| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[80] 10. бхиймасзнаж̇аад̇агаван̣н̣анаа
[80] 10. Bhīmasenajātakavaṇṇanā
яам̣ д̇з бавигад̇т̇ид̇ам̣ бурзд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ вигад̇т̇ид̇ам̣ бхигкум̣ аараб̣бха гат̇зси. зго гира бхигку ‘‘аавусо, амхаагам̣ ж̇аад̇исамаа ж̇аад̇и, г̇од̇д̇асамам̣ г̇од̇д̇ам̣ наама над̇т̇и, маяам̣ зваруубз наама махаакад̇д̇ияагулз ж̇аад̇аа, г̇од̇д̇зна ваа д̇ханзна ваа гулаббад̣̇зсзна ваа амхзхи сад̣̇исо наама над̇т̇и, амхаагам̣ суван̣н̣араж̇ад̇аад̣̇ийнам̣ анд̇о над̇т̇и, д̣̇аасагаммагарааби но саалимам̣сод̣̇анам̣ бхун̃ж̇анд̇и, гаасигавад̇т̇ам̣ ниваасзнд̇и, гаасигавилзбанам̣ вилимбанд̇и. маяам̣ баб̣б̣аж̇ид̇абхаавзна зд̇арахи зваруубаани луукаани бхож̇анаани бхун̃ж̇аама, луукаани жийвараани д̇хаарзмаа’’д̇и т̇зранавамаж̇жхимаанам̣ бхигкуунам̣ анд̇арз вигад̇т̇знд̇о ж̇аад̇иаад̣̇ивасзна вамбхзнд̇о кум̣сзнд̇о вижарад̇и. ат̇асса зго бхигку гулаббад̣̇зсам̣ бариг̇г̇ан̣хид̇ваа д̇ам̣ вигад̇т̇анабхаавам̣ бхигкуунам̣ аарожзси. бхигкуу д̇хаммасабхааяам̣ саннибад̇ид̇аа ‘‘аавусо, асуго наама бхигку зваруубз нияяаанигасаасанз баб̣б̣аж̇ид̇ваа вигад̇т̇знд̇о вамбхзнд̇о кум̣сзнд̇о вижарад̇ий’’д̇и зд̇асса аг̇ун̣ам̣ гат̇аяим̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, со бхигку ид̣̇аанзва вигад̇т̇знд̇о вамбхзнд̇о кум̣сзнд̇о вижарад̇и, буб̣б̣зби вигад̇т̇знд̇о вамбхзнд̇о кум̣сзнд̇о вижарий’’д̇и вад̇ваа ад̇ийд̇ам̣ аахари.
Yaṃ te pavikatthitaṃ pureti idaṃ satthā jetavane viharanto aññataraṃ vikatthitaṃ bhikkhuṃ ārabbha kathesi. Eko kira bhikkhu ‘‘āvuso, amhākaṃ jātisamā jāti, gottasamaṃ gottaṃ nāma natthi, mayaṃ evarūpe nāma mahākhattiyakule jātā, gottena vā dhanena vā kulappadesena vā amhehi sadiso nāma natthi, amhākaṃ suvaṇṇarajatādīnaṃ anto natthi, dāsakammakarāpi no sālimaṃsodanaṃ bhuñjanti, kāsikavatthaṃ nivāsenti, kāsikavilepanaṃ vilimpanti. Mayaṃ pabbajitabhāvena etarahi evarūpāni lūkhāni bhojanāni bhuñjāma, lūkhāni cīvarāni dhāremā’’ti theranavamajjhimānaṃ bhikkhūnaṃ antare vikatthento jātiādivasena vambhento khuṃsento vicarati. Athassa eko