| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
4. бхисажарияааван̣н̣анаа
4. Bhisacariyāvaṇṇanā
34.
34.
жад̇уд̇т̇з яад̣̇аа хоми, гаасийнам̣ бураваруд̇д̇амзд̇и ‘‘гаасий’’д̇и б̣ахуважанавасзна лад̣̇д̇хавохаарасса радтасса наг̇араварз б̣аараан̣асияам̣ яасмим̣ гаалз ж̇аад̇асам̣вад̣дхо худ̇ваа васаамийд̇и ад̇т̇о. бхаг̇иний жа бхаад̇аро сад̇д̇а, ниб̣б̣ад̇д̇аа сод̇д̇ияз гулзд̇и убаган̃жанаад̣̇аяо ча ахан̃жаад̇и бхаад̇аро сад̇д̇а саб̣б̣аганидтаа ган̃жанад̣̇звий наама бхаг̇иний жаад̇и саб̣б̣з маяам̣ адта ж̇анаа манд̇аж̇жхзнанирад̇ад̇ааяа сод̇д̇ияз уд̣̇ид̇од̣̇ид̇з махад̇и б̣раахман̣агулз д̇ад̣̇аа ниб̣б̣ад̇д̇аа ж̇аад̇аад̇и ад̇т̇о.
Catutthe yadā homi, kāsīnaṃ puravaruttameti ‘‘kāsī’’ti bahuvacanavasena laddhavohārassa raṭṭhassa nagaravare bārāṇasiyaṃ yasmiṃ kāle jātasaṃvaḍḍho hutvā vasāmīti attho. Bhaginī ca bhātaro satta, nibbattā sottiye kuleti upakañcanādayo cha ahañcāti bhātaro satta sabbakaniṭṭhā kañcanadevī nāma bhaginī cāti sabbe mayaṃ aṭṭha janā mantajjhenaniratatāya sottiye uditodite mahati brāhmaṇakule tadā nibbattā jātāti attho.
35.
35.
б̣од̇хисад̇д̇о хи д̇ад̣̇аа б̣аараан̣асияам̣ асийд̇игодивибхавасса б̣раахман̣амахаасааласса буд̇д̇о худ̇ваа ниб̣б̣ад̇д̇и. д̇асса ‘‘ган̃жанагумааро’’д̇и наамам̣ гарим̣су. ат̇асса бад̣̇асаа вижаран̣агаалз абаро буд̇д̇о виж̇ааяи. ‘‘убаган̃жанагумааро’’д̇исса наамам̣ гарим̣су. д̇ад̇о бадтааяа махаасад̇д̇ам̣ ‘‘махааган̃жанагумааро’’д̇и самуд̣̇аажаранд̇и. звам̣ бадибаадияаа сад̇д̇а буд̇д̇аа ахзсум̣. саб̣б̣аганидтаа бана згаа д̇хийд̇аа. д̇ассаа ‘‘ган̃жанад̣̇звий’’д̇и наамам̣ гарим̣су. махаасад̇д̇о ваяаббад̇д̇о д̇аггасилам̣ г̇анд̇ваа саб̣б̣асиббаани уг̇г̇ахзд̇ваа бажжааг̇ан̃чи.
Bodhisatto hi tadā bārāṇasiyaṃ asītikoṭivibhavassa brāhmaṇamahāsālassa putto hutvā nibbatti. Tassa ‘‘kañcanakumāro’’ti nāmaṃ kariṃsu. Athassa padasā vicaraṇakāle aparo putto vijāyi. ‘‘Upakañcanakumāro’’tissa nāmaṃ kariṃsu. Tato paṭṭhāya mahāsattaṃ ‘‘mahākañcanakumāro’’ti samudācaranti. Evaṃ paṭipāṭiyā satta puttā ahesuṃ. Sabbakaniṭṭhā pana ekā dhītā. Tassā ‘‘kañcanadevī’’ti nāmaṃ kariṃsu. Mahāsatto vayappatto takkasilaṃ gantvā sabbasippāni uggahetvā paccāgañchi.
ат̇а нам̣ маад̇аабид̇аро гхарааваасзна б̣анд̇хид̇угаамаа ‘‘ад̇д̇ано самаанаж̇аад̇игулад̇о д̇з д̣̇ааригам̣ аанзссаамаа’’д̇и вад̣̇им̣су. со ‘‘амма, д̇аад̇а, на маяхам̣ гхарааваасзна ад̇т̇о. маяхан̃хи саб̣б̣о логасанниваасо аад̣̇ид̇д̇о вияа саббадибхаяо, б̣анд̇ханааг̇аарам̣ вияа балиб̣уд̣̇д̇ханам̣, уггаарабхууми вияа ж̇иг̇ужчо худ̇ваа убадтаад̇и, на мз жид̇д̇ам̣ гаамзсу раж̇ж̇ад̇и, ан̃н̃з во буд̇д̇аа ад̇т̇и, д̇з гхарааваасзна ниманд̇зт̇аа’’д̇и вад̇ваа бунаббунам̣ яаажид̇оби сахааязхи яаажаабид̇оби на ижчи, ат̇а нам̣ сахааяаа ‘‘самма, гим̣ бана д̇вам̣ бад̇т̇аяанд̇о гаамз барибхун̃ж̇ид̇ум̣ на ижчасий’’д̇и бужчим̣су. со д̇зсам̣ ад̇д̇ано нзгкаммаж̇жхаасаяам̣ аарожзси. д̇зна вуд̇д̇ам̣ ‘‘зд̇зсам̣ буб̣б̣аж̇о ааси’’нд̇иаад̣̇и.
Atha naṃ mātāpitaro gharāvāsena bandhitukāmā ‘‘attano samānajātikulato te dārikaṃ ānessāmā’’ti vadiṃsu. So ‘‘amma, tāta, na mayhaṃ gharāvāsena attho. Mayhañhi sabbo lokasannivāso āditto viya sappaṭibhayo, bandhanāgāraṃ viya palibuddhanaṃ, ukkārabhūmi viya jiguccho hutvā upaṭṭhāti, na me cittaṃ kāmesu rajjati, aññe vo puttā atthi, te gharāvāsena nimantethā’’ti vatvā punappunaṃ yācitopi sahāyehi yācāpitopi na icchi, atha naṃ sahāyā ‘‘samma, kiṃ pana tvaṃ patthayanto kāme paribhuñjituṃ na icchasī’’ti pucchiṃsu. So tesaṃ attano nekkhammajjhāsayaṃ ārocesi. Tena vuttaṃ ‘‘etesaṃ pubbajo āsi’’ntiādi.
