| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
4. භිසාලුවදායකත්‌ථෙරඅපදානවණ්‌ණනා
4. Bhisāluvadāyakattheraapadānavaṇṇanā
කානනං වනමොග්‌ගය්‌හාතිආදිකං ආයස්‌මතො භිසාලුවදායකත්‌ථෙරස්‌ස අපදානං. අයම්‌පි පුරිමබුද්‌ධෙසු කතාධිකාරො තත්‌ථ තත්‌ථ භවෙ විවට්‌ටූපනිස්‌සයානි පුඤ්‌ඤානි උපචිනන්‌තො විපස්‌සිස්‌ස භගවතො කාලෙ හිමවන්‌තස්‌ස සමීපෙ අරඤ්‌ඤාවාසෙ වසන්‌තො වනමූලඵලාහාරො විවෙකවසෙනාගතං විපස්‌සිං භගවන්‌තං දිස්‌වා පසන්‌නමානසො පඤ්‌චභිසාලුවෙ අදාසි. භගවා තස්‌ස චිත්‌තං පසාදෙතුං පස්‌සන්‌තස්‌සෙව පරිභුඤ්‌ජි. සො තෙන චිත්‌තප්‌පසාදෙන කාලං කත්‌වා තුසිතාදීසු සම්‌පත්‌තිමනුභවිත්‌වා පච්‌ඡා මනුස්‌සසම්‌පත්‌තිඤ්‌ච අනුභවිත්‌වා ඉමස්‌මිං බුද්‌ධුප්‌පාදෙ එකස්‌මිං කුලගෙහෙ නිබ්‌බත්‌තො විභවසම්‌පත්‌තිං පත්‌තො තං පහාය සාසනෙ පබ්‌බජිතො නචිරස්‌සෙව අරහත්‌තං පාපුණි.
Kānanaṃvanamoggayhātiādikaṃ āyasmato bhisāluvadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle himavantassa samīpe araññāvāse vasanto vanamūlaphalāhāro vivekavasenāgataṃ vipassiṃ bhagavantaṃ disvā pasannamānaso pañcabhisāluve adāsi. Bhagavā tassa cittaṃ pasādetuṃ passantasseva paribhuñji. So tena cittappasādena kālaṃ katvā tusitādīsu sampattimanubhavitvā pacchā manussasampattiñca anubhavitvā imasmiṃ buddhuppāde ekasmiṃ kulagehe nibbatto vibhavasampattiṃ patto taṃ pahāya sāsane pabbajito nacirasseva arahattaṃ pāpuṇi.
13. සො තතො අත්‌තනො පුබ්‌බකම්‌මං සරිත්‌වා සොමනස්‌සජාතො පුබ්‌බචරිතාපදානං පකාසෙන්‌තො කානනං වනමොග්‌ගය්‌හාතිආදිමාහ. තං හෙට්‌ඨා වුත්‌තත්‌ථමෙව. වසාමි විපිනෙ අහන්‌ති විවෙකවාසො අහං වසාමීති සම්‌බන්‌ධො. සෙසං උත්‌තානත්‌ථමෙවාති.
13. So tato attano pubbakammaṃ saritvā somanassajāto pubbacaritāpadānaṃ pakāsento kānanaṃ vanamoggayhātiādimāha. Taṃ heṭṭhā vuttatthameva. Vasāmi vipine ahanti vivekavāso ahaṃ vasāmīti sambandho. Sesaṃ uttānatthamevāti.
භිසාලුවදායකත්‌ථෙරඅපදානවණ්‌ණනා සමත්‌තා.
Bhisāluvadāyakattheraapadānavaṇṇanā samattā.
ඡට්‌ඨභාණවාරවණ්‌ණනා නිට්‌ඨිතා.
Chaṭṭhabhāṇavāravaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 4. භිසාලුවදායකත්‌ථෙරඅපදානං • 4. Bhisāluvadāyakattheraapadānaṃ
