| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๕. ภิสทายกเตฺถรอปทานํ
5. Bhisadāyakattheraapadānaṃ
๒๙.
29.
‘‘เวสฺสภู นาม นาเมน, อิสีนํ ตติโย อหุ;
‘‘Vessabhū nāma nāmena, isīnaṃ tatiyo ahu;
กานนํ วนโมคยฺห, วิหาสิ ปุริสุตฺตโมฯ
Kānanaṃ vanamogayha, vihāsi purisuttamo.
๓๐.
30.
‘‘ภิสมุฬาลํ คณฺหิตฺวา, อคมํ พุทฺธสนฺติกํ;
‘‘Bhisamuḷālaṃ gaṇhitvā, agamaṃ buddhasantikaṃ;
ตญฺจ พุทฺธสฺส ปาทาสิํ, ปสโนฺน เสหิ ปาณิภิฯ
Tañca buddhassa pādāsiṃ, pasanno sehi pāṇibhi.
๓๑.
31.
‘‘กเรน จ ปรามโฎฺฐ, เวสฺสภูวรพุทฺธินา;
‘‘Karena ca parāmaṭṭho, vessabhūvarabuddhinā;
สุขาหํ นาภิชานามิ, สมํ เตน กุโตตฺตริํฯ
Sukhāhaṃ nābhijānāmi, samaṃ tena kutottariṃ.
๓๒.
32.
‘‘จริโม วตฺตเต มยฺหํ, ภวา สเพฺพ สมูหตา;
‘‘Carimo vattate mayhaṃ, bhavā sabbe samūhatā;
๓๓.
33.
‘‘เอกตฺติํเส อิโต กเปฺป, ยํ กมฺมมกริํ ตทา;
‘‘Ekattiṃse ito kappe, yaṃ kammamakariṃ tadā;
ทุคฺคติํ นาภิชานามิ, ภิสทานสฺสิทํ ผลํฯ
Duggatiṃ nābhijānāmi, bhisadānassidaṃ phalaṃ.
๓๔.
34.
‘‘สโมธานา จ ราชาโน, โสฬส มนุชาธิปา;
‘‘Samodhānā ca rājāno, soḷasa manujādhipā;
๓๕.
35.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ภิสทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā bhisadāyako thero imā gāthāyo abhāsitthāti.
ภิสทายกเตฺถรสฺสาปทานํ ปญฺจมํฯ
Bhisadāyakattherassāpadānaṃ pañcamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๕. ภิสทายกเตฺถรอปทานวณฺณนา • 5. Bhisadāyakattheraapadānavaṇṇanā
