т̇аа д̣̇звад̇аа ‘‘ахо д̣̇аанам̣ барамад̣̇аанам̣, убаридтз субад̇идтид̇а’’нд̇и вад̇ваа д̇игкад̇д̇ум̣ саад̇хугаарамад̣̇ааси. ат̇а нам̣ сздти ‘‘гим̣ мам̣ зд̇д̇агам̣ гаалам̣ д̣̇аанам̣ д̣̇ад̣̇амаанам̣ на бассасий’’д̇и ааха. наахам̣ д̇ава д̣̇аанам̣ аараб̣бха саад̇хугаарам̣ д̣̇зми, аннабхаарзна бана убаридтасса д̣̇иннабин̣д̣абаад̇з басийд̣̇ид̇ваа маяаа зса саад̇хугааро бавад̇д̇ид̇од̇и. со ‘‘ажчарияам̣ вад̇а, бхо, ахам̣ зд̇д̇агам̣ гаалам̣ д̣̇аанам̣ д̣̇ад̣̇анд̇о д̣̇звад̇ам̣ саад̇хугаарам̣ д̣̇аабзд̇ум̣ наасагким̣, аннабхааро мам̣ ниссааяа ж̇ийванд̇о згабин̣д̣абаад̇знзва саад̇хугаарам̣ д̣̇аабзси, д̇асса д̣̇аанз анужчавигам̣ гад̇ваа д̇ам̣ бин̣д̣абаад̇ам̣ мама санд̇агам̣ гариссаамий’’д̇и жинд̇зд̇ваа д̇ам̣ баггосаабзд̇ваа ‘‘аж̇ж̇а д̇аяаа гассажи гин̃жи д̣̇инна’’нд̇и бужчи. ‘‘аама, саами, убаридтабажжзгаб̣уд̣̇д̇хасса мз аж̇ж̇а бхааг̇абхад̇д̇ам̣ д̣̇инна’’нд̇и. ‘‘ханд̣̇а, бхо, гахаабан̣ам̣ г̇ахзд̇ваа зд̇ам̣ маяхам̣ бин̣д̣абаад̇ам̣ д̣̇зхий’’д̇и? ‘‘на д̣̇зми, саамий’’д̇и. со яаава сахассам̣ вад̣дхзси, ид̇аро сахассзнааби наад̣̇ааси. ат̇а нам̣ ‘‘ход̇у, бхо, яад̣̇и бин̣д̣абаад̇ам̣ на д̣̇зси, сахассам̣ г̇ахзд̇ваа бад̇д̇им̣ мз д̣̇зхий’’д̇и ааха. со ‘‘аяязна сад̣̇д̇хим̣ манд̇зд̇ваа ж̇ааниссаамий’’д̇и взг̇зна бажжзгаб̣уд̣̇д̇хам̣ самбаабун̣ид̇ваа, ‘‘бханд̇з суманасздти, сахассам̣ д̣̇ад̇ваа д̇умхаагам̣ бин̣д̣абаад̇з бад̇д̇им̣ яаажад̇и, гим̣ гаромий’’д̇и бужчи.

Sumanaseṭṭhinopi chatte adhivatthā devatā ‘‘aho dānaṃ paramadānaṃ, upariṭṭhe supatiṭṭhita’’nti vatvā tikkhattuṃ sādhukāramadāsi. Atha naṃ seṭṭhi ‘‘kiṃ maṃ ettakaṃ kālaṃ dānaṃ dadamānaṃ na passasī’’ti āha. Nāhaṃ tava dānaṃ ārabbha sādhukāraṃ demi, annabhārena pana upariṭṭhassa dinnapiṇḍapāte pasīditvā mayā esa sādhukāro pavattitoti. So ‘‘acchariyaṃ vata, bho, ahaṃ ettakaṃ kālaṃ dānaṃ dadanto devataṃ sādhukāraṃ dāpetuṃ nāsakkhiṃ, annabhāro maṃ nissāya jīvanto ekapiṇḍapāteneva sādhukāraṃ dāpesi, tassa dāne anucchavikaṃ katvā taṃ piṇḍapātaṃ mama santakaṃ karissāmī’’ti cintetvā taṃ pakkosāpetvā ‘‘ajja tayā kassaci kiñci dinna’’nti pucchi. ‘‘Āma, sāmi, upariṭṭhapaccekabuddhassa me ajja bhāgabhattaṃ dinna’’nti. ‘‘Handa, bho, kahāpaṇaṃ gahetvā etaṃ mayhaṃ piṇḍapātaṃ dehī’’ti? ‘‘Na demi, sāmī’’ti. So yāva sahassaṃ vaḍḍhesi, itaro sahassenāpi nādāsi. Atha naṃ ‘‘hotu, bho, yadi piṇḍapātaṃ na desi, sahassaṃ gahetvā pattiṃ me dehī’’ti āha. So ‘‘ayyena saddhiṃ mantetvā jānissāmī’’ti vegena paccekabuddhaṃ sampāpuṇitvā, ‘‘bhante sumanaseṭṭhi, sahassaṃ datvā tumhākaṃ piṇḍapāte pattiṃ yācati, kiṃ karomī’’ti pucchi.

ат̇асса со убамам̣ аахари ‘‘сзяяат̇ааби, бан̣д̣ид̇а, гуласад̇игз г̇аамз згасмим̣ гхарз д̣̇ийбам̣ ж̇аалзяяа, сзсаа ад̇д̇ано д̇злзна ваддим̣ д̇змзд̇ваа ж̇аалаабзд̇ваа г̇ан̣хзяяум̣, буримабад̣̇ийбасса бабхаа ад̇т̇ийд̇и вад̇д̇аб̣б̣аа над̇т̇ий’’д̇и. ад̇ирзгад̇араа, бханд̇з, бабхаа ход̇ийд̇и. звамзвам̣ бан̣д̣ид̇а ул̣ун̇гаяааг̇у ваа ход̇у, гадажчубхигкаа ваа, ад̇д̇ано бин̣д̣абаад̇з барзсам̣ бад̇д̇им̣ д̣̇знд̇асса яад̇д̇агаанам̣ д̣̇зд̇и, д̇ад̇д̇агам̣ вад̣дхад̇и. д̇ван̃хи згамзва бин̣д̣абаад̇ам̣ ад̣̇ааси, сздтисса бана бад̇д̇ияаа д̣̇иннааяа д̣̇вз бин̣д̣абаад̇аа хонд̇и зго д̇ава, зго д̇ассаад̇и.

Athassa so upamaṃ āhari ‘‘seyyathāpi, paṇḍita, kulasatike gāme ekasmiṃ ghare dīpaṃ jāleyya, sesā attano telena vaṭṭiṃ temetvā jālāpetvā gaṇheyyuṃ, purimapadīpassa pabhā atthīti vattabbā natthī’’ti. Atirekatarā, bhante, pabhā hotīti. Evamevaṃ paṇḍita uḷuṅkayāgu vā hotu, kaṭacchubhikkhā vā, attano piṇḍapāte paresaṃ pattiṃ dentassa yattakānaṃ deti, tattakaṃ vaḍḍhati. Tvañhi ekameva piṇḍapātaṃ adāsi, seṭṭhissa pana pattiyā dinnāya dve piṇḍapātā honti eko tava, eko tassāti.

со ‘‘саад̇ху, бханд̇з’’д̇и д̇ам̣ абхиваад̣̇зд̇ваа сздтисса санд̇игам̣ г̇анд̇ваа ‘‘г̇ан̣ха, саами, бад̇д̇и’’нд̇и ааха. д̇зна хи имз гахаабан̣з г̇ан̣хаад̇и. наахам̣ бин̣д̣абаад̇ам̣ виггин̣аами, сад̣̇д̇хааяа д̇з бад̇д̇им̣ д̣̇аммийд̇и. ‘‘д̇вам̣ сад̣̇д̇хааяа д̣̇зси, ахамби д̇ава г̇ун̣з бууж̇зми, г̇ан̣ха, д̇аад̇а, ид̇о бадтааяа жа бана маа сахад̇т̇аа гаммамагааси, вийт̇ияам̣ гхарам̣ маабзд̇ваа васа. язна жа д̇з ад̇т̇о ход̇и, саб̣б̣ам̣ мама санд̇игаа г̇ан̣хаахий’’д̇и ааха. нирод̇хаа вудтид̇асса бана д̣̇иннабин̣д̣абаад̇о д̇ад̣̇ахзва вибаагам̣ д̣̇зд̇и. д̇асмаа рааж̇ааби д̇ам̣ бавад̇д̇им̣ суд̇ваа аннабхаарам̣ баггосаабзд̇ваа бад̇д̇им̣ г̇ахзд̇ваа маханд̇ам̣ бхог̇ам̣ д̣̇ад̇ваа д̇асса сздтидтаанам̣ д̣̇аабзси.