д̇ад̇т̇а зд̇зсам̣ буб̣б̣аж̇о аасинд̇и зд̇зсам̣ убаган̃жанагаад̣̇ийнам̣ сад̇д̇аннам̣ ж̇здтабхаад̇иго ахам̣ д̇ад̣̇аа ахосим̣. хирийсуггамубааг̇ад̇од̇и суггавибаагад̇д̇аа санд̇аанасса висод̇ханад̇о жа суггам̣ баабаж̇иг̇ужчаналагкан̣ам̣ хирим̣ бхусам̣ ааг̇ад̇о, ад̇ивияа баабам̣ ж̇иг̇ужчанд̇о аасинд̇и ад̇т̇о. бхавам̣ д̣̇исваана бхаяад̇о, нзгкаммаабхирад̇о аханд̇и гаамабхаваад̣̇ийнам̣ васзна саб̣б̣ам̣ бхавам̣ багканд̣̇ид̇ум̣ ааг̇ажчанд̇ам̣ жан̣д̣ахад̇т̇им̣ вияа, хим̣сид̇ум̣ ааг̇ажчанд̇ам̣ угкид̇д̇аасигам̣ вад̇хагам̣ вияа, сийхам̣ вияа, яагкам̣ вияа, рагкасам̣ вияа, гхорависам̣ вияа, аасивисам̣ вияа, аад̣̇ид̇д̇ам̣ ан̇г̇аарам̣ вияа, саббадибхаяам̣ бхаяаанагабхаавад̇о бассид̇ваа д̇ад̇о мужжанад̇т̇ан̃жа баб̣б̣аж̇ж̇аабхирад̇о баб̣б̣аж̇ид̇ваа ‘‘гат̇ам̣ ну ко д̇хаммажарияам̣ саммаабадибад̇д̇им̣ буурзяяам̣, жхаанасамаабад̇д̇ияо жа ниб̣б̣ад̇д̇зяяа’’нд̇и баб̣б̣аж̇ж̇аагусалад̇хаммабатамаж̇жхаанаад̣̇иабхирад̇о д̇ад̣̇аа ахам̣ аасинд̇и ад̇т̇о.
Tattha etesaṃ pubbajo āsinti etesaṃ upakañcanakādīnaṃ sattannaṃ jeṭṭhabhātiko ahaṃ tadā ahosiṃ. Hirīsukkamupāgatoti sukkavipākattā santānassa visodhanato ca sukkaṃ pāpajigucchanalakkhaṇaṃ hiriṃ bhusaṃ āgato, ativiya pāpaṃ jigucchanto āsinti attho. Bhavaṃ disvāna bhayato, nekkhammābhirato ahanti kāmabhavādīnaṃ vasena sabbaṃ bhavaṃ pakkhandituṃ āgacchantaṃ caṇḍahatthiṃ viya, hiṃsituṃ āgacchantaṃ ukkhittāsikaṃ vadhakaṃ viya, sīhaṃ viya, yakkhaṃ viya, rakkhasaṃ viya, ghoravisaṃ viya, āsivisaṃ viya, ādittaṃ aṅgāraṃ viya, sappaṭibhayaṃ bhayānakabhāvato passitvā tato muccanatthañca pabbajjābhirato pabbajitvā ‘‘kathaṃ nu kho dhammacariyaṃ sammāpaṭipattiṃ pūreyyaṃ, jhānasamāpattiyo ca nibbatteyya’’nti pabbajjākusaladhammapaṭhamajjhānādiabhirato tadā ahaṃ āsinti attho.
36. бахид̇аад̇и маад̇аабид̇уухи бзсид̇аа. згамаанасаад̇и самаанаж̇жхаасаяаа буб̣б̣з маяаа згажчанд̣̇аа манаабажаарино маад̇аабид̇уухи бахид̇ад̇д̇аа бана мама бадиггуулам̣ аманаабам̣ вад̣̇анд̇аа. гаамзхи мам̣ ниманд̇знд̇ийд̇и махаабид̇уухи ваа згамаанасаа гаамзхи мам̣ ниманд̇знд̇и. гулавам̣сам̣ д̇хаарзхийд̇и гхарааваасам̣ сан̣табзнд̇о ад̇д̇ано гулавам̣сам̣ д̇хаарзхи бад̇идтабзхийд̇и гаамзхи мам̣ ниманд̇зсунд̇и ад̇т̇о.
36.Pahitāti mātāpitūhi pesitā. Ekamānasāti samānajjhāsayā pubbe mayā ekacchandā manāpacārino mātāpitūhi pahitattā pana mama paṭikkūlaṃ amanāpaṃ vadantā. Kāmehi maṃ nimantentīti mahāpitūhi vā ekamānasā kāmehi maṃ nimantenti. Kulavaṃsaṃ dhārehīti gharāvāsaṃ saṇṭhapento attano kulavaṃsaṃ dhārehi patiṭṭhapehīti kāmehi maṃ nimantesunti attho.
37. яам̣ д̇зсам̣ важанам̣ вуд̇д̇анд̇и д̇зсам̣ мама бияасахааяаанам̣ яам̣ важанам̣ вуд̇д̇ам̣. г̇ихид̇хаммз сукааваханд̇и г̇ихибхаавз сад̇и г̇ахадтабхаавз тид̇асса бурисасса н̃ааяаануг̇ад̇ад̇д̇аа д̣̇идтад̇хаммигасса самбарааяигасса жа сукасса ааваханад̇о сукаавахам̣. д̇ам̣ мз ахоси гатинанд̇и д̇ам̣ д̇зсам̣ маяхам̣ сахааяаанам̣ маад̇аабид̇уунан̃жа важанам̣ зганд̇знзва нзгкаммаабхирад̇ад̇д̇аа аманаабабхаавзна мз гатинам̣ парусам̣ д̣̇ивасам̣ санд̇ад̇д̇апааласад̣̇исам̣ убхоби ган̣н̣з жхаабзнд̇ам̣ вияа ахоси.
37.Yaṃtesaṃ vacanaṃ vuttanti tesaṃ mama piyasahāyānaṃ yaṃ vacanaṃ vuttaṃ. Gihidhamme sukhāvahanti gihibhāve sati gahaṭṭhabhāve ṭhitassa purisassa ñāyānugatattā diṭṭhadhammikassa samparāyikassa ca sukhassa āvahanato sukhāvahaṃ. Taṃ me ahosi kaṭhinanti taṃ tesaṃ mayhaṃ sahāyānaṃ mātāpitūnañca vacanaṃ ekanteneva nekkhammābhiratattā amanāpabhāvena me kaṭhinaṃ pharusaṃ divasaṃ santattaphālasadisaṃ ubhopi kaṇṇe jhāpentaṃ viya ahosi.
38. д̇з мам̣ д̇ад̣̇аа угкибанд̇анд̇и д̇з маяхам̣ сахааяаа маад̇аабид̇уухи ад̇д̇ано жа убаниманд̇анавасзна анзгаваарам̣ убанийяамаанз гаамз уд̣̇д̇хамуд̣̇д̇хам̣ кибанд̇ам̣ чад̣д̣знд̇ам̣ бадигкибанд̇ам̣ мам̣ бужчим̣су. бад̇т̇ид̇ам̣ мамаад̇и ид̇о висуд̣̇д̇хад̇арам̣ гим̣ ну ко иминаа бад̇т̇ид̇анд̇и маяаа абхибад̇т̇ид̇ам̣ мама д̇ам̣ бад̇т̇анам̣ бужчим̣су – ‘‘гим̣ д̇вам̣ бад̇т̇аяасз, самма, яад̣̇и гаамз на бхун̃ж̇асий’’д̇и.
38.Te maṃ tadā ukkhipantanti te mayhaṃ sahāyā mātāpitūhi attano ca upanimantanavasena anekavāraṃ upanīyamāne kāme uddhamuddhaṃ khipantaṃ chaḍḍentaṃ paṭikkhipantaṃ maṃ pucchiṃsu. Patthitaṃ mamāti ito visuddhataraṃ kiṃ nu kho iminā patthitanti mayā abhipatthitaṃ mama taṃ patthanaṃ pucchiṃsu – ‘‘kiṃ tvaṃ patthayase, samma, yadi kāme na bhuñjasī’’ti.
