| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. бхийд̇аасуд̇д̇аван̣н̣анаа
5. Bhītāsuttavaṇṇanā
75. гим̣ сууд̇ха бхийд̇аад̇и зд̇т̇а су-ид̇хаад̇и нибаад̇амад̇д̇анд̇и ааха ‘‘гим̣ бхийд̇аа’’д̇и? маг̇г̇о жа нзгааяад̇анаббавуд̇д̇од̇и анзгагааран̣ам̣ наанаавид̇хаад̇хиг̇амогаасам̣ гад̇ваа бавуд̇д̇о гат̇ид̇о. д̇знааха ‘‘адтад̇им̣саарамман̣авасзнаа’’д̇иаад̣̇и. звам̣ санд̇зд̇и звам̣ саб̣б̣асаад̇хааран̣аанзгааяад̇анзхи ниб̣б̣аанаг̇аамимаг̇г̇асса д̇умхзхи бавзд̣̇ид̇ад̇д̇аа лаб̣бхамаанз кзмз маг̇г̇з гим̣ бхийд̇ааяам̣ ж̇анад̇аа уббат̇абхууд̇аа вибарийд̇ад̣̇идтид̇о г̇ан̣хийд̇и ад̇т̇о? звам̣ д̣̇звад̇аа яат̇ижчааяа буримад̣̇д̇хзна ад̇д̇анаа яат̇аажинд̇ид̇амад̇т̇ам̣ сад̇т̇у бавзд̣̇ид̇аа, бажчимад̣̇д̇хзна ад̇д̇ано сам̣саяам̣ бужчад̇и. б̣ахубан̃н̃аад̇и бут̇убан̃н̃а. уссаннабан̃н̃аад̇и ад̇хигабан̃н̃аа. табзд̇ваад̇и сам̣яамзд̇ваа. сам̣вибхааг̇ийд̇и аахаарабарибхог̇з саммад̣̇зва вибхаж̇анасийло. д̇знааха ‘‘ажчарааяаа’’д̇иаад̣̇и. вуд̇д̇ад̇т̇амзва хздтаа.
75.Kiṃ sūdha bhītāti ettha su-idhāti nipātamattanti āha ‘‘kiṃ bhītā’’ti? Maggo ca nekāyatanappavuttoti anekakāraṇaṃ nānāvidhādhigamokāsaṃ katvā pavutto kathito. Tenāha ‘‘aṭṭhatiṃsārammaṇavasenā’’tiādi. Evaṃ santeti evaṃ sabbasādhāraṇānekāyatanehi nibbānagāmimaggassa tumhehi paveditattā labbhamāne kheme magge kiṃ bhītāyaṃ janatā uppathabhūtā viparītadiṭṭhito gaṇhīti attho? Evaṃ devatā yathicchāya purimaddhena attanā yathācintitamatthaṃ satthu paveditā, pacchimaddhena attano saṃsayaṃ pucchati. Bahupaññāti puthupañña. Ussannapaññāti adhikapaññā. Ṭhapetvāti saṃyametvā. Saṃvibhāgīti āhāraparibhoge sammadeva vibhajanasīlo. Tenāha ‘‘accharāyā’’tiādi. Vuttatthameva heṭṭhā.
манзнаад̇и маног̇ахан̣зна. буб̣б̣асуд̣̇д̇хиан̇г̇анд̇и буб̣б̣абхааг̇асуд̣̇д̇хибхууд̇ам̣ ан̇г̇ам̣. жад̇уусууд̇и вуд̇д̇аан̇г̇абарияаабаннам̣. яан̃н̃аубагкарод̇и д̣̇аанасса саад̇ханам̣. зд̇зсу д̇хаммзсууд̇и зд̇зсу сад̣̇д̇хаад̣̇иг̇ун̣зсу. яат̇аа хи сад̣̇д̇хо бажжаяам̣ бажжубадтабзд̇ваа вад̇т̇убарижжааг̇асса висзсабажжаяо гаммапаласса баралогасса жа бажжагкад̇о вияа бад̇д̇ияааяанад̇о, звам̣ муд̣̇ухад̣̇аяо. муд̣̇ухад̣̇аяо хи ануд̣̇аяам̣ бад̇ваа яам̣ гин̃жи ад̇д̇ано санд̇агам̣ барзсам̣ д̣̇зд̇и. яо жа сам̣вибхааг̇асийло, со аббагасмимби ад̇д̇ано санд̇агз барзхи саад̇хааран̣абхог̇ий ход̇и. вад̣̇ан̃н̃уу вад̣̇аанияад̇ааяа яааг̇инова яуд̇д̇ам̣ яуд̇д̇агаалам̣ н̃ад̇ваа ад̇т̇игаанам̣ манорат̇ам̣ буурзд̇ийд̇и вуд̇д̇ам̣ ‘‘ид̇и…бз… жад̇уусууд̇и аахаа’’д̇и.
Manenāti manogahaṇena. Pubbasuddhiaṅganti pubbabhāgasuddhibhūtaṃ aṅgaṃ. Catūsūti vuttaaṅgapariyāpannaṃ. Yaññaupakkharoti dānassa sādhanaṃ. Etesu dhammesūti etesu saddhādiguṇesu. Yathā hi saddho paccayaṃ paccupaṭṭhapetvā vatthupariccāgassa visesapaccayo kammaphalassa paralokassa ca paccakkhato viya pattiyāyanato, evaṃ muduhadayo. Muduhadayo hi anudayaṃ patvā yaṃ kiñci attano santakaṃ paresaṃ deti. Yo ca saṃvibhāgasīlo, so appakasmimpi attano santake parehi sādhāraṇabhogī hoti. Vadaññū vadāniyatāya yāginova yuttaṃ yuttakālaṃ ñatvā atthikānaṃ manorathaṃ pūretīti vuttaṃ ‘‘iti…pe… catūsūti āhā’’ti.
ваажанд̇иаад̣̇ийни д̇ийн̣и ан̇г̇аани д̇ивид̇хасийласамбад̇д̇ид̣̇ийбанад̇о. самбаннасийло хи баралогам̣ на бхаасзяяа. сад̣̇д̇хо згам̣ ан̇г̇ам̣ баяог̇аасаяасуд̣̇д̇хид̣̇ийбанад̇о. суд̣̇д̇хаасаяасса саммаабаяог̇з тид̇асса гат̇ам̣ баралогад̇о бхаяанд̇и. д̣̇угавасзна жад̇уран̇г̇аяож̇анаа д̣̇уганаяо. зд̇зсу жад̇уусу д̇хаммзсу тид̇од̇и зд̇зсу яат̇аавуд̇д̇ад̣̇угасан̇г̇ахзсу жад̇уусу г̇ун̣зсу бад̇идтид̇о.
Vācantiādīni tīṇi aṅgāni tividhasīlasampattidīpanato. Sampannasīlo hi paralokaṃ na bhāseyya. Saddho ekaṃ aṅgaṃ payogāsayasuddhidīpanato. Suddhāsayassa sammāpayoge ṭhitassa kathaṃ paralokato bhayanti. Dukavasena caturaṅgayojanā dukanayo. Etesu catūsu dhammesu ṭhitoti etesu yathāvuttadukasaṅgahesu catūsu guṇesu patiṭṭhito.
бхийд̇аасуд̇д̇аван̣н̣анаа нидтид̇аа.
Bhītāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. бхийд̇аасуд̇д̇ам̣ • 5. Bhītāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. бхийд̇аасуд̇д̇аван̣н̣анаа • 5. Bhītāsuttavaṇṇanā