So ‘‘sādhu, bhante’’ti taṃ abhivādetvā seṭṭhissa santikaṃ gantvā ‘‘gaṇha, sāmi, patti’’nti āha. Tena hi ime kahāpaṇe gaṇhāti. Nāhaṃ piṇḍapātaṃ vikkiṇāmi, saddhāya te pattiṃ dammīti. ‘‘Tvaṃ saddhāya desi, ahampi tava guṇe pūjemi, gaṇha, tāta, ito paṭṭhāya ca pana mā sahatthā kammamakāsi, vīthiyaṃ gharaṃ māpetvā vasa. Yena ca te attho hoti, sabbaṃ mama santikā gaṇhāhī’’ti āha. Nirodhā vuṭṭhitassa pana dinnapiṇḍapāto tadaheva vipākaṃ deti. Tasmā rājāpi taṃ pavattiṃ sutvā annabhāraṃ pakkosāpetvā pattiṃ gahetvā mahantaṃ bhogaṃ datvā tassa seṭṭhiṭṭhānaṃ dāpesi.

со суманасздтисса сахааяаго худ̇ваа яааваж̇ийвам̣ бун̃н̃аани гад̇ваа д̇ад̇о жуд̇о д̣̇звалогз ниб̣б̣ад̇д̇ид̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габилавад̇т̇унаг̇арз амид̇од̣̇анасса саггасса г̇зхз бадисанд̇хим̣ г̇ан̣хи, ануруд̣̇д̇ход̇исса наамам̣ агам̣су. со махаанаамасаггасса ганидтабхаад̇аа, сад̇т̇у жуул̣абид̇у буд̇д̇о барамасукумаало махаабун̃н̃о ахоси. згад̣̇ивасам̣ гира часу кад̇д̇иязсу буувз лагкам̣ гад̇ваа г̇ул̣зхи гийл̣анд̇зсу ануруд̣̇д̇хо барааж̇ид̇о бууваанам̣ ад̇т̇ааяа маад̇у санд̇игам̣ бахин̣и. саа маханд̇ам̣ суван̣н̣ат̇аалам̣ буурзд̇ваа буувз бзсзси. буувз каад̣̇ид̇ваа буна гийл̣анд̇о барааж̇ид̇о д̇ат̇зва бахин̣и. звам̣ д̇игкад̇д̇ум̣ буувзсу аахадзсу жад̇уд̇т̇з ваарз маад̇аа ‘‘ид̣̇аани бууваа над̇т̇ий’’д̇и бахин̣и. д̇ассаа важанам̣ суд̇ваа ‘‘над̇т̇ий’’д̇и бад̣̇асса асуд̇абуб̣б̣ад̇ааяа ‘‘над̇т̇ибууваа наама ид̣̇аани бхависсанд̇ий’’д̇и сан̃н̃ам̣ гад̇ваа ‘‘г̇ажча над̇т̇ибуувз аахараа’’д̇и бзсзси. ат̇асса маад̇аа ‘‘над̇т̇ибуувз гира, аяяз, д̣̇зт̇аа’’д̇и вуд̇д̇з ‘‘мама буд̇д̇зна над̇т̇ийд̇и бад̣̇ам̣ на суд̇абуб̣б̣ам̣, гат̇ам̣ ну ко над̇т̇ибхаавам̣ ж̇аанаабзяяа’’нд̇и суван̣н̣абаад̇им̣ д̇ховид̇ваа абарааяа суван̣н̣абаад̇ияаа бадигуж̇ж̇ид̇ваа ‘‘ханд̣̇а, д̇аад̇а, имам̣ мама буд̇д̇асса д̣̇зхий’’д̇и бахин̣и. д̇асмим̣ кан̣з наг̇арабариг̇г̇аахигаа д̣̇звад̇аа ‘‘амхаагам̣ сааминаа аннабхаарагаалз убаридтасса бажжзгаб̣уд̣̇д̇хасса бхааг̇абхад̇д̇ам̣ д̣̇ад̇ваа ‘над̇т̇ийд̇и бад̣̇амзва на сун̣зяяа’нд̇и бад̇т̇анаа наама табид̇аа. сажз маяам̣ д̇амад̇т̇ам̣ н̃ад̇ваа аж̇жхубзгкзяяаама, муд̣̇д̇хааби но сад̇д̇ад̇хаа палзяяаа’’д̇и жинд̇зд̇ваа д̣̇иб̣б̣абуувзхи баад̇им̣ буураяим̣су. со бурисо баад̇им̣ аахарид̇ваа д̇асса санд̇игз табзд̇ваа вивари. д̇зсам̣ г̇анд̇хо сагаланаг̇арам̣ пари. бууво бана мукз табид̇амад̇д̇ова сад̇д̇арасахаран̣исахассаани парид̇ваа адтааси.

So sumanaseṭṭhissa sahāyako hutvā yāvajīvaṃ puññāni katvā tato cuto devaloke nibbattitvā devamanussesu saṃsaranto imasmiṃ buddhuppāde kapilavatthunagare amitodanassa sakkassa gehe paṭisandhiṃ gaṇhi, anuruddhotissa nāmaṃ akaṃsu. So mahānāmasakkassa kaniṭṭhabhātā, satthu cūḷapitu putto paramasukhumālo mahāpuñño ahosi. Ekadivasaṃ kira chasu khattiyesu pūve lakkhaṃ katvā guḷehi kīḷantesu anuruddho parājito pūvānaṃ atthāya mātu santikaṃ pahiṇi. Sā mahantaṃ suvaṇṇathālaṃ pūretvā pūve pesesi. Pūve khāditvā puna kīḷanto parājito tatheva pahiṇi. Evaṃ tikkhattuṃ pūvesu āhaṭesu catutthe vāre mātā ‘‘idāni pūvā natthī’’ti pahiṇi. Tassā vacanaṃ sutvā ‘‘natthī’’ti padassa asutapubbatāya ‘‘natthipūvā nāma idāni bhavissantī’’ti saññaṃ katvā ‘‘gaccha natthipūve āharā’’ti pesesi. Athassa mātā ‘‘natthipūve kira, ayye, dethā’’ti vutte ‘‘mama puttena natthīti padaṃ na sutapubbaṃ, kathaṃ nu kho natthibhāvaṃ jānāpeyya’’nti suvaṇṇapātiṃ dhovitvā aparāya suvaṇṇapātiyā paṭikujjitvā ‘‘handa, tāta, imaṃ mama puttassa dehī’’ti pahiṇi. Tasmiṃ khaṇe nagarapariggāhikā devatā ‘‘amhākaṃ sāminā annabhārakāle upariṭṭhassa paccekabuddhassa bhāgabhattaṃ datvā ‘natthīti padameva na suṇeyya’nti patthanā nāma ṭhapitā. Sace mayaṃ tamatthaṃ ñatvā ajjhupekkheyyāma, muddhāpi no sattadhā phaleyyā’’ti cintetvā dibbapūvehi pātiṃ pūrayiṃsu. So puriso pātiṃ āharitvā tassa santike ṭhapetvā vivari. Tesaṃ gandho sakalanagaraṃ phari. Pūvo pana mukhe ṭhapitamattova sattarasaharaṇisahassāni pharitvā aṭṭhāsi.

ануруд̣̇д̇хоби жинд̇зси – ‘‘на мам̣ ман̃н̃з ид̇о буб̣б̣з маад̇аа бияааяад̇и. на хи мз ан̃н̃ад̣̇аа д̇ааяа над̇т̇ибууваа наама баггабуб̣б̣аа’’д̇и. со г̇анд̇ваа маад̇арам̣ звамааха – ‘‘амма, наахам̣ д̇ава бияо’’д̇и. д̇аад̇а, гим̣ вад̣̇зси, мама агкийхиби хад̣̇аяамам̣сад̇оби д̇вам̣ бияад̇арод̇и. сажаахам̣, амма, д̇ава бияо, гасмаа мама буб̣б̣з зваруубз над̇т̇ибуувз наама на ад̣̇аасийд̇и. саа д̇ам̣ бурисам̣ бужчи – ‘‘д̇аад̇а, гин̃жи баад̇ияам̣ ахосий’’д̇и. аама, аяяз, бууваанам̣ баад̇и барибун̣н̣аа ахоси, на мз зваруубаа д̣̇идтабуб̣б̣аад̇и. саа жинд̇зси – ‘‘буд̇д̇о мз гад̇абун̃н̃о, д̣̇звад̇аахисса д̣̇иб̣б̣абууваа бахид̇аа бхависсанд̇ий’’д̇и. соби маад̇арам̣ ааха – ‘‘амма, на маяаа зваруубаа бууваа каад̣̇ид̇абуб̣б̣аа, ид̇о бадтааяа мз над̇т̇ибуувамзва бажзяяаасий’’д̇и. саа д̇ад̇о бадтааяа д̇зна ‘‘буувз каад̣̇ид̇угаамомхий’’д̇и вуд̇д̇агаалз суван̣н̣абаад̇им̣ д̇ховид̇ваа ан̃н̃ааяа баад̇ияаа бадигуж̇ж̇ид̇ваа бахин̣ад̇и, д̣̇звад̇аа баад̇им̣ буурзнд̇и. звам̣ со аг̇аарамаж̇жхз васанд̇о над̇т̇ийд̇и бад̣̇асса ад̇т̇ам̣ аж̇аанид̇ваа д̣̇иб̣б̣абуувзязва барибхун̃ж̇и.