bhikkhu kulappadesaṃ pariggaṇhitvā taṃ vikatthanabhāvaṃ bhikkhūnaṃ ārocesi. Bhikkhū dhammasabhāyaṃ sannipatitā ‘‘āvuso, asuko nāma bhikkhu evarūpe niyyānikasāsane pabbajitvā vikatthento vambhento khuṃsento vicaratī’’ti etassa aguṇaṃ kathayiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, so bhikkhu idāneva vikatthento vambhento khuṃsento vicarati, pubbepi vikatthento vambhento khuṃsento vicarī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ ниг̇амаг̇аамз уд̣̇ижжаб̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ д̣̇исаабаамогкасса аажарияасса санд̇игз д̇аяо взд̣̇з адтаараса виж̇ж̇адтаанаани уг̇г̇ахзд̇ваа саб̣б̣асиббзсу нибпад̇д̇им̣ бад̇ваа жуул̣ад̇хануг̇г̇ахабан̣д̣ид̇о наама ахоси. со д̇аггасилаад̇о нигкамид̇ваа саб̣б̣асамаяасиббаани бариязсамаано махим̣сагарадтам̣ аг̇амааси. имасмим̣ бана ж̇аад̇агз б̣од̇хисад̇д̇о т̇огам̣ рассо он̣ад̇аагааро ахоси. со жинд̇зси ‘‘сажаахам̣ ган̃жи рааж̇аанам̣ убасан̇гамиссаами, со ‘звам̣ рассасарийро д̇вам̣ гим̣ амхаагам̣ гаммам̣ гариссасий’д̇и вагкад̇и, яам̣нуунаахам̣ аарохабарин̣аахасамбаннам̣ абхируубам̣ згам̣ бурисам̣ палагам̣ гад̇ваа д̇асса бидтижчааяааяа ж̇ийвигам̣ габбзяяа’’нд̇и. со д̇ат̇ааруубам̣ бурисам̣ бариязсамаано бхиймасзнасса наамзгасса д̇анд̇авааяасса д̇анд̇авийд̇адтаанам̣ г̇анд̇ваа д̇зна сад̣̇д̇хим̣ бадисант̇аарам̣ гад̇ваа ‘‘самма, д̇вам̣ гиннаамосий’’д̇и бужчи. ‘‘ахам̣ бхиймасзно наамаа’’д̇и? ‘‘гим̣ бана д̇вам̣ звам̣ абхируубо убад̇хисамбанно худ̇ваа имам̣ лаамагагаммам̣ гаросий’’д̇и? ‘‘ж̇ийвид̇ум̣ асаггонд̇о’’д̇и. ‘‘самма, маа зд̇ам̣ гаммам̣ гари, сагалаж̇амб̣уд̣̇ийбз маяаа сад̣̇исо д̇хануг̇г̇ахо наама над̇т̇и. сажз банаахам̣ ган̃жи рааж̇аанам̣ бассзяяам̣, со мам̣ ‘звам̣рассо аяам̣ гим̣ амхаагам̣ гаммам̣ гариссад̇ий’д̇и гобзяяа, д̇вам̣ рааж̇аанам̣ д̣̇исваа ‘ахам̣ д̇хануг̇г̇ахо’д̇и вагкаси. рааж̇аа д̇з бариб̣б̣аяам̣ д̣̇ад̇ваа вуд̇д̇им̣ ниб̣ад̣̇д̇хам̣ д̣̇ассад̇и. ахам̣ д̇з уббаннагаммам̣ гаронд̇о д̇ава бидтижчааяааяа ж̇ийвиссаами. звам̣ убхоби сукид̇аа бхависсаама. гарохи мама важана’’нд̇и ааха. со ‘‘саад̇хуу’’д̇и самбадижчи.