39. ад̇т̇агаамод̇и ад̇д̇ано ад̇т̇агаамо, баабабхийрууд̇и ад̇т̇о. ‘‘ад̇д̇агаамо’’д̇иби баал̣и. хид̇зсинанд̇и маяхам̣ хид̇зсийнам̣ бияасахааяаанам̣. гзжи ‘‘ад̇т̇агаамахид̇зсина’’нд̇и батанд̇и, д̇ам̣ на сунд̣̇арам̣.
39.Atthakāmoti attano atthakāmo, pāpabhīrūti attho. ‘‘Attakāmo’’tipi pāḷi. Hitesinanti mayhaṃ hitesīnaṃ piyasahāyānaṃ. Keci ‘‘atthakāmahitesina’’nti paṭhanti, taṃ na sundaraṃ.
40. бид̇у маад̇у жа сааваяунд̇и д̇з маяхам̣ сахааяаа анивад̇д̇анийяам̣ мама баб̣б̣аж̇ж̇аачанд̣̇ам̣ вид̣̇ид̇ваа баб̣б̣аж̇ид̇угаамад̇аад̣̇ийбагам̣ маяхам̣ важанам̣ бид̇у маад̇у жа саавзсум̣. ‘‘яаг̇гхз, аммад̇аад̇аа, ж̇аанаат̇а, зганд̇знзва махааган̃жанагумааро баб̣б̣аж̇иссад̇и, на со саггаа гзнажи убааязна гаамзсу убанзд̇у’’нд̇и авожум̣. маад̇аабид̇аа звамаахууд̇и д̇ад̣̇аа маяхам̣ маад̇аабид̇аро мама сахааязхи вуд̇д̇ам̣ мама важанам̣ суд̇ваа звамаахам̣су – ‘‘саб̣б̣зва баб̣б̣аж̇аама, бхо’’д̇и, яад̣̇и махааган̃жанагумаарасса нзгкаммам̣ абхиружид̇ам̣, яам̣ д̇асса абхиружид̇ам̣, д̇ад̣̇амхаагамби абхиружид̇амзва, д̇асмаа саб̣б̣зва баб̣б̣аж̇аама, бход̇и. ‘‘бхо’’д̇и д̇зсам̣ б̣раахман̣аанам̣ аалабанам̣. ‘‘баб̣б̣аж̇аама ко’’д̇иби баато, баб̣б̣аж̇аама зваад̇и ад̇т̇о. махаасад̇д̇асса хи баб̣б̣аж̇ж̇аачанд̣̇ам̣ вид̣̇ид̇ваа убаган̃жанаад̣̇аяо ча бхаад̇аро бхаг̇иний жа ган̃жанад̣̇звий баб̣б̣аж̇ид̇угаамаава ахзсум̣, д̇зна д̇зби маад̇аабид̇уухи гхарааваасзна ниманд̇ияамаанаа на ижчим̣суязва. д̇асмаа звамаахам̣су ‘‘саб̣б̣зва баб̣б̣аж̇аама, бхо’’д̇и.
40.Pitu mātu ca sāvayunti te mayhaṃ sahāyā anivattanīyaṃ mama pabbajjāchandaṃ viditvā pabbajitukāmatādīpakaṃ mayhaṃ vacanaṃ pitu mātu ca sāvesuṃ. ‘‘Yagghe, ammatātā, jānātha, ekanteneva mahākañcanakumāro pabbajissati, na so sakkā kenaci upāyena kāmesu upanetu’’nti avocuṃ. Mātāpitā evamāhūti tadā mayhaṃ mātāpitaro mama sahāyehi vuttaṃ mama vacanaṃ sutvā evamāhaṃsu – ‘‘sabbeva pabbajāma, bho’’ti, yadi mahākañcanakumārassa nekkhammaṃ abhirucitaṃ, yaṃ tassa abhirucitaṃ, tadamhākampi abhirucitameva, tasmā sabbeva pabbajāma, bhoti. ‘‘Bho’’ti tesaṃ brāhmaṇānaṃ ālapanaṃ. ‘‘Pabbajāma kho’’tipi pāṭho, pabbajāma evāti attho. Mahāsattassa hi pabbajjāchandaṃ viditvā upakañcanādayo cha bhātaro bhaginī ca kañcanadevī pabbajitukāmāva ahesuṃ, tena tepi mātāpitūhi gharāvāsena nimantiyamānā na icchiṃsuyeva. Tasmā evamāhaṃsu ‘‘sabbeva pabbajāma, bho’’ti.
зван̃жа бана вад̇ваа махаасад̇д̇ам̣ маад̇аабид̇аро баггосид̇ваа ад̇д̇аноби ад̇хиббааяам̣ д̇асса аажигкид̇ваа ‘‘д̇аад̇а, яад̣̇и баб̣б̣аж̇ид̇угаамоси, асийд̇игодид̇ханам̣ д̇ава санд̇агам̣ яат̇аасукам̣ виссаж̇ж̇зхий’’д̇и аахам̣су. ат̇а нам̣ махаабурисо габан̣ад̣̇д̇хигаад̣̇ийнам̣ виссаж̇ж̇зд̇ваа махаабхинигкаманам̣ нигкамид̇ваа химаванд̇ам̣ баависи. д̇зна сад̣̇д̇хим̣ маад̇аабид̇аро ча бхаад̇аро жа бхаг̇иний жа зго д̣̇аасо згаа д̣̇аасий зго жа сахааяо гхарааваасам̣ бахааяа аг̇амам̣су. д̇зна вуд̇д̇ам̣ –
Evañca pana vatvā mahāsattaṃ mātāpitaro pakkositvā attanopi adhippāyaṃ tassa ācikkhitvā ‘‘tāta, yadi pabbajitukāmosi, asītikoṭidhanaṃ tava santakaṃ yathāsukhaṃ vissajjehī’’ti āhaṃsu. Atha naṃ mahāpuriso kapaṇaddhikādīnaṃ vissajjetvā mahābhinikkhamanaṃ nikkhamitvā himavantaṃ pāvisi. Tena saddhiṃ mātāpitaro cha bhātaro ca bhaginī ca eko dāso ekā dāsī eko ca sahāyo gharāvāsaṃ pahāya agamaṃsu. Tena vuttaṃ –
41.
41.
‘‘убхо маад̇аа бид̇аа маяхам̣, бхаг̇иний жа сад̇д̇а бхаад̇аро;
‘‘Ubho mātā pitā mayhaṃ, bhaginī ca satta bhātaro;
амид̇ад̇ханам̣ чад̣д̣аяид̇ваа, бависимхаа махаавана’’нд̇и.
Amitadhanaṃ chaḍḍayitvā, pavisimhā mahāvana’’nti.
ж̇аад̇агадтагат̇ааяам̣ (ж̇аа. адта. 4.14.77 бхисаж̇аад̇агаван̣н̣анаа) бана ‘‘маад̇аабид̇уусу гаалам̣гад̇зсу д̇зсам̣ гад̇д̇аб̣б̣агижжам̣ гад̇ваа махаасад̇д̇о махаабхинигкаманам̣ нигкамий’’д̇и вуд̇д̇ам̣.
