| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৪. চতুত্থৰগ্গো
4. Catutthavaggo
১-৪. ভিন্দিসুত্তাদিৰণ্ণনা
1-4. Bhindisuttādivaṇṇanā
১৮০-১৮৩. দেৰদত্তো সগ্গে ৰা নিব্বত্তেয্যাতিআদি পরিকপ্পৰচনং। ন হি পচ্চেকবোধিযং নিযতগতিকো অন্তরা মগ্গফলানি অধিগন্তুং ভব্বোতি। সোতি অনৰজ্জধম্মো। অস্সাতি দেৰদত্তস্স। সমুচ্ছেদমগমা কতূপচিতস্স মহতো পাপধম্মস্স বলেন তস্মিং অত্তভাৰে সমুচ্ছেদভাৰতো, ন অচ্চন্তায। অকুসলং নামেতং অবলং, কুসলং ৰিয ন মহাবলং, তস্মা তস্মিংযেৰ অত্তভাৰে তাদিসানং পুগ্গলানং অতেকিচ্ছতা, অঞ্ঞথা সম্মত্তনিযামো ৰিয মিচ্ছত্তনিযামো অচ্চন্তিকো সিযা। যদি এৰং ৰট্টখাণুকজোতনা কথন্তি? আসেৰনাৰসেন, তস্মা যথা ‘‘সকিং নিমুগ্গো নিমুগ্গো এৰ বালো’’তি ৰুত্তং, এৰং ৰট্টখাণুকজোতনা। যাদিসে হি পচ্চযে পটিচ্চ পুগ্গলো তং দস্সনং গণ্হি, তথা চ পটিপন্নো, পুন অচিন্তপ্পতিৰত্তে পচ্চযে পতিততো সীসুক্খিপনমস্স ন হোতীতি ন ৰত্তব্বং।
180-183.Devadatto sagge vā nibbatteyyātiādi parikappavacanaṃ. Na hi paccekabodhiyaṃ niyatagatiko antarā maggaphalāni adhigantuṃ bhabboti. Soti anavajjadhammo. Assāti devadattassa. Samucchedamagamā katūpacitassa mahato pāpadhammassa balena tasmiṃ attabhāve samucchedabhāvato, na accantāya. Akusalaṃ nāmetaṃ abalaṃ, kusalaṃ viya na mahābalaṃ, tasmā tasmiṃyeva attabhāve tādisānaṃ puggalānaṃ atekicchatā, aññathā sammattaniyāmo viya micchattaniyāmo accantiko siyā. Yadi evaṃ vaṭṭakhāṇukajotanā kathanti? Āsevanāvasena, tasmā yathā ‘‘sakiṃ nimuggo nimuggo eva bālo’’ti vuttaṃ, evaṃ vaṭṭakhāṇukajotanā. Yādise hi paccaye paṭicca puggalo taṃ dassanaṃ gaṇhi, tathā ca paṭipanno, puna acintappativatte paccaye patitato sīsukkhipanamassa na hotīti na vattabbaṃ.
ভিন্দিসুত্তাদিৰণ্ণনা নিট্ঠিতা।
Bhindisuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
১. ভিন্দিসুত্তং • 1. Bhindisuttaṃ
২. কুসলমূলসুত্তং • 2. Kusalamūlasuttaṃ
৩. কুসলধম্মসুত্তং • 3. Kusaladhammasuttaṃ
৪. সুক্কধম্মসুত্তং • 4. Sukkadhammasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-৪. ভিন্দিসুত্তাদিৰণ্ণনা • 1-4. Bhindisuttādivaṇṇanā
