| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๘๘. ภิสชาตกํ (๕)
488. Bhisajātakaṃ (5)
๗๘.
78.
อสฺสํ ควํ รชตํ ชาตรูปํ, ภริยญฺจ โส อิธ ลภตํ มนาปํ;
Assaṃ gavaṃ rajataṃ jātarūpaṃ, bhariyañca so idha labhataṃ manāpaṃ;
ปุเตฺตหิ ทาเรหิ สมงฺคิ โหตุ, ภิสานิ เต พฺราหฺมณ โย อหาสิฯ
Puttehi dārehi samaṅgi hotu, bhisāni te brāhmaṇa yo ahāsi.
๗๙.
79.
มาลญฺจ โส กาสิกจนฺทนญฺจ, ธาเรตุ ปุตฺตสฺส พหู ภวนฺตุ;
Mālañca so kāsikacandanañca, dhāretu puttassa bahū bhavantu;
กาเมสุ ติพฺพํ กุรุตํ อเปกฺขํ, ภิสานิ เต พฺราหฺมณ โย อหาสิฯ
Kāmesu tibbaṃ kurutaṃ apekkhaṃ, bhisāni te brāhmaṇa yo ahāsi.
๘๐.
80.
ปหูตธโญฺญ กสิมา ยสสฺสี, ปุเตฺต คิหี ธนิมา สพฺพกาเม;
Pahūtadhañño kasimā yasassī, putte gihī dhanimā sabbakāme;
วยํ อปสฺสํ ฆรมาวสาตุ, ภิสานิ เต พฺราหฺมณ โย อหาสิฯ
Vayaṃ apassaṃ gharamāvasātu, bhisāni te brāhmaṇa yo ahāsi.
๘๑.
81.
โส ขตฺติโย โหตุ ปสยฺหการี, ราชาภิราชา 1 พลวา ยสสฺสี;
So khattiyo hotu pasayhakārī, rājābhirājā 2 balavā yasassī;
ส จาตุรนฺตํ มหิมาวสาตุ, ภิสานิ เต พฺราหฺมณ โย อหาสิฯ
Sa cāturantaṃ mahimāvasātu, bhisāni te brāhmaṇa yo ahāsi.
๘๒.
82.
โส พฺราหฺมโณ โหตุ อวีตราโค, มุหุตฺตนกฺขตฺตปเถสุ ยุโตฺต;
So brāhmaṇo hotu avītarāgo, muhuttanakkhattapathesu yutto;
ปูเชตุ นํ รฎฺฐปตี ยสสฺสี, ภิสานิ เต พฺราหฺมณ โย อหาสิฯ
Pūjetu naṃ raṭṭhapatī yasassī, bhisāni te brāhmaṇa yo ahāsi.
๘๓.
83.
อชฺฌายกํ สพฺพสมนฺตเวทํ 3, ตปสฺสีนํ มญฺญตุ สพฺพโลโก;
Ajjhāyakaṃ sabbasamantavedaṃ 4, tapassīnaṃ maññatu sabbaloko;
ปูเชนฺตุ นํ ชานปทา สเมจฺจ, ภิสานิ เต พฺราหฺมณ โย อหาสิฯ
Pūjentu naṃ jānapadā samecca, bhisāni te brāhmaṇa yo ahāsi.
๘๔.
84.
จตุสฺสทํ คามวรํ สมิทฺธํ, ทินฺนญฺหิ โส ภุญฺชตุ วาสเวน;
Catussadaṃ gāmavaraṃ samiddhaṃ, dinnañhi so bhuñjatu vāsavena;
อวีตราโค มรณํ อุเปตุ, ภิสานิ เต พฺราหฺมณ โย อหาสิฯ
Avītarāgo maraṇaṃ upetu, bhisāni te brāhmaṇa yo ahāsi.
๘๕.
85.