Anuruddhopi cintesi – ‘‘na maṃ maññe ito pubbe mātā piyāyati. Na hi me aññadā tāya natthipūvā nāma pakkapubbā’’ti. So gantvā mātaraṃ evamāha – ‘‘amma, nāhaṃ tava piyo’’ti. Tāta, kiṃ vadesi, mama akkhīhipi hadayamaṃsatopi tvaṃ piyataroti. Sacāhaṃ, amma, tava piyo, kasmā mama pubbe evarūpe natthipūve nāma na adāsīti. Sā taṃ purisaṃ pucchi – ‘‘tāta, kiñci pātiyaṃ ahosī’’ti. Āma, ayye, pūvānaṃ pāti paripuṇṇā ahosi, na me evarūpā diṭṭhapubbāti. Sā cintesi – ‘‘putto me katapuñño, devatāhissa dibbapūvā pahitā bhavissantī’’ti. Sopi mātaraṃ āha – ‘‘amma, na mayā evarūpā pūvā khāditapubbā, ito paṭṭhāya me natthipūvameva paceyyāsī’’ti. Sā tato paṭṭhāya tena ‘‘pūve khāditukāmomhī’’ti vuttakāle suvaṇṇapātiṃ dhovitvā aññāya pātiyā paṭikujjitvā pahiṇati, devatā pātiṃ pūrenti. Evaṃ so agāramajjhe vasanto natthīti padassa atthaṃ ajānitvā dibbapūveyeva paribhuñji.

сад̇т̇у бана бариваарад̇т̇ам̣ гулабадибаадияаа саагияагумаарзсу баб̣б̣аж̇анд̇зсу махаанаамзна саггзна, ‘‘д̇аад̇а, амхаагам̣ гулаа гожи баб̣б̣аж̇ид̇о над̇т̇и, д̇аяаа ваа баб̣б̣аж̇ид̇аб̣б̣ам̣, маяаа ваа’’д̇и вуд̇д̇з со ааха – ‘‘ахам̣ ад̇исукумаало баб̣б̣аж̇ид̇ум̣ на сагкиссаамий’’д̇и. д̇зна хи гамманд̇ам̣ уг̇г̇ан̣ха, ахам̣ баб̣б̣аж̇иссаамийд̇и. го зса гамманд̇о наамаад̇и? со хи бхад̇д̇асса удтаанадтаанамби на ж̇аанаад̇и, гамманд̇ам̣ гимзва ж̇ааниссад̇и, д̇асмаа звамааха. згад̣̇ивасан̃хи ануруд̣̇д̇хо бхад̣̇д̣̇ияо гимилод̇и д̇аяо ж̇анаа ‘‘бхад̇д̇ам̣ наама гахам̣ удтаад̇ий’’д̇и манд̇аяим̣су. д̇зсу гимило ‘‘годтзсу удтаад̇ий’’д̇и ааха. со гирзгад̣̇ивасам̣ вийхий годтамхи багкибанд̇з ад̣̇д̣̇аса, д̇асмаа ‘‘годтз бхад̇д̇ам̣ уббаж̇ж̇ад̇ий’’д̇и сан̃н̃ааяа звамааха. ат̇а нам̣ бхад̣̇д̣̇ияо ‘‘д̇вам̣ на ж̇аанаасий’’д̇и вад̇ваа ‘‘бхад̇д̇ам̣ наама угкалияам̣ удтаад̇ий’’д̇и ааха. со гирзгад̣̇ивасам̣ угкалид̇о бхад̇д̇ам̣ вад̣дхзнд̇з д̣̇исваа ‘‘зд̇т̇звзд̇ам̣ уббаж̇ж̇ад̇ий’’д̇и сан̃н̃амагааси, д̇асмаа звамааха. ануруд̣̇д̇хо д̇з убхоби ‘‘д̇умхз на ж̇аанаат̇аа’’д̇и вад̇ваа ‘‘бхад̇д̇ам̣ наама рад̇ануб̣б̣зд̇хамагул̣ааяа махаасуван̣н̣абаад̇ияам̣ удтаад̇ий’’д̇и ааха. д̇зна гира нзва вийхим̣ годдзнд̇аа, на бхад̇д̇ам̣ бажанд̇аа д̣̇идтабуб̣б̣аа, суван̣н̣абаад̇ияам̣ вад̣дхзд̇ваа бурад̇о табид̇абхад̇д̇амзва бассад̇и, д̇асмаа ‘‘баад̇ияам̣язвзд̇ам̣ уббаж̇ж̇ад̇ий’’д̇и сан̃н̃амагааси, д̇асмаа звамааха. звам̣ бхад̇д̇удтаанадтаанамби аж̇аананд̇о махаабун̃н̃о гулабуд̇д̇о гамманд̇з гим̣ ж̇ааниссад̇и.

Satthu pana parivāratthaṃ kulapaṭipāṭiyā sākiyakumāresu pabbajantesu mahānāmena sakkena, ‘‘tāta, amhākaṃ kulā koci pabbajito natthi, tayā vā pabbajitabbaṃ, mayā vā’’ti vutte so āha – ‘‘ahaṃ atisukhumālo pabbajituṃ na sakkhissāmī’’ti. Tena hi kammantaṃ uggaṇha, ahaṃ pabbajissāmīti. Ko esa kammanto nāmāti? So hi bhattassa uṭṭhānaṭṭhānampi na jānāti, kammantaṃ kimeva jānissati, tasmā evamāha. Ekadivasañhi anuruddho bhaddiyo kimiloti tayo janā ‘‘bhattaṃ nāma kahaṃ uṭṭhātī’’ti mantayiṃsu. Tesu kimilo ‘‘koṭṭhesu uṭṭhātī’’ti āha. So kirekadivasaṃ vīhī koṭṭhamhi pakkhipante addasa, tasmā ‘‘koṭṭhe bhattaṃ uppajjatī’’ti saññāya evamāha. Atha naṃ bhaddiyo ‘‘tvaṃ na jānāsī’’ti vatvā ‘‘bhattaṃ nāma ukkhaliyaṃ uṭṭhātī’’ti āha. So kirekadivasaṃ ukkhalito bhattaṃ vaḍḍhente disvā ‘‘etthevetaṃ uppajjatī’’ti saññamakāsi, tasmā evamāha. Anuruddho te ubhopi ‘‘tumhe na jānāthā’’ti vatvā ‘‘bhattaṃ nāma ratanubbedhamakuḷāya mahāsuvaṇṇapātiyaṃ uṭṭhātī’’ti āha. Tena kira neva vīhiṃ koṭṭentā, na bhattaṃ pacantā diṭṭhapubbā, suvaṇṇapātiyaṃ vaḍḍhetvā purato ṭhapitabhattameva passati, tasmā ‘‘pātiyaṃyevetaṃ uppajjatī’’ti saññamakāsi, tasmā evamāha. Evaṃ bhattuṭṭhānaṭṭhānampi ajānanto mahāpuñño kulaputto kammante kiṃ jānissati.

со ‘‘зхи ко д̇з, ануруд̣̇д̇ха, гхарааваасад̇т̇ам̣ анусаасиссаами, батамам̣ кзд̇д̇ам̣ гасаабзд̇аб̣б̣а’’нд̇иаад̣̇инаа наязна бхаад̇араа вуд̇д̇аанам̣ гамманд̇аанам̣ абарияанд̇абхаавам̣ суд̇ваа ‘‘на мз гхарааваасзна ад̇т̇о’’д̇и маад̇арам̣ аабужчид̇ваа бхад̣̇д̣̇ияабамукзхи бан̃жахи саагияагумаарзхи сад̣̇д̇хим̣ нигкамид̇ваа анубияамб̣аванз сад̇т̇аарам̣ убасан̇гамид̇ваа баб̣б̣аж̇и. баб̣б̣аж̇ид̇ваа жа бана саммаабадибад̣̇ам̣ бадибанно анубуб̣б̣зна д̇иссо виж̇ж̇аа сажчигад̇ваа д̣̇иб̣б̣зна жагкунаа згаасанз нисиннова хад̇т̇ад̇алз табид̇ааамалагаани вияа сахассалогад̇хаад̇уяо ологанасамад̇т̇о худ̇ваа –

So ‘‘ehi kho te, anuruddha, gharāvāsatthaṃ anusāsissāmi, paṭhamaṃ khettaṃ kasāpetabba’’ntiādinā nayena bhātarā vuttānaṃ kammantānaṃ apariyantabhāvaṃ sutvā ‘‘na me gharāvāsena attho’’ti mātaraṃ āpucchitvā bhaddiyapamukhehi pañcahi sākiyakumārehi saddhiṃ nikkhamitvā anupiyambavane satthāraṃ upasaṅkamitvā pabbaji. Pabbajitvā ca pana sammāpaṭipadaṃ paṭipanno anupubbena tisso vijjā sacchikatvā dibbena cakkhunā ekāsane nisinnova hatthatale ṭhapitaāmalakāni viya sahassalokadhātuyo olokanasamattho hutvā –

‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;

‘‘Pubbenivāsaṃ jānāmi, dibbacakkhu visodhitaṃ;

д̇звиж̇ж̇о ид̣̇д̇хибад̇д̇омхи, гад̇ам̣ б̣уд̣̇д̇хасса саасана’’нд̇и. (т̇зраг̇аа. 332, 562) –

Tevijjo iddhipattomhi, kataṃ buddhassa sāsana’’nti. (theragā. 332, 562) –

уд̣̇аанам̣ уд̣̇аанзд̇ваа ‘‘гим̣ ну ко мз гад̇ваа аяам̣ самбад̇д̇и лад̣̇д̇хаа’’д̇и ологзнд̇о ‘‘бад̣̇умуд̇д̇арабаад̣̇амуулз бад̇т̇анам̣ табзси’’нд̇и н̃ад̇ваа буна ‘‘сам̣саарз сам̣саранд̇о асугасмим̣ наама гаалз б̣аараан̣асияам̣ суманасздтим̣ ниссааяа ж̇ийванд̇о аннабхааро наама ахоси’’нд̇иби н̃ад̇ваа –

Udānaṃ udānetvā ‘‘kiṃ nu kho me katvā ayaṃ sampatti laddhā’’ti olokento ‘‘padumuttarapādamūle patthanaṃ ṭhapesi’’nti ñatvā puna ‘‘saṃsāre saṃsaranto asukasmiṃ nāma kāle bārāṇasiyaṃ sumanaseṭṭhiṃ nissāya jīvanto annabhāro nāma ahosi’’ntipi ñatvā –

‘‘аннабхааро бурз аасим̣, д̣̇алид̣̇д̣̇о д̇ин̣ахаараго;

‘‘Annabhāro pure āsiṃ, daliddo tiṇahārako;

бин̣д̣абаад̇о маяаа д̣̇инно, убаридтасса д̇аад̣̇ино’’д̇и. –

Piṇḍapāto mayā dinno, upariṭṭhassa tādino’’ti. –

ааха . ат̇асса зд̇ад̣̇ахоси – ‘‘яо со д̇ад̣̇аа маяаа убаридтасса д̣̇иннабин̣д̣абаад̇ад̇о гахаабан̣з д̣̇ад̇ваа бад̇д̇им̣ аг̇г̇ахзси, мама сахааяаго суманасздти гахам̣ ну ко со зд̇арахи ниб̣б̣ад̇д̇о’’д̇и. ат̇а нам̣ ‘‘вин̃жхаадавияам̣ баб̣б̣ад̇абаад̣̇з мун̣д̣аниг̇амо наама ад̇т̇и, д̇ад̇т̇а махаамун̣д̣асса наама убаасагасса махаасумано жуул̣асуманод̇и д̣̇вз буд̇д̇аа, д̇зсу со жуул̣асумано худ̇ваа ниб̣б̣ад̇д̇о’’д̇и ад̣̇д̣̇аса. д̣̇исваа жа бана жинд̇зси – ‘‘ад̇т̇и ну ко д̇ад̇т̇а маяи г̇ад̇з убагааро, над̇т̇ий’’д̇и. со убад̇хаарзнд̇о ид̣̇ам̣ ад̣̇д̣̇аса ‘‘со д̇ад̇т̇а маяи г̇ад̇з сад̇д̇авассигова нигкамид̇ваа баб̣б̣аж̇иссад̇и, кураг̇г̇зязва жа арахад̇д̇ам̣ баабун̣иссад̇ий’’д̇и. д̣̇исваа жа бана убагадтз анд̇овассз аагаасзна г̇анд̇ваа г̇аамад̣̇ваарз од̇ари. махаамун̣д̣о бана убаасаго т̇зрасса буб̣б̣зби виссаасиго зва. со т̇зрам̣ бин̣д̣абаад̇агаалз жийварам̣ баарубанд̇ам̣ д̣̇исваа буд̇д̇ам̣ махаасуманам̣ ааха – ‘‘д̇аад̇а, аяяо, мз ануруд̣̇д̇хад̇т̇зро ааг̇ад̇о, яаавасса ан̃н̃о гожи бад̇д̇ам̣ на г̇ан̣хаад̇и, д̇аавасса г̇анд̇ваа бад̇д̇ам̣ г̇ан̣ха, ахам̣ аасанам̣ бан̃н̃аабзссаамий’’д̇и. со д̇ат̇аа агааси. убаасаго т̇зрам̣ анд̇онивзсанз саггажжам̣ баривисид̇ваа д̇змаасам̣ васанад̇т̇ааяа бадин̃н̃ам̣ г̇ан̣хи, т̇зроби ад̇хиваасзси.

Āha . Athassa etadahosi – ‘‘yo so tadā mayā upariṭṭhassa dinnapiṇḍapātato kahāpaṇe datvā pattiṃ aggahesi, mama sahāyako sumanaseṭṭhi kahaṃ nu kho so etarahi nibbatto’’ti. Atha naṃ ‘‘viñjhāṭaviyaṃ pabbatapāde muṇḍanigamo nāma atthi, tattha mahāmuṇḍassa nāma upāsakassa mahāsumano cūḷasumanoti dve puttā, tesu so cūḷasumano hutvā nibbatto’’ti addasa. Disvā ca pana cintesi – ‘‘atthi nu kho tattha mayi gate upakāro, natthī’’ti. So upadhārento idaṃ addasa ‘‘so tattha mayi gate sattavassikova nikkhamitvā pabbajissati, khuraggeyeva ca arahattaṃ pāpuṇissatī’’ti. Disvā ca pana upakaṭṭhe antovasse ākāsena gantvā gāmadvāre otari. Mahāmuṇḍo pana upāsako therassa pubbepi vissāsiko eva. So theraṃ piṇḍapātakāle cīvaraṃ pārupantaṃ disvā puttaṃ mahāsumanaṃ āha – ‘‘tāta, ayyo, me anuruddhatthero āgato, yāvassa añño koci pattaṃ na gaṇhāti, tāvassa gantvā pattaṃ gaṇha, ahaṃ āsanaṃ paññāpessāmī’’ti. So tathā akāsi. Upāsako theraṃ antonivesane sakkaccaṃ parivisitvā temāsaṃ vasanatthāya paṭiññaṃ gaṇhi, theropi adhivāsesi.

ат̇а нам̣ згад̣̇ивасам̣ бадиж̇аг̇г̇анд̇о вияа д̇змаасам̣ бадиж̇аг̇г̇ид̇ваа махаабавааран̣ааяа д̇ижийваран̃жзва г̇ул̣ад̇злад̇ан̣д̣улаад̣̇ийни жа аахарид̇ваа т̇зрасса баад̣̇амуулз табзд̇ваа ‘‘г̇ан̣хат̇а, бханд̇з’’д̇и ааха. ‘‘алам̣, убаасага, на мз иминаа ад̇т̇о’’д̇и. ‘‘д̇зна хи, бханд̇з, вассааваасигалаабхо наамзса, г̇ан̣хат̇а на’’нд̇и? ‘‘на г̇ан̣хаами, убаасагаа’’д̇и. ‘‘гимад̇т̇ам̣ на г̇ан̣хат̇а, бханд̇з’’д̇и? ‘‘маяхам̣ санд̇игз габбияагаараго сааман̣зроби над̇т̇ий’’д̇и. ‘‘д̇зна хи, бханд̇з, мама буд̇д̇о махаасумано сааман̣зро бхависсад̇ий’’д̇и. ‘‘на мз, убаасага, махаасуманзнад̇т̇о’’д̇и. ‘‘д̇зна хи, бханд̇з, жуул̣асуманам̣ баб̣б̣ааж̇зт̇аа’’д̇и. т̇зро ‘‘саад̇хуу’’д̇и самбадижчид̇ваа жуул̣асуманам̣ баб̣б̣ааж̇зси. со кураг̇г̇зязва арахад̇д̇ам̣ баабун̣и. т̇зро д̇зна сад̣̇д̇хим̣ ад̣дхамаасамад̇д̇ам̣ д̇ад̇т̇зва васид̇ваа ‘‘сад̇т̇аарам̣ бассиссаамий’’д̇и д̇асса н̃аад̇агз аабужчид̇ваа аагаасзнзва г̇анд̇ваа химаванд̇абад̣̇зсз аран̃н̃агудигааяа од̇ари.