Jātakaṭṭhakathāyaṃ (jā. aṭṭha. 4.14.77 bhisajātakavaṇṇanā) pana ‘‘mātāpitūsu kālaṃkatesu tesaṃ kattabbakiccaṃ katvā mahāsatto mahābhinikkhamanaṃ nikkhamī’’ti vuttaṃ.
звам̣ химаванд̇ам̣ бависид̇ваа жа д̇з б̣од̇хисад̇д̇аббамукаа згам̣ бад̣̇умасарам̣ ниссааяа раман̣ийяз бхуумибхааг̇з ассамам̣ гад̇ваа баб̣б̣аж̇ид̇ваа ванамуулапалаахаараа яаабаяим̣су. д̇зсу убаган̃жанаад̣̇аяо адта ж̇анаа ваарзна палаапалам̣ аахарид̇ваа згасмим̣ баасаан̣апалагз ад̇д̇ано ид̇арзсан̃жа годтаасз гад̇ваа гхан̣дисан̃н̃ам̣ д̣̇ад̇ваа ад̇д̇ано годтаасам̣ аад̣̇ааяа васанадтаанам̣ бависанд̇и. сзсааби гхан̣дисан̃н̃ааяа бан̣н̣асаалад̇о нигкамид̇ваа ад̇д̇ано ад̇д̇ано баабун̣анагодтаасам̣ аад̣̇ааяа васанадтаанам̣ г̇анд̇ваа барибхун̃ж̇ид̇ваа саман̣ад̇хаммам̣ гаронд̇и.
Evaṃ himavantaṃ pavisitvā ca te bodhisattappamukhā ekaṃ padumasaraṃ nissāya ramaṇīye bhūmibhāge assamaṃ katvā pabbajitvā vanamūlaphalāhārā yāpayiṃsu. Tesu upakañcanādayo aṭṭha janā vārena phalāphalaṃ āharitvā ekasmiṃ pāsāṇaphalake attano itaresañca koṭṭhāse katvā ghaṇṭisaññaṃ datvā attano koṭṭhāsaṃ ādāya vasanaṭṭhānaṃ pavisanti. Sesāpi ghaṇṭisaññāya paṇṇasālato nikkhamitvā attano attano pāpuṇanakoṭṭhāsaṃ ādāya vasanaṭṭhānaṃ gantvā paribhuñjitvā samaṇadhammaṃ karonti.
абарабхааг̇з бхисаани аахарид̇ваа д̇ат̇зва каад̣̇анд̇и. д̇ад̇т̇а д̇з гхорад̇абаа барамад̇хид̇инд̣̇рияаа гасин̣абаригаммам̣ гаронд̇аа вихарим̣су. ат̇а нзсам̣ сийлад̇зж̇зна саггасса бхаванам̣ гамби. сагго д̇ам̣ гааран̣ам̣ н̃ад̇ваа ‘‘имз исаяо виймам̣сиссаамий’’д̇и ад̇д̇ано аанубхаавзна махаасад̇д̇асса годтаасз д̇аяо д̣̇ивасз анд̇арад̇хаабзси. махаасад̇д̇о батамад̣̇ивасз годтаасам̣ ад̣̇исваа ‘‘мама годтаасо бамудто бхависсад̇ий’’д̇и жинд̇зси. д̣̇уд̇ияад̣̇ивасз ‘‘мама д̣̇осзна бхавид̇аб̣б̣ам̣, бан̣ааманавасзна мама годтаасам̣ на табид̇ам̣ ман̃н̃з’’д̇и жинд̇зси. д̇ад̇ияад̣̇ивасз ‘‘д̇ам̣ гааран̣ам̣ суд̇ваа камаабзссаамий’’д̇и сааяанхасамаяз гхан̣дисан̃н̃ам̣ д̣̇ад̇ваа д̇ааяа сан̃н̃ааяа саб̣б̣зсу саннибад̇ид̇зсу д̇амад̇т̇ам̣ аарожзд̇ваа д̇ийсуби д̣̇ивасзсу д̇зхи ж̇здтагодтаасасса табид̇абхаавам̣ суд̇ваа ‘‘д̇умхзхи маяхам̣ годтаасо табид̇о, маяаа бана на лад̣̇д̇хо, гим̣ ну ко гааран̣а’’нд̇и ааха. д̇ам̣ суд̇ваа саб̣б̣зва сам̣взг̇аббад̇д̇аа ахзсум̣.
Aparabhāge bhisāni āharitvā tatheva khādanti. Tattha te ghoratapā paramadhitindriyā kasiṇaparikammaṃ karontā vihariṃsu. Atha nesaṃ sīlatejena sakkassa bhavanaṃ kampi. Sakko taṃ kāraṇaṃ ñatvā ‘‘ime isayo vīmaṃsissāmī’’ti attano ānubhāvena mahāsattassa koṭṭhāse tayo divase antaradhāpesi. Mahāsatto paṭhamadivase koṭṭhāsaṃ adisvā ‘‘mama koṭṭhāso pamuṭṭho bhavissatī’’ti cintesi. Dutiyadivase ‘‘mama dosena bhavitabbaṃ, paṇāmanavasena mama koṭṭhāsaṃ na ṭhapitaṃ maññe’’ti cintesi. Tatiyadivase ‘‘taṃ kāraṇaṃ sutvā khamāpessāmī’’ti sāyanhasamaye ghaṇṭisaññaṃ datvā tāya saññāya sabbesu sannipatitesu tamatthaṃ ārocetvā tīsupi divasesu tehi jeṭṭhakoṭṭhāsassa ṭhapitabhāvaṃ sutvā ‘‘tumhehi mayhaṃ koṭṭhāso ṭhapito, mayā pana na laddho, kiṃ nu kho kāraṇa’’nti āha. Taṃ sutvā sabbeva saṃvegappattā ahesuṃ.
