| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. бхисад̣̇ааяагад̇т̇зраабад̣̇аанаван̣н̣анаа
5. Bhisadāyakattheraapadānavaṇṇanā
взссабхуу наама наамзнаад̇иаад̣̇игам̣ ааяасмад̇о бхисад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о взссабхусса бхаг̇авад̇о гаалз химаванд̇асмим̣ хад̇т̇ияонияам̣ ниб̣б̣ад̇д̇о д̇асмим̣ бадивасад̇и. д̇асмим̣ самаяз взссабхуу бхаг̇аваа вивзгагаамо химаванд̇амаг̇амааси. д̇ам̣ д̣̇исваа со хад̇т̇инааг̇о басаннамаанасо бхисамул̣аалам̣ г̇ахзд̇ваа бхаг̇аванд̇ам̣ бхож̇зси. со д̇зна бун̃н̃агаммзна хад̇т̇ияонид̇о жуд̇о д̣̇звалогз уббаж̇ж̇ид̇ваа д̇ад̇т̇а ча гаамааважарасамбад̇д̇ияо анубхавид̇ваа мануссад̇д̇амааг̇ад̇о мануссзсу жаггавад̇д̇исамбад̇д̇иаад̣̇аяо анубхавид̇ваа имасмим̣ б̣уд̣̇д̇хуббаад̣̇з махаабхог̇з ан̃н̃ад̇арасмим̣ гулз ниб̣б̣ад̇д̇о буб̣б̣аваасанааб̣алзна сад̇т̇ари басанно баб̣б̣аж̇ид̇ваа нажирассзва арахаа ахоси, со буб̣б̣з гад̇агусаланаамзна бхисад̣̇ааяагад̇т̇зрод̇и баагадо.
Vessabhūnāma nāmenātiādikaṃ āyasmato bhisadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vessabhussa bhagavato kāle himavantasmiṃ hatthiyoniyaṃ nibbatto tasmiṃ paṭivasati. Tasmiṃ samaye vessabhū bhagavā vivekakāmo himavantamagamāsi. Taṃ disvā so hatthināgo pasannamānaso bhisamuḷālaṃ gahetvā bhagavantaṃ bhojesi. So tena puññakammena hatthiyonito cuto devaloke uppajjitvā tattha cha kāmāvacarasampattiyo anubhavitvā manussattamāgato manussesu cakkavattisampattiādayo anubhavitvā imasmiṃ buddhuppāde mahābhoge aññatarasmiṃ kule nibbatto pubbavāsanābalena satthari pasanno pabbajitvā nacirasseva arahā ahosi, so pubbe katakusalanāmena bhisadāyakattheroti pākaṭo.
29. со ад̇д̇ано буб̣б̣агаммам̣ сарид̇ваа буб̣б̣ажарид̇аабад̣̇аанам̣ д̣̇ассзнд̇о взссабхуу наама наамзнаад̇иаад̣̇имааха. д̇ад̇т̇а взссабхууд̇и взссам̣ бхунаад̇и ад̇иггамад̇ийд̇и взссабхуу. ат̇а ваа взссз ваан̣иж̇агаммз ваа гаамарааг̇аад̣̇игз ваа гусалаад̣̇игаммз ваа вад̇т̇угаамагилзсагаамз ваа бхунаад̇и абхибхавад̇ийд̇и взссабхуу, со наамзна взссабхуу наама бхаг̇аваа. исийнам̣ д̇ад̇ияо ахууд̇и гусалад̇хаммз зсад̇и г̇авзсад̇ийд̇и иси, ‘‘вибассий, сикий, взссабхуу’’д̇и вуд̇д̇ад̇д̇аа д̇ад̇ияо иси д̇ад̇ияо бхаг̇аваа аху ахосийд̇и ад̇т̇о. гаананам̣ ванамог̇г̇аяхаад̇и гаананасан̇каад̇ам̣ ванам̣ ог̇аяха ог̇ахзд̇ваа баависийд̇и ад̇т̇о.
29. So attano pubbakammaṃ saritvā pubbacaritāpadānaṃ dassento vessabhū nāma nāmenātiādimāha. Tattha vessabhūti vessaṃ bhunāti atikkamatīti vessabhū. Atha vā vesse vāṇijakamme vā kāmarāgādike vā kusalādikamme vā vatthukāmakilesakāme vā bhunāti abhibhavatīti vessabhū, so nāmena vessabhū nāma bhagavā. Isīnaṃ tatiyo ahūti kusaladhamme esati gavesatīti isi, ‘‘vipassī, sikhī, vessabhū’’ti vuttattā tatiyo isi tatiyo bhagavā ahu ahosīti attho. Kānanaṃ vanamoggayhāti kānanasaṅkhātaṃ vanaṃ ogayha ogahetvā pāvisīti attho.
30. бхисамул̣аалам̣ г̇ан̣хид̇ваад̇и д̣̇вибад̣̇ажад̇уббад̣̇аанам̣ чаад̇агам̣ бхисад̇и хим̣сад̇и винаасзд̇ийд̇и бхисам̣, го со? бад̣̇умаганд̣̇о, бхисан̃жа мул̣аалан̃жа бхисамул̣аалам̣, д̇ам̣ бхисамул̣аалам̣ г̇ахзд̇ваад̇и ад̇т̇о.
30.Bhisamuḷālaṃ gaṇhitvāti dvipadacatuppadānaṃ chātakaṃ bhisati hiṃsati vināsetīti bhisaṃ, ko so? Padumakando, bhisañca muḷālañca bhisamuḷālaṃ, taṃ bhisamuḷālaṃ gahetvāti attho.
31. гарзна жа бараамадтод̇и д̇ам̣ маяаа д̣̇иннад̣̇аанам̣, взссабхуувараб̣уд̣̇д̇хинаа уд̇д̇амаб̣уд̣̇д̇хинаа взссабхунаа гарзна хад̇т̇ад̇алзна бараамадто гад̇асампассо ахоси. сукаахам̣ наабхиж̇аанаами, самам̣ д̇зна гуд̇од̇д̇аринд̇и д̇зна сукзна самам̣ сукам̣ наабхиж̇аанаами, д̇ад̇о уд̇д̇арим̣ д̇ад̇о барам̣ д̇ад̇о ад̇хигам̣ сукам̣ гуд̇од̇и ад̇т̇о. сзсам̣ наяаанусаарзна сувин̃н̃зяяанд̇и.
31.Karena ca parāmaṭṭhoti taṃ mayā dinnadānaṃ, vessabhūvarabuddhinā uttamabuddhinā vessabhunā karena hatthatalena parāmaṭṭho katasamphasso ahosi. Sukhāhaṃ nābhijānāmi, samaṃ tena kutottarinti tena sukhena samaṃ sukhaṃ nābhijānāmi, tato uttariṃ tato paraṃ tato adhikaṃ sukhaṃ kutoti attho. Sesaṃ nayānusārena suviññeyyanti.
бхисад̣̇ааяагад̇т̇зраабад̣̇аанаван̣н̣анаа самад̇д̇аа.
Bhisadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. бхисад̣̇ааяагад̇т̇зраабад̣̇аанам̣ • 5. Bhisadāyakattheraapadānaṃ
