| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
4. பி⁴ஸாலுவதா³யகத்தே²ரஅபதா³னவண்ணனா
4. Bhisāluvadāyakattheraapadānavaṇṇanā
கானநங் வனமொக்³க³ய்ஹாதிஆதி³கங் ஆயஸ்மதோ பி⁴ஸாலுவதா³யகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ விபஸ்ஸிஸ்ஸ ப⁴க³வதோ காலே ஹிமவந்தஸ்ஸ ஸமீபே அரஞ்ஞாவாஸே வஸந்தோ வனமூலப²லாஹாரோ விவேகவஸேனாக³தங் விபஸ்ஸிங் ப⁴க³வந்தங் தி³ஸ்வா பஸன்னமானஸோ பஞ்சபி⁴ஸாலுவே அதா³ஸி. ப⁴க³வா தஸ்ஸ சித்தங் பஸாதே³துங் பஸ்ஸந்தஸ்ஸேவ பரிபு⁴ஞ்ஜி. ஸோ தேன சித்தப்பஸாதே³ன காலங் கத்வா துஸிதாதீ³ஸு ஸம்பத்திமனுப⁴வித்வா பச்சா² மனுஸ்ஸஸம்பத்திஞ்ச அனுப⁴வித்வா இமஸ்மிங் பு³த்³து⁴ப்பாதே³ ஏகஸ்மிங் குலகே³ஹே நிப்³ப³த்தோ விப⁴வஸம்பத்திங் பத்தோ தங் பஹாய ஸாஸனே பப்³ப³ஜிதோ நசிரஸ்ஸேவ அரஹத்தங் பாபுணி.
Kānanaṃvanamoggayhātiādikaṃ āyasmato bhisāluvadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle himavantassa samīpe araññāvāse vasanto vanamūlaphalāhāro vivekavasenāgataṃ vipassiṃ bhagavantaṃ disvā pasannamānaso pañcabhisāluve adāsi. Bhagavā tassa cittaṃ pasādetuṃ passantasseva paribhuñji. So tena cittappasādena kālaṃ katvā tusitādīsu sampattimanubhavitvā pacchā manussasampattiñca anubhavitvā imasmiṃ buddhuppāde ekasmiṃ kulagehe nibbatto vibhavasampattiṃ patto taṃ pahāya sāsane pabbajito nacirasseva arahattaṃ pāpuṇi.
13. ஸோ ததோ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ கானநங் வனமொக்³க³ய்ஹாதிஆதி³மாஹ. தங் ஹெட்டா² வுத்தத்த²மேவ. வஸாமி விபினே அஹந்தி விவேகவாஸோ அஹங் வஸாமீதி ஸம்ப³ந்தோ⁴. ஸேஸங் உத்தானத்த²மேவாதி.
13. So tato attano pubbakammaṃ saritvā somanassajāto pubbacaritāpadānaṃ pakāsento kānanaṃ vanamoggayhātiādimāha. Taṃ heṭṭhā vuttatthameva. Vasāmi vipine ahanti vivekavāso ahaṃ vasāmīti sambandho. Sesaṃ uttānatthamevāti.
பி⁴ஸாலுவதா³யகத்தே²ரஅபதா³னவண்ணனா ஸமத்தா.
Bhisāluvadāyakattheraapadānavaṇṇanā samattā.
ச²ட்ட²பா⁴ணவாரவண்ணனா நிட்டி²தா.
Chaṭṭhabhāṇavāravaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 4. பி⁴ஸாலுவதா³யகத்தே²ரஅபதா³னங் • 4. Bhisāluvadāyakattheraapadānaṃ