д̇асмим̣ ассамз ругкад̣̇звад̇ааби ад̇д̇ано бхаванад̇о од̇арид̇ваа д̇зсам̣ санд̇игз нисийд̣̇и. мануссаанам̣ хад̇т̇ад̇о балааяид̇ваа аран̃н̃ам̣ бавидто зго вааран̣о ахид̇ун̣д̣игахад̇т̇ад̇о балааяид̇ваа муд̇д̇о саббагийл̣аабанаго зго ваанаро жа д̇зхи исийхи гад̇абарижаяаа д̇ад̣̇аа д̇зсам̣ санд̇игам̣ г̇анд̇ваа згаманд̇ам̣ адтам̣су. саггоби ‘‘исиг̇ан̣ам̣ бариг̇г̇ан̣хиссаамий’’д̇и ад̣̇иссамаанагааяо д̇ад̇т̇зва адтааси. д̇асмин̃жа кан̣з б̣од̇хисад̇д̇асса ганидто убаган̃жанад̇аабасо удтааяа б̣од̇хисад̇д̇ам̣ ванд̣̇ид̇ваа сзсаанам̣ абажид̇им̣ д̣̇ассзд̇ваа ‘‘ахам̣ сан̃н̃ам̣ бадтабзд̇ваа ад̇д̇аанан̃н̃зва сод̇хзд̇ум̣ лабхаамий’’д̇и бужчид̇ваа ‘‘аама, лабхасий’’д̇и вуд̇д̇з исиг̇ан̣амаж̇жхз тад̇ваа сабат̇ам̣ гаронд̇о –
Tasmiṃ assame rukkhadevatāpi attano bhavanato otaritvā tesaṃ santike nisīdi. Manussānaṃ hatthato palāyitvā araññaṃ paviṭṭho eko vāraṇo ahituṇḍikahatthato palāyitvā mutto sappakīḷāpanako eko vānaro ca tehi isīhi kataparicayā tadā tesaṃ santikaṃ gantvā ekamantaṃ aṭṭhaṃsu. Sakkopi ‘‘isigaṇaṃ pariggaṇhissāmī’’ti adissamānakāyo tattheva aṭṭhāsi. Tasmiñca khaṇe bodhisattassa kaniṭṭho upakañcanatāpaso uṭṭhāya bodhisattaṃ vanditvā sesānaṃ apacitiṃ dassetvā ‘‘ahaṃ saññaṃ paṭṭhapetvā attānaññeva sodhetuṃ labhāmī’’ti pucchitvā ‘‘āma, labhasī’’ti vutte isigaṇamajjhe ṭhatvā sapathaṃ karonto –
‘‘ассам̣ г̇авам̣ раж̇ад̇ам̣ ж̇аад̇аруубам̣, бхарияан̃жа со ид̇ха лабхад̇ам̣ манаабам̣;
‘‘Assaṃ gavaṃ rajataṃ jātarūpaṃ, bhariyañca so idha labhataṃ manāpaṃ;
буд̇д̇зхи д̣̇аарзхи саман̇г̇и ход̇у, бхисаани д̇з б̣раахман̣а яо ахаасий’’д̇и. (ж̇аа. 1.14.78) –
Puttehi dārehi samaṅgi hotu, bhisāni te brāhmaṇa yo ahāsī’’ti. (jā. 1.14.78) –
имам̣ г̇аат̇ам̣ абхааси. иман̃хи со ‘‘яад̇д̇агаани бияавад̇т̇ууни хонд̇и, д̇зхи виббаяог̇з д̇ад̇д̇агаани д̣̇угкаани уббаж̇ж̇анд̇ий’’д̇и вад̇т̇угаамз г̇араханд̇о ааха.
Imaṃ gāthaṃ abhāsi. Imañhi so ‘‘yattakāni piyavatthūni honti, tehi vippayoge tattakāni dukkhāni uppajjantī’’ti vatthukāme garahanto āha.
д̇ам̣ суд̇ваа исиг̇ан̣о ‘‘маариса, маа гат̇аяа, ад̇ибхаарияо д̇з сабат̇о’’д̇и ган̣н̣з бид̣̇ахи. б̣од̇хисад̇д̇оби ‘‘ад̇ибхаарияо д̇з сабат̇о, на, д̇вам̣ д̇аад̇а, г̇ан̣хаси, д̇ава бад̇д̇аасанз нисийд̣̇аа’’д̇и ааха. сзсааби сабат̇ам̣ гаронд̇аа яат̇ааггамам̣ –
Taṃ sutvā isigaṇo ‘‘mārisa, mā kathaya, atibhāriyo te sapatho’’ti kaṇṇe pidahi. Bodhisattopi ‘‘atibhāriyo te sapatho, na, tvaṃ tāta, gaṇhasi, tava pattāsane nisīdā’’ti āha. Sesāpi sapathaṃ karontā yathākkamaṃ –
‘‘маалан̃жа со гаасигажанд̣̇анан̃жа, д̇хаарзд̇у буд̇д̇асса б̣ахуу бхаванд̇у;
‘‘Mālañca so kāsikacandanañca, dhāretu puttassa bahū bhavantu;
гаамзсу д̇иб̣б̣ам̣ гуруд̇ам̣ абзгкам̣, бхисаани д̇з б̣раахман̣а яо ахааси.
Kāmesu tibbaṃ kurutaṃ apekkhaṃ, bhisāni te brāhmaṇa yo ahāsi.
‘‘бахууд̇ад̇хан̃н̃о гасимаа яасассий, буд̇д̇з г̇ихий д̇ханимаа саб̣б̣агаамз;
‘‘Pahūtadhañño kasimā yasassī, putte gihī dhanimā sabbakāme;
ваяам̣ абассам̣ гхарамаавасаад̇у, бхисаани д̇з б̣раахман̣а яо ахааси.
Vayaṃ apassaṃ gharamāvasātu, bhisāni te brāhmaṇa yo ahāsi.
‘‘со кад̇д̇ияо ход̇у басаяхагаарий, рааж̇аабхирааж̇аа б̣алаваа яасассий;
‘‘So khattiyo hotu pasayhakārī, rājābhirājā balavā yasassī;
сажаад̇уранд̇ам̣ махимаавасаад̇у, бхисаани д̇з б̣раахман̣а яо ахааси.
Sacāturantaṃ mahimāvasātu, bhisāni te brāhmaṇa yo ahāsi.
‘‘со б̣раахман̣о ход̇у авийд̇арааг̇о, мухуд̇д̇анагкад̇д̇абат̇зсу яуд̇д̇о;
‘‘So brāhmaṇo hotu avītarāgo, muhuttanakkhattapathesu yutto;
бууж̇зд̇у нам̣ радтабад̇ий яасассий, бхисаани д̇з б̣раахман̣а яо ахааси.
Pūjetu naṃ raṭṭhapatī yasassī, bhisāni te brāhmaṇa yo ahāsi.
‘‘аж̇жхааяагам̣ саб̣б̣асаманд̇авзд̣̇ам̣, д̇абассинам̣ ман̃н̃ад̇у саб̣б̣алого;
‘‘Ajjhāyakaṃ sabbasamantavedaṃ, tapassinaṃ maññatu sabbaloko;
бууж̇знд̇у нам̣ ж̇аанабад̣̇аа самзжжа, бхисаани д̇з б̣раахман̣а яо ахааси.
Pūjentu naṃ jānapadā samecca, bhisāni te brāhmaṇa yo ahāsi.
‘‘жад̇уссад̣̇ам̣ г̇аамаварам̣ самид̣̇д̇хам̣, д̣̇иннан̃хи со бхун̃ж̇ад̇у ваасавзна;
‘‘Catussadaṃ gāmavaraṃ samiddhaṃ, dinnañhi so bhuñjatu vāsavena;
авийд̇арааг̇о маран̣ам̣ убзд̇у, бхисаани д̇з б̣раахман̣а яо ахааси.
Avītarāgo maraṇaṃ upetu, bhisāni te brāhmaṇa yo ahāsi.
‘‘со г̇ааман̣ий ход̇у сахааяамаж̇жхз, нажжзхи г̇ийд̇зхи бамод̣̇амаано;
‘‘So gāmaṇī hotu sahāyamajjhe, naccehi gītehi pamodamāno;
со рааж̇ад̇о б̣яасанамаалад̇т̇а гин̃жи, бхисаани д̇з б̣раахман̣а яо ахааси.
So rājato byasanamālattha kiñci, bhisāni te brāhmaṇa yo ahāsi.