Atha naṃ ekadivasaṃ paṭijagganto viya temāsaṃ paṭijaggitvā mahāpavāraṇāya ticīvarañceva guḷatelataṇḍulādīni ca āharitvā therassa pādamūle ṭhapetvā ‘‘gaṇhatha, bhante’’ti āha. ‘‘Alaṃ, upāsaka, na me iminā attho’’ti. ‘‘Tena hi, bhante, vassāvāsikalābho nāmesa, gaṇhatha na’’nti? ‘‘Na gaṇhāmi, upāsakā’’ti. ‘‘Kimatthaṃ na gaṇhatha, bhante’’ti? ‘‘Mayhaṃ santike kappiyakārako sāmaṇeropi natthī’’ti. ‘‘Tena hi, bhante, mama putto mahāsumano sāmaṇero bhavissatī’’ti. ‘‘Na me, upāsaka, mahāsumanenattho’’ti. ‘‘Tena hi, bhante, cūḷasumanaṃ pabbājethā’’ti. Thero ‘‘sādhū’’ti sampaṭicchitvā cūḷasumanaṃ pabbājesi. So khuraggeyeva arahattaṃ pāpuṇi. Thero tena saddhiṃ aḍḍhamāsamattaṃ tattheva vasitvā ‘‘satthāraṃ passissāmī’’ti tassa ñātake āpucchitvā ākāseneva gantvā himavantapadese araññakuṭikāya otari.

т̇зро бана багад̇ияааби аарад̣̇д̇хавийрияо, д̇асса д̇ад̇т̇а буб̣б̣арад̇д̇аабарарад̇д̇ам̣ жан̇гаманд̇асса уд̣̇араваад̇о самудтахи. ат̇а нам̣ гиланд̇аруубам̣ д̣̇исваа сааман̣зро бужчи – ‘‘бханд̇з, гим̣ во руж̇ж̇ад̇ий’’д̇и? ‘‘уд̣̇араваад̇о мз самудтид̇о’’д̇и . ‘‘ан̃н̃ад̣̇ааби самудтид̇абуб̣б̣о, бханд̇з’’д̇и? ‘‘аамаавусо’’д̇и. ‘‘гзна паасугам̣ ход̇и, бханд̇з’’д̇и? ‘‘анод̇ад̇д̇ад̇о баанийяз лад̣̇д̇хз паасугам̣ ход̇и, аавусо’’д̇и. ‘‘д̇зна хи, бханд̇з, аахараамий’’д̇и. ‘‘сагкиссаси сааман̣зраа’’д̇и? ‘‘аама, бханд̇з’’д̇и. д̇зна хи анод̇ад̇д̇з баннаг̇о наама нааг̇арааж̇аа мам̣ ж̇аанаад̇и, д̇асса аажигкид̇ваа бхзсаж̇ж̇ад̇т̇ааяа згам̣ баанийяаваарагам̣ аахараад̇и. со саад̇хууд̇и убаж̇жхааяам̣ ванд̣̇ид̇ваа взхаасам̣ аб̣бхуг̇г̇анд̇ваа бан̃жаяож̇анасад̇ам̣ таанам̣ аг̇амааси . д̇ам̣ д̣̇ивасам̣ бана нааг̇арааж̇аа нааг̇анаадагабаривуд̇о уд̣̇агагийл̣ам̣ гийл̣ид̇угаамо ход̇и. со сааман̣зрам̣ ааг̇ажчанд̇ам̣ д̣̇исваава гуж̇жхи, ‘‘аяам̣ мун̣д̣агасаман̣о ад̇д̇ано баад̣̇абам̣сум̣ мама мад̇т̇агз огиранд̇о вижарад̇и, анод̇ад̇д̇з баанийяад̇т̇ааяа ааг̇ад̇о бхависсад̇и, на д̣̇аанисса баанийяам̣ д̣̇ассаамий’’д̇и бан̣н̣аасаяож̇анигам̣ анод̇ад̇д̇ад̣̇ахам̣ махаабаад̇ияаа угкалим̣ бид̣̇аханд̇о вияа пан̣зна бид̣̇ахид̇ваа нибаж̇ж̇и. сааман̣зро нааг̇арааж̇асса аагаарам̣ ологзд̇ваава ‘‘гуд̣̇д̇хо аяа’’нд̇и н̃ад̇ваа имам̣ г̇аат̇амааха –

Thero pana pakatiyāpi āraddhavīriyo, tassa tattha pubbarattāpararattaṃ caṅkamantassa udaravāto samuṭṭhahi. Atha naṃ kilantarūpaṃ disvā sāmaṇero pucchi – ‘‘bhante, kiṃ vo rujjatī’’ti? ‘‘Udaravāto me samuṭṭhito’’ti . ‘‘Aññadāpi samuṭṭhitapubbo, bhante’’ti? ‘‘Āmāvuso’’ti. ‘‘Kena phāsukaṃ hoti, bhante’’ti? ‘‘Anotattato pānīye laddhe phāsukaṃ hoti, āvuso’’ti. ‘‘Tena hi, bhante, āharāmī’’ti. ‘‘Sakkhissasi sāmaṇerā’’ti? ‘‘Āma, bhante’’ti. Tena hi anotatte pannago nāma nāgarājā maṃ jānāti, tassa ācikkhitvā bhesajjatthāya ekaṃ pānīyavārakaṃ āharāti. So sādhūti upajjhāyaṃ vanditvā vehāsaṃ abbhuggantvā pañcayojanasataṃ ṭhānaṃ agamāsi . Taṃ divasaṃ pana nāgarājā nāganāṭakaparivuto udakakīḷaṃ kīḷitukāmo hoti. So sāmaṇeraṃ āgacchantaṃ disvāva kujjhi, ‘‘ayaṃ muṇḍakasamaṇo attano pādapaṃsuṃ mama matthake okiranto vicarati, anotatte pānīyatthāya āgato bhavissati, na dānissa pānīyaṃ dassāmī’’ti paṇṇāsayojanikaṃ anotattadahaṃ mahāpātiyā ukkhaliṃ pidahanto viya phaṇena pidahitvā nipajji. Sāmaṇero nāgarājassa ākāraṃ oloketvāva ‘‘kuddho aya’’nti ñatvā imaṃ gāthamāha –

‘‘сун̣охи мз нааг̇арааж̇а, уг̇г̇ад̇зж̇а махаб̣б̣ала;

‘‘Suṇohi me nāgarāja, uggateja mahabbala;

д̣̇зхи мз баанийяагхадам̣, бхзсаж̇ж̇ад̇т̇амхи ааг̇ад̇о’’д̇и.

Dehi me pānīyaghaṭaṃ, bhesajjatthamhi āgato’’ti.

д̇ам̣ суд̇ваа нааг̇арааж̇аа имам̣ г̇аат̇амааха –

Taṃ sutvā nāgarājā imaṃ gāthamāha –

‘‘бурад̇т̇имасмим̣ д̣̇исаабхааг̇з, г̇ан̇г̇аа наама махаанад̣̇ий;

‘‘Puratthimasmiṃ disābhāge, gaṅgā nāma mahānadī;

махаасамуд̣̇д̣̇амаббзд̇и, д̇ад̇о д̇вам̣ баанийяам̣ хараа’’д̇и.

Mahāsamuddamappeti, tato tvaṃ pānīyaṃ harā’’ti.

д̇ам̣ суд̇ваа сааман̣зро ‘‘аяам̣ нааг̇арааж̇аа ад̇д̇ано ижчааяа на д̣̇ассад̇и, ахам̣ б̣алаггаарам̣ гад̇ваа аанубхаавам̣ ж̇аанаабзд̇ваа имам̣ абхибхавид̇ваава баанийяам̣ г̇ан̣хиссаамий’’д̇и жинд̇зд̇ваа, ‘‘махаарааж̇а , убаж̇жхааяо мам̣ анод̇ад̇д̇ад̇ова баанийяам̣ аахараабзд̇и, д̇знаахам̣ ид̣̇амзва хариссаами, абзхи, маа мам̣ ваарзхий’’д̇и вад̇ваа имам̣ г̇аат̇амааха –

Taṃ sutvā sāmaṇero ‘‘ayaṃ nāgarājā attano icchāya na dassati, ahaṃ balakkāraṃ katvā ānubhāvaṃ jānāpetvā imaṃ abhibhavitvāva pānīyaṃ gaṇhissāmī’’ti cintetvā, ‘‘mahārāja , upajjhāyo maṃ anotattatova pānīyaṃ āharāpeti, tenāhaṃ idameva harissāmi, apehi, mā maṃ vārehī’’ti vatvā imaṃ gāthamāha –

‘‘ид̇ова баанийяам̣ хаассам̣, иминаавамхи ад̇т̇иго;

‘‘Itova pānīyaṃ hāssaṃ, imināvamhi atthiko;

яад̣̇и д̇з т̇аамаб̣алам̣ ад̇т̇и, нааг̇арааж̇а ниваараяаа’’д̇и.

Yadi te thāmabalaṃ atthi, nāgarāja nivārayā’’ti.

ат̇а нам̣ нааг̇арааж̇аа ааха –

Atha naṃ nāgarājā āha –

‘‘сааман̣зра сажз ад̇т̇и, д̇ава виггама борисам̣;

‘‘Sāmaṇera sace atthi, tava vikkama porisaṃ;

абхинанд̣̇аами д̇з ваажам̣, харассу баанийяам̣ мамаа’’д̇и.

Abhinandāmi te vācaṃ, harassu pānīyaṃ mamā’’ti.

