| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. භිසාලුවදායකත්‌ථෙරඅපදානං
4. Bhisāluvadāyakattheraapadānaṃ
13.
13.
‘‘කානනං වනමොගය්‌හ, වසාමි විපිනෙ අහං;
‘‘Kānanaṃ vanamogayha, vasāmi vipine ahaṃ;
විපස්‌සිං අද්‌දසං බුද්‌ධං, ආහුතීනං පටිග්‌ගහං.
Vipassiṃ addasaṃ buddhaṃ, āhutīnaṃ paṭiggahaṃ.
14.
14.
‘‘භිසාලුවඤ්‌ච පාදාසිං, උදකං හත්‌ථධොවනං;
‘‘Bhisāluvañca pādāsiṃ, udakaṃ hatthadhovanaṃ;
වන්‌දිත්‌වා සිරසා පාදෙ, පක්‌කාමි උත්‌තරාමුඛො.
Vanditvā sirasā pāde, pakkāmi uttarāmukho.
15.
15.
‘‘එකනවුතිතො කප්‌පෙ, භිසාලුවමදං තදා;
‘‘Ekanavutito kappe, bhisāluvamadaṃ tadā;
දුග්‌ගතිං නාභිජානාමි, පුඤ්‌ඤකම්‌මස්‌සිදං ඵලං.
Duggatiṃ nābhijānāmi, puññakammassidaṃ phalaṃ.
16.
16.
‘‘ඉතො තතියකෙ කප්‌පෙ, භිසසම්‌මතඛත්‌තියො;
‘‘Ito tatiyake kappe, bhisasammatakhattiyo;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
17.
17.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා භිසාලුවදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā bhisāluvadāyako thero imā gāthāyo abhāsitthāti.
භිසාලුවදායකත්‌ථෙරස්‌සාපදානං චතුත්‌ථං.
Bhisāluvadāyakattherassāpadānaṃ catutthaṃ.
ඡට්‌ඨභාණවාරං.
Chaṭṭhabhāṇavāraṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 4. භිසාලුවදායකත්‌ථෙරඅපදානවණ්‌ණනා • 4. Bhisāluvadāyakattheraapadānavaṇṇanā