Atīte bārāṇasiyaṃ brahmadatte rajjaṃ kārente bodhisatto ekasmiṃ nigamagāme udiccabrāhmaṇakule nibbattitvā vayappatto takkasilāyaṃ disāpāmokkhassa ācariyassa santike tayo vede aṭṭhārasa vijjaṭṭhānāni uggahetvā sabbasippesu nipphattiṃ patvā cūḷadhanuggahapaṇḍito nāma ahosi. So takkasilāto nikkhamitvā sabbasamayasippāni pariyesamāno mahiṃsakaraṭṭhaṃ agamāsi. Imasmiṃ pana jātake bodhisatto thokaṃ rasso oṇatākāro ahosi. So cintesi ‘‘sacāhaṃ kañci rājānaṃ upasaṅkamissāmi, so ‘evaṃ rassasarīro tvaṃ kiṃ amhākaṃ kammaṃ karissasī’ti vakkhati, yaṃnūnāhaṃ ārohapariṇāhasampannaṃ abhirūpaṃ ekaṃ purisaṃ phalakaṃ katvā tassa piṭṭhicchāyāya jīvikaṃ kappeyya’’nti. So tathārūpaṃ purisaṃ pariyesamāno bhīmasenassa nāmekassa tantavāyassa tantavītaṭṭhānaṃ gantvā tena saddhiṃ paṭisanthāraṃ katvā ‘‘samma, tvaṃ kinnāmosī’’ti pucchi. ‘‘Ahaṃ bhīmaseno nāmā’’ti? ‘‘Kiṃ pana tvaṃ evaṃ abhirūpo upadhisampanno hutvā imaṃ lāmakakammaṃ karosī’’ti? ‘‘Jīvituṃ asakkonto’’ti. ‘‘Samma, mā etaṃ kammaṃ kari, sakalajambudīpe mayā sadiso dhanuggaho nāma natthi. Sace panāhaṃ kañci rājānaṃ passeyyaṃ, so maṃ ‘evaṃrasso ayaṃ kiṃ amhākaṃ kammaṃ karissatī’ti kopeyya, tvaṃ rājānaṃ disvā ‘ahaṃ dhanuggaho’ti vakkhasi. Rājā te paribbayaṃ datvā vuttiṃ nibaddhaṃ dassati. Ahaṃ te uppannakammaṃ karonto tava piṭṭhicchāyāya jīvissāmi. Evaṃ ubhopi sukhitā bhavissāma. Karohi mama vacana’’nti āha. So ‘‘sādhū’’ti sampaṭicchi.
ат̇а нам̣ аад̣̇ааяа б̣аараан̣асим̣ г̇анд̇ваа саяам̣ жуул̣уубадтааго худ̇ваа д̇ам̣ бурад̇о гад̇ваа рааж̇ад̣̇ваарз тад̇ваа ран̃н̃о аарожаабзси. ‘‘ааг̇ажчанд̇уу’’д̇и вуд̇д̇з убхоби бависид̇ваа рааж̇аанам̣ ванд̣̇ид̇ваа адтам̣су. ‘‘гим̣гааран̣аа ааг̇ад̇ад̇т̇аа’’д̇и жа вуд̇д̇з бхиймасзно ааха – ‘‘ахам̣ д̇хануг̇г̇ахо, маяаа сад̣̇исо сагалаж̇амб̣уд̣̇ийбз д̇хануг̇г̇ахо над̇т̇ий’’д̇и. ‘‘гим̣ бана лабханд̇о мам̣ убадтахиссасий’’д̇и? ‘‘ад̣дхамаасз сахассам̣ лабханд̇о убадтахиссаами, д̣̇зваа’’д̇и. ‘‘аяам̣ д̇з бурисо гим̣ ход̇ий’’д̇и? ‘‘жуул̣уубадтааго, д̣̇зваа’’д̇и. ‘‘саад̇ху убадтахаа’’д̇и. д̇ад̇о бадтааяа бхиймасзно рааж̇аанам̣ убадтахад̇и. уббаннагижжам̣ банасса б̣од̇хисад̇д̇ова нид̇т̇арад̇и.
Atha naṃ ādāya bārāṇasiṃ gantvā sayaṃ cūḷūpaṭṭhāko hutvā taṃ purato katvā rājadvāre ṭhatvā rañño ārocāpesi. ‘‘Āgacchantū’’ti vutte ubhopi pavisitvā rājānaṃ vanditvā aṭṭhaṃsu. ‘‘Kiṃkāraṇā āgatatthā’’ti ca vutte bhīmaseno āha – ‘‘ahaṃ dhanuggaho, mayā sadiso sakalajambudīpe dhanuggaho natthī’’ti. ‘‘Kiṃ pana labhanto maṃ upaṭṭhahissasī’’ti? ‘‘Aḍḍhamāse sahassaṃ labhanto upaṭṭhahissāmi, devā’’ti. ‘‘Ayaṃ te puriso kiṃ hotī’’ti? ‘‘Cūḷūpaṭṭhāko, devā’’ti. ‘‘Sādhu upaṭṭhahā’’ti. Tato paṭṭhāya bhīmaseno rājānaṃ upaṭṭhahati. Uppannakiccaṃ panassa bodhisattova nittharati.