‘‘д̇ам̣ згарааж̇аа бат̇авим̣ виж̇зд̇ваа, ид̇т̇ийсахассасса табзд̇у аг̇г̇з;
‘‘Taṃ ekarājā pathaviṃ vijetvā, itthīsahassassa ṭhapetu agge;
сийманд̇инийнам̣ бавараа бхаваад̇у, бхисаани д̇з б̣раахман̣а яаа ахааси.
Sīmantinīnaṃ pavarā bhavātu, bhisāni te brāhmaṇa yā ahāsi.
‘‘исийнан̃хи саа саб̣б̣асамааг̇ад̇аанам̣, бхун̃ж̇зяяа саад̣̇ум̣ авигамбамаанаа;
‘‘Isīnañhi sā sabbasamāgatānaṃ, bhuñjeyya sāduṃ avikampamānā;
жараад̇у лаабхзна вигад̇т̇амаанаа, бхисаани д̇з б̣раахан̣а яаа ахааси.
Carātu lābhena vikatthamānā, bhisāni te brāhaṇa yā ahāsi.
‘‘ааваасиго ход̇у махаавихаарз, навагаммиго ход̇у г̇аж̇ан̇г̇алааяам̣;
‘‘Āvāsiko hotu mahāvihāre, navakammiko hotu gajaṅgalāyaṃ;
аалогасанд̇хим̣ д̣̇ивасам̣ гарод̇у, бхисаани д̇з б̣раахман̣а яо ахааси.
Ālokasandhiṃ divasaṃ karotu, bhisāni te brāhmaṇa yo ahāsi.
‘‘со б̣аж̇жхад̇ам̣ баасасад̇зхи чамхи, раммаа ванаа нийяад̇у рааж̇ад̇хааним̣;
‘‘So bajjhataṃ pāsasatehi chamhi, rammā vanā nīyatu rājadhāniṃ;
д̇уд̇д̇зхи со хан̃н̃ад̇у баажанзхи, бхисаани д̇з б̣раахман̣а яо ахааси.
Tuttehi so haññatu pācanehi, bhisāni te brāhmaṇa yo ahāsi.
‘‘алаггамаалий д̇ибуган̣н̣абидто, ладтийхад̇о саббамукам̣ убзд̇у;
‘‘Alakkamālī tipukaṇṇapiṭṭho, laṭṭhīhato sappamukhaṃ upetu;
сагажчаб̣анд̇хо висикам̣ жараад̇у, бхисаани д̇з б̣раахман̣а яо ахаасий’’д̇и. (ж̇аа. 1.14.79-90) –
Sakacchabandho visikhaṃ carātu, bhisāni te brāhmaṇa yo ahāsī’’ti. (jā. 1.14.79-90) –
имаа г̇аат̇ааяо авожум̣.
Imā gāthāyo avocuṃ.
д̇ад̇т̇а д̇иб̣б̣анд̇и вад̇т̇угаамагилзсагаамзсу б̣ахалам̣ абзгкам̣ гарод̇у. гасимаад̇и самбаннагасигаммо. буд̇д̇з г̇ихий д̇ханимаа саб̣б̣агаамзд̇и буд̇д̇з лабхад̇у, г̇ихий ход̇у, сад̇д̇авид̇хзна д̇ханзна д̇ханимаа ход̇у, руубаад̣̇ибхзд̣̇з саб̣б̣агаамз лабхад̇у. ваяам̣ абассанд̇и махаллагагаалзби абаб̣б̣аж̇ид̇ваа ад̇д̇ано ваяам̣ абассанд̇о бан̃жагаамаг̇ун̣асамид̣̇д̇хам̣ гхарамзва аавасад̇у. рааж̇аабхирааж̇аад̇и рааж̇уунам̣ анд̇арз ад̇ирааж̇аа. авийд̇арааг̇од̇и бурохид̇адтаанад̇ан̣хааяа сад̇ан̣хо. д̇абассинанд̇и д̇абасийлам̣, сийласамбаннод̇и нам̣ ман̃н̃ад̇у. жад̇уссад̣̇анд̇и аагин̣н̣амануссад̇ааяа мануссзхи бахууд̇ад̇хан̃н̃ад̇ааяа д̇хан̃н̃зна сулабхад̣̇ааруд̇ааяа д̣̇ааруухи самбаннод̣̇агад̇ааяа уд̣̇агзнаад̇и жад̇уухи уссаннам̣. ваасавзнаад̇и ваасавзна д̣̇иннам̣ вияа ажалам̣, ваасавад̇о лад̣̇д̇хавараанубхаавзнзва рааж̇аанам̣ аараад̇хзд̇ваа д̇зна д̣̇иннанд̇иби ад̇т̇о. авийд̇арааг̇од̇и авиг̇ад̇арааг̇о гад̣̇д̣̇амз суугаро вияа гаамабан̇гз нимуг̇г̇ова ход̇у.
Tattha tibbanti vatthukāmakilesakāmesu bahalaṃ apekkhaṃ karotu. Kasimāti sampannakasikammo. Putte gihī dhanimā sabbakāmeti putte labhatu, gihī hotu, sattavidhena dhanena dhanimā hotu, rūpādibhede sabbakāme labhatu. Vayaṃ apassanti mahallakakālepi apabbajitvā attano vayaṃ apassanto pañcakāmaguṇasamiddhaṃ gharameva āvasatu. Rājābhirājāti rājūnaṃ antare atirājā. Avītarāgoti purohitaṭṭhānataṇhāya sataṇho. Tapassinanti tapasīlaṃ, sīlasampannoti naṃ maññatu. Catussadanti ākiṇṇamanussatāya manussehi pahūtadhaññatāya dhaññena sulabhadārutāya dārūhi sampannodakatāya udakenāti catūhi ussannaṃ. Vāsavenāti vāsavena dinnaṃ viya acalaṃ, vāsavato laddhavarānubhāveneva rājānaṃ ārādhetvā tena dinnantipi attho. Avītarāgoti avigatarāgo kaddame sūkaro viya kāmapaṅke nimuggova hotu.
г̇ааман̣ийд̇и г̇аамаж̇здтаго. д̇анд̇и д̇ам̣ ид̇т̇им̣. згарааж̇аад̇и аг̇г̇арааж̇аа. ид̇т̇ийсахассассаад̇и важанамадтад̇ааяа вуд̇д̇ам̣. сол̣асаннам̣ ид̇т̇исахассаанам̣ аг̇г̇адтаанз табзд̇ууд̇и ад̇т̇о. сийманд̇инийнанд̇и сийманд̇ад̇хараанам̣, ид̇т̇ийнанд̇и ад̇т̇о. саб̣б̣асамааг̇ад̇аананд̇и саб̣б̣зсам̣ саннибад̇ид̇аанам̣ маж̇жхз нисийд̣̇ид̇ваа. авигамбамаанаад̇и аносаггамаанаа саад̣̇урасам̣ бхун̃ж̇ад̇ууд̇и ад̇т̇о. жараад̇у лаабхзна вигад̇т̇амаанаад̇и лаабхахзд̇у син̇г̇ааравзсам̣ г̇ахзд̇ваа лаабхам̣ уббаад̣̇зд̇ум̣ жарад̇у. ааваасигод̇и ааваасаж̇аг̇г̇анаго. г̇аж̇ан̇г̇алааяанд̇и звам̣наамагз наг̇арз. д̇ад̇т̇а гира д̣̇аб̣б̣асамбхаараа сулабхаа. аалогасанд̇хим̣ д̣̇ивасанд̇и згад̣̇ивасзна згамзва ваад̇абаанам̣ гарод̇у. со гира д̣̇звабуд̇д̇о гассабаб̣уд̣̇д̇хагаалз г̇аж̇ан̇г̇аланаг̇арам̣ ниссааяа яож̇анигз махаавихаарз ааваасиго сан̇гхад̇т̇зро худ̇ваа ж̇ин̣н̣з вихаарз навагаммаани гаронд̇ова махаад̣̇угкам̣ анубхави, д̇ам̣ санд̇хааяааха.