โส คามณี โหตุ สหายมเชฺฌ, นเจฺจหิ คีเตหิ ปโมทมาโน;
So gāmaṇī hotu sahāyamajjhe, naccehi gītehi pamodamāno;
โส ราชโต พฺยสน มาลตฺถ 5 กิญฺจิ, ภิสานิ เต พฺราหฺมณ โย อหาสิฯ
So rājato byasana mālattha 6 kiñci, bhisāni te brāhmaṇa yo ahāsi.
๘๖.
86.
ยํ เอกราชา ปถวิํ วิเชตฺวา, อิตฺถีสหสฺสาน 7 ฐเปตุ อคฺคํ;
Yaṃ ekarājā pathaviṃ vijetvā, itthīsahassāna 8 ṭhapetu aggaṃ;
สีมนฺตินีนํ ปวรา ภวาตุ, ภิสานิ เต พฺราหฺมณ ยา อหาสิฯ
Sīmantinīnaṃ pavarā bhavātu, bhisāni te brāhmaṇa yā ahāsi.
๘๗.
87.
อิสีนญฺหิ สา สพฺพสมาคตานํ, ภุเญฺชยฺย สาทุํ อวิกมฺปมานา;
Isīnañhi sā sabbasamāgatānaṃ, bhuñjeyya sāduṃ avikampamānā;
จราตุ ลาเภน วิกตฺถมานา, ภิสานิ เต พฺราหฺมณ ยา อหาสิฯ
Carātu lābhena vikatthamānā, bhisāni te brāhmaṇa yā ahāsi.
๘๘.
88.
อาวาสิโก โหตุ มหาวิหาเร, นวกมฺมิโก โหตุ คชงฺคลายํ 9;
Āvāsiko hotu mahāvihāre, navakammiko hotu gajaṅgalāyaṃ 10;
อาโลกสนฺธิํ ทิวสํ 11 กโรตุ, ภิสานิ เต พฺราหฺมณ โย อหาสิฯ
Ālokasandhiṃ divasaṃ 12 karotu, bhisāni te brāhmaṇa yo ahāsi.
๘๙.
89.
ตุเตฺตหิ โส หญฺญตุ ปาจเนหิ, ภิสานิ เต พฺราหฺมณ โย อหาสิฯ
Tuttehi so haññatu pācanehi, bhisāni te brāhmaṇa yo ahāsi.
๙๐.
90.
อลกฺกมาลี ติปุกณฺณวิโทฺธ, ลฎฺฐีหโต สปฺปมุขํ อุเปตุ;
Alakkamālī tipukaṇṇaviddho, laṭṭhīhato sappamukhaṃ upetu;
สกจฺฉพโนฺธ 17 วิสิขํ จราตุ, ภิสานิ เต พฺราหฺมณ โย อหาสิฯ
Sakacchabandho 18 visikhaṃ carātu, bhisāni te brāhmaṇa yo ahāsi.
๙๑.
91.
อคารมเชฺฌ มรณํ อุเปตุ, โย วา โภโนฺต สงฺกติ กญฺจิเทว 23ฯ
Agāramajjhe maraṇaṃ upetu, yo vā bhonto saṅkati kañcideva 24.
๙๒.
92.
ยเทสมานา วิจรนฺติ โลเก, อิฎฺฐญฺจ กนฺตญฺจ พหูนเมตํ;
Yadesamānā vicaranti loke, iṭṭhañca kantañca bahūnametaṃ;
ปิยํ มนุญฺญํ จิธ ชีวโลเก, กสฺมา อิสโย นปฺปสํสนฺติ กาเมฯ
Piyaṃ manuññaṃ cidha jīvaloke, kasmā isayo nappasaṃsanti kāme.
๙๓.
93.
กาเมสุ เว หญฺญเร พชฺฌเร จ, กาเมสุ ทุกฺขญฺจ ภยญฺจ ชาตํ;
Kāmesu ve haññare bajjhare ca, kāmesu dukkhañca bhayañca jātaṃ;
กาเมสุ ภูตาธิปตี ปมตฺตา, ปาปานิ กมฺมานิ กโรนฺติ โมหาฯ
Kāmesu bhūtādhipatī pamattā, pāpāni kammāni karonti mohā.
