| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೪. ಭಿಸಾಲುವದಾಯಕತ್ಥೇರಅಪದಾನಂ
4. Bhisāluvadāyakattheraapadānaṃ
೧೩.
13.
‘‘ಕಾನನಂ ವನಮೋಗಯ್ಹ, ವಸಾಮಿ ವಿಪಿನೇ ಅಹಂ।
‘‘Kānanaṃ vanamogayha, vasāmi vipine ahaṃ;
ವಿಪಸ್ಸಿಂ ಅದ್ದಸಂ ಬುದ್ಧಂ, ಆಹುತೀನಂ ಪಟಿಗ್ಗಹಂ॥
Vipassiṃ addasaṃ buddhaṃ, āhutīnaṃ paṭiggahaṃ.
೧೪.
14.
‘‘ಭಿಸಾಲುವಞ್ಚ ಪಾದಾಸಿಂ, ಉದಕಂ ಹತ್ಥಧೋವನಂ।
‘‘Bhisāluvañca pādāsiṃ, udakaṃ hatthadhovanaṃ;
ವನ್ದಿತ್ವಾ ಸಿರಸಾ ಪಾದೇ, ಪಕ್ಕಾಮಿ ಉತ್ತರಾಮುಖೋ॥
Vanditvā sirasā pāde, pakkāmi uttarāmukho.
೧೫.
15.
‘‘ಏಕನವುತಿತೋ ಕಪ್ಪೇ, ಭಿಸಾಲುವಮದಂ ತದಾ।
‘‘Ekanavutito kappe, bhisāluvamadaṃ tadā;
ದುಗ್ಗತಿಂ ನಾಭಿಜಾನಾಮಿ, ಪುಞ್ಞಕಮ್ಮಸ್ಸಿದಂ ಫಲಂ॥
Duggatiṃ nābhijānāmi, puññakammassidaṃ phalaṃ.
೧೬.
16.
‘‘ಇತೋ ತತಿಯಕೇ ಕಪ್ಪೇ, ಭಿಸಸಮ್ಮತಖತ್ತಿಯೋ।
‘‘Ito tatiyake kappe, bhisasammatakhattiyo;
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
Sattaratanasampanno, cakkavattī mahabbalo.
೧೭.
17.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಭಿಸಾಲುವದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā bhisāluvadāyako thero imā gāthāyo abhāsitthāti.
ಭಿಸಾಲುವದಾಯಕತ್ಥೇರಸ್ಸಾಪದಾನಂ ಚತುತ್ಥಂ।
Bhisāluvadāyakattherassāpadānaṃ catutthaṃ.
ಛಟ್ಠಭಾಣವಾರಂ।
Chaṭṭhabhāṇavāraṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೪. ಭಿಸಾಲುವದಾಯಕತ್ಥೇರಅಪದಾನವಣ್ಣನಾ • 4. Bhisāluvadāyakattheraapadānavaṇṇanā