ат̇а нам̣ сааман̣зро ‘‘звам̣, махаарааж̇а, хараамий’’д̇и вад̇ваа ‘‘яад̣̇и саггонд̇о хараахий’’д̇и вуд̇д̇з – ‘‘д̇зна хи судту ж̇аанассуу’’д̇и д̇игкад̇д̇ум̣ бадин̃н̃ам̣ г̇ахзд̇ваа ‘‘б̣уд̣̇д̇хасаасанасса аанубхаавам̣ д̣̇ассзд̇ваа маяаа баанийяам̣ харид̇ум̣ ваддад̇ий’’д̇и жинд̇зд̇ваа аагаасадтад̣̇звад̇аанам̣ д̇аава санд̇игам̣ аг̇амааси. д̇аа ааг̇анд̇ваа ванд̣̇ид̇ваа ‘‘гим̣, бханд̇з’’д̇и вад̇ваа адтам̣су. ‘‘зд̇асмим̣ анод̇ад̇д̇ад̣̇ахабидтз баннаг̇анааг̇арааж̇зна сад̣̇д̇хим̣ мама сан̇г̇аамо бхависсад̇и, д̇ад̇т̇а г̇анд̇ваа ж̇аяабарааж̇аяам̣ ологзт̇аа’’д̇и ааха. со зд̇знзва нийхаарзна жад̇д̇ааро логабаалз саггасуяаамасанд̇усид̇абараниммид̇авасавад̇д̇ий жа убасан̇гамид̇ваа д̇амад̇т̇ам̣ аарожзси. д̇ад̇о барам̣ бадибаадияаа яаава б̣рахмалогам̣ г̇анд̇ваа д̇ад̇т̇а д̇ад̇т̇а б̣рахмзхи ааг̇анд̇ваа ванд̣̇ид̇ваа тид̇зхи ‘‘гим̣, бханд̇з’’д̇и будто д̇амад̇т̇ам̣ аарожзси. звам̣ со асан̃н̃з жа аруубиб̣рахмаано жа табзд̇ваа саб̣б̣ад̇т̇а мухуд̇д̇знзва аахин̣д̣ид̇ваа аарожзси. д̇асса важанам̣ суд̇ваа саб̣б̣ааби д̣̇звад̇аа анод̇ад̇д̇ад̣̇ахабидтз наал̣ияам̣ багкид̇д̇аани бидтажун̣н̣аани вияа аагаасам̣ ниранд̇арам̣ буурзд̇ваа саннибад̇им̣су. саннибад̇ид̇з д̣̇звасан̇гхз сааман̣зро аагаасз тад̇ваа нааг̇арааж̇ам̣ ааха –

Atha naṃ sāmaṇero ‘‘evaṃ, mahārāja, harāmī’’ti vatvā ‘‘yadi sakkonto harāhī’’ti vutte – ‘‘tena hi suṭṭhu jānassū’’ti tikkhattuṃ paṭiññaṃ gahetvā ‘‘buddhasāsanassa ānubhāvaṃ dassetvā mayā pānīyaṃ harituṃ vaṭṭatī’’ti cintetvā ākāsaṭṭhadevatānaṃ tāva santikaṃ agamāsi. Tā āgantvā vanditvā ‘‘kiṃ, bhante’’ti vatvā aṭṭhaṃsu. ‘‘Etasmiṃ anotattadahapiṭṭhe pannaganāgarājena saddhiṃ mama saṅgāmo bhavissati, tattha gantvā jayaparājayaṃ olokethā’’ti āha. So eteneva nīhārena cattāro lokapāle sakkasuyāmasantusitaparanimmitavasavattī ca upasaṅkamitvā tamatthaṃ ārocesi. Tato paraṃ paṭipāṭiyā yāva brahmalokaṃ gantvā tattha tattha brahmehi āgantvā vanditvā ṭhitehi ‘‘kiṃ, bhante’’ti puṭṭho tamatthaṃ ārocesi. Evaṃ so asaññe ca arūpibrahmāno ca ṭhapetvā sabbattha muhutteneva āhiṇḍitvā ārocesi. Tassa vacanaṃ sutvā sabbāpi devatā anotattadahapiṭṭhe nāḷiyaṃ pakkhittāni piṭṭhacuṇṇāni viya ākāsaṃ nirantaraṃ pūretvā sannipatiṃsu. Sannipatite devasaṅghe sāmaṇero ākāse ṭhatvā nāgarājaṃ āha –

‘‘сун̣охи мз нааг̇арааж̇а, уг̇г̇ад̇зж̇а махаб̣б̣ала;

‘‘Suṇohi me nāgarāja, uggateja mahabbala;

д̣̇зхи мз баанийяагхадам̣, бхзсаж̇ж̇ад̇т̇амхи ааг̇ад̇о’’д̇и.

Dehi me pānīyaghaṭaṃ, bhesajjatthamhi āgato’’ti.

ат̇а нам̣ нааг̇о ааха –

Atha naṃ nāgo āha –

‘‘сааман̣зра сажз ад̇т̇и, д̇ава виггама борисам̣;

‘‘Sāmaṇera sace atthi, tava vikkama porisaṃ;

абхинанд̣̇аами д̇з ваажам̣, харассу баанийяам̣ мамаа’’д̇и.

Abhinandāmi te vācaṃ, harassu pānīyaṃ mamā’’ti.

со д̇игкад̇д̇ум̣ нааг̇арааж̇асса бадин̃н̃ам̣ г̇ахзд̇ваа аагаасз тид̇агова д̣̇ваад̣̇асаяож̇анигам̣ б̣рахмад̇д̇абхаавам̣ маабзд̇ваа аагаасад̇о оруяха нааг̇арааж̇асса пан̣з аггамид̇ваа ад̇хомукам̣ ниббийл̣зси, д̇аавад̣̇зва б̣алавад̇аа бурисзна агганд̇ааллажаммам̣ вияа нааг̇арааж̇асса пан̣з агганд̇амад̇д̇з ог̇алид̇ваа д̣̇аб̣б̣имад̇д̇аа пан̣абудагаа ахзсум̣. нааг̇арааж̇асса пан̣зхи муд̇д̇амуд̇д̇адтаанад̇о д̇аалагканд̇хабамаан̣аа уд̣̇агаваддияо уг̇г̇ан̃чим̣су. сааман̣зро аагаасзязва баанийяаваарагам̣ буурзси. д̣̇звасан̇гхо саад̇хугаарамад̣̇ааси. ат̇а нааг̇арааж̇аа лаж̇ж̇ид̇ваа сааман̣зрасса гуж̇жхи, ж̇аяагусумаван̣н̣аанисса агкийни ахзсум̣. со ‘‘аяам̣ мам̣ д̣̇звасан̇гхам̣ саннибаад̇зд̇ваа баанийяам̣ г̇ахзд̇ваа лаж̇ж̇аабзси, зд̇ам̣ г̇ахзд̇ваа мукз хад̇т̇ам̣ багкибид̇ваа хад̣̇аяамам̣сам̣ ваасса мад̣̇д̣̇аами, баад̣̇з ваа нам̣ г̇ахзд̇ваа баараг̇ан̇г̇ааяам̣ кибаамий’’д̇и взг̇зна ануб̣анд̇хи. ануб̣анд̇ханд̇оби нам̣ баабун̣ид̇ум̣ наасагкиязва. сааман̣зро г̇анд̇ваа убаж̇жхааяасса хад̇т̇з баанийяам̣ табзд̇ваа ‘‘биват̇а, бханд̇з’’д̇и ааха. нааг̇арааж̇ааби бажчад̇о ааг̇анд̇ваа, ‘‘бханд̇з ануруд̣̇д̇ха, сааман̣зро маяаа ад̣̇иннамзва баанийяам̣ г̇ахзд̇ваа ааг̇ад̇о, маа бивид̇т̇аа’’д̇и ааха. звам̣ гира сааман̣зраад̇и. ‘‘биват̇а, бханд̇з, иминаа мз д̣̇иннам̣ баанийяам̣ аахада’’нд̇и ааха. т̇зро ‘‘кийн̣аасавасааман̣зрасса мусаагат̇анам̣ наама над̇т̇ий’’д̇и н̃ад̇ваа баанийяам̣ биви. д̇ан̇кан̣ан̃н̃звасса ааб̣аад̇хо бадибассамбхи. буна нааг̇о т̇зрам̣ ааха – ‘‘бханд̇з, сааман̣зрзнамхи саб̣б̣ам̣ д̣̇зваг̇ан̣ам̣ саннибаад̇зд̇ваа лаж̇ж̇аабид̇о, ахамасса хад̣̇аяам̣ ваа паалзссаами, баад̣̇з ваа нам̣ г̇ахзд̇ваа баараг̇ан̇г̇ааяа кибиссаамий’’д̇и. махаарааж̇а, сааман̣зро махаанубхааво, д̇умхз сааман̣зрзна сад̣̇д̇хим̣ сан̇г̇аамзд̇ум̣ на сагкиссат̇а , камаабзд̇ваа нам̣ г̇ажчат̇аад̇и. со саяамби сааман̣зрасса аанубхаавам̣ ж̇аанаад̇иязва, лаж̇ж̇ааяа бана ануб̣анд̇хид̇ваа ааг̇ад̇о. ат̇а нам̣ т̇зрасса важанзна камаабзд̇ваа д̇зна сад̣̇д̇хим̣ мид̇д̇асант̇авам̣ гад̇ваа ‘‘ид̇о бадтааяа анод̇ад̇д̇ауд̣̇агзна ад̇т̇з сад̇и д̇умхаагам̣ ааг̇аманагижжам̣ над̇т̇и, маяхам̣ бахин̣зяяаат̇а, ахамзва аахарид̇ваа д̣̇ассаамий’’д̇и вад̇ваа баггаами.