Gāmaṇīti gāmajeṭṭhako. Tanti taṃ itthiṃ. Ekarājāti aggarājā. Itthīsahassassāti vacanamaṭṭhatāya vuttaṃ. Soḷasannaṃ itthisahassānaṃ aggaṭṭhāne ṭhapetūti attho. Sīmantinīnanti sīmantadharānaṃ, itthīnanti attho. Sabbasamāgatānanti sabbesaṃ sannipatitānaṃ majjhe nisīditvā. Avikampamānāti anosakkamānā sādurasaṃ bhuñjatūti attho. Carātu lābhena vikatthamānāti lābhahetu siṅgāravesaṃ gahetvā lābhaṃ uppādetuṃ caratu. Āvāsikoti āvāsajagganako. Gajaṅgalāyanti evaṃnāmake nagare. Tattha kira dabbasambhārā sulabhā. Ālokasandhiṃ divasanti ekadivasena ekameva vātapānaṃ karotu. So kira devaputto kassapabuddhakāle gajaṅgalanagaraṃ nissāya yojanike mahāvihāre āvāsiko saṅghatthero hutvā jiṇṇe vihāre navakammāni karontova mahādukkhaṃ anubhavi, taṃ sandhāyāha.
баасасад̇зхийд̇и б̣ахуухи баасзхи. чамхийд̇и жад̇уусу баад̣̇зсу г̇ийвааяа гадибхааг̇з жаад̇и часу таанзсу. д̇уд̇д̇зхийд̇и д̣̇виган̣дагаахи д̣̇ийгхаладтийхи. баажанзхийд̇и рассабаажанзхи, ан̇гусагзхи ваа. алаггамаалийд̇и ахид̇ун̣д̣игзна ган̣тз баригкибид̇ваа табид̇ааяа алаггамаалааяа саманнааг̇ад̇о. д̇ибуган̣н̣абидтод̇и д̇ибубил̣анд̇ханзна бил̣анд̇хид̇абидтиган̣н̣о ган̣н̣абидто. ладтихад̇од̇и саббагийл̣аабанам̣ сигкаабаяамаано ладтияаа хад̇о худ̇ваа. саб̣б̣ам̣ д̇з гаамабхог̇ам̣ гхарааваасам̣ ад̇д̇анаа ад̇д̇анаа анубхууд̇ад̣̇угкан̃жа ж̇иг̇ужчанд̇аа д̇ат̇аа д̇ат̇аа сабат̇ам̣ гаронд̇аа звамаахам̣су.
Pāsasatehīti bahūhi pāsehi. Chamhīti catūsu pādesu gīvāya kaṭibhāge cāti chasu ṭhānesu. Tuttehīti dvikaṇṭakāhi dīghalaṭṭhīhi. Pācanehīti rassapācanehi, aṅkusakehi vā. Alakkamālīti ahituṇḍikena kaṇṭhe parikkhipitvā ṭhapitāya alakkamālāya samannāgato. Tipukaṇṇapiṭṭhoti tipupiḷandhanena piḷandhitapiṭṭhikaṇṇo kaṇṇapiṭṭho. Laṭṭhihatoti sappakīḷāpanaṃ sikkhāpayamāno laṭṭhiyā hato hutvā. Sabbaṃ te kāmabhogaṃ gharāvāsaṃ attanā attanā anubhūtadukkhañca jigucchantā tathā tathā sapathaṃ karontā evamāhaṃsu.
ат̇а б̣од̇хисад̇д̇о ‘‘саб̣б̣зхи имзхи сабат̇о гад̇о, маяааби гаад̇ум̣ ваддад̇ий’’д̇и сабат̇ам̣ гаронд̇о –
Atha bodhisatto ‘‘sabbehi imehi sapatho kato, mayāpi kātuṃ vaṭṭatī’’ti sapathaṃ karonto –
‘‘яо вз анадтам̣ва надтанд̇и жааха, гаамзва со лабхад̇ам̣ бхун̃ж̇ад̇ан̃жа;
‘‘Yo ve anaṭṭhaṃva naṭṭhanti cāha, kāmeva so labhataṃ bhuñjatañca;
аг̇аарамаж̇жхз маран̣ам̣ убзд̇у, яо ваа бхонд̇о сан̇гад̇и ган̃жи д̣̇зваа’’д̇и. (ж̇аа. 1.14.91) –
Agāramajjhe maraṇaṃ upetu, yo vā bhonto saṅkati kañci devā’’ti. (jā. 1.14.91) –
имам̣ г̇аат̇амааха.
Imaṃ gāthamāha.
д̇ад̇т̇а бхонд̇од̇и бхаванд̇о. сан̇гад̇ийд̇и аасан̇гад̇и. ган̃жийд̇и ан̃н̃ад̇арам̣.
Tattha bhontoti bhavanto. Saṅkatīti āsaṅkati. Kañcīti aññataraṃ.
ат̇а сагго ‘‘саб̣б̣збимз гаамзсу нирабзгкаа’’д̇и ж̇аанид̇ваа сам̣виг̇г̇амаанасо на имзсу гзнажиби бхисаани нийд̇аани, нааби д̇аяаа анадтам̣ надтанд̇и вуд̇д̇ам̣, абижа ахам̣ д̇умхз виймам̣сид̇угаамо анд̇арад̇хаабзсинд̇и д̣̇ассзнд̇о –
Atha sakko ‘‘sabbepime kāmesu nirapekkhā’’ti jānitvā saṃviggamānaso na imesu kenacipi bhisāni nītāni, nāpi tayā anaṭṭhaṃ naṭṭhanti vuttaṃ, apica ahaṃ tumhe vīmaṃsitukāmo antaradhāpesinti dassento –
‘‘виймам̣самаано исино бхисаани, д̇ийрз г̇ахзд̇ваана т̇алз нид̇хзсим̣;
‘‘Vīmaṃsamāno isino bhisāni, tīre gahetvāna thale nidhesiṃ;
суд̣̇д̇хаа абаабаа исаяо васанд̇и, зд̇аани д̇з б̣рахмажаарий бхисааний’’д̇и. (ж̇аа. 1.14.95) –
Suddhā apāpā isayo vasanti, etāni te brahmacārī bhisānī’’ti. (jā. 1.14.95) –
осаанаг̇аат̇амааха.
Osānagāthamāha.