д̇зна ко бана самаязна гаасирадтз згасмим̣ аран̃н̃з б̣ахуунам̣ мануссаанам̣ сан̃жаран̣амаг̇г̇ам̣ б̣яаг̇гхо чад̣д̣аабзд̇и, б̣ахуу мануссз г̇ахзд̇ваа г̇ахзд̇ваа каад̣̇ад̇и. д̇ам̣ бавад̇д̇им̣ ран̃н̃о аарожзсум̣. рааж̇аа бхиймасзнам̣ баггосаабзд̇ваа ‘‘сагкиссаси, д̇аад̇а, нам̣ б̣яаг̇гхам̣ г̇ан̣хид̇у’’нд̇и ааха. ‘‘д̣̇зва, гим̣ д̇хануг̇г̇ахо наамаахам̣ , яад̣̇и б̣яаг̇гхам̣ г̇ахзд̇ум̣ на саггомий’’д̇и. рааж̇аа д̇асса бариб̣б̣аяам̣ д̣̇ад̇ваа уяяож̇зси. со гхарам̣ г̇анд̇ваа б̣од̇хисад̇д̇асса гат̇зси. б̣од̇хисад̇д̇о ‘‘саад̇ху, самма, г̇ажчаа’’д̇и ааха. ‘‘д̇вам̣ бана на г̇амиссасий’’д̇и? ‘‘аама на г̇амиссаами, убааяам̣ бана д̇з аажигкиссаамий’’д̇и. ‘‘аажигка, саммаа’’д̇и. д̇вам̣ б̣яаг̇гхасса васанадтаанам̣ сахасаа згагова маа аг̇амааси, ж̇анабад̣̇амануссз бана саннибаад̇зд̇ваа згам̣ ваа д̣̇вз ваа д̇ханусахассаани г̇аахаабзд̇ваа д̇ад̇т̇а г̇анд̇ваа б̣яаг̇гхасса удтид̇абхаавам̣ н̃ад̇ваа балааяид̇ваа згам̣ г̇умб̣ам̣ бависид̇ваа урзна нибаж̇ж̇зяяааси, ж̇аанабад̣̇аава б̣яаг̇гхам̣ бот̇зд̇ваа г̇ан̣хиссанд̇и, д̇зхи б̣яаг̇гхз г̇ахид̇з д̇вам̣ д̣̇анд̇зхи згам̣ валлим̣ чинд̣̇ид̇ваа годияам̣ г̇ахзд̇ваа мад̇аб̣яаг̇гхасса санд̇игам̣ г̇анд̇ваа ‘‘бхо, гзнзса, б̣яаг̇гхо маарид̇о, ахам̣ имам̣ б̣яаг̇гхам̣ г̇он̣ам̣ вияа валлияаа б̣анд̇хид̇ваа ран̃н̃о санд̇игам̣ нзссаамий’д̇и валлиад̇т̇ааяа г̇умб̣ам̣ бавидто, маяаа валлияаа анаабхад̇ааяа зва гзнзса маарид̇о’’д̇и гат̇зяяааси. ат̇а д̇з ж̇аанабад̣̇аа бхийд̇ад̇асид̇аа ‘‘саами, маа ран̃н̃о аажигкий’’д̇и б̣ахум̣ д̇ханам̣ д̣̇ассанд̇и, б̣яаг̇гхо д̇аяаа г̇ахид̇о бхависсад̇и, ран̃н̃оби санд̇игаа б̣ахум̣ д̇ханам̣ лабхиссасийд̇и. со ‘‘саад̇хуу’’д̇и самбадижчид̇ваа б̣од̇хисад̇д̇зна гат̇ид̇анияаамзнзва б̣яаг̇гхам̣ г̇ахзд̇ваа аран̃н̃ам̣ кзмам̣ гад̇ваа махааж̇анабаривуд̇о б̣аараан̣асим̣ ааг̇анд̇ваа рааж̇аанам̣ д̣̇исваа ‘‘г̇ахид̇о мз, д̣̇зва, б̣яаг̇гхо, аран̃н̃ам̣ кзмам̣ гад̇а’’нд̇и ааха. рааж̇аа д̇удто б̣ахум̣ д̇ханам̣ ад̣̇ааси. бунзгад̣̇ивасам̣ ‘‘згамаг̇г̇ам̣ махим̣со чад̣д̣аабзд̇ий’’д̇и аарожзсум̣, рааж̇аа д̇ат̇зва бхиймасзнам̣ бзсзси. соби б̣од̇хисад̇д̇зна д̣̇иннанаязна б̣яаг̇гхам̣ вияа д̇амби г̇ахзд̇ваа ааг̇ан̃чи, рааж̇аа буна б̣ахум̣ д̇ханам̣ ад̣̇ааси, маханд̇ам̣ иссарияам̣ ж̇аад̇ам̣. со иссарияамад̣̇амад̇д̇о б̣од̇хисад̇д̇ам̣ аваман̃н̃ам̣ гад̇ваа д̇асса важанам̣ на г̇ан̣хаад̇и, ‘‘наахам̣ д̇ам̣ ниссааяа ж̇ийваами, гим̣ д̇ван̃н̃зва бурисо’’д̇иаад̣̇ийни парусаважанаани вад̣̇ад̇и.