So tikkhattuṃ nāgarājassa paṭiññaṃ gahetvā ākāse ṭhitakova dvādasayojanikaṃ brahmattabhāvaṃ māpetvā ākāsato oruyha nāgarājassa phaṇe akkamitvā adhomukhaṃ nippīḷesi, tāvadeva balavatā purisena akkantaallacammaṃ viya nāgarājassa phaṇe akkantamatte ogalitvā dabbimattā phaṇapuṭakā ahesuṃ. Nāgarājassa phaṇehi muttamuttaṭṭhānato tālakkhandhapamāṇā udakavaṭṭiyo uggañchiṃsu. Sāmaṇero ākāseyeva pānīyavārakaṃ pūresi. Devasaṅgho sādhukāramadāsi. Atha nāgarājā lajjitvā sāmaṇerassa kujjhi, jayakusumavaṇṇānissa akkhīni ahesuṃ. So ‘‘ayaṃ maṃ devasaṅghaṃ sannipātetvā pānīyaṃ gahetvā lajjāpesi, etaṃ gahetvā mukhe hatthaṃ pakkhipitvā hadayamaṃsaṃ vāssa maddāmi, pāde vā naṃ gahetvā pāragaṅgāyaṃ khipāmī’’ti vegena anubandhi. Anubandhantopi naṃ pāpuṇituṃ nāsakkhiyeva. Sāmaṇero gantvā upajjhāyassa hatthe pānīyaṃ ṭhapetvā ‘‘pivatha, bhante’’ti āha. Nāgarājāpi pacchato āgantvā, ‘‘bhante anuruddha, sāmaṇero mayā adinnameva pānīyaṃ gahetvā āgato, mā pivitthā’’ti āha. Evaṃ kira sāmaṇerāti. ‘‘Pivatha, bhante, iminā me dinnaṃ pānīyaṃ āhaṭa’’nti āha. Thero ‘‘khīṇāsavasāmaṇerassa musākathanaṃ nāma natthī’’ti ñatvā pānīyaṃ pivi. Taṅkhaṇaññevassa ābādho paṭipassambhi. Puna nāgo theraṃ āha – ‘‘bhante, sāmaṇerenamhi sabbaṃ devagaṇaṃ sannipātetvā lajjāpito, ahamassa hadayaṃ vā phālessāmi, pāde vā naṃ gahetvā pāragaṅgāya khipissāmī’’ti. Mahārāja, sāmaṇero mahānubhāvo, tumhe sāmaṇerena saddhiṃ saṅgāmetuṃ na sakkhissatha , khamāpetvā naṃ gacchathāti. So sayampi sāmaṇerassa ānubhāvaṃ jānātiyeva, lajjāya pana anubandhitvā āgato. Atha naṃ therassa vacanena khamāpetvā tena saddhiṃ mittasanthavaṃ katvā ‘‘ito paṭṭhāya anotattaudakena atthe sati tumhākaṃ āgamanakiccaṃ natthi, mayhaṃ pahiṇeyyātha, ahameva āharitvā dassāmī’’ti vatvā pakkāmi.

т̇зроби сааман̣зрам̣ аад̣̇ааяа бааяааси. сад̇т̇аа т̇зрасса ааг̇аманабхаавам̣ н̃ад̇ваа миг̇аарамаад̇убаасаад̣̇з т̇зрасса ааг̇аманам̣ ологзнд̇о нисийд̣̇и. бхигкууби т̇зрам̣ ааг̇ажчанд̇ам̣ д̣̇исваа бажжуг̇г̇анд̇ваа бад̇д̇ажийварам̣ бадиг̇г̇ахзсум̣. ат̇згажжз сааман̣зрам̣ сийсзби ган̣н̣зсуби б̣аахааяамби г̇ахзд̇ваа сан̃жаалзд̇ваа ‘‘гим̣, сааман̣зра жуул̣аганидта, на угган̣тид̇осий’’д̇и аахам̣су. сад̇т̇аа д̇зсам̣ гирияам̣ д̣̇исваа жинд̇зси – ‘‘бхаарияам̣ вад̇имзсам̣ бхигкуунам̣ гаммам̣ аасийвисам̣ г̇ийвааяа г̇ан̣ханд̇аа вияа сааман̣зрам̣ г̇ан̣ханд̇и, наасса аанубхаавам̣ ж̇аананд̇и, аж̇ж̇а маяаа суманасааман̣зрасса г̇ун̣ам̣ баагадам̣ гаад̇ум̣ ваддад̇ий’’д̇и. т̇зроби ааг̇анд̇ваа сад̇т̇аарам̣ ванд̣̇ид̇ваа нисийд̣̇и. сад̇т̇аа д̇зна сад̣̇д̇хим̣ бадисант̇аарам̣ гад̇ваа аананд̣̇ад̇т̇зрам̣ ааманд̇зси – ‘‘аананд̣̇а, анод̇ад̇д̇ауд̣̇агзнамхи баад̣̇з д̇ховид̇угаамо , сааман̣зраанам̣ гхадам̣ д̣̇ад̇ваа баанийяам̣ аахараабзхий’’д̇и. т̇зро вихаарз бан̃жамад̇д̇аани сааман̣зрасад̇аани саннибаад̇зси. д̇зсу суманасааман̣зро саб̣б̣анаваго ахоси. т̇зро саб̣б̣амахаллагам̣ сааман̣зрам̣ ааха – ‘‘сааман̣зра, сад̇т̇аа аногад̇д̇ад̣̇ахауд̣̇агзна баад̣̇з д̇ховид̇угаамо, гхадам̣ аад̣̇ааяа г̇анд̇ваа баанийяам̣ аахараа’’д̇и. со ‘‘на саггоми, бханд̇з’’д̇и на ижчи. т̇зро сзсзби бадибаадияаа бужчи, д̇зби д̇ат̇зва вад̇ваа бадигкибим̣су. ‘‘гим̣ банзд̇т̇а кийн̣аасавасааман̣зраа над̇т̇ий’’д̇и? ад̇т̇и, д̇з бана ‘‘нааяам̣ амхаагам̣ б̣ад̣̇д̇хо маалаабудо, суманасааман̣зрассзва б̣ад̣̇д̇хо’’д̇и на ижчим̣су, бут̇уж̇ж̇анаа бана ад̇д̇ано асамад̇т̇ад̇ааязва на ижчим̣су. барияосаанз бана суманасса ваарз самбад̇д̇з, ‘‘сааман̣зра, сад̇т̇аа анод̇ад̇д̇ад̣̇ахауд̣̇агзна баад̣̇з д̇ховид̇угаамо, гудам̣ аад̣̇ааяа гира уд̣̇агам̣ аахараа’’д̇и ааха. со ‘‘сад̇т̇ари аахараабзнд̇з аахариссаамий’’д̇и сад̇т̇аарам̣ ванд̣̇ид̇ваа, ‘‘бханд̇з, анод̇ад̇д̇ад̇о гира мам̣ уд̣̇агам̣ аахаараабзт̇аа’’д̇и ааха. ‘‘аама, суманаа’’д̇и. со висаакааяа гаарид̇зсу гханасуван̣н̣агоддимзсу сзнаасанагудзсу згам̣ садтигудауд̣̇агаг̇ан̣ханагам̣ махаагхадам̣ хад̇т̇зна г̇ахзд̇ваа ‘‘иминаа мз угкибид̇ваа ам̣сагуудз табид̇зна ад̇т̇о над̇т̇ий’’д̇и оламб̣агам̣ гад̇ваа взхаасам̣ аб̣бхуг̇г̇анд̇ваа химаванд̇аабхимуко багканд̣̇и.

