| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔. ภิสาลุวทายกเตฺถรอปทานํ
4. Bhisāluvadāyakattheraapadānaṃ
๑๓.
13.
‘‘กานนํ วนโมคยฺห, วสามิ วิปิเน อหํ;
‘‘Kānanaṃ vanamogayha, vasāmi vipine ahaṃ;
วิปสฺสิํ อทฺทสํ พุทฺธํ, อาหุตีนํ ปฎิคฺคหํฯ
Vipassiṃ addasaṃ buddhaṃ, āhutīnaṃ paṭiggahaṃ.
๑๔.
14.
‘‘ภิสาลุวญฺจ ปาทาสิํ, อุทกํ หตฺถโธวนํ;
‘‘Bhisāluvañca pādāsiṃ, udakaṃ hatthadhovanaṃ;
วนฺทิตฺวา สิรสา ปาเท, ปกฺกามิ อุตฺตรามุโขฯ
Vanditvā sirasā pāde, pakkāmi uttarāmukho.
๑๕.
15.
‘‘เอกนวุติโต กเปฺป, ภิสาลุวมทํ ตทา;
‘‘Ekanavutito kappe, bhisāluvamadaṃ tadā;
ทุคฺคติํ นาภิชานามิ, ปุญฺญกมฺมสฺสิทํ ผลํฯ
Duggatiṃ nābhijānāmi, puññakammassidaṃ phalaṃ.
๑๖.
16.
‘‘อิโต ตติยเก กเปฺป, ภิสสมฺมตขตฺติโย;
‘‘Ito tatiyake kappe, bhisasammatakhattiyo;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๑๗.
17.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ภิสาลุวทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā bhisāluvadāyako thero imā gāthāyo abhāsitthāti.
ภิสาลุวทายกเตฺถรสฺสาปทานํ จตุตฺถํฯ
Bhisāluvadāyakattherassāpadānaṃ catutthaṃ.
ฉฎฺฐภาณวารํฯ
Chaṭṭhabhāṇavāraṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๔. ภิสาลุวทายกเตฺถรอปทานวณฺณนา • 4. Bhisāluvadāyakattheraapadānavaṇṇanā
