| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪. ਭਿਸਾਲੁવਦਾਯਕਤ੍ਥੇਰਅਪਦਾਨવਣ੍ਣਨਾ
4. Bhisāluvadāyakattheraapadānavaṇṇanā
ਕਾਨਨਂ વਨਮੋਗ੍ਗਯ੍ਹਾਤਿਆਦਿਕਂ ਆਯਸ੍ਮਤੋ ਭਿਸਾਲੁવਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਹਿਮવਨ੍ਤਸ੍ਸ ਸਮੀਪੇ ਅਰਞ੍ਞਾવਾਸੇ વਸਨ੍ਤੋ વਨਮੂਲਫਲਾਹਾਰੋ વਿવੇਕવਸੇਨਾਗਤਂ વਿਪਸ੍ਸਿਂ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਪਞ੍ਚਭਿਸਾਲੁવੇ ਅਦਾਸਿ। ਭਗવਾ ਤਸ੍ਸ ਚਿਤ੍ਤਂ ਪਸਾਦੇਤੁਂ ਪਸ੍ਸਨ੍ਤਸ੍ਸੇવ ਪਰਿਭੁਞ੍ਜਿ। ਸੋ ਤੇਨ ਚਿਤ੍ਤਪ੍ਪਸਾਦੇਨ ਕਾਲਂ ਕਤ੍વਾ ਤੁਸਿਤਾਦੀਸੁ ਸਮ੍ਪਤ੍ਤਿਮਨੁਭવਿਤ੍વਾ ਪਚ੍ਛਾ ਮਨੁਸ੍ਸਸਮ੍ਪਤ੍ਤਿਞ੍ਚ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਭવਸਮ੍ਪਤ੍ਤਿਂ ਪਤ੍ਤੋ ਤਂ ਪਹਾਯ ਸਾਸਨੇ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਤ੍ਤਂ ਪਾਪੁਣਿ।
Kānanaṃvanamoggayhātiādikaṃ āyasmato bhisāluvadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle himavantassa samīpe araññāvāse vasanto vanamūlaphalāhāro vivekavasenāgataṃ vipassiṃ bhagavantaṃ disvā pasannamānaso pañcabhisāluve adāsi. Bhagavā tassa cittaṃ pasādetuṃ passantasseva paribhuñji. So tena cittappasādena kālaṃ katvā tusitādīsu sampattimanubhavitvā pacchā manussasampattiñca anubhavitvā imasmiṃ buddhuppāde ekasmiṃ kulagehe nibbatto vibhavasampattiṃ patto taṃ pahāya sāsane pabbajito nacirasseva arahattaṃ pāpuṇi.
੧੩. ਸੋ ਤਤੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਕਾਨਨਂ વਨਮੋਗ੍ਗਯ੍ਹਾਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਤ੍ਥਮੇવ। વਸਾਮਿ વਿਪਿਨੇ ਅਹਨ੍ਤਿ વਿવੇਕવਾਸੋ ਅਹਂ વਸਾਮੀਤਿ ਸਮ੍ਬਨ੍ਧੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
13. So tato attano pubbakammaṃ saritvā somanassajāto pubbacaritāpadānaṃ pakāsento kānanaṃ vanamoggayhātiādimāha. Taṃ heṭṭhā vuttatthameva. Vasāmi vipine ahanti vivekavāso ahaṃ vasāmīti sambandho. Sesaṃ uttānatthamevāti.
ਭਿਸਾਲੁવਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Bhisāluvadāyakattheraapadānavaṇṇanā samattā.
ਛਟ੍ਠਭਾਣવਾਰવਣ੍ਣਨਾ ਨਿਟ੍ਠਿਤਾ।
Chaṭṭhabhāṇavāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੪. ਭਿਸਾਲੁવਦਾਯਕਤ੍ਥੇਰਅਪਦਾਨਂ • 4. Bhisāluvadāyakattheraapadānaṃ