๙๔.
94.
เต ปาปธมฺมา ปสเวตฺว ปาปํ, กายสฺส เภทา นิรยํ วชนฺติ;
Te pāpadhammā pasavetva pāpaṃ, kāyassa bhedā nirayaṃ vajanti;
อาทีนวํ กามคุเณสุ ทิสฺวา, ตสฺมา อิสโย นปฺปสํสนฺติ กาเมฯ
Ādīnavaṃ kāmaguṇesu disvā, tasmā isayo nappasaṃsanti kāme.
๙๕.
95.
วีมํสมาโน อิสิโน ภิสานิ, ตีเร คเหตฺวาน ถเล นิเธสิํ;
Vīmaṃsamāno isino bhisāni, tīre gahetvāna thale nidhesiṃ;
สุทฺธา อปาปา อิสโย วสนฺติ, เอตานิ เต พฺรหฺมจารี ภิสานิฯ
Suddhā apāpā isayo vasanti, etāni te brahmacārī bhisāni.
๙๖.
96.
น เต นฎา โน ปน กีฬเนยฺยา, น พนฺธวา โน ปน เต สหายา;
Na te naṭā no pana kīḷaneyyā, na bandhavā no pana te sahāyā;
กิสฺมิํ วุปตฺถมฺภ สหสฺสเนตฺต, อิสีหิ ตฺวํ กีฬสิ เทวราชฯ
Kismiṃ vupatthambha sahassanetta, isīhi tvaṃ kīḷasi devarāja.
๙๗.
97.
อาจริโย เมสิ ปิตา จ มยฺหํ, เอสา ปติฎฺฐา ขลิตสฺส พฺรเหฺม;
Ācariyo mesi pitā ca mayhaṃ, esā patiṭṭhā khalitassa brahme;
เอกาปราธํ ขม ภูริปญฺญ, น ปณฺฑิตา โกธพลา ภวนฺติฯ
Ekāparādhaṃ khama bhūripañña, na paṇḍitā kodhabalā bhavanti.
๙๘.
98.
สุวาสิตํ อิสินํ เอกรตฺตํ, ยํ วาสวํ ภูตปติทฺทสาม;
Suvāsitaṃ isinaṃ ekarattaṃ, yaṃ vāsavaṃ bhūtapatiddasāma;
สเพฺพว โภโนฺต สุมนา ภวนฺตุ, ยํ พฺราหฺมโณ ปจฺจุปาที ภิสานิฯ
Sabbeva bhonto sumanā bhavantu, yaṃ brāhmaṇo paccupādī bhisāni.
๙๙.
99.
อหญฺจ สาริปุโตฺต จ, โมคฺคลฺลาโน จ กสฺสโป;
Ahañca sāriputto ca, moggallāno ca kassapo;
อนุรุโทฺธ ปุโณฺณ อานโนฺท, ตทาสุํ สตฺต ภาตโรฯ
Anuruddho puṇṇo ānando, tadāsuṃ satta bhātaro.
๑๐๐.
100.
ภคินี อุปฺปลวณฺณา จ, ทาสี ขุชฺชุตฺตรา ตทา;
Bhaginī uppalavaṇṇā ca, dāsī khujjuttarā tadā;
จิโตฺต คหปติ ทาโส, ยโกฺข สาตาคิโร ตทาฯ
Citto gahapati dāso, yakkho sātāgiro tadā.
๑๐๑.
101.
กาฬุทายี ตทา สโกฺก, เอวํ ธาเรถ ชาตกนฺติฯ
Kāḷudāyī tadā sakko, evaṃ dhāretha jātakanti.
ภิสชาตกํ ปญฺจมํฯ
Bhisajātakaṃ pañcamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๘๘] ๕. ภิสชาตกวณฺณนา • [488] 5. Bhisajātakavaṇṇanā