Tena kho pana samayena kāsiraṭṭhe ekasmiṃ araññe bahūnaṃ manussānaṃ sañcaraṇamaggaṃ byaggho chaḍḍāpeti, bahū manusse gahetvā gahetvā khādati. Taṃ pavattiṃ rañño ārocesuṃ. Rājā bhīmasenaṃ pakkosāpetvā ‘‘sakkhissasi, tāta, naṃ byagghaṃ gaṇhitu’’nti āha. ‘‘Deva, kiṃ dhanuggaho nāmāhaṃ , yadi byagghaṃ gahetuṃ na sakkomī’’ti. Rājā tassa paribbayaṃ datvā uyyojesi. So gharaṃ gantvā bodhisattassa kathesi. Bodhisatto ‘‘sādhu, samma, gacchā’’ti āha. ‘‘Tvaṃ pana na gamissasī’’ti? ‘‘Āma na gamissāmi, upāyaṃ pana te ācikkhissāmī’’ti. ‘‘Ācikkha, sammā’’ti. Tvaṃ byagghassa vasanaṭṭhānaṃ sahasā ekakova mā agamāsi, janapadamanusse pana sannipātetvā ekaṃ vā dve vā dhanusahassāni gāhāpetvā tattha gantvā byagghassa uṭṭhitabhāvaṃ ñatvā palāyitvā ekaṃ gumbaṃ pavisitvā urena nipajjeyyāsi, jānapadāva byagghaṃ pothetvā gaṇhissanti, tehi byagghe gahite tvaṃ dantehi ekaṃ valliṃ chinditvā koṭiyaṃ gahetvā matabyagghassa santikaṃ gantvā ‘‘bho, kenesa, byaggho mārito, ahaṃ imaṃ byagghaṃ goṇaṃ viya valliyā bandhitvā rañño santikaṃ nessāmī’ti valliatthāya gumbaṃ paviṭṭho, mayā valliyā anābhatāya eva kenesa mārito’’ti katheyyāsi. Atha te jānapadā bhītatasitā ‘‘sāmi, mā rañño ācikkhī’’ti bahuṃ dhanaṃ dassanti, byaggho tayā gahito bhavissati, raññopi santikā bahuṃ dhanaṃ labhissasīti. So ‘‘sādhū’’ti sampaṭicchitvā bodhisattena kathitaniyāmeneva byagghaṃ gahetvā araññaṃ khemaṃ katvā mahājanaparivuto bārāṇasiṃ āgantvā rājānaṃ disvā ‘‘gahito me, deva, byaggho, araññaṃ khemaṃ kata’’nti āha. Rājā tuṭṭho bahuṃ dhanaṃ adāsi. Punekadivasaṃ ‘‘ekamaggaṃ mahiṃso chaḍḍāpetī’’ti ārocesuṃ, rājā tatheva bhīmasenaṃ pesesi. Sopi bodhisattena dinnanayena byagghaṃ viya tampi gahetvā āgañchi, rājā puna bahuṃ dhanaṃ adāsi, mahantaṃ issariyaṃ jātaṃ. So issariyamadamatto bodhisattaṃ avamaññaṃ katvā tassa vacanaṃ na gaṇhāti, ‘‘nāhaṃ taṃ nissāya jīvāmi, kiṃ tvaññeva puriso’’tiādīni pharusavacanāni vadati.
