| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೪. ಭಿಸಾಲುವದಾಯಕತ್ಥೇರಅಪದಾನವಣ್ಣನಾ
4. Bhisāluvadāyakattheraapadānavaṇṇanā
ಕಾನನಂ ವನಮೋಗ್ಗಯ್ಹಾತಿಆದಿಕಂ ಆಯಸ್ಮತೋ ಭಿಸಾಲುವದಾಯಕತ್ಥೇರಸ್ಸ ಅಪದಾನಂ। ಅಯಮ್ಪಿ ಪುರಿಮಬುದ್ಧೇಸು ಕತಾಧಿಕಾರೋ ತತ್ಥ ತತ್ಥ ಭವೇ ವಿವಟ್ಟೂಪನಿಸ್ಸಯಾನಿ ಪುಞ್ಞಾನಿ ಉಪಚಿನನ್ತೋ ವಿಪಸ್ಸಿಸ್ಸ ಭಗವತೋ ಕಾಲೇ ಹಿಮವನ್ತಸ್ಸ ಸಮೀಪೇ ಅರಞ್ಞಾವಾಸೇ ವಸನ್ತೋ ವನಮೂಲಫಲಾಹಾರೋ ವಿವೇಕವಸೇನಾಗತಂ ವಿಪಸ್ಸಿಂ ಭಗವನ್ತಂ ದಿಸ್ವಾ ಪಸನ್ನಮಾನಸೋ ಪಞ್ಚಭಿಸಾಲುವೇ ಅದಾಸಿ। ಭಗವಾ ತಸ್ಸ ಚಿತ್ತಂ ಪಸಾದೇತುಂ ಪಸ್ಸನ್ತಸ್ಸೇವ ಪರಿಭುಞ್ಜಿ। ಸೋ ತೇನ ಚಿತ್ತಪ್ಪಸಾದೇನ ಕಾಲಂ ಕತ್ವಾ ತುಸಿತಾದೀಸು ಸಮ್ಪತ್ತಿಮನುಭವಿತ್ವಾ ಪಚ್ಛಾ ಮನುಸ್ಸಸಮ್ಪತ್ತಿಞ್ಚ ಅನುಭವಿತ್ವಾ ಇಮಸ್ಮಿಂ ಬುದ್ಧುಪ್ಪಾದೇ ಏಕಸ್ಮಿಂ ಕುಲಗೇಹೇ ನಿಬ್ಬತ್ತೋ ವಿಭವಸಮ್ಪತ್ತಿಂ ಪತ್ತೋ ತಂ ಪಹಾಯ ಸಾಸನೇ ಪಬ್ಬಜಿತೋ ನಚಿರಸ್ಸೇವ ಅರಹತ್ತಂ ಪಾಪುಣಿ।
Kānanaṃvanamoggayhātiādikaṃ āyasmato bhisāluvadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle himavantassa samīpe araññāvāse vasanto vanamūlaphalāhāro vivekavasenāgataṃ vipassiṃ bhagavantaṃ disvā pasannamānaso pañcabhisāluve adāsi. Bhagavā tassa cittaṃ pasādetuṃ passantasseva paribhuñji. So tena cittappasādena kālaṃ katvā tusitādīsu sampattimanubhavitvā pacchā manussasampattiñca anubhavitvā imasmiṃ buddhuppāde ekasmiṃ kulagehe nibbatto vibhavasampattiṃ patto taṃ pahāya sāsane pabbajito nacirasseva arahattaṃ pāpuṇi.
೧೩. ಸೋ ತತೋ ಅತ್ತನೋ ಪುಬ್ಬಕಮ್ಮಂ ಸರಿತ್ವಾ ಸೋಮನಸ್ಸಜಾತೋ ಪುಬ್ಬಚರಿತಾಪದಾನಂ ಪಕಾಸೇನ್ತೋ ಕಾನನಂ ವನಮೋಗ್ಗಯ್ಹಾತಿಆದಿಮಾಹ। ತಂ ಹೇಟ್ಠಾ ವುತ್ತತ್ಥಮೇವ। ವಸಾಮಿ ವಿಪಿನೇ ಅಹನ್ತಿ ವಿವೇಕವಾಸೋ ಅಹಂ ವಸಾಮೀತಿ ಸಮ್ಬನ್ಧೋ। ಸೇಸಂ ಉತ್ತಾನತ್ಥಮೇವಾತಿ।
13. So tato attano pubbakammaṃ saritvā somanassajāto pubbacaritāpadānaṃ pakāsento kānanaṃ vanamoggayhātiādimāha. Taṃ heṭṭhā vuttatthameva. Vasāmi vipine ahanti vivekavāso ahaṃ vasāmīti sambandho. Sesaṃ uttānatthamevāti.
ಭಿಸಾಲುವದಾಯಕತ್ಥೇರಅಪದಾನವಣ್ಣನಾ ಸಮತ್ತಾ।
Bhisāluvadāyakattheraapadānavaṇṇanā samattā.
ಛಟ್ಠಭಾಣವಾರವಣ್ಣನಾ ನಿಟ್ಠಿತಾ।
Chaṭṭhabhāṇavāravaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi / ೪. ಭಿಸಾಲುವದಾಯಕತ್ಥೇರಅಪದಾನಂ • 4. Bhisāluvadāyakattheraapadānaṃ
