| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. бхийд̇аасуд̇д̇аван̣н̣анаа
5. Bhītāsuttavaṇṇanā
75. бан̃жамз гим̣сууд̇ха бхийд̇аад̇и гим̣ бхийд̇аа? маг̇г̇о жанзгааяад̇анаббавуд̇д̇од̇и адтад̇им̣саарамман̣авасзна анзгзхи гааран̣зхи гат̇ид̇о. звам̣ санд̇з гисса бхийд̇аа худ̇ваа аяам̣ ж̇анад̇аа д̣̇ваасадти д̣̇идтияо аг̇г̇ахзсийд̇и вад̣̇ад̇и. бхуурибан̃н̃аад̇и б̣ахубан̃н̃а уссаннабан̃н̃а. баралогам̣ на бхааязд̇и имасмаа логаа барам̣ логам̣ г̇ажчанд̇о на бхааязяяа. бан̣ид̇хааяаад̇и табзд̇ваа. б̣ахваннабаанам̣ гхарамаавасанд̇од̇и анаат̇абин̣д̣игаад̣̇аяо вияа б̣ахваннабаанз гхарз васанд̇о. сам̣вибхааг̇ийд̇и ажчарааяа г̇ахид̇амби накзна паалзд̇ваа барасса д̣̇ад̇ваава бхун̃ж̇анасийло. вад̣̇ан̃н̃ууд̇и вуд̇д̇ад̇т̇амзва.
75. Pañcame kiṃsūdha bhītāti kiṃ bhītā? Maggo canekāyatanappavuttoti aṭṭhatiṃsārammaṇavasena anekehi kāraṇehi kathito. Evaṃ sante kissa bhītā hutvā ayaṃ janatā dvāsaṭṭhi diṭṭhiyo aggahesīti vadati. Bhūripaññāti bahupañña ussannapañña. Paralokaṃ na bhāyeti imasmā lokā paraṃ lokaṃ gacchanto na bhāyeyya. Paṇidhāyāti ṭhapetvā. Bahvannapānaṃ gharamāvasantoti anāthapiṇḍikādayo viya bahvannapāne ghare vasanto. Saṃvibhāgīti accharāya gahitampi nakhena phāletvā parassa datvāva bhuñjanasīlo. Vadaññūti vuttatthameva.
ид̣̇аани г̇аат̇ааяа ан̇г̇аани уд̣̇д̇харид̇ваа д̣̇ассзд̇аб̣б̣аани – ‘‘ваажа’’нд̇и хи иминаа жад̇д̇аари важийсужарид̇аани г̇ахид̇аани, ‘‘манзнаа’’д̇ибад̣̇зна д̇ийн̣и маносужарид̇аани, ‘‘гааязнаа’’д̇и бад̣̇зна д̇ийн̣и гааяасужарид̇аани. ид̇и имз д̣̇аса гусалагаммабат̇аа буб̣б̣асуд̣̇д̇хиан̇г̇ам̣ наама. б̣ахваннабаанам̣ гхарамаавасанд̇од̇и иминаа яан̃н̃аубагкаро г̇ахид̇о. сад̣̇д̇ход̇и згаман̇г̇ам̣, муд̣̇ууд̇и згам̣, сам̣вибхааг̇ийд̇и згам̣, вад̣̇ан̃н̃ууд̇и згам̣. ид̇и имаани жад̇д̇аари ан̇г̇аани санд̇хааяа ‘‘зд̇зсу д̇хаммзсу тид̇о жад̇уусуу’’д̇и ааха.
Idāni gāthāya aṅgāni uddharitvā dassetabbāni – ‘‘vāca’’nti hi iminā cattāri vacīsucaritāni gahitāni, ‘‘manenā’’tipadena tīṇi manosucaritāni, ‘‘kāyenā’’ti padena tīṇi kāyasucaritāni. Iti ime dasa kusalakammapathā pubbasuddhiaṅgaṃ nāma. Bahvannapānaṃ gharamāvasantoti iminā yaññaupakkharo gahito. Saddhoti ekamaṅgaṃ, mudūti ekaṃ, saṃvibhāgīti ekaṃ, vadaññūti ekaṃ. Iti imāni cattāri aṅgāni sandhāya ‘‘etesu dhammesu ṭhito catūsū’’ti āha.
абароби барияааяо – ваажанд̇иаад̣̇ийни д̇ийн̣и ан̇г̇аани, б̣ахваннабаананд̇и иминаа яан̃н̃аубагкарова г̇ахид̇о, сад̣̇д̇хо муд̣̇уу сам̣вибхааг̇ий вад̣̇ан̃н̃ууд̇и згам̣ ан̇г̇ам̣. абаро д̣̇уганаяо наама ход̇и. ‘‘ваажам̣ манан̃жаа’’д̇и ид̣̇амзгам̣ ан̇г̇ам̣, ‘‘гааязна баабаани агуб̣б̣амаано, б̣ахваннабаанам̣ гхарамаавасанд̇о’’д̇и згам̣, ‘‘сад̣̇д̇хо муд̣̇уу’’д̇и згам̣, ‘‘сам̣вибхааг̇ий вад̣̇ан̃н̃уу’’д̇и згам̣. зд̇зсу жад̇уусу д̇хаммзсу тид̇о д̇хаммз тид̇о наама ход̇и. со ид̇о баралогам̣ г̇ажчанд̇о на бхааяад̇и. бан̃жамам̣.
Aparopi pariyāyo – vācantiādīni tīṇi aṅgāni, bahvannapānanti iminā yaññaupakkharova gahito, saddho mudū saṃvibhāgī vadaññūti ekaṃ aṅgaṃ. Aparo dukanayo nāma hoti. ‘‘Vācaṃ manañcā’’ti idamekaṃ aṅgaṃ, ‘‘kāyena pāpāni akubbamāno, bahvannapānaṃ gharamāvasanto’’ti ekaṃ, ‘‘saddho mudū’’ti ekaṃ, ‘‘saṃvibhāgī vadaññū’’ti ekaṃ. Etesu catūsu dhammesu ṭhito dhamme ṭhito nāma hoti. So ito paralokaṃ gacchanto na bhāyati. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. бхийд̇аасуд̇д̇ам̣ • 5. Bhītāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. бхийд̇аасуд̇д̇аван̣н̣анаа • 5. Bhītāsuttavaṇṇanā