ат̇а гад̇ибаахажжаязна зго сааманд̇арааж̇аа ааг̇анд̇ваа б̣аараан̣асим̣ убарунд̇хид̇ваа ‘‘раж̇ж̇ам̣ ваа д̣̇зд̇у, яуд̣̇д̇хам̣ ваа’’д̇и ран̃н̃о саасанам̣ бзсзси. рааж̇аа ‘‘яуж̇жхаахий’’д̇и бхиймасзнам̣ бзсзси. со саб̣б̣асаннаахасаннад̣̇д̇хо рааж̇авзсам̣ г̇ахзд̇ваа сусаннад̣̇д̇хасса вааран̣асса бидтз нисийд̣̇и. б̣од̇хисад̇д̇оби д̇асса маран̣абхаязна саб̣б̣асаннаахасаннад̣̇д̇хо бхиймасзнассзва бажчимаасанз нисийд̣̇и. вааран̣о махааж̇анабаривуд̇о наг̇арад̣̇ваарзна нигкамид̇ваа сан̇г̇аамасийсам̣ баабун̣и. бхиймасзно яуд̣̇д̇хабхзрисад̣̇д̣̇ам̣ суд̇ваава гамбид̇ум̣ аарад̣̇д̇хо. б̣од̇хисад̇д̇о ‘‘ид̣̇аанзса хад̇т̇ибидтид̇о бад̇ид̇ваа мариссад̇ий’’д̇и хад̇т̇игканд̇хад̇о абад̇анад̇т̇ам̣ бхиймасзнам̣ яод̇д̇зна баригкибид̇ваа г̇ан̣хи, бхиймасзно самбахаарадтаанам̣ д̣̇исваа маран̣абхаяад̇аж̇ж̇ид̇о сарийравал̣ан̃ж̇зна хад̇т̇ибидтим̣ д̣̇уусзси. б̣од̇хисад̇д̇о ‘‘на ко д̇з бхиймасзна буримзна бажчимам̣ самзд̇и, д̇вам̣ буб̣б̣з сан̇г̇аамаяод̇хо вияа ахоси, ид̣̇аани хад̇т̇ибидтим̣ д̣̇уусзсий’’д̇и вад̇ваа имам̣ г̇аат̇амааха –
Atha katipāhaccayena eko sāmantarājā āgantvā bārāṇasiṃ uparundhitvā ‘‘rajjaṃ vā detu, yuddhaṃ vā’’ti rañño sāsanaṃ pesesi. Rājā ‘‘yujjhāhī’’ti bhīmasenaṃ pesesi. So sabbasannāhasannaddho rājavesaṃ gahetvā susannaddhassa vāraṇassa piṭṭhe nisīdi. Bodhisattopi tassa maraṇabhayena sabbasannāhasannaddho bhīmasenasseva pacchimāsane nisīdi. Vāraṇo mahājanaparivuto nagaradvārena nikkhamitvā saṅgāmasīsaṃ pāpuṇi. Bhīmaseno yuddhabherisaddaṃ sutvāva kampituṃ āraddho. Bodhisatto ‘‘idānesa hatthipiṭṭhito patitvā marissatī’’ti hatthikkhandhato apatanatthaṃ bhīmasenaṃ yottena parikkhipitvā gaṇhi, bhīmaseno sampahāraṭṭhānaṃ disvā maraṇabhayatajjito sarīravaḷañjena hatthipiṭṭhiṃ dūsesi. Bodhisatto ‘‘na kho te bhīmasena purimena pacchimaṃ sameti, tvaṃ pubbe saṅgāmayodho viya ahosi, idāni hatthipiṭṭhiṃ dūsesī’’ti vatvā imaṃ gāthamāha –
80.