д̇ам̣ суд̇ваа б̣од̇хисад̇д̇о –
Taṃ sutvā bodhisatto –
‘‘на д̇з надаа но бана гийл̣анзяяаа, на б̣анд̇хаваа но бана д̇з сахааяаа;
‘‘Na te naṭā no pana kīḷaneyyā, na bandhavā no pana te sahāyā;
гисмим̣ вубад̇т̇амбха сахассанзд̇д̇а, исийхи д̇вам̣ гийл̣аси д̣̇зварааж̇аа’’д̇и. (ж̇аа. 1.14.96) –
Kismiṃ vupatthambha sahassanetta, isīhi tvaṃ kīḷasi devarājā’’ti. (jā. 1.14.96) –
саггам̣ д̇аж̇ж̇зси.
Sakkaṃ tajjesi.
ат̇а нам̣ сагго –
Atha naṃ sakko –
‘‘аажарияо мзси бид̇аа жа маяхам̣, зсаа бад̇идтаа калид̇асса б̣рахмз;
‘‘Ācariyo mesi pitā ca mayhaṃ, esā patiṭṭhā khalitassa brahme;
згаабараад̇хам̣ кама бхуурибан̃н̃а, на бан̣д̣ид̇аа год̇хаб̣алаа бхаванд̇ий’’д̇и. (ж̇аа. 1.14.97) –
Ekāparādhaṃ khama bhūripañña, na paṇḍitā kodhabalā bhavantī’’ti. (jā. 1.14.97) –
камаабзси.
Khamāpesi.
махаасад̇д̇о саггасса д̣̇зваран̃н̃о камид̇ваа саяам̣ исиг̇ан̣ам̣ камаабзнд̇о –
Mahāsatto sakkassa devarañño khamitvā sayaṃ isigaṇaṃ khamāpento –
‘‘суваасид̇ам̣ исинам̣ згарад̇д̇ам̣, яам̣ ваасавам̣ бхууд̇абад̇ид̣̇д̣̇асаама;
‘‘Suvāsitaṃ isinaṃ ekarattaṃ, yaṃ vāsavaṃ bhūtapatiddasāma;
саб̣б̣зва бхонд̇о суманаа бхаванд̇у, яам̣ б̣раахман̣о бажжубаад̣̇ий бхисааний’’д̇и. (ж̇аа. 1.14.98) –
Sabbeva bhonto sumanā bhavantu, yaṃ brāhmaṇo paccupādī bhisānī’’ti. (jā. 1.14.98) –
ааха.
Āha.
д̇ад̇т̇а на д̇з надаад̇и, д̣̇зварааж̇а, маяам̣ д̇ава надаа ваа гийл̣ид̇аб̣б̣аяуд̇д̇агаа ваа на хома. нааби д̇ава н̃аад̇агаа, сахааяаа хассам̣ гаад̇аб̣б̣аа. ат̇а д̇вам̣ гисмим̣ вубад̇т̇амбхаад̇и гим̣ убад̇т̇амбхагам̣ гад̇ваа, гим̣ ниссааяа исийхи сад̣̇д̇хим̣ гийл̣асийд̇и ад̇т̇о. зсаа бад̇идтаад̇и зсаа д̇ава баад̣̇ажчааяаа аж̇ж̇а мама калид̇асса абараад̇хасса бад̇идтаа ход̇у. суваасид̇анд̇и ааяасманд̇аанам̣ исийнам̣ згарад̇д̇имби имасмим̣ аран̃н̃з васид̇ам̣ сувасид̇амзва. гим̣гааран̣аа? яам̣ ваасавам̣ бхууд̇абад̇им̣ ад̣̇д̣̇асаама. сажз хи маяам̣ наг̇арз авасимхаа, на имам̣ ад̣̇д̣̇асаама. бхонд̇од̇и бхаванд̇о. саб̣б̣зби суманаа бхаванд̇у д̇уссанд̇у, саггасса д̣̇зваран̃н̃о каманд̇у, гим̣гааран̣аа? яам̣ б̣раахман̣о бажжубаад̣̇ий бхисаани яасмаа д̇умхаагам̣ аажарияо бхисаани алабхийд̇и. сагго исиг̇ан̣ам̣ ванд̣̇ид̇ваа д̣̇звалогам̣ г̇ад̇о. исиг̇ан̣оби жхаанаабхин̃н̃ааяо ниб̣б̣ад̇д̇зд̇ваа б̣рахмалогуубаг̇о ахоси.
Tattha na te naṭāti, devarāja, mayaṃ tava naṭā vā kīḷitabbayuttakā vā na homa. Nāpi tava ñātakā, sahāyā hassaṃ kātabbā. Atha tvaṃ kismiṃ vupatthambhāti kiṃ upatthambhakaṃ katvā, kiṃ nissāya isīhi saddhiṃ kīḷasīti attho. Esā patiṭṭhāti esā tava pādacchāyā ajja mama khalitassa aparādhassa patiṭṭhā hotu. Suvāsitanti āyasmantānaṃ isīnaṃ ekarattimpi imasmiṃ araññe vasitaṃ suvasitameva. Kiṃkāraṇā? Yaṃ vāsavaṃ bhūtapatiṃ addasāma. Sace hi mayaṃ nagare avasimhā, na imaṃ addasāma. Bhontoti bhavanto. Sabbepi sumanā bhavantu tussantu, sakkassa devarañño khamantu, kiṃkāraṇā? Yaṃ brāhmaṇo paccupādī bhisāni yasmā tumhākaṃ ācariyo bhisāni alabhīti. Sakko isigaṇaṃ vanditvā devalokaṃ gato. Isigaṇopi jhānābhiññāyo nibbattetvā brahmalokūpago ahosi.
д̇ад̣̇аа убаган̃жанаад̣̇аяо ча бхаад̇аро саарибуд̇д̇амог̇г̇аллаанамахаагассабаануруд̣̇д̇хабун̣н̣ааананд̣̇ад̇т̇зраа, бхаг̇иний уббалаван̣н̣аа, д̣̇аасий куж̇ж̇уд̇д̇араа, д̣̇аасо жид̇д̇о г̇ахабад̇и, ругкад̣̇звад̇аа саад̇ааг̇иро, вааран̣о баалилзяяанааг̇о, ваанаро мад̇хуваасидто, сагго гаал̣уд̣̇ааяий, махааган̃жанад̇аабасо логанаат̇о.
Tadā upakañcanādayo cha bhātaro sāriputtamoggallānamahākassapaanuruddhapuṇṇaānandattherā, bhaginī uppalavaṇṇā, dāsī khujjuttarā, dāso citto gahapati, rukkhadevatā sātāgiro, vāraṇo pālileyyanāgo, vānaro madhuvāsiṭṭho, sakko kāḷudāyī, mahākañcanatāpaso lokanātho.
д̇асса ид̇хааби хздтаа вуд̇д̇анаязнзва д̣̇аса баарамияо нид̣̇д̇хаарзд̇аб̣б̣аа. д̇ат̇аа ажжанд̇амзва гаамзсу анабзгкад̇аад̣̇аяо г̇ун̣аанубхааваа вибхаавзд̇аб̣б̣аад̇и.
Tassa idhāpi heṭṭhā vuttanayeneva dasa pāramiyo niddhāretabbā. Tathā accantameva kāmesu anapekkhatādayo guṇānubhāvā vibhāvetabbāti.
бхисажарияааван̣н̣анаа нидтид̇аа.
Bhisacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 4. бхисажарияаа • 4. Bhisacariyā
