| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
४. चतुत्थवग्गो
4. Catutthavaggo
१-४. भिन्दिसुत्तादिवण्णना
1-4. Bhindisuttādivaṇṇanā
१८०-१८३. देवदत्तो सग्गे वा निब्बत्तेय्यातिआदि परिकप्पवचनं। न हि पच्चेकबोधियं नियतगतिको अन्तरा मग्गफलानि अधिगन्तुं भब्बोति। सोति अनवज्जधम्मो। अस्साति देवदत्तस्स। समुच्छेदमगमा कतूपचितस्स महतो पापधम्मस्स बलेन तस्मिं अत्तभावे समुच्छेदभावतो, न अच्चन्ताय। अकुसलं नामेतं अबलं, कुसलं विय न महाबलं, तस्मा तस्मिंयेव अत्तभावे तादिसानं पुग्गलानं अतेकिच्छता, अञ्ञथा सम्मत्तनियामो विय मिच्छत्तनियामो अच्चन्तिको सिया। यदि एवं वट्टखाणुकजोतना कथन्ति? आसेवनावसेन, तस्मा यथा ‘‘सकिं निमुग्गो निमुग्गो एव बालो’’ति वुत्तं, एवं वट्टखाणुकजोतना। यादिसे हि पच्चये पटिच्च पुग्गलो तं दस्सनं गण्हि, तथा च पटिपन्नो, पुन अचिन्तप्पतिवत्ते पच्चये पतिततो सीसुक्खिपनमस्स न होतीति न वत्तब्बं।
180-183.Devadatto sagge vā nibbatteyyātiādi parikappavacanaṃ. Na hi paccekabodhiyaṃ niyatagatiko antarā maggaphalāni adhigantuṃ bhabboti. Soti anavajjadhammo. Assāti devadattassa. Samucchedamagamā katūpacitassa mahato pāpadhammassa balena tasmiṃ attabhāve samucchedabhāvato, na accantāya. Akusalaṃ nāmetaṃ abalaṃ, kusalaṃ viya na mahābalaṃ, tasmā tasmiṃyeva attabhāve tādisānaṃ puggalānaṃ atekicchatā, aññathā sammattaniyāmo viya micchattaniyāmo accantiko siyā. Yadi evaṃ vaṭṭakhāṇukajotanā kathanti? Āsevanāvasena, tasmā yathā ‘‘sakiṃ nimuggo nimuggo eva bālo’’ti vuttaṃ, evaṃ vaṭṭakhāṇukajotanā. Yādise hi paccaye paṭicca puggalo taṃ dassanaṃ gaṇhi, tathā ca paṭipanno, puna acintappativatte paccaye patitato sīsukkhipanamassa na hotīti na vattabbaṃ.
भिन्दिसुत्तादिवण्णना निट्ठिता।
Bhindisuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya
१. भिन्दिसुत्तं • 1. Bhindisuttaṃ
२. कुसलमूलसुत्तं • 2. Kusalamūlasuttaṃ
३. कुसलधम्मसुत्तं • 3. Kusaladhammasuttaṃ
४. सुक्कधम्मसुत्तं • 4. Sukkadhammasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १-४. भिन्दिसुत्तादिवण्णना • 1-4. Bhindisuttādivaṇṇanā