80.
‘‘яам̣ д̇з бавигад̇т̇ид̇ам̣ бурз, ат̇а д̇з бууд̇исараа саж̇анд̇и бажчаа;
‘‘Yaṃ te pavikatthitaṃ pure, atha te pūtisarā sajanti pacchā;
убхаяам̣ на самзд̇и бхиймасзна, яуд̣̇д̇хагат̇аа жа ид̣̇ан̃жа д̇з вихан̃н̃а’’нд̇и.
Ubhayaṃ na sameti bhīmasena, yuddhakathā ca idañca te vihañña’’nti.
д̇ад̇т̇а яам̣ д̇з бавигад̇т̇ид̇ам̣ бурзд̇и яам̣ д̇аяаа буб̣б̣з ‘‘гим̣ д̇вам̣язва бурисо, наахам̣ бурисо, ахамби сан̇г̇аамаяод̇хо’’д̇и вигад̇т̇ид̇ам̣ вамбханаважанам̣ вуд̇д̇ам̣, ид̣̇ам̣ д̇аава згам̣. ат̇а д̇з бууд̇исараа саж̇анд̇и бажчаад̇и ат̇а д̇з имз бууд̇ибхаавзна саран̣абхаавзна жа ‘‘бууд̇исараа’’д̇и лад̣̇д̇ханаамаа сарийравал̣ан̃ж̇ад̇хаараа саж̇анд̇и вал̣ан̃ж̇анд̇и баг̇гхаранд̇и. бажчаад̇и д̇ад̇о бурз вигад̇т̇ид̇ад̇о абарабхааг̇з, ид̣̇аани имасмим̣ сан̇г̇аамасийсзд̇и ад̇т̇о. убхаяам̣ на самзд̇и бхиймасзнаад̇и ид̣̇ам̣ бхиймасзна убхаяам̣ на самзд̇и. гад̇арам̣? яуд̣̇д̇хагат̇аа жа ид̣̇ан̃жа д̇з вихан̃н̃анд̇и, яаа жа бурз гат̇ид̇аа яуд̣̇д̇хагат̇аа, яан̃жа д̇з ид̣̇аани вихан̃н̃ам̣ гиламат̇о хад̇т̇ибидтид̣̇уусанаагаараббад̇д̇о вигхаад̇од̇и ад̇т̇о.
Tattha yaṃ te pavikatthitaṃ pureti yaṃ tayā pubbe ‘‘kiṃ tvaṃyeva puriso, nāhaṃ puriso, ahampi saṅgāmayodho’’ti vikatthitaṃ vambhanavacanaṃ vuttaṃ, idaṃ tāva ekaṃ. Atha te pūtisarā sajanti pacchāti atha te ime pūtibhāvena saraṇabhāvena ca ‘‘pūtisarā’’ti laddhanāmā sarīravaḷañjadhārā sajanti vaḷañjanti paggharanti. Pacchāti tato pure vikatthitato aparabhāge, idāni imasmiṃ saṅgāmasīseti attho. Ubhayaṃ na sameti bhīmasenāti idaṃ bhīmasena ubhayaṃ na sameti. Kataraṃ? Yuddhakathā ca idañca te vihaññanti, yā ca pure kathitā yuddhakathā, yañca te idāni vihaññaṃ kilamatho hatthipiṭṭhidūsanākārappatto vighātoti attho.
звам̣ б̣од̇хисад̇д̇о д̇ам̣ г̇арахид̇ваа ‘‘маа бхааяи, самма, гасмаа маяи тид̇з вихан̃н̃асий’’д̇и бхиймасзнам̣ хад̇т̇ибидтид̇о од̇аарзд̇ваа ‘‘нхааяид̇ваа г̇зхамзва г̇ажчаа’’д̇и уяяож̇зд̇ваа ‘‘аж̇ж̇а маяаа баагадзна бхавид̇ум̣ ваддад̇ий’’д̇и сан̇г̇аамам̣ бависид̇ваа уннад̣̇ид̇ваа б̣алагодтагам̣ бхинд̣̇ид̇ваа сабад̇д̇арааж̇аанам̣ ж̇ийваг̇г̇аахам̣ г̇аахаабзд̇ваа б̣аараан̣асиран̃н̃о санд̇игам̣ аг̇амааси. рааж̇аа д̇удто б̣од̇хисад̇д̇асса маханд̇ам̣ яасам̣ ад̣̇ааси. д̇ад̇о бадтааяа ‘‘жуул̣ад̇хануг̇г̇ахабан̣д̣ид̇о’’д̇и сагалаж̇амб̣уд̣̇ийбз баагадо ахоси. со бхиймасзнасса бариб̣б̣аяам̣ д̣̇ад̇ваа сагадтаанамзва бзсзд̇ваа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Evaṃ bodhisatto taṃ garahitvā ‘‘mā bhāyi, samma, kasmā mayi ṭhite vihaññasī’’ti bhīmasenaṃ hatthipiṭṭhito otāretvā ‘‘nhāyitvā gehameva gacchā’’ti uyyojetvā ‘‘ajja mayā pākaṭena bhavituṃ vaṭṭatī’’ti saṅgāmaṃ pavisitvā unnaditvā balakoṭṭhakaṃ bhinditvā sapattarājānaṃ jīvaggāhaṃ gāhāpetvā bārāṇasirañño santikaṃ agamāsi. Rājā tuṭṭho bodhisattassa mahantaṃ yasaṃ adāsi. Tato paṭṭhāya ‘‘cūḷadhanuggahapaṇḍito’’ti sakalajambudīpe pākaṭo ahosi. So bhīmasenassa paribbayaṃ datvā sakaṭṭhānameva pesetvā dānādīni puññāni katvā yathākammaṃ gato.
сад̇т̇аа ‘‘на, бхигкавз, ид̣̇аанзвзса бхигку вигад̇т̇зд̇и, буб̣б̣зби вигад̇т̇иязваа’’д̇и вад̇ваа имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа бхиймасзно вигад̇т̇ид̇абхигку ахоси, жуул̣ад̇хануг̇г̇ахабан̣д̣ид̇о бана ахамзва ахоси’’нд̇и.
Satthā ‘‘na, bhikkhave, idānevesa bhikkhu vikattheti, pubbepi vikatthiyevā’’ti vatvā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā bhīmaseno vikatthitabhikkhu ahosi, cūḷadhanuggahapaṇḍito pana ahameva ahosi’’nti.
бхиймасзнаж̇аад̇агаван̣н̣анаа д̣̇асамаа.
Bhīmasenajātakavaṇṇanā dasamā.
варун̣аваг̇г̇о адтамо.
Varuṇavaggo aṭṭhamo.
д̇ассуд̣̇д̣̇аанам̣ –
Tassuddānaṃ –
варун̣ам̣ сийлаванааг̇ам̣, сажжам̣гира ругкад̇хаммам̣;
Varuṇaṃ sīlavanāgaṃ, saccaṃkira rukkhadhammaṃ;
мажчарааж̇аа асан̇гияам̣, махаасубинаиллисам̣;
Maccharājā asaṅkiyaṃ, mahāsupinaillisaṃ;
карассарам̣ бхиймасзнанд̇и.
Kharassaraṃ bhīmasenanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 80. бхиймасзнаж̇аад̇агам̣ • 80. Bhīmasenajātakaṃ