Theropi sāmaṇeraṃ ādāya pāyāsi. Satthā therassa āgamanabhāvaṃ ñatvā migāramātupāsāde therassa āgamanaṃ olokento nisīdi. Bhikkhūpi theraṃ āgacchantaṃ disvā paccuggantvā pattacīvaraṃ paṭiggahesuṃ. Athekacce sāmaṇeraṃ sīsepi kaṇṇesupi bāhāyampi gahetvā sañcāletvā ‘‘kiṃ, sāmaṇera cūḷakaniṭṭha, na ukkaṇṭhitosī’’ti āhaṃsu. Satthā tesaṃ kiriyaṃ disvā cintesi – ‘‘bhāriyaṃ vatimesaṃ bhikkhūnaṃ kammaṃ āsīvisaṃ gīvāya gaṇhantā viya sāmaṇeraṃ gaṇhanti, nāssa ānubhāvaṃ jānanti, ajja mayā sumanasāmaṇerassa guṇaṃ pākaṭaṃ kātuṃ vaṭṭatī’’ti. Theropi āgantvā satthāraṃ vanditvā nisīdi. Satthā tena saddhiṃ paṭisanthāraṃ katvā ānandattheraṃ āmantesi – ‘‘ānanda, anotattaudakenamhi pāde dhovitukāmo , sāmaṇerānaṃ ghaṭaṃ datvā pānīyaṃ āharāpehī’’ti. Thero vihāre pañcamattāni sāmaṇerasatāni sannipātesi. Tesu sumanasāmaṇero sabbanavako ahosi. Thero sabbamahallakaṃ sāmaṇeraṃ āha – ‘‘sāmaṇera, satthā anokattadahaudakena pāde dhovitukāmo, ghaṭaṃ ādāya gantvā pānīyaṃ āharā’’ti. So ‘‘na sakkomi, bhante’’ti na icchi. Thero sesepi paṭipāṭiyā pucchi, tepi tatheva vatvā paṭikkhipiṃsu. ‘‘Kiṃ panettha khīṇāsavasāmaṇerā natthī’’ti? Atthi, te pana ‘‘nāyaṃ amhākaṃ baddho mālāpuṭo, sumanasāmaṇerasseva baddho’’ti na icchiṃsu, puthujjanā pana attano asamatthatāyeva na icchiṃsu. Pariyosāne pana sumanassa vāre sampatte, ‘‘sāmaṇera, satthā anotattadahaudakena pāde dhovitukāmo, kuṭaṃ ādāya kira udakaṃ āharā’’ti āha. So ‘‘satthari āharāpente āharissāmī’’ti satthāraṃ vanditvā, ‘‘bhante, anotattato kira maṃ udakaṃ āhārāpethā’’ti āha. ‘‘Āma, sumanā’’ti. So visākhāya kāritesu ghanasuvaṇṇakoṭṭimesu senāsanakuṭesu ekaṃ saṭṭhikuṭaudakagaṇhanakaṃ mahāghaṭaṃ hatthena gahetvā ‘‘iminā me ukkhipitvā aṃsakūṭe ṭhapitena attho natthī’’ti olambakaṃ katvā vehāsaṃ abbhuggantvā himavantābhimukho pakkhandi.

нааг̇арааж̇аа сааман̣зрам̣ д̣̇уурад̇ова ааг̇ажчанд̇ам̣ д̣̇исваа бажжуг̇г̇анд̇ваа гудам̣ ам̣сагуудзна аад̣̇ааяа, ‘‘бханд̇з, д̇умхз маад̣̇исз д̣̇аасз виж̇ж̇амаанз гасмаа саяам̣ ааг̇ад̇аа, уд̣̇агзнад̇т̇з сад̇и гасмаа саасанамад̇д̇амби на бахин̣ат̇аа’’д̇и гудзна уд̣̇агам̣ аад̣̇ааяа саяам̣ угкибид̇ваа ‘‘бурад̇о хот̇а, бханд̇з, ахамзва аахариссаамий’’д̇и ааха. ‘‘д̇идтат̇а д̇умхз, махаарааж̇а, ахамзва саммаасамб̣уд̣̇д̇хзна аан̣ад̇д̇о’’д̇и нааг̇арааж̇аанам̣ нивад̇д̇аабзд̇ваа гудам̣ мукаваддияам̣ хад̇т̇зна г̇ахзд̇ваа аагаасзнааг̇ан̃чи. ат̇а нам̣ сад̇т̇аа ааг̇ажчанд̇ам̣ ологзд̇ваа бхигкуу ааманд̇зси – ‘‘бассат̇а, бхигкавз, сааман̣зрасса лийлам̣, аагаасз хам̣сарааж̇аа вияа собхад̇ий’’д̇и ааха. соби баанийяагхадам̣ табзд̇ваа сад̇т̇аарам̣ ванд̣̇ид̇ваа адтааси. ат̇а нам̣ сад̇т̇аа ааха – ‘‘гад̇ивассоси д̇вам̣, суманаа’’д̇и? ‘‘сад̇д̇авассомхи, бханд̇зд̇и. ‘‘д̇зна хи, сумана, аж̇ж̇а бадтааяа бхигку хохий’’д̇и вад̇ваа д̣̇ааяаж̇ж̇аубасамбад̣̇ам̣ ад̣̇ааси. д̣̇взязва гира сааман̣зраа сад̇д̇авассигаа убасамбад̣̇ам̣ лабхим̣су – аяан̃жа сумано собааго жаад̇и.

Nāgarājā sāmaṇeraṃ dūratova āgacchantaṃ disvā paccuggantvā kuṭaṃ aṃsakūṭena ādāya, ‘‘bhante, tumhe mādise dāse vijjamāne kasmā sayaṃ āgatā, udakenatthe sati kasmā sāsanamattampi na pahiṇathā’’ti kuṭena udakaṃ ādāya sayaṃ ukkhipitvā ‘‘purato hotha, bhante, ahameva āharissāmī’’ti āha. ‘‘Tiṭṭhatha tumhe, mahārāja, ahameva sammāsambuddhena āṇatto’’ti nāgarājānaṃ nivattāpetvā kuṭaṃ mukhavaṭṭiyaṃ hatthena gahetvā ākāsenāgañchi. Atha naṃ satthā āgacchantaṃ oloketvā bhikkhū āmantesi – ‘‘passatha, bhikkhave, sāmaṇerassa līlaṃ, ākāse haṃsarājā viya sobhatī’’ti āha. Sopi pānīyaghaṭaṃ ṭhapetvā satthāraṃ vanditvā aṭṭhāsi. Atha naṃ satthā āha – ‘‘kativassosi tvaṃ, sumanā’’ti? ‘‘Sattavassomhi, bhanteti. ‘‘Tena hi, sumana, ajja paṭṭhāya bhikkhu hohī’’ti vatvā dāyajjaupasampadaṃ adāsi. Dveyeva kira sāmaṇerā sattavassikā upasampadaṃ labhiṃsu – ayañca sumano sopāko cāti.

звам̣ д̇асмим̣ убасамбаннз д̇хаммасабхааяам̣ гат̇ам̣ самудтаабзсум̣, ‘‘ажчарияам̣ аавусо, зваруубо хи наама д̣̇ахарасааман̣зрасса аанубхааво ход̇и, на но ид̇о буб̣б̣з зваруубо аанубхааво д̣̇идтабуб̣б̣о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘бхигкавз, мама саасанз д̣̇ахароби саммаа бадибанно зваруубам̣ самбад̇д̇им̣ лабхад̇иязваа’’д̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

Evaṃ tasmiṃ upasampanne dhammasabhāyaṃ kathaṃ samuṭṭhāpesuṃ, ‘‘acchariyaṃ āvuso, evarūpo hi nāma daharasāmaṇerassa ānubhāvo hoti, na no ito pubbe evarūpo ānubhāvo diṭṭhapubbo’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘bhikkhave, mama sāsane daharopi sammā paṭipanno evarūpaṃ sampattiṃ labhatiyevā’’ti vatvā dhammaṃ desento imaṃ gāthamāha –

382.

‘‘яо хавз д̣̇ахаро бхигку, яун̃ж̇ад̇и б̣уд̣̇д̇хасаасанз;

‘‘Yo have daharo bhikkhu, yuñjati buddhasāsane;

сомам̣ логам̣ бабхаасзд̇и, аб̣бхаа муд̇д̇ова жанд̣̇имаа’’д̇и.

Somaṃ lokaṃ pabhāseti, abbhā muttova candimā’’ti.

д̇ад̇т̇а яун̃ж̇ад̇ийд̇и гхадад̇и вааяамад̇и. бабхаасзд̇ийд̇и со бхигку ад̇д̇ано арахад̇д̇амаг̇г̇ан̃аан̣зна аб̣бхаад̣̇ийхи муд̇д̇о жанд̣̇имаа вияа логам̣ канд̇хаад̣̇ибхзд̣̇ам̣ логам̣ обхаасзд̇и, згаалогам̣ гарод̇ийд̇и ад̇т̇о.

Tattha yuñjatīti ghaṭati vāyamati. Pabhāsetīti so bhikkhu attano arahattamaggañāṇena abbhādīhi mutto candimā viya lokaṃ khandhādibhedaṃ lokaṃ obhāseti, ekālokaṃ karotīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

суманасааман̣зравад̇т̇у д̣̇ваад̣̇асамам̣.

Sumanasāmaṇeravatthu dvādasamaṃ.

бхигкуваг̇г̇аван̣н̣анаа нидтид̇аа.

Bhikkhuvaggavaṇṇanā niṭṭhitā.

бан̃жавийсад̇имо ваг̇г̇о.

Pañcavīsatimo vaggo.

Next: 26. б̣раахман̣аваг̇г̇о • 26. Brāhmaṇavaggo

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 25. бхигкуваг̇г̇о • 25. Bhikkhuvaggo

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact